You also want an ePaper? Increase the reach of your titles
YUMPU automatically turns print PDFs into web optimized ePapers that Google loves.
Sumubok ng iba’t ibang paraan ng paglalahad ng kagamitan ng aralin upang<br />
mapanatili ang pagkawili ng mga bata. Ang sumusunod na mga mungkahi ay<br />
makatutulong sa inyo upang mapag-iba-iba ninyo ang paraan ng pagtuturo<br />
mula sa mga banal na kasulatan.<br />
1. Ikuwento sa sarili ninyong mga salita ang pangyayari sa banal na<br />
kasulatan. Sikaping tulungan ang mga bata na ilarawan sa kanilang isipan<br />
ang mga pangyayari at ang mga tao sa mga ito. Tulungan ang mga bata na<br />
maunawaan na ang mga taong tinutukoy ninyo ay tunay na nabuhay at ang<br />
mga pangyayari ay talagang naganap.<br />
2. Ipabasa nang tuwiran sa mga bata ang piling mga sipi mula sa mga banal<br />
na kasulatan. Alalahanin na hindi lahat ng bata ay nakababasang mabuti at<br />
ang kakayahang bumasa ay hindi naibabatay sa edad. Kung nakababasa<br />
ang lahat ng bata, maaaring bigyan ninyo sila ng ilang minuto upang<br />
tahimik na magbasa. Pagkatapos, maaari ninyong talakayin ang binasa<br />
nila. Gamitin ang oras ng talakayan pagkatapos magbasa ang mga bata<br />
upang matulungan silang maunawaan ang mahihirap na salita at mga sipi.<br />
3. Gamitin ang mga iminungkahing larawan ng mga pangyayari sa banal<br />
na kasulatan upang tulungan ang mga bata na mailarawan sa isipan<br />
ang nangyari. Ang karamihan sa mga aralin ay naglalaman ng mga<br />
iminungkahing larawan sa bahaging “Mga kailangang kagamitan.”<br />
Ang mga larawang ito ay may bilang at kasama sa pakete ng larawan. Ang<br />
ilan sa mga larawan ay nasa Pakete ng Larawan ng Sining ng Ebanghelyo<br />
(34730 893 o 34735 893) rin o maaaring nasa aklatan ng bahay-pulungan<br />
(ang mga bilang ng aklatan ay nakalista sa bahaging “Mga kailangang<br />
kagamitan”). Ang ilan sa mga larawang ito ay may katugmang kuwento<br />
sa likod. Maaari rin ninyong gamitin ang ibang angkop na mga larawan.<br />
4. Ipasadula sa mga bata ang pangyayari sa banal na kasulatan. (Tiyaking ang<br />
mga pagsasadula ay hindi makapagpapawala sa kasagraduhan ng mga<br />
banal na kasulatan.) Maaari kayong magdala ng mga simpleng kagamitan,<br />
tulad ng bata [robe], malaking panyo, at iba pa, at ipasadula sa mga bata<br />
ang lahat o ang bahagi ng pangyayari. Tanungin ang mga bata kung ano<br />
ang mararamdaman nila kung sila ang mga taong kinakatawan nila.<br />
5. Gumuhit ng mga simpleng larawan o mga paglalarawan sa pisara,<br />
o gumamit ng mga larawan o ginupit na larawan, habang isinasalaysay<br />
ninyo ang mga pangyayari sa banal na kasulatan.<br />
6. Pangasiwaan ang isang dulaan ng mga mambabasa (reader’s theater)<br />
kung saan binabasa ng ilang bata ang isang iskrip na bumabanggit sa<br />
bahagi ng isang pangyayari sa banal na kasulatan. Kung naaangkop,<br />
ipabasa nang tuwiran sa mga bata ang mga banal na kasulatan.<br />
7. Anyayahan ang isang magulang, miyembro ng purok o sangay, o miyembro<br />
ng klase upang ikuwento ang isang pangyayari mula sa banal na kasulatan.<br />
Bigyan siya ng isa o dalawang linggo upang makapaghanda, at tiyaking<br />
bigyan siya ng takdang panahon para sa pagtatanghal.<br />
8. Bigyan ang mga bata ng simpleng paunang pagsusulit, tulad ng tama o<br />
mali o maikling kasagutang pagsusulit, bago ituro ang isang alituntunin o<br />
pangyayari sa banal na kasulatan. Ipaliwanag sa klase na gusto ninyong<br />
malaman kung gaano ang alam nila tungkol sa alituntunin o pangyayari.<br />
ix
Change language