SPORTSMAN-118-small

S P O R T S M A N
liyevin (73 kq) bürünc medal uğrunda
görüşdə rusiyalı Denis Yartsevə qarşı
işlətdiyi fənd isə dördüncü yerə layiq
görülüb.
Telman Vəliyev: “Medal qazandığım
üçün çox sevinirəm”
Yarışda bürünc medal qazanan
gənc cüdoçumuz Telman Vəliyev fikirlərini
belə bölüşüb: "Böyük dəbilqə"
yarışları cüdo üzrə ən nüfuzlu turnirlərdən
biridir. Belə bir yarışda medal
əldə etdiyim üçün çox sevinirəm. Bu
hissləri yaşamaq üçün qələbə qazanmaq
lazımdır. "Böyük dəbilqə"nin bürünc
medalı mənim üçün çox önəmli
nəticədir. Yarış boyu azarkeşlərin
dəstəyi bizi daha yaxşı döyüşməyə
ruhlandırırdı. Sevinirəm ki, etimadı
doğrultdum".
Elmar Babanlı: “Azərbaycan
komandası bu nüfuzlu
turnirdə uğurla çıxış etdi”
Azərbaycan Cüdo Federasiyasının
baş katibi Elmar Babanlı cüdoçularımızın
çıxışını belə dəyərləndirib: “Ev
sahibi olduğumuzdan yarışda böyük
heyətlə iştirak edirdik. Gənc cüdoçular
və ehtiyat qüvvə sayılan komanda
üzvləri də məşqçilər heyətinin qərarı
ilə yarışa qatılmışdılar. Onlar burada
böyük təcrübə topladılar. Azərbaycan
komandası bu nüfuzlu turnirdə uğurla
çıxış edərək 7 medal qazandı. Medal
cədvəlində komandamız üçüncü pillədə
qərarlaşıb. Əldə edilən qələbə bir
daha sübut edir ki, Azərbaycan cüdoçuları
güclü rəqiblərdir.
Cüdoçularımızı Minskdə keçiriləcək
ikinci Avropa Oyunları gözləyir.
Avqustun sonu - sentyabrın əvvəlində
isə Tokioda dünya çempionatı keçiriləcək.
Gələn il Olimpiya ili olduğundan
dünya reytinq cədvəlində yüksək
yerlər uğrunda daha gərgin mübarizə
başlayacaq. Əminik ki, cüdoçularımız
yüksək nəticələr əldə edəcəklər”.
Sadıq Sadıqov: “Turnirin
Azərbaycan cüdoçuları üçün
uğurla başa çatdığını deyə bilərik”
“Bakıda keçirilən “Böyük dəbilqə”
turniri yüksək səviyyədə təşkil olundu.
Dünyanın ən güclü cüdoçuları üç gün
ərzində Bakı turnirində gərgin idman
mübarizəsi apardılar. Bu turnirin Azərbaycan
cüdoçuları üçün uğurla başa
çatdığını deyə bilərik. Amma nəticələr
daha yüksək ola bilərdi. Əsas odur
ki, idmançılarımız Tokio Yay Olimpiya
Oyunlarına lisenziya xallarını artırdılar.
Əminəm ki, kişilərdən ibarət cüdo
komandası “Tokio 2020”də tam heyətlə
iştirak edəcək”.
Uşangi Kokaurinin (+100 kq) ciddi
zədə üzündən turnirə qatılmadığını
vurğulayan vitse-prezident, cüdoçunun
ikinci Avropa Oyunlarında iştirak
edəcəyini bildirib. Elmar Qasımovun
(100 kq) çıxışına münasibət bildirən
S.Sadıqov, cüdoçunun potensialının
onun qarşıdakı yarışlarda inamla
çıxış edəcəyini deməyə əsas verdiyini
vurğulayaraq bildirib: “Elmar Qasımov
Tokio Olimpiadasında qələbəyə real
namizədlərdən biridir. O, bu turnirlərdə
lisenziya xalları toplayır və ümid
edirəm ki, olimpiadada öz sözünü
deyəcək”.
Sadıq Sadıqov qadın cüdoçulardan
ibarət milli komandadakı vəziyyətlə
bağlı danışarkən deyib: “Qadın
cüdoçulardan ibarət milli komandaya
yeni baş məşqçi təyin olunub. Bundan
əvvəl yığmaya Natiq Bağırov rəhbərlik
edirdi. O da tanınmış mütəxəssislərdən
biridir. Onu bu vəzifədə Rəşad
Məmmədov əvəzləyib. Qadın yığmamızdan
da gözləntilərimiz böyükdür.
Tokio Olimpiadasında qadın cüdoçularımızın
üç çəki dərəcəsində iştirakını
planlaşdırırıq. Artıq qadınlar arasında
da perspektivli cüdoçular yetişir.
Əvvəl zalda 10-20 qız cüdo ilə məşğul
olurdusa, indi onların sayı 80-ə
çatır və bu, böyük uğurdur. Qadın
idmançıların arasında Leyla Əliyeva
(48 kq), Gültac Məmmədəliyeva (52
kq) və digər gənc cüdoçularımızdan
uğurlar gözləyirik. Komanda ilboyu təlim-məşq
toplanışlarına qatılır. Ümid
edirəm ki, qadın idmançılarımız da
ümidləri doğruldacaqlar”.
Vüsal Cəfərov
6 спортсман № 118 / 2019