Primarya 6

Aralin
6
26
Ipinamuhay nina Adan at Eva
ang Ebanghelyo ni Jesucristo
Layunin Tulungan ang mga bata na maunawaan na ang ebanghelyo ni Jesucristo ay
walang hanggan at batay sa mga katotohanan na tutulong sa atin upang
makamit ang kadakilaan.
Paghahanda 1. Pag-aralan nang may panalangin:
• Moises 5:58–59—Ang ebanghelyo ay ipinangaral kay Adan ng mga anghel.
• Moises 6:1—Sinunod ni Adan ang Diyos at tinawag ang kanyang mga
anak na lalaki na magsisi.
• Moises 6:48–63—Itinuro ni Adan ang plano ng kaligtasan.
• Moises 6:64–68—Bininyagan si Adan at tinanggap ang Espiritu Santo
at ang pagkasaserdote.
2. Karagdagang babasahin:
• 2 Nephi 31:5, 9–12, 15–21—Itinuro ni Nephi ang gayon ding mga
alituntunin na itinuro kay Adan.
3. Pag-aralan ang aralin at magpasiya kung paano ninyo nais ituro sa mga bata
ang pangyayari sa banal na kasulatan (tingnan sa “Paghahanda ng Inyong
mga Aralin,” p. vii, at “Pagtuturo mula sa mga Banal na Kasulatan,” p. viii).
Piliin ang mga tanong sa talakayan at mga gawaing nagpapayaman sa
kaalaman na pinakamainam na makatutulong sa mga bata na makamit ang
layunin ng aralin.
4. Mga kailangang kagamitan:
a. Mahalagang Perlas at Aklat ni Mormon para sa bawat bata.
b. Doktrina at mga Tipan.
c. Isang piraso ng tinapay o prutas at isang bato, larawan ng isang bato
o isang piraso ng bakal na hindi kinakalawang (tingnan sa gawaing
pantawag-pansin).
Mungkahing
Pagbubuo
ng Aralin Anyayahan ang isang bata na magbigay ng pambungad na panalangin.
Gawaing
Pantawag-pansin
Ipakita sa mga bata ang piraso ng tinapay o prutas, at magtanong ng katulad
ng mga sumusunod:
• Mag-iiba ba ito kung itatago ko sa loob ng isang buwan? isang taon?
• Magbabago ba ito kung sisikatan ito ng mainit na araw sa loob ng isang
linggo?
• Magbabago ba ito kung ilalagay ko ito sa tubig sa loob ng isang linggo?
• Magbabago ba ito kung tatapakan ko?