3rd Infocom Magazine (December 2016) - Security World Issue

B0110-12.2016
News
Unifikimi i siglave në uniformat e reja të Policisë së Shtetit
Ministri i Brendshëm, Saimir Tahiri, prezantoi në fillim të
muajit Shkurt, uniformat e reja të Policisë së Shtetit. Tahiri
tha se uniformat e reja janë një tjetër hap drejt modernizimit
të policisë.
“Kemi parë uniforma pa identitet. Kjo është një ditë e
shënuar për Policinë e Shtetit, pasi nuk do të ketë më
uniforma kaotike, ku disa janë me sigla tradicionale dhe disa
me sigla moderne apo një miks, tashmë uniformat do të
jenë uniformizuar me siglat përkatëse”, tha Tahiri.
Uniforma e Policisë Rrugore do të ketë ngjyrë jeshile, ajo
e Rendit do të jetë ngjyrë blu, ndërsa efektivët e repartit
“Shqiponjat” do të kenë uniformë në ngjyrë portokalli.
Ministri Tahiri tha se simbolet kryesore të Policisë së Shtetit
do të jetë shqiponja dhe përkrenarja e Skënderbeut, të cilat
do të ndërthuren dhe me shenjat karakteristike të vendit
tonë dhe me ngjyrën e kuqe.
Ministri theksoi se për stilimin e uniformave të reja është
mbajtur parasysh fakti që ato duhet të kenë karakteristika
e dallueshme dhe të jenë të pangatërrueshme, pasi publiku
duhet të identifikojë menjëherë punonjësin e policisë dhe
gradën që ai mban.
Videokamerat e trupit për Policinë e Shtetit
Kamerat në trupin e punonjësve të policisë janë tashmë
në testim prej disa kohësh. Ato nuk janë thjesht një risi
teknologjike, ato janë një mjet që pritet të garantojnë një
marrëdhënie korrekte sa i takon respektimit të ligjit mes
uniformave blu dhe qytetarëve.
Kamerat janë operative gjatë gjithë kohës. Policët nuk
mund t’i heqin ato nga trupi dhe përmbajtja e tyre është e
kontrollueshme në çdo kohë.
Pajisja me kamera trupore e punonjësve të policisë synon jo
vetëm të rrisë përgjegjshmërinë e uniformave blu, por më
kryesorja të shmangë korrupsionin.
Në kamera shihen qartë të dhënat e datës dhe orës, si dhe
numri i identifikimit, që i korrespondon makinës, turnit dhe
oficerit përkatës.
Fillimisht do të jenë mbi 2 mijë punonjës të Policisë së
Tiranës që do të pajisen me kamera trupore, por synimi i
projektit është që të shtrihet në mbarë vendin.
Kamerat në trupat e efektivëve shikohen si një garanci
më shumë për zbatimin e proçedurave standarde dhe
respketimin e të drejtave të njeriut, pasi ndër vite Policia
e Shtetit është akuzuar për arbirtaritet dhe standarde të
dyfishta në dëm të qytetarëve.
8