Recomendacións na crise do COVID-19

IMPACTO EMOCIONAL CAUSADO POLA COVID-19
A expansión do coronavirus
supuxo unha situación de crise
en todo o mundo.
As nosas vidas cambiaron subitamente
e o impacto, segundo as circunstancias
de cada persoa, é diferente.
É normal sentir emocións intensas, coma
medo, tristeza, enfado e sentimentos
de vulnerabilidade e falta de control.
Lembra que o que sentes é produto das
circunstancias que estamos a vivir.
É posible que as emocións vaian variando
ao longo dos días e semanas e que en cada
fase deste período se poidan presentar
algunhas fortes, acordes ás circunstancias.
Aprender da crise que estamos a vivir e facerlle fronte á situación non
é fácil, pero a forma na que respondamos, a nivel individual e social,
será determinante para superar esta etapa da mellor maneira posible.
Isto acabará e seremos máis fortes!
ESTRATEXIAS PARA CENTRAR A TÚA ENERXÍA NO QUE PODES FACER
RECOÑECE AS TÚAS EMOCIÓNS
☞ Identifícaas e tenta non alimentalas nin
deixarte levar por elas
☞ Compartilas con persoas próximas
pódete aliviar
☞ A respiración e a relaxación facilitarán
que dirixas a túa atención ao esencial
ENFOCA A TÚA ENERXÍA E XERA UNHA RUTINA
Presta atención ao que si podes facer:
☞ Cumpre coas medidas do estado de
alarma
☞ Elabora un horario coas cousas que
queiras facer cada día e trata de mantelo
☞ Tenta engadirlle á rutina momentos de
lecer e fomenta a túa creatividade
☞ Axuda as e os que te rodean e o
necesitan
☞ Céntrate en obxectivos que poidas
cumprir e persevera
CÓIDATE
DESCONECTA
☞ Mantén as túas rutinas de hixiene,
alimentación e sono
☞ Tenta engadir momentos de actividade
física
☞ Evita a sobreexposición á información
sobre o coronavirus
☞ Procura falar doutros temas e
intenta facer cousas que che gusten e
che sirvan para cumprir obxectivos
MANTÉN O CONTACTO SOCIAL
☞ Con amizades e familiares a través
do teléfono e de videochamadas
☞ Coida de ti coidando delas e deles
#QuedaNaCasa

Recomendacións de apoio emocional
a nenas e nenos durante a epidemia
de COVID-19
Como lles pode afectar a situación actual?
Nestes momentos as nosas vidas cambiaron. As nenas e
nenos poden necesitar que lles presten máis atención,
ter problemas para durmir ou de alimentación e mostrar
enfado, tristeza, cansazo ou medos
Normaliza as emocións
Explícalles que estar triste, ter medo ou sentir calquera
outra emoción é normal, que as persoas adultas tamén
as sentimos e que se poden manexar
Organízate na casa
Facilítalles o contacto con familiares e amizades mediante videochamadas
Establece unha rutina familiar adaptada a cada idade e fai que se involucren nas tarefas domésticas
Tenta diferenciar as rutinas de diario das da fin de semana e planifica actividades para que xoguen e se
relaxen
Explícalles o que está a acontecer
Coas palabras adecuadas para a súa idade e sen
engadir medos
Escoita as súas preocupacións e contesta as súas
preguntas
Procura que non estean moito tempo recibindo
información sobre o tema
Recórdalles que é algo temporal
Un exemplo vale máis que mil palabras
Sé un referente á hora de manexar as túas emocións
e evita as discusións
Cumpre as medidas do estado de alarma e sigue as
medidas de hixiene
Vixía o uso que fan das pantallas e dálles exemplo
desconectándoas ti tamén
#QuedaNaCasa

MEDIDAS HIXIÉNICAS PARA A PREVENCIÓN DE CONTAXIOS POLA COVID-19
MEDIDAS HIXIÉNICAS QUE SE DEBEN TOMAR NOS DOMICILIOS
1
2
Asegúrese de que os cuartos da casa estean ben
ventilados (5 minutos ao día como mínimo)
Realice unha limpeza diaria; utilice auga e
xabón para as superficies de contacto
frecuente. A limpeza elimina xermes,
sucidade e impurezas, por iso é importante
que haxa unha boa limpeza antes de proceder,
no seu caso, a unha desinfección
MEDIDAS HIXIÉNICAS QUE SE DEBEN TOMAR NAS ZONAS
COMÚNS DAS CASAS OU URBANIZACIÓNS
1
2
3
4
5
A persoa que se encargue da limpeza diaria terá que realizala
con luvas dun só uso
Debe asegurarse de que as zonas comúns pechadas se
encontren ben ventiladas (5-10 minutos ao día como mínimo)
Limpe diariamente, primeiro con auga e xabón. Nas
superficies preste unha maior atención ás zonas de recepción
e a todas aquelas superficies que se toquen con moita
frecuencia
Ademais deberá utilizar desinfectantes, que atopará nos
supermercados, para limpar varandas, interruptores, pomos,
picaportes, interfonos, caixas do correo etc. Se é posible, esta
actividade realizarase frecuentemente en función do tránsito
da zona (ver lista de produtos virucidas autorizados para uso
do público en xeral)
Unha vez rematada a limpeza, quite as luvas e bóteas no lixo.
Posteriormente debe realizar unha completa hixiene de mans,
con auga e xabón, durante polo menos 40-60 segundos
MEDIDAS HIXIÉNICAS QUE SE DEBEN TOMAR NOS VEHÍCULOS
PRIVADOS
Deberá ter en conta que os vehículos privados tamén poden
ser unha fonte de contaminación, polo que deberá extremar
as medidas de limpeza
MEDIDAS HIXIÉNICAS QUE SE DEBEN TOMAR NOS DOMICILIOS
ANTE CASOS DE PERSOAS SOSPEITOSAS OU CONFIRMADAS
CON COVID-19
1
2
3
4
5
Consultar o documento “Manexo domiciliario da COVID-19”:
https://www.mscbs.gob.es/profesionales/saludPublica/cca
yes/alertasActual/nCov-China/documentos/Manejo_domicili
ario_de_COVID-19.pdf
A persoa que se encargue da limpeza diaria terá que realizala
con luvas dun só uso e con máscara (se hai dispoñibilidade)
Debe asegurarse de que os cuartos da casa
estean ben ventilados (5-10 minutos ao día
como mínimo)
Ten que limpar diariamente, primeiro con
auga e xabón, as superficies de contacto
frecuente
5–10
minutos
Ademais poderá utilizar desinfectantes, que atopará
nos supermercados, para limpar os pomos das portas, as
superficies do baño, as mesas de cabeceira, os mandos a
distancia, os interruptores, as billas do baño e da cociña, os
6
7
inodoros, os teléfonos, os teclados, as tabletas (ver lista de
produtos virucidas autorizados para uso do público en xeral)
Inicie a limpeza desde a parte máis afastada da porta de
entrada cara a esta
Unha vez rematada a limpeza, quite as luvas e, no seu caso, a
máscara e deposíteas nunha bolsa que se pechará
adecuadamente e se desbotará co resto dos residuos
domésticos. Posteriormente debe realizar unha completa
hixiene de mans, con auga e xabón, durante polo menos 40-60
segundos
COMO PREPARAR O DESINFECTANTE PARA SUPERFICIES
OU PARA OBXECTOS PERSOAIS
A limpeza elimina xermes, sucidade e impurezas, mentres
que a desinfección mata os xermes. Por iso, é moi
importante que haxa unha boa limpeza antes da
desinfección.
Empregue un biocida (desinfectante) con eficacia
demostrada e siga as indicacións da etiqueta para obter
un resultado adecuado. Sen prexuízo do anterior, e aínda
que se descoñeza cal pode ser a carga viral existente
nunha superficie, un dos desinfectantes que recomendan
as autoridades sanitarias é a lixivia (hipoclorito sódico)
diluída ao 0,1 % (ou incluso un pouco máis diluída), que se
mostra moi efectiva na inactivación do coronavirus.
Este desinfectante para superficies prepárase utilizando a
lixivia doméstica, non importa a marca, a concentración
será entre 35 e 50 g Cl activo por litro. Colla 20 mililitros,
bóteos nunha botella de litro e encha con auga da billa ata
completar. Péchea ben e déalle a volta varias veces. Xa ten
preparado un litro de desinfectante de hipoclorito.
Molle unha baeta nesta disolución e pásea polas
superficies para limpalas e desinfectalas. Limpe a baeta
con auga da billa tras cada uso e volva impregnala con
esta disolución de lixivia. Poña luvas durante a
desinfección.
Os obxectos de uso persoal como lentes, móbiles, tabletas,
teclados etc. pódense desinfectar cunha solución
hidroalcohólica que se prepara facilmente utilizando o
alcohol doméstico de 96º rebaixándoo ao 70 %. É doado:
colla 70 mililitros de alcohol e complete ata 100 mililitros
con auga. Tape a botella e déalle a volta varias veces.
Molle unha baeta con esta disolución e pásea polos seus
obxectos persoais.
Lembra: na casa utiliza produtos de uso doméstico.
Mantén a dose; non é preciso nin recomendable
incrementala
#QuedaNaCasa

RECOMENDACIÓNS PARA O MANEXO DOMICILIARIO DOS RESIDUOS EN FOGARES CON POSITIVOS OU EN CORENTENA POR COVID-19,
E PARA O MANEXO DOMICILIARIO DOS RESIDUOS EN FOGARES SEN POSITIVOS OU QUE NON ESTEAN EN CORENTENA
1
1
En fogares con positivos ou en corentena por COVID-19 recoméndase manexar os residuos do
seguinte xeito:
☞ Os residuos da ou do paciente, incluído o material desbotable utilizado pola persoa enferma
(luvas, panos, máscaras), débense eliminar nunha bolsa de plástico (bolsa 1) nun caldeiro
de lixo disposto no cuarto, preferiblemente con tapa e pedal de apertura, sen separar para a
reciclaxe.
2
☞ A bolsa de plástico (bolsa 1) debe pecharse adecuadamente e introducirse nunha segunda
bolsa de lixo (bolsa 2), á beira da saída do cuarto, onde ademais se depositarán as luvas e a
máscara utilizadas pola persoa coidadora, e que se pechará adecuadamente antes de saír do
cuarto.
A bolsa 2, cos residuos anteriores, depositarase co resto dos residuos domésticos na bolsa de
lixo (bolsa 3) correspondente ao de colector fracción resto.
Inmediatamente despois realizarase unha completa hixiene de mans, con auga e xabón, polo
menos durante 40-60 segundos.
3
☞ A bolsa 3, pechada adecuadamente, depositarase exclusivamente no colector de fracción
resto (ou en calquera outro sistema de recollida de fracción resto establecido na entidade local).
En poboacións con sistemas de separación húmido-seco ou similar a bolsa 2 deberase depositar
na fracción que indique a entidade local.
2
En fogares sen positivos ou que non estean en corentena por COVID-19 recoméndase manexar os
residuos do seguinte xeito:
☞ A separación dos residuos realizarase coma habitualmente, tratando de maximizar a separación
para reducir a fracción resto xerada. As fraccións separadas só se depositarán nos
colectores correspondentes.
☞ As luvas de látex ou nitrilo empregadas para outros usos non se deben depositar no
colector de envases lixeiros (amarelo), senón no de fracción resto.
Lembra: non tires as luvas ao chan cando remates de facer as túas compras ou xestións, bótaas
no lixo.
3 Os centros de compostaxe comunitaria (CCC) en uso nesta provincia considéranse de xestión
segura, pero deberanse seguir sempre as precaucións de uso indicadas nos carteis colocados en
cada un.
#QuedaNaCasa