25

... u ħafna ħafna xogħol
ikompli minn paġna 50
Tal-inqas, jekk inħarsu mill-aspett ta’ mużika l-
ewwel ma rridu nsemmu hi l-għażla li ssir mis-
Surmast Direttur George Debono li f’kull
programm jagħmel mezz li jkollna siltiet ġodda, ta’
temi u ġeneru differenti, adattati għall-okkażjoni u
wara kollox ta’ impenn.
Din is-sena kienet waħda partikolari għall-banda
tagħna u dan għaliex minbarra s-servizzi li jsiru
kull sena ġejna wkoll mistiedna ndoqqu fil-ftuħ ta’
Manoel Island u saħansitra għamilna programm
mużikali waqt l-inawgurazzjoni tal-bust tal-mibki
Reverendu Karlu Manchè.
Madankollu, dan kollu seta’ jsir biss bil-ħidma
ta’ grupp ta’ nies li għandhom għal qalbhom il-
Gżira u/jew il-mużika. Banda hi primarjament
magħmula minn bandisti li jitgħallmu jdoqqu fi
ħdan l-Għaqda. L-Għaqda Mużikali Mount Carmel
toffri t-tagħlim tal-mużika mingħajr ħlas lil dawk
it-tfal, żgħażagħ jew adulti li jixtiequ jitgħallmu
strument mużikali. Jekk l-alljievi juru interess
Sven Mallia Harmsworth u Nathan Debono, il- bandisti l-ġodda tal-
Għaqda Mużikali Mount Carmelwaqt il-kunċert tal-Milied (fuq) u
mal-President t, Joseph Spiteri (lemin). Fir-ritratt isfel mas-Surmast
George Debono
fl-istudju dawn jiġu mislufa wkoll strument millkażin
tal-banda sabiex ikomplu jistudjaw u
joħorġu jdoqqu fis-servizzi li jkollha l-Għaqda
matul is-sena.
Għal iktar informazzjoni dwar il-banda llum
wieħed jista’ jiċċekkja l-page tagħna fuq Facebook
taħt l-isem Mount Carmel Band Club jew jaqbeż
qabża sal-Każin tal-Banda l-Ġimgħa filgħaxija u
jsaqsi għal xi membru tal-Kumitat tal-Banda.
F’isem il-Kummissjoni Banda nawgura l-festa t-
tajba lill-Gżirjani kollha!
25