19

Ix-xogħol fil-każin…
Iż-żmien ma jistenna lil ħadd u reġgħet waslet festa oħra talpadruna
tagħna il-Madonna tal-Karmnu.
Bħal kull sena l-Kumitat Ċentrali wara l-lagħqa ġenerali
jippjana programm ta’ manutenzjoni u affarijiet li għandhom
isiru matul is-sena. Bħalma kulħadd jaf il-kumitat nieħdu ħsieb
li l-każin nippruvaw inżommuh dejjem attiv u nżejnuh għal kull
okkażjoni li jkollna matul is-sena sija fil-Milied, kemm fil-Ġimgħa
il-Kbira u b’mod speċjali fil-festa. L-ewwel ma bdejna naħdmu
kien fuq l-armar li jintrama mal-faċċata tal-każin għal żmien il-
Milied. Ħassejna l-bżonn li ninvestu f’dawl LED għal dan l-armar,
żidna forom ġodda oħra ma li kien hemm u dawwarna kollox
b’wire rope lighting.
Il-forte tal-Ghaqda tagħna
huma l-attivitajiet soċjali li
norganizzaw matul is-sena: attivitajiet ta’ ġranet Għawdex u
Sqallija; ikliet fis-sala bħal fenkati u carvery nights u BBQ’s fis-sajf.
Għalhekk ħadna ħsieb li ninvestu f’siġġijiet iktar komdi għal waqt
l-attivitajiet li nagħmlu fis-sala tal-każin.
Komplejna nagħmlu manutenzjoni fil-każin u din is-sena
ħadna ħsieb li nirranġaw is-sala tas-surmast jew aħjar is-sala fejn
isir it-tagħlim tal-mużika u l-provi tal-kunċerti. Sar xogħol ta’ kisi
u żebgħa mill-membri tal-Kummissjoni Żgħażagħ flimkien ma’
membri oħra tal-Kumitat Ċentrali.
Kulħadd jaf li biex issir il-manutenzjoni fil-każin tirrikjedi ħafna
flus u spejjeż oħra minbarra l-ħin personali tal-membri tal-kumitat
u bil-limiti kollha tagħna dejjem għamilna mill-aħjar li stajna.
Fid-dinja ma’ tistax tagħmel kollox jew mhux dejjem jirnexxilek
twettaq dak kollu li jkollok ippjanat u aħna hekk ġralna. Kellna
ħafna iktar affarijiet ippjanati f’moħħna bħal per eżempju s-sala
tal-kumitat u l-indana tat-taraġ li xtaqna li wettaqnihom imma
minħabba haġa jew oħra dawn kellna nipposponuhom għal wara
l-festa li ġejja.
Qabel nagħlaq dan il-messaġġ nixtieq nirringrazzja lill-
President is-Sur Joseph Spiteri u l-Kumitat Ċentrali tal-appoġġ
tagħhom sabiex dan ix-xogħol ikun jista’ jitwettaq u lil kull min
ħadem b’mod volontarju. Nieħu l-okkażjoni biex nistieden lil kull
min jixtieq jgħin kemm finanzjarjament u kif ukoll b’mod
manwali sabiex ma jidejjaqx javiċinana.
Nawgura ukoll il-festa t-tajba lil sħabi kollha tal-kumitat, lillfamilja
tiegħi kollha, lill-kummissjoniet kollha li għandna fis-
Soċjeta tagħna, lis-Surmast Direttur George Debono u l-assistenti
tiegħu, lill-bandisti u l-allievi fi ħdan l-Għaqda tagħna kif ukoll
lill-helpers li dejjem kienu ta’ għajnuna. Nieħu l-opportunità biex
nirringrazzja wkoll lill-barman tagħna Jason u lill-familja tiegħu
kollha tal-koperazzjoni li nsibu mingħandhom matul is-sena
kollha u fl-aħħarnett lilkom il-membri u l-Gżirjani kollha.
Viva l-Madonna tal-Karmnu
Joshua Chircop
Direttur Każin
19