17

Eviva l-festa tagħna
X’inhi l-festa għalina? X’post nagħtu lil Marija Santissma f’ħajjitna?
Fil-festa noħorġu l-vara mat-toroq tal-Gżira u nġorruha fuq l-
ispallejn. Però fir-realtà lill-Madonna kif nerfgħuha? Bħal tebut
b’ġisem mejjet li xi darba kien fostna u m’għadux magħna?
Nikkommemorawha u niftakru fiha però ma nistgħux inkellmuha
jew nieħdu l-parir minn għandha għax m’għadhiex magħna. Forsi
għalina l-Madonna hi reġina li xi kultant toħroġ mill-palazz u niesha
jifirħu u jagħmlu festa u daqshekk?
Ir-reġina li jekk jirnexxilek tkellimha jew tieħu ritratt magħha
ddum tiftaħar għal għomrok; però ftit ikunu dawk li jirnexxilhom
jagħmlu dan. Jew lil Marija nitrattawha ta’ tarbija fi ħdan familja?
Tarbija tingħata l-attenzjoni mill-membri kollha tal-familja. Kulħadd
lest li jagħtiha dak kollu li trid. Għat-tarbija m’hemmx nhar u lejl,
dejjem fi ħsiebna. Qatt ma nixbgħu ħdejha. Qatt ma ddejjaqna.
Nieħdu pjaċir meta narawha tidħaq u ninkwetaw meta narawha
tibki. It- tarbija wkoll taraha tidħaq meta tarana ferħanin u tibki
meta tarana mdejjqa. Fil-familja t-tarbija tħoss l-imħabba tagħna. Ilmembri
kollha tal-familja jġorru fuqhom ir-ritratt tat-tarbija u jiftaħru
ma’ sħabhom x’tarbija għandhom. Jekk fuq il-lant tax-xogħol jew l-
iskola moħħhom li jasal dak il-mument li jirritornaw id-dar biex
ikunu mat-tarbija. Tarahom iċemplu kull ħin li jistgħu biex jistaqsu
fuq it-tarbija. Lesti jaqsmu mat-tarbija kulma għandhom u l-ewwel
post dejjem tkun it-tarbija.
Din hi l-attitudni li għandna jkollna lejn il-Madonna. M’għandniex
inħarsu lejha bħala l-persuna li għexet elfejn sena ilu jew bħala dik
il-persuna li niftakru fiha u nipprovaw inkellmuha meta toħrog millknisja.
Il-Madonna għandha tkun iċ-ċentru tal-familja tagħna.
Għandna naqsmu magħha kollox. Għandna niftakru fiha lejl u nhar.
Hekk il-festa li naghmlulha kull sena jkollha sens u tħalli ħafna frott.
Argument ieħor li xi kultant nisma’ huwa kemm jagħmel sens ilferħ
u l-briju fil-festi. Jiena ċert li l-Madonna u l-Knisja tieħu pjaċir
tarana nifirħu basta mhux bil-piki u lanqas b’eseġerazzjonijiet. Il-ferħ
huwa parti mill-ħajja nisranija tagħna. Ferħġenwin li ġej minn spirtu
ta’ għaqda huwa mixtieq. Isir żball kbir jekk dan il-ferħ jintuża biex
idejjaq jew jinsulenta lil xi ħaddieħor. Isir żball meta l-ferħ jintuża
bħala skuża biex neċċedu l-limitu tax-xorb alkoħoliku. Però jkun ferħ
ġenwin meta nuru l-ferħ tagħna billi nagħmlu opra ta’ karità mal-ġar
tagħna jew ma’ xi ħadd li jgħix waħdu. Tkun espressjoni ta’ ferħ
ġenwin jekk fil-festa nagħmlu riżoluzzjoni li nżuru lil xi ħadd qarib
tagħna li ilna ma naraw. Tkun ħaġa sabiħa li bil- mezzi elettroniċi tallum,
eżempju Skype, nagħmlu kuntatt ma’ niesna li jgħixu barra
minn Malta u nibagħtulhom filmati tal-marċ għaddej minn taħt ilgallerija
tagħna. L-istess nistgħu nagħmlu meta tgħaddi l-purċissjoni.
U xi ħaġa sabiħa tara lill-familja kollha, anki dawk li żżewġu u
m’għadhomx jgħixu l-Gżira, jaqsmu l-ikla flimkien fil-ġurnata talfesta.
Il-Każin tal-banda u l-Banda Mt Carmel flimkien miegħi
nixtiequlkom ilkoll il-festa it-tajba.
Evviva l-festa tagħna. Il-festa t-tajba mimlija b’ferħ ġenwin u atti
ta’ karità. Marija Santissma taħt il-titolu tal-Karmelu tberikna lkoll.
Anthony Sammut
Viċi-President
17