OCTOBER 28, 2017 BULGAR: BOSES NG PINOY, MATA NG BAYAN

More documents

Recommendations

Info

6 OKTUBRE 28, 2017 Babala sa mga matatabang kulang sa ehersisyo! Dear Doc. Shane, Kapag ba ang tao ay obese at may altapresyon, posible bang magkaroon din ito ng sakit sa puso lalo na kung wala itong exercise? Sana ay masagot ninyo ang aking katanungan tungkol sa sakit sa puso. — Elvira Sagot Ang heart disease (HD) o sakit sa puso ay pangkalahatang katawagan sa anumang karamdamang may pangunahing kaugnayan sa puso na may pananagutan sa pagdaloy ng dugo na may dalang nutrisyon, papunta sa mga bahagi ng katawan. May iba’t ibang uri ng sakit sa puso. Tinagurian itong silent killer bagama’t, may mga sintomas itong hindi agad napapansin. Kadalasan ay hindi alam ng karamihan na may palatandaan na sila ng nasabing sakit. Ang mga karaniwang sintomas nito ay paninikip ng dibdib, hirap sa paghinga, madaling mapagod, kumikirot o may tumutusok sa parte ng puso at marami pang iba. Ang sakit sa puso mula sa pagkapanganak — congenital HD o acquired HD ay nagsisimula habang nabubuo pa lamang ang puso kapag ang sanggol ay nasa loob pa ng sinapupunan. Ito ang mga puso na maliit o hindi tama ang hugis at sukat. Maaaring naapektuhan ito noong ipinagbubuntis pa lamang ang sanggol. Ang sakit sa mga balbula ng puso (valvular HD) ay kinasasangkutan ng pagkakaroon ng suliranin sa mga balbula ng puso na sumasara at bumubuka tuwing titibok ang puso. Kabilang sa mga sakit sa mga balbula ng puso ang aortic stenosis at mitral regurgitation. Isa sa maaaring sanhi ng sakit sa mga balbula ng puso sa mga bata ay ang lagnat na reumatiko. Ang cardiomyopathy ay maaaring sanhi ng labis na pag-inom ng alak, ng mga gamot, ng mga ipinagbabawal na gamot (droga), ng impeksiyon at iba pa. Ang coronary HD ay may kaugnayan sa pagbabara ng mga ugat na nagdadala ng dugo sa puso mismo na humahantong sa kakulangan ng dugo na dumarating sa puso. Isang sintomas ng pagkakaroon ng ganitong kalagayan ay ang madaling pagkapagod kapag gumagawa ng mga mahihirap na gawaing pisikal. Sa paglala ng sakit sa ugat ng puso, ang taong mayroong ganitong katayuan ay maaaring atakihin sa puso. Kabilang sa ganitong uri ng sakit sa puso ang sakit na dulot ng kakulangan ng dugo sa puso (ischemic HD). Sakit sa puso na sanhi ng altapresyon hypertensive HD. May kaugnayan sa hindi makontrol na hypertension o altapresyon kaya maaaring makaapekto ang puso. Ang heart failure ay hindi na nakakaya ng puso ang tama at walang suliranin na pagdadaloy ng dugo sa katawan. Maaaring sanhi ito ng iba pang uri ng sakit sa puso tulad ng atake sa puso. Ang inflammatory HD naman ay maaaring dahil sa katayuan ng pagkakaroon ng impeksiyon tulad ng infective endocarditis o maimpeksiyong pamamaga ng panloob na tisyu ng puso. Samantalang, ang stroke ay ang hindi magandang pagdaloy ng dugo patungo sa utak. Kaya maraming pangyayari na kapag na-stroke ang tao ay may bahagi ng katawan nito na hindi naigagalaw. Nasa 44% katao ay pangunahing ikinamamatay ang sakit sa puso kada taon sa Italya. Dala ito ng hindi wasto at labis na pagkain. Pagkain ng mga maaalat at makolesterol ang sanhi nito. Kasali rin dito ang labis na paninigarilyo. Ang mga fatty deposit o atheroma na galing sa mga pagkaing maaalat at makolesterol ay bumabara sa mga wall ng artery. Dahil dito ay nagiging manipis ang artery na dinadaluyan ng dugo patungo sa ating puso. Ito ang nagiging sanhi ng hindi magandang blood flow o circulation mula sa iba’t ibang bahagi ng ating katawan. Kapag hindi nakadaloy nang maayos ang dugo patungo sa puso ay maaari itong maging sanhi ng heart attack. Bukod sa hindi tamang pagkain ay makasasama pa sa taong sobrang matataba ang walang sapat na ehersisyo, kaya ang mga taong labis kumain at walang masyadong ginagawa ay prone sa sakit sa puso. Para sa inyong mga katanungan, maaari pong sumulat sa SABI NI DOC ni Shane Ludovice, BULGAR Bldg., 538 Quezon Ave., Quezon City o magemail sa dok.bulgar@gmail.com Biktimang Pinoy, dumarami EDUCATION TRAFFICKING, LUMALALA NEW ZEALAND — NAGBABALA ngayon ang Embahada ng Pilipinas para sa mga kababayang Pilipino na nais mag-aral at magtrabaho sa ibang bansa, partikular na sa New Zealand dahil sa lumalalang bilang ng education trafficking. Ayon kay Philippine Ambassador to New Zealand Gary Domingo, huwag agad maniniwala sa diumano’y education advisers at consultants na magsasabing madali lamang makakuha ng trabaho sa New Zealand, lalo na kung doon nakapag-aral. Aniya, hindi raw ito totoo at sa katunayan ay marami nang nabiktima at nagbayad para sa student visa upang makapag-aral sa New Zealand ngunit, hindi naman nakakuha ng trabaho. Nakikipag-ugnayan na rin si Domingo sa gobyerno ng New Zealand at ilang paaralan na rin ang naipasara dahil sa education trafficking. Ang problema na lamang nila ngayon ay hindi regulated ang paggamit ng mga education adviser. $4.6 MILLION ILLEGAL DRUGS, NASABAT MYANMAR — TINATAYANG aabot sa $4.6 million o humigit-kumulang Php240,000,000 halaga ng crystal methampethamine ang nasabat ng mga awtoridad sa Myanmar. Nahuli umano ang mga droga sa tinatawag na Golden Triangle zone kung saan kilala itong lugar na nakapagpupuslit ng droga mula sa iba’t ibang bansa. Ang Golden Triangle ay nasasakupan ng Shan State, Laos at hilagang bahagi ng Thailand. Arestado naman ang isang lalaki na may bitbit ng 250kgs. ng naturang droga. Sa ngayon, nagtutulung-tulong na ang Myanmar, Laos at Thailand para tuluyan nang mapuksa ang kalakaran ng droga sa Golden Triangle. FACTORY NG PAPUTOK, SUMABOG, 47 DEDBOL INDONESIA — HINDI bababa sa apatnapu katao ang patay habang marami pang sugatan matapos sumabog ang isang pagawaan ng paputok sa Tangerag, Indonesia. May 103 empleyado ng pagawaan ng paputok ang pinaniniwalaang nasa loob nang maganap ang pagsabog habang sampu sa mga ito ang nawawala. Hindi naman matiyak ngayon kung ang sampung nawawala ay nasa loob ng factory nang maganap ang pagsabog. Batay sa ulat, isang malaking pagsabog ang unang narinig at agad itong sinundan ng mahinang pagputok at saka sumiklab ang apoy, sanhi para magtamo ng matinding pagkalapnos ng balat ang ilang biktima. May sampung truck ng bumbero ang rumesponde sa sunog. Sa pahayag ng mga awtoridad, hindi na bago ang pagsabog sa mga pagawaan ng paputok sa Indonesia dahil na rin sa kakulangan nila ng fire safety sa lugar. Naaagnas na dahil hindi inalagaan 4-MONTH OLD BABY, DEDO SA MGA MAGULANG ALTA VISTA, Iowa — NAHAHARAP ngayon sa kasong child endangerment resulting in death at first degree murder ang mag-asawang sina Cheyanne Harris, 20-anyos at Zachary Koehn, 28, matapos matagpuan ang walang buhay nilang anak sa duyan, sa loob mismo ng kanilang tahanan. Ayon sa report, natuklasan ang 4-month old baby na si Sterling Koehn sa kanyang duyan, naaagnas at infected na ng maggot. Ayon sa medical examiner na sumuri kay Baby Sterling, namatay umano ang bata sa kapabayaan ng mga magulang dahil lumalabas na hindi umano nalilinisan at napapalitan ng diaper ang bata. Natuklasan din sa eksaminasyon na hindi rin inalis mula sa duyan ang sanggol. Mariin naman itong itinanggi ng mag-asawa, ngunit, hindi rin nagtutugma ang kanilang mga salaysay sa isinagawang test sa bangkay ng bata. Sa ngayon, bukod sa kulong, nakatakda ring magbayad ang mag-asawa ng $100,000 o humigit-kumulang Php5M cash bond.
OKTUBRE 28, 2017 7 After magpakaligaya abroad sa piling ni John Lloyd... ELLEN, BALIK-’PINAS, PASABOG INAABANGAN NA N GAYON pa lang, marami na ang nag-aabang sa pag-uwi sa ‘Pinas ni Ellen Adarna na isa sa mga Bench models na rarampa sa 30 th anniversary show ng naturang clothing line na gaganapin sa MOA sa Nov. 18, 2017. Tiyak kasing hindi magpapatalbog si Ellen sa mga makakasabayan niyang sexy stars tulad nina Kim Domingo, Sanya Lopez, atbp.. Hot item at kontrobersiyal si Adarna dahil sa relasyon nila ni John Lloyd Cruz. Siguradong siya ang hahabulin ng mga dadalong entertainment press sa Bench event. ☺☺ MAY sama ng loob o tampo nga ba si Willie Revillame sa kanyang mga co-hosts sa Wowowin? Bakit bigla-bigla, eh, nag-solo na ito sa pagho-host ng nasabing game show? Ipinagtataka ng mga viewers ang pagkawala ng mga co-hosts ni Revillame sa magkakasunod na araw ng Wowowin. Noong Huwebes at Biyernes na special episode ng Wowowin bilang tribute sa mga bayaning sundalo na nakipaglaban sa giyera sa Marawi City, sinolo ni Willie ang pagho-host kahit na malat at may karamdaman siya. Naitawid naman nang maayos ni Willie at hindi mo aakalain na may iniinda siyang karamdaman. Ang saya-saya niya nang maglaro ng Putukan Na ang mga sundalong contestants. Well, mas masaya sana kung kumpletong nandu’n ang mga co-hosts ni Revillame na sina Ariella Arida, Donita Nose, Ashley Ortega, atbp.. Sa pagkakaalam namin, maayos na nagpaalam muna sa Wowowin si Ariella dahil nagsu-shooting siya ng pelikulang The Revengers na isa sa mga entries sa MMFF. Si Ashley naman, bukod sa regular teyping ng Super Ma’am ay may pelikula ring ginagawa? Si Donita Nose ay maraming TV guestings at mga out-of-town shows. So, hindi ba nila prayoridad ang Wowowin na nagbigay sa kanila ng magandang exposure? Kahit sana si Donita Nose ay nagpaiwan sa WWW. ☺☺ MAY fallback si Aljur Abrenica sakaling wala siyang serye at pelikulang ginagawa. May singing voice siya na dapat niyang i-develop nang husto. Minana ni Aljur ang kanyang talent sa pagkanta sa kanyang ama na isang singer sa banda. Nang mag-guest si Aljur at ang kanyang ama sa Magandang Buhay, nahilingan silang kumanta. Dapat karirin na rin ni Aljur ang pagiging singer-performer. Ang acting career naman niya ay matagal na niyang na-establish. Kaya habang naghihintay ng magandang project at exposure sa Dos, pag-ukulan niya ng panahon ang kanyang singing career. At least, may maipagmamalaki siya kapag kinuha sa mga shows. Hindi niya kailangang mag-lip synch! Samantala, hindi rin dapat sisihin si Aljur kung hindi pa sila nagpapakasal ni Kylie na siyang gustong mangyari ni Robin Padilla. Si Kylie mismo ang ayaw magpakasal kay Aljur. Nasa tamang edad na silang pareho at alam na ang buhay na gusto nilang tahakin. Karapatan ni Kylie na gawin ang mga bagay na makabubuti sa kanya. At sa ngayon, si Aljur at ang anak na si Alas ang priority niya. ☺☺ EXCITED na si Yasmien Kurdi sa kanyang upcoming teleserye sa GMA-7, ang Hindi Ko Kayang Iwan Ka na mula sa direksiyon ni Maryo J. Delos Reyes. Makakasama niya sa serye ang premyadong aktresdirektor na si Ms. Gina Alajar at sina Mike Tan, Jackie Rice, Martin del Rosario at Ina Feleo. Bukod kay Direk Maryo J., co-directors din sina Neal del Rosario at Rado Peru. Ngayon pa lang, curious na ang mga viewers kung ano ang istorya ng Hindi Ko Kayang Iwan Ka. Tiyak na sasabak muli rito sa heavy drama scenes si Yasmien Kurdi. ☺☺ MARAMING viewers ang naaaliw sa game show na Celebrity Bluff. Napaka-lively kasing host ni Eugene Domingo. Idagdag pang may simpatikong Edu Manzano na Master Bluffer at nagpapakilig sa kababaihan tuwing nagsasayaw kapag siya ang napili ng contestant. Plus factor din ang comedian na si Boobay at si Isko Salvador a.k.a Brod Pete. Lately, isinasama na rin at madalas mag-guest sina Super Tekla at Boobsie Wonderland. Bukod sa naaaliw na ang mga viewers ay may mga kaalaman din silang natututunan. Riot ang Halloween episode ngayon ng Celebrity Bluff kaya dapat panoorin. ☺☺ BAGO pa sumapit ang Pasko, ang Undas ang isa sa mga pinaghahandaan ng mga Pinoy. Likas kasing mahilig sa horror stories ang ating mga kababayan kaya bukod sa pagdalaw sa puntod ng mga yumaong mahal sa buhay, aligaga rin tayo sa mga Halloween costume parties. Ang pamilya nina Pepito (Michael V.) at Elsa (Manilyn Reynes) sa Pepito Manaloto ay nanood ng horror movie, kaya ginugulo sila ng manika ni Clarissa (Angel Satsumi) na umiiyak at nakikita kung saan-saang sulok ng kanilang bahay. Pinatingnan sa exorcist, nagpausok at ipina-bless nila ang bahay. Ang PM office staff naman ay nagdaos ng Halloween party na may pa-contest pang Best Halloween Costume. ☺☺ PERSONAL: Our deepest condolences sa mga naulila nina Baldo Marro, Vincent Daffalong at ng aming kasamahan sa panulat na si Vir Mateo. Maraming tinulungang artista noon si Vir Mateo tulad nina Jestoni Alarcon, Rosanna Roces, atbp.. Naging publicist din siya ng Jukebox Queen na si Imelda Papin. Kapatid niya ang character actor na si Renato “Gido” del Prado. Nakaburol si Vir Mateo sa Jade Funeral Homes sa Camarin, Caloocan City. Nakatakda siyang i-cremate sa Nov. 4 at iuuwi sa bayan niya sa Hagonoy, Bulacan. ☺ Kahit nakauna pa sa kanya... VILMA, UMAMING NASAKAL KAYA HINIWALAYAN SI BOBOT TULUY-TULOY pa rin ang taping ng comedy show na Home Sweetie Home kahit wala ang bida nilang si John Lloyd Cruz. Mismong ang bossing ng show na si Edgar Mortiz ang nagkumpirma nito nu’ng dalawin namin siya sa taping ng HSH last Wednesday. Nakausap din namin ang komedyanteng si Jobert Austria na isa sa mga mainstays ng sitcom at sinabi niya na wala pa raw pasabi ang management sa kanila kung kailan ang last taping nila. For as long as maganda ang rating nila, mukhang tuloy pa rin daw ang show kahit wala si John Lloyd. Marami kasi ang maaapektuhan kapag isinara na ang show lalo pa’t nalalapit na ang Pasko. Isa si Jobert sa mga labis na nalungkot nu’ng mabalitang magpapahinga muna si John Lloyd sa show. Nalungkot din siya sa mga naglabasang video scandal ni Lloydie sa social media. Nu’ng una pa man daw naging malapit si Lloydie kay Ellen Adarna ay naalarma na si Jobert. May kakaiba raw siyang feeling towards Ellen. Pero siyempre, ano naman ang magagawa nila para hadlangan si Lloydie na mapalapit kay Ellen? True. ☺☺ SPEAKING of Direk Bobot Mortiz, ibinulgar ng Star for All Seasons na si Lipa Congresswoman Vilma Santos sa two-part special birthday tribute sa kanya sa Magandang Buhay na napanood nu’ng Huwebes at kahapon, Biyernes, na ang dati niyang kalabtim ang kanyang first boyfriend. Inamin din ni Congw. Vilma na ang dahilan ng hiwalayan nila ni Direk Bobot ay ang pagiging sobrang mahigpit nito bilang boyfriend. Pero hindi man sila nagkatuluyan, Santos pa rin naman ang napangasawa ni Direk Bobot. Ito ay ang youngest sister ni Charo Santos na si Milet. ☺☺ PINATIKIM ng sikat na clothing line na Bench ang media at bloggers ng mga dapat abangan sa major event nila titled Under The Stars (Bench Denim & Underwear Show) na magaganap sa SM MOA Arena on November 18, Saturday. Ginanap ang press preview para sa nalalapit na biggest fashion event sa Ibiza Beach Club, BGC, Taguig City last October 23. Reynang-reyna ang Miss Universe Philippines 2016 na si Maxine Medina habang nangunguna sa pagrampa kasunod ang iba pang female Bench Bodies endorsers na sina Kim Domingo, Sanya Lopez, Bianca King at Beauty Gonzalez. Umaapaw naman ang mga muscles sa katawan ng male Bench Bodies na sina Albie Casiño, Addy Raj, Bruno Gabriel (anak ni Lani Lobangco, ang buong pangalan ay Bruno Gabriel Santos), David Licauco, Mark Mugen, Kiko Estrada at Marco Gumabao. After ng press preview, nakausap namin ang may-ari ng Bench na si Ben Chan. Datirati ay every other year ginaganap ang Bench fashion show. But last year, hindi raw sila nakapag-mount ng fashion event dahil kung ginawa nila last year, then they have to do it again this year since it’s their 30 th anniversary. “So, we opted to do it this year instead. This time, you know, we’re quite prepared for our anniversary so it’s gonna be something bigger and better,” sey ni Ben. Promise pa ng clothing magnate, this year is going to be bigger than the last one. They even tapped a Canadian group to be part of the show. Canadian din ang direktor ng show and Bench resident director na si Robi Carmona ang choreographer. Although, the overall concept came from Canada. Kinumpirma rin ni Ben na makakasama sa Under The Stars ang international models na sina Ivo Buchta, Trevor Signorino at Pietro Boselli (tinaguriang Hottest Math Teacher). “Yes, yes, they’re all confirmed,” excited na sabi ni Ben Chan. “As a matter of fact, we just communicated with them and told them they have to be here. We don’t know what’s gonna happen because Nov. 13 is gonna be a holiday up to the 15, ‘di ba? Of the Economic (Asean Summit), ‘di ba? So, baka ma-delay ang flight. So, I hope not.” May nagtanong kay Ben kung may mga artista ba na “magpapasabog” ulit sa show. “You know, those pasabog are not part of the show. It was on their own, so, bahala sila. I’m not sure (kung meron). I’m just saying na hindi naman namin controlled ‘yun. Alangan namang hahabulin ko sila sa stage? It’s up to them.” Nilinaw din ni Ben na walang kinalaman ang isang active feminist group sa nangyaring kontrobersiya sa nakaraang fashion event ng Bench kaya inabot nang three years bago ulit (Sundan sa p.8)
Page 1 and 2: OCT 27, 2017 06 20 14 33 24 19 SABA
Page 3 and 4: OKTUBRE 28, 2017 Column Editor: PRI
Page 5: OKTUBRE 28, 2017 5 OPINYON MO, I-TE
Page 9 and 10: 28, 2017 TV host, ibang klase raw
Page 11 and 12: OKTUBRE 28, 2017 BARANGAY MAMBUBULG
Page 13 and 14: OKTUBRE 28, 2017 13 Dehins ka magig
Page 15 and 16: OKTUBRE 28, 2017 15 TARGET SA LOTTO

OCTOBER 28, 2017 BULGAR: BOSES NG PINOY, MATA NG BAYAN

Create successful ePaper yourself

Delete template?

Save as template?