Download the PDF (4.9MB) - Te Puni Kokiri

ROHE
TÄMAKI MAKAURAU:
NGÄ POU O MATARIKI
Ki Te Raki Paewhenua ka tü ko tëtahi ahurei whakanui
i a Matariki ki te marae o Awataha. E toru ngä poupou whakairo
i huraina i te atapö ki te whakanui i a Matariki. He mea whakairo
ngä poupou e te hapori Mäori i raro i ngä kupu tohutohu a Anthony
Wilson. Ko te poupou tuatahi ko te rangatira o te waka o Tainui a
Hoturoa, ko te poupou tuarua ko te tohunga o te waka o Te Arawa
a Ngatoroirangi, ko te poupou tuatoru ko te tohunga o te waka o
Mataatua a Te Tahinga o Te Rangi
WAIKATO:
TOI WHAKAMAU
Ko ngä mahi toi te kaikawe i ngä mahi whakanui i a
Matariki ki te rohe o Waikato. Ko ngä moni katoa i
kohia, i tukuna ki te tautoko i ngä mahi a Te Whakaruruhau Mäori
Women’s Refuge. Rahi ake i te rua rau ngä tängata i ikapahi atu ki
Meteor Theatre i Kirikiriroa ki te whakanui i ngä mahi a ngä pukenga
toi. E toru ngä wähanga o te whakataetae Toi Whakamau ko te
Kaka-aku, te Hangarua me te Matariki Tümatarau. I whakawhiwhia
ngä hönore nui o te pö ki tëtahi kaka i rarangahia ki te harakeke, ko
Tui. He mea tautoko te pö e Te Puni Kökiri.
TE TAI TOKERAU:
TE RANGI ÄNIWANIWA
Ko te whakarauoratanga o ngä waiata tawhito me
ngä waiata hïtori nö te raki o Te Taitokerau hei rauemi
reo Mäori te kaupapa matua o ngä whakanui i a Matariki. Nä Te
Rünanga o Te Rarawa me te tautoko a Te Puni Kökiri i hangaia mai ai
e ngä äkonga o Te Rangi Äniwaniwa he köpae püoro o ngä waiata a
te rohe. I äta whiriwhiria e ngä äkonga ngä kaiwaiata. Ko te tömina
nui, ka noho te köpae nei hei rauemi, hei akoako i ngä hïtori me ngä
mätauranga mä te iwi whänui. Kotahi mano ngä köpae i whakaterea.
38
TE PUNI KÖKIRI | KÖKIRI | HERETURIKÖKÄ – MAHURU 2008