SPORTSMAN-118-small

II AVROPA OYUNLARI
S P O R T S M A N
Klassik dairəvi formada olan medalların
diametri 9,5 sm, qalınlığı,
9,5 mm-dir. Bu, Belarus əhalisinin
sayının 9,5 milyon olmasına işarədir.
Mükafatların çəkisi 540 qramdır.
Medalların korpusu xüsusi tompak
metalı ilə örtülüb. Onların hazırlanmasında
24 karat qızıl və 999 əyarlı
xalis gümüş və bürüncdən istifadə
olunub.
II Avropa Oyunları üçün ümumilikdə
1084 ədəd – 329 qızıl, eyni sayda
gümüş və 426 bürünc medal hazırlanacaq.
Hər bir medalın əks üzündə
onu əldə edən şəxsin çıxış etdiyi idman
növünün rəmzi əks olunacaq.
Həmçinin II Avropa Oyunlarına
gələcək ölkələrin nümayəndə heyətləri
və rəsmi şəxsləri üçün xatirə
medalı hazırlacaq. Bunlar yarışlarda
idmançılara verilmiş medalların kiçildilmiş
surəti olacaq.
III Avropa Oyunları Polşada?
2023-cü ildə keçiriləcək III Avropa
Oyunlarını keçirməyə yeganə namizəd
ölkənin adı açıqlanıb.
Avropa Olimpiya Komitələrinin
(EOC) rəsmi saytının məlumatına
görə, Polşa Milli Olimpiya Komitəsi
Krakov şəhəri və Malopolsk regionunun
birgə ərizəsini təqdim edib. Növbəti
Oyunların məkanı iyunun 22-də
EOC-un Belarusun paytaxtı Minskdəki
Növbədənkənar Baş Assambleyasında
açıqlanacaq.
Daha əvvəl Rusiyanın Kazan
şəhərinin də namizəd olduğu bildirilirdi.
Qeyd edək ki, ilk Avropa Oyunları
2015-ci ildə Bakıda təşkil olunub.
Çingiz Hüseynzadə: "10-luğ"a
düşməyə çalışacağıq"
"Nümayəndə heyətimiz 150
nəfərə yaxındır. Onlardan 80-i atlet,
32-si məşqçi, 15-i inzibati şəxs, 5-i
isə tibb işçisidir".
Bunu Milli Olimpiya Komitəsində
Minsk-2019 Avropa Oyunları ilə
bağlı keçirilən mətbuat konfransında
MOK-un vitse-prezidenti Çingiz Hüseynzadə
deyib.
O bildirib ki, ikinci dəfə təşkil olunacaq
yarışda Azərbaycan 11 idman
növündə qüvvəsini sınayacaq. Ç.
Hüseynzadənin sözlərinə görə, bayraqdar
üçün bir neçə namizəd var:
"Lakin bu, son anda açıqlanacaq.
Həmin idmançı ilk gündə yarışacaq
idman növlərinin üzvlərindən biri olacaq".
Vitse-prezident bildirib ki, Bakıda
l Avropa Oyunlarında qeydə alınan
nəticəni Minskdə göstərmək mümkün
olmayacaq: "Çünki həmin vaxt
bütün növlərdə təmsil olunurduq.
Burda isə elə deyil. Ümid edirik ki,
medallarımızın sayı kifayət qədər
çox olacaq. Güləş, boks, cüdo və karateçilərimizə
daha çox inanırıq. Bu
yarış Tokio-2020 öncəsi olduğundan
Olimpiya komandamızın formalaşması
baxımından mühüm rol oynayacaq.
Çalışacağıq ki, ümumi hesabda
“10-luğ”a düşə bilək ".
Ç.Hüseynzadə "Minsk-2019"un
yarışların keçirilməsi baxımından əla
olacağını deyib: "Amma komandanın
və rəhbərliyin məskunlaşmasını
komfortlu adlandıra bilməyəcəyəm.
Bakı-2015-də olan təmtəraq Minskdə
olmayacaq".
Tokio-2020-yə hələlik bir lisenziyanın
qazanıldığını deyən Ç.Hüseynzadə
bu sayın tezliklə artacağına
əminliyini bildirib: "Bir sıra növlərdə,
xüsusən, atıcılıq növündə ilk lisenziyalar
Minskdə qazanıla bilər".
Mayın 20-də Minskdə təşkil olunacaq
Azərbaycan günü barədə də
danışan funksioner həmin gün ayrılacaq
pavilyonda səfir Tünzalə Ağayevanın
konset verəcəyini və rəqs
qrupunun çıxış edəcəyini söyləyib. Ç.
Hüseynzadə deyib ki, “Zəfər günləri”
II Avropa Oyunları və “Bakı 2019” XV
Avropa Gənclər Yay Olimpiya Festivalı
zamanı da davam edəcək.
Qeyd edək ki, II Avropa Oyunları
21-30 iyun tarixlərində keçiriləcək. 8
növ üzrə mübarizə 2020-ci il Tokio
Yay Olimpiya Oyunlarına təsnifat xarakteri
daşıyacaq.
Vüsal Mövsümov
50 спортсман № 118 / 2019