24

Roxanne Bugeja
Segretarja
Kummissjoni Banda
Il-festa ċelebrazzjoni...
Il-marċi fit-toroq, il-programmi mużikali, u t-tagħlim tal-mużika,
huma fost l-attivitajiet ewlenin li joħolqu l-iskop t’għixien ta’ każin
tal-banda. Sena wara sena l-Kummissjoni Banda taħdem fi ħdan l-
Għaqda Mużikali Mount Carmel biex permezz ta’ dawn it-tliet attivitajiet
tibni dejjem iktar il-preġju ta’ isimha.
Bħas-snin ta’ qabilha, din is-sena kienet ukoll waħda
impenjattiva għall-banda tagħna. Nibdew bil-fatt li fid-29 ta’ Ġunju
2016 ippubblikajna CD ta’ rrikordjar ta’ sett marċi ġodda bit-titlu
“Tifħira li Tixraq”. Fl-istess ġimgħa l-banda ħadet sehem fiċċelebrazzjoni
tar-restawr tas-saqaf tal-Knisja Parrokkjali tal-Gżira
fejn preżenti għall-okkażjoni kien hemm ukoll l-Arċisqof Mons.
Charles Scicluna. Dawn iż-żewġ avvenimenti wasslu għall-ftuħ ta’
ġimgħa impenjattiva ħafna għal-lokal tagħna fejn iċċelebrajna l-
festa tagħna l-Gżirjani, dik tal-Madonna tal-Karmnu.
Għal ħafna nies il-festa tfisser ċelebrazzjoni, però wieħed irid
jiftakar li huwa permezz ta’ ħafna xogħol li jsir minn wara l-kwinti
li tittella’ l-festa tal-lokal. Minbarra l-marċi, li bihom il-banda
tagħna animat it-toroq Gżirjani matul din il-ġimgħa, f’Sibt il-festa
l-Għaqda Mużikali Mount Carmel tellgħet il-programm
strumentali u vokali annwali fuq iz-zuntier tal-knisja fejn fost
diversi siltiet li ndaqqu nsibu Disney Film Favourites, Centuries,
Tifħira li Tixraq u l-Innu lill-Madonna tal-Karmelu. Il-banda tagħna
ma tagħtix biss is-servizz tagħha fil-Gżira. Matul din is-sena morna
ndoqqu wkoll f’Santa Venera, Stella Maris f’Tas-Sliema u fil-festa
tal-Bambina fl-Isla.
Hekk kif għaddew il-festi bdejna naħsbu għat-tħejjija talattivitajiet
tal-Milied u ftit xhur wara dawk tal-Ġimgħa l-Kbira. Din
is-sena nistgħu ngħidu li saħħaħna iktar il-kwalità ta’ dawn ilprogrammi.
Fost is-siltiet tal-programm tal-Milied, li sar fil-
Kappella tar-Redentur (Gżira), insibu Scenes from the Nutcracker,
Brindisi (Traviata) u The Prayer bil-parteċipazzjoni tal-kantanti Aldo
Busuttil, Lara Dimech u Karin Catania.
Fl-istess okkażjoni żewġ alljievi ġew ippreżentati b’ċertifikat mis-
Surmast Direttur George Debono u mogħtija l-uniformi tas-Soċjetà
mill-President Joseph Spiteri. Sven Mallia Harmsworth u Nathan
Debono, il- bandisti l-ġodda tal-Għaqda Mużikali Mount Carmel,
ħarġu jdoqqu bi prova għall-ewwel darba fis-servizz ta’ lejliet il-
Milied li għadda.
Fil-programm tal-Ġimgħa Mqaddsa, li sar fil-Knisja Parrokkjali,
il-Banda wkoll uriet il-livell għoli tagħha billi fost is-siltiet li
ndaqqu kellna Sursum Corda, Mater Dolorosa, u Adagio Op. 42 ta’
Freddie Mizzi. Ta’ min ifakkar li programmi bħal dawn isiru biss
permezz ta’ ħafna preparamenti u xogħol minn qabel.
24
ikompli f’paġna 25