ukubaluleka kwenhlanzeko ekuphathweni komsebenzi wabadala ...

157
Imbuzi yamakhubalo ngeyomndeni kuphela kodwa ngenxa yokulahleka
kwenhlonipho nobukloza kubantu, ezikhathini zanamuhla usufica kugcwele
ngakusasa kade kungcwatshwa ngayizolo, abantu bethi bazolanda izigqoko.
Zake zalandwa izigqoko lapho kushonwe khona? Kuyadumaza lokhu.
Kukhona
omunye umkhutshana osuwandile impela omayelana nokugunda kwezingane.
Izingane sezaphathiswa okwamaqanda emakhaya. Ungezwa bekhononda onina
lapho sekufanele kugundwe kuze kuxolelwe ukuba kuthiwe nqampu
lapha
esiphundu ngoba beshaya phansi onina bethi izingane zizokonakalelwa
"amaphemu" azo akhishelwe eshisiwe imali lena, kulungiselwa ukuba zibukeke
ngomngcwabo. Abakunambithisisi kahle ukuthi sekuzothi ngakusasa bese
ziyagundwa njalo.
Oqinisa ikhanda ethi mazigundwe, useyonyonkolozwa kuze
kube yindaba. Ukugunda uphawu lokuzila uma kushoniwe. Ukulahleka kwaleli
siko lokugunda kuziveza obala lapho usuthola khona omakoti beshadile
belokotha amakhanda ngezikele abakhwenyana bekhonabedla anhlamvama.
Umame oshadile akalilokothi ikhanda ngesikele ngoba lokho kusho umhlolo
ovele ngomyeni wakhe.
Emva kwesiko lokugunda, kulandela ukufakwa kwenzilo, indwangu emnyama.
Abazilile sekufanele bazile, baze bazile nangezenzo zabo.
Kunenkolelo yokuthi
ukwehluleka kwabo ukuzithiba ezintweni zomhlaba kuyobenza bedlule.
Abantwana abathatha le ndwangu nabangakuqondi kahle ukuthi kuchaza
ukuthini ukuzila, kufanele batshelwe ngalokhu futhi badonswe ngendlebe ngesiko
lokuzila. Kufanele bazi ukuthi inzilo iyinsila yakhe umuntu ngakho-ke
iyanakekelwa yiwo wonke amalunga omndeni ngoba uma ingahlangana
nezandla zabathakathi, umshubo, kuvalwa ngehlahla emndenini lowo.
Ngenxa
yobuhlongandlebe, usuke uzwe iziga, kuthiwe inzilo ilahlekile, ayibonakali.
lIahleka kanjani inzilo?