ukubaluleka kwenhlanzeko ekuphathweni komsebenzi wabadala ...

137
kuthiwa iyadunguzela kodwa abasondelene nave baziswe ngomhlolo osuvele.
Kulokhu kuthiwa iyadunguzela nje kanti kwenziwa amalungiselelo okufihlwa
kwayo. Bekuyaye kuhlatshwe inkunzi enkulu ukuze inkosi isongwe ngesikhumba
save futhi isongwe ngaso sisashisa.
Ngaphambi kokuba isongwe, umzimba
wave ubugezwa ngezintelezi ebese iyaqoshanyiswa khona isashisa ukuze
izongcwatshwa ihleli elibeni layo. Isizohlala kanjalo-ke kuphele ngisho amasonto
amathathu golokoqo.
Isizathu esinye esidala ukuba abantu nje bangabikelwa ngokukhothama
kwenkosi wukuthi kusuke sekufike esithubeni sokuba abasebukhosini bakhombe
ibambela uma kuwukuthi inkosana iseliklume. Lokhu kufanele makwenziwe
ngaphandle kokususa ingxabano neinpi yomndeni.
Ngenxa yobude besikhathi
nokuthi amakhaza ezidumbu ayengekho emandulo, bekuyaye kuthi izikhulu
zasebukhosini zona ezinalo ulwazi ngokukhothama kwayo nezihleliebukhosini,
zilinde isidumbu, zilokhu zishisa amathambo emlilweni ukuze zigqibe iphunga
lesidumbu.
Ukuhlonipha inqubo yokufihlwa kwenkosi kudlulele kunokomuntu nje phaqa
ngoba inkosi iyinkosi yesizwe, iphila noma isikhotheme. Umuntu nje ufihlwa
ethuneni lakhe nezinsila zakhe, okuba izikhali nemvunulo.
Ezikhathini zakudala
inkosi ibiphelekezelwa yinsila yayo, umuntu uqobo ngoba ingenakuyishiya kulo
mhlaba. Yiyona insila obekufanele indlalele inkosi elibeni layo. Insila yomuntu,
kubantu abansundu, ibalulekile ukwedlula zonke izinto zomuntu futhi iqashelwa
ngeso lokhozi. Kunenkolelo yokuthi uma ingawela ezandleni zabathakathi, umuzi
ubhubhile. Ayiphathwa eyenkosi ngoba lokho kusho ukubhubha kwesizwe
sonkana.