SPORTSMAN-118-small

STOLÜSTÜ TENNİS
S P O R T S M A N
Mən, Nurlan Mir-Daməd oğlu Həsənov 1998-ci
ildə Rusya Federasiyasının Yujno-Saxalinsk şəhərində
anadan olmuşam. Stolüstü tennisə həvəsim lap kiçik
yaşlarımdan olub. Artıq 6 yaşımda bu maraq məni ilk
məşqçim Vagif Məmmədovun yanına gətirir. 3 il sərasər
məşqlərdən sonra mən, 9 yaşımda ilk dəfə yarışlarda iştirak
etdim və öz bacarığımı göstərdim. Beləcə, məktəb
yarışlarında, şəhər kubokunda, respublika çempionatlarında
fəal çıxış etməyə başladım. 11 yaşımda isə yığma
komandaya dəvət aldım. Şəxsi və yığma komandada
etdiyim ciddi məşqlər, məni peşəkar idmançıya, dəfələrlə
Azərbaycan çempionuna, idman ustalığına namizədə
çevirdi. Azərbaycan stolüstü tennis yığmamızın üzvü
kimi dəfələrlə beynəlxalq turnirlərə qatılaraq, respublikamızı
təmsil etmiş və bu gün də etməkdəyəm. Ölkəmizdə
digər idman növləri kimi stolüstü tennis də sürətlə inkişaf
edir. Bizə yaradılan bu şəraitə görə Azərbaycan idmanına
öz dəstəyini əsirgəməyən hörmətli Prezidentimizə,
federasiya rəhbərliyinə, məşqçi-müəllimlərimizə və çox
sevdiyim ailəmə sonsuz minnətdarlığımı bildirirəm.
Mən, Sadıx Yusif oğlu Sadiqov 2002-ci ildə Russiya
Federasiyasinın Saransk şəhərində anadan olmuşam.
Artıq 6 yaşimdan Bakıda, Vaqıf müəllimin rəhbərliyi ilə
stolüstü tennislə məşğul olmağa başlamişam. 2012-ci ildə
ilk dəfə Azərbaycan çempionu olduqdan sonra müxtəlif
beynəlxalq yarışlarda gücümü sınamışam. Mütəmadi
məşqlər öz bəhrəsini verdi. Dəfələrlə Azərbaycan çempionu,
beynəlxalq yarışların mükafatçısı olmuşam. Ən yüksək
nəticəmi isə 2016-cı ildə qazandım. Xorvatiyada keçirilən
Avropa çempionatına yığma komandanın baş məşqçisi
Mixael Timofeyevin rəhbərliyi ilə qatılan komandamız, bütün
rəqiblərinə qalib gələrək, gənclərin Avropa çempionu
adını qazandı.
Hazırda idman ustası olaraq, həm şəxsi məşqçim Vaqif
Məmmədovla, həm də yığma komanda da məşqlərimi davam
edirəm.
32 спортсман № 118 / 2019