orodha ya shughuli za leo mkutano wa tisa kikao cha sita 6 ...

JAMHURI YA MUUNGANO WA TANZANIA
BUNGE LA TANZANIA
ORODHA YA SHUGHULI ZA LEO
MKUTANO WA TISA
KIKAO CHA SITA
6 NOVEMBA, 2012

ORODHA YA SHUGHULI ZA LEO
________________
MKUTANO WA TISA
KIKAO CHA SITA – TAREHE 6 NOVEMBA, 2012
I. MASWALI:
OFISI YA WAZIRI MKUU:
67. MHESHIMIWA GOSBERT BEGUMISA BLANDES
(KARAGWE):
Atamuuliza Mheshimiwa Waziri Mkuu:- Mji mdogo wa
Omurushaka Wilayani Karagwe unapata maji kwa
asilimia 0 (0%), na Halmashauri ya Wilaya Karagwe
haina uwezo wa kupeleka huduma ya maji kwenye mji
huo kwa sababu kiasi cha shilingi Bilioni moja na nusu
zinazotakiwa kupeleka maji kwenye mji huo haziwezi
kupatikana toka kwenye Halmashauri:-
Je, Serikali iko tayari kwa upendeleo na huruma
maalum kutenga fedha za dharura za kuwapatia maji
wananchi wa Omurushaka na vitongoji vya
Nyakahanga, Bugene na Kishao.
2

68. MHESHIMIWA HALIMA JAMES MDEE
(KAWE):
Atamuuliza Mheshimiwa Waziri Mkuu:- Shule za
umma zinakabiliwa na changamoto nyingi ikiwa
ni pamoja na upungufu wa walimu, madawati,
vitabu, vifaa vya TEHAMA na Maabara:-
Je, Serikali ina mikakati gani mahsusi ya muda
mfupi na mrefu kukabiliana na changamoto hizo.
WIZARA YA UCHUKUZI:
69. MHESHIMIWA JOYCE JOHN MUKYA
(VITI MAALUM):
Atamuuliza Mheshimiwa Waziri wa Uchukuzi:
Mwezi Agosti, 2012 Serikali ilitangaza kuzuia
utaratibu wa abiria kuchimba dawa njiani wakati
wanaposafiri na mabasi ya abiria:-
(a) Je, ni sheria gani ilitumika kutoa tamko hilo;
(b) Je, Serikali imeweka miundombinu gani
mbadala kuwezesha huduma hiyo muhimu
kwa wasafiri;
3

(c) Je, Serikali haioni kuwa, inawanyima haki ya
msingi baadhi ya abiria ambao kutokana na
maradhi ya Kisukari, homa za matumbo na
wajawazito hulazimika kupata huduma hiyo
mara kwa mara.
WIZARA YA MAENDELEO YA MIFUGO NA UVUVI:
70. MHESHIMIWA KHATIB SAID HAJI
(KONDE):
Atamuuliza Mheshimiwa Waziri wa Maendeleo ya
Mifugo na Uvuvi:- Mwaka 2009 ilikamatwa meli ya
MV. TAWRAQ iliyokuwa ikifanya uvuvi haramu
katika kina kirefu cha Bahari ya Hindi Ukanda wa
Tanzania na kuharibu mazingira ya ukanda huo:-
Je, ni hatua gani zimechukuliwa kudhibiti uvuvi
haramu huo unaofanywa na meli za nje katika
Bahari yetu.
4

71. MHESHIMIWA FATMA ABDALLAH MIKIDADI
(VITI MAALUM):
Atamuuliza Mheshimiwa Waziri wa Maendeleo
ya Mifugo na Uvuvi:- Kufuatia kukithiri kwa
vitendo vya uvuvi haramu wa kutumia sumu na
mabomu katika Ukanda wa Bahari huko Lindi na
Mtwara mwaka 1998 Serikali iliahidi kutoa
(Speed Boat) ili kuendeleza kuthibiti uvuvi huo
na pia kutunza mazingira ya Bahari:-
(a) Je, Serikali haioni kuwa, sasa ni wakati
muafaka wa kuleta speed boat hizo kwa ajili
ya doria kwa Ukanda wa Kusini;
(b) Je, Serikali haiwezi kusaidia kuwapa zana
mbadala za uvuvi wale wote waliokamatwa
na kuacha uvuvi haramu.
5

WIZARA YA MAJI:
72. MHESHIMIWA JENISTA JOAKIM MHAGAMA
(PERAMIHO):
Atamuuliza Mheshimiwa Waziri wa Maji:-
Pamoja na Halmashauri nyingi kutimiza vigezo
na kupata vibali vya Ukandarasi kwa ajili ya
Miradi ya Maji inayofadhiliwa na Benki ya Dunia,
bado miradi hiyo inaonekana haitekelezeki:-
Je, kwa nini Miradi hiyo imetumia fedha nyingi
katika hatua za awali za upembuzi yakinifu na
baada ya hapo inashindwa kutekelezeka.
73. MHESHIMIWA BERNADETA KASABAGO
MUSHASHU (VITI MAALUM):
Atamuuliza Mheshimiwa Waziri wa Maji:-
Serikali kwa kutambua umuhimu wa maji kwa
watu wote, iliahidi kusambaza maji katika
Halmashauri ya Wilaya ya Bukoba Vijijini kwa
kuanzia na vijiji kumi ambavyo ni Bituntu,
Kibirizi, Itongo, Lukindo, Katale, Kibona,
Mashule, Kitaya, Ibwera na Kyamulaile lakini
ahadi hiyo bado haijatekelezwa:-
Je, ni lini vijiji hivyo vitapatiwa maji.
6

WIZARA YA HABARI, VIJANA, UTAMADUNI NA
MICHEZO:
74. MHESHIMIWA RAMADHANI HAJI SALEH
(BUMBWINI):
Atamuuliza Mheshimiwa Waziri wa Habari, Vijana,
Utamaduni na Michezo:- Michezo ni sekta muhimu
nchini na inaweza kuleta faida nyingi kama vile
kuongeza mapato ya Taifa, kuitangaza nchi yetu na
kutoa ajira kwa vijana wengi:-
Je, Serikali itawekeza lini katika michezo.
WIZARA YA MAWASILIANO, SAYANSI NA
TEKNOLOJIA:
75. MHESHIMIWA WARIDE BAKAR JABU
(KIEMBESAMAKI)
Atamuuliza Mheshimiwa Waziri wa Mawasiliano,
Sayansi na Teknolojia:- Bidhaa chakavu za
kielektroniki ni hatari kwa afya ya binadamu na
mazingira kwa ujumla:-
(a) Je, Serikali inachukua hatua gani za kudhibiti
bidhaa hizo kutoka nje ili Tanzania isifanywe
jalala la kutupia bidhaa za aina hiyo;
(b) Je, Serikali ina mikakati gani ya kuangamiza vifaa
chakavu vya aina hiyo ambavyo sasa vimezagaa
kila sehemu ya nchi yetu.
7

WIZARA YA MALIASILI NA UTALII:
76. MHESHIMIWA DKT. TITUS MLENGEYA KAMANI
(BUSEGA):
Atamuuliza Mheshimiwa Waziri wa Maliasili na
Utalii:- Wanyama waharibifu hususani Nyati
katika Kata ya Nyaluhande limekuwa ni tatizo
sugu la muda mrefu ambapo kila mwaka mazao
ya wananchi huharibiwa:-
Je, Serikali ina mpango gani wa kudumu wa
kumaliza tatizo hilo.
77. MHESHIMIWA CATHERINE VALENTINE MAGIGE
(VITI MAALUM):
Atamuuliza Mheshimiwa Waziri wa Maliasili na
Utalii:- Licha ya Mkoa wa Arusha kuongoza kwa
kuwa na mbuga nyingi za wanyama Tanzania,
lakini vijana wengi wa Mkoa huo hawana ajira:-
Je, Serikali ina mpango gani wa kuhakikisha
vijana wa Mkoa huo wanapatiwa fursa ya ajira
katika hifadhi hizo ili kuinua uchumi wa vijana na
Taifa kwa ujumla.
8

WIZARA YA MAMBO YA NDANI YA NCHI:
78. MHESHIMIWA ALLY MOHAMED KEISSY
(NKASI KASKAZINI):
Atamuuliza Mheshimiwa Waziri wa Mambo ya
Ndani ya Nchi:- Kumekuwa na vitendo vingi vya
uharamia mwambao mwa Ziwa Tanganyika
hususani katika vijiji vya Wilaya ya Nkasi:-
(a) Je, ni lini Serikali itapeleka boti ya kisasa
eneo la Kipili kwa ajili ya doria katika vijiji
vya Wilaya ya Nkasi;
(b) Je, ni lini, mkutano wa ujirani mwema kati
ya Wilaya ya Nkasi na Wilaya ya MOBA –
DRC utafanyika kuzungumzia suala zima la
uharamia kwenye maeneo hayo.
9

79. MHESHIMIWA HERBERT JAMES MNTANGI
(MUHEZA):
Atamuuliza Mheshimiwa Waziri wa Mambo ya
Ndani ya Nchi:-
(a) Je, ni lini ujenzi wa nyumba ya Mkuu wa
Kituo cha Polisi Muheza na wafanyakazi
zitajengwa katika eneo hilo;
(b) Je ni lini ukarabati wa kituo kidogo cha
Polisi Amani utafanyika na kuwapatia vifaa
vya usafiri.
WIZARA YA FEDHA:
80. MHESHIMIWA HAMAD RASHID MOHAMED
(WAWI):
Atamuuliza Mheshimiwa Waziri wa Fedha:-
Je, kwa kawaida kama taratibu zote
zimekamilika, muombaji wa mkopo kwenye
Benki za Biashara hutakiwa kupata mkopo wake
baada ya muda gani.
10

81. MHESHIMIWA ISMAIL ADEN RAGE
(TABORA MJINI):
Atamuuliza Mheshimiwa Waziri wa Fedha:-
(a) Je, ni utaratibu upi unaotumika Kisheria kwa
Halmashauri kukopa katika Miradi ya Maendeleo;
(b) Je, mpaka sasa Serikali imedhamini Halmashauri
gani na Halmashauri zipi zimefaidika na mikopo
hiyo.
II.
HOJA ZA SERIKALI:
MAAZIMIO:
WAZIRI WA MAWASILIANO, SAYANSI NA
TEKNOLOJIA:
Azimio la Bunge la kuridhia Mkataba Mpya wa Umoja wa
Posta Afrika, 2009 [The Convention of the Pan African
Postal Union (PAPU) of 2009].
Azimio la Bunge la kuridhia Katiba na Mkataba wa Umoja
wa Mawasiliano Afrika, wa Mwaka 1999 [Constitution and
Convention of the African Telecommunication Union (ATU)
of 1999].
DODOMA
DKT. T. D. KASHILILAH
6 NOVEMBA, 2012 KATIBU WA BUNGE
11