UMUMIY PSIXOLOGIYA
O'quv qo'llanma
O'quv qo'llanma
You also want an ePaper? Increase the reach of your titles
YUMPU automatically turns print PDFs into web optimized ePapers that Google loves.
UMUMIY
PSIXOLOGIYA
O‘quv qo‘llanma
O‘zbekiston Respublikasi Oliy va o‘rta maxsus, kasb-hunar ta’limi o‘quvmetodik
birlashmalar faoliyatini Muvofiqlashtiruvchi Kengash tomonidan
5210200 – Psixologiya (sport) ta’lim yo‘nalishi talabalari uchun o‘quv
qo‘llanma sifatida tavsiya etilgan
Navbahor Umarova, Dilshod Arziqulov
Mas’ul muharrir Oybek Hayitov
0
O‘ZBEKISTON RESPUBLIKASI
OLIY VA O‘RTA MAXSUS TA’LIM VAZIRLIGI
O‘ZBEKISTON DAVLAT
JISMONIY TARBIYA VA SPORT UNIVERSITETI
Umarova N.Sh., Arziqulov D.N.
UMUMIY PSIXOLOGIYA
O‘zbekiston Respublikasi Oliy va o‘rtamaxsus, kasb-hunar ta’limi o‘quvmetodik
birlashmalar faoliyatini Muvofiqlashtiruvchi Kengash tomonidan
5210200 – Psixologiya (sport) ta’lim yo‘nalishi talabalari uchun
o‘quv qo‘llanma sifatida tavsiya etilgan
TOSHKENT – 2018
1
UO‘K: 159,9
KBK – 15
Umumiy psixologiya: O‘quv qo‘llanma / N.Sh.Umarova, D.N.Arziqulov; Mas’ul muharrir
O.E.Hayitov; O‘zbekiston Respublikasi Oliy va o‘rta maxsus ta’lim vazirligi. – T.: “Fan va
texnologiya”, 2018. – 184 b.
Sarlavha oldida: O‘zbekiston Respublikasi Oliy va o‘rta maxsus ta’lim vazirligi, O‘zbekiston
davlat jismoniy tarbiya va sport universiteti; Navbahor Umarova, Dilshod Arziqulov
Bugungi kunda jadallik bilan rivojlanayotgan yangi davr har bir insondan chuqur psixologik
bilimlarni egallashini davr talabi sifatida taqozo etmoqda. Hozirgi kunda psixologiya fanining 300
dan ortiq sohasi alohida shakllangan bo‘lib, eng avvalo psixologiyaning tarmoqlari va ular
bajaradigan vazifalar, psixolog-Kim? degan savolga javob topishimiz, shu bilan birga shaxs
psixikasining namoyon bo‘lish shakllari: psixik jarayonlar, psixologik holatlar, shaxsning individualpsixologik
xususiyatlarini bilish zarur bo‘ladi. Fan sifatida psixologiya bir qator fanlar bilan uzviy
bog‘liq bo‘lib, bu tom ma’noda uning jamiyatda amaliy ahamiyati ortib borayotganligidan darak
beradi.
Ushbu o‘quv qo‘llanma 5210200 – Psixologiya (sport) ta’lim yo‘nalishi talabalari uchun
mo‘ljallangan. Shuningdek ushbu o‘quv qo‘llanmadan psixologiya sohasiga qiziqqan talabalar ham
foydalanishlari mumkin.
Общая психология: Учебное пособие / Н.Ш.Умарова, Д.Н.Арзикулов; Ответственный
редактор О.Э.Хайитов; Министерство Высшего и Среднего Образования Республики
Узбекистан.– T.: “Fan va texnologiya”, 2018. – 184 с.
Заглавие: Министерство Высшего и Среднего Образования Республики Узбекистан,
Узбекский государственный университет физической культуры и спорта; Навбахор Умарова,
Дилшод Арзикулов
В сегодняшние дни, развивающие с прогрессом, новая эра требует с каждого человека
иметь психологические знание как требование времени. В настоящие время в психологии
развилось более 300 отраслей, и эти отрасли отвечают на вопросы Психолог – это Кто? и они
какую задание выполняют, а также изучает влияние психических явлений: психический
процесс, психические состояние, индивидуально-психические особенности на развитии
личности. Психология как наука связанно с другими развивающими науками, а это
показывает, что психология в социуме играет важнейшую роль.
Это учебное пособие предназначенный для студентов по направлению 5210200 –
образование Психология (спорт). Также можно с этого учебного пособие пользоваться
студенты интересующейся психологии.
General Psychology: The manual / N.Sh.Umarova, D.N.Arziqulov; Responsible editor
O.E.Khayitov; The Ministry of higher and secondary special education Republic of Uzbekistan. – T.:
“Fan va texnologiya”, 2018. – 184 p.
Before headhine: The Ministry of higher and secondary special education Republic of
Uzbekistan, Uzbek State University of Physical Education and Sport; Navbahor Umarova, Dilshod
Arzikulov
Today’s faster, developing century is required that getting deply psychological knowledge as
centuries demand from each person. Nowadays, more than300 branches of psychology are formed,
firstly its fields and their tasks, we should not only find out the answer for the questions “Who is a
psychologist?”, but also we should know appearing forms of person’s psychology: psychic period,
psychological conditions, personal psychological pecuharities. Psychology is means that its
importance is getting rise in society.
Present manual is devoted to the student of 5210200 Psychology (sport) Education activity.
Mas’ul muharrir:
Taqrizchilar:
psixologiya fanlari nomzodi, dotsent O.E.Hayitov
psixologiya fanlari doktori D.G.Muxamedova
pedagogika fanlari nomzodi, professor Z.G.Gapparov
psixologiya fanlari nomzodi, dotsent N.X.Lutfyllaeva
2
Kirish 4
I qism
PSIXOLOGIYA FAN SIFATIDA
1.1. Yangi davr va psixologiya 6
1.2. Psixologiya fanining dolzarbligi 10
1.3. Sport psixologi faoliyatining xususiyatlari 13
1.4. Sport psixologi-tadqiqotchining faoliyati oldiga qo‘yiladigan asosiy talablar 22
1.5. Psixologiya fanining predmeti 25
1.6. Psixologiyaning tarmoqlari 29
1.7. Psixologiya fanining metodlari 34
II qism
PSIXIKANING EVOLYUTSION TARAQQIYOTI
2.1. Nerv sistemasining tuzilishi 55
2.2. Markaziy nerv sistemasi 65
2.3. Psixika haqida umumiy tushuncha 74
2.4. Inson psixikasining ijtimoiy-tarixiy tabiati 82
2.5. Ontogenezda inson psixikasining rivojlanishi 91
2.6. Faoliyat haqida umumiy tushuncha 97
III qism
SHAXS PSIXOLOGIYASI
3.1. Psixologiyada shaxs va jamiyat muammosi 107
3.2. Chet el psixologiyasida shaxs nazariyalari 111
3.3. Shaxs rivojlanishining individuallik xususiyatlari va ularning roli 116
3.4. Shaxsning oʻz-oʻzini anglashi va Men-kontseptsiyasi 118
IV qism
PSIXIK JARAYON: TASNIF, XUSUSIYAT, QONUNIYATLAR
4.1. Bilish jarayonlarining qisqascha tasnifi 123
4.2. Sezgi va idrok psixik jarayonlarning boshlangʻich holati ekanligi 125
4.3. Sezgilarni klassifikatsiyasi 128
4.4. Idrok haqida tushuncha 134
4.5. Pertseptiv obrazni tashkillashtirish 140
4.6. Tasavvur haqida tushuncha 145
4.7. Xayol haqida tushuncha 147
4.8. Diqqat haqida tushuncha 152
4.9. Diqqatning asosiy xusisiyatlari 155
4.10. Diqqat turlari va funktsiyalari 157
4.11. Xotira haqida umumiy tushuncha 159
4.12. Tafakkur toʻgʻrisida umumiy tushuncha 169
Umumiy psixologiyadan praktikum 178
Glossariy 202
3
KIRISH
O‘zbekiston Respublikasining mustaqillikka erishganiga yigirma yetti yil
to‘ldi. Mustaqillik fan, madaniyat va sport sohasining rivojlanishiga keng yo‘l
ochib berdi. Ayniqsa, u maorifni rivojlanishiga, birinchi navbatda, oliy ta’limning
yuksalishiga keng imkoniyatlar ko‘lamini ochdi.
Bugungi kunda shiddat bilan rivojlanayotgan bur davr, insonni mustaqil
fikrga ega shaxs sifatida har bir soniyada o‘ylashga, fikrlashga, mulohaza yuritib,
o‘zi uchun kerakli xulosalar chiqarishga majbur etmoqda. Ya’ni, bu keng olamda
biz o‘zimizni o‘zgalarsiz, o‘z manfatlarimizni o‘zgalar manfaatisiz tasavvur qila
olmaganimiz uchun ham psixologiyani bilishga majburmiz.
Prezidentimiz Sh.Sh. Mirziyoyevning “O‘zbekiston Respublikasini yanada
rivojlantiris bo‘yicha Harakatlar Strategiyasi to‘g‘risi”dagi PF-4947-son farmonida
nazarda tutilgan ko‘rsatmalari va talablarining hayotga bosqichma-bosqich tadbiq
Yoshlarning ongu tafakkurini
ma’rifat asosida shakllantirish va
tarbiyalash eng muhim vazifadir.
Sh.Mirziyoyev
etilishi barkamol avlodni tarbiyalash samaradorligini
borgan sari kuchaytirmoqda.
Oliy o‘quv yurtlarida yuqori malakali
xodimlarni yetishtirish jarayonida psixologiyaning roli va o‘rni beqiyosdir.
Umumiy psixologiya fani yordamida inson psixikasining o‘ziga xos xususiyatlari
haqidagi to‘liq ma’lumotlar to‘plash imkoniga ega bo‘lish mumkin. Zamonaviy
psixologiya hozirgi kunda kishining individual-psixofiziologik va individualpsixologik
xususiyatlarini aniqlash, o‘rganish borasidagi tadqiqotlarni olib
boruvchi fandir. Shuningdek, u psixologik amaliyotning ham alohida sohasi
sanalib, psixologning undagi vazifasi shaxsdagi psixik, psixofiziologik
xususiyatlarining individual ko‘rinishlarini aniqlashdan iborat bo‘ladi.
Umumiy psixologiya zamonga xos tarzda yangi bilimlar bilan jadal
rivojlanib borayotgan, jamiyat uchun kerak bo‘lgan ilmiy fandir. Psixologiya
(sport) ta’lim yo‘nalishi bo‘yicha bakalavrlar o‘z faoliyatlarida psixologik
bilimlardan samarali foydalanishlari lozimligi bugungi kunning dolzarb
4
muammolaridan biridir. Chunki psixologiya yordamida shaxsning aqliy
imkoniyatlari, shaxsiy xususiyatlari, undagi ijtimoiy-psixologik ta’sir omillarini
o‘rganish orqali, har qanday faoliyat jarayonini to‘g‘ri rejalashtirish, uchraydigan
kamchiliklarni tuzatish, profilaktik hamda psxokorreksion ishlarini olib borish
imkoniyatini yaratish mumkin.
Yuqoridagilardan kelib chiqib, 5210200 – Psixologiya (sport) ta’lim
yo‘nalishi talabalari uchun mo‘ljallangan “Umumiy psixologiya” fani bo‘yicha
tayyorlangan ushbu o‘quv qo‘llanma olam, jamiyat va insonni o‘rganishdagi
psixologik bilimlarga zaruratning mavjudligini yoritib beradi. Talabalarning
dunyoqarashini boyitish va rivojlantirishda psixologik qonuniyatlarni o‘rganish
ehtiyojining mavjudligi, inson psixologiyasining umumiy psixologik
qonuniyatlarini, shaxs va voqelik, shaxs va jamiyat, shaxs va predmetlar olami
orasidagi munosabat, voqelikni anglashi, olamni psixologik tahlili, psixologik
hodisalarning kechishi, psixologiyaning tarixiy va nazariy rolini jamiyatda olib
borilayotgan ishlar orqali amalga oshirishga qaratilanligi bilan xarakterlanadi.
Ushbu qo‘llanma orqali talabalar umumiy psixologik bilimlarni nazariy
asoslarini, hayotidagi psixologik hodisalar, holatlar va jarayonlarning mohiyatini,
shaxsning kamoloti va unga ta’sir ko‘rsatuvchi omillarni tadqiq etish ko‘nikmasini
hosil qilishlari mumkin.
Dotsent Oybek Hayitov.
5
I qism.
PSIXOLOGIYA FAN SIFATIDA
“Fan – amaliyotga!” degan
1.1. Yangi davr va psixologiya
tamoyil bugungi kunda har
qachongidan ham dolzarb masalaga
aylangan. Chunki yoshlarni mustaqil davlatimiz ma’naviy negizlarini teran
anglashga o‘rgatish va ularni ma’rifatga chorlash jarayoni qator tatbiqiy vazifalarni
amalga oshirishni taqozo etadi.
Ilmu-fan taraqqiyotining uzoq davriga nazar tashlasak, olimlar va
tadqiqotchilar ko‘proq nazariy masalalarni hal qilish, umumiy qonun-qoidalarni
sharhlash, tushuntirish orqali jamiyat va insoniyat taraqqiyoti sabablarini yoritishga
urinishlar ko‘proq uchraydi. Lekin bugun biz uchun ijtimoiy taraqqiyot va inson
tafakkuri rivojlanishini tezlashtiruvchi, uning davr va kishilar ruhiga hamohang
tarzda kechishini ta’minlab beruvchi tatbiqiy xususiyatli ishlar va ilmiy izlanishlar
zarur. Zero, mamlakatimizda ro‘y berayotgan tub ijtimoiy-siyosiy islohotlar aynan
shuni talab qilmoqda. Bunda e’tiborga loyiq dolzarb muammolardan biri –
yoshlarda yangicha dunyoqarashni shakllantirish, ularni yangicha demokratik
munosabatlarga ruhiy jihatdan tayyorlashdir. Bu vazifani ado etishda
psixologiyaning o‘rni va rolini aniqlash, tatbiqiy izlanishlarni amalga oshirish va
amaliy psixologiya doirasida ushbu vazifani amalga oshirish yo‘llarini topish
uchun yangi davr psixologiyasining asosiy tatbiqiy yo‘nalishlarini belgilash
maqsadga muvofiq sanaladi.
Ilmiy manbalarda keltirilishicha, psixologiya fan sifatida 4-bosqichli
rivojlanish yo‘lidan o‘tgan.
1-bosqichda – psixologiya jon-ruh ta’limoti sifatida o‘rganilgan. Bu
psixologiyada bundan ikki ming yil oldin shkillangan bo‘lib, unda jon-ruh
insoniyatni boshqaruvchi kuch sifatida talqin qilingan.
2-bosqichda – psixologiya ong haqidagi fan sifatida o‘rganila boshlangan.
6
VII asrda tabiiy fanlarning rivojlanishi bilan bu qarash yuzaga kelgan. O‘ylash, his
qilish va xohish-istaklar ong deb yuritila boshlangan.
3-bosqichda – psixologiya xulq-atvot to‘g‘risidagi fan sifatida talqin qilina
boshlangan. Ushbu qarashlar natijasida XX asrga kelib psixologiyaning vazifasi
sifatida ko‘rish mumkin bo‘lgan darajadagi holatlarni, ya’ni xulq-atvor, odatlar va
inson reaktsiyasini (bunda motivlar, faoliyatga undovchi odatlar nazarda
tutilmagan) kuzatish va ular ustida eksperimentlar o‘tkazish belgilangan.
4-bosqichda – psixologiya psixikaning ob’ektiv qonuniyatlarini, namoyon
bo‘lishini va mexanizmlarini o‘rganadigan fan sifatida yuzaga kela boshlagan.
Xo‘sh yangi davr psixologiyasi nima va u klassikadan qanday farqlanadi?
Psixologiya nima?
psixologiyaning negizi nima?
psixologik ilmlarning rivojlanishi qanday kechgan?
zamonaviy psixologiya nima?
psixologiyaning dolzarb savoli nima?
psixologiyaning 3 asosiy bosqichi qanday?
qachondiram turli millat odamlari, turli jins vakillari orasida qanday harakat qilish haqida
o‘ylab ko‘rganmisiz? Biz ulardan qaysi jihatlarimiz bilan farq qilamiz va o‘xshaymiz?
qachondiram yarim kechasi uyg‘onib ketib, nima uchun bunaqa “ahmoqona” tush
ko‘rganingiz haqida hech qiziqqanmisiz? Nima uchun biz tush ko‘ramiz?
qachondiram 6 oylik chaqaloq bilan “peekabo” o‘ynaganmisiz? Nima uchun bola bu
o‘yinga qiziqadi?
biror marta asrandi bolalar maktabi (mehribonlik uylari) qanday bo‘lishiga
qiziqqanmisiz? Ba’zi odamlar aqlli bo‘lib tug‘ilishadimi?
qachondiram depressiyaga tushganmisiz yoki o‘zingizni har doim yaxshi his qilganmisiz?
Kayfiyatimizning yaxshi yoki yomon bo‘lishiga nima ta’sir ko‘rsatadi?
Internet video o‘yinlar, ijtimoiy tarmoqlar insonlarga qanday ta’sir qilishi haqida o‘ylab
ko‘rganmisiz? Bugungi elektron vositalar o‘ylarimizga qanday ta’sir etadi?
Psixologiya shu kabi savollarga javob izlaydigan fan hisoblanadi.
Manba: David G. Myers. Psychology. Tenth Edition // Hope College Holland, Michigan. – NY.: Worth
Publishers, 2013. – P. 2
Adabiyotlar tahliliga qaraganda, psixologiya fani sohasida mukammal
tarzdagi darsliklar yozila boshlagan davrga sal kam 180 yil bo‘ldi. Shu davr ichida
juda ko‘plab ilmiy tadqiqot natijalarini o‘z ichiga olgan monografiyalar, darsliklar,
7
qo‘llanmalar yozildi. Lekin, bu bilan fan o‘zining jamiyat oldidagi vazifalarini
to‘laqonli bajara oldi, degan xulosa chiqarib bo‘lmadi. Sababi, psixologiya
sohasida faoliyat ko‘rsatgan barcha olimlar ko‘proq diqqatlarini mavhum shaxs va
individual psixologiyaga qaratdilar. Vaholanki, inson, uning barkamolligi, jamiyat
taraqqiyotiga bevosita ta’siri masalasi o‘tib borayotgan asrimizning oxiriga kelib,
o‘ta dolzarb va muhim muammolar qatoridan joy oldi.
Fanda yangi yo‘nalishlar, yangicha yondoshuvlar paydo bo‘ldi. Masalan,
sinergetik yondoshuv (nemis olimi G.Xaken) barcha fanlarda bo‘lgani kabi
psixologiya, uning tarmoqlari hamda u bilan turdosh bo‘lgan fanlar misolida
“Sinergetlar” so‘zi
grekcha “synergetes –
xodimlar, sheriklar”
so‘zlaridan olingan
yaqqol namoyon bo‘la boshladi. Eslatib o‘tamiz –
synergia (yunoncha) hamkorlikdagi, hamjihatlikdagi
harakat ma’nosini anglatadi. Ya’ni, inson va uning
psixologiyasini o‘rganish va unga ta’sir ko‘rsatishda
gumanitar fanlarning hamkorlikdagi rivojlanishi yoki boshqacha qilib aytganda,
ushbu fanlar maqsadlarining mushtarak uyg‘unlashuvi shaxs iqtidori va
qobiliyatlarini rivojlantirishning ishonchli vositasi sifatida qaraladi.
Bundan tashqari, yangi davr fanlarini rivojlantirishga akmeologik
yondoshuv (rus olimi N.Ribnikov) ham
mavjudki, unga ko‘ra, har bir fanning inson
uchun ahamiyati va o‘rni o‘sha fanlarning
shaxs kamolotiga qo‘shajak hissaning
salmog‘ini belgilash va baholashni taqozo
etadi. Akmeologiyaning predmeti deganda insonning o‘z-o‘zini rivojlantirish va
o‘zligini anglashini yuqori darajalariga yetishga o‘rgatuvchi fanlar majmui
tushuniladi.
Akmeologiya grekcha
“akme – cho‘qqi, yuqori
pog‘ona, gurkiratuvchi
kuch” ma’nolarini bildiradi.
Inson psixologiyasini bilish, o‘z taraqqiyotini va iqtidorini tashkil etishni
bilish, har qanday yosh davrda ham optimal ravishda ishga yaroqlilikni, turli
o‘zgarishlarga psixologik jihatdan tayyorlikni ta’minlash, yangicha fikrlash va
tafakkur qilish, ro‘y berayotgan jarayonlarni ob’yektiv va to‘g‘ri idrok qilish
8
qobiliyatini rivojlantirish muammosini ilgari surdi.
Shunday qilib, yangi davr har bir insondan o‘z ichki imkoniyatlarini adekvat
bilish, shu bilimlar zahirasi bilan yaqinlari va hamkasblari psixik dunyosini
bilishni talab qilmoqda. Buyuk Suqrot o‘z davrida “O‘z-o‘zingni bil!” degan
shiorni o‘rtaga tashlagan edi. Yangi davr bu bilimlar yoniga “O‘z yoningdagilarni
va ularning qilayotgan ishlarini ham bil”, degan shiorni har qachongidan ham
dolzarb qilib qo‘ydi. Ayni shu muammoni yechishda hozirgi zamon psixologiya
ilmi va amaliyotining roli benihoya kattadir.
An’anaga aylanib qolgan hodisalardan biri shuki, psixologiya va u
o‘rganadigan hodisalarni faqatgina ushbu fan bilan bevosita shug‘ullanadigan
kimsalar o‘rganib kelishgan, zero, psixologik hodisalar bilan har qanday inson ham
tanish bo‘lishi va u inson hayotining asosini tashkil etishi kerak. Yangi davr va
uning o‘zgarishlarga boy hayoti endi har bir kishining psixik hodisalar
qonuniyatlarini bilish va shunga mos tarzda oqilona va omilkorona ish yuritish
zaruratini talab qilmoqda.
9
XX asrda erishilgan
1.2. Psixologiya fanining dolzarbligi
yutuqlaridan eng muhimi shu
bo‘ldiki, inson o‘z aqli-idroki,
tafakkuri va ijodiy salohiyati bilan murakkab texnika, elektronika, XXI asrda esa
android platformali “smart” va boshqa shunga o‘xshash global texnologiyalarni
kashf etdi. Lekin shu bilan birga ana shunday murakkab texnologiyalarni yaratgan
inson va uning hayoti bilan bog‘liq muammolar kamaymadi. Vaqti kelganda,
shunday faktga to‘g‘ri kelamizki, murakkab elektron texnikani yaratgan o‘ta aqlli
inson o‘zi va o‘z atrofidagilarning ruhiy kechinmalarini to‘g‘ri baholay olmasligi
sababli, o‘zini nochor va kuchsiz sezishi mumkinligini bugungi davr isbotlab
bermoqda.
XXI asr bo‘sag‘asida juda ko‘plab davlatlarda bo‘lgani kabi dunyo xaritasida
munosib o‘rin olgan mustaqil O‘zbekistonda ham barcha sohalarda tub islohotlar
boshlandi. Bu islohotlarning barchasi inson omilini har qachongidan ham yuqori
saviyaga ko‘tarib, uning kuchi, idroki, salohiyati, ruhiy hamda ma’naviy
barkamolligini bevosita taraqqiyot, rivojlanish va sivilizasiya bilan uzviy bog‘ladi.
Bundan inson va uning mukammalligi, o‘z ustida ishlashi, o‘z mukammalligi
xususida qayg‘urishi muammosi har qachongidan ham dolzarb masalaga aylandi.
Globalizatsiya sharoitida psixologiya o‘rganadigan muammolarning
dolzarbligi, avvalo, har bir shaxsning murakkab insoniy munosabatlar, axborot
kommunikatsiyalari sharoitida yashayotganligi, inson xulqini boshqarish ayrim
mamlakatlar uchun ijtimoiy-iqtisodiy taraqqiyotning yetakchi omili sifatida e’tirof
etilishi bilan izohlanadi.
O‘z vaqtida Hindistonning taniqli siyosiy arbobi Maxatma Gandi shunday yozgan ekan:
“Men uyimning darvoza va eshiklarini mahkam berkitib o‘tira olmayman. Chunki unga toza
havo kirib turishi kerak. Va shu barobarida eshik va derazalarimdan kirayotgan havo dovul
bo‘lib, xonadonimni ag‘dar-to‘ntar qilib, o‘zimni yiqitib tashlashini ham xohlamayman”.
Bu so‘zlarni bugungi globalizatsiya sharoitida insonning jamiyatda tutgan
10
o‘rni va zarur maqomni egallashiga, axborot xurujlari va turli xil ma’lumotlarning
turli yo‘llar bilan mamlakatimizga, umuman, boshqa mamlakatlarga ham kirib
kelib, u yoki bu mintaqada asrlar mobaynida shakllangan qadriyatlar, urf-odatlar,
e’tiqod shakllariga va tarbiya uslublariga salbiy yoki ijobiy ta’siri jarayonlari
ma’nosida qo‘llash shaxs psixikasiga aloqador siru-sinoatlarni bilishni, shaxsga
o‘z-o‘zini himoya hilish, o‘z ustida ishlash imkoniyatlarini bilishni dolzarb qilib
qo‘yadi.
Dunyoga yuz ochgan, yoshlari dunyo tillarini bemalol egallab,
“internetomaniya” kasaliga chalinish arafasida turgan O‘zbekistonga ham yaxshi,
ham yomon ta’sirlar, xurujlar mavjudligi sharoitida shaxsning o‘zini-o‘zi
psixologik jihatdan salbiy ta’sirotlardan himoya qila olish imkoniyatlarini
kengaytirish eng dolzarb muammolardan biridir. Ya’ni, siyosat sohasimi,
iqtisodiyotmi, mafkura yoki ma’naviyatmi,
tarbiya yoki huquq masalalarimi, barchasida
inson omili va uning manfaati talab va
ehtiyojlarini o‘rganish, undagi hayot jabhalariga
ko‘nikish va teran fikrlash qobiliyatlarini
Mafkura xalqni xalq, millatni millat
etadigan, uning sha’nu sharafi, or-nomusi,
ishonch-e’tiqodini ifodalaydigan,
jamiyatimizning o‘ziga xos taraqqiyot yo‘li,
turmush tarzi, tub manfaatlariga tayangan
holda muttasil rivojlanib, takomillashib
boradigan g‘oyalar tizimidir.
I.Karimov
o‘stirish fan oldida turgan eng muhim vazifadir. Yoshlarni milliy g‘oya ruhida
tarbiyalash inson aqli va shuuri uchun kurashning eng samarali usullaridan biridir.
Bu borada O‘zbekiston Respublikasining Birinchi Prezidenti Islom Karimov: “Milliy
g‘oya va istiqlol mafkurasi haqida gap borar ekan, biz nihoyatda keng qamrovli, murakkab,
serqirra, insoniyat tarixida aniq va mukammal ifodasi, tugal namunasi hali-hanuz yaratilmagan
tushunchalarni o‘zimizga tasavvur qilishimiz kerak, deb o‘ylayman. Bu tushunchalar Vatan
ravnaqi, yurt tinchligi, xalq farovonligi kabi yuksak g‘oyalarning ma’no-mazmunini teran anglab
yetishga xizmat qiladi. Bu mafkura xalqni xalq, millatni millat etadigan, uning sha’nu sharafi, ornomusi,
ishonch-e’tiqodini ifodalaydigan, jamiyatimizning o‘ziga xos taraqqiyot yo‘li, turmush
tarzi, tub manfaatlariga tayangan holda muttasil rivojlanib, takomillashib boradigan g‘oyalar
tizimidir” 1 – deb alohida ta’kidlagan edi.
1 Каримов И.А. Жамиятимиз мафкураси халқни-халқ, миллатни-миллат қилишга хизмат этсин. – T.:
Ўзбекистон, 1998. – Б. 15.
11
Yoki O‘zbekiston Respublikasining Prezidenti Shavkat Mirziyoyev 2017-yilning 19-
sentyabrida BMT Bosh Assambleyasining 72-sessiyasida so‘zga chiqar ekan “... odamlar,
birinchi navbatda, yoshlarning ongu tafakkurini ma’rifat asosida shakllantirish va tarbiyalash eng
muhim vazifadir” 2 – deb alohida ta’kidlagan edilar.
Shaxs ongi va xulqiga tajovuzlarning ortib borayotganligi, xulqni boshqarish
barcha sohalarda ustivor bo‘lgan bir sharoitda insonning psixikasini, unda sodir
bo‘ladigan murakkab jarayonlarni, holatlarni o‘rganishning, yoshlarda mafkuraviy
immmunitetning shakllanishining ahamiyati ham oshib boraveradi. Shu nuqtai
nazardan olib qaralganda, odamni o‘rganish qanchalik qadimiy va an’anaviy vazifa
bo‘lishidan qat’iy nazar, bugungi globalizatsiya va bozor munosabatlariga o‘tish
davrida psixologiya fani uchun dolzarb bo‘lmagan mavzu yoki jarayonning o‘zi
yo‘qdir.
2 Ўзбекистон Республикаси Президенти Шавкат Мирзиёевнинг 2017 йил 19 сентябрдаги БМТ Бош
Ассамблеясининг 72-сессиясида сўзлаган нутқи // uza.uz
12
1.3. Sport psixologi faoliyatining
xususiyatlari
Sport sohasida psixolog
faoliyatining bosh mazmuni
sifatida – shaxsning sport faoliyati
yo‘nalishida, xulq-atvor va muomalada, ya’ni insonlarning bilish jarayonlari va
individual-psixologik xususiyatlari mohiyatini, shaxslararo munosabatlar
mexanizmlarini; shaxsni sport jamoasida shakllanish qonuniyatlarini, ya’ni psixika
va ongning taraqqiyot bosqichlari, inson roli va mavqeini; insonlar intellekti va
iqtidori darajalarini prognozlashning tadqiq etish bilan bog‘liq kompleks masalalar
majmuasi tashkil etadi.
Sport psixologi ...
Hozirgi vaqtda psixologiya fani juda keng
tarmoqli fanlardan biriga aylangan. Sport
psixologiya ushbu fan tarmoqlaridan biri bo‘lib, o‘zining o‘rganish ob’yektimuammolari,
usullari va qonuniyatlariga ega.
Sport psixologiyasi fani shug‘ullanuvchi
sportchilar (o‘quvchi va bolalar) va sport turlari
bo‘yicha jamoalar ichki olami, ruhiy rivojlanish
qonuniyatlari haqidagi fan bo‘lib, jismoniy tarbiya va
sportfaoliyati bilan bevosita bog‘liq. Shuni aytib utish kerakki, sport psixologiyasi
nazariyadan ko‘ra amaliyotga yaqinroq, ya’ni shug‘ullanuvchi sportchilar
(o‘quvchi va bolalar) o‘z faoliyatida to‘qnash keladigan muammolarni tahlil
qilishga va hal etishga yo‘naltirilgan. Shaxsiy tarkibni o‘qitish va tarbiyalash
shug‘ullanuvchi sportchilar (o‘quvchi va bolalar) faoliyatining asosini tashkil etadi.
O‘qitish va tarbiyalash jarayonlari esa psixologik bilimlarga asoslanadi.
Keling, yaxshisi buning nima ekanligiga e’tiborni qarataylik shunda
yuqorida aytilgan fikrni tushunish oson bo‘ladi. Ta’lim yoki o‘qitish shunday
jarayonki, bunda ta’lim oluvchilarda ma’lum bilim, ko‘nikma va malakalar
shakllantiriladi yoki rivojlantiriladi. Shug‘ullanuvchi sportchilarning (o‘quvchi va
bolalarning) faoliyatlarini yaxshilashga xizmat qiluvchi fazilatlarni tarbiyalash,
rivojlantirish tarbiya jarayonining asosiy maqsadi hisoblanadi.
Sport psixologi – sport
faoliyatida to‘qnash
keladigan muammolarni
tahlil qilishga va hal etishga
yordam beruvchi shaxsdir.
13
Jismoniy tarbiya va sport faoliyatini psixologik jihatdan samarali tashkil
qilish uchun bir qator talablarga javob berish kerak. Bu talablar sport jamoalarning
ichki qonuni bo‘lgan umumjismoniy nizomlarda, dasturlarda o‘z ifodasini topgan.
Unga ko‘ra har bir jismoniy tarbiya o‘qituvchisi va sport murabbiyi (bolalar
bogchalarida uslubchi-o‘qituvchi, ishlab chiqarish korxonalarida uslubchitashkilotchi)
o‘z qo‘lostidagi shug‘ullanuvchi sportchilarning (o‘quvchi va
bolalarning) individual-psixologik xususiyatlarini, shuningdek sport jamoada
kechadigan ijtimoiy-psixologik hodisalarni bilishi va ularni boshqara olishi lozim.
Inson psixikasi miya faoliyati natijasidan iborat. Psixika inson xulq-atvori va
faoliyatiniig asosi bo‘lib xizmat qiladi. Tashqi dunyoni inson ongida aks ettirish
psixikaning moqiyatini tashkil etadi. Masalan, musobaqa davri psixika vositasida
musobaqalashuv holatini to‘g‘ri baholash juda katta ahamiyatga ega. Psixologik
aks ettirish natijasida inson ongida ob’yektiv dunyoning sub’yektiv obrazlari
yaratiladi.
Inson psixikasi biosotsiologik xususiyatga, tabiatga ega; inson psixikasining
ma’lum bir belgilari biologik-irsiy yo‘l bilan ota-onalaridan o‘tadi, qolgan
xususiyatlar esa ijtimoiy muhit shart-sharoitlari ta’siri ostida hayot faoliyati
mobaynida qaror topadi.
Faoliyat predmeti bo‘lib sportchining o‘zi xizmat qiladi. U faoliyatning faqat
sub’yekti emas, balki ob’yekti ham hisoblanadi va faqatgina boshqa odamlar uchun
emas (jismoniy tarbiya o‘qituvchilari, murabbiylar, hakamlar, sheriklari va
Sport psixologi kasbiy
ob’yektlari
sportdagi raqiblari), balki o‘zi uchun ham.
Bunda sport psixologining kasbiy faoliyati
obyektlari sifatida:
O‘zbekiston davlat jismoniy tarbiya va sport universiteti;
Jismoniy tarbiya va sport vazirligi huzuridagi Jismoniy tarbiya va sport
bo‘yicha mutaxassislarni ilmiy-metodik ta’minlash, qayta tayyorlash va
malakasini oshirish markazi;
Suv sporti turlarini rivojlantirish respublika markazi;
14
sport yakka kurashlari, sport o‘yinlari, sportning qishki va murakkab texnik
turlari, gimnastika, suv sporti turlari, yengil atletika, ot sporti bo‘yicha
respublika oliy sport mahorati maktablari;
Respublika o‘smirlar sport mahorati oliy maktabi;
Gimnastika bo‘yicha respublika ixtisoslashtirilgan olimpiya zaxiralari
bolalar-o‘smirlar sport maktabi;
Respublika olimpiya zaxiralari tennis maktabi;
Sportning eshkak eshish turlari bo‘yicha respublika ixtisoslashtirilgan
bolalar-o‘smirlar olimpiya zaxiralari sport maktabi;
Shaxmat bo‘yicha respublika ixtisoslashtirilgan bolalar-o‘smirlar olimpiya
zaxiralari sport maktabi;
Suv sporti turlari bo‘yicha respublika ixtisoslashtirilgan bolalar-o‘smirlar
olimpiya zaxiralari sport maktabi;
oliy sport mahorati maktablari;
ixtisoslashtirilgan Respublika olimpiya zaxiralari maktab-internati;
sport turlari bo‘yicha ixtisoslashtirilgan davlat maktab-internatlari;
sport turlari bo‘yicha ixtisoslashtirilgan bolalar-o‘smirlar sport maktablari;
bolalar-o‘smirlar sport maktablari;
Respublika tashxis markazi;
nogironlarni reabilitatsiya qilish markazi;
Nizomiy nomidagi Toshkent davlat pedagogika universiteti qoshidagi
Psixologik ilmiy-o‘quv markazi;
O‘zbekiston Milliy universiteti huzuridagi Psixologik markaz;
O‘zbekiston Milly Olimpiya Qo‘mitasi qoshidagi sportchilarni reabilitatsiya
qilish va sog‘lomlashtirish markazi;
sport klublari va terma jamoalar;
sport federatsiyalari (uyushmalari);
aholiga (xususiy) psixologik xizmat ko‘rsatish va reablitatsiya
markazlarilarni e’tirof etish mumkin.
15
Zamonaviy sharoitda sport psixologi kasbiy
faoliyatining mazmunini:
shaxsning sport faoliyatiga doir shaxslararo yoki ijtimoiy munosabatlar
tizimida rivojlantiruvchi modellarni qo‘llash;
sportchi shaxsiga individual tarzda yoki guruhiy sharoitlarda psixologik
xizmat ko‘rsatish chora-tadbirlari, uning rivojlantirish istiqbollari belgilash
va qo‘llash;
sportchi shaxsini o‘rganish jarayonida umumiy psixologiya, ijtimoiy
psixologiya, psixodiagnostika va psixokorrektsion metodlarini qo‘llash;
sportchi shaxsini tadqiq etishda tizimli yondoshuv mexanizmlarini tatbiq
etish;
jismoniy tarbiya va sport sohasida psixologik vositalar, tamoyillarni qo‘llash;
yangi tipdagi psixologik xizmat ko‘rsatish usullarini ishlab chiqish hamda
loyihalash;
sportchi shaxsining individual-psixologik, ijtimoiy-psixologik
Sport psixologi kasbiy
faoliyati mazmuni
xususiyatlarini o‘rganish va tadqiq qilish;
sport faoliyatiga doir psixologik tadqiqotlarni amalga oshirish uchun zarur
bo‘lgan algoritmlar va matematik ta’minotni ishlab chiqish kabilar tashkil
etadi.
Psixologik xizmat.
Nima u?
Psixologik xizmat AQShda 1800-yillardan
boshlab rivojlana boshladi. AQShning birinchi
amaliyotchi psixologlari o‘z-o‘zini tarbiyalash muammosini o‘rgangan
eksperimental psixologlar edilar. Amerika maktablarida
aqliy taraqqiyot
koefftisyentini aniqlash keng tarqalib, keyinchalik “Gaydens” xizmatining
rivojlanishiga olib keldi.
Fransuz maktab psixologiyasining “otasi” Alfred Bine bo‘lib, u bu sohada
1894-yildan boshlab ish boshlagan. 1905-yilda Fransiya ta’lim vazirligi Binega
umumiy dastur bo‘yicha o‘qiy olmaydigan bolalarni tekshirish muammosi bilan
murojaat qiladi va shu tariqa aqliy taraqqiyotda orqada qolgan bolalarni
16
ajratadigan Bine-Simon testi yaratildi.
1909-yilda Fransiyada maktab psixologik xizmati tashkil etiladi. 1947-yilda
Fransiyada professor A.Vallon boshchiligida psixologik-pedagogik yordam
guruhlari psixologik xizmatning asosiy turini tashkil etadi. Bunday guruhlar
maktab psixologiyasi bo‘yicha bir mutaxassis, ta’lim psixologiyasi bo‘yicha bir
mutaxassis, psixomotor rivojlanish bo‘yicha bir mutaxassisni o‘z ichiga oladi.
Bunday brigada 800-1000 o‘quvchiga xizmat qiladi, bir maktabda joylashib, bir
necha maktabda xizmat qilishi mumkin.
Ko‘pchilik Sharqiy Yevropa mamlakatlarida maktab psixologik xizmati
tuman yoki viloyat psixologik-pedagogik markazlari shaklida tashkil etilgan.
Masalan, 1980-yilda Chexoslavakiyada tarbiya
masalalari bo‘yicha modda maktab to‘g‘risidagi
qonunga kiritildi. Psixologik xizmatning asosiy
mazmuni – sog‘lom shaxsning o‘sishini
ta’minlash, shaxs rivojlanishidagi turli qiyinchiliklarni korrektsiya qilish, kasb
tanlash muammolari tashkil qiladi.
Sobiq Chexoslavakiyada psixolog maslahatchining asosiy funktsiyasi
psixodiagnostik faoliyatidan iborat bo‘lgan.
Sobiq sovet psixologiyasida bolalar tarbiyasi va ta’limida psixologiyadan
foydalanish borasida urinishlar 1928-yilda pedologiya (I.A.Aryamov) doirasida
vujudga keldi. Pedologiya rivojlanayotgan va o‘sayotgan shaxsning barcha
biologik va ijtimoiy xususiyatlarini qamrab oluvchi fandir. 1936-yilda pedologik
qarashlarini to‘xtatish haqida qaror qabul qilindi, shu bilan birga sovet
psixologlari amalga oshirayotgan bola psixologiyasidagi ijobiy izlanishlar ham
to‘xtab qoldi. Faqat 1960-yillarning oxiriga kelib, psixologlarning maktab ishida
amaliy ishtirok etishi qayta tiklandi.
Psixologik xizmatning asosiy mazmuni –
sog‘lom shaxsning o‘sishini ta’minlash,
shaxs rivojlanishidagi turli qiyinchiliklarni
korrektsiya qilish, kasb tanlash
muammolaridir.
Sobiq SSRIda birinchi bo‘lib Estoniyada 1975-yilda maktabda psixologik
xizmat tashkil etildi (xizmat rahbari – X.I. Liymets, Yu.L. Serd bo‘lib, tarbiyasi
qiyin o‘smirlar uchun maxsus maktablarda ish olib borgan). Eston psixologlari
17
“tarbiyasi qiyin” o‘smirlar uchun maxsus maktablarda ish olib bordilar.
Rossiyada 1982 yilda maktablarda psixolog shtati ochildi. 1984-yilda
Moskvada SSRI FA psixologiya institutida “SSRIda psixologik xizmat
muammolari” bo‘yicha I umumittifoq anjumani bo‘lib o‘tadi. Anjumanda
maktabda psixologik xizmat seksiyasi ham ish olib boradi.
Xorijda u yoki bu sohada psixologiyaning amaliy tatbiqini yaqqol namoyon
etilganligi, bu O‘zbekistonda tashkil etilajak umumiy psixologik xizmat tizimining
dastlabki ilmiy-tashkiliy asosini barpo etishda muhim ahamiyat kasb etadi.
Masala mohiyatiga, ya’ni tadqiqot maqsadiga aniq yondashadigan bo‘lsak
psixologik xizmatning aynan ilmiy tashkiliy mazmuni va psixologik xizmat
tatbiqining amaliyotdagi faoliyat yo‘nalishlari haqida fikr mulohaza yuritishga va
mazkur fikr-mulohazalarni O‘zbekistondagi psixologik xizmatning bugungi
holatini tahlil qilish nuqtai nazaridan talqin qilishga to‘g‘ri keladi.
1989-yilda O‘zbekistonda amaliyotchi psixologlarning yetishmasligi sababli
Nizomiy nomidagi Toshkent davlat pedagogika instituti (hozirgi – universitet)da
amaliyotchi psixologlar tayyorlash fakulteti ochilgan.
1.3.1-rasm. O‘zbekistondagi psixologik xizmatning bugungi holati
18
1.3.1-rasmga keltirilgan sohalarda psixologik xizmatni muvaffaqiyatli
amalga oshirish uchun “sotsiolog-psixologlar”, “amaliyotchi-psixologlar”
tayyorlash mexanizmini ishlab chiqish bugungi kunda eng dolzarb muammo
ekanligini davrning o‘zi taqozo etmoqda. Shu bois, yuqoridagi vazifalarni amalga
oshirish borasida olimlar tomonidan talaygina nazariy-ilmiy va amaliy-uslubiy
ishlar amalga oshirilmoqda. Jumladan, Nizomiy nomidagi Toshkent davlat
pedagogika universiteti, Mirzo Ulug‘bek nomidagi O‘zbekiston Milliy universiteti,
O‘zbekiston davlat jismoniy tarbiya va sport universitetlarida olib borilayotgan
ilmiy tadqiqot ishlarini bunga misol sifatida keltirish mumkin.
Psixologik xizmatning ilmiy-amaliy asoslariga ilg‘or psixologiya fanidagi
nazariy-ilmiy, metodologik yo‘llanmalar, tamoyillar, mezonlar va xulosalarning
amaliyotdagi tatbiqi kiradi. Bu tatbiq esa ilmiy-amaliy ish jarayonining psixologik
oqartuv, psixoprofilaktika, psixodiagnostika, psixokorrektsiya, psixologik
maslahatlar kabi yo‘nalishlarida o‘z ifodasini topadi. Psixologik xizmatning
tashkiliy faoliyat asoslari, deganda, qaysi sohada psixologik xizmatning tashkil
etilishiga qarab o‘sha soha yo‘nalishidagi yuqorii tashkilot qarori va shu qarorga
muvofiq tashkilot, korxona muassasalarda psixologik xizmat tizimining xududiy
psixologik xizmat markazlari faoliyati yoki bevosita amaliyotchi-psixologlar
faoliyati orqali tatbiq etilishi tushuniladi.
Psixologik xizmatni 3 nuqtai nazardan qarab chiqish mumkin:
Birinchidan, ilmiy nuqtai nazar;
Ikkinchidan, tashviqot nuqtai nazar;
Uchinchidan, amaliy nuqtai nazar.
Faqat mana shu nuqtai nazarlarning birligigina psixologik xizmat
predmetini tashkil etadi.
Ilmiy nuqtai nazar psixologik xizmatning metodologik muammolarini
ishlab chiqishni nazarda tutadi. Bu yo‘nalish ijrochilarining asosiy funktsiyasi
maktab psixologik xizmatida ishning psixodiagnostik, psixokorreksion va
rivojlantiruvchi metodlarini ishlab chiqish va nazariy asoslashga bag‘ishlangan
19
ilmiy tadqiqotlarni o‘tkazishdan iborat.
Tashviqot nuqtai nazari xalq ta’limi xodimlarini psixologik bilimlardan
foydalanishni nazarda tutadi. Bu yo‘nalishda asosiy harakatlantiruvchi shaxslar
bo‘lib, pedagoglar, metodistlar, didaktlar, maydonga chiqadi.
Xizmatning amaliy nuqtai nazarini maktab psixologlari amalga oshiradilar,
ularning vazifasi – u yoki bu aniq vazifani hal qilish uchun ota-onalar,
o‘qituvchilar, sinf jamoasi, bolalar bilan ish olib borishdan iborat.
Ma’lumki, psixologik xizmat barcha mamlakatlarda, hatto bir-biriga
o‘xshamagan turli ilmiy-tashkiliy shakllarda amalga oshirilib kelmoqda. Bu,
albatta, tabiiy hol. Chunki, har bir davlatning faqat o‘z ijtimoiy-iqtisodiy va siyosiy
taraqqiyotiga mos tadbirlargina shu davlatda qo‘llaniladi va kerak bo‘lsa
rivojlantiriladi.
O‘zbekistonda psixologik xizmatning bugungi ilmiy-tashkiliy holatini tahlil
qilar ekanmiz, albatta, Respublika miqyosida psixologik xizmat ko‘lamini
kengaytirish uchun muhim ahamiyat kasb etadigan amaliyotchi-psixologlar
tayyorlash uslubi, tamoyillari va o‘ziga xos xarakterli xususiyatlari haqida o‘z fikrmulohazalarimizni
bayon etishni joiz, deb o‘ylaymiz.
Sportda psixologik xizmat.
Nima u?
Xo‘sh sportda psixologik xizmat qanday va u
qayerlarda taskil etiladi?
Hozirgi bosqichda zamonaviy psixologik xizmat faoliyatining 2 yo‘nalishi:
dolzarb va kelajak yo‘nalishlari mavjud.
Dolzarb yo‘nalish o‘quvchilar ta’lim tarbiyasidagi qiyinchiliklar, ular hulqatvoridagi,
muloqotdagi va shaxsi shakllanishidagi buzilishlar bilan bog‘liq
muammolarni hal qilishga qaratilgan.
Kelajak yo‘nalishi har bir bola individualligini rivojlantirishga, jamiyatda
yaratuvchanlik hayotiga psixologik tayyorlikni shakllantirishga qaratilgan.
Psixolog pedagogik jamoa faoliyatiga har bir o‘quvchi shaxsi garmonik rivojlanish
imkoniyatlari haqida asosiy psixologik g‘oyani olib kiradi. Ikki yo‘nalish ham birbiri
bilan bog‘liq.
20
Mamlakatdagi jismoniy tarbiya va sport sohasida aholining keng
qatlamlarini sport bilan shug‘ullanishga va sog‘lom turmush tarzini yuritishga jalb
etishga, jismonan sog‘lom o‘sib kelayotgan yosh avlodni tarbiyalashga, sport
industriyasi va infratuzilmasini rivojlantirishga, mahalliy davlat hokimiyati
organlari, fuqarolarning o‘zini o‘zi boshqarish organlari, jismoniy tarbiya va sport
jamiyatlari, ta’lim muassasalari, jamoat tashkilotlari bilan birgalikda aholi,
ayniqsa, yoshlar o‘rtasida jismoniy tarbiya va sport bilan shug‘ullanishni
ommalashtirish borasida keng ko‘lamli ishlarni tashkil etish, xalqaro sport
maydonida yuqori natijalarga erishib mamlakatni munosib ifodalashni
ta’minlashga qaratilgan yagona davlat siyosatini amalga oshirish yo‘lida har bir
ijtimoiy shaxs imkoniyatlarini to‘la-to‘kis yuzaga chiqarish masalasi bilan bog‘liq
quyidagi vazifalarni amalga oshirish mas’uliyatini yuklaydi:
aholi o‘rtasida psixologik savodxonlikni oshirishga qaratilgan qator
tadbirlarni belgilash va uni amalga oshirish;
psixologik xizmat ko‘rsatish orqali jamoadagi ijtimoiy-psixologik iqlimni,
hududlar kontekstida olib borilayotgan ijtimoiy-iqtisodiy va etnopsixologik
tamoyillariga moslashtirilgan zamonaviy psixologik testlar, proyektiv
metodikalar asosida o‘rganish, tahlil qilish va bu borada tegishli xulosalar
chiqarish;
sportchilarni tanlash va psixologik imkoniyatlari asosida turli sohalarga
yunaltirishda sport tashkilotlariga ko‘maklashish, shuningdek barcha
sportch-murabbiylarning mamlakatdagi ijtimoiy-iqtisodiy taraqqiyot talabiga
mos psixologik savodxonligini oshirish maqsadida qisqa muddatli
psixologik kurslarini tashkil etish;
fuqarolarning sport faoliyati oid kasbiy yo‘nalishlarini aniqlash va HRkompaniyalar
faoliyatini rejalashtirishda faol yordam ko‘rsatish va
hokazolar.
21
1.4.Sport psixologi-tadqiqotchining
faoliyati oldiga qo‘yiladigan asosiy
talablar
Psixologiya (sport) ta’lim
yo‘nalishini tamomlagan bakalavr
istiqbolda
ilmiy-tadqiqot
faoliyatini ham olib borishi
mumkin. Bunda sport psixologi-tadqiqotchining faoliyati oldiga qo‘yiladigan
asosiy talablar quyidagilardan iborat:
Jismoniy tarbiya va sport sohasidagi dolzarb psixologik muammolarni
aniqlash;
Jismoniy tarbiya va sportga oid psixologik ilmiy tekshirishlar bo‘yicha
namunaviy usullarda ilmiy-amaliy tadqiqotlar o‘tkazish;
Respublika va Xorijda chop etilgan jismoniy tarbiya va sportga oid ilmiypsixologik
axborotlarning ilmiy manbalarini o‘rganish; ilmiy-tadqiqot
ishlarini bajarishda bevosita ishtirok etish;
aprobatsiyadan o‘tgan usullarni qo‘llagan holda jismoniy tarbiya va sport
sohasidagi faoliyatning psixologik jihatdan samaradorligini aniqlash
bo‘yicha ilmiy tadqiqot o‘tkazish;
matematik-statistika usullari, axborot texnologiyalari yordamida tadqiqot
natijalarini qayta ishlash usullaridan foydalana olish, umumlashtirish va
xulosalarni shakllantira olish;
mavzu (topshiriq) bo‘yicha ilmiy-texnikaviy ma’lumotlarni yig‘ish, ishlov
berish, tahlil qilish va olingan malumotlarni tizimlashtirishda ishtirok etish;
ilmiy-tadqiqot natijalarini va ishlanmalarni amaliyotga tatbiq etishda
qatnashish;
internet tarmog‘ida sohaga tegishli eng yangi ilmiy, texnologik yutuqlar
haqidagi ma’lumotlarni maqsadga yo‘naltirilgan holda qidirish va topish;
ilmiy-tadqiqot va ishlab chiqarish jamoasi tarkibida (tayyorlanganlik
profiliga mos ravishda) kasbiy faoliyat masalalarini yechish qobiliyatlariga
ega bo‘lishi kerak.
O‘zbekiston Respublikasida psixologiya sohasida hozirgi paytda
22
fundamental, amaliy va innovatsion ilmiy tadqiqotlar fan va faoliyat kontekstida
olib borilmoqda. Bunda sport psixologi-tadqiqotchi jismoniy tarbiya va sportga oid
soha bo‘yicha ilmiy tadqiqotlarda quyidagi:
jismoniy tarbiya va sportga oid mavzuning dolzarbligi;
jismoniy tarbiya va sportga oid muammoning o‘rganilganlik darajasi;
ilmiy tadqiqot ishining jismoniy tarbiya va sportga oid davlat (xususiy
sektor) buyurtmasi sanaladigan fundamental, amaliy yoki innovatsion
tadqiqot ishlari rejalari bilan bog‘liqligi;
jismoniy tarbiya va sportga oid tadqiqotning metodologik asosi;
jismoniy tarbiya va sportga oid tadqiqotning ilmiy farazi;
jismoniy tarbiya va sportga oid tadqiqot maqsadi;
jismoniy tarbiya va sportga oid tadqiqotning vazifalari;
jismoniy tarbiya va sportga oid tadqiqotning obyekti;
jismoniy tarbiya va sportga oid tadqiqotning predmeti;
jismoniy tarbiya va sportga oid tadqiqot metodlari;
himoyaga olib chiqilayotgan jismoniy tarbiya va sportga oid asosiy holatlar;
jismoniy tarbiya va sportga oid ilmiy yangiligi;
tadqiqot natijalarining jismoniy tarbiya va sportga oid nazariy ahamiyati;
tadqiqot natijalarining jismoniy tarbiya va sportga oid ilmiy va amaliy
ahamiyati;
natijalarning jismoniy tarbiya va sport sohasiga joriy qilinishi;
jismoniy tarbiya va sportga oid ishning sinovdan o‘tishi (aprobatsiyasi);
jismoniy tarbiya va sportga oid psixologik natijalarning e’lon qilinganligi;
jismoniy tarbiya va sportga oid ilmiy tadqiqot ishining tuzilishi va hajmi
kabi kategorial apparatni qo‘llashlari maqsadga muvofiqdir.
1.4.1-jadvalda hurmatli o‘quvchi psixologiya fanining O‘zbekiston
Respublikasidagi yirik namoyandalari to‘g‘risidagi ma’lumotlar bilan tanishasiz.
23
Psixologiya fanining O‘zbekiston Respublikasidagi yirik namoyandalari to‘g‘risidagi ma’lumot
1.4.1-jadval
№ F.I.O. To‘g‘ilgan Millati Ma’lumoti Ilmiy darajasi Ilmiy unvoni Ish joyi
yili
1.
SHOUMAROV G‘AYRAT
Psixologiya fanlari doktori,
1947 O‘zbek Nizomiy nomidagi TDPI
BAXROMOVICH
1990
Professor O‘R XTV
2.
TOKAREVA VALENTINA
Psixologiya fanlari doktori,
1935 Rus Leningrad DU
ANDREEVNA
1992
Professor Pensiyada
3.
QODIROV BOTIR
Psixologiya fanlari doktori,
MDU Toshkent
1943 O‘zbek SamDMI
Professor
RAXMANQULOVICH
1992
filiali
4.
G‘OZIYEV ERGASH
Nizomiy nomidagi TDPI Psixologiya fanlari doktori,
M.Ulugbek
1944 O‘zbek
Professor
G‘OZIYEVICH
va MDU
1992
nomidagi O‘zMU
5.
KARIMOVA VASILA
Psixologiya fanlari doktori,
1955 O‘zbek MDU
MAMANOSIROVNA
1994
Professor Pensiyada
6.
7.
8.
9.
10.
11.
12.
13.
BARATOV SHARIF
RAMOZANOVICH
JABBOROV AZIM
MEYLIQULOVICH
NISHONOVA ZAMIRA
TASKARAYEVNA
SAFAEV NURITDIN
SALIXOVICH
UMAROV BAXRITDIN
MENGBAYEVICH
MUXAMMEDOVA DILBAR
GAFURJANOVNA
ERGASHEV PO‘LAT
SOBIROVICH
RASULOVA ZIYODAXON
ABDUBORIYEVNA
1960 O‘zbek BuxDPI
1957 O‘zbek ToshDU
1964 Qozoq ToshDU
1959 O‘zbek MDU
1961 O‘zbek ToshDU
1980 O‘zbek
M.Ulugbek nomidagi
O‘zMU
1980 O‘zbek Nizomiy nomidagi TDPU
1978 O‘zbek
M.Ulugbek nomidagi
O‘zMU
Psixologiya fanlari doktori,
1998
Psixologiya fanlari doktori,
2000
Psixologiya fanlari doktori,
2005
Psixologiya fanlari doktori,
2005
Psixologiya fanlari doktori,
2008
Psixologiya fanlari doktori
(DSc), 2015
Psixologiya fanlari doktori
DSc), 2018
Psixologiya fanlari doktori
(DSc), 2018
Professor
Professor
Professor
Professor
Professor
Dotsent
Dotsent
Dotsent
BuxDU
QarDU
Nizomiy nomidagi
TDPU
M.Ulugbek
nomidagi O‘zMU
TAYLQvaEI
M.Ulugbek
nomidagi O‘zMU
Xalqaro Islom
Akademiyasi
Xalqaro Islom
Akademiyasi
1.5. Psixologiya fanining predmeti
Psixologiya so‘zi ikkita
grek so‘zlaridan – “psyche” –
jon, ruh va “logos” – ta’limot,
ilm so‘zlaridan iborat bo‘lib, an’anaviy ma’noda inson ruhiy dunyosiga aloqador
barcha hodisalar va jarayonlar uning predmetini tashkil etadi. Boshqacha qilib
aytganda, psixologiyaning predmetini har birimizning tashqi olamni va o‘zo‘zimizni
bilishimizning asosida yotgan jarayonlar, hodisalar, holatlar va
shakllangan xislatlar tashkil etadi. Psixologiya bo‘yicha adabiyotlarda uning
predmetini qisqacha qilib, psixikadir, deb ta’rif berishadi. Psixika – bu inson
psixikasining shunday holatiki, u tashqi olamni (ichki ruhiy olamni ham) ongli
(ba’zan ongsiz ham) tarzda aks ettirishimizni, ya’ni bilishimiz, his qilishimiz,
tasavvur qilib, anglashimizni ta’minlaydi. An’anaviy ta’riflarda psixologiya fan
sifatida ana shu “psixikaning faktlarini, qonuniyatlarini va mexanizmlarini
o‘rganadi”, – deb ham bayon etilgan. Lekin bu
qisqa ta’riflardan psixikaga aloqador jarayonlar
ongning aks ettirish shakllari ekan, degan yuzaki
xulosaga kelish noto‘g‘ri bo‘ladi. Chunki inson
Psixika – bu inson psixikasining shunday
holatiki, u tashqi olamni (ichki ruhiy olamni
ham) ongli (ba’zan ongsiz ham) tarzda aks
ettirishimizni, ya’ni bilishimiz, his qilishimiz,
tasavvur qilib, anglashimizni ta’minlaydi.
psixikasi va uning ruhiy olamiga aloqador hodisalar va jarayonlar shu qadar
murakkab va xilma-xilki, biz ba’zan o‘z-o‘zimizni ham tushunmay qolamiz.
Shuning uchun ham odamlarning bilimdonligi nafaqat tashqi olamda ro‘y
berayotgan ob’yektiv hodisalar mohiyatiga aloqador bilimlar majmuiga ega bo‘lish
bilan, balki hayotda munosib o‘rin egallash, o‘z ichki imkoniyatlari va
salohiyatidan samarali foydalangan holda faoliyatini oqilona tashkil etishning
barcha sirlaridan boxabar bo‘lish, o‘ziga va o‘zgalarga ta’sir ko‘rsatishning
usullarini bilish va ulardan o‘z o‘rnida unumli foydalanishni nazarda tutadi.
Psixologikbilimdonlikning murakkabligi aynan shundaki, atrofimizdagi narsalar va
hodisalarning mohiyatini bevosita his qilib bilishimiz mumkin, lekin psixik
hayotgaaloqador bo‘lgan jarayonlarni, o‘zimizda, miyamiz, ongimizda ro‘y
berayotgan narsalarning mohiyatini bilvosita bilamiz. Masalan, o‘rtoqlarimizdan
biri bizga yoqadi, doimo bizda yaxshi, ijobiy taassurot qoldira oladi, lekin uning u
25
yoki bu xatti-harakatlarini bevosita ko‘rib, baholab, tahlil qilolsak-da, unga
nisbatan his qilayotgan mehrimizni, uzoq ko‘rishmay qolganimizda uni
sog‘inayotganligimiz bilan bog‘liq hisni bevosita ko‘rib, idrok qilish imkoniyatiga
ega emasmiz. Aynan shunga o‘xshash holatlar psixologiya o‘rganadigan hodisalar
va holatlarning o‘ziga xos tabiati va murakkabligidan darak beradi va ularni
boshqa turli hodisalardan farq qiladi.
Shunday qilib, psixologiya fani o‘rganadigan jarayonlar va hodisalar
murakkab va xilma-xil. Ularni o‘rganishning ikki jihati bor: bir tomondan, ularni
o‘rganish qiyin, ikkinchi tomondan oson ham. Oxirgi jihati xususida shuni aytish
mumkinki, bu hodisalar bevosita bizning o‘zimizda berilgan, ularni uzoqdan
qidirish, mavhum analogiyalar qilish shart emas, boshqa tomondan, ular o‘zaro birbirlari
bilan bog‘liq va umumiy qonuniyatlar va tamoyillarga bo‘ysunadi.
Psixologiya fanining
asosiy vazifasi – psixik
hodisalarni o‘rganish
va ilmiy asoslashdir.
Psixologiya fanining bugungi kundagi vazifalari,
tabiiy, uning predmetiga biroz o‘zgarishlar kiritadi.
Zero, inson ongi va qalbi uchun kurash muammosi
butun dunyo miqyosida dolzarb turgan masala
sifatida qaralishini inobatga olsak, jamiyatimizning har bir a’zosi, mustaqil yurt
fuqarolari ongining milliy-madaniy muhit ta’sirida, milliy hamda umuminsoniy
qadriyatlar asosida shakllanishi, ular qalbida sof imon va sog‘lom dunyoqarashlar,
mustaqil fikrlashning shakllanishi mexanizmlarini o‘rganish ham fanning muhim
predmeti hisoblanadi. Ayniqsa, buguni yoshlarda aniq maqsad va maslakning
bo‘lishi, milliy iftixor va g‘urur tuyg‘ularining to‘g‘ri tarbiyalanganligi yaxlit xalq
va millat manfaatlari bilan uyg‘undir. Psixologiya fan sifatida aynan har bir
shaxsda o‘ziga, yurtdoshlariga, turli faoliyat turlari hamda dunyoga nisbatan to‘g‘ri
munosabatlarni shakllanishi yo‘llarini ham o‘rganishi kerak.
Demak, bugungi psixologiya fani va uning tarmoqlarining predmetini
belgilashda yoshlar ongida to‘g‘ri dunyoqarashni milliy istiqlol g‘oyalari va uning
asosiy tushunchalari va tamoyillari asosida shakllantirish masalalari nuqtai
nazaridan yondashish katta amaliy ahamiyat kasb etadi.
Inson mavjud ekanu o‘zining hayotiy tajribasiga asoslanib, u yoki bu holda
26
idrok etish, olamni anglash, narsa va hodisalarni ajratish kabi xususiyatlarga ega
ekan ligi haqida o‘ziga-o‘zi hisob beradi. Inson olamni qabul qilibgina qolmay,
unda harakat qiladi, o‘z faolligini namoyon etadi, qaror qabul qiladi, maqsadga
intiladi, qiyinchiliklarga duch kelganida qat’iyatlilik va irodaviy sifatlarni
namoyon qiladi.
Inson biror bir jihati bilan boshqalardan farq qiladi: kimdir texnikaga
qiziqadi, boshqa birov musiqaga, yana kimdir sportga, kimdadir qobiliyatlar,
boshqada she’r yozish, uchinchisida texnik qobiliyatlar mavjud, kimdir
harakatchan, boshqa birov bosiq, befarq, uchnchisi – dilkash, chaqqon, birov
mehnatsevar va kamsuqum va hokazo.
Bilish psixologiyasi bizning idrokimizni, harakatlarimizni va ma’lumotlarni qanday eslab
qolish yo‘llarini o‘rganadi. Bilish ilmi ko‘p sohani qamrab oladigan o‘rganish bo‘lib, miya
topshiriqlarida yashiringan aqliy faoliyatlar haqidagi tushunnchalarimizni boyitadi. Bilish
jarayoni bizga o‘zimizni tushunishning yangi yo‘llarini o‘rgatadi va depressiya kabi noqulay
vaziyatlarda o‘zini qanday tutushni ko‘rsatib beradi. Ko‘zga tashlanadigan xulq-atvor haqidagi
psixologlarning havotirlarini o‘z ichiga olgan holda biz bugun psixologiyani xulq-atvor va aqliy
faoliyatlar ilmi deb tariflaymiz. Keling bu ta’rifni aniqlashtiramiz. Xulq-atvor organizm qila
oladigan hamma narsa va biz uni kuzata olamiz, baqirmoq, jilmaymoq, gapirmoq, savol bermoq-
bularning hammasi ko‘z ilg‘aydigan harakatlar. Aqliy jarayonlar esa ichki bo‘lib, ular xulqatvordan
farq qiladi. Masalan, his-tuyg‘u, orzular, o‘y-xayollar, ishonch-etiqodlar kabi.
Psixologiya tarifining kalit so‘zi bu – ilm. Psixologiya bu kitobda ko‘plab savollarga
javob beradi. Mening maqsadim shunchaki natijalarni aytish emas balki, psixologlar qanday
o‘yinlar o‘ynashini ko‘rsatib berish hamdir. Siz tadqiqotchilarning bahsli fikr va g‘oyalarni
qanday baholashlarini ko‘rishingiz mumkin.
Manba. David G. Myers. Psychology. Tenth Edition // Hope College Holland, Michigan. – NY.:
Worth Publishers, 2013. – P. 6
Axir barcha narsalar kabi psixik hodisalar ham ma’lum qonuniyatlarga
bo‘ysunadi. Psixologiya shu qonuniyatlarni ochishga, ularning tarkib topishi va
rivojlanishini ochishga qaratilgandir. Ushbu qonuniyatlarni bilish, ularni
boshqarish, tashkil etish, ta’lim-tarbiya jarayonlarini to‘g‘ri olib borishga yordam
beradi.
Ilmiy psixologiyaning predmeti deyilganda avvalo psixik hayotning konkret
27
faktlari nazarda tutiladi. Psixik xarakterga doir har bir fakt esa ham miqdor, ham
sifat jihatidan xarakterli xususiyatga ega. Ilmiy jihatdan bilish hodisalarni
tasvirlashdan ularni tushuntirib berishga o‘tishni muqarrar talab qiladi. Bu esa o‘z
o‘rnida qonunlar mohiyatini ochib berishni talab etadi.
Demak, psixologik faktlar bilan birgalikda psixologik qonunlar psixologiya
fanining o‘rganiladigan predmeti bo‘lib yuzaga chiqadi, shuningdek, psixik
holatning mexanizmlarini aniqlashdan iboratdir. Ushbu muammolar fiziologiya,
biofizika, bioximiya, kibernetika, psixogenetika bilan birga ochib beriladi.
28
Psixologiyaning alohida
1.6. Psixologiyaning tarmoqlari
tarmoqlarini differentsiatsiya
qilish eng avvalo ishlab
chiqarishdagi inson faoliyati kechadigan sohalar va ularning vazifalaridan kelib
chiqadi. Hozirgi davrga kelib psixologiyani inson shaxsi haqidagi eng muhim
fanlardan biri sifatidagi ahamiyatini hamma tan olmoqda. Inson shaxsining esa
bevosita kirib bormagan sohasini topish qiyin.
Psixologiya sport, ta’lim-tarbiya, iqtisodiyot, sanoat ishlab chiqarishi,
qishloq ho‘jaligi, kibernetika, axborotlar texnologiyalari kabi qator xalq xo‘jaligi
sohalari bilan aloqador fan tarmog‘i hisoblanadi. Chunki hamma sohada inson
shaxsi faoliyat ko‘rsatar ekan, har bir sohada ishni samarali tashkil etish, inson
xulq-atvorini turli vaziyatlarda boshqarish uchun inson psixologiyasini, shaxslararo
munosabatlar psixologiyasini, odamlarning turli vaziyatlardagi xulq-atvor
normalarini bilish, texnikaning inson qobiliyatlariga mos tarzda yaratish va
ikkinchi tomondan, tafakkur va harakatlarni texnologik normalarga ko‘ra
tarbiyalash va moslashtirish muhimdir. Shuning uchun hozirgi davr mutaxassislari
psixologik bilimlardan boxabar bo‘lishlari lozimdir.
Fan sifatida psixologiya avvalo, “ijtimoiy gumanitar”, so‘ngra “tabiiy, aniq
va texnika” va eng oxirida “iqtisodiyot” blokidan o‘rin olgan bir qator fanlar bilan
uzviy bog‘liq bo‘lib, bu tom ma’noda uning jamiyatda amaliy ahamiyati ortib
borayotganligidan darak beradi.
Psixologiyaning 300 dan ortiq tarmoqlari fan sifatida rivojlanayotganligi
hozirgi kunda uning fanlar tizimida yanada mustahkamlanayotganligidan dalolat
beradi.
Demak, psixolog diplomiga ega bo‘lgan mutaxassis o‘z iqtidori va
qiziqishlari, oliy maktabda olgan ta’limiga ko‘ra u yoki bu turdagi psixolog
ixtisosini egallashi mumkin. Quyida Amerika Qo‘shma Shtatlari (AQSh), Rossiya
Federasiyasi (RF) va O‘zbekiston Respublikasi (O‘zR)da tayyorlanadigan
ixtisosliklar ro‘yxatini keltiramiz, vaholangki, ular xalq xo‘jaligining turli
tarmoqlarida mehnat qilishlari va o‘z bilimlarini joriy etishlari mumkin.
29
1.6.1-jadval
AQSh, RF va O‘zRdagi mavjud ba’zi psixologik tarmoqlar klassifikatsiyasi
AQSh RF O‘zR
Muhandis-psixolog
Odam-texnika tizimidagi o‘zaro munosabatlar
xususida bilimlarga ega bo‘lib, texnik
moslamalarni ishlab chiqishda ishtirok etadi
Maslahatchi-psixolog
Shaxsiy muammolarni hal qilish yuzasidan
tavsiyalar berib, testlar o‘tkazadi
Madaniyat masalalari bo‘yicha psixolog
Turli madaniy muhit sharoitidagi odamlar ijtimoiy
xulqini solishtirma tahlili bilan shug‘ullanadi
Klinik psixolog
Terapiya va bemorlarning hissiy emotsional
kechinmalari masalalarini o‘rganadi
Ishlab chiqarish va sanoat psixologi
Ishlab chiqarish sharoitlarini ta-komillashtirish
hamda xodimlarni tanlash masalalarini o‘rganadi
Iste’molchilar psixologiyasi bo‘yicha
mutaxassis
Tovarlarning emotsional jihatdan iste’molbopligini
baholaydi, marketing, reklama va mollarning
tovar qiyofasiga oid muammolarni o‘rganadi
Maktab psixologi
Muvaffiqiyatli o‘qishga xalaqit beruvchi omillarni
diagnostika qiladi
Muhandis-psixolog
Odam va texnika o‘zaro munosabatlariga oid
psixologik muammolar bilan shug‘ullanadi
Siyosiy-psixolog
Siyosiy tuzilmalar a’zolariga psixologik
maslahatlar berish, siyosiy dasturlarni ishlab
chiqishda ishtirok etadi
Tibbiyotchi psixolog
Tibbiy maskanlarda psixologik profilaktika va
psixogigiyena masalalari bilan shug‘ullanib,
bemorlarning psixologik xususiyatlarini o‘rganadi
Psixologiya o‘qituvchisi
Psixologiyaning turli aspektlariga oid ma’ruzalar
o‘qiydi
Trener-psixolog
Muloqot malakalari oshirish, shaxsning o‘z
imkoniyatlarini takomillashtirish bo‘yicha
treninglar o‘tkazadi
Menejment sohasidagi psixolog
Maxsus maslahatlar, menejerlarni o‘qitish va
tayyorlash bo‘yicha trening-seminarlar tashkil
etish, tashkilotlarda axborotlar almashinuvining
psixologik tomonlarini o‘rganadi
Zoopsixolog
Oliy toifali hayvonlar xulq-atvorini o‘rganadi
Muhandis-psixolog
Inson-texnika o‘zaro munosabatlariga oid
psixologik tadqiqotlar bilan shug‘ullanadi
Maslahatchi-psixolog
Mahallalarda (fuqarolarni o‘zini o‘zi boshqarish
organlarida) oilalarning shaxsiy muammolarni hal
qilish yuzasidan tavsiyalar berib, testlar o‘tkazadi
Tibbiy psixolog
Tibbiy-profilaktik maskanlarda psixologik
profilaktika va psixogigiyena masalalari bilan
shug‘ullanib, bemorlarning psixologik
xususiyatlarini o‘rganadi
Psixologiya o‘qituvchisi
Uzluksiz ta’lim tizimida psixologiya fani
sohalariga oid ma’ruza, amaliy va laboratoriya
mashg‘ulotlarini olib boradi
Trener-psixolog
Muloqot malakalari oshirish, shaxsning o‘z
imkoniyatlarini takomillashtirish bo‘yicha
treninglar o‘tkazadi
Menejment sohasidagi psixolog
Maxsus maslahatlar, menejerlarni o‘qitish va
tayyorlash bo‘yicha trening-seminarlar tashkil
etish, tashkilotlarda axborotlar almashinuvining
psixologik tomonlarini o‘rganadi
Ijtimoiy psixolog
Kichik va katta guruhlar (jamoalar) rivojlanishi va
psixologiyasini o‘rganadi
AQSh RF O‘zR
Salomatlik psixologiyasi bo‘yicha mutaxassis
Odamlarni sog‘lom turmush tarziga o‘rgatish va
turli kasalliklarni oldini olishga o‘rgatadi
Taraqqiyot psixologiya bo‘yicha mutaxassis
Inson tug‘ilishidan to qarigunicha bo‘lgan
taraqqiyot davrining psixologiyasini o‘rganadi
Psixometriya bo‘yicha mutaxassis
Testlar, so‘rovnomalar va boshqa psixologik
tekshiruv vositalarini standar-tlashtirish, ishlab
chiqish, ma’lumotlarni statistik tahlil qilish hamda
test natijalarini qayta ishlash bilan shug‘ullanadi
Ijtimoiy psixolog
Shaxsning ustanovkalari, dunyoqarashi va
biddiyatlarini, ijtimoiy guruhlararo
munosabatlarni, liderlik masalalarini o‘rganadi
Qiyosiy psixologiya
Turli toifadagi hayvonlar xulqini qiyosiy tarzda
laboratoriya sharoitida o‘rganadi, odam va
hayvon xulqiga oid umumiyliklarni asoslaydi
Psixofiziolog
Inson xulqining biologik asoslarini o‘rganadi
Eko-psixolog
Inson ehtiyojlariga mos tarzda turar-joylar va
binolarni loyihalashtirishga yordam beradi
Maktab psixologi
Maktabdagi o‘quv jarayoniga oid muammolar
bilan shug‘ullanib, o‘quv-chilar, ota-onalar va
o‘qituvchilarga psixologi maslahatlar beradi
Reklama sohasidagi psixolog
Reklama mahsulotlari tayyorlovchilarga
maslahatlar beradi
Bolalar psixologi
Bola taraqqiyoti masalalari bilan shug‘ullanib,
ota-onalarga maslahatlar beradi va bolalarni
maktabga tayyorlaydi
Huquqshunos psixolog
Sud-psixologik ekspertizalar jarayonida
qatnashadi, huquqshunoslikka oid jarayonlarning
psixologik ta’minoti bilan shug‘ullanadi
Psixofiziolog
Insondagi psixologik va fiziologik jarayonlarning
xususiyatlarini o‘rganadi
Ijtimoiy psixolog
Kichik guruhlar va jamoalar rivojlanishi va
psixologiyasini o‘rganadi
Salomatlik psixologiyasi bo‘yicha mutaxassis
Psixogigiyena va psixoprofilaktika, turmush
darajasining infratuzilmasini oshirish masalalari
bilan shug‘ullanadi
Iqtisodchi-psixolog
Tovarlarning emotsional jihatdan
iste’molbopligini baholaydi hamda reklama
mahsulotlari tayyorlovchilarga maslahatlar beradi
Bolalar psixologi
Bola taraqqiyoti masalalari bilan shug‘ullanib,
ota-onalarga maslahatlar beradi va bolalarni
maktabga tayyorlaydi
Maktab psixologi
Maktabdagi o‘quv-tarbiya jarayoniga oid
muammolar bilan shug‘ullanib, o‘quvchilar, otaonalar
va o‘qituvchilar bilan psixoproflaktik,
psixodiagnostik, rivojlantiruvchi va korrektsion,
psixologik maslahat ishlari bilan shug‘ullanadi
Yuridik psixolog
Sud-psixologik ekspertizalar jarayonida
qatnashadi, huquqqa oid jarayonlarning
psixologik ta’minoti bilan shug‘ullanadi
MTM psixologi
maktabgacha yoshdagi bolalarni har tomonlama
intellektual, axloqiy, estetik va jismoniy kamol
toptirish borasida psixologik maslahat ishlari
bilan shug‘ullanadi va testlar o‘tkazadi
Harbiy psixolog
Harbiy jamoalar jipsligini shakllantirishga ta’sir
etuvchi ijtimoiy-psixologik omillarni o‘rganadi va
shaxsiy tarkib bilan ishlaydi
Sport psixologi
Sport faoliyatida to‘qnash keladigan
muammolarni tahlil qilishga va hal etishga
yordam beradi
Quyida bizning sharoitimizda rivoj topayotgan va amaliy tus kasb etayotgan
psixologiya tarmoqlarining qisqacha tavsiflarini keltirdik:
umumiy psixologiya – psixologiyaning barcha masalalarining o‘ziga xos
jihatlarini o‘rganadigan maxsus sohasi;
pedagogik psixologiya – kishiga ta’lim va tarbiya berishni psixologik
qonuniyatlarini o‘rganishni o‘z predmeti deb biladi;
yosh davrlari psixologiyasi – turli yoshdagi odamlarning tug‘ilgandan to
umrining oxirigacha psixik rivojlanish jarayonini, shaxsning shakllanishi va
o‘zaro munosabatlari qonuniyatlarini o‘rganadi;
ijtimoiy psixologiya – odamlarning jamiyatdagi birgalikdagi ish faoliyatlari
natijasida ularda hosil bo‘ladigan tasavvurlar, fikrlar, e’tiqodlar, hissiy
kechinmalar va xulq-atvorlarini o‘rganadi;
mehnat psixologiyasi – kishi mehnat faoliyati psixologik xususiyatlarini,
mehnatni ilmiy asosda tashkil etishning psixologik jihatlarini o‘rganadi;
muhandislik psixologiyasi – avtomatlashtirilgan boshqaruv sistemalari
operatorning faoliyatini, odam-texnika o‘rtasida funktsiyalarni taqsimlash va
muvofiqlashtirishning xususiyatlarini o‘rganadi;
yuridik psixologiya – huquq sistemasining amal qilishi bilan bog‘liq
masalalarning psixologik asoslarini o‘rganadi;
harbiy psixologiya – kishining harbiy harakatlar sharoitida namoyon
bo‘ladigan xulq-atvorini, boshliqlar bilan ijro etuvchilar o‘rtasidagi
munosabatlarning psixologik jihatlarini o‘rganadi;
savdo psixologiyasi – jamiyatda tijoratning psixologik sharoitlari,
ehtiyojning individual, yoshga oid, jinsga oid xususiyatlarini, xaridorga
xizmat ko‘rsatishning psixologik omillarini aniqlaydi, modalar psixologiyasi
kabi masalalarini ko‘radi;
tibbiyot psixologiyasi – shifokor faoliyati psixologiyasini, bemor xulqatvorining
psixologik jihatlarini o‘rganadi;
iqtisodiy psixologiya – turli vaziyatlarda ishlab chiqarish munosabatlariga
kirishish orqali xo‘jalik yuritishni maqsad qilgan shaxslar, yaxlit guruh,
32
jamoalarning iqtisodiy tafakkuri hamda iqtisodiy xulq-atvoriga aloqador
umumiy qonuniyatlar va xatti-harakat mexanizmlarini, ishlab chiqarish
munosabatlarining har bir xo‘jalik subyekti ongida aks etishini o‘rganadi;
sport psixologiyasi – sport tadbirlari va mashg‘ulotlari jarayonida inson
psixikasiga daxldor musobaqa oldi hamda musobaqa vaqtidagi
o‘zgarishlarni dinamik tabiatining psixologik qonuniyatlarini o‘rganadigan
fanning sohasi.
Shuningdek, psixologiyada etnopsixologiya, oilaviy hayot psixologiyasi,
boshqaruv psixologiyasi, shaxs psixologiyasi, rahbar psixologiyasi,
psixodiagnostika va boshqa ko‘plab sohalari mavjud bo‘lib, ular bevosita
sotsiumdan tushayotgan talab va taklifga mos tarzda rivojlanmoqda.
33
Aniq izlanish predmetiga
1.7. Psixologiya fanining metodlari
ega bo‘lgan har qanday fan o‘sha
predmetining mohiyatini yoritish
va materiallar to‘plash uchun maxsus usullar va vositalardan foydalanadi va ular
fanning metodlari deb yuritiladi. Fanning salohiyati va obro‘si ham birinchi
navbatda o‘sha metodlar yordamida to‘plangan ma’lumotlarning ishonchliligi va
validliligiga bog‘liq bo‘ladi. Bu fikrlar bevosita psixologiyaga ham aloqador
bo‘lib, metodlar masalasi bu fanda juda katta ahamiyatga molik masala sifatida
qaraladi. Chunki yuqorida ta’kidlaganimizdek, psixik hodisalarni bevosita qo‘l
bilan ushlab, ko‘z bilan ilg‘ab, quloq bilan sezish qiyin. Lekin juda ko‘plab fanlar
bilan faol hamkorlik shunga olib kelganki, psixologiyaning har bir tarmog‘i o‘z
vazifalarini yechish va ma’lumotlarga ega bo‘lish uchun ko‘plab metodlarni
sinovlardan o‘tkazib, eng ishonchli va mukammallarini saqlab qolgan.
Matematik statistika va ehtimollar nazariyasining psixologiya sohasida
qo‘llanilishi va unda erishilgan muvaffaqiyatlar avvalo har bir metodning
ishonchlilik darajasini aniqlash, qolaversa, to‘plangan ma’lumotlarning qay
darajada asosli va valid ekanligini isbotlashga yordam beradi.
1.7.1-rasmda asosiy psixologik metodlar va ularni qo‘llash shakllari
keltirilgan. Ushbu metodlar yordamida tadqiqotchi yoki qiziqqan shaxs u yoki bu
psixik jarayon, holat yoki shaxs xususiyatlari to‘g‘risida birlamchi ma’lumotlar
to‘playdi, to‘plangan ma’lumot yana tahlil qilinadi va maxsus tarzda ishlatilishi
mumkin.
KUZATISH METODI
Psixologiya fanining empirik (amaliy
metodlari turkumidan muhim o‘rin egallagan
diagnostik xususiyatli) metodlaridan biri – kuzatish metodidir. Mazkur metod
fanimizning eng qadimgi tadqiqot vositasi bo‘lib hisoblanib, uzoq o‘tmish
zamonidan to hozirgi davrgacha ilmiy izlanuvchilarning asosiy tekshiruv
qurollaridan biri bo‘lib, keng ko‘lamda foydalanib kelinmoqda. Lekin bugungi
kunda uning ob’ekti, ko‘lami yanada kengaydi, murakkab psixologik jarayonlar,
34
1.7.1-rasm. Psixologiya fanining asosiy metodlari
holatlar, hodisalar, kechinmalar, faoliyat va muomala xususiyatlari o‘rganish
imkoniyati tug‘ildi, sifat hamda mazmun jihatidan katta o‘zgarishlar yuzaga keldi.
Kuzatishning texnologiyasi takomillashdi, uning yangi shakllari, vositalari,
usullari paydo bo‘ldi, xolisonalik (ob’ektivlik) darajasi ortdi, ishonchliligini
ifodalovchi mezonlar, o‘lchovlar yaratildi. Buning natijasida kuzatish psixologiya
fanining universal tadqiqot metodlari qatoriga kirib, uning barcha sohalarida
qo‘llanilmoqda, ayniqsa, tatbiqiy imkoniyatining yuksakligi, statistik hisoblashga
beriluvchanligi xususiyati bilan boshqa metodlardan ajralib turadi. Yuqoridagi
mulohazalardan kelib chiqqan holda uning yoritilmay qolib ketgan jihatlari,
tarkiblari, yordamchi jabhalari yuzasidan mulohaza yuritamiz.
Kuzatish metodining texnologiyasi quyidagilardan tashkil topadi:
voqelik (atrof-muhit, inson shaxsi)ni kuzatish oqimini muayyan qismlarga,
yo‘nalishlarga ajratish (nemischa-lotincha “kvantifikatsiyalash”, ya’ni zarur,
birincha darajali jihatlarini saralash);
kuzatishning ko‘lami (hajmi), xususiyati va o‘ziga xosligini aniqlash, ya’ni
uning nimalarga qaratilganini belgilab olish;
kuzatishning ko‘lami (hajmi), xususiyati va o‘ziga xosligini aniqlash (ularni
yozma nutqda ifodalash, ya’ni fransuzcha-lotincha “fiksatsiyalash”);
kuzatish davomida aniqlangan omillar, to‘plangan ma’lumotlar, natijalarni
matematik statistik metodlar yordami bilan hisoblab chiqish va miqdoriy
tahlil yakunlari bo‘yicha psixologik sifat talqinini amalga oshirish.
Psixologik kuzatish olib borishdan ko‘zlangan maqsad mana bulardan
iborat:
kuzatiluvchi vaziyat, holat va ob’ektni maksadga muvofiq tanlash, uning
oqilona ekanligiga ishonch hosil qilish;
kuzatishning dasturini ishlab chiqish, uni amaliyotga tatbiq qilish, sxematik
ifodalanishni yaratish, yig‘ilgan natijalarni chizma asosida aks ettirish.
Kuzatishning ob’ekti va predmeti quyidagi tuzilishga ega:
kuzatishning ob’ekti – inson, guruh, jamoa shaxslararo munosabatlar,
36
emotsional-hissiy kechinmalar, hayvonot olami, shaxsning faoliyati
ijodiyoti, muomalasi kabilarni o‘rganishdan iboratdir.
kuzatishning predmeti – insonning xilma-xil holati, jarayoni, harakatining
kuchi, jadalligi uzluksizligi, dinamikasi, o‘ziga xosligi, uning hamkorlikdagi
harakati, undagi onglilik, ongsizlik, ongosti holatlarining kechishi, faoliyat
va muomala kabilarni eksteriorizatsiyalashdan tashkil topgandir.
amaliy va gnostik holatlar, nutq aktlari: ma’nosi, mazmuni, mohiyati,
yo‘nalishi, chastotasi, ritmikasi, tempi, amplitudasi, davomiyligi,
intensivligi, ekspressivligi, uning leksikasi, grammatikasi, fonetikasi,
lingvistik qurilishi va boshqalar;
noverbal nutq ifodasisi: mimika, pantomimsh va vokal mimikasi (musiqa
ma’nosini tana a’zolari orqali ifodalash);
vegetativ reaktsiyalarning ko‘rinishi: rangni qizarishi, oqarishi, terlash, nafas
olishning tezlashuvi, sekinlashuvi va qiyinlashuvi.
Kuzatishning bosqichma-bosqichliligi, tadrijiyligi (iyerarxiyasi) tarkiblari
quyidagilardan tashkil topadi:
kuzatishning maqsadi, vazifalari, dasturi, qaydnomasi: bunda umumiy
talablarga rioya qilish, yaxlit qayd qilish, kundalik, texnika vositalari (faktik
holatlar), natijalarning tahlili, talqini va g‘oyalarni ilgari surish.
Kuzatishni ifodalash uslublari: tajribalarda to‘plangan ma’lumotlarni alomat,
belgi va simvolika orqali aks ettirish (piktogramma, chizgi, jadval, anagramma) va
turli shakl, xususiyatli bayonnomalar, qaydnomalar yuzaga keltirish.
Psixologiya fanida kuzatishning quyidagi turlaridan foydalanish mumkin:
izchil;
epizodli;
dala sharoitli;
laboratoriyaviy-sun’iy;
tabiiy;
xronologiyali;
37
davriy;
bir martali kabilar.
Insonning mehnat faoliyatini kuzatishda quyidagi vositalarni qo‘llash
maqsadga muvofiq:
F.Gilbertning “Ish kuni fotografiyasi” metodikasi (rasmlarda ifodalangan
ishchining harakatini kuzatish, ko‘zdan kechirish orqali ularni tahlil qilish
(sa’y-harakatlar bo‘yicha tizim vujudga keltirish, ulardagi o‘zgarishlarga
binoan muayyan ketma-ketlikda joylashtirish);
A.K.Gostevning xronokartasi (ikki yoki uch marta yarim soatdan smenada
va smenadan keyin tekshiruv o‘tkazish);
talabalarda dars boshida, o‘rtasida va oxirida yoki boshqa vaziyatlarda:
yordamchi yumush bilan shug‘ullanish holati, dam olish, uyqu va shu kabilar.
Kuzatish metodining bir necha xil shakllari mavjud bo‘lib, vazifalariga qarab
ularning har biridan foydalanish mumkin: aralashib yashirin kuzatish,
kuzatiluvchining psixologik portretini yaratish, aralashib oshkora kuzatish
(o‘smirlarda yuqori natijalar beradi), xulq-atvor portretini tahlil qilish va hakazo.
Kuzatilgan ob’ektni qayd qilishning turlari va vositalari mavjuddir:
kundaliklar, foto, video, kinoapparatlarning mahsullari, voqelikning musavvir
tomonidan asosli ifodalanishi, ta’kidlovchi, ta’birlovchi, umumlashtiruvchi
xususiyatlari majmuasi.
Kuzatish natijalarini umumlashtirishda ma’lumotlar miqdor va sifat jihatidan
tahlil qilinadi, tajriba yakunlari bo‘yicha g‘oyalar, umumlashmalar, xossalar,
qonuniyatlar, mexanizmlar, holatlarning ilmiy psixologik talqini amalga oshiriladi.
Kuzatish yakunida to‘plangan ma’lumotlar ilmiy hisobot sifatida muayyan
qoidalarga asoslangan holda quyidagi tartibda joylashtiriladi: kirish,
metodikalarning tasnifi, natijalarning bosqichma-bosqich tahlili, ularning
muhokamasi, izlanishlarning xotimasi va xulosalari, amaliy xususiyatga ega bo‘lgan
tavsiyalar, ko‘rsatmalar berilishi, foydalaniladigan adabiyotlar ro‘yxati va nihoyat
ilovalar (har bir qism o‘ziga xos yakunlangan, tugallangan ma’no anglatishi lozim).
38
Kuzatish metodi yordami bilan hatto nizoli (konfliktli) vaziyatlarni kuzatish
ham mumkin. Nizoli vaziyatlar turli-tuman bo‘lishidan qat’iy nazar kuzatish
jarayonida ushbu holatlarga e’tibor berish zarur: nizoning mohiyatiga kirish,
nizoning kuchayishi va uning tashqi va ichki omillari, nizoni pasaytirishga
qaratilgan ta’sir o‘tkazuvchi vositalardan foydalanganlik, nizo yechimining topilishi,
nizoli vaziyat bartaraf qilingandan keyingi psixologik holatning tasnifi.
Kuzatish jarayonida R.Beylzaning interaktsiya metodikasini (bahs,
munozara jarayonida o‘zaro ta’sir o‘tkazish imkoniyatini aniqlash uchun) qo‘llash
ijobiy natijalar beradi:
umumiy muammo mohiyatiga guruh a’zolarini yo‘naltirish;
guruh a’zolari tomonidan muammoni yechish yo‘llarini baholash;
bahs (munozara, diskussiya) jarayonini nazorat qilish;
umumiy fikrga kelish uchun guruhiy qaror qabul qilish;
muammo yechimiga erishishdagi guruh a’zolarining birdamligi va
hamjihatligi.
Kuzatish yakunlari bo‘yicha umumpsixologik xulosalar chiqarish, milliy,
etnopsixologik, hududiy xususiyatlarni qat’iy ravishda sharhlash, yosh davrlari,
jinsiy xususiyatlariga taalluqli mulohazalar bildirish – psixologik bilimlarning
boyishiga olib keladi. Tajribalarda, kuzatishlarda to‘plangan materiallar qiymatini
oshirish uchun vujudga kelgan barcha omillarni psixologik tahlil qilish, statistik
metodlardan unumli foydalanish zarur, toki bu mezonlar ma’lumotlarning ilmiylik
darajasini yuksaltirishga xizmat qilsin.
Tashqi kuzatuv mohiyatan kuzatiluvchi xulq-atvorini bevosita tashqaridan
turib, kuzatish orqali ma’lumotlar to‘plash usulidir. Usulning o‘ziga xosligi
shundaki, tadqiqotchi kuzatiluvchining faoliyatiga aralashmagan va unga xalaqit
bermagan tarzda, uning tashqi xulq-atvori, nutqi, o‘zgalarga munosabatini “zimdan
kuzatib”, qayd qilib boradi. Kuzatishning ikki asosiy turi bo‘lib, tashqi-ob’yektiv
kuzatish va ichki – o‘z-o‘zini kuzatish farqlanadi. O‘z-o‘zini kuzatish birovlarni
tashqaridan kuzatishdan farqli, odamning o‘zida kechayotgan biror o‘zgarish yoki
39
hodisani shaxsan o‘rganishi maqsadida ma’lumotlar to‘plash va qayd etish usulidir.
Erkin kuzatuv ko‘pincha biror ijtimoiy hodisa yoki jarayonni o‘rganish
maqsad qilib qo‘yilganda qo‘llaniladi. Masalan, bayram arafasida aholining
kayfiyatini bilish maqsadida kuzatuv tashkil qilinsa, oldindan maxsus reja yoki
dastur bo‘lmaydi, kuzatuv ob’yekti ham qat’iy bo‘lishi shart emas. Yoki dars
jarayonida bolalarning u yoki bu mavzu yuzasidan umumiy munosabatlarini bilish
uchun ham ba’zan erkin kuzatish tashkil etilishi mumkin. Standartlashtirilgan
kuzatuv esa, buning aksi bo‘lib, nimani, qachon, kim va kimni kuzatish qat’iy
belgilab olinadi va maxsus dastur doirasidan chiqmasdan, kuzatuv olib boriladi.
Ijtimoiy hamda pedagogik (sport) psixologiya(si)da guruhiy jarayonlarning
shaxs (sportchi) xulq-atvoriga ta’sirini o‘rganish maqsadida bevosita ichkaridan
kuzatuv tashkil qilinadi, bunda kuzatuvchi shaxs o‘sha guruh yoki oila hayotiga
tabiiy ravishda qo‘shiladi va zimdan kuzatish ishlarini olib boradi. Bu bir qarashda
kontrrazvedkachilarning faoliyatini ham eslatadi. Shu yo‘l bilan olingan
ma’lumotlar bir tomondan tabiiyligi va mufassalligi bilan qimmatli bo‘lsa, ikkinchi
tomondan, agar kuzatuvchida konformizm xislati kuchli bo‘lsa, o‘zi ham guruh
hayotiga juda kirishib ketib, undagi ayrim hodisalarni sub’yektiv ravishda qayd
etadigan bo‘lib qolishi ham mumkin. Guruhiy fenomenlarni tashqaridan kuzatish
buning aksi –ya’ni kuzatuvchi guruhga yoki kuzatilayotgan jarayonga nisbatan
chetda bo‘ladi va faqat bevosita ko‘zi bilan ko‘rgan va eshitganlari asosida
xulosalar chiqaradi.
Kuzatish natijalarini miqdoriy tahlil qilishda statistik metodlarni quyidagi
tartibda qo‘llash lozim:
olingan natijalarni foizlar bo‘yicha hisoblab chiqish;
to‘plangan ma’lumotlarning o‘rtacha arifmetik qiymatini topish;
son qatoridagi o‘rtacha kvadrat og‘ishni hisoblash (sigma);
son qatoridagi miqdorlar tarqoqligini aniqlash (dispertsiya);
omillar o‘rtasidagi muayyan munosabatlar mavjudligini (korrelyatsion) tahlil
qilish;
40
ma’lumotlar, metodikalar ishonchlilik darajasini aniqlash uchun Styudent
mezonidan foydalanish lozim.
Bu usul eng tabiiy va hayotiy metodlar jumlasiga kiradi. Chunki biz hayotda
o‘rgangan ko‘p odatlarimiz, harakatlarimizning asosida o‘zining bilim-bilmay
kuzatgan, xotiramizda shu tarzda olib qolgan ma’lumotlarimiz yotadi. Ilmiy nuqtai
nazardan esa kuzatuvning turlari va bosqichlari farqlanadi.
Umuman, kuzatish metodining ijtimoiy hayot, professional ko‘rsatgichlarni
qayd qilishda so‘zsiz afzalliklari bor, lekin shu bilan birga kuzatuvchining
professional mahorati, kuzatuvchanligi, sabr-qanoatiga bog‘liq bo‘lgan jihatlar,
yana to‘plangan ma’lumotlarni sub’yektiv ravishda tahlil qilish xavfi bo‘lgani
uchun ham biroz noqulayliklari ham bor, shuning uchun ham u boshqa metodlar
bilan birgalikda ishlatiladi. Umuman kuzatish vositasida ma’lumotlar to‘plashga
qaror qilgan kimsa har doim ham aniq kuzatuv ob’yektini ajratib olishi, undan
nimalarni kutayotganligini tasavvur qilishi, kuzatuv daftarini tutib, kuzatilayotgan
odam yoki guruhning faoliyatini ma’lum muddat davomida bosqichma-bosqich
izchil tarzda qayd qilib borishi, izlanishlari nihoyasida esa barcha tuplangan
ma’lumotlarni psixologik jiatdan tahlil qila olishi kerak.
SO‘ROV METODI
Odamlarni so‘roq qilish, u yoki bu bilmagan
yoki qiziqtirgan narsalarni so‘rab o‘rganish insonga
xos xislat. Ko‘cha-kuyda ketayotganimizda ham vaqtni yoki ko‘chalar nomini
so‘rovchilar bo‘ladi. Masalan, ommaviy sport musobaqalari arafasida, ya’ni Futbol
bo‘yicha jahon chempionatining guruh (saralash) bosqichi va bevosita chempionat
arafasida terma jamolar imkoniyatlarini bilish uchun ham oddiy odatiy so‘roqlar
o‘tkazilishi rasm bo‘lgan. Lekin bu hayotiy usul psixologiyada ham fikr-o‘ylarni
o‘rganish orqali qimmatli ilmiy ma’lumotlar to‘plash vositasi sifatida qadrlanadi.
Shuning uchun so‘roq metodlari psixologiyaning barcha tarmoqlarida birlamchi
ma’lumotlar to‘plashning an’anaviy usullaridan hisoblanadi. Unda tekshiriluvchi
tekshiruvchi tomonidan qo‘yilgan qator savollarga muxtasar javob qaytarishi kerak
bo‘ladi.
41
So‘rov metodlari mehnat psixologiyada juda keng tarqalgan usullardan. Bu –
bevosita yoki bavosita yo‘l bilan og‘zaki yoki yozma tarzda ma’lumotlar olish
usulidir. Uning natijasida odamlarning u yoki bu ijtimoiy hodisa, qonuniyat yoki
shaxs to‘g‘risidagi fikrlari, baholari, ustanovkalari, ongga o‘rnashib qolgan fikrlari
– stereotiplari aniqlanadi. So‘rovning ikkita asosiy turi mavjud:
intervyu
anketa.
Biz, odatda, jurnalistlar tomonidan so‘roqqa tutilgan odamlar savoljavoblarini
ko‘rishga o‘rganib qolganmiz. Bu oddiy intervyu bo‘lib, ijtimoiy
hayotning u yoki bu (siyosiy) hodisasiga nisbatan ijtimoiy fikr o‘rganilgandagina
ishlatiladi. Lekin psixologik intervyu biroz murakkabroq jarayon. Chunki bunda
bevosita muloqot jarayonida insonlarning yuraklaridagi yashirin fikrlari,
hodisalarga sub’ektiv munosabatlari, o‘tmish xotiralar va ularning talqini orqali
juda muhim hayotiy faktlar aniqlanadi. Jurnalistdan farqli, psixolog intervyu
jarayonini erkinroq olib borishga, maksimal tarzda shaxsiy fikrni ajratib olishga
intiladi. Shu bois, oldindan aynan qanday javoblar olishini bilmaydi. Psixolog ana
shunday intervyuni guruh sharoitida ham o‘tkazishi mumkin. Bunda muloqot
munozara – diskussiya shaklida o‘tkazilib, diagnost fikrlarni umumlashtirib,
oxirida o‘ziga zarur ma’lumotni to‘plab oladi. Lekin bu jarayon oson emas. Misol
uchun O‘zbekiston( 24 )TVdagi “Xalqaro Press Klub”, “Munosabat” kabi
ko‘rsatuvlar guruh sharoitidagi so‘rovga misol bo‘la oladi.
Bundan tashqari, ommaviy intervyu tushunchasi ham bor. Bu ijtimoiy
fikrni, kayfiyat, tanglik kabi hodisalarni o‘rganishda ishlatiladi. Bunda omma
fikrini o‘rganish uchun ma’lum “chizma” bo‘yicha oldindan javob variantlari
nazarda tutilib anonim so‘rov o‘tkaziladi. Ommaviy intervyu maksimal tarzda
formallashtirilgan va standartlashtirilgan jarayondir. Bunday intervyuni telefon
orqali ham amalga oshirish mumkin.
Yozma so‘rov usuli ma’lumki, anketa deyiladi. Anketa metodi hammaga
tanish bo‘lgan usullardan biri. Lekin ko‘pincha anketani o‘tkazgan odam uning
42
tuzilishi qanchalik qiyinligini yoki olingach ma’lumotlarni qayta ishlash, ularni
to‘g‘ri sharhlash naqadar qiyin ekanligini tasavvur qilmaydi. Kiritilgan savollar
mazmuniga ko‘ra anketa ochiq va yopiq turlarga bo‘linadi. Ochiq anketa
respondentdan o‘z fikrini erkin bayon etishni talab qiladi, yopiq shakldagi anketa
savollarining esa javoblari oldindan berilgan bo‘lib, tekshiriluvchi o‘ziga ma’qul
bo‘lgan, o‘zining qarashlari, fikrlari bilan mos kelgan javobni belgilab beradi.
Ochiq savollarning kamchiligi – respondentlarning har doim ham qo‘yilgan
vazifaga yetarli darajada – mas’uliyat bilan qaramasliklari hamda berilgan
javoblarni statistik jihatdan ishlov berishdagi qiyinchiliklar bo‘lsa, yopiq anketada
respondentga tekshiriluvchi tomonidan o‘z fikriga ergashtirishga o‘xshash holat
yoki har doim ham hamma savolning barcha javob variantlarini topib
bo‘lmaslikdir.
Shuning uchun oxirgi paytda yarim yopiq savaollardan iborat anketalar
tuzilmoqdaki, ularda javob varinatlaridan tashqari, yana fikr bildirish uchun
qo‘shimcha qatorlar qoldiriladi.
Odatda anketa tuzilishi jihatdan uch qismga bo‘linadi:
Kirish qismi yoki “respondentga murojaat”. Bu qismda odatda tadqiqot
maqsadlari va ularning qanday foydasi borligi, tekshiriluvchining shaxsiy ishtiroki
nima berishi, olingan ma’lumotlarning umumlashtirilgan holda ishlatilishi
(anonimlik), anketaning to‘ldirish yo‘llari va boshqalar yoziladi. Yo‘riqnoma –
murojaatning qanchalik yaxshi yozilganligi bevosita tekshiriluvchining ishga
bo‘lgan munosabatiga bog‘liqdir.
Asosiy qism. Bunga savollar kiritiladi.
Yakuniy qism yoki “pasportichka”. Bu qism respondentning shaxsiy
sifatidagi ob’ektiv ma’lumotlarni olishga qaratilgan bo‘lib, unda tekshiriluvchining
jinsi, yoshi, oilaviy ahvoli, kasb-kori va boshqalar so‘raladi.
Bu usul ham ko‘pchilik fikrini qisqa muddatlarda aniqlash zarurati
tug‘ilganda ishlatiladi. Anketaning pochta, pressa orqali va bevosita tarqatish
turlari mavjud bo‘lib, bizda oxirgi yillarda asosan bevosita tekshiruvchi bilan
43
respondent uchrashuvini nazarda tutuvchi anketa so‘rovi qo‘llaniladi. Anketaga
kiritilgan savollar ochiq yoki yopiq turli bo‘lishi mumkin. Ochiq anketadagi
savolga javob variantlari berilmaydi, respondent nimani yozishni xohlasa, shuni
yozadi. Masalan, “Sizningcha, mamlakatning 5 yildan keyingi istiqboli qanday
bo‘ladi?”, “Siz uchun hokimiyat nima?” kabilar ochiq savollarga kiradi. Bu
sub’ektiv fikrlarni o‘rganish uchun yaxshi, lekin har doim ham odamlar o‘z
fikrlarini aniq va muxtasar bayon etavermaydi. Qolaversa, ochiq savollarga
berilgan javoblarni tahlil qilish ham ma’lum professional tayyorgarlikni talab etadi.
Shuning uchun oxirgi yillarda ijtimoiy hayotni o‘rganishda anketaning yopiq
savollardan iborat turi ko‘proq ishlatilmoqda.
Yopiq anketa savollariga berilishi mumkin bo‘lgan javoblar oldindan
ko‘rsatiladi. Masalan: “Mamlakatning istiqboli nimalarga ko‘proq bog‘liq?
a) mehnat resurslarining oshishiga;
b) malakali kadrlar soniga;
v) rahbarlik uslubining takomillashuviga;
g) tashqi investitsiyalarning dadil jalb etilishiga;
d) ish sharoitlarining yaxshilanishiga;
e) yangi texnologiyalar va asbob-uskunalarga;
j) yana (yozing)____________________”.
Anketalarga qo‘yiladigan asosiy talablardan biri – unga kiritilgan
savollarning barcha uchun tushunarli bo‘lishidir. Shuningdek, savollarning va
ularga berilgan javoblarning maksimal tarzda qisqa bo‘lishi va anketaning hajm
jihatdan juda katta bo‘lmasligi respondent vaqtini ko‘p olmasligini kafolatlaydi.
Bundan tashqari, siyosiy-psixologik fenomenlar o‘rganilayotganda, har bir savol
o‘z o‘rnida kiritilishi, u mazmunan kishida shubha uyg‘otmasligi, samimiy javobga
chorlashi lozimdir. Ba’zan anketalardagi savollar saviyasini pastligi
tekshiruvchining yengiltakligini baholab, jiddiy javob ololmaslik holatlarini ham
keltirib chiqaradi. Masalan, ba’zan umuman odobsiz savollar beriladi: “Musiqani
yoqtirasizmi?”, “Ota-onangizni sevasizmi?” kabi. Yoki ba’zida uzundan-uzun
44
savollarning berilishi respondent o‘zidan nimani xohlashayotganliklarini his qilish
darajasini pasayishiga xizmat qiladi. Shuning uchun ham psixologik tekshiruvlarda
o‘rinli, ma’noli, jo‘yali savollar tuzish, ularning birin-ketinligi va tartibi masalasiga
katta ahamiyat berishlishi zarur.
Sotsiometrik so‘rov ham anketaning bir turi hisoblanadi. U aynan guruhdagi
shaxslararo munosabatlarnigina aniqlagani bois, uni ba’zan mualliflar psixologik
testlar qatoriga ham kiritishadi. Nima bo‘lganda ham bu usul yordamida guruhiy
hodisalar, unda har bir a’zoning tutgan o‘rni, yetakchilikning taqsimoti va
jamoadagi ma’naviy muhit o‘rganiladi. Hozirda sotsiometrik so‘rovning yuzlab
modifikatsiyalari mavjud bo‘lib, dastlabki ma’lumotlar olishning samarali vositasi
sifatida undan ko‘plab tadqiqotchilar foydalanadilar. Qo‘lga kiritilgan
ma’lumotlarga odatda, statistik qayta ishlov beriladi yoki ular kompyuter dasturlari
yordamida tahlil qilinadi.
Og‘zaki so‘roqni yoki ba’zan uni oddiygina qilib, suhbat metodi deb ataladi,
o‘tkazadigan shaxs unga ma’lum darajada tayyorgarlik ko‘rgach so‘roq o‘tkazadi.
Agar mabodo uning professional mahorati yoki tajribasi bunga yetarli bo‘lmasa,
so‘rov o‘z natijalarini bermasligi mumkin. Lekin mahoratli so‘rovchi ushbu metod
yordamida inson ruhiy kechinmalariga aloqador bo‘lgan noyob ma’lumotlarni
to‘plash imkoniga ega bo‘ladi.
Yozma so‘roq yoki anketaning afzalligi shundaki, uning yordamida bir
vaqtning o‘zida ko‘pgina odamlar fikrini o‘rganish mumkin bo‘ladi. Unga
kiritilgan savollar, ulardan kutiladigan javoblar (yopiq anketa), yoki erkin o‘z
fikrini bayon etish imkoniyatini beruvchi (ochiq anketa) so‘rovnomalar aniq va
ravon tilda javob beruvchilar tushunish darajasiga monand tuzilgan bo‘lsa,
shubhasiz, qimmatli birlamchi materiallar to‘planadi.
So‘roqning ham erkin va standartlashtirilgan shakllari mavjud bo‘lib,
birinchisida oldindan nimalar so‘ralishi qat’iy belgilab olinmaydi, ikkinchi
shaklida esa, hattoki, komp’yuterda dasturi ishlab chiqilib, minglab odamlarda bir
xil talablar doirasida so‘roq o‘tkazilishi nazarda tutiladi. So‘rovlar o‘tkazilishida
45
hal qilinishi lozim bo‘lgan eng muhim masalalardan biri so‘raluvchilarni
tanlashdir. Chunki agar saylovoldi kompaniyalarida yoki talaba-yoshlarning o‘z
ijtimoiy harakatini tuzish borasidagi fikrlari o‘rganilganda, tabiiy bir muammo
paydo bo‘ladi: necha kishini va qayerlardan so‘rash lozim, degan. Tanlov ob’ektini
tanlashda uning tarkibiga kiruvchilarning u yoki bu ijtimoiy qatlamga mansubligi
muhim rol o‘ynaydi. Masalan, talaba yoshlarning fikrini o‘rganish uchun barcha
talabalar fikrini mutloq o‘rganish shart emas. Tanlov agar 10 foiz deb belgilansa,
O‘zbekiston Respublikasi oliy o‘quv yurtlarida tahsil olayotgan barcha talabalar
sonidan kelib chiqib, o‘shaning 10 foizi o‘rtasida, bir necha oliygohlarda so‘roq
o‘tkazilishi kifoya qiladi. Barcha pensionerlarning ijtimoiy himoya borasidagi
fikrlarini o‘rganish kerak bo‘lganda ham shu tamoyil nazarda tutiladi. Demak,
tarkiban monand guruhlar ajratib olingach, tadqiqotchi o‘sha guruhning tushunish
darajasi va ehtiyojlaridan kelib chiqib, so‘roq o‘tkazadi yoki intervyular
uyushtiriladi.
Savolnomalarda savol berish tartibi va mazmuni ham katta ahamiyatga ega.
Yoshlarga “Siz vatanparvarmisiz?” yoki jamoatchilikka “Siz tinchlik
tarafdorimizsiz?” kabi savollar oldindan javobi aniq bo‘lgani uchun ham odatda
respondentlarga havola etilmaydi. Psixologik nuqtai nazardan o‘sha vatanparvarlik
belgilarining namoyon bo‘lishini savollarda mujassam etish yoki dunyoda tinchlik
bo‘lishi uchun har bir insondan nimalar talab qilinishini o‘rganish birinchidan, turli
xil fikrlarni to‘plashga yordam beradi, ikkinchidan, ijtimoiy xulqning turli
qirralarini aniqlashga imkon beradi. Yanada sodda qilib aytilsa, odamga “Siz
aqllimisiz?” degan savolni intellektual darajani aniqlashga imkon beruvchi
savollar, topshiriqlar yoki testlar bilan almashtirishni nazarda tutadi.
Ko‘pincha psixologik so‘rovlarda odam o‘z fikrini ochiq va erkin bayon
etishi uchun ismi-sharifini aytmasligi tavsiya etiladi, bu anonim so‘rov deyiladi.
Ba’zi bir so‘rovnomalarda esa “Ismingiz” deyish o‘rniga “O‘zingiz o‘ylab topgan
ism-sharifingiz?” deb ham qator ajratiladi. Bu ham anonim so‘rov o‘tkazish usuli
sifatida oxirgi yillarda qo‘llanib kelinmoqda. Xulosa qilinadigan bo‘lsa, shuni
46
aytish kerakki, so‘rov metodlari inson psixologiyasini o‘rganish, uning
dunyoqarashi, saviyasini aniqlashning qimmatli usulidir. Lekin uni professional
tarzda to‘g‘ri ishlatish va natijalarni to‘g‘ri tahlil qilish juda katta amaliy
ahamiyatga egadir.
PSIXOLOGIK TESTLAR
Hozir butun dunyoda “test” so‘zi jamiyatda
va kishilar orasida keng qo‘llaniladigan so‘zlardan
bo‘lib qoldi. Chunki biror kasb-hunar orttirish uchun ham odam test sinovidan
o‘tadi, ya’ni testning “sinov uslubi” ekanligi ko‘pchilikka ayon bo‘lib qoldi.
Psixologik testlarning har qanday boshqa testlardan farqi shundaki, ular yordamida
shaxs va jamiyatga aloqador bo‘lgan o‘rganilayotgan hodisa xususida ham sifat,
ham miqdor xarakteristikalarini olish, ularni ko‘pchilikda qayta-qayta sinash va
ma’lumotlarni korrelyasion analiz orqali ishonchlilikka tekshirish mumkin bo‘ladi.
Ayni testga qo‘yilgan talab hech qachon o‘zgarmaydi, xattoki, shunday testlar
borki, ular turli millat va elat vakillarida, turli davrlarda ham o‘zgarmagan holda
ishlatilaveradi. Masalan, Ravenning aqliy intellektni o‘lchash, Kettelning va
Ayzenkning shaxs testlari shular jumlasidandir. Ularning ham turlari mavjud.
Test – so‘rov oldindan qat’iy tarzda qabul qilingan savollarga beriladigan
javoblarni taqozo etadi. Masalan, Ayzenkning 57 ta savoldan iborat testi shaxsdagi
introversiya-ekstroversiyani o‘lchaydi, savollarga “ha” yoki “yo‘q” tarzida javob
berish so‘raladi.
Test – topshiriq odam xulqi va holatini amalga oshirgan ishlari asosida
baholashni nazarda tutadi. Masalan, shaxs tafakkuridagi krefaollilikni aniqlash
uchun ko‘pincha bir qarashda oddiygina topshiriq beriladi: berilgan 20 ta doira
shaklidagi shakllardan o‘zi xohlagancha rasmlar chizish imkoniyati beriladi.
Ma’lum vaqt va tezlikda bajarilish sur’ati, rasmlarning o‘ziga xos va betakrorligiga
qarab shaxs fikrlashi jarayonining naqadar nostandart, ijodiy va krefaolligiga baho
berilib, miqdoriy ko‘rsatgich aniqlanadi.
Inson shaxsini o‘rganishda, turli anketalar, turli xil ko‘rinishdagi
so‘rovnomalar, siyosiy qadriyatlar va yo‘naltirilganlikni aniqlash uchun tuzilgan
47
alohida testlardan foydalanish mumkin. Albatta, buning uchun maxsus
tayyorgarlikka ega bo‘lish, aniq tadqiqot dasturi asosida izlanish olib borish talab
etiladi. Bunda Rokich, Olport-Vernon va boshqalarning testlarini misol tariqasida
ko‘rsatib o‘tishimiz mumkin. Siyosiy shaxslar va hodisalarni o‘rganish uchun
tuzilgan maxsus testlar ham yaratilganki, bunga Rozensveygning “Rangli
frustratsiya testi” misol bo‘la oladi. A.Xvostov tomonidan ishlab chiqilgan
“Tafakkur mantiqiyligining siyosiy maqsadga yo‘naltirilganligini” aniqlash testi
mantiqiy xatolarning sifati va miqdorini aniqlab, matndan iborat bo‘lgan siyosiy
ma’lumotni qabul qilishning adekvatlik darajasini baholash imkonini beradi. Shu
bilan birga ta’kidlash mumkinki, shaxsning siyosiy maqsadlarga yo‘naltirilganda
o‘zini tutishi va uning psixikasini bir butun holda baholash imkonini beradigan
psixodiagnostik usullar ham mavjud. Bunga T.Adornoning fikrlashning rigidlik
darajasini baholash “F-shkalasi” misol bo‘la oladi.
Bu kabi metodlarning umumiy afzalligi ularni turli yosh, jins va kasb
egalariga nisbatan qo‘llashning qulayligi, bir guruhda natija bermasa, boshqa
guruhda yana qayta tekshiruv o‘tkazish imkoniyatining borligi bo‘lsa, kamchiligi –
ba’zan tekshiriluvchi agar testning mohiyatini yoki kalitini bilib qolsa, sun’iy
tarzda uning kechishiga ta’sir ko‘rsatishi, faktlarni falsifikatsiya qilishi
mumkinligidir.
Testlar ichida proyektiv testlar deb nomlanuvchi testlar ham borki, testning
asl maqsadi tekshiriluvchiga sir bo‘ladi. Ya’ni, tekshiriluvchiga shunday topshiriq
beriladiki, u topshiriqni bajarayotib, nimani aniqlashayotganligini, natijasi qanday
bo‘lishini oldindan bilmaydi. Masalan, mashhur Rorshaxning “Siyoh dog‘lari”
testi, yoki TAT (tematik appersepsion test), tugallanmagan hikoyalar kabi testlarda
bir narsaning proyeksiyasidan go‘yoki ikkinchi bir narsaning mohiyati aniqlanadi.
1921-yilda kashf etilgan “Siyoh dog‘lari” va ularga qarab tekshiriluvchining
nimalarni eslayotganligi, dog‘lar nimalarga o‘xshayotganligiga qarab, uning shaxs
sifatidagi yo‘nalishlari, hayotiy tamoyillari, qadriyatlariga munosabati, ishni
bajarish paytidagi emotsional holatlari aniqlanadi. Bu testlar juda noyob, qimmatli,
48
lekin uni faqat professional psixologgina qo‘llashi va natijalarni mohirona tahlil
qilishi talab qilinadi.
PSIXOLOGIK EKSPERIMENT
Eksperimentning mohiyati shundaki, aynan
shu yo‘l bilan bir omilning ta’siri ikkinchi bir omil
ta’sirini ta’minlashi yoki hodisaning ro‘y berishiga olib kelganligi isbotlanadi.
Ya’ni, eksperiment psixik hodisalarning sabablarini aniqlash va ilmiy farazlarni
isbot qilishga yordam beradi. Masalan, o‘quvchilarning o‘zlashtirish darajalari
qanday omillarga bog‘liq, degan savol paydo bo‘lsa va bunday olmillardan biri
o‘quv jarayonida tarqatma materiallardan keng foydalanish lozimligi fikri taxmin
qilinsa, o‘sha eksperiment sinfida tarqatma materaillar ishlatiladi, ikkinchi sinov
sinfda esa eskicha o‘qitilaveradi. Natija ma’lum muddatdan keyin bolalarning
o‘zlashtirish darajasi, darsga munosabatlari, xotiralari kuchi orqali tahlil qilinadi.
Mana shunga o‘xshash jarayonlar va sinovlar eksperiment deyiladi va hayotda va
psixologik amaliyotda ko‘plab murakkab eksperimentlar aniq dasturlar asosida
o‘tkaziladi, yangiliklar ochiladi.
Har qanday eksperiment uchun odatda ataylab shunday sun’iy bir vaziyat
shakllantiriladiki, aynan shu vaziyatda tadqiqotchini qiziqtirayotgan psixik jarayon
yoki hodisa ajratiladi, o‘rganiladi, ta’sir ko‘rsatiladi va baholanadi. Agar tabiiy
eksperiment o‘sha qiziqtirayotgan fenomen tekshiriluvchi uchun tabiiy
hisoblangan sharoitlarda (masalan, mehnat jarayonida, kanikulda yozgi lagerda,
litsey auditoriyasida va shunga o‘xshash) maqsadli tashkil etilib, o‘rganilsa,
laboratoriya eksperimenti maxsus joylarda, maxsus asbob-uskunalar vositasida
ataylab o‘rganiladi. Masalan, diqqatingizning xususiyatlarini bilish kerak bo‘lsa,
psixologiya laboratoriyasida maxsus taxistoskop deb atalgan moslama yordamida
yoki “Landolt xalqachalari” deb nomlangan jadvallar yordamida o‘rganish
mumkin bo‘ladi. Hattoki, ijtimoiy munosabatlar borasida ham o‘zaro hamjihatlik,
liderlik va konformlilik hodisalarini tekshirish uchun guruhiy integratorlar va
gomeostat deb nomlanuvchi moslamalar yaratilgan va ular yordamida guruhdagi
turli xil hodisalar o‘lchangan.
49
Eksperiment o‘tkazishning asosiy shartlaridan biri tekshirilayotgan
ob’yektda eksperiment hamda nazorat guruhlarining bo‘lishidir. Tadqiqotchining
taxmini asosida birinchi guruhda u yoki bu o‘lchovlar, tekshirishlar, shartsharoitlar
kiritilsa, nazorat guruhi o‘sha yangiliklar va sun’iy kiritilgan omillar
ta’siridan xoli qilinadi. Eksperiment so‘ngida natijalar ikkala guruh misolida
taqqoslanib, kerakli xulosalar chiqariladi. Oddiy qilib aytilsa, agar maosh mehnat
motivatsiyalaridan biri deb, uning ta’sirini o‘rganish kerak bo‘lsa, eksperimental
guruh a’zolariga maoshlar ko‘paytirib beriladi, nazorat guruhi esa eski maoshda
qoldiriladi. Ikkala guruh a’zolarining esa kundalik ish samaralari, ishga
munosabati, ishlab chiqarishdagi mahsuldorlik maxsus mezonlar asosida taqqoslab
chiqiladi. Demak, eksperiment uchun maxsus sharoitlar va natijalarni to‘g‘ri tahlil
qilish uchun professional psixologlar kerak.
MODELLASHTIRISH
Kuzatish, so‘roq, eksperiment yoki boshqa
usullar yordamida o‘rganilayotgan hodisaning tub
mohiyati ochilmagan sharoitlarda modellashtirish usuli qo‘llaniladi. Bunda o‘sha
hodisaning umumiy xossasi yoki asosiy parametrlari modellashtirilib, o‘sha model
asosida tadqiqotchini qiziqtirgan jihat o‘rganiladi va xulosalar chiqariladi.
Modellar texnik, mantiqiy, matematik yoki kibernetik bo‘lishi mumkin.
Matematik model asosida o‘rganilgan hodisaga mashhur tadqiqotchilar Veber-
Fexnerlarning sezgirlikning quyi va yuqori chegarasini aniqlashga qaratilgan
matematik formulasi hamda shu asosda to‘plangan ma’lumotlar tahlilini misol
qilish mumkin. Mantiqiy modellar yordamida ko‘pincha inson aqli va tafakkuri
jarayonlari va qonunlarini hisoblash mashinalari ish tamoyillari bilan qiyoslash
orqali tuzilgan g‘oyalar va simvollar ishlatiladi. Kibernetik modellashtirishda esa
g‘oyalar psixologiyasini AKTdagi matematik dasturlash tamoyillariga
moslashtirish nazarda tutiladi. Hozir ko‘pgina murakkab shaxs xususiyatlari ham
dasturlashtirilgan bo‘lib, ular algoritmlar asosida qisqa fursatda ko‘pgina sifatlarni
ko‘plab parametrlar nuqtai nazaridan hisoblab, natijalarni umumlashtirishga imkon
bermoqda. Ko‘pincha matematik o‘yinlar g‘oyasi odamlar o‘rtasidagi o‘zaro
50
munosabatlar sohasini o‘rganishda ham qo‘llanilmoqda. Ma’lum bo‘lishicha,
odamning fikrlash operatsiyalari bilan AKTlarning ishlash tamoyillari o‘rtasida
ma’lum uyg‘unlik bor ekan, bu esa murakkab psixik jarayonlarni modellashtirish
orqali inson aqlu-zakovati chegarasini yanada kengaytirish istiqbolini beradi.
Umuman psixologiyaning va uning har bir alohida tarmoqlarining o‘ziga xos
metodlari bor. Ular ijtimoiy xulq va alohida individ ichki dunyosini kompleks
tarzda o‘rganish imkonini beradi. Gap shundaki, ularni o‘z vaqtida va professional
tarzda qo‘llay bilish va olingan natijalardan to‘g‘ri xulosalar chiqara olishdir.
Modul yuzasidan tayanch iboralar
Psixologik xizmat, “Gaydens” xizmati, sinergetlar, sinergetika,
akmeologiya, sport va sog‘lomlashtirish tizimlarida psixologik xizmat, sport
psixologiyasi, kasb, mutaxassis, psixolog, psixika, kuzatish, eksperiment, psixik
hodisalar, shaxs, metod, ishonchlilig, validlilig, kuzatish metodi, so‘rov metodi,
anketa, test.
Nazorat va muhokama qilish uchun savollar
1. AQShning birinchi amaliyotchi psixologlari qaysi muammoni o‘rganganlar?
2. Psixologik xizmat AQShda nechanchi yildan boshlab rivojlangan?
3. Bine-Simon testi qachon yaratilgan va u qanday muammolarni o‘rganishga
qaratilgan?
4. MDH mamlakatlarida psixolog mutaxassislar tayyorlash haqida tushuncha
bering?
5. Evropa mamlakatlarida psixolog mutaxassislar tayyorlash haqida tushuncha
bering?
6. Psixolog tayyorlashning rivojlanish bosqichlari.
7. O‘zbekistonda psixologiyani rivojlanishiga hissa qo‘shgan olimlar.
8. O‘zbekistonda nechanchi yilda va qayerda amaliyotchi psixologlarni
51
tayyorlash fakul’teti ochildi?
9. Psixologiya sohasida XX asrda erishilgan yutuqlar haqida tushuncha bering?
10. Fanda yuzaga kelgan yangi yo‘nalishlar va yangicha yondoshuvlar haqida
tushuncha bering?
11. “Sinergetlar” so‘zi ma’nosini nimani bildiradi?
12. Sinergetik yondoshuv deganda nimani tushunasiz?
13. Akmeologik yondoshuv deganda nimani tushunasiz?
14. Globalizatsiya sharoitida psixologiya o‘rganayotgan muammolarning
dolzarbligini izohlang.
15. “Internetomaniya” tushunchasiga ta’rif bering?
16. Insonni o‘rganishning ahamiyati nima uchun zaruratga aylandi?
17. Aholiga ijtimoiy-psixologik xizmat ko‘rsatilish sohalari haqida tushuncha
bering?
18. Psixolog kasbining professiogrammasi tushunchasiga ta’rif bering?
19. Sport psixologiyasi fani nimalarni o‘rganadi?
20. Sport psixologiyasi: yuzaga kelishi va hozirgi holati haqida tushuncha
bering?
21. Sport psixologi qanday muammolarni o‘rganadi?
22. Psixolog sifatida shakllanish bosqichlari va ularning o‘ziga xos
xususiyatlarini izohlang.
23. Psixolog xizmati nima u?
24. Guruhiy psixologik treningqanday holatlarda ishlatiladi?
25. Kasb tushunchasi nima?
26. Taniqli psixolog E.A.Klimov kasblarni tahlili bo‘yicha fikrlarini izohlang?
27. “Mutaxassis” va “qiziquvchi” psixologlarning psixologiyasi haqida
ma’lumot bering?
28. Amaliy psixologiyaning asosiy yo‘nalishlarini sanang?
29. Sport psixologi tadqiqotchisining faoliyati oldiga qo‘yiladigan asosiy
talablar
52
30. Psixologning ixtisoslikka o‘z o‘zini-o‘zitayyorlashning mazmuni va shakli.?
31. Psixologiya institutlari ilmiy faoliyatining xarakteristikasi (Sport
federatsiyalari, olimpiya zahiralar kolejlari, ilmiy muammoli
laboratoriyalari)?
32. Psixologiya fanining predmeti va uning fanda asoslanishi.
33. Psixikaning zamonaviy va klassik ta’riflari.?
34. Psixik jarayonlarning namoyon bo‘lish shakllari va ular o‘rtasidagi o‘zaro
bog‘liqlikni izohlang.
35. Psixologiya fanining asosiy vazifasi nimadan iborat?
36. Psixologiyaning predmeti nima?
37. Psixologiya necha bosqichda rivojlangan?
38. Psixologiyaning boshqa fanlar bilan aloqasi.
39. AQSh va RFdagi mavjud ba’zi psixologik tarmoqlar klassifikatsiyasi?
40. Psixologiyaning tarmoqlari o‘zaro bog‘liqlikni izohlang.
41. Bizning sharoitimizda rivoj topayotgan va amaliy tus kasb etayotgan
psixologiya tarmoqlarining qisqacha tavsiflari?
42. Ijtimoiy psixologiya nimalarni o‘rganadi?
43. Sport psixologiyasi nimalarni o‘rganadi?
44. Psixolog xizmati nima u?
45. Umumiy psixologiya fanining qanday asosiy metodlari mavjud va ular
qanday tasniflangan?
46. Kuzatish, so‘roq hamda psixologik testlar deganda nimalarni tushunasiz?
47. So‘rov metodi va uning klassifikatsiyasi.
48. Erkin kuzatuv qanday amalga oshiriladi?
49. Anketaning qanday turlari mavjud?
50. Modellashtirishlarning psixologiyalashtirilishni izohlang.
53
Bibliografiya
1. Ўзбекистон Республикаси Жисмоний тарбия ва спорт вазирлиги
тўғрисида НИЗОМ // Вазирлар Маҳкамасининг 2018 йил 18 майдаги
369-сон қарорига илова // lex.uz
2. David G. Myers. Psychology. Tenth Edition // Hope College Holland,
Michigan. – NY.: Worth Publishers, 2013. – 687 p.
3. Каримова В.М., Холйигитова Н.Х. Психология: Ўқув қўлланма. – Т.:
“IQTISODIYOT”, 2014. – 175 б.
4. Ғозиев Э. Умумий психология: Психология мутахассислиги учун
дарслик / Э.Ғозиев; ЎзР ОЎМТВ, М.Улуғбек номидаги ЎзМУ. – Т.:
“Ўзбекистон файласуфлари миллий жамияти” нашриёти, 2010. – 544 б.
51. Karimova V., Hayitov O., Akramova F., Lutfullayeva N. Umumiy
psixologiya: Nopedagogik va nopsixologik oliy o‘quv yurtlari uchun darslik
// V.M.Karimovaning umumiy tahriri ostida. – T.: TDIU , 2010. – 328 b.
5. Немов Р.С. Психология: Учеб. для студ. высш. пед. учеб. заведений: В
3 кн. – 4-е изд. – М.: Гуманит. изд. центр ВЛАДОС, 2003. – Кн. 3:
Психодиагностика. Введение в научное психологическое исследование
с элементами математической статистики. – 640 с.
6. Каримова В.М. Психология. Ўқув қўлланма. – Т.: А.Қодирий номидаги
халқ мероси нашриёти, 2002. – 205 б.
54
II qism.
PSIXIKANING EVOLYUTSION TARAQQIYOTI
Psixikaning moddiy asosi
2.1. Nerv sistemasining tuzilishi
nerv sistemasi va bosh miya
hisoblanadi. Shu sababli nerv
sistemasining tuzilishini va qanday ishlashini bilmasdan turib, psixik hayot
hodisalarini tushunib bo‘lmaydi.
Nerv sistemasi nerv to‘qimasidan iborat, bu to‘qima esa nerv hujayralaridan
tashkil topgan. Nerv hujayrasi protoplazmadan tuzilgan tana bo‘lib, ikki turli
o‘simtalari bor, bu o‘simtalarning bir xillari kalta, boshqa bir xillari uzun bo‘ladi.
Kalta o‘simtalari sertarmoq bo‘lib, dendritlar deb ataladi. Uzun o‘simtalari
aksonlar yoki neyritlar deb ataladi. Har bir hujayrada bu o‘simtalar ikkitadan ortiq
bo‘lmaydi. Neyrit ikkita parda bilan o‘ralgan. Neyritga yopishib turadigan birinchi
pardasi yog‘simon parda bo‘lib, uni et parda yoki mielin pardasi deb ataladi.
Ikkinchi tashqi pardasini shvann pardasi deyiladi. Bu pardalar toladan o‘tuvchi
nerv qo‘zg‘alishini ajratib turuvchi izolyatsiyadek bir vazifani o‘taydi. Neyrit,
odatda, nerv tolasi, deb ataladi.
Nerv hujayrasi, uning o‘simtalari va ularni qoplovchi pardalar birgalikda
neyron deb ataladi. Nerv sistemasi juda ko‘p neyronlardan tuzilgan. Nerv tolalari
miyadan tutam-tutam bo‘lib chiqib nerv stvolini yoki, oddiy so‘z bilan aytganda,
nervni hosil qiladi.
Nerv hujayralari va mielinsiz tolalar to‘plami miyaning kul rang moddasini,
mielinli nerv tolalarining to‘plami esa miyaning oq moddasini tashkil etadi.
Hujayralar – ularning yadrolari va tolalari sinapslar degan maxsus mayda
tolachalar yordami bilan bevosita bog‘lanadi (sinaps grekcha so‘z bo‘lib, “ilgak”
degan ma’noni bildiradi). Nerv sistemasining maxsus xossalari bor, bu
xossalardan asosiylari qo‘zg‘aluvchanlikva o‘tkazuvchanlikdir. Bu xossalar
shundan iborat.
55
Agar nerv tolasining biron joyiga tegilsa, issiq; sovuq, elektr toki, ximiyaviy
moddalar va boshqa shu kabilar bilan ta’sir etilsa, yoki qo‘zg‘atilsa, nerv tolasining
qo‘zg‘atilgan joyida maxsus fiziologik jarayonlar ro‘y beradi, buni qo‘zg‘alshi
deyiladi. Agar nerv tolasi yetarli darajada qo‘zg‘atilsa, bu qo‘zg‘alish sodir bo‘lgan
joyidagina qolmay, balki nerv tolasi bo‘ylab tarqaladi va bir nerv hujayrasidan
ikkinchi nerv hujayrasiga o‘tadi, nihoyat, qo‘zg‘atish kuchi muayyan darajaga
yetganda qo‘zg‘alish butun nerv sistemasiga yoyilishi mumkin.
Nerv to‘qimasida qo‘zg‘alish jarayoni yuz berganda bir qancha hodisalar:
elektr, kimyoviy, issiqlik hodisalari paydo bo‘ladi. Yonma-yon turgan bir nerv
hujayrasining aksoni bilan ikkinchi nerv hujayrasining tutashadigan joyi –
sinapslar borligi tufayli, qo‘zg‘alish nerv tolalarida bir tomonga tarqaladi. Mielin
pardasi borligidan, qo‘zg‘alish nerv tolasida ayrim-ayrim tarqaladi.
Odamning nerv sistemasi hayvonot olamining uzoq evolyusiyasi jarayonida
va odamning tarixiy taraqqiyoti davomida vujudga kelgan. Nerv sistemasi birinchi
marta kovak ichli hayvonlarda ro‘yi rost ko‘rinadi. Bu nerv sistemasi butun
organizmga yoyilgan ayrim hujayralardan tuzilgan. Masalan, gidroid poliplarning
nerv sistemasi shunday bo‘ladi. Bu – diffuz tipda tuzilgan nerv sistemasidir
Umurtqali hayvonlar bilan odamda nerv sistemasi murakkab tuzilgan bo‘lib,
uch qismga – markaziy, periferiyadagi va vegetativ qismlarga bo‘linadi (2.1.2-
rasmga qarang).
Yarim sharlarning miya po‘sti deb ataladigan butun yuzasi tekis bo‘lmay,
balki g‘ijim-g‘ijim, burmachalar bilan qoplangandir, bular go‘yo egat va
pushtalarga o‘xshaydi. Shu bilan birga, hayvon biologik taraqqiyotning qancha
yuqori bosqichida tursa, yarim sharlar yuzasidagi bu egatlar shuncha chuqurroq va
pushtalari ko‘proq bo‘ladi. Odam miyasining yarim sharlaridagi pushtalar juda
ko‘p va egatlari ko‘p darajada chuqurdir.
56
Periferik nerv
sistemasi
Markaziy nerv
sistemasi
Nerv
sistemasi
Periferik
Markaziy
(bosh va orqa
miya)
Vegetativ nerv
sistemasi – ichki a’zolar
(nafas olish, qon
aylanish, ovqat hazm
qilish, ayirish, jinsiy va
ichki sekretsiya bezlari)
faoliyatini hamda
moddalar almashinuvi
jarayonini boshqaradi
Somatik nerv sistemasi
– odam tanasining sezgi
a’zolari va sklet
muskullari faoliyatini
boshqaradi
Simpatik nerv sistemasi –
yurak ishini tezlashtiradi,
arterial qon bosimini oshiradi,
me’da-ichak harakatini
susaytiradi, siydik pufagi
muskullarini bo‘shashtiradi,
bronxlarni kengaytirib nafas
olishni yengillashtiradi, ko‘z
qorachig‘ini kengaytiradi, ter
ajralishini ko‘paytiradi
Parasimpatik nerv sistemasi –
yurak ishini sekinlashtiradi,
arterial qon bosimini
pasaytiradi, me’da-ichak
harakatini kuchaytiradi, siydik
pufagi muskullarini qisqartirib,
siydikni tashqariga chiqishini
ta’minlaydi, bronxlarni va ko‘z
qorachig‘ini toraytiradi, ter
ajralishini kamaytiradi
2.1.2-rasm. Odam nerv sistemasining tuzilishi
57
Periferik nerv sistemasi orqa miyaning orqa va
oldingi shoxlaridan chiqadigan 31 juft sezuvchi va
harakatlantiruvchi somatik nerv tolalari hamda bosh
Somatik nerv sistemasi – odam
tanasining sezgi a’zolari va skelet
muskullari faoliyatini boshqaradi.
miyadan chiqadigan 12 juft bosh miya nerv tolalaridan iborat. Bulardan tashqari
vegetativ nerv sistemasining simpatik va parasimpatik nerv tolalari ham, periferik
nerv sistemasi hisoblanadi. Bu nervlar bosh miyaning pastki qismi bo‘lgan o‘rta,
uzunchoq miyadan hamda orqa miyaning turli sohalarini yon shoxlaridan chiqadi.
Pereferik nerv sistemasi. Bizning pereferik nerv sistemamiz 2 ta komponentdan, ya’ni
somatik va vegetativ komponentlardan tashkil topgan.
Somatic nerv sistemasi skelet muskullarini boshqarish qobiliyatiga ega. Vegetativ nerv
sistemasi esa ichki organizmdagi bezlar, muskullarni nazorat qiladi, yurak urushi, hazm qilish
organlarining faoliyatiga ta’sir etadi. Vegetativ nerv sistemasi 2ta muhim asosiy vazifani
bajaradi.
Sezuvchi nerv sistemalari energiyani uyg‘otadi va sarflaydi. Agar sizga nimadir
qiyinchilik tug‘dirsa yo ogohlantirsa, sezuvchi nerv sistemangiz yurak urushingizni tezlashtirib
yuboradi, qon bosimingizni oshiradi, hazm qilish jarayonini sekinlashtiradi, qondagi shakar
miqdorini oshiradi.
“Yaqinda men vegetativ nerv sistemasini tekshiruvidan o‘tdim. Meni apparatga
jo‘natishdan oldin xodim mendan qo‘rqan yoki qo‘rmaganligimni so‘radi. Men esa o‘zimni
dovyurak ko‘rsatib, hammasi joyidaligini aytdim. Birozdan keyin orqacha yotgan holda
harakatlana olmasdim. Qo‘rquv meni chetlab o‘tmadi, yuragim tez urib, nimadir qochib ketishga
undar edi. Baqirib yuborishimga oz qoldi. Keyin esa yurak urushim sal sekinlashdi, tanam
yayradi. Garchi tekshiruv tugagandan so‘ng 20 daqiqadan keyin uyg‘ongan bo‘lsam ham, xodim
tekshiruv muvaffaqiyatli o‘tkanini ta’kidladi”.
Manba: David G. Myers. Psychology. Tenth Edition // Hope College Holland, Michigan. – NY.:
Worth Publishers, 2013. – P. 48
Somatik va vegetativ nerv sistemasi funktsiyalari. Yuqorida
ta’kidlanganidek, bajaradigan funktsiyasiga ko‘ra nerv sistemasi ikki qismga
bo‘linadi: somatik va vegetativ nerv sistemasi.
Somatik nerv sistemasi – odam tanasining sezgi a’zolari va skelet muskullari
faoliyatini boshqaradi. Bu funktsiya yuqorida aytilganidek orqa miyadan
chiqadigan 31 juft sezuvchi va harakatlantiruvchi nervlar va bosh miyadan
chiqadigan 12 juft bosh miya nervlari orqali bajariladi.
Vegetativ nerv sistemasi – simpatik va parasimpatik nerv tolalari bosh
miyaning pastki qismi bo‘lgan o‘rta va uzunchoq miyadan hamda orqa miyaning
ko‘krak, bel, dumg‘aza segmentlaridan chiqadi.
58
Vegetativ nerv sistemasi – ichki a’zolar (nafas olish, qon aylanish, ovqat
hazm qilish, ayirish, jinsiy va hokazo), shuningdek, ichki sekretsiya bezlari
faoliyati hamda moddalar almashinuvi jarayonini boshqaradi.
Simpatik nerv – yurak ishini tezlashtiradi, kuchaytiradi, arteriya qon
tomirlarini toraytiradi, arterial qon bosimini oshiradi, me’da-ichak harakatini
susaytiradi, siydik pufagi muskullarini bo‘shashtirib, siydik yig‘ilishiga sharoit
yaratadi, bronxlarni kengaytirib nafas olishni engillashtiradi, ko‘z qorachig‘ini
kengaytiradi, ter ajralishini ko‘paytiradi (2.1.3-rasm).
Parasimpatik nervi – yurak ishini
sekinlashtiradi, arterial qon bosimini pasaytiradi,
me’da-ichak harakatini kuchaytiradi, siydik pufagi
muskullarini qisqartirib, siydikning tashqariga
chiqarilishini ta’minlaydi, bronxlarni va ko‘z qorachig‘ini toraytiradi, ter ajralishini
kamaytiradi.
Vegetativ nerv sistemasi – ichki
a’zolar (nafas olish, qon aylanish,
ovqat hazm qilish, ayirish, jinsiy
va hokazo), shuningdek, ichki
sekretsiya bezlari faoliyati hamda
moddalar almashinuvi jarayonini
boshqaradi.
Refleks tashqi va ichki muhit ta’siriga odam organizmning javob reaktsiyasidir. Refleks
markaziy nerv sistemasining asosiy va maxsus funktsiyasi hisoblanadi. Odam organizmining
barcha faoliyati reflekslar orqali amalga oshadi (og‘riq sezish, qo‘l-oyoq harakati, nafas olish,
ko‘zni yumish va ochish). Refleks ikki xil bo‘ladi: shartli va sharsiz. Shartsiz refleks orqa va
bosh miyaning quyi qismlaridagi nerv markazlari ishtirokida bajariladi.
Manba: David G. Myers. Psychology. Tenth Edition // Hope College Holland, Michigan. – NY.:
Worth Publishers, 2013. – P. 268-269
Shartsiz reflekslar – tug‘ma bo‘lib, ular odamning ixtiyorisiz bajariladi.
Masalan, nafas olish, yurak urishi, ko‘zni ochib yumish, so‘lak ajralish va
hokazolar.
Shartli reflekslar – bosh miyaning po‘stloq qavatidagi nerv markazlari
ishtirokida yuzaga kelib, odam tug‘ilgan vaqtda bo‘lmaydi, keyinchalik hayotiy
tajribalari, tarbiya va bilim olish, hunar o‘rganish natijasida hosil bo‘ladi.
Refleks yoyining tarkibiy qismlari quyidagilardan iborat: retseptor, sezuvchi
nerv tolasi, nerv markazi, harakatlantiruvchi nerv tolasi, ishchi a’zo, har bir
faoliyatni bajaruvchi. Refleks hosil bo‘lishi uchun refleks yoyining barcha qismlari
59
butun bo‘lishi kerak. Ularning birontasi shikastlansa refleks hosil bo‘lmaydi.
13-rasm. Perferik nerv sistemasining tuzilishi va ishlash funktsiyalari
Manba: David G. Myers. Psychology. Tenth Edition // Hope College Holland, Michigan. – NY.: Worth
Publishers, 2013. – P. 56-57
60
Orqa miyaning o‘tkazuvchanlik funktsiyasida, tananing turli qismlarida
joylashgan retseptorlardan sezuvchi nerv tolalari orqali miyaning nerv
markazlariga kelgan impulslar, uning oq moddasida joylashgan o‘tkazuvchi nerv
yo‘llari orqali bosh miyaning nerv markazlariga o‘tkaziladi. Bosh miyaning nerv
markazlarida hosil bo‘lgan qo‘zg‘alish, pastga tushuvchi o‘tkazuvchi nerv yo‘llari
orqali, orqa miyaning shunga taalluqli nerv markazlariga keladi va undan
harakatlantiruvchi nerv tolalari orqali ishchi to‘qima va a’zolarga o‘tkaziladi.
Po‘st ostidagi soha va po‘st ostidagi tugunlar differensiallashmagan va
umumiy sezuvchanlik markazidir. Emotsiya va instinktlarimiz shu soha bilan
chambarchas bog‘liqdir Harakatlarimizni idora etish uchun po‘st ostidagi
61
tugunlardan targ‘il jismning ahamiyati ayniqsa kattadir. Targ‘il jism zararlanganda,
odatda, harakat kuchayadi, ammo poyma-poy bo‘ladi.
Yuksak darajada tashkil topgan hayvonlarda psixik jarayonlarning va
odamda ongli jarayonlarning bevosita moddiy asosi bosh miya po‘stidir. Bosh
miyaning pastroqdagi boshqa hamma qismlari, shuningdek, orqa miya ongsiz
reflektor harakatlarning markazlari bo‘lib, xilma-xil fiziologik jarayonlarni idora
etadi.
Bosh miyaning yuqorida aytilgan hamma qismlari va orqa miya markaziy
nerv sistemasi bosib o‘tgan taraqqiyot yo‘lining bosqichlaridir. Bosh miyaning
taraqqiyotidagi har bir qismi (pastdan yuqoriga qarab hisob qilganda) o‘zidan
avvalgi qismning ustiga qatlangan. Orqa miya, undan keyin esa uzunchoq miya
markaziy nerv sistemasining eng qadimgi qismlaridir. Oldingi miya va po‘st
genetik jihatdan miyaning zng yosh qismlaridir. Markaziy nerv sistemasining
yuqorigi qismlari taraqqiy qilgunicha pastdagi (qadimgi) qismlari murakkabroq
psixik funktsiyalarni ham bajargan deb o‘ylash mumkin. Markaziy nerv
sistemasining yuqorigi qismlari tarkib topib taraqqiy qilishi bilan, murakkabroq
psixik funktsiyalar miyaning yuksak taraqqiy qilgan qismlariga o‘tdi. Shu bilan
birga psixik funktsiyalar tobora murakkablashib va takomillashib bordi. Psixik
funktsiyalar miyaning yuksak taraqqiy qilgan qismlariga o‘tishi bilan miyaning
pastdagi qismlari muayyan refleks va instinktiv harakatlarnigina idora etadigan
bo‘lib qoldi.
Buning haqiqatan ham shunday ekanligini quyidagi hollar ko‘rsatib turibdi.
Biologik taraqqiyotning ancha past bosqichlarida turgan hayvonlarning miya po‘sti
va oldingi miyasi olib tashlanganda, bu qismlarning funktsiyasini pastroqdagi
qismlar o‘tay boshlaydi. Masalan, oldingi miyasi olib tashlangan baqa tamomila
normal baqaga o‘xshaydi. Bunday baqa odatdagicha o‘tiradi; baqa turgan taxta
ag‘darila boshlasa, u ag‘anab tushmaslikka harakat qiladi; agar baqa chalqancha
ag‘nab tushsa, o‘nglanib oladi. Shunday qilib, baqa miya yarim sharlaridan
mahrum bo‘lsa ham harakat qilish va o‘z harakatlarini muvofiqlashtirish
62
qobiliyatini saqlab qoladi.
Yarim sharlari olib tashlangan kaptar og‘ziga solingan ovqatni yeydi, turtib
yuborilsa yuradi; bunday kaptar turtinmasdan ucha oladi. Ammo kaptar turtib
yuborilmasa, odatda, qimirlamay turaveradi. Agar it miyasining ikkala yarim shari
olib tashlansa, sun’iy suratda boqilib borilsagina bir necha yil yashay oladi.
Bunday it og‘ziga solingan ovqatni yeydi, yura oladi. It urilsa vangillaydi qattiq
tovush eshitganda sapchib tushadi. Ammo bunday it o‘zicha ovqat qidirib
topolmaydi va hatto yaqinidagi ovqatni ham topib yeya olmaydi. Bu it uni
boquvchi kishilarni tanimaydi. Avval hosil qilgan malakalari shu bilan birga, yangi
malakalar hosil qilish qobiliyati ham yo‘qoladi. Ba’zi fiziologlar maymunlarning
yarim sharlarini olib tashlab tajribalar qilganlar. Maymunlar operatsiya qilingandan
keyin psixik funktsiyalari yo‘qolishi bilan birga, harakatni muvofiqlashtirish tizimi
ham buzilgan. O‘lar to‘ppa-to‘g‘ri o‘tirib tura olgan, shuningdek, narsalarni
changallay olgan, ammo murakkabroq harakatlar, ayniqsa yurish qobiliyati
buzilgan.
I.P.Pavlov yuksak nerv faoliyatiga doir tekshirishlarida shunday hodisalarni
ilmiy asosda tushuntirib berdi.
Hayvonlar bosh miyasining ayrim qismlarini olib tashlash ustidagi tajribalar
shuni ko‘rsatdiki, hayvon biologik taraqqiyotning qancha yuqori bosqichida tursa,
quyi qismlarining yuksak psixik funktsiyalarni bajara olish imkoniyati o‘shancha
kam bo‘ladi.
Odamda miyaning quyi qismlari yuksak psixik funktsiyalarni bajarishga
mutlaqo qobil emas. Odam miyasining po‘sti ostidagi qismlari po‘st funktsiyasini
loaqal qisman ham bajara olmasa kerak. Yarim sharlarsiz tug‘ilgan bolalar
(anensefallar)ni kuzatish bu holatni juda ravshan tasdiqlaydi. Odatda bunday
bolalar uzoq yashamaydi. Shunday bolalardan birining faqat uch yil-u to‘qqiz oy
yashagani ma’lum. Bu bola doim yotgan, turishga biron marta ham harakat qilib
ko‘rmagan. U narsalarni ushlashga hech urinmagan, hatto narsalarni qo‘lda ushlab
turishni ham bilmagan. Faqat yuzida ba’zi bir harakatlar ko‘rilgan; u ba’zan
63
ijirg‘angan; emganda va qoshiqlab ovqat berilganda lablari va tili harakatga
kelgan. Bola tagi bulg‘anganda ham hech bir parvo qilmagan. Bu bola bilan
gaplashish yoki unga biron narsa o‘rgatish aslo mumkin bo‘lmagan. Unda hatto
eng oddiy ko‘nikmalar ham hosil bo‘lmagan.
Yuqorida aytilganlardan, miyaning po‘st ostidagi qismlarining psixik
hayotga hech qanday aloqasi yo‘q, degan ma’no chiqmaydi. Yarim sharlar po‘sti
o‘z tolalari bilan bosh miyaning hamma qismlariga va orqa miyaga bog‘langan.
Shu bilan birga, yuqorida aytilganidek, orqa miyadagi nerv hujayralarining tolalari
va po‘st ostidagi sohalarning tolalari yarim sharlar po‘stining qismlariga
bog‘langandir. Shu sababli butun markaziy nerv sistemasi va uning faoliyati
bo‘lmasa, psixik hayot ham bo‘lmas edi.
Shu bilan birga, butun nerv sistemasining va butun organizmning faoliyatida
bosh miya po‘sti asosiy rol o‘ynaydi I.P.Pavlov ta’limotiga ko‘ra, yarim sharlar
po‘sti organizmdagi hamma funktsiyalarni idora etadi.
Pavlov ta’limotiga ko‘ra, katta yarim sharlar po‘sti organizmning barcha
funktsiyalarini boshqaradi.
Bir asr oldin olimlar tirik inson miyasini tekshiradigan yuqori sifatli
texnologiyalarga ega bo‘lmagan. Dastlabki klinik kuzatishlar shifokor va keng
fikrlovchi insonlar tomonidan o‘tkazilgan. Miyaning bir tomoni shikastlanishi
ko‘pincha karaxtlik va bir tomonning falaj bo‘lishiga olib kelgan. Miyaning orqa
tomoni shikastlnishi esa ko‘rish a’zolariga, chap tomoni nutq apparatiga ta’sir
etgan. Asta sekin dastlabki tadqiqotchilar miya xaritasini tuzishgan. Hozir yangi
avlod kartograflari eng qiziqarli organ bo‘lgan miyani tekshirishmoqda.
Nevropotologlar ham miyaning turli qismlarini tekshira oladilar. Olimlar hatto
yakka neyronlar ma’lumotiga ham nazar tashlashdi. Tadqiqotchilar yana
yashirincha milliardlab neyronlarni tekshirishlari va miya harakatni rangli
tasvirlarda ko‘rishlari mumkin.
Hozirda sizning aqliy qobiliyatingiz elektrik, metabolic va magnit signallarni tarqatadi,
64
bu esa nerv sistemasini o‘rganuvchi olimlarga sizning miyangizni ish vaqtida tekshirish imkonini
beradi. Elektrik harakatda sizning miyangizdagi neyronlar yuza qismi bo‘ylab tekis
harakatlanadi. Elektroentsefalografiya (EEG) shunday to‘lqinlarni o‘quvchi asbob. Inson
miyasidagi harakatlarni EEG orqali o‘rganish, mashina motorini uning shovqinini eshitib
o‘rganishga o‘xshaydi. Miyaga hech qanday yo‘l yoqligiga qaramasdan, tadqiqotchilar stimul
qaytarilish va miyadagi harakatlarning stimulga bog‘liq bo‘lmagan jihatlarini o‘rganishgan.
1746-yilda Lord Chesterfield o‘g‘liga yozgan maktubida “sen odamlarni o‘zidan ko‘ra
ularning ichiga nazar tashlashing kerak” deb yozadi. EEG ga o‘xshamagani holda, neyronlarni
aks ettiruvchi yangi texnologiyalar miyaning ichki tomonini ko‘rishga imkon beradi. PET
(positron tarqatish tomografiyasi) kabi uskunalar har bir miya qismining glukoza kabi kimyoviy
moddalar orqali miya harakatini tasvirlab beradi.
Glyukozalar faol neyronlar hisoblanadi, hamda inson radiofaol glyukozalarni qabul
qilgandan keyin berilgan vazifani bajarayotganda PET tekshiruvi gamma nurlarini kuzatib turadi.
Yomg‘ir yog‘ishini kuzatuvchi ob-havo radariga o‘xshab, PET tekshiruvi inson matematik
hisob-kitob qilganda, yuz tasvirlariga qaraganda hamda orzu qilganda miyaning qaysi qismi
faolroq bo‘lishini ko‘rsatadi.
MRI miya tekshiruvida esa inson miyasi kuchli magnitli maydonga qo‘yiladi, bu esa
miya molekulalaridagi atomlarni bir safga joylashtiradi. Qachonki, miya o‘zining normal
holatiga qaytganda, ular mayin to‘qimalarning to‘liq tafsilotlari haqidagi signalni qoldirib ketadi.
MRI miya tekshiruvi mukammal darajada namoyish ko‘rsatadigan musiqachilarning chap
yarimsharidagi asab maydonlarining ancha qismini fosh etgan. Bundan tashqari MRI tekshiruvi
shizefroniya kasalligi bo‘lgan bemorlarning miyalarini ham tekshirgan.
Maxsus MRI tekshiruvlari miya funktsiyalarini uning strukturalari bilan birgalikda ochib
beradi. Miya asosan qayerda faol bo‘lsa, o‘sha yerda qon aylanishi ko‘proq bo‘ladi. Qachonki
inson biror bir tasvirga qarasa, bu ko‘rishga oid ma’lumotlarni miyaga yuboradi, bunda MRI
tekshiruv apparati orqa miyaga qon yo‘nalganligini aks ettiradi.
Manba: David G. Myers. Psychology. Tenth Edition // Hope College Holland, Michigan. – NY.:
Worth Publishers, 2013. – P. 49-55
65
2.2. Markaziy nerv sistemasi va oily
nerv faoliyati
Nerv sistemasining ikkinchi
funktsiyasi – odamning tashqi
muhit va atrofdagi boshqa
odamlar bilan munosabati, fe’l-atvori, fikrlashi, ongi, aqliy xususiyatlarini
ta’minlaydi. Nerv sistemasining bu funktsiyasi akademik I.P.Pavlov tomonidan
oliy nerv faoliyati deb nomlangan. Oliy nerv faoliyati bosh miya yarim
sharlarining po‘stloq qismida joylashgan nerv markazlari tomonidan boshqariladi.
Oddiy nerv hujayralaridan tortib murakkab nerv hujayralarigacha hammasi
orqa miya va bosh miyada vujudga keladi. Miya-insonga o‘ylash, his qilish va
harakatlanish imkonini beradi. 10
mln nerv hujayralari boshqa
minglab nerv hujayralari bilan
aloqaga kirishib diagramma hosil
qiladi.
Orqa miya periferik nerv
sistemasi va miya o‘rtasida ikki
tomonlama malumot yetkazuvchi
vositadir. Yuqoriga ko‘tariluvchi
nerv tolalari ma’lumot yuboradi,
pasayuvchilari esa ularni qaytarib
Oliy nerv
sistemasi
Periferik
nerv
sistemasi
jo‘natadi. Nervlarimiz bizning reflekslarimizni boshqaradi, avtomatik
javobgarligimizni kuchaytiradi, orqa miya faoliyatini rivojlantiradi. Shunga
o‘xshash refleks og‘riqlarda ham mavjud. Masalan: qo‘lingizni olovga bexosdan
tekkizib olganingizda og‘riq orqa miyagacha yetib boradi. Bu reaktsiya qo‘l
mushaklarida joylashgan motoneyron orqali sodir bo‘ladi. Bu oddiy og‘riqqa
bo‘lgan reaktsiya orqa miyaga yetib boradi va biz darhol qo‘limizni olovdan
olamiz. Bunda miyaga og‘riq haqidagi malumot yetib borgan bo‘ladi va u bizga
buyruq beradi. Shuning uchun ham bunday vaziyatlarda sizni kimdir
boshqarganday tuyiladi. Ma’lumot bosh miyadan orqa miyaga tomon tarqaladi.
66
Miyaning buyrug‘iga muvofiq tana jarohatdan saqlanish uchun harakatlanadi.
Qachonki miya markazi tormozlansa inson qad ko‘tarolmaydi va bu falajlikka olib
keladi.
Endokrin tizim Endokrin tizimi qanday qilib nerv sistemasiga ta’sir
ko‘rsatadi?
Shu vaqtgacha biz tananing elektrokimyoviy ma’lumot tizimining tezligiga
diqqatimizni qaratdik. Nerv sistemamizga bog‘langan ikkinchi aloqa tizimi bu –
endokrin tizimidir. Endokrin bezlari garmonlar ishlab chiqaradi, bu garmonlar
miyani ham o‘z ichiga olgan holda butun tanaga tarqaladi. Garmonlar miyada
harakatlanganda bizning har sohaga bo‘lgan qiziqishimiz ortadi.
Ba’zi garmonlar kimyoviy jihatdan nevrotashuvchilarga o‘xshaydi, shuning
uchun ham endokrin sistemasi va nerv sistemasi bir biriga juda yaqin. Ikkalasi ham
molekulalar ishlab chiqaradi. Lekin ularning farqli tomonlari ham bor. Nerv
sistemasi ma’lumotlarni ko‘zdan miyaga, qo‘ldan nerv sistemasiga juda tez, qisqa
vaqtlarda yuboradi, endokrin tizimining ma’lumot uzatishi esa bir muncha
sekinroq kechadi. Agar nerv sistemasini uyali aloqa vositasidan xabar yuborishga
o‘xshatsak, endokrin tizimini esa pochta orqali xat jo‘natishga o‘xshatish mumkin.
Lekin bazan sekin va barqarorlik g‘olib chiqadi. Endokrin xabarlari uzoq
davom etadigan natija beradi, bu bizga bizni xafa qilgan narsalardan ogoh
bo‘lgach, tuyg‘ularimizning sustlashib qolishini tushunishga yordam beradi. Eng
ta’sirli endokrin bezlari bu gipofiz bezlari bo‘lib u no‘xat ko‘rinishiga egadir. U
miya hududi – gipatalamusda – boshqariladi.
Orqa miya Yuqorida ta’kidlanganidek, nerv sistemasi ikki
qismdan: markaziy va periferik nerv sistemasidan iborat.
Markaziy nerv sistemasi bosh miya bilan orqa miyadan tarkib topgan. Orqa
miya umurtqa pog‘onasining kanalida joylashgan bo‘lib, nerv to‘qimasidan
tuzilgan va shaklan go‘yo yo‘g‘on chilvirga o‘xshaydi. Orqa miya uzunasiga
ketgan ikkita egat bilan ikki qismga: o‘ng va chap qismlarga bo‘linadi. Orqa
miyaning tevarak-atrofida oq modda (nerv tolalarining to‘plami), o‘rtasida esa kul
67
rang modda (nerv hujayralarining to‘plami) joylashganligini orqa miyaning
ko‘ndalang kesigidan ko‘rish mumkin. Kul rang modda kesigi shaklan kapalakka
o‘xshaydi. Orqa miya oldingi qismlari oldingi ildizchalar, orqadagi qismlari
orqadagi ildizchalar, deb ataladi.
Orqa miya umurtqa pog‘onasi kanalida joylashgan bo‘lib, uzunligi katta
odamda 40-45 sm, og‘irligi 30-40 gr bo‘ladi. Orqa miyada 13 milliondan ko‘proq
nerv hujayralari bor. Nerv hujayralarining kattaligi 0,1 mm dan oshmaydi. Ulardan
chiqadigan ayrim nerv tolalarining uzunligi 1,5 m ga yetadi. Orqa miya uch qavat
parda bilan o‘ralgan: tashqi qavati qattiq, o‘rta qavati o‘rgimchak to‘risimon, ichki
qavati yumshoq parda. O‘rta va ichki qavat pardalari orasida orqa miya suyuqligi
bo‘ladi.
Orqa miyaning yuqori qismi birinchi bo‘yin umurtqasiga to‘g‘ri keladi va
bosh miyaning pastki qismi bo‘lgan uzunchoq miyaga tutashadi.Orqa miyaning
pastki qismi 1-2 bel umurtqalari sohasida konus shaklida tugaydi. Pastga esa orqa
miya ip shaklida davom etadi. Ipning yuqori qismida nerv hujayralari bo‘lib,
ipning uchi umurtqa pog‘onasining dum qismida tugaydi.
Orqa miya 31-33 ta segmentdan iborat. Ularning 8 tasi bo‘yin qismida,
12 tasi ko‘krak, 5 tasi bel, 5 tasi dumg‘aza va 1-3 tasi dum qismida bo‘ladi.
Orqa miya ko‘ndalangiga kesilsa, u ikki xil modda: (1) tashqi qismi oq
modda va (2) ichki qismi kulrang moddadan tuzilganligi ko‘rinadi. Kulrang modda
kapalak yoki “H” harfiga o‘xshash bo‘lib, u nerv hujayralaridan tashkil topgan.
Orqa miya kulrang moddasining bir juft oldingi, bir juft orqa va bir juft yon
shoxlari bo‘ladi. Oldingi shoxlarida harakatlantiruvchi nerv hujayralari, orqa
shoxlarida sezuvchi, yon shoxlarida vegetativ nerv hujayralari joylashgan. Nerv
hujayralarining kalta o‘simtalari hujayralarni bir-biri bilan tutashtiradi. Ular
umurtqa pog‘onasining kanalidan tashqariga chiqmaydi. Nerv hujayralarining uzun
o‘simtalari sezuvchi, harakatlantiruvchi va vegetativ nerv tolalarini tashkil etib,
ular umurtqa pog‘onasidan tashqariga chiqib tananing to‘qima va a’zolariga
boradi.
68
Orqa miyaning oq moddasi nerv tolalaridan tashkil topgan bo‘lib, ular orqa
miyaning turli segmentlaridagi nerv hujayralarini bir biriga va ularni bosh
miyaning nerv hujayralari bilan tutashtiradi. Bu nerv tolalari orqa va bosh miya
nerv markazlarida yuzaga kelgan qo‘zg‘olish impulslarini bir-biriga o‘tkazish
funktsiyasini bajaradi.
Orqa miyada nerv tutam bo‘lib joylashgan, qo‘zg‘alish periferiyadagi nerv
uchlaridan, skelet muskullari, teri, shilliq pardalardagi nerv uchlaridan shu nerv
tolalarning tutamlari orqali nerv impulslari shaklida bosh miyaga yetib boradi va
bosh miyadan periferiyaga keladi. Nerv tolalarining ana shu tutamlari o‘tkazuvchi
yo‘llar deb ataladi.
Orqa miya ongli psixik jarayonlarning bevosita markazi bo‘lmay, balki
ongsiz reflektor harakatlarni idora etadigan markazdir. U tana va qo‘l-oyoq
muskullarini, ko‘z muskullarini idora qiladi, shuningdek, organizmda bo‘ladigan
bir qancha fiziologik jarayonlarni, ya’ni tomir harakatlari, ter chiqarish va boshqa
shu kabi fiziologik jarayonlarni ham idora etadigan markazdir. Ana shu
markazlardan bir qismi vegetativ nerv sistemasiga taalluqlidir.
Bosh miya
Bosh miya tabiat yaratgan ajoyib mo‘jizadir.
Odamning bosh miyasi uning aql idroki, fikrlash qobiliyati,
ongi kabi muhim psixik xususiyatlarining fiziologik asosi hisoblanadi (2.2.2-rasm).
2.2.2-rasm. Bosh miyaning tuzilishi
69
Inson bosh miyasi boshkalla qutisida joylashgan bo‘lib, go‘yo orqa miya
tepasidagi ustki qavat hisoblanadi.
Mutaxassislar tomonidan bosh miya quyidagi qismlarga ajratiladi:
ketingi miya;
o‘rta miya;
oraliq miya;
oldingi miya.
Bosh miya – o‘ng va chap katta yarimsharlardan iborat bo‘lib, ular
qadoqsimon tana yordamida bir-biri bilan tutashib turadi. Bosh miya yarimsharlari
ikki qavatdan iborat:
Ensa bo‘lagi
Tepa bo‘lagi
Peshona bo‘lagi
Oldingi
ildizcha
Chakka bo‘lagi
2.2.3-rasm. Bosh miya yarim sharlari
po‘stining yuza qismlari
2.2.4-rasm.
Kulrang modda bo‘lagi
Bosh miya po‘sti miyaning kul rang moddadan iborat (2.2.4-rasmga qarang).
Miyaning turli qismlarida po‘stning qalinligi 1 mm dan. 4-5 mm gacha boradi.
Odamning bosh miya po‘stining butun yuzasi o‘rta hisob bilan 2000 kv.sm keladi.
Bosh miya yarim sharlari po‘stining yuzasi odatda to‘rtta katta qismga – peshona
qismi (eng kattasi), tepa qismi, ensa qismi va chakka qismiga bo‘linadi (2.2.3-
rasmga qarang).
70
Ba’zi bir olimlarning hisobiga qaraganda, bosh miya po‘sti va yarim
sharlarida 15 milliardga yaqin nerv hujayrasi bor. Katta yarim sharlar po‘sti shakli
va funktsiyasi bilan bir-biridan farq qiladigan olti qavat nerv hujayralaridan
tuzilgan. Oltinchi qavat o‘z navbatida ikki qatlamga bo‘linadi. Ammo bosh miya
po‘stining turli qismlari olti qavat hujayradan. iborat emas, balki ikki, uch, to‘rt
qavatdan, ba’zi qismlari esa olti qavatdan iborat. Bosh miya po‘stining hujayralar
qavati bir xilda bo‘lgan uchastkalari maydon hosil qiladi. Odam bosh miyasining
po‘stida hammasi bo‘lib 52 ta maydon bor Tuzilish jihatidan bir-biriga
o‘xshaydigan maydonlar sohalarni tashkil etadi; bunday sohalar 11 tadir. Bosh
miya po‘stining uchinchi va beshinchi qavatlari katta, piramidasimon
hujayralardantuzil gan, qolgan qavatlari esa mayda (donasimon) hujayralardan,
uchburchak va dugsimon hujayralardan tuzilgan. Bosh miyaning po‘sti ostidagi
qismlari po‘st ostidagi soha deb ataladi.
2.2.5-rasm. Bosh miya va uning tuzilmasi
Bosh miya ikki qismdan iborat: bosh miyaning stvol, ya’ni ustun qismi va
bosh miya yarimsharlari. Bosh miyaning ustun qismiga uzunchoq miya, Varoliy
ko‘prigi, o‘rta miya, oraliq miya hamda miyacha kiradi. (2.2.5-rasmga qarang).
71
Miya po‘stlog‘ining turli qismlarida har xil funktsiyalarni boshqaruvchi nerv
hujayralari to‘plami oliy nerv markazlari deyiladi. Jumladan, bosh miya
po‘stlog‘ining ensa qismida-ko‘rish, chakka qismida-eshitish, peshona qismining
ostki, ichkari sohasida-hid bilish, tepa qismidagi oldingi markaziy pushtasida –
harakat, orqa markaziy pushtasida-teridagi sezish markazlari joylashgan.
Ketingi miya Ketingi miyaga uzunchoq miya, Varoliy ko‘prigi va
miyacha kiradi. Uzunchoq miya bilan Varoliy ko‘prigi orqa
miyaning go‘yo bevosita davomidir. Lekin shu bilan birga, uzunchoq miya orqa
miyaga qaraganda xiyla murakkab vazifani o‘taydi.
Uzunchoq miya orqali orqa miyadan bosh miyaning yuqoriroqdagi
bo‘limlariga va, aksincha, bosh miyaning yuqoriroqdagi bo‘limlaridan orqa miyaga
impulslar o‘tib turadi. Uzunchoq miya yadrolari emish, chaynash, yutish, so‘lak
ajratish, me’da va me’da osti bezidan shira ajratish, qusish va shunga o‘xshash bir
qancha murakkab reflektor jarayonlarda qatnashadi. Nafas olishni, yurakning
ishlashini idora etadigan, qon tomirlar tonusini saqlaydigan markazlar uzunchoq
miyadadir. Miyacha markaziy nerv sistemasining pastdagi hamma bo‘limlariga,
shuningdek, yuqoriroqdagi qismlariga ko‘p yo‘llar bilan mahkam bog‘langandir.
Miyachaning juda katta ahamiyatga ega eqanligi loaqal shundan ham ko‘rinadi-ki,
miyacha olib tashlangandan keyin tananing muvozanat va harakat funktsiyalari
juda ham buziladi; harakatlar tartibsiz, chalkash, poyma-poy bo‘lib qoladi.
Miyachasi olib tashlangan hayvon qaddini ko‘tarib va boshini tutib turolmaydi;
boshi va tanasi doim tebranib turadi; omonat, poyma-poy, haddan tashqari keskin
harakatlar qiladi.
Uzunchoq miya – bosh miyaning eng pastki qismi bo‘lib, uning quyi qismi
orqa miyaga, yuqori qismi esa miya ko‘prigiga tutashgan. Uning uzunligi 3-3,5
sm, massasi 7 gramm.
Uzunchoq miya reflektor va o‘tkazuvchanlik funktsiyalarini bajaradi.
Reflektor funktsiyasi shundan iboratki, unda nafas olish, yurak ishini boshqarish
markazlari joylashgan. Uzunchoq miyaning o‘tkazuvchanlik funktsiyasi esa orqa
72
miyadan kelgan impulslarni qabul qilib, bosh miyaning yuqori qismlarida
joylashgan nerv markazlariga va ulardagi qo‘zg‘alish impulsini orqa miyaga
o‘tkazishdan iborat. Uzunchoq miyaning shikastlanishi o‘tkazuvchanlik
funktsiyasining buzilishiga, ya’ni orqa va bosh miya o‘rtasidagi aloqani hamda
nafas olish, yurak ishining buzilishiga olib keladi.
Miya ko‘prigi – uzunchoq miyaning yuqori tomonida joylashgan bo‘lib, yon
tomonidan miyacha bilan tutashib turadi. Miya ko‘prigida uchlik nervining, ko‘z
soqqasini harakatlantiruvchi nervining markazlari joylashgan. Bu nervlar orqali
miya ko‘prigi reflektor funktsiyani bajaradi.
Miyacha – bosh miya yarimsharlari ensa bo‘lagining ostida joylashgan.
Massasi 150 gramm. Uning ikkita yarim sharlari va ular o‘rtasida
chuvalchangsimon qismi bor. Miyachaning tashqi qavati kulrang rangdagi nerv
hujayralari modda bilan qoplangan bo‘lib, u kichik egat va pushtalarga
bo‘lingan. Miyacha odam tanasidagi barcha muskullarning tarangligini va
harakatlarining tartibli bajarilishini va muvozanatda bo‘lishini ta’minlaydi.
Agar miyacha shikastlansa yoki kasallansa tana muskullari bo‘shashadi va
odam tik turish, yurish, sakrash, yugurish kabi harakatlarni bajarishi
qiyinlashib, mast odamga o‘xshab gandiraklab harakat qiladi.
O‘rta miya Muskul tonusining normal taqsimlanishini va
gavdaning tovush hamda yorug‘lik singari qo‘zg‘ovchilarga,
shuningdek og‘irlik kuchiga nisbatan to‘g‘ri turishini idora etadigan to‘rt tepalik,
qizil yadro va miyaning boshqa ba’zi bir uchastkalari o‘rta miya tarkibiga kiradi.
O‘rta miyasi olib tashlangan mushuk, it va maymunlar normal harakat qila
olmaydigan bo‘lib qoladi.
U tashqi va ichki muhit ta’sirini analiz-sintez qilib, ularga javob qaytaradi,
tananing barcha to‘qima-a’zolari faoliyatini bir-biriga bog‘lab, boshqaradi.
Organizm bilan tashqi muhitning aloqasini ta’minlaydi, uni muhit sharoitiga
moslashtiradi. Bosh miya kalla suyagi ichida joylashgan bo‘lib, uning vazni katta
odamda o‘rtacha 1020-1970 grammni tashkil qiladi. Odamning aqliy faoliyati bosh
73
miya yarim sharlarining po‘stloq qismida joylashgan nerv hujayralarining
murakkab fiziologik, biokimyoviy va biofizik xussusiyatlari bilan bog‘liq.
Shuningdek, odam aqliy faoliyatining rivojlanishi uning yoshligidan tarbiyasi, ilm
olishi, mashq qilishiga bog‘liq.
O‘rta miya – miya ko‘prigining yuqorisida joylashgan. Unda to‘rt tepalik
deb nomlangan nerv hujayralari to‘plami bo‘lib, tepalikning oldingi 2 tasida –
po‘stloq osti ko‘rish markazi, tepalikning orqadagi 2 tasida – po‘stloq osti eshitish
markazi joylashgan. O‘rta miyadagi qoramtir moddadan tashkil topgan nerv
markazi ovqatni chaynash, yutish va qo‘l barmoqlarining nozik harakatlarini
boshqaradi. Undagi qizil tana deb nomlangan nerv markazi tana muskullarining
tarangligini ta’minlaydi.
Oraliq miya Oraliq miya – o‘rta miyaning yuqori qismida
joylashgan bo‘lib, bosh miya yarimsharlari bilan qoplanib
turadi. Oraliq miyaning tarkibiy qismlariga ko‘rish do‘mboqlari (talamus) va
do‘mboq osti soha (gipotalamus) kiradi. Talamus – po‘stloq osti sezish
markazidir. Gipotalamus – vegetativ nerv sistemasining markazidir.
Oraliq miya muhim funktsiyalarni o‘taydigan bir qancha nerv
uchastkalaridan iborat. Gavdaning umumiy sezuvchanligini ham o‘rta miya idora
etadi. Pastroqdagi vegetativ markazlarning ishlarini birlashtiradigan va
muvofiqlashtiradigan oliy vegetativ markazlar ham o‘rta miyada deb taxmin
qilinadi.
Oldingi miya Oldingi miya va uning po‘sti bosh miyaning oliy
qismlaridir. Hayvon biologik taraqqiyot bosqichining
qancha yuqorisida tursa, oldingi miyasi bosh miyaning boshqa qismlariga nisbatan
o‘shancha ko‘prok joy egallaydi. Oldingi miya ikkita yarim shardan – o‘ng va
chap yarim sharlardan iborat. Bosh miyaning peshana bo‘ladigan ensa bo‘lagiga
qarab boradigan katta egat bu yarim sharlarni bir-biridan ajratib turadi. Oldingi
miyaning o‘ng va chap yarim sharlari qadoq modda deb ataluvchi jism yordami
bilan o‘zaro birlashadi.
74
2.3. Psixika haqida umumiy tushuncha
Inson mavjud ekanu
o‘zining hayotiy tajribasiga
asoslanib, u yoki bu holda idrok
etish, olamni anglash, narsa va hodisalarni ajratish kabi xususiyatlarga ega ekan
ligi haqida o‘ziga - o‘zi hisob beradi. Inson olamni qabul qilibgina qolmay, unda
harakat qiladi, o‘z faolligini namoyon etadi, qaror qabul qiladi, maqsadga intiladi,
qiyinchiliklarga duch kelganida qat’iyatlilik va irodaviy sifatlarni namoyon qiladi.
Inson biror bir jihati bilan boshqalardan farq qiladi: kimdir texnikaga
qiziqadi, boshqa birov musiqaga, yana kimdir sportga, kimdadir qobiliyatlar,
boshqada she’r yozish, uchinchisida texnik qobiliyatlar mavjud, kimdir
harakatchan, boshqa birov bosiq, befarq, uchnchisi – dilkash, chaqqon, birov
mehnatsevar va kamsuqum va hokazo.
Uzoq vaqtlar davomida psixologiya tabiiy, ijtimoiy fanlardan ajratilib
Inson psixikasi – psixika
taraqqiyotning eng oliy
bosqichidir
o‘rganiladigan ilm sohasi sifatida qaralgan. Buning
asosiy sababi shundaki, o‘sha paytlarda psixologiya,
inson ruhi idealistik nuqtai nazaridan talqin etilgan.
Psixologiya oldida turgan asosiy vazifa asosan inson ichki olamini o‘rganish
bo‘lib, bu ichki olamga tashqi dunyoga aloqasiz ravishda lrganizm ichida paydo
bo‘ladigan ichkarida kechadigan jarayonlar, holatlar sifatida talqin etilgan.
Masalan R.Dekartning ta’kidlashicha, insonning o‘zini o‘zi anglashi uning ruhiy
hayotiga xos bo‘lgan narsa bo‘lib barcha psixik kechinmalarning murakkabligi
faqat ana shu ichki jarayonlargagina bog‘liqdir.
Psixika – bu yuksak darajada tashkil topgan materiyaning sistemali
xususiyati, sub’ekt tomonidan ob’ektiv borliqni faol
aks ettirish, mazkur borliq manzaralarini sub’ekt
o‘zidan uzoqlashtirmay ifodalashi, xuddi shu asnoda
o‘z xulqini va faoliyatini shaxsan boshqarishdir.
Psixika (yunoncha psychirosruhiy)
- yuksak darajada tashkil
topgan materiya – miyaning
funktsiyasi
Evolyutsion taraqqiyot davomida psixikaning eng sodda ko‘rinishidan inson
ongigacha taraqqiyoti bir qancha bosqichlardan iborat bo‘lgan. Tirik organizmlarda
75
uzluksiz o‘zgarib turuvchi hayot sharoitlariga
muvofiqlashuvini ta’minlaydigan harakat fikrlari
instinktiv, individual va harakatning intellektual
shakli maydonga kela boshlagan. Tirik organizmni psixik rivojlanish jarayoni birbiridan
tamomila ajralib turuvchi 2 davrni o‘z ichiga oladi: hayvonlar psixikasining
rivojlanishi biologik qonuniyatlarga: irsiyat, o‘zgaruvchanlik, tabiat, saralanish
qonunlariga bo‘ysunadi va odam ongi rivojlanadi.
Psixikaning riojlanishini, umuman tirik organizmlar rivojlanishi kabi 2 reja
asosida o‘rganish mumkin: filogenez va ontogenez.
Seskanuvchanlik – psixikaning paydo
bo‘lishida zaruriy xususiyat, majburiy
shart-sharoitdir.
Yerda hayotning paydo bo‘lishi materiya taraqqiyotidagi yangi bosqich,
materiya tuzilishiga ko‘ra ancha murakkab alohida xossalarga ega bo‘lgan.
Hayvonlarga mansub shakllarda ta’sirlanuvchanlikning yangi turi –
sezuvchanlik paydo bo‘ladi. A.N.Leontevning farazlariga ko‘ra sezuvchanlik
genetik jihatdan qaraganda muhitning organizmni boshqa taassurotlar bilan
bog‘lovchi, organizmni muhitda mo‘ljal olishiga yordam beruvchi, signallik
vazifasini o‘tovchi ta’sirlariga javob ta’siridan bo‘lak narsa emas.
Ta’sirlanuvchanlikdan sezuvchanlikka o‘tish hayot tarzining o‘zgachaligi bilan
bog‘liqdir. Yuksak taraqqiy etgan hayvonlarda sezuvchanlik oshib, sezgi organlari
shakllanadi. Taraqqiyotning elementar sensor bosqichidan komplesk
qo‘zg‘atuvchilarning, predmetlarning butunligiga aks ettirish bilan ifodalanadigan
qobiliyatiga, ya’ni pertseptiv aks ettirishga o‘tish amalga oshiriladi. Yashash
76
sharoitlarini murakkablashuvi tirik organizmlarini muhitga moslashuvi
zaruriyatini, materiyani sifat jihatdan o‘zgarishi aks ettirish usullarini
takomillashtiruviga xatti-harakatlarini maqsadga muvofiq, epchil bo‘lishiga olib
keldi.
2.3.1-rasm. Psixikaning namoyon bo‘lish shakllari
77
Hayvon va odam psixikasidagi farqlar umumlashgan holda quyidagi 2.3.1-
jadvalda o‘z aksini topgan.
Hayvonlar faoliyati
Instinktiv biologik hayot faoliyati.
Hamkorlikda faoliyat mavjud mas.
Konkret vaziyatdan ko‘rsatmali tasavvurga
asoslanadi.
Avloddan o‘tadigan harakatlar dasturi.
Yordamchi vositalardan foydalanish mumkin
lekin ularni saqlamaydi doimo ulardan
foydalanmaydi.
Atrof muhitda moslashadilar.
Hayvon va odam psixikasidagi farqlar
Muhim xususiyatlar
Inson faoliyati
2.3.1-jadval
Faoliyat bilish va muloqot ehtiyoji orqali
yo‘naltiriladi.
Har qanday harakat insonlar uchun hamkorlik
faoliyatida ma’lum darajada mazmun kashf
etadi.
Mavhum fikr yuritadi, narsa va hodisalar
orasidan bog‘liqlikni aniqlashga harakat qiladi.
Muloqotning ijtimoiy vositalari orqali tajribani
uzatish va mustahkamlash.
Mehnat qurollarini yasash, ularni saqlash va
keyingi avlodga qoldirish.
O‘z ehtiyojlaridan kelib chiqib, tashqi olamga
ta’sir etadi, uni o‘zgartiradi.
Materiyaning asta-sekin (evolyutsion) rivojlanish jarayoni muqarrar ravishda
uning eng oliy xossasi tirik organizmlarning yashashi uchun zarur narsa
hisoblangan psixikaning paydo bo‘lishiga olib keladi.
Tirik organizmlarning juda qadim zamonlardan buyon bosib o‘tgan butun
psixik rivojlanish jarayoni bir-biridan tamomila ajralib turuvchi ikki davrni o‘z
ichiga oladi: hayvonlar psixikasining rivojlanishi (bu rivojlanish biologik
qonunlarga: irsiyat, o‘zgaruvchanlik tabiiy saralanish qonuniyatlariga bo‘ysunadi)
va odam ongining rivojlanishi. Odam ongi ijtimoiy tarixiy qonuniyaglarga
muvofiq ravishda ham rivojlanadi.
Hayvonot olamida psixikaning rivojlanishi ruhiy jarayonlarning maydonga
kelishi bilan bog‘liq bo‘lgan, bu ruhiy jarayonlar tevarak-atrof voqelikni aks
ettirish hamda voqelikka moslashishning ancha takomillashgan shakllarini vujudga
keltiradi.
Sezgilar rivojlanishi bilan ketma-ket ravishda hayvonlarda idrok (narsalarni
78
ularning bir qator belgilari bilan birgalikda aks ettirish) paydo bo‘ladi. Yuksak
bosqichga ko‘tarilgan umurtqalilarda tasavvurlar (ayni chog‘da idrok
etilmagannarsalarning obrazlari,chunonchi, maymun yaqindagina o‘z ko‘zi bilan
ko‘rgan, ammo ayni paytda yashirib ko‘yilgan bananni axtara boshlaydi)
maydonga keladi. Hayvonlarning xotirasi takomillasha boshlaydi (hayvonot
olamining eng sodda vakillarida ham xotira kurtaklari ko‘zga tashlanadi).
Umurtqali hayvonlarda tafakkur belgilari mavjud, ammo hayvonlarning tafakkuri
iisonning fikrlash faoliyatiga qaraganda nihoyatda sodda tuzilishga ega.
Psixikaning rivojlanishida hayvonning hayot kechirish tarzi katta ahamiyatga ega
bo‘lib, u o‘z navbatida tevarak-atrofdagi muhitga bog‘liq. Masalan, yerda
yashovchi ko‘pgina hayvonlarga qaraganda havoda uchib yuruvchi qushlarda,
suvda yashovchi baliqlarda psixika uncha rivojlanmagan bo‘ladi (buning sababi
ular istiqomat qiluvchi muhitning bir xilligidadir). Ammo shunga qaramay, qushlar
ko‘zining o‘tkirligi bilan ajralib turadi, ular o‘zlariga yemish bo‘lishi mumkin
bo‘lgan narsalarni ko‘z orqali olis masofadan paqay oladilar. Daraxtlar ustida
hayot kechiruvchi maymunlarda epchillik qobiliyati rivojlangan. Maymunlar
mevalarning mag‘zini ajratib olib iste’mol qiladi, shu tufayli ularning qo‘llari
nozik hamda aniq harakatlarni bajara oladi, narsalarni sinchiklab ko‘zdan
kechiradi, ularni paypaslab ko‘ra oladi va hokazo. Shu tarzda murakkab hayot
kechirish maymunlarda fikrlash faoliyati kurtaklarining rivojlanishiga imkon
yaratgan.
Sobiq sovet psixologlarining fikriga ko‘ra, psixika hayot faoliyatida vujudga
kelmay, balki organizmning hayot faoliyatini ma’lum shart-sharoitlarda vujudga
keltiradi. Masalan, notirik tabiatda alohida buyumlarning o‘zaro aloqasi mavjud.
Biroq bunday aloqalar ularning yashashi uchun sharoit hisoblanmaydi. Qoya
suvdan mustaqil ravishda bo‘lishi mumkin, suv qirg‘oqdan mustaqil ravishda
mavjud bo‘lishi mumkin.
Ko‘pgina olimlarning fikriga ko‘ra instinktlar bu ongdagi maqsadlarning
yo‘qligida hayvonlarning maqsadli xatti-harakatidir. Demak instinkt bu nasldan
79
naslga hech qanday o‘zgarishiz o‘tadigan tug‘ma xatti-harakat formasidir. Bu xattiharakat
shakli umurtqasizlarning hayotida yetakchi ahamiyat kasb etadi, masalan
qumursqalarda bu xatti-harakat formasi asosiydir, quyi darajada rivojlangan
umurtqalilarda ham instinktlar yetakchi o‘rin egallaydi. Faqat asta sekinlik bilan
individual o‘zgaruvchan xatti-harakatlarga o‘rnini bo‘shata boshlaydi.
Inson psixikasi – psixika taraqqiyotning engoliy bosqichidir.
Shunday qilib, psixika (yunoncha psychiros – ruhiy) – yuksak darajada
tashkil topgan materiya – miyaning funktsiyasidir. Uning mohiyati tuyg‘ular, idrok
tasavvur, fikrlar, iroda va boshqalar ko‘rinishida aks etirishdan iboratdir. Inson
ongi o‘z mohiyatiga ko‘ra hayvonlarning instinktiv, individual va intellektual
harakat formalaridan batomom boshqacha, nihoyatda murakkab hodisadir. Inson
ongi evolyutsion taraqqiyotning eng so‘nggi bosqichi, ya’ni inson taraqqiyoti
bosqichidan ijtimoiy-tarixiy taraqqiyot tufayli tarkib topgan.
Inson ongi insonnning o‘zi bilan birga, deyarli bir vaqtda maydonga kelgan.
Ong tarixiy taraqqiyotning ikkinchi yo`nalishi – odamlarning amaliy faoliyatlari
bilan amalga oshiriladigan va tekshirib ko‘riladigan inson bilish faoliyatining
doimo rivojlanish jarayonidir.
Ongning tabiati – ong odamning borliq haqiqatini aks ettirish formasi
tariqasida keladi. Ongning asosiy belgilari, odam ongining psixologik
xarakteristikasi, so‘z va ma’noning ongni tashkil qiluvchi
tushunchalarsifatidakelishi, odam ongining borliqdagi narsa va hodisalarni,
ularning engbarqaror muhim belgilari va xususiyatlari ma’lum darajada so‘z bilan
umumlashtirib ifodalaydi, aks ettiradi. Psixika va ongning paydo
bo‘lishitaraqqiyoti inson ongining paydo bo‘lishining dastlabki shart-sharoitlari,
kishilarning birgalikdagi mahsuli- faoliyati, mehnat taqsimoti kishilar o‘rtasidagi
muloqotning borgan sari faollashib borishi, til asosida turli so‘z
signallaridan,belgilar tizimidan foydalanish, insonning moddiy va ma’naviy
madaniyatini, inson boyliklarini yaratilishi, ijtimoiy tajribani o‘zlashtirish,
avloddan-avlodga berish, saqlash bilan bog‘liq.
80
Ongning paydo bo‘lishi taraqqiyotida filogenetik – organizmning oddiy
shaklidan tortib murakkab, to hozirgi zamon kishisiga qadar rivojlanish jarayoni
juda uzoq tarixiy ijtimoiy, biologik o‘zgarishlar yuz bergan davrlar bilan
xarakterlanadi.
Ontogenetik taraqqiyotda har bir individ hayoti davomida murakkab
o‘zgarishlar tizimini bosib o‘tadi. Murakkab ko‘rinishdagi shart-sharoitga
moslashish refleks qobiliyatini paydo bo‘lishi, taraqqiyotiga olib boradi. Ongning
rivojlanishini ta’minlovchi omillar: hozirgi zamon sharoitida yoshlarni har
tomonlama kamol topishi, mustaqil fikrlash, atrofidagi o‘zgarishlarga ochiq ko‘z
bilan teran fikr bilan munosabatda bo‘lishi mumkin ijtimoiy o‘zgarishlarda faol
ishtirok etishlari lozim.
Buning uchun fan yutuqlarini, umumxalq madaniyatini o‘zlashtirilishi, o‘zo‘zini
boshqarishni yangi vositalaridan foydalanish zarur. Ishlab chiqarish
korxonalarini yangi texnologiyalar bilan boyitish, bilimga bo‘lgan qiziqishni
ortishi kelajakdagi ijtimoiy o‘zgarishlar, istiqbollar nazarda tutiladi. Shuningdek
odamdagi barcha psixik jarayonlar, psixik xususiyatlar, psixik holatlar faqat ong
bilan emas balki ongsizlik ong osti holatlarida ham ro‘y berishi mumkin.
Odam shaxsidagi ongsizlik holatlari kishining o‘zi anglamagan holda
qiziqishi va ehtiyojlarini bajarishga intilishdir. Bunday xatti-harakatlar turli
ixtiyorsiz reaktsiyalarda, xulq atvorda, psixik hodisalarda namoyon bo‘ladi.
Ongsizlik holatlarini ikkinchi guruhi asosida ongsizlik holatlarining uchinchi
guruhi kishining idroki, xotirasi va xayoli bilan bog‘lanib ketadi. Tush ko‘rish,
shirin xayol, orzu. Ongsizlik holatlari ba’zan kishining ongiga singib qolgan axloq
normalari orqali nazorat qilinishi ham mumkin.
Real olamning in’ikosi bo‘lmish psixikaning faqat odamgagina xos bo‘lgan
va odamda jamoa mehnati jarayoshda rivojlanuvchi oliy shakliga ong deb ataladi.
Hamkorlikdagi mehnat va insoniy nutqning maydonga kelishi bilan
81
birgalikda paydo bo‘lgan ong odamlarda o‘zgarmay qolmagan, u avloddan-avlodga
muttasil rivojlanib borgan. Og‘zaki nutqdan tashqari yozma nutqning maydonga
kelishi xdm ongning rivojlanishiga imkon beradi. Bir-birlaridan olis joylarda
yashovchi odamlar yozma nutq tufayli o‘zaro tajriba almasha oladilar, bir avlod
qo‘lga kiritgan bilimlar yozma nutq tufayli kelajak avlodlarga yetkaziladi. Ong
faoliyatda namoyon bo‘ladi va faoliyatda shakllanadi ham.
Alohida olingan odam ongining rivojlanishi hamisha ijtimoiy-tarixiy
jarayonga bog‘liq bo‘lgan, ijtimoiy borliq, ya’ni muayyan jamiyatning turmushi
tomonidan belgilangan. Moddiy ishlab chiqaruvchi kuchlar, shu jumladan mehnat
qurollarining rivojlanishi ana shu ijtimoiy turmush-ning eng muhim sharoiti
hisoblanadi. Chunonchi, tosh asri kishisining ongi bronza va temirdan qurollar
yasash hamda ulardan foydalanishni o‘rganib olgan kishilarning ongiga qaraganda
ko‘p darajada sodda bo‘lgan.
Yuqorida ta’kidlaganimizdek, har bir shaxs o‘ziga xos qaytarilmas dunyo.
Dunyoda bir-biriga aynan o‘xshash bo‘lgan ikki kishini topish juda mushkul.
Odam tashqi qiyofasi, bo‘yi-basti bilan boshqa biror kimsaga o‘xshashi mumkin,
lekin fe’li, mijozi va shaxs sifatidagi xususiyatlari nuqtai nazaridan aynan bir xil
insonlar bo‘lmaydi. Hattoki, olimlar bitta tuxumda rivojlangan egizaklarda ham
juda ko‘p jihatdan aynan o‘xshashlikni qayd qilishgan, shaxsiy sifatlaridagi
korrelyatsiyada esa ba’zi tafovutlar aniqlangan.
82
Inson psixikasining
2.4. Inson psixikasining ijtimoiy-tarixiy
ijtimoiy-tarixiy tabiatinig
tabiati
taraqqiyotini harakatlantiruvchi
kuchlar bu – shaxs taraqqiyotidagi ichki ziddiyatlarni harakatlantiruvchi kuchidir.
Bunda asosiy ziddiyatlardan biri shaxsda paydo bo‘ladigan yangi ehtiyojlar
va ularni qondirish uchun zarur vositalarning yetishmasligidir. Shaxs
taraqqiyotining erishgan darajasi, hayot tarzi va uning ijtimoiy munosabatlar
sistemasida tutgan o‘rni o‘rtasidagi ziddiyat ham muhim ziddiyatlardan biridir.
Shaxs yangi sharoitga moslashish (adaptasiya)ga intiladi.
Ehtiyojlarning
vujudga kelishi
Psixologik nuqtai nazardan borliq to‘g‘risida
mulohaza yuritilganda, tirik mavjudodlarning (oddiy
tuzilishga ega bulganidan tortib, murakkabigacha)
tevarak-atrof bilan hayotiy ahamiyatga ega bo‘lgan,
turli xususiyatli bog‘lanishlarni ta’minlab turuvchi
faoliyati ularning barchasi uchun umumiy bo‘lgan
xususiyat hisoblanadi. Ularning faolligi tufayli
murakkab tuzilishli faoliyat yuzaga kelib (onglikning mahsuli sifatida), turli-tuman
mohiyatli, har xil ko‘rinishdagi ehtiyojlar (ularning toifalarga aloqadorligi, kelib
chiqishi jihatidan biologik, moddiy, ma’naviy va boshqalar)ni qondirish uchun
xizmat qiladi. Xuddi shu boisdan faollik faoliyatining asosiy mexanizmlaridan
birinchi bo‘lib, tirik mavjudodlarning o‘z imkoniyati darajasida tashqi olam
ta’sirlariga javob qilish uquvchanligining tarkibi sanaladi.
Ehtiyoj – jonli mavjudod (hayot
kechirishining yaqqol shartsharoitlariga)
tobe ekanligini
ifoda etuvchi va mazkur shartsharoitlarga
nisbatan faolligini
namoyon qiluvchi holat
tariqasida ifodalanadi.
Borliqdagi jonli mavjudodlarning o‘ziga xos tarzda, muayyan yo‘nalishda,
ma’lum darajadagi kuch bilan xatti-harakatni amalga oshirishga undovchi
ehtiyojlar ular uchun faollik manbai vazifasini bajaradi. Psixologik manbalarga
asoslanib fikr yuritganimizda, ehtiyoj – jonli mavjudod (hayot kechirishining
yaqqol shart-sharoitlariga) tobe ekanligini ifoda etuvchi va mazkur shartsharoitlarga
nisbatan faolligini namoyon qiluvchi holat tariqasida ifodalanadi.
83
Insonning faolligi boshqa mavjudodlardan tub darajada ham mohiyat, ham
shakl jihatdan tafovutga ega bo‘lib, yuzaga kelgan ehtiyojlarning turli vaziyatlarda
qondirilishida o‘z ifodasini topadi. Jumladan, mavjudodlar va hayvonlar
o‘zlarining tanasi va uning a’zolari tuzilishiga, instinktlarning turli-tumanligiga
binoan, o‘z o‘ljasini tutib olishga nisbatan intilishni vujudga keltiruvchi tabiiy
imkoniyati uni oldindan payqash sezgirligi orqali zudlik bilan faol harakat qiladi.
Hayvonlar ehtiyojlarining qondirilishi jarayoni qanchalik maqsadga muvofiq
ravishda kechgan bo‘lsa, bu esa o‘z navbatida, ularning qurshab olgan yashash
muhitiga yengillik bilan moslashuvini ta’minlaydi.
Lekin insonlarning faolligi va ularning faolligi manbai hisoblanmish insoniy
ehtiyojlar tubdan boshqacha manzaraga ega bo‘lib, biologik shartlanganlikdan
tashqari, moddiy va ma’naviy ko‘rinishlardan iboratdir. Odamning ehtiyoji unga
ta’lim va tarbiya berish jarayonida shakllanadi, ya’ni insoniyat tomonidan
yaratilgan ijtimoiy tajriba, ko‘nikma malaka, odat, ma’naviyat, qadriyatlar bilan
yaqindan tanishish, ularni o‘zlashtirish orqali amalga oshiriladi. Tabiat tomonidan
vujudga keltirilgan jism, narsa, buyum inson uchun biologik ehtiyojni qondiruvchi
o‘lja ma’nosini va ahamiyatini yo‘qotadi. Odam boshqa mavjudodlardan farqli
o‘laroq, ijtimoiy-tarixiy taraqqiyot davrining xususiy ehtiyojlariga xizmat qiluvchi
muayyan buyumni zaruriyat talabiga binoan tubdan qayta o‘zgartirishga,
takomillashtirishga qodir ongli zotdir. Xuddi shu boisdan odamning o‘z
ehtiyojlarini qondirish jarayoni ijtimoiy-tarixiy taraqqiyot darajasi bilan
o‘lchanadigan faoliyat shakli va turini egallashning faol, muayyan maqsadga
yo‘naltirilganligi, ma’lum rejaga asoslangan ijodiy ko‘rinishi sifatida alohida
ahamiyat kasb etadi.
“Insoniyatga xos bo‘lgan ehtiyojlarning mazmuni, shakli va qondirilishi”
usuli ijtimoiy-tarixiy taraqqiyot davrida rivojlanib, o‘zgarib va takomillashib
boradi. Hozirgi zamon kishisining ehtiyojlari va ularning qondirilishi
ajdodlarnikidan ham, avlodlarnikidan ham tubdan farqlanadi, lekin etnopsixologik
xususiyatlar ta’siri o‘z ahamiyatini yetarli darajada yo‘qotmaydi. Shaxsning
84
ehtiyojlarini to‘la-tukis qondirish uni komil inson sifatida kamol toptirishning eng
muhim shartlaridan biri hisoblansa-da, lekin bu uning ustuvor ekanligini
bildirmaydi, chunki boshqa ta’sirchan omillar ham mavjuddir. Kamolotga
erishishning muhim shart-sharoiti hisoblanmish mehnat insonning ehtiyojiga
aylanmasa, u o‘z ehtiyojlarining engil, oson yo‘llar bilan qondirishga harakat qilsa,
inqirozga uchraydi. Engil yo‘l bilan o‘z ehtiyojlarini qondirish ijtimoiy qonun va
qoidalarga zid xulq-atvor manbaiga aylanishiga, jinoiy xatti-harakat kelib
chiqishiga, tekinxo‘rlik illatining namoyon bo‘lishiga zamin xozirlaydi.
Ehtiyojlarning turlari Inson bir davrning o‘zida ham individuallik, ham
ijtimoiylikni aks ettirgan bo‘lganligi sababli uning
ehtiyojlari shaxsiy va ijtimoiy xususiyatga egadir. Boshqacha so‘z bilan aytganda,
undagi tor ma’noli shaxsiy xususiyatga ega bo‘lganday to‘ygu o‘ygotuvchi (tabiat
in’omiga aloqador) ehtiyojlarni qondirish jarayoni ham ijtimoiy hamkorlik
faoliyatining mahsuli (dehqonlar, ishchilar, xodimlar, sportchilar va boshqa
kasbdagi) odamlarnish sa’y-harakati, hamkorlikdagi mehnatining moddiy tarzdagi
ifodalanishidan foydalanishida aks etadi.
Ushbu masalaga boshqacha tarzda yondashilsa, unda o‘z ehtiyojlarini
qondirish uchun ijtimoiy muhit negizida yaratilgan vositalar va usullardan
foydalaniladi. Natijada u yoki bu sharoitga nisbatan ehtiyoj his etadi. Masalan,
yog‘ochdan boltaga dasta yasash uchun unda xohish mavjudligining o‘zi yetarli
emas, balki bir qator shart-sharoitlar, dastgoh, duradgordik asboblari bo‘lishi
lozim. Uning sifatiga nisbatan ehtiyoj ham tug‘iladi. Xuddi shu boisdan unda o‘z
xohish-istaklarini ro‘yobga chiqaradigan talab bilan imkoniyatga qaratilgan ehtiyoj
vujudga keladi. Insondagi tor ma’nodagi ehtiyojlar uning shaxsiy talablarini
qondirish bilan cheklanib qolmasdan, balki hamkorlik faoliyatida yuzaga keluvchi
jamoaviy ehtiyojlar yakkaholligiga oid xususiyat kasb etadi.
Psixologiya fanida ehtiyojlarni tasniflash ularni kelib chiqishi va o‘z
predmetining xususiyatiga binoan amalga oshiriladi. Odatda o‘zlarni kelib
85
chiqishiga binoan ehtiyojlar tabiiy va madaniy turga ajratiladi.
Tabiiy ehtiyojlarda inson faoliyatining faolligi, o‘z shaxsiy hayotini himoya
qilish, o‘z avlodi hayotini saqlash, uni qo‘llab-quvvatlash uchun zaruriy shartsharoitlarga
tortilganlik, tobelik aks etadi. Tabiiy ehtiyojlar tarkibiga odamlarning
ovqatlanish, tashnalikni qondirish, jinsiy moyillik, uxlash, issiq va sovuqdan
asranish, musaffo havoga intilish, tana a’zolariga dam berish kabilar kiradi. Tabiiy
ehtiyojlar uzoq vaqt davomida qondirilmasa, uning oqibatida inson halokatga
mahkum bo‘ladi, o‘z sulolasi hayoti va faoliyatini xavf ostiga qoldiradi.
Murrayning inson
ehtiyojlari reyestri
Farovonlik har bir ehtiyojni qondirish uchun
“ne’matlarning” mavjud bo‘lishini anglatadi. Tabiiyki,
ehtiyojlar reyestrini ishlab chiqish va uni mavjud ne’matlar bilan taqqoslash
maqsadga muvofiq bo‘lar edi. Bu yerda “ne’mat” so‘zi maxsus ahamiyat kasb
etadi. Bu yerda ne’mat deganda oddiy jismlar yoki xizmatlar emas, balki sevgi,
nufuz va shu kabi mavhum, ijtimoiy yoki psixologik omillar ham tushuniladi.
Bunday yondashuv H.Murray, A.Maslow, M.Rokeach hamda Shet, Nyuman va
Grosslarning eng yangi tadqiqotlarida bayon etilgan.
Murray individning ehtiyojlarini quyidagi to‘rt mezonga ko‘ra tasniflovchi
ancha tartiblangan reyestrini keltiradi: kelib chiqishi fiziologik yoki fiziologik
bo‘lmagan birlamchi va ikkilamchi ehtiyojlar; obyekti individni o‘ziga tortishi yoki
uni o‘zidan itaruvchi ijobiy va salbiy ehtiyojlar; ehtiyojning haqiqiy yoki xayoldagi
xulq-atvorni belgilashiga ko‘ra yaqqol va latent ehtiyojlar; individning retrospektiv
jarayonlari bilan bog‘liqligiga ko‘ra anglangan yoki anglanmagan ehtiyojlar.
Murray o‘z reyeestrida shu mezonlar asosida ehtiyojlarning 37 xilini keltiradi.
Murrayning fikricha, ehtiyojlar barcha kishilarda bir xil, biroq u yoki bu
ehtiyojlar turli kishilar uchun shaxsiy va muhit omillarining ta’siriga ko‘ra turlicha
namoyon bo‘lishi mumkin. Ehtiyojlar ichki va tashqi stimullar tomonidan vujudga
kelishi va turli paytlarda kuchli yoki kuchsiz bo‘lishi mumkin. Ehtiyojlar uch xil
holatda bo‘ladi:
86
refraktor holat, bunda ehtiyojning uyg‘onishiga hech qanday stimul ta’sir
qilmaydi;
ishontiruchi holat, bunda ehtiyoj sust bo‘lsada, biroq uni qo‘zg‘atish
mumkin;
faol holat, bunda organizmning xulq-atvorini shu ehtiyoj belgilaydi
(H.Murray).
Maslowning taklif etgan
ehtiyojlar iyerarxiyasi
Psixologlar tomonidan inson
motivatsiyasining bir qator nazariyalari yaratilgan.
Ularning orasida Z.Freydning “Motivatsiya
nazariyasi” va A.Maslowning “Ehtiyojlar iyerarxiyasi” nazariyalari mashhurdir.
Olimlarning fikricha, har qanday motivatsiya zamirida ehtiyoj yotadi.
Ehtiyoj – bu individ rivojlanishi va faol darajada o‘zini namoyon qilishining
sharoitlarga bog‘liq bo‘lgan omilidir. Ehtiyojlarni biologik, fiziologik, psixologik
hamda ijtimoiy ko‘rinishlarda farqlash mumkin.
Z.Freydning fikricha, odamlar o‘z xulqlarini shakllantiradigan real ruhiy
kuchlarni anglamaydilar. Yosh ulg‘aygan sayin mayllarning ko‘pi to‘la yo‘qolib
ketmaydi, balki ongda saqlanib qoladi. Shu sababli, kishilar o‘z motivatsiya
manbalari jihatidan o‘zlariga oxiriga qadar hisobot bermaydilar.
Abraham Maslow (1908–1970) – mashhur amerikalik psixolog, psixiatr va
gumanistik psixologiya vakili bo‘lib, u bu sohada psixotahlil va bexiviorizm
yo‘nalishlarini bir-biridan namoyishkorona ajratib turuvchi “uchinchi kuch”
atamasini kiritgan olimdir.
A.Maslou (A.Maslow) izlanishlari asosida, o‘ziga xos, noyob konsepsiyani
taklif etgan bo‘lib, unga ko‘ra insonlar – ehtiyojlar, mayllar va qobiliyatlarning
nasliy psixologik tizimiga ega sifatida jamiyat ravnaqi uchun xizmat qiladilar.
Maslowning fikricha, sog‘lom rivojlanish uchun qobiliyatlarni faoliyatlarda
amalga oshirish darkor, zero, psixik buzilishlar ana shu ichki imkoniyatlar
tormozlash yoki ro‘yobga chiqarmaslik natijasida paydo bo‘ladi.
87
Muallif mashhur ehtiyojlar iyerarxiyasi sxemasini yaratgan bo‘lib, bu unga
ko‘plab ravishda e’tiroz va e’tiroflarni olib keldi. Unga ko‘ra asosiy fiziologik
ehtiyojlar (ochlik, chanqoqlik) yuqori ustun hisoblangan ehtiyojlar (o‘z-o‘zini
hurmat qilish va o‘zini takomillashtirish)dan oldin qondirilishi kerak. O‘zini o‘zi
ro‘yobga chiqarish inson xarakteriga bog‘liq holda o‘zgarib boraveradi.
Maslow nazariyasining tanqidchilari uning fikrlaridagi validlik darajasiga
ishonqiramay qaradi. Ularning fikricha, tashqi chiroyiga qaramay, Maslow
nazariyasi ilmiy asosga ega emas va dalil hamda isbotlar bilan qo‘llabquvvatlanmagan.
Maslowning o‘zi bu nazariyani eksperimental tomondan
muvaffaqiyatli deya olmasa-da, lekin ko‘pchilikning shaxsiy tajribalariga mos
kelganligi hamda ularga hayot mazmunini anglashga yordam berganligini alohida
ravishda ta’kidlaydi.
U bixevioristlardan birinchilardan bo‘lib o‘z izlanishlarida ehtiyojlar
darajasining murakkabligini va ularni motivatsiyaga ta’sirini asoslab beradi. 1940
yilda o‘zining motivatsiya nazariyasini yarata turib, inson tabiatiga xos bo‘lgan
ehtiyojlarni beshta asosiy toifaga ajratish mumkinligiga e’tiborni qaratadi.
Natijada, Maslow ehtiyojlarning iyerarxik modelini yaratadi (2.4.1-rasmga
qarang) va ularni bir necha guruhga bo‘lib tahlil qiladi:
Fiziologik ehtiyoj. Unga tashnalik, ochlik, dam olish, uy-joy hamda jinsiy
aloqaga bo‘lgan ehtiyojlar kiradi;
Xavfsizlik va kelajakka ishonch ehtiyoji. Bu ma’lum bir guruh
psixologiyasiga xos bo‘lib, o‘z ichiga insonlarning bir-birini tushunishi, sevgi va
o‘zaro ijtimoiy munosabatlarga kirishimliligi, bog‘liqligi, qo‘llab-quvvatlashi kabi
ehtiyojlarni qamrab oladi. Shuning uchun ham Maslow bu ehtiyojlarni o‘sish
ehtiyojlari sirasiga kiritadi;
Ijtimoiy ehtiyoj. Shaxs tomonidan o‘zining jamiyatdagi mavqeini his
qilinishi ehtiyoji;
Hurmat qilish ehtiyoji. Bunga o‘zini o‘zi hurmat qilish va tan olish
ehtiyojlari kirib, bu ham o‘sish ehtiyojiga taalluqlidir;
88
Yuksalish ehtiyoji (o‘zini ko‘rsatish) – bu eng yuqori ehtiyoj pog‘onasidir.
Unda ahamiyatga molik, qadrlanish va rivojlanish shart-sharoitlari hamda
insonn1ng shaxs sifatida takomillashuvi nazarga olinadi. Muallifning
ta’kidlashicha, insonning orzu va ehtiyojlari cheksizdir. Har inson ma’lum marraga
yetib kelgach, darhol ikkinchisini mo‘ljallay boshlaydi. Natijada, “maqsad –
intilish – yetishish” jarayoni qayta-qaytadan takrorlanaveradi.
2-jihatda
Yuksalish
ehtiyojlari
Hurmat qilish ehtiyojlari
Ijtimoiy ehtiyojlar
1-jihatda
Xavfsizlik va kelajakka ishonch ehtiyojlari
Fiziologik ehtiyojlar
2.4.1-rasm. Maslowning taklif etgan ehtiyojlar iyerarxiyasi
Barcha yuqori ehtiyoj ko‘rsatgichlari qat’iy iyerarxik tuzilishlar orqali
amalga oshadi. Maslowning fikricha, ehtiyojning yuqori pog‘onasi, uning pastki
pog‘onasi (fiziologik, xavfsizlik va himoya) qondirilgandagina yuzaga chiqadi.
89
Individuallik
Shaxs – qaytarilmas, u o‘z sifatlari va borligi
bilan noyobdir. Ana shu qaytarilmaslik va noyoblikning
asosida uning individual psixologik xususiyatlari majmui yotadi. Shu o‘rinda biz
yuqorida ta’rif bergan shaxs tushunchasi bilan yonma-yon ishlatiladigan yana ikki
tushunchaga izoh berish o‘rinli deb hisoblaymiz. Bu – “individ” va “individuallik”
tushunchalaridir. “Individ” tushunchasi umuman “odam” degan tushunchani
to‘ldirib, uning ijtimoiy va biologik mavjudot sifatida mavjudligini tasdiqlaydi. Bu
tushuncha uni bir tomondan, boshqa odamlardan farqlovchi belgi va
xususiyatlarini o‘z ichiga oladi, ikkinchi tomondan, o‘ziga va o‘ziga o‘xshashlarga
xos bo‘lgan umumiy va xarakterli xususiyatlarni qamrab oladi. Demak, individ –
insonga aloqadorlik faktini tasdiqlovchi ilmiy kategoriyadir.
“Individuallik” – yuqoridagi ikkala tushunchaga nisbatan torroq tushuncha
bo‘lib, u konkret odamni boshqa bir konkret odamdan farqlovchi barcha o‘ziga xos
xususiyatlar majmuini o‘z ichiga oladi. Shu nuqtai nazardan shaxs tizimini tahlil
qiladigan bo‘lsak, shaxsning individualligiga uning qobiliyatlari, temperamenti,
xarakteri, irodaviy sifatlari, emotsiyalari, xulqiga xos motivatsiya va ijtimoiy
ustanovkalari kiradi. Aynan shu qayd etib o‘tilgan kategoriyalar shaxsdagi
individuallilikni ta’minlovchi kategoriyalardir. Uning ma’nosi shundaki, bo‘yi, eni,
yoshi, sochining rangi, ko‘z qarashlari, barmoq harakatlari va shunga o‘xshash
sifatlari bir xil bo‘lgan insonlarni topish mumkin, lekin xarakteri, qobiliyatlari,
temperamenti, faoliyat motivatsiyasi va boshqalarga aloqador sifatlari majmui bir
xil bo‘lgan odamni topib bo‘lmaydi. Ular – individualdir. Demak, psixologiyada
har bir insonning individualligini izohlovchi xususiyatlar borki, ularga birinchi
navbatda quyidagilar kiradi:
Qobiliyatlar – shaxsdagi shunday individual, turg‘un sifatlarki, ular
odamning turli xil faoliyatdagi ko‘rsatgichlari, yutuqlarini ta’minlaydi va
qiyinchiliklari sabablarini tushuntirib beradi.
Temperament– insonning turli vaziyatlarda narsa, hodisa, holatlar va
insonlarning xatti-harakatlariga nisbatan reaktsiyasini tushuntirib beruvchi
90
xususiyatlari majmuidir.
Xarakter – shaxsning boshqa odamlar yoki insonlar guruhi, o‘z-o‘ziga,
vaziyatlar, narsalar va hodisalarga nisbatan munosabatlaridan orttiradigan
sifatlarini o‘z ichiga oladi.
Irodaviy sifatlar – har birimizning o‘z oldimizga maqsad qo‘yib, unga
erishish yo‘lidagi qiyinchiliklarni yengishimizni ta’minlovchi ma’lum sifatlarimiz
majmuini o‘z ichiga oladi.
INDIVIDUALLIK
Qobiliyatlar
Temperament
Emotsiya
(hissiyot)lar va
motivatsiya
Xarakter
Irodaviy
sifatlar
Ijtimoiy ustanovkalar
2.4.1-rasm. Individuallikni izohlovchi xususiyatlar majmuasi
Emotsiya (hissiyot)lar va motivatsiya esa atrofimizda sodir bo‘layotgan
hodisalar, bizni o‘rab turgan odamlar va ularning xatti-harakatlarini ruhan qanday
qabul qilib, ularga bildiradigan hissiy munosabatlarimizni bildiruvchi sifatlarimiz
bo‘lib, ular ayni vaziyatlardagi real holatlarimizdan va ularning ongimizda aks
etishidan kelib chiqadi.
Ijtimoiy ustanovka – yuqoridagi barcha xususiyatlar kompleksiga ega
insonning turli ijtimoiy vaziyatlardagi faoliyat va harakatlarga ruhan hozirligi va
munosabat bildirish uslubidan kelib chiqadigan chuqur ichki holatidir.
91
Ijtimoiy-tarixiy tajribada
2.5. Ontogenezda inson psixikasining
shaxs psixik jarayonlarining
rivojlanishi
asosiy mahsuli – muayyan tizimli
va tuzilmali, turli shakldagi (ko‘rinishdagi), masalan, verbal, noverbal va simvolik
bilimlar majmuasi sifatida namoyon bo‘ladi.
E.G‘. G‘oziyev ta’biri bilan aytganda, ularning har qaysisi o‘ziga xosligi
bilan bir-biridan ajralib turadi, shuning bilan birga aks ettirish imkoniyati,
tanlovchanlik xususiyati orqali o‘zaro tafovutga ega. Shuningdek, bilimlarning
shakli, ko‘rinishi, mazmuni, aks ettirishdagi batafsillik, yaxlitlik, ixchamlik, tashqi
va ichki omillar bilan mujassamlashganligiga ko‘ra, ularni quyidagi turlarga
ajratish mumkin:
emotsional-hissiy ma’noli;
piktogrammaviy mohiyatli;
chizma grafik ko‘rinishli;
shartli belgili, simvolik xususiyatli;
ifodali harakatli;
verbal ifodali.
Globallashuv sharoitidagi jamiyatda mavjud va qo‘llanilib kelayotgan
bilimlarning tuzilishi, faolligi, aniqligi, mazmundorligi, ko‘lami, qamrovi,
muayyan kasbiy ma’no aks ettiruvchanligiga binoan, ularni ushbu ko‘rinishlarga
ajratish maqsadga muvofiq:
sodda – murakkab;
ma’noli – ma’nosiz;
chuqur – yuzaki;
tartibli – tartibsiz;
barqaror – beqaror;
puxta;
mustaqil;
keng qamrovli – tor hajmli;
92
nazariy – amaliy kabilar.
Psixologik tadqiqotlardan ma’lum bo‘lishicha, inson ontogenezida bilish
jarayonlarini vujudga keltiruvchi va ularni amalga oshiruvchi, funktsional holatni
yaratuvchi, uni harakatlantiruvchi kuch sifatida hukm suruvchi manbalar, negizlar,
mexanizmlar, bizningcha, quyidagilardan iborat:
tug‘ma instiktlar;
shartsiz reflekslar;
shartli reflekslar;
ideomotor harakatlar;
predmetli harakatlar;
taqlid yoki imitatsiya;
tajriba-mashq;
bilim, ko‘nikma, malaka va odatlar;
funktsiyalar;
regulyatsiya.
Shaxs egallashi mumkin bo‘lgan bilimlarning shakllari va turlarini alohidaalohida
o‘rganish maqsadga muvofiq sanaladi. Unga ko‘ra, bilish jarayonida inson
miyasiga kirib boruvchi, o‘ziga xos iz qoldiruvchi, har xil munosabatlarda
ifodalanuvchi, xohish va ehtiyojlar mahsulasi sifatida vujudga keluvchi, mantiqiy
yoki mexanik ravishda o‘zlashtirilgan, aks ettirilgan, egallangan bilimlarning
shakllari va turlari:
sodda tarzdagi ta’sirlanish (biologik yoki fiziologik darajada);
muvaqqat taassurotlar (shartli reflekslar asosida);
tashqi belgilarga asoslangan tanishish;
ilk tasvirlar majmuasi;
obrazlar (turli ko‘rinishlar, bosqichlari, ko‘lami, uzviyligi, uyg‘unligi
kabilar);
93
tasavvur timsollari (har xil bosqichdagi, turlicha aniqlikdagi);
tushunchalar (yaqqol, umumiy, xususiy, yakka, mavhum, to‘planma);
hukm (chin, taxminiy, zid, qarama-qarshi);
xulosa chiqarish (induktiv, deduktiv, analogiya);
anglash (mavhumlashni mavhumlashtirish, umumlashmani umumlashtirish,
shaxsiy pozitsiya, yondashish, individual talqin, tahlil, kontseptsiyaning
tug‘ilishi);
tushuncha (fikriy, mantiqiy, intellektual);
kreatsiya (ijodiyat, ijod, ijodiy qobiliyat va iste’dod, kashfiyot, ixtiro);
antisipatsiya (faoliyat va ijod mahsulining oldindan modelini yaratishdan
iborat shaxs fazilati);
refleksiya (faoliyat va xulq-atvorni ongli boshqarish imkoniyati);
o‘zini-o‘zi anglash (o‘tmishdagi “Men”, hozirdagi “Men”, bo‘lg‘usi “Men”,
ideal “Men”, dinamik “Men” yoki o‘zlik) kabilardan iborat bo‘lishi mumkin.
Shaxs faoliyatida, xususan, ontogenezda inson bilishining psixologik
tuzilishi, uning o‘ziga xos xususiyatlarini ta’riflashda, moddiy manba,
harakatlantiruvchi turtki, kuch-quvvat negizi, atrof-muhitni aks ettirish bosqichlari,
ifodalanish shakllari va ko‘rinishlari, psixik jarayonlarning qatnashuvi, shaxslararo
munosabat, o‘z-o‘zini baholash va borliq to‘g‘risidagi taassurotlari, bilimlari orqali
namoyon bo‘lishini muayyan tartibda joylashtirish quyidagi original sxemani
vujudga keltiradi (2.5.1-jadvalga qarang).
Yuqoridagi mulohazalardan ko‘rinib turibdiki, miyani ilgarilab aks ettirish
imkoniyati va hali amalga oshirilmagan harakatning natijasi inson psixikasida qay
tarzda in’ikos etilishi kuchli qiziqish uyg‘otadi. Bu hodisani izohlashning yagona
yo‘li – u ham bo‘lsa borliqning muhim xususiyati hisoblanmish qonuniyatning
mavjudligidir. Borliqdagi qariyb (neosfera hisobga olinmaganda) barcha narsalar,
munosabatlar, xususiyatlar, shart-sharoitlar, tuzilmalar bir-biri bilan doimiy
bog‘liqlikka ega bo‘lib, muayyan qonuniyat asosida harakatlanadi, bir holatdan
ikkinchisiga o‘tadi.
94
Ontogenezda inson bilishining bosqichlari (E.G‘. G‘oziyev)
2.5.1-jadval
BILISHNING
№
mahsuli
ifodali
manbai negizi bosqichi
jarayoni
bilim
shakli ko‘rinishi shakli turlari
instinkt ehtiyoj harakatli ta’sirlanish impiriting tana a’zosi hissiy sodda
refleks motiv tasodifiy piktogramma murakkab
harakat mayl hissiy taassurot ideomotor adaptatsiya chizma-grafik ma’noli
taqlid moyillik tanishish reaktsiya ma’nosiz
tajriba ustanovka hissiy ilk-tasvir sensomotor sezgi ramziy chuqur
mashq qiziqish obraz sensor idrok harakatli (yuzaki)
funktsiya kayfiyat tasavvur subsensor tasavvur verbal tartibli
regulyatsiya faollik pertseptsiya (tartibsiz)
ko‘nikma appetseptsiya barqaror (beqaror)
odat aqliy tushuncha mantiqiy xotira puxta
identifikatsiya hukm fikriy tafakkur mustaqil
refleksiya xulosa ijodiy xayol qamrovli
ilhom timsoliy intellekt tor hajmli
ijodiyot ijodiy tarhiy anglash mavhumlik onglilik nazariy
sharoit kreatsiya ongostlilik amaliy
antisipatsiya umumlashma o‘z-o‘zini anglash
refleksiya oliy funktsiya o‘taonglilik
Shuning uchun idishdagi suv qaynatilsa bug‘ga aylanadi, harorat pasaysa, u
muzlaydi, havo isiganida esa muz eriy boshlaydi, bahor ketidan yoz keladi,
narsalar ishqalansa qiziydi va hokazo. Xuddi shu bois ob’ekt bilan hodisa
o‘rtasidagi o‘zgarmas, barqaror munosabatlar, ob’ektning muhim xususiyatlari
hodisaning qonuniyati deyiladi. Ularda o‘zgarmas xususiyatlar va qonuniyatlarning
mavjudligi o‘zgarishlarni oldindan payqash, harakatlarni muvofiq yo‘naltirish
imkonini vujudga keltiradi. Tashqi, yaqqol faoliyat favquloddagi davrda ichki
timsoliy (psixik) faoliyat tarzida his etiladi. Ob’ektlarga yo‘naltirilgan yaqqol
harakatlar ularning muhim xususiyatlariga mo‘ljallangan timsoliy jarayon bilan
almashtiriladi. Xuddi shu sababdan tashqi, yaqqol harakatdan, ichki, timsoliy
harakatga mana shu tarzda o‘tish jarayoni interiorizatsiya (ichki tarzga aylanish)
deb ataladi.
Interiorizatsiya muammosi rus olimlari L.S.Vigotskiy, A.N.Leontev,
P.Ya.Galperin va ularning shogirdlari tomonidan turli jabhalarda tadqiqot
qilingan. Interiorizatsiya sharofati bilan inson psixikasi muayyan vaqt oralig‘ida
uning idrok maydonida yo‘q narsalarning timsoli (obrazi)dan foydalanish qurbiga
ega bo‘ldi. Shu narsa ma’lumki, bunday o‘zgarishlarning muhim quroli bo‘lib so‘z,
o‘zgarish vositasi sifatida nutqiy faoliyat xizmat qiladi. Shuning uchun so‘zlarni
to‘g‘ri ishlatishga odatlanish favqulodda buyumlarning muhim xususiyatlarini
axborotidan foydalanishning usullarini o‘zlashtirish demakdir.
Inson faoliyati murakkab va o‘ziga xos jarayon bo‘lib, shunchaki
ehtiyojlarni qondirishdan iborat emas, balki ko‘pincha jamiyatning maqsadi va
talablari bilan belgilanadi. Xuddi shu boisdan qo‘yilgan maqsadning
anglanilganligi va unga erishish bo‘yicha ish harakatlari tajribasi anglanilganligi va
unga erishish bo‘yicha ish harakatlari tajribasi bilan bog‘liq ekanligi inson
faoliyatining o‘ziga xos belgisi bo‘lishini tasdiqlaydi.
Shuning uchun shaxs faoliyatining jismoniy (tashqi) va psixik (ichki)
tuzilmalari bir-biri bilan uyg‘unlashganligi ko‘zga tashlanadi. Inson faoliyatining
tashqi jabhasi uning atrof muhitga ta’sir ko‘rsatishga mo‘ljallangan sa’y-harakatlar
ichki (psixik) jihatiga bog‘liq bo‘lib, ularni motivlashtiradi, bilishga undaydi va
96
boshqaradi. Shuningdek, tashqi jabha o‘z navbatida:
psixik faoliyat buyumlar va jarayonlar xususiyatlarini o‘zida namoyon
qiladi;
ularning maqsadga muvofiq tarzda qayta o‘zgartirilishini amalga oshiradi;
psixik andozalar o‘xshashligini, natijalar va harakatlarning kutilmalariga
muvofiqligini ko‘rsatadi;
ularni uzluksiz ravishda yo‘naltirib va nazorat qilib turadi.
Shunga muvofiq ravishda tashqi, yaqqol faoliyatni ham ichki (psixik)
faoliyatning eksteriozatsiyalashuvi (tashqi tarzga aylanishi) deb baholash
maqsadga muvofiq.
97
Voqelikka nisbatan
2.6. Faoliyat haqida umumiy tushuncha
munosabatning muhim shakli
sifatidagi faoliyat inson bilan uni
qurshab turgan olam (borliq) orasida bevosita aloqa o‘rnatadi. Tabiatga, narsalarga
o‘zga odamlar ta’sir ko‘rsatish ham faoliyatning qudrati bilan ro‘yobga chiqadi.
Inson faoliyatda narsalarga nisbatan sub’ekt sifatida, shaxslararo munosabatda esa
shaxs tariqasida gavdalanadi hamda imkoniyatlarini yuzaga chiqarishga musharraf
bo‘ladi. Buning natijasida ikkiyoqlama bog‘lanish uzluksiz harakatga kirishishi,
to‘g‘ri va teskari aloqa o‘rnatishi tufayli inson narsalarning, odamlarning, tabiat va
jamiyatning o‘ziga xos xususiyatlari to‘g‘risida ma’lumot to‘playdi. Har xil
xususiyatli o‘zaro munosabatlar negizida faoliyat sub’ekti uchun narsalar
sub’ektlar sifatida, odamlar esa shaxs timsolida aks eta boshlaydi.
2.6.1-rasm. Faoliyatning asosiy jabhalari tuzilishi
Inson faoliyatga yo‘naltirilgan maqsadga erishish uchun shu yo‘lda harakat
qilishi tufayli xususiy vazifalarni bajarishga kirishadi. U o‘z oldida turgan
maqsadni amalga oshirish uchun ma’lum vaqt oralig‘ida u yoki bu amalni bajaradi.
Biror matnni kompyuterda tayyorlash uchun inson oldin uni elektr tokiga ulaydi,
98
ekranni ishga sozlaydi, uning tugmachalarini bosish orqali harf va so‘zlarni teradi,
so‘ngra ma’lum ma’no anglatuvchi matn paydo bo‘ladi.
Psixologiyada faoliyatning alohida bir xususiy vazifasini bajarishga
mo‘ljallangan, nisbatan tugallangan qismi (unsuri), tarkibi harakat deb nomlanadi.
Masalan, kompyuter texnikasidan foydalanish harakatlari amalga oshiriladigan
ishlardan tarkib topadi. Harakatlar natijasida odam borliqdagi narsalar xususiyati,
holati, fazoviy joylashuvini o‘zgartiradi. Mazkur jarayon nafaqat harakat yordami
bilan, balki muayyan sa’y-harakatlar tufayli yuzaga keladi. Duradgor eshik
yasamoqchi bo‘lsa, avval munosib material tanlaydi, ularni o‘lchaydi, unsurlarini
sanaydi, randalaydi, qismlarni bir-biriga joylashtiradi, yopishtiradi, unga pardoz
beradi, oshiq- moshiq qoqadi, kesaki o‘rnatadi, ochib yopilishini tekshiradi va
hokazo. Keltirilgan misoldan ko‘rinib turibdiki, duradgorning gavdasi, oyoqqo‘llari,
boshining tutishi sa’i harakatlari bilan birga “tanlash”, “ishlov berish”,
“o‘rnatish” amal qismlari majmuasi faoliyatni tarkib toptiradi. Sa’y-harakatning
harakatdan farqli tomonlari uning aniqligi, maqsadga yo‘nalganligi, epchilligi,
uyg‘unligi singari belgilarida o‘z ifodasini topadi.
Faoliyat jahon psixologiyasi fanining asosiy (fundamental) tushunchalaridan
biri hisoblanib, ko‘pincha psixologik tushuncha sifatida olib qaraladi. Shuning
bilan birga ushbu tushuncha haddan ziyod keng ma’noli va ko‘p ahamiyatli tarzda
foydalanilganligi tufayli uning mohiyati yoyiq bo‘lib boradi, natijada qiymati asl
mazmunini yo‘qotadi. Xuddi shu boisdan psixologiyada faoliyat uchun umumiy
qabul qilingan definitsiya mavjud emas, foydalanib kelinayotgan tuzilma, ta’rif esa
ko‘p hollarda tanqidga uchraydi. Holbuki shunday ekan, semantik tahlil o‘tkazish
orqali faoliyatga nisbatan turlicha qarashlarni umumlashtirish, o‘zaro taqqoslash
zaruriyati aniqlangan bo‘lar edi, bu esa o‘z navbatida uning (faoliyatning) ilmiy
psixologik ob’ektiga aylantirishi unga aloqador tushunchalar tarkibini
mukammallashtirish imkoniyatini vujudga keltiradi.
Ensiklopediya, izohli lug‘at va lingvistik so‘zliklardagi ma’lumotlar, ilmiy
matnlar tahlilining ko‘rsatishicha, faoliyat tushunchasi falsafa, fiziologiya,
sotsiologiya, psixologiya fanlari predmetidan kelib chiqib, o‘zaro qorishish
99
oqibatida mehnat, ish, faollik, xulq singari to‘rt xil tavsifga ega bo‘lgan.
I.M.Sechenov fiziologik organlar va tizimlar faolligi yoki ishi to‘g‘risida
tasavvurga ega bo‘lgan, shu sababdan uning asarlarida “tafakkurning faol shakli”,
“tafakkur faoliyati”, “miya faoliyati”, “muskul faoliyati” so‘z birikmalari keng
ko‘lamda joy egallagan.
I.P.Pavlov tomonidan “oliy nerv faoliyati”, N.A.Bernshteyn esa
“fiziologiya faolligi” atamasi fan olamiga olib kirgan. Lekin N.A.Bernshteyn
faollik, faoliyat, ish, mehnat tushunchalarini ma’nosiga ko‘ra farqlagan bo‘lishiga
qaramay, u aksariyat hollarda faollikni faoliyat ma’nosida qo‘llagan.
A.N.Leontev faoliyatning psixologik nazariyasini yaratib, uning asosiy
tushunchasi sifatida “predmetli faoliyat” so‘z birikmasini fanga olib kirdi. Muallif
tomonidan “odamning hissiy amaliy faoliyati” so‘z birikmasi “ijtimoiy inson”
sifatida talqin etiladi. Uning asarlarida “faoliyat”, “xulq” tushunchalari har xil
mazmunda ishlatiladi, jumladan, “teskari aloqalar vositasida xulqni boshqarish”,
“faoliyatning halqali tuzilishi”, “faoliyatni boshqarish”, “qo‘lning tuyush
faoliyati”, “pertseptiv faoliyat”, “retseptor va effektor apparatlarning hamkorlik
faoliyati” kabilar.
ehtiyoj
motiv
maqsad
topshiriq
faoliyat
harakat
operatsiya
sharoit
2.6.2-rasm. Faoliyat tuzilishi (A.N.Leontev bo‘yicha)
Psixofiziologiyada faoliyat faollikni fiziologik ma’nosi sifatida talqin
qilingan bo‘lsa, ish, mehnat faoliyati “mehnat faolligi” mazmunida qo‘llanadi.
Ijtimoiy psixologiyada “faoliyat-faollik-ish-mehnat”, “faoliyat-xulq”, “mehnatxulq-faoliyat”
ko‘rinishlari juftligi uchrab turadi. S.L.Rubinshteyn ong va faoliyat
100
birligi tamoyilini ilgari surib va atroflicha asoslab berib, faoliyat psixologiyasini
yaratish zaruriyatini tushuntira oldi. Uningcha, mehnat psixologik emas, balki
“ijtimoiy tushuncha”, psixologiya esa “mehnat faoliyatining psixologik
jabhalarini” tadqiq etadi.
B.G.Ananev faoliyat psixologiyasini faollik psixologiyasi ma’nosida
tushunadi. Uning fikricha, bilish va muomala faoliyatning birlamchi ko‘rinishidir.
Tadqiqotchi “inson faoliyati”, “tashkiliy ish”, “tashkilotchilik faoliyati”, “xulq
jarayonining algoritmlari” atamalaridan har xil ma’noda foydalanadi.
Psixologik tadqiqotlarning ko‘rsatishicha, faoliyat shaxslararo munosabatlar
tizimi tariqasida, hamkorlik tarzida namoyon bo‘ladi. Faoliyatda inson shaxsi aks
etadi va ayni bir davrda faoliyat odam shaklini tarkib toptiradi. Ong bilan faoliyat
birligi tamoyiliga asoslanish orqali shaxs kamol topadi, shaxslararo munosabatga
kirishadi, ijtimoiy tajribalarni o‘zlashtiradi, o‘zaro ta’sir yordamida
ijtimoiylashadi. Inson shaxsining shakllanishi o‘yin, ta’lim, mehnat, sport va
boshqa faoliyatning turlarida amalga oshadi. Faollik tufayli faoliyatni amalga
oshirish jarayoni yuzaga keladi, xulq-atvor, muomala vositasida ehtiyoj, istak,
ijtimoiy talablar qondiriladi, turli xususiyatli axborotlar o‘zlashtirilishi natijasida
shaxs tarkib topa boshlaydi.
O‘yin faoliyati
Faoliyatning oddiy shakllaridan biri o‘yin
hisoblanadi, lekin u tobora takomillashib, sodda
harakatlardan keyinchalik syujetli, roli o‘yinlarga, hatto sportgacha
murakkablashib boradi, atrof-muhitni aks ettirishida ishtirok eta boshlaydi.
Insonning borliqni in’ikos etishidagi dastlabki urinishni harakat orqali
namoyon bo‘ladi. Harakatlar bolaning tabiatga, uni qurshab turgan kishilik
dunyosiga nisbatan munosabatini, ular to‘g‘risidagi ilk taassurotlar, sodda
tasavvurlar, bilimlarni o‘zlashtirishni anglatib keladi. Keyinchalik oddiy harakatlar
muayyan ma’no kasb etib, syujetli va rolli o‘yinlarga aylanadi. o‘yinlar milliy
(etnik) va umumbashariy turkumlardan tarkib topgan bo‘lib, ijtimoiy hayotning
barcha jabhalarini o‘zida aks ettiradi. o‘yinlar takomillashib borib sport turlariga,
101
sport faoliyatiga o‘sib o‘tadi, jumladan, shaxmat, domino, futbol, shashka va
hokazo. Sport o‘yin faoliyati sifatida barcha yoshdagi insonlarga xos bo‘lib
hisoblanadi.
O‘yin faoliyatida bola ijtimoiy voqelikni taqlid, rol orqali ijro etishga
harakat qiladi va shu yo‘sinda atrof-muhit to‘g‘risidagi, ijtimoiy turmushdagi
shaxslararo munosabatlarni o‘zlashtira boradi. Ijtimoiy turmushdagi u yoki bu
hodisani rol orqali ijro qiladi. So‘z bilan harakatning birikuvi natijasida o‘yin
faoliyat tusini oladi va muayyan ma’no, axborot berish, uzatish imkoniyatiga ega
bo‘ladi. Dastlabki o‘yin aynan kattalar xatti-harakatini takrorlash, ularga taqlid
qilish bilan tavsiflanadi. Syujetli o‘yinlar borliqning goh anglangan, goho
anglanmagan tarzda u yoki bu tomonlarini egallashga xizmat qiladi.
O‘yin dastavval bola uchun vaqt o‘tkazish, uni mashg‘ul qilish funktsiyasini
bajarsa, keyinchalik ijtimoiy tarixiy taraqqiyot namunalarini ifodalash darajasiga
o‘sib o‘tadi. Rollar, ma’noli harakatlar, ibratli imo-ishoralar, tushunchalar bola
shaxsini shakllantirishda faol ishtirok etadi. Bola tug‘ilganidan to maktab
ta’limigacha davrida uning uchun o‘yin faoliyati yetakchi faoliyat rolini bajaradi,
shuningdek, o‘yin didaktik tus kasb etishi ham mumkin.
Ta’lim faoliyati
Ta’lim ham jarayon, ham faoliyat sifatida
insonning hayotida muhim rol o‘ynaydi va muayyan
davr uchun yetakchi faoliyat sifatida gavdalanishi mumkin. Ta’lim boshqacha so‘z
bilan aytganda, o‘qituvchi bilan o‘quvchining sub’ekt-sub’ekt munosabatidagi
hamkorlik faoliyati hisoblanadi. Aksariyat hollarda o‘qituvchi axborot uzatuvchi
(kommunikator) o‘quvchi esa uni qabul qiluvchi ob’ekt sifatida talqin etiladi, lekin
ikkiyoqlama harakat tufayli ma’lumot insonga anglashiniladi, o‘zaro ta’sir, o‘zaro
anglashuv, tushunuv, o‘zaro sub’ektlarning bir-birga zaruriyligi, taqozochanligi
hamkorlikning muvaffaqiyati kafolatli sanaladi.
Ta’lim o‘quv faoliyati, aqliy faoliyat, bilish faoliyati turtkisi vazifasini
o‘taydi, chunki har qaysi faoliyatning shakli aqliy mehnat tufayli amalga oshadi.
Ta’limning boshqa faoliyat turlaridan farqi uning mahsulining o‘ziga xosligi,
102
barcha bosqichlariga ongli yondashuvda va munosabatda bo‘lishdir. Ta’lim o‘quv
faoliyati yoki jarayon sifatida mustaqil izlanishni, ijodiy munosabatni, turli vaziyat
(auditoriya va undan tashqarida)ni, har xil bosqichni (boshlang‘ich, o‘rta, maxsus,
oliy ta’lim) o‘zida mujassamlashtiradi. Mustaqil bilim olish va mutolaa qilish ham
o‘quv faoliyatining muayyan ko‘rinishlari bo‘lib, shaxsiy ilmiy, ijodiy izlanishning
mahsuli hisoblanadi.
Ta’lim tarbiya bilan uyg‘unlashgan tarzda namoyon bo‘ladi, sub’ektga
ob’ektiv ta’sir o‘tkazish tufayli bilimlar egallanadi, muayyan shaxsiy fazilatlar
tarkib topadi. Ta’limning mohiyatiga (matnda g‘oya, taassurot, mazmun, syujet,
timsol orqali) tarbiyaviy ta’sir o‘tkazish dasturiy asosda, iyerarxik (yunoncha
hierarchia izchillik) tarzda singdiriladi. Ta’lim muayyan guruh va jamoani
shakllantiradi, shaxslararo munosabat maromlari bilan tanishtiradi, shaxsiy
fazilatlarning tarkib topishiga, sub’ektning ijtimoiylashuviga sezilarli ta’sir
o‘tkazadi.
Ta’limning yana bir muhim funktsiyasi shuki, u turli yoshdagi odamlarni
kasb tanlashga yo‘naltiradi, kasbiy tayyorgarlikni amalga oshirishga, mutaxassis
sifatida shakllanishga muhim ta’sir o‘tkazadi. Ta’lim ijtimoiy jihatdan shaxslarni
shakllantirish, ixtisos ko‘nikmalari bilan qurollantirish, u yoki bu sohada
mutaxassis bo‘lib faoliyat ko‘rsatishga xizmat qiladi.
Mustaqil fikrlash, psixologik imkoniyatlarni ro‘yobga chiqarish,
barkamollikni egallash borasida ijtimoiy hayotning turli jabhalarida ta’lim yetakchi
faoliyat tariqasida muhim rol o‘ynaydi.
Mehnat faoliyati
Insoniyat o‘zining mehnati tufayli ongli
mavjudodga aylangan, jamiyatda mo‘l-ko‘lchilikni
yaratgan, tabiatda esa ayrim o‘zgartirishlarni amalga oshirgan, borliq to‘g‘risidagi
ma’lumotlarni egallashga musharraf bo‘lgan. Mehnat faoliyatining tarkibida
mehnat, ish harakat yotadi. Ularning har qaysisi muayyan ulushni amalga oshirish
tufayli faoliyat mahsuli vujudga keladi, u moddiy yoki ma’naviy ko‘rinishda
bo‘lishi mumkin.
103
Ajdodlarimiz tomonidan yaratilgan kasb-kor ko‘nikmalarini avlodlarga
o‘rgatish mehnat faoliyati yordamida amalga oshiriladi. Kasbiy malakalarni
shakllantirish, takomilashtirish, mahsulot yaratish va undan maqsadga muvofiq
ravishda foydalanish mehnat faoliyati orqali ro‘yobga chiqariladi. Mehnat
faoliyatida amaliy ko‘nikmalar barqarorlashadi, nazariy fikr, g‘oya, mulohaza
vujudga keladi. Faoliyat bilan ong birligi mavjud bo‘lganligi sababli shaxs tarkib
topadi, ham axloqan, ham aqlan rivojlanadi. Mehnat faoliyati individual xususiyat
kasb etsa-da, lekin uning mohiyati ijtimoiydir. Inson shaxsiy ehtiyojini qondirish
uchun mehnat qiladi, u yoki bu mahsulot ishlab chiqariladi, oqibat natijada odam
ijtimoiy jamiyat farovonligi uchun o‘z shaxsiy ulushini qo‘shadi.
Mehnat faoliyati yashash, ehtiyojni qondirish, kelajak uchun mo‘l-ko‘lchilik
vujudga keltirish, yaratilgan mahsullarni (me’morchilik, san’at, madaniyat
asarlarini) saqlash, asrash, meros sifatida qoldirish funktsiyalarini bajaradi.
Shuning uchun mehnat faoliyati o‘n minglab kasbkor professiogrammasiga
asoslangan holda turli shaklda tashkil qilinadi va muayyan reja, maqsadni ro‘yobga
chiqarish uchun har xil vaziyatlarda amalga oshiriladi.
Mehnat maishiy va ishlab chiqarish turlariga ajratilgan holda imkoniyatga,
layoqatga, qobiliyatga, salohiyatga qarab taqsimlanadi. Shuning uchun mehnat
faoliyatining sodda ko‘rinishlari ilk bolalik yoshidan ko‘zga tashlanadi, bu o‘rinda
dastyorlik, ko‘maklashish holatlari nazarda tutiladi. Keyinchalik yaxlit mehnat
faoliyati tashkil qilinadi va muayyan maqsad amalga oshiriladi, uning mahsuli
(natijasi) moddiy ko‘rinishga ega bo‘ladi.
Umuman olganda mehnat faoliyati kishida praksik (lazzatlanish) hissini
shakllantiradi, butun imkoniyatini ishga tushirishga moddiy, ma’naviy negiz
yaratadi.
104
Modul yuzasidan tayanch iboralar
Nerv hujayrasi, neyron, nerv tolalari, qo‘zg‘alsh, perferik nerv sistema,
markaziy nerv sistema, miya, gipotalamus, garmonlar, filogenez, ontogenez,
ong, psixik jarayonlar, shaxs xususiyatlari, anglangan harakatlar, anglanmagan
harakatlar, ehtiyoj, individ, individuallik, ijtimoiy ustanovka, mas’uliyat,
maqsadlar, ideallar, qiziqishlar, e’tiqod, muomala, kommunikativ, yosh davrlari,
chaqaloqlik davri, go‘daklik davri, ilk bolalik davri, maktabgacha yosh davri,
kichik maktab yoshi, o‘smirlik davri, o‘spirinlik davri, yetuklik davri,
psixogerantologiya keksalik, keksalik, faoliyat, faollig, interiorizatsiya,
ekstreoriozatsiya
Nazorat va muhokama qilish uchun savollar
1. Nerv sistemasining tuzilishi qanday tasniflangan?
2. Nerv hujayrasi, uning o‘simtalari va ularni qoplovchi pardalar deganda
nimalarni tushunasiz?
3. Neyron nima?
4. Qo‘zg‘aluvchanlik va o‘tkazuvchanlikka ta’rif bering?
5. Diffuz nerv sistemasini izohlang.
6. Periferik nerv sistemasi nimalarni boshqaradi.
7. Markaziy nerv sistema nimalarni boshqaradi?
8. Markaziy nerv sistemasiga ta’rif bering?
9. Vegetativ markazlar deganda nimani tushunasiz?
10. Inson miyasi qanday tuzilgan?
11. Bosh miya yarim sharlariga ta’rif bering.
12. Bosh miya po‘stining qismlari izohlang.
13. Orqa miya va ketingi miyani bog‘lovchi qanday miya bor?
14. Orqa miya qayerda joylashgan?
15. Oldingi miya nimalardan tashkil topgan?
16. Psixika haqida umumiy tushuncha bering.
105
17. Psixikaning namoyon bo‘lish shakllari haqida tushuncha bering.
18. Psixik jarayonlar nimalardan iborat?
19. Psixik holatlar deganda nimalar tushuniladi?
20. Psixikaning ob’ektiv va sub’ektiv mezonlari deganda nimalarni tushunasiz?
21. Xatti-harakat formalari nima?
22. Psixikani rivojlanish bosqichlariga ta’rif bering.
23. Ong nima?
24. Inson psixikasining ijtimoiy-tarixiy tabiati tushunchasiga izoh bering.
25. Ehtiyojlarning vujudga kelishi deganda nimalarni tushunasiz?
26. Individ, sub’ekt, shaxs, individuallik tushunchalariga ta’rif bering.
27. Qobiliyat tushunchasiga ta’rif bering.
28. Temperment nima?
29. Ongning vujudga kelishida: jamoa, mehnat faoliyati va nutq ahamiyatini
ko‘rsating?
30. Maslowning taklif etgan ehtiyojlar iyerarxiyasini izohlang.
31. Faoliyatni interiorizatsiyalash deganda nimani tushunasiz?
32. Faoliyatni ekstreoriozatsiyalash degani nima?
33. Faoliyat tuzilishi psixologik xususiyatlarini tadqiq etilishini yoriting.
34. Faoliyat boyicha qaysi olimlar ishlarini bilasiz?
35. E.G‘. G‘oziyev bo‘yicha ontogenezda inson bilishining bosqichlari qanday?
36. A.N.Leontev bo‘yicha faoliyat tuzilishini tushuntiring.
Bibliografiya
1. David G. Myers. Psychology. Tenth Edition // Hope College Holland,
Michigan. – NY.: Worth Publishers, 2013. – P. 687
2. Каримова В.М., Холйигитова Н.Х. Психология: Ўқув қўлланма. – Т.:
“IQTISODIYOT”, 2014. – 175 б.
3. Шарипов Ш.С. ва бошқ. Билим олишнинг интеллектуал тизимини
ишлаб чиқиш назарияси ва амалиёти / Монография. – Т.: “Фан”, 2011. –
106
208 б.
4. Ғозиев Э. Умумий психология: Психология мутахассислиги учун
дарслик / Э.Ғозиев; ЎзР ОЎМТВ, М.Улуғбек номидаги ЎзМУ. – Т.:
“Ўзбекистон файласуфлари миллий жамияти” нашриёти, 2010. – 544 б.
5. Karimova V., Hayitov O., Akramova F., Lutfullayeva N. Umumiy
psixologiya: Nopedagogik va nopsixologik oliy o‘quv yurtlari uchun darslik
// V.M.Karimovaning umumiy tahriri ostida. – T.: TDIU , 2010. – 328 b.
6. Немов Р.С. Психология: Учеб. для студ. высш. пед. учеб. заведений: В
3 кн. – 4-е изд. – М.: Гуманит. изд. центр ВЛАДОС, 2003. – Кн. 3:
Психодиагностика. Введение в научное психологическое исследование
с элементами математической статистики. – 640 с.
7. Каримова В.М. Психология. Ўқув қўлланма. – Т.: А.Қодирий номидаги
халқ мероси нашриёти, 2002. – 205 б.
8. Hayitov O.E. Iqtisodiy psixologiya: O‘quv qo‘llanma. Oliy o‘quv yurtlari
magistratura bosqichi talabalari uchun. – T.: TDIU, 2009. – 230 b.
9. Ғозиев Э., Жабборов А. Фаолият ва хулқ-атвор мотивацияси:
Университетларнинг психология мутахассислиги учун ўқув қўлланма.
– Т.: Университет, 2003. – 124 б.
107
III qism
SHAXS PSIXOLOGIYASI
Bilamiz-ki, “Shaxs”
3.1. Psixologiyada shaxs va jamiyat
tushunchasi psixologiya fanida
muammosi
eng ko‘p qo‘llaniladigan
kategoriyalar sirasiga kiradi. Psixologiyada o‘rganilayotgan barcha fenomenlar
aynan ushbu tushuncha atrofida qayd etiladi. Inson ruhiy olami qonuniyatlari bilan
qiziqqan har qanday olim yoki tadqiqotchi ham shaxsning ijtimoiyligi va aynan
jamiyat bilan bo‘lgan aloqasi masalasini chetlab o‘tolmaydi.
Shuni alohida ta’kidlash lozimki, “Homo sapiens” – “aqlli zot” tushunchasini
o‘zida ifoda etuvchi jonzotning paydo bo‘lganiga taxminan 40 ming yildan
oshibdi. Bu davrda olimlarning e’tirof etishlaricha, 16 ming avlod almashgan. Har
bir individni yoki shaxsni o‘rganish masalasi uning bevosita ijtimoiy muhiti va
uning ijtimoiy normalari doirasida o‘rganishni taqozo etadi.
3.1.1-rasm. Shahsga ijtimoiylashuviga ta’sir qiluvchi bosqichlari
108
Ijtimoiy muhit – bu insonning aniq maqsadlar va rejalar asosida faoliyat
ko‘rsatadigan dunyosidir. Mazmunan har bir insonning shu ijtimoiy olam bilan
aloqasi uning insoniyat tajribasi, madaniyati va qabul qilingan, tan olingan ijtimoiy
xulq normalari doirasidagi harakatlarida namoyon bo‘ladi.
Demak, har bir shaxsning fe’l-atvoriga atrofdagi referent guruhning (do‘stuyorlari,
oilasi), tarixiy zamon, davr, davlat tuzumi va o‘sha jamiyatdagi siyosat,
iqtisodiyot va mafkuraning ta’siri bo‘lib, bu ta’sir uning yaxlit dunyoqarashi,
fikrlash tarzi, tafakkurida o‘z aksini topadi. Bunday ta’sirlarning ikki xili
farqlanadi.
Bir qarashda ikkinchi bosqich ta’sirlarigina shaxsning insoniy qiyofasi hamda
fe’l-atvorini belgilaydiganday tuyuladi. Chunki xalqimizda “qush uyasida
ko‘rganini qiladi”, degan naql ham bor. Ayniqsa, bizning “o‘zbekchiligimiz”da
odamning tug‘ilib o‘sgan oilasi, mahallasi, kimning avlodi-yu, kimning zurriyodi
ekanligi, ta’lim olgan dargohiga katta e’tibor beriladi. Ko‘pincha xalqda: “Hovli
olma, qo‘shni ol”, degan maqol ham ishlatiladiki, bu ham farzandlar kamoli va
oilaning tinchligida yon-atrofning ahamiyatiga ishoradir. Lekin makro bosqichdagi
ta’sirlarning ahamiyatini kamsitish ham to‘g‘ri bo‘lmaydi.
Psixologiya ilmining namoyondalari bo‘lmish olimlarning butun bir avlodi
ana shu shaxs va jamiyat aloqalari tizimida, makro hamda mikro bosqichlardagi
ta’sirlarning tub mohiyatini anglash, uning rivojlanishi va kamol topishi
qonuniyatlarini izladilar. Abu Nasr Farobiy, A.Navoiy, Ibn Sino, Beruniy kabi
yuzlab Sharq allomalari ham bu o‘zaro bog‘liqlikning falsafiy va ijtimoiy sirlarini
ochishga o‘zlarining eng durdona asarlarini bag‘ishlaganlar. Barcha qarashlarga
umumiy bo‘lgan narsa shu bo‘lganki, odamni, uning mohiyatini anglash uchun
avvalo uning shu jamiyatda tutgan o‘rni va mavqeini bilish zarur. Shaxsni
o‘rganishning birlamchi mezoni ham shundan kelib chiqqan holda, uning ijtimoiy
mavqei, ijtimoiy munosabatlar tizimidagi o‘rni bilan belgilanishi kerak.
Lekin, shaxs bilan jamiyat o‘rtasidagi o‘zaro aloqalar masalasida birdaniga,
bir xil yechimga kelinmagan. Bu o‘zaro munosabatlar asosan ikki nuqtai nazardan
kelib chiqadi.
109
Nativizm yo‘nalishining tarafdorlari insonlardagi barcha xususiyatlarni
tug‘ma xarakterga ega, deb e’tirof etadilar (Lens, Gruber va boshqalar).
Empirizm tarafdorlarining fikricha, yangi tug‘ilgan bola go‘yoki “top-toza
taxta” (tabula rasa), unga hayot va undagi talablar o‘zining qonuniyatlarini yozadi
va bola ularga so‘zsiz bo‘ysunishga majbur. Bu yo‘nalishning asoschilaridan biri
J.Lokk bo‘lib (1632-1704), uning fikricha, tug‘ma fikrlar yoki g‘oyalar bo‘lishi
mumkin emas, ular xohish-tilak va og‘riq kabi elementar sezgilarning qayta
ishlanishi natijalaridir. Hayotda ana shunga o‘xshash turli xil sezgilar va
g‘oyalarning assosiasiyasi ro‘y beradi.
G.Leybnis (1646-1716) Lokka e’tiroz bildirib, hayotda umuman toza, sof
doskaning o‘zi bo‘lmaydi, hattoki, eng yaxshi silliqlangan marmar yuzasida ham
sezilarli teshiklar, do‘ngliklar yoki tug‘ma asoratlar bo‘ladi-ki, ular odamning
sezish va bilish organlari vositasida anglanishi mumkin. Xuddi shunday, inson
bolasi ham tug‘ilishdan muayyan belgilar, xususiyatlar bilan tug‘iladi-ki, ularni biz
layoqatlar, iqtidor, genetik xususiyatlar, deb ataymiz. Aynan shu tug‘ma belgilar
Shaxs – ijtimoiy va shaxslararo
munosabatlarning mahsuli, ongli
faoliyatning subyekti bo‘lmish
individdir
shakklantirishga xizmat qiladi.
inson taqdirida ma’lum rol o‘ynaydi, lekin
yetakchi, sezilarli ta’sirlar hayotning
keyingi bosqichlarida, turli faoliyatlarni
(o‘yin, o‘qish, mehnat va b.q.) amalga
oshirish jarayonida bilinib, shaxs sifatlarini
Shaxsga taalluqli bo‘lgan eng muhim tasnif ham uning jamiyatdagi murakkab
ijtimoiy munosabatlarga bevosita aloqadorlik, ijtimoiy faoliyatga nisbatan ham
ob’yekt, ham sub’yekt bo‘lishlikdir.
Shaxsga taalluqli bo‘lgan fazilatlardan eng muhimi shuki, u shu tashqi,
ijtimoiy ta’sirlarni o‘z ongi va idroki bilan qabul qilib (ob’yektni), so‘ngra shu
ta’sirlarning sub’yekti sifatida faoliyat ko‘rsatadi. Oddiy qilib aytganda, inson
bolasi ilk yoshlikdanoq “mening hayotim”, “bizning dunyo” degan ijtimoiy
muhitga tushadi. Bu muhit o‘sha biz bilgan va har kuni his qiladigan siyosat,
huquq, axloq olamidir.
110
Shaxs ijtimoiy xulqiga turli tashqi kuchlar, ijtimoiy munosabatlar majmui
ta’sir qiladi: siyosiy, mafkuraviy, iqtisodiy, ma’naviy, axloqiy va boshqalar. Bu
ta’sirotlar mohiyatan aslida jamiyat a’zolari bo‘lmish shaxslar o‘rtasidagi o‘zaro
munosabatlarning ayrim alohida yo‘nalishlarini belgilab beradi.
Shunday qilib, shaxs turli ijtimoiy munosabatlar tizimi ta’sirida bo‘ladi va
ko‘plab ijtimoiy institutlar (oila, mahalla, o‘quv maskanlari, mehnat jamoalari,
norasmiy tashkilotlar, din, san’at, madaniyat va boshq.) bilan bog‘liq bo‘ladi.
Masalan, shaxsdagi turli g‘oyalar, fikrlar va e’tiqodiy dunyoqarashlar mafkuraviy
munosabatlar tizimi ta’sirida shakllanib, ular bevosita oila, bog‘cha, maktab va
boshqa o‘quv va tarbiya muassasalari orqali ongga singdiriladi. Agar bu ta’sir
uning e’tiqodi darajasida ko‘tarilsa, va unda yana yangidan-yangi fikrlar va
g‘oyalarning paydo bo‘lishi va o‘sishiga olib kelsa, u shaxsning maslagiga
aylanadi hamda u hayoti jarayonida shunday faoliyat sohasini tanlaydiki, o‘z
qobiliyatlari, malaka va ko‘nikmalarini rivojlantira borib, ziyoli sifatida yo
o‘qituvchi, yoki vrach, yoki olim, kashfiyotchi, muhandis bo‘lib, elu-yurtiga
xizmat qiladi.
Hozirda fan-texnika rivojlanayotgan bir vaqtda insoniy munosabatlarni
boshqarish masalasi dolzarb bo‘lib turibdi.
Ayni vaqtda dunyo miqyosida global tarzda ijtimoiy stereotiplar barham
topib, o‘zgara boshladi. Kechagina mumkin bo‘lmagan narsalarga bugun ruxsat
bor, kecha umuman erkinlik, demokratiya tushunchalarini guyoki, G‘arb
madaniyati deb e’tirof etgan bo‘lsak, bugun butun jamiyat bu jarayonlar bilan
yashay boshladi, buning natijasida inson ongi, uning boshqalarga munosabatlari
ham o‘zgardi.
111
Bugungi kunda shaxsni
3 2. Chet el psixologiyasida shaxs
oʻrganishga turlicha
nazariyalari
yondashuvlar mavjud.
Masalan, Z.Freydda shaxs tuzilmasi, A.Adler , K.Xornida individual
psixologiya, E.Frommda shaxs destruktivligi masalalari va boshqalar.
Gumanistik psixologiya, bixeviorizm maktabi olimlari shaxsini o‘rganishda
turlicha yondashuvlarga murojaat qiladilar va muammo mohiyatini yoritishda
o‘ziga xos pozitsiyaga egadirlar.
Va yana shular qatorida shaxsning biogenetik, sosiogenetik, psixogenetik,
kognitivistik kabi nazariyalarini ham sanash mumkin.
Biogenetik nazariyada insonning biologik yetilishi bosh omil sifatida qabul
qilingan bo‘lib, qolgan jarayonlarning taraqqiyoti ixtiyoriy xususiyat kasb etib, ular
bilan o‘zaro shunchaki aloqa tan olinadi, xolos. Mazkur nazariyaga binoan,
taraqqiyotning bosh maqsadi – biologik determinantlariga (aniqlovchilariga)
qaratiladi va ularning mohiyatidan sotsial-psixologik xususiyatlar keltirilib
chiqariladi.
Taraqqiyot jarayonining o‘zi, dastavval biologik yetilishning universal
bosqichi sifatida sharhlanadi va talqin qilinadi. Biogenetik qonunni F.Myuller va
E.Gekkellar kashf qilishgan. Biogenetik qonunga ko‘ra, shaxs psixologiyasining
individual taraqqiyoti (ontogenez) butun insoniyat tarixiy taraqqiyotining
(filogenez) asosiy bosqichlarini qisqacha takrorlaydi, degan g‘oya yotadi. Bu esa
noto‘g‘ri g‘oyaning shakllanishiga olib kelgan.
Biogenetik nazariya qarama-qarshi bo‘lgan yana bir nazariya yuzaga keladi
bu – sotsiogenetik nazariya hisoblanadi. Bu yondashuvga asosan, shaxsda ro‘y
beradigan o‘zgarishlar jamiyatning tuzilishi, uning ijtimoiylashuvi, uni qurshab
turgan damlar bilan o‘zaro munosabatidan kelib chiqqan holda tushuntiriladi.
Ushbu nazariyaga ko‘ra, inson biologik tur sifatida tug‘ilib, hayotning ijtimoiy
shart-sharoitlarining bevosita ta’siri ostida shaxsga aylanadi.
112
Xorijiy shaxs nazariyalarining talqini
3.2.1-jadval
Shaxs
nazariyalarining
nomlanishi
Biogenetik
Sotsiogenetik
Psixogenetik
Kognitiv
Psixoanali
Shaxs nazariyalarining qisqacha mazmuni
Insonning biologik yetilishi bosh omil sifatida qabul qilingan bo‘lib, qolgan jarayonlarning
taraqqiyoti ixtiyoriy xususiyat kasb etib, ular bilan o‘zaro shunchaki aloqa tan olinadi, xolos deb
qaraladi. Biogenetik qonunni F.Myuller va E.Gekkellar kashf qilishgan.
Bu nazariyaga ko‘ra individ o‘zgarmas genlar orasidag vaqtinchalik qobiq vazifasini bajaradi.
Unga ko‘ra individning hayotdagi asosiy vazifasi ajdodlariga xos bo‘lgan narsalarni asrabavaylashi
va ularni kelajak avlod yetkazishdir deb qarashadi. Shuni alohida ta’kidlash kerak-ki,
evolyusion va barcha individul yutuqlar ushbu muammoning yechimidagi vosita hisoblanadi.
U biogenetik, sotsiogenetik omillarning qimmatini kamsitmaydi, balki psixik jarayonlar
taraqqiyotining birinchi darajali ahamiyatga ega deb hisoblaydi. Ushbu yondashishning uchta
mustaqil yo‘nalishga ajratib tahlil qilish mumkin, chunki ularning har biri o‘z mohiyati, mahsuli va
jarayon sifatida kechishi bilan o‘zaro tafovutlanadi.
Kognitiv lotincha so‘zdan olingan bo‘lib, o‘zbek tilida bilish degan ma’noni anglatadi.
Psixologlar ushbu yondashuvni tasdiqlashlariga asosiy ichki omillar yoki tashqi olamdagi
hodisalarga ko‘r-ko‘rona va mexanik javob beradigan mashina emasligini tasdiqlaganligi sababli
ushlab turibdilar. Kognitiv yo‘nalishning asoschilari qatoriga J.Piaje, Dj.Kelli va boshqalarni
kiritish mumkin.
Psixoanaliz nazariyasi eng avvalo Z.Freyd nomi bilan bog‘liqdir. Ushbu nazariya nevroz
holatini davolash metodi sifatida yuzaga kelgan bo‘lib, undan so‘ng psixologik nazariya sifatida
yuzaga keladi. Psixoanaliz nazariyasi shaxs dinamikasini tushuntirib berishga qaratilgan ilk
psixologik qarashdir. Bu nazariya asosida psixologiya fanida tub burilish yuzaga keladi.
Analitik psixologiya
Bixeviorizm
Sotsial madaniy
nazariya
Gumanistik
psixoanaliz
Individual
psixologiya
Karl Gustav Yung – shvetsariyalik psixolog va faylasuf ushbu nazariyaning asoschisidir. U
“o‘zlik”ni – individuallikka intilish deb qaragan. Xarakterni shaxsning yetakchi vazifasi deb
hisoblab unga bog‘langan holda shaxs tipologiyasini ishlab chiqqan.
Biogenetik nazariyaning yirik namoyandalaridan biri bo‘lmish amerikalik psixolog S.Xoll va
nemis psixologi E.Krechmerdir. Ularning fikricha, ontogenezdagi individual taraqqiyot
filogenezning muhim bosqichlarini takrorlaydi. Olimlarning talqiniga binoan, go‘daklik
hayvonlarga xos taraqqiyot pallasini qaytarishdir va shaxs (psixologiyasi) tipologiyasi negiziga bir
qancha biologik omillardan tashkil topgan, insonning jismoniy tipi bilan o‘sishining xususiyati
o‘rtasida uzviy bog‘liqlik mavjud, deb taxmin qilishadi
K.Xorni ushbu nazariyaning asoschilari hisoblanadi. Xornining ta’kidlashicha, bolaning
rivojlanishida ular va ota-onalari o‘rtasidagi sotsial munosabatlar hal etuvchiligini aniqladi. Bolalik
davrida ikkita ehtiyoj xos, qoniqish va xavfsizlikka ehtiyoj. Birinchisi, barcha biologik ehtiyojlarni
qamrab olsa, ikkinchisi esa bolaning rivojlanishi uchun zarur. Bu sevimli, ardoqli va tashqi
olamdagi xavf-xatar yoki dushmanliklardan himoyalanishga intilish sanaladi.
E.Fromm nazariyasining asosiy holati quyidigacha: Inson mavjudligining bosh ziddiyati –
tevarak olamdan mustaqillik va erkinlikka intilish, xavfsizlikka va sotsiumga mansublikka intilish
o‘rtasidagi ziddiyatdir deb ta’kidlaydi
Alfred Adler individual psixologiyaning asoschisi hisoblanadi. Inson – yagona va o‘zini o‘zi
muvofiqlashtiruvchi organizm; individuum (lat.) – bo‘linmas. Inson hayotiy faolligining hech bir
namoyon bo‘lishini izolyatsiyada ko‘rib bo‘lmaydi, lekin faqat shaxsga munosabatda to‘liq ko‘rib
chiqish mumkin.
V.M.Bexterevning ta’kidlashicha shaxs – organik va sotsial sohaning
chambarchas birligi hisoblanadi va ikki sohani mukammal o‘zlashtirgandagina
to‘laqonli shaxsga aylanadi.
A.F.Lazurskiyning shaxs kontseptsiyasida – shaxsning sotsial muhitga
moslashuvi bo‘lib, u keng ma’noga tushuniladi (tabiat, narsalar, insonlar,insoniy
munosabatlar, g‘oyalar, estetik, axloqiy, diniy qadriyatlar va boshqalar). Shaxsning
atrof muhitga moslashuvi har xil psixik darajada bo‘ladi: yuqori, o‘rta, quyi. Bu
darajalar shaxsning psixik rivojlanish darajasini ifodalaydi. Lazurskiy shaxsni
ikkita psixik mexanizmni birligi sifatida talqin qilgan, endopsixika va ekzopsixika.
3.2.1-rasm. Shaxsning psixik mexanizmi (Lazurskiy)
Bu ikki jihat bir biri bilan o‘zaro bog‘liq, bir-biriga ta’sir ko‘rsatadi.
Masalan, xayolning rivojlanganligiijodiy faoliyatni sharlovchi,yuqori sezgirplik va
qo‘zg‘aluvchanlik –san’atga mashg‘ul bo‘lishga imkon beradi.
V.N.Myasishev shaxs kontseptsiyasinishaxsning tuzilmasini tahlil qilishga
e’tibor qaratgan. Shaxs kontseptsiyasining asosiy elementi – munosabat. Shaxs
munosabatlari – bu shaxsning voqelikni har xil tomonlari bilan shaxsni faolligi,
ongli, integral, tanlovchanlikka asoslangan tajribasiga bog‘liqligidir.
Myasishevning munosabat tuzilmasi:
115
emotsional (emotiv);
baholovchi (kognitiv);
xulqiy (konativ).
A.G.Kovalevning shaxs kontseptsiyasiga ko‘ra shaxs psixik jarayonlar,
xususiyatlar va holatlarning integral tuzilmasi sifatida namoyon bo‘ladi. Bilamizki,
inson psixik faoliyatining poydevorini psixik jarayonlar tashkil etadi. Psixik
jarayonlar psixik faoliyatning funktsional darajasini xarakterlovchi psixik
holatlarni shakllantiradi.
A.N.Leontyev shaxs tuzilmasini tadqiq qilishi davomida shaxsning uchta
asosiy parametrini ajratib ko‘rsatadi:
insonning olam bilan aloqalarining kengligi;
ma’no hosil qiluvchi motivlarning o‘zlashtirish iyerarxiyasida bu
aloqalarning iyerarxiyalashgan darajasini aks ettirishi;
bu aloqalarning umumiy tuzilmasi, aniq motivlar va maqsadlar majmui.
S.L.Rubinshteyn shaxsga yondashuvlarini:
Yo‘nalganlik – ehtiyojlar, qiziqishlar, ideallar, e’tiqodlar, faoliyat va
xulqning ustuvor motivlari hamda dunyoqarashlarida;
Bilimlar, ko‘nikmalar, malakalar – hayot va faoliyat jarayonida
egallanishida;
Intividual tipologik xususiyatlar – temperament, xarakter, qobiliyatlarga aks
etishida deb ta’kidlaydi.
116
Psixologiyada
shaxs
3.3. Shaxs rivojlanishining individuallik
tuzilmasining modelini yaratishga
xususiyatlari va ularning roli
boshqa fanlarga nisbatan kengroq
yondashiladi va uning tabiatini aks ettirish imkoniyatiga erishiladi, natijada u
psixologiya sohasidagi muammolarorasidagi markaziy o‘rin sifatida yuzaga keladi.
Psixolog olimlari tomonidan tadqiqot qilinayotgan dolzarb muammolar bilan shaxs
tuzilishiga oid masala u yoki bu jihati orqali uzviy bog‘liqka egadir. Psixologiya
fanida shaxsga strukturaviy yondashish bo‘yicha eng salmoqli ilmiy izlanishlar
amalga oshirilganligi qonuniy holat bo‘lib, xilma-xil shaxs tuzilmasining modeli
yaratilganligi fikrimizning yorqin dalilidir. Bu borada B.G.Ananyevning fikricha,
psixologik hodisalarni intellektual, hissiy-emotsional va irodaga ajratilishidir.
Inson psixologiyasida strukturaviy yondashish tajribasining dastlabki ko‘rinishi
bo‘lib, uning izchilligini ko‘pgina psixologlar tomonidan tan olinishidir.
B.G.Ananyev strukturaviy yondashishning boshqa variantlari tariqasida turlicha
psixik hodisalar bilan qarama-qarshi aloqalarning e’tirof etilishi - psixik aktlarning
psixik funktsiyalar, ongning ongsizlik, tendensiyalarning potensiyalar bilan
uyg‘unligini ta’kidlaydi. L.S.Vigotskiyning mulohazasiga ko‘ra, insonning psixik
funktsiyalarini yuksak, madaniy, quyi, tabiiy turlarga ajratishni kiritish mumkin,
chunki ularning negizida ta’lim bilan insonning oliy nerv faoliyatida birinchi va
ikkinchi signallar sistemasi o‘zaro ta’sirining ifodalanishi yotadi.
Hozirgi davrda psixologiya fanida psixologik hodisalarni psixik
jarayonlarga, holatlarga, shaxsning xususiyatlariga ajratish qabul qilinganligi
muhim ahamiyatga ega. Bunday yondashuvning mavjudligi B.G.Ananyev
tomonidan strukturaviy kontseptsiyaning bir tajribasi sifatida qaraladi. Bu voqelik
“hodisalarni bir qator jabhalari bilan to‘ldirishga intilish psixofiziologik xususiyat
kasb etib, psixik jarayonlar uchun dastlabki materiallarni to‘plash imkoniyatini
(idrok, tafakkur, emotsiya, iroda) beradi”. Uning fikricha, dastlabki materiallar, bir
tomondan, psixik funktsiyalar (sensor, mnemik), xulqning, ikkinchi tomondan,
elementar, motivlari (ehtiyoj, ustanovka) hisoblanadi. Olimning mulohazasicha, bu
qo‘shimchalar “genetik ma’no kasb etib, fiziologiyadan miya mexanizmlarini
117
umumpsixologik va neyrogumoral regulyatorlarini qamrab olish psixologiyaga
o‘tishga imkon beradi”. Lekin ushbu strukturaviy yondashuvning maxsus
psixologik deb qarashdan qat’i nazar, hozirgi zamon sintetik insonshunosligi uchun
umumiy ahamiyatli jihatni yuksaklikka ko‘tarishga qodir emas.
Yuqorida ta’kidlab o‘tilgan psixik hodisalarning turli ko‘rinishlarini
fenomenlarga ajratishning qonuniyligi bo‘yicha bahs yuritmasdan turib, jumladan
jarayonlarga, holatlarga, xususiyatlarga bo‘linishdan ko‘z yumib, ushbu
kategoriyalar, ularning turlicha talqini shaxs tuzilmasining tarkibiy qismlariga
tenglashtirish mumkin emasligini qayd etish zarur. Chunki ular sof psixologik
asnoda vaqt va fazo o‘lchami bo‘yicha aniqlikka ega emasdirlar. Shuning uchun
B.G.Ananyev tomonidan kiritilgan ilmiy qo‘shimchalar umumpsixologik vaziyatni
keskin o‘zgartirish imkoniyatiga ega bo‘lmasa-da, uning ayrim tomonlarni
to‘ldirishga ega.
118
Psixolog olimlarning fikricha,
3.4. Shaxsning oʻz-oʻzini anglashi va
individ, shaxs, sub’yekt va komil inson
Men–kontseptsiyasi
to‘g‘risida mulohazalar yuritilganda
ularning ongsizlik, ongostlilik, onglilik va o‘ta (super) onglilik holatlari bilan uzviy
aloqadorligini unutmaslik lozim. Yuqorida keltirilgan atamalar ongli mavjudodga
taalluqli ekanligi jahon psixologiyasi fanining ilmiy manbalarida atroflicha talqin
qilingan, lekin ularning iyerarxiyasi, mohiyati bayonida turlicha yondashuvlar
mavjuddir. Mazkur maqsadni chuqurroq ochishga yo‘naltirilgan nazariyalar o‘ta
bahsli bo‘lib, uning zaminida faqat ong yotishi tasdiqlanagan, xolos. Aslida esa
inson ixtiyoriy diqqat, ixtiyoriy xotira va muayyan maqsadga asoslanib, biron-bir
faoliyat inson tomonidan tashkil qilingandagina ong shaxsning ushbu faoliyatini
regulyatori (boshqaruvchi) vazifasini bajaradi. Biroq odam funktsional holatining
o‘zgarishi bilan onglilikdan ongsizlik (ixtiyorsizlik) ka o‘tishi, ijod, tashabbus
uning uchun muomala, faoliyat negiziga aylansa, u holda shaxs ongosti
(muvofiqlashuv) holatiga asta kirib borishi mumkin. Xuddi shu boisdan shaxs bir
davrning o‘zida har uchala holat (onglilik, ongsizlik, ongostlilik) hukmi ostida
yashashi, faoliyat ko‘rsatishi, ijod qilishi, muomalaga kirishishi mumkin. Har
uchala holatning omili negizida shaxsning kamoloti vujudga keladi, ularning har
qaysisi bu jarayonga o‘ziga xos ulush qo‘shadi. Ong holatlari tabiiy ravishda birbiri
bilan uzluksiz tarzda o‘rin almashtirib turadi, chunki inson ixtiyorsiz, ixtiyoriy
va ixtiyoriydan keyingi bosqichlar hukmi bilan yashaydi va faoliyat ko‘rsatadi.
Z.Freyd ta’limoti bo‘yicha shaxsning tuzilishi 3 tizimdan iborat: “U”,
“Men” va “Kayvoniy men”. “U” – bu mustaqil bo‘lib, uning mohiyatida - qiziqish,
ehtiyoj va motiv yotadi (ongsizlik darajasini ifodalaydi). “Men” – onglilikni,
“Kayvoniy men” esa yuqori ong darajasini ifodalaydi. “U” – qoniqish tamoyiliga
asoslanadi. “Men” – haqiqatga yaqin, “Kayvoniy men” – ideal taassurotga –
jamiyatdagi axloq normalari va qadriyatlariga asoslanadi.
“U” – insonning hayvonot dunyosiga yaqinligi, uning tajribasi hayotdagi
omadsizligi natijasida kelib chiqishidir.
“Men” – insonning o‘zini anglashi, o‘z shaxsi va xulq - atvorini tasavvur
119
qilishi va baholay bilishidir.
“Kayvoniy men” – jamiyatni insonningyuqori onglilik holatiga ta’sir
ko‘rsatishidir. Buning natijasida odam ijtimoiy, axloqiy qadriyatlar va
me’yorlarni o‘zlashtiradi.
XXI asrda yashovchi inson ongli, ongosti va ongsizlik holatlaridan tashqari,
o‘z-o‘zini anglash imkoniyatiga ega bo‘ladi. Xuddi shu boisdan o‘z-o‘zini
anglashning quyidagi tarkibiy qismlarga ajratish maqsadga muvofiqdir:
o‘tmishdagi “Men” (“o‘zlik”);
hozirgi “Men” (“o‘zlik”);
bo‘lg‘usi “Men” (“o‘zlik”);
ideal “Men” (“o‘zlik”);
dinamik “Men” (“o‘zlik”).
O‘z-o‘zini anglash jarayoni milliy o‘zligini anglash bilan uzviy bog‘liq
bo‘lib, muayyan vaqt, muddat o‘tishini, ya’ni ma’lum davrni taqozo etadi, lekin u
ham evolyutsion, ham revolyutsion yo‘l ta’sirida amalga oshishi mumkin. O‘zo‘zini
anglash borliq va jamiyatni in’ikos etishning yuqori bosqichi sanalib,
pirovard natija sifatida yuzaga keladi, insonning donishmandligini namoyish
qiladi. O‘z-o‘zini anglash besh tarkibdan iborat bo‘lib, u o‘ta murakkab jarayon
hisoblanib, uning tarkiblari birin-ketin anglashinish imkoniyatiga ega emas.
Chunki insonda o‘zining hayoti va faoliyati yutuqlari, nuqsonlarini, xulq-atvor
ko‘nikmalarini, aql-idrok darajalarini, ichki imkoniyat zaxiralarini, qadriyat hamda
ma’naviyat ko‘rsatkichlarini oqilona baholash qurbi yetishmaydi. Shaxsda tanqid
va o‘z-o‘zini tanqid, baholash va o‘z-o‘zini baholash, tekshirish va o‘z-o‘zini
tekshirish, nazorat qilish va o‘z-o‘zini nazorat qilish, boshqarish va o‘z-o‘zini
boshqarish, takomillashtirish va o‘z-o‘zini takomillashtirish, rivojlantirish va o‘zo‘zini
rivojlantirish mutanosibligi maqsadga javob bera olmaydi. Individual va
ijtimoiy ongni tobora rivojlanib borishi mazkur mutanosiblikni amalga oshirishni
ta’minlaydi, bu esa muayyan muddatni talab qiladi.
Inson o‘z-o‘zini anglash jarayonida ko‘pincha reallikdan boshlaydi, hozirgi
va favquloddagi holatni tahlil qiladi, shaxsiy imkoniyati bilan taqqoslaydi, ma’lum
120
mezon yoki namuna, ibrat tanlab, unga tenglashishga intiladi. Keyinchalik esa
kelajak, istiqbol rejalari uni qiziqtiradi, o‘zining nimalarga qodirligi yuzasidan
mulohaza yuritadi va bu borada muayyan qaror qabul qilishga erishadi, lekin uning
ongliligi yoki oqilliligiga shubhalanadi. Uni bir necha marta tahlil qilish, qiyoslash,
unga o‘zgartirishlar kiritish, yangilash orqali bo‘lg‘usi “Men” iga aniqlik kiritadi
va faollik mexanizmiga aylantiradi.
O‘z-o‘zini anglashning navbatdagi bosqichida shaxs o‘tmishini tahlil qiladi,
undagi qusurli va ibratli jihatlarni o‘zaro qiyoslab ustuvorlikni topishga intiladi, bu
borada ayrim siljishlarga erishadi. Ijtimoiy hayotdan u o‘ziga ideal bo‘luvchi
shaxsni tanlaydi va undagi ijobiy xislatlar, xususiyatlar va ko‘rinishlarni,
ko‘rsatkichlarni o‘zida mujassamlashtira boradi. Shaxs o‘z-o‘zini anglash
davomida dinamik harakatsiz hech bir narsani ro‘yobga chiqara olmasligiga iqror
bo‘ladi, natijada uzluksiz harakatlar asta-sekin, birdaniga, tavakkaliga amalga
oshirish lozimligini tushunib yetadi. Dinamik holatni baholash, tekshirish, nazorat
qilish, boshqarish natijasida dinamik “Men” shakllana boshlaydi. O‘z-o‘zini
anglashning besh tarkibiy qismi bir tekis insonning ma’naviy dunyosiga aylansa,
demakki, unda mukammallik, barkamollik darajasi vujudga kelganligidan
dalolatdir.
O‘z-o‘zini anglash shaxsning fazilatiga aylanishi uchun muayyan davr, vaqt,
muddat talab qiladi, shuning uchun o‘quvchilar, talabalar va respublikamizning
boshqa fuqarolari bilan dasturiy tadbir-choralar o‘tkazish orqali ko‘zlangan
maqsadga erishish mumkin.
Modyl yuzasidan tayanch iboralar
Shaxs, ijtimoiy munosabat, nativizm, empirizm, ijtimoiy muhit, ijtimoiy
stereotiplar ,qadriyatlar tizimi, shaxs nazariyalari, biogenetik, sosiogenetik,
psixogenetik, kognitivistik endopsixika, ekzopsixika, Men-kontseptsiyasi, “Men”,
“Kayvoniy men”, “U”, o‘zlik.
121
Nazorat va muhokama qilish uchun savollar
1. “Homo sapiens” – “aqlli zot” tushunchasini izohlang.
2. Ijtimoiy muhit deganda nimini tushunasiz?
3. Shahsga ijtimoiylashuviga ta’sir qiluvchi bosqichlarini sanag va izohlang.
4. Shaxs bilan jamiyat o‘rtasidagi o‘zaro aloqalarning vujudga kelishida qaysi
nuqtai nazar asosiy rol o‘ynagan?
5. Nativizm yonalishi haqida tushuncha bering?
6. Empirizm yonalishi haqida tushuncha bering?
7. Shaxsga ta’rif baring?
8. Biogenetik nazariya haqida nimalar bildingiz?
9. Sotsiogenetik nazariyaga ta’rif baring?
10. Psixogenetik nazariyaga ta’rif baring?
11. Kognitivistik nazariya haqida nimalar bildingiz?
12. Z.Freyd gʻoyalarida shaxs tuzilmasi qanday yoritilgan?
13. A.Adler va individual psixologiya haqida nimalarni bilasiz?
14. K.Xorni gʻoyalariga ta’rif bering.
15. E.Frommning shaxs destruktivligi haqida nimalar bilasiz?
16. Gumanistik psixologiyaga ta’rif bering?
17. Bixeviorizm maktabi g‘oyalari nimalardan iborat?
18. Endopsixika va ekzopsixika haqida tushuncha bering.
19. Shaxs rivojlanishining individuallik xususiyatlari va ularning rolini izohlang.
20. Shaxsning oʻz-oʻzini anglashi deganda nimalarni bildingiz?
21. Men-kontseptsiyasi haqida tushuncha bering.
22. Z.Freyd ta’limoti bo‘yicha shaxsning tuzilishini izohlang.
Bibliografiya
1. David G. Myers. Psychology. Tenth Edition // Hope College Holland,
Michigan. – NY.: Worth Publishers, 2013. – 687 p.
122
2. Каримова В.М., Холйигитова Н.Х. Психология: Ўқув қўлланма. – Т.:
“IQTISODIYOT”, 2014. – 175 б.
3. Ғозиев Э. Умумий психология: Психология мутахассислиги учун
дарслик / Э.Ғозиев; ЎзР ОЎМТВ, М.Улуғбек номидаги ЎзМУ. – Т.:
“Ўзбекистон файласуфлари миллий жамияти” нашриёти, 2010. – 544 б.
4. Karimova V., Hayitov O., Akramova F., Lutfullayeva N. Umumiy
psixologiya: Nopedagogik va nopsixologik oliy o‘quv yurtlari uchun darslik
// V.M.Karimovaning umumiy tahriri ostida. – T.: TDIU , 2010. – 328 b.
5. Каримова В.М. Психология. Ўқув қўлланма. – Т.: А.Қодирий номидаги
халқ мероси нашриёти, 2002. – 205 б.
123
IV qism
PSIXIK JARAYON: TASNIF, XUSUSIYAT,
QONUNIYATLAR
Bilish jarayonlari –
4.1. Bilish jarayonlarining qisqascha
bu shunday psixik
tasnifi
jarayonlarki, ular shaxsga
oʻzini oʻrab turgan atrof-muhitning ma’lum va muhim xususiyatlarini anglashga,
tushunishga va ular ustida oʻziga zarur xulosalar chiqarib, oʻz xulq-atvorini
rejalashtirishga imkon beradi. Bilish jarayonlari ma’lum ma’noda boshqariladigan
jarayonlar hisoblanib, agar biz oʻz imkoniyatlarimizni kengaytirmoqchi yoki
xotiramizni oʻstirmoqchi boʻlsak, bu jarayonlardagi barcha qoidalar hamda
xususiyatlarni bilib olishimiz kerak.
Inson ongi bir qarashda yaxlit ob’ekt hisoblansada, ammo u ayrim alohida
jarayonlardan iboratdir. Shuning uchun ham bizni oʻrab toʻrgan atrof - muhitni,
oʻzimizni bilishga imkon beruvchi ongni oʻrganish uchun uni alohida psixik
jarayonlarga boʻlib oʻrganamiz. Bu jarayonlar – sezgilar, idrok, xotira, diqqat,
tafakkur, nutqlardan tashkil topgandir (4.1.1-rasmga qarang). Bu jarayonlar shu
qadar bir-birlari bilan uzviy bog‘iq boʻlib, birini ikkinchisiz tasavvur qilishning
oʻzi qiyin. Masalan, koʻrib idrok qilib turgan narsa haqida fikr yuritmay boʻlmaydi,
bu jarayonning mohiyatini bilasizmi? Diqqat bilan koʻrgan yoki oʻqigan
matnningizni eslab qolasiz. Yoki biror narsa toʻg‘risida fikrlash uchun bizga bir
vaqtning oʻzida ham ilgarigi idrok obrazlari, ham eslab qolingan ob’ekt, ham ichki
nutqimiz, irodamiz va diqqatimiz kerak boʻladi. Hozirgi kunda rivojlangan texnika
taraqqiyoti insonning oʻz psixik jarayonlariga qiziqishini yanada ortirmoqda. Endi
ma’lumotlarni qabul qilish (an’anaviy idrok deb ataluvchi jarayonga oʻhshash),
ularni qayta ishlash (tafakkurga oʻhshash) va uni saqlash (xotira) haqida koʻp
gapiradigan boʻlib qoldik. Lekin bu insondagi tabiiy jonli jarayonlar ahamiyati va
tarbiyasi masalasini yanada yuqori koʻtardi.
124
4.1.1-rasm. Shaxsning bilish jarayonlari
Psixologiya sohasida eksperimental ishlarning muvaffiqiyatli amalga
oshirilishi aslida inson psixikasi kompyuterdan koʻra murakkabligi va odam
anglagan ma’lumotlaridan koʻproq narsalarni idrok qilib, qabul qilishini isbotladi.
Masalan, maxsus laboratoriya asboblar yordamida aslida inson koʻrmaydigan, his
qilmaydigan juda kuchsiz signallar ham fiziologik reaktsiyalarni keltirib
chiqarayotganligi qayd etildi. Analogik holat xotiramizda ham tez - tez roʻy beradi.
Kimnidir uchratib qolamizda, oʻylanamiz: qayerda koʻrgan ekanman? hech
eslolmaysiz, lekin yuzi, koʻzi va boshqa sifatlari tanishday. Buni ham shunday
izohlash lozimki, inson koʻrgan - kechirganlari aslida miyada saqlanadi, biz ong
sohasiga ayrimlarinigina chiqara olamiz. Faqat, kasal boʻlib yoki biror narsadan
qattiq tashvishga tushaganimizda miyamizga har xil oʻy - fikrlar kelaveradi.
Oʻshalar aslida bor narsalarning beixtiyor tiklanishi. Bilish jarayonlardagi
individuallik sabablarini tushunish uchun eng muhim bilish jarayonlari bilan
tanishamiz.
125
4.2. Sezgi va idrok psixik jarayonlarning
boshlangʻich holati ekanligi
Tevarak-atrofimizda
boʻlgan va bizga ta’sir etib
turadigan narsa va
hodisalarning xilma-xil xossalari bor. Bu xossalar koʻrish, eshitish, hid bilish, ta’m
bilish va teri-tuyish organlari organlari yordami bilan ongimizda bevosita aks etadi.
Sezgi organlarimizga ta’sir etadigan narsalardagi ayrim xossalarning miyamizda
shu tariqa bevosita aks etishi sezgi deb ataladi.
Sezgilar – psixik aks ettirishning oddiy usuli tariqasida hayvonlarga ham,
odamlarga ham xos xususiyat boʻlib, u voqelikdagi narsa va hodisalarning ayrim
belgi va xususiyatlarini bilib olishni ta’minlaydi. Sezgilar kishiga tevarak-atrofdagi
narsa va voqealarning xususiyatlarini bilishga imkon beradi.
Sezgi a’zolari kishiga tevarak-atrofdagi olamda moʻljal olish imkonini
beradi. Biz qizil, yashil ranglarni, shirin, achchiq ta’mlarni, og‘ir-yengilni, issiqsovuqni
va shu kabilarni sezamiz. Sezgi organiga ta’sir yetib, sezgini vujudga
keltiradigan har bir narsa (yoki hodisa)
qoʻzg‘ovchideb ataladi, uning ta’siri esa
qoʻzg‘alish deb yuritiladi.
Sezish jarayoni quyidagicha roʻy beradi:
1) narsa yoki hodisalar sezgi organlariga
(retseptorga) ta’sir yetib, tegishli sezuvchi nervning chekka (periferi) uchlarini
qoʻzg‘aydi; 2) shu yerda kelib chiqqan qoʻzg‘alish oʻsha nervning oʻtkazuvchi
SEZGI-odamning tegishli sezgi
organlariga moddiy olamdagi narsa
va hodisalar ta’sir ko‘rsatgan vaqtda
ulardagi ayrim xossalarning aks
ettirilishidan iborat bo‘lgan eng
sodda psixik jarayondir
yoʻli orqali bosh miya poʻstining tegishli
markaziy hujayralar sistemasiga oʻtadi; 3) bu
yerda nerv qoʻzg‘alishi psixik hodisaga, ya’ni
sezgiga aylanadi.
Sezish jarayoniningana shu 3 bosqichi
I.P. Pavlov tomonidan analizator deb atalgan sezuvchi nerv apparatining
tuzilishiga muvofiq ravishda oʻtadi. Yuqorida aytganimizdek, har bir analizator
sezuvchi nervning chekka tarmoqlaridan, oʻtkazuvchi yoʻldan va bosh miya
poʻstining markaziy hujayralaridan iborat.
Sezgi muayyan vaqt oralig‘ida
hosil bo‘ladi. Bu 0,02
soniyadan 0,1 soniya vaqt
davomiyligida amalga
oshiriladi.
126
Analizatorning yuqorida koʻrsatilgan qismlaridan birortasi zararlansa, sezgi
hosil boʻlolmaydi. Nomidan ham koʻrinib turibdiki, analizatorlar tevarak-atrofdagi
olam ta’sirlarini analiz qilib beradi. Analizatorlar insonning koʻp asrlardan beri
davom yetib kelgan tarixida hayot uchun nihoyatda muhim boʻlib kelgan
qoʻzg‘ovchilarni boshqa qoʻzg‘ovchilardan ajratadi, ularni bir-biridan ayirib
beradi.
Sezish jarayonida tug‘iladigan tuyg‘ular ayni vaqtda organizmning
qoʻzg‘ovchi ta’siriga javoban reaktsiyasiga sabab boʻladi (bu reaktsiya ba’zan
arang bilinadi). Bu reaktsiyalar bolalik davrida, ayniqsa, yaqqol koʻrinadi. Ana shu
reaktsiyalarga qarab, bolalarning biron sezgini boshdan kechirayotganini bilamiz.
Ana shu reaktsiyalarning borligisezgining nerv-fiziologik mexanizmi refleksdan
iborat ekanligini koʻrsatadi.
Kishining hayoti va faoliyatida sezgilarning roli juda katta, negaki, ular
bizning olam haqidagi va oʻzimiz toʻg‘rimizdagi bilimlarimiz manbai hisoblanadi.
Sezgilar bizga ob’yektiv voqelikning haqqoniy suratini beradi, ya’ni olamni u
qanday mavjud boʻlsa shundayligicha aks ettiradi. Tovushlar, hidlar va boshqa
kuzatuvchilar koʻzga ta’sir qilganda koʻrish sezgilarini hosil qilmaydi. Xuddi
shuningdek, nur va hid ham eshitish kuzata olmaydi.
Sezgi nerv sistemasining u yoki bu kuzatuvchidan ta’sirlanuvchi
reaktsiyalari tarzida hosil boʻladi va har qanday psixik hodisa kabi reflektorlik
xususiyatiga egadir. Kuzatuvchining oʻziga aynan oʻxshaydigan analizatorga ta’siri
natijasida hosil boʻladigan nerv jarayoni sezgining fiziologik negizi hisoblanadi.
Analizator reaktsiyalarida periferik boʻlimlarining muayyan xujayralari miya
qobig‘idagi xujayralarning ayrim qismlariga mos boʻladi. Jumladan, koʻz toʻr
pardasining turli nuqtalari qobiqda har xil nuqtalarda yoyilgan holda gavdalangan
boʻladi; eshitish a’zosi ham qobiqda barcha sezgi organlariga ham taaluqlidir.
Sun’iy kuzatish metodlari boʻyicha oʻtkazilgan koʻplab tajribalar hozirgi
paytda u yoki bu sezgi turlarining miya qobig‘idagi ma’lum bir joyda chegaralanib
qolishini yetarlicha aniq qilib belgilash imkonini beradi. Jumladan, koʻrish
sezgilari joylashgan qism, asosan bosh miya qobig‘ining ensa qismida
127
joylashgandir. Eshitish sezgilari miya qobig‘i tepa burmasining oʻrta qismiga
joylashgan. Toʻyish – harakat sezgilari miya qobig‘i markaziy burmasining orqa
qismiga joylashgan va h. k.
Sezgining hosil boʻlishi uchun hamma analizatorlar yaxlit bir narsa sifatida
ishlashi darkor. Kuzatuvchining retseptorga ta’siri qoʻzg‘alishning yuz berishiga
olib keladi. Ana shu qoʻzg‘alishning boshlanishi tashqi quvvatning retseptor
yordamida nerv jarayoniga aylanishidan iboratdir. Bu jarayon retseptordan
markazga intiluvchi nerv orqali analizatorning oʻzak qismiga qadar yetib boradi:
qoʻzg‘alish analizatorning qobiqdagi xujayralariga borib yetganda organizmning
qoʻzg‘atuvchi javobi hosil boʻladi. Biz nurni, tovushni, ta’mni yoxud boshqa
sezgilarni sezamiz. Shunday qilib, sezgi tashqi qoʻzg‘alish energiyasining ong
faktiga aylanishi demakdir.
128
Sezgilar xilma-xil
4.3. Sezgilarni klassifikatsiyasi
boʻladi. Turli-tuman sezgini
qaysi sezgi organlari yordami
bilan hosil qilsak, ularni oʻsha organlarga qarab odatda, quyidagi turlarga, ya’ni
koʻrish sezgilari, eshitish sezgilari, hid bilish sezgilari, ta’m (maza) bilish sezgilari,
teri sezgilari, muskul-harakat sezgilari va organik sezgilarga ajratiladi. Sezgi
organlari qayerda ekanligiga va qayerdan qoʻzg‘alishiga qarab, ularni uch guruhga
ajratish mumkin. (4.3.1-rasm.)
Koʻrish sezgilari
Rang va yorug‘likni sezish koʻrish sezgilariga
kiradi. Biz sezadiganranglar xromatik va axromatik
ranglarga boʻlinadi.
Yorug‘lik nurlari uchburchak shisha prizma orqali oʻtib, singanda hosil
boʻladigan ranglar xromatik ranglar deb ataladi. Xromatik ranglar kamalak
ranglari boʻlib, bunga qizil, zarg‘aldoq, sariq, yashil, havo rang, koʻk va binafsha
ranglar kiradi. Bu ranglarning turlari nihoyatda xilma-xil boʻlib, juda koʻpdir. Oq
rang bilan qora rang, shuningdek, xilma-xil hamma kulranglar axromatik ranglar
deb ataladi.
Rang sezish jarayonlarini tushuntirib beradigan eng mashhur nazariya “uch
rangni koʻrish” nazariyasidir. Bu nazariyaning asosiy qonun-qoidalarini rus olimi
M.V. Lomonosov tomonidan 1756-yilda yaratilgan. Nemis fiziologi va fizigi
Gelmgols Lomonosovdan 100 yil keyin oʻsha nazariyani toʻla bayon qilib bergan.
Bu nazariyaga koʻra, toʻr pardaning kolbachalarida uchta asosiy element bor.
Oʻsha elementlardan birining alohida qoʻzg‘alishi qizil rang sezgisini, ikkinchi
birining qoʻzg‘alishi yashil rang sezgisini va uchinchi birining qoʻzg‘alishi
binafsha rang sezgisini hosil qiladi. Yorug‘lik toʻlqinlari birdaniga uchta elementni
bir xilda qoʻzg‘asa, oq rang sezgisi hosil boʻladi. Lekin, yorug‘lik toʻlqinlari ikki
yoki uch elementga ta’sir etsa, ammo bu ta’sir bir tekisda boʻlmasa, u holda
sezuvchi elementlardan har birining qanchalik qoʻzg‘alganligiga qarab, har xil rang
sezgilari hosil boʻladi.
129
4.3.1-rasm. Sezgilar klassifikatsiyasi
“Uch rangni koʻrish” nazariyasi rang sezish jarayonlaridagi koʻrish
organining rolini ochib berishda eng ma’qul nazariya deb hisoblanadi. Ammo bu
nazariya haqiqatda ehtimolga eng yaqin gipotezadir, chunki kolbachalarda rang
sezuvchi uch elementning borligi hali aniq isbot etilgan emas, balki faraz qilinadi,
130
xolos.
Hozirgi vaqtda psixologlar va fiziologlar ranglarni sezish yolg‘iz toʻr
pardasidagi jarayonlar bilangina emas, balki boshqa miya poʻstida boʻladigan
jarayonlar bilan ham bog‘liq ekanligini isbotlashga harakat qilmoqdalar.
Eshitish sezgilari
Eshitish sezgilari tovushlarni sezishdan iboratdir.
Tovushlar musiqiy tovushlarga va shovqinli tovushlarga
boʻlinadi. Tovushlar oddiy va murakkab tovushlarga ham boʻlinadi. Nutq
tovushlari ohangli tovushlar (asosan, unli tovushlar) bilan shovqinlardan iborat
(shovqinlarda undosh tovushlar koʻproq boʻladi). Eshitish sezgilari organi quloq
boʻlib, u uch qismdan: tashqi quloq, oʻrta quloq va ichki quloqdan iboratdir.
Tashqi quloq – quloq suprasi bilan eshituv yoʻlidan iborat. Tashqi quloq havo
toʻlqinlarini yig‘uvchi karnay desa boʻladi.
Tashqi quloq bilan oʻrta quloq oʻrtasida bir parda bor, u nog‘ora parda yoki
oʻrta quloq pardasi deb ataladi. Oʻrta quloq – nog‘ora parda va unga yopishgan
uchta suyakcha: bolg‘acha sandon va uzangidan iborat. Nog‘ora parda,
shuningdek, unga yopishuvchi suyakchalar (bolg‘acha, sandon va uzangi) havo
tebranishlarini ichki quloqqa oʻtkazadi. Oʻrta quloq
maxsus kanal (Yevstaxiy nayi) yordami bilan og‘iz
boʻshlig‘iga va burun boʻshlig‘iga tutashgan.
Ichki quloq yoki quloq labiranti oʻzaro
birlashgan uchta boʻlakdan iborat. Ichki quloqning yuqori qismi uchta yarim joyga
kanaldan, oʻrta qismi kameradan (u ichki quloq dahlizi deb ataladi) va pastki qismi
chigʻanoqdan iborat, ichki quloqning uchala boʻlimi yendolimfa nomli maxsus
suyuqlik bilan toʻla. Ichki quloqning asosiy qismi chig‘anog‘idir. Eshitish
sezgilarining fizik sababi – havo toʻlqinlarining harakati boʻlib, bu havo toʻlqinlari
tovush chiqaruvchi jismlar tebranganda hosil boʻladi.
Inson qulog‘i 20000
yaqin tovushlarni
sezadi
Eshitib sezishlar chog‘ida eshitish organida roʻy beradigan spesifik
jarayonlar sababini anglatishda eng koʻp qabul qilingan nazariya Gelmgols ishlab
chiqqan rezonans nazariyasidir. Bu nazariyaga koʻra havoning toʻlqinsimon
131
harakatlari tashqi va oʻrta quloq orqali ichki quloqdagi endolimfaga oʻtadi. Bu erda
endolimfaga botib turuvchi qillar orqali asosiy membrana tolalari harakatga keladi,
ulardan eshitish nervi ham harakatga keladi.
Odatda detsibel quvvat oʻlchamlarni oʻlchash uchun ishlatiladi, shu bilan
birgalikda tok kuchini, tovush bosimini oʻlchash uchun ham ishlatiladi. Insondagi
eshitish sezgisini oʻlchash uchun ham qoʻllanilad. Insonnning eshitish sezgisining
eng psatki oʻlchami 20 mkPa boʻlsa, yuqorisi taxminan 120 dB deb belgilangan.
Tovush chastotasi amplituda bilan belgilanadi. Oddiy inson 16-20 Gs dan
15-20 kGs gacha boʻlgan diapazondagi tovush tebranishlari chastotasini eshitadi.
Inson eshitish chegarasidan past boʻlgan tovushlar infratovush deb yuritiladi. 1Gs
gacha boʻlgan tovushlar ultratovush, 1GGs gacha boʻlgani gipertovush deb
yuritiladi.
Hid bilish sezgilari
Hid bilish sezgilariga hidlarni his qilish kiradi.
Hidlar nihoyatda koʻp va xilma-xil boʻladi. Hidlarni
klassifikatsiya qilish uchun umumiy bir mezon yoʻq. Hidlar odatda hidli
narsalarning nomi bilan ataladi, masalan, gul hidi, non hidi, olma hidi va hokazo.
Hidlar odatda, xush va noxush deb ikkiga boʻlinadi, lekin bu taqsimot hidlarning
mohiyatini koʻrsatib bermaydi, balki oʻsha hidlarga qanday qarashimizni
koʻrsatadi.
Hid bilish sezgilarining organi burun kovagining yuqori tomoni boʻlib, bu
yerda hid bilish hujayralariva sezuvchi nervning tarmoqlari bor, sezuvchi nervning
tarmoqlari hid bilish sohasining shilliq pardasiga botib turadi.
Hidli moddalar sezuvchi nervni qoʻzg‘aydi, bu qoʻzg‘alish bosh miyaga
oʻtadi, natijada biz turli hidlarni sezamiz. Hid bilish markazi bosh miya yarim
sharlari orqa yuzasining pastki qismida deb faraz qilinadi.
Hidli moddalar hid bilish hujayralariga faqat gaz holatidagina ta’sir etadi va
kimyoviy reaktsiya yoʻli bilan ularni qoʻzg‘aydi. Ma’lumki, hidli moddalarning
hammasi bug‘lanadi va eriydi. Gaz holatidagi moddalar nafas olinadigan havo
bilan burun kavagiga kiradi.
132
Ta’m bilish sezgilari
Ta’m
sezgilariga
bilish
shirin,
achchiq, nordon-shoʻr his qilishlar kiradi. Shu
asosiy ta’m bilish sezgilaridan tashqari, umumiy
klassifikatsiyasi boʻlmagan juda koʻp va xilma-xil
ta’m bilish sezgilari ham bor. Hid bilish sezgilari
kabi ta’m bilish sezgilari ham, muayyan ta’mli
narsa yoki moddalarning nomi bilan ataladi. Masalan, sutning mazasi, yog‘ning
mazasi, goʻshtning mazasi, nonning mazasi va hokazo deb ataymiz.
Insonning ogiz bo‘shlig‘ida
shirinni bilish retseptorlari
33 tagacha, achchiqni sezish
retseptorlari 24 gacha
hamda nordon-sho‘rni his
qilish retseptorlari
18tagacha bo‘lar ekan.
Teri sezgilari
Teri sezgilariga tuyush va harorat sezgilari kiradi,
bu sezgilarning teri sezgilari deb atalishiga sabab shuki,
bu sezgilarning chekka nerv apparatlari (retseptorlar) terida va organizmimizning
tashqi shilliq pardalarida boʻladi.
Tuyush sezgilari – tegish, tarqalishni tuyush sezgilari yoki tuyush
4.3.2-rasm. Esteziometr.
Teri sezgirligini o‘lchaydigan
asbob
tanachalaridan iborat. Taktil sezgilar,
shuningdek, silliq yoki g‘adir-budurni tuyush
sezgilaridir. Biror narsaning tegishini sezish
tashqi ta’sir (qoʻzg‘alish) kuchayganda siqiq
sezishga aylanadi. Qoʻzg‘alish yanada
kuchayganda siqiq og‘riq sezgisiga aylanishi
mumkin. Ammo terida seziladigan har
qanday og‘riq teriga ta’sir etadigan tashqi qoʻzg‘alishga bog‘liq boʻlavermaydi.
Esteziometr (teri sezgirligini oʻlchaydigan asbob) yordamida teri sezgisining
mutloq chegarasini aniqlash mumkin boʻladi (4.3.2-rasm).
Bu asbob keriladigan ikkita oyoqli sirkuldan iborat. Sirkul oʻzagidagi
darajalar oyoqchalarning uchlari oʻrtasidagi masofani koʻrsatib beradi
Biron masofada kerilgan ikki oyoqcha bir vaqtda tekkanda, tekshiriluvchi
kishi ikki yoki bir nuqtani sezayotganligini sinab koʻrish mumkin.
133
Barmoqlarning uchlarida 1 mm dan 2 mm gacha masofada, qoʻl kaftida
10 mm masofada, orqada esa 60-70 mm masofada bir yoʻla ikki oyoqcha
tegayotganligini sezish mumkin ekanligi shu yoʻl bilan aniqlanadi. Oyoqchalar
oʻrtasidagi masofa kamaytirilganda terining oʻsha qismlaridagi ikki ta’sir birbiridan
farq qilinmay, bitta ta’sir deb seziladi. Bir yoʻla ikki ta’sir faqat bitta ta’sir
deb seziladigan teri qismlari “sezgi doiralari” deb ataladi.
134
4.4. Idrok haqida tushuncha
Kishining yana bir muhim
bilish jarayonlaridan biri bu idrokdir.
Narsalar va hodisalarning sezgi a’zolariga bevosita ta’sir qilish jarayonida kishi
ongida aks etishiga idrok deb aytiladi. Idrok narsalarni umuman, uning hamma
xususiyatlari bilan birgalikda aks ettiradi, bunda idrok xissiy bilishning oʻziga xos
xususiyatlari bilan sifat jihatdan yuqori bosqichi sifatida tasavvur qilinadi.
Idrok narsa yoki hodisalarning inson
ongiga bevosita ta’sir etishi natijasida tartibga
solinadigan, alohida sezgilar orqali narsa va
vokealarni yaxlit bir obrazi tarzida birlashtirib
aks ettirilishi jarayonidir. Idrok
qoʻzgovchilarning ayrim xususiyatlarini aks ettiruvchi sezgilardan farq qilib
narsani butunligicha, uning hamma xususiyatlari bilan birgalikda aks ettiradi.
Idrokda qaysi analizator ustunlik qilishiga qarab idrok koʻrish, eshitish, hid
bilish, ta’m-maza, teri-tuyish, kinestetik turlariga ajratiladi.
Analizatorlar orqali hosil bo‘ladigan
sezgilar narsa va hodisalarni to‘g‘ri
aks ettirish uchun miya po‘stlog‘ida
bir-biri bilan birikadi va insonda
narsa va hodisaning yaxlit obrazi
yaratiladi va idrok hosil bo‘ladi.
4.4.1-rasm. Idrok turlari
Idrok oʻziga xos xususiyatlarga ega boʻlgan hissiy bilishning sifati jihatidan
yangi bos’hichidir.
Idrokning predmetliligi deganda uning aniq bir predmetga qaratilishini
tushunamiz. Idrokning predmetliligi tashqi dunyodan olinadigan axborot oʻsha
dunyoga mansubligida ifoda etiladi, masalan, g‘isht bilan portlovchi modda
bog‘lami paypaslab koʻrilganda bir–biriga juda ham oʻxshash boʻlib koʻrinishi
135
mumkin, lekin ularning amalda qay tarzda ishlatilishi bilan bog‘liq asosiy
xususiyatlari borki, bunda idrokning predmetliligi yordam beradi.
4.4.2-rasm. Idrok xususiyatlari
Idrokning yana bir xususiyati uning yaxlitligidir. Idrokning yaxlitligi
deganda narsa va hodisalarni yaxlitligicha ongimizdaaks ettirishni tushunamiz.
Idrok sezgi a’zolariga ta’sir qiluvchi narsalarning ayrim xususiyatlarini aks
ettiruvchi sezgilardan farqli ularoq, narsalarning yaxlit obrazidir. Oʻz-oʻzidan
ravshanki, bu yaxlit obraz narsaning ayrim xususiyatlari va belgilari haqida turli xil
sezgilar tarzida olinadigan umumlashtirish negizida tarkib topadi.
Idrokning konstantligi ham uning muhim xususiyatlaridan biridir. Idrokning
narsalar bilan qilinadigan faoliyat jarayonida shakllanadigan konstantligi – kishi
hayoti va faoliyatining zarur shartidir. Konstantlik tufayli biz atrofimizdagi
narsalarning shakli, katta kichikligi, rangi va shukabilarni nisbatan oʻzgarmas
tarzda idrok qilamiz. Masalan, teatrda oʻtirgan odamlarning yuzlariga uzoqdan
qarasak, ular bizga oʻzgarmas, haqiqiy odamlardek koʻrinadi, aslida koʻz toʻr
136
pardasiga uzoqdagi narsalarning aksi kichik boʻlib tushadi. Yoki yuqori qavatdan
turib pastga qarasak odamlar, mashinalar juda kichik boʻlib koʻrinadi, lekin biz
ularni oʻz holicha idrok qilamiz. Konstantlik xususiyati narsaning va uning yashash
sharoitining birligini aks ettirar ekan, tevarak-atrofdagi olamning nisbatan
barqarorligini ta’minlaydi.
Kishining idroki uning tafakkuri bilan uzviy bog‘liq, narsani ongli idrok
etish–unga fikran nom berish, sinfga kiritish, uni suz vositasida umumlashtirish
demakdir. Idrok sub’yektning bundan oldingi tajribasiga bog‘liq boʻladi. Kishining
tajribasi qanchalik boy boʻlsa, uning bilimlari qanchalik koʻp boʻlsa, uning idroki
ham shunchalik boy boʻladi, bunda u shunchalik koʻp narsalarni koʻra oladi.
Idrokning mazmuni kishi oldiga qoʻyilgan vazifa bilan ham, uning faoliyat
sababalari bilan ham belgilanadi.
Figura va fonning ilgarigi
harakatga bog‘liqligi
qonuni
Bu bizdagi idrok jarayonlarining
faolligimizga, ob’ektga munosabatimizga bevosita
bog‘liqligini koʻrsatib turibdi. Agar talaba biror fan
predmetidan qarzdor boʻlib qolsa, och qoringa yegan shirin taomi ham
“ta’timaydi”, hatto nima yeganini ham unutib qoʻyadi. Yomon kayfiyat koʻproq
qora, nursiz ranglarni idrok qilishga moyil boʻlsa, yaxshi koʻtarinki kayfiyat,
aksincha, hamma narsani eng yoqimli ranglarda “koʻradi”. Bu yana bir bor
idrokning oddiygina aks ettirish yoki bilish jarayoni emas, balki shaxsdagi faol
ustanovkalarga bog‘liq boʻlgan, mantiqan asoslangan ongli jarayon ekanligini
isbotlaydi.
Bu qonunning ma’nosi: odam ilgarigi tajribasida boʻlgan, bevosita toʻqnash
kelgan, tanish narsalarini idrok qilishga moyil boʻladi. Agar biror predmetni u
ilgari figura sifatida idrok qilgan boʻlsa, demak, keyingi safar ham uni aynan
figuraday idrok qiladi, agar fon boʻlgan boʻlsa, tabiiy, fonday qabul qiladi. Bu
qonunning hayotdagi oʻrni chet davlatlarda borgan turistlar tajribasiga tayanib
tushuntirilishi mumkin. Oʻzbekistonliklar Yer kurrasining qaysi burchagida
boʻlmasin, oʻzbek doʻppisi yoki atlas koʻylakni juda tez ilg‘ab oladilar va suyunib
ketadilar ham. Yonidagi sheriklari oʻzbek boʻlsa ham, aynan doʻppili oʻzbekni
137
koʻrib, koʻzlari yashnab ketadi. Boshqa millat vakillari, masalan, nigeriyalik ham
milliy koʻylagida yurgan boʻlishi mumkin, lekin oʻzbek turist uchun bu kiyim fon
edi, fonligicha qoladi ham.
4.4.3-rasm. Idrok qilish jarayonlariga xos qonuniyatlar klassifikatsiyasi
Bu qonun ma’lum ma’noda oldingisiga bog‘liq. Ya’ni bunda ham ilgarigi
tajriba katta rol oʻynaydi. Ma’nosi: odam oʻziga tanish boʻlgan narsalarni oʻsha
xossa va xususiyatlar bilan oʻzgarishsiz idrok qilishga moyildir. Masalan, samolyot
ichida oʻtirib yerga qaraganmisiz? Avtomobil yoʻllari, ularda harakat qilayotgan
mashinalar kichkina koʻrinadi, lekin biz ularni hozir kichrayib qolgan, deb idrok
qilmaymiz-ku? Aslida koʻz qorachig‘imizdagi aks kichkina boʻlsa-da, ularni
oʻzimiz “toʻg‘rilab” alohida predmetlar sifatida idrok qilaveramiz.
Bu oʻrinda bir etnografning Afrikadagi kuzatishi xarakterli. U kunlarning
birida pigmeylar deb ataluvchi qabila vakillaridan biri bilan quyuq oʻrmondan
chiqqan (bu qabilaning umri qalin oʻrmonda oʻtadi). Roʻparada yaylovda sonsiz
mollar podasi oʻtlab yurgan boʻlgan. Etnograf ularni oddiy mollar podasi sifatida
idrok qilgan, pigmey esa ularni chumolilarga oʻxshatib, ularning koʻpligi va
kichikligidan hayratlangan. Olimda idrokning konstantligi namoyon boʻlgan
boʻlsa, uning sherigida uning buzilganligi kuzatilgan.
138
Demak, idrokimizning konstantligi, ya’ni ilgarigi tajriba asosida
narsalarning xossa va xususiyatlarini oʻzgartirmay, turg‘un holda yaxlit tarzda
idrok qilish xususiyati bizga tashqi muhitda toʻg‘ri moslashuvimiz, narsalar
dunyosida adashmasligimizni ta’minlaydi. Konstantlik – “constanta” soʻzidan
olingan boʻlib, oʻzgarmas, doimiy degan ma’noni bildiradi.
Koʻpincha bizning idrokimiz ayni paytda biz nimalarni kutayotganimizga
bog‘liq boʻlib qoladi. Biz oʻzimiz kutgandan ham koʻp paytlarda oʻzimiz koʻrgimiz
kelgan narsalarni koʻramiz, eshitgimiz kelgan narsani eshitamiz. Masalan, kechasi
yolg‘iz qolib kimnidir kutayotgan boʻlsangiz, har qanday juda sekin sharpa ham
oyoq tovushlariga oʻxshayveradi. Sog‘ingan doʻstingizga biror jihati bilan
oʻxshash boʻlgan odamni koʻrsangiz-chi?
Shunday qilib, inson idroki shaxsiy ma’no va ahamiyat kasb etgan ma’lumot
vositasida ongdagi boʻshliqni toʻldirishga harakat qiladi. Birovning orqadan
chaqirishini kutayotgan boʻlsangiz, negadir albatta, bosh harfi toʻg‘ri kelgan ismni
aytsa ham tezginada oʻsha tomonga oʻgirilib qaraysiz. Aynan shunday hodisalar
ba’zan idrokdagi xatoliklarning kelib chiqishiga olib keladi. Amerikalik olim J.
Begbi, stereoskop orqali amerikalik va meksikalik bolalarga shakli unchalik aniq
boʻlmagan slaydlarni birin-ketin koʻrsatgan. Amerikalik bolalar ularni beysbol
oʻyini, oq sochli qiz ifodalangan desalar, meksikalik bolalar ularni buqalar jangi,
qora sochli qiz, deb ta’riflaganlar. Koʻpchilik bolalar esa koʻrsatilgan ikkita
rasmdan faqat bittasini koʻrganini e’tirof etganlar. Demak, bizning idrokimiz,
uning mazmuni madaniy va ma’naviy muhitga ham bog‘liq boʻlib, bu kutishlar
tizimidan kelib chiqarkan.
Bu qonunning mohiyati shundaki, muntazam ta’sir etuvchi ma’lumot ongda
uzoq ushlab turilmaydi. Masalan, oʻtirganingizda soatning chiqqilashini
eshitganmisiz? Ha, tovush eshitiladi, lekin ma’lum vaqt oʻtgandan soʻng goʻyoki u
yoʻq boʻlib qolganday – eshitilmaydi. Yoki eksperiment sharoitida yolg‘iz bitta
nuqtadagi yorug‘lik manbai koʻzga ta’sir etilib, koʻz ham shu nuqta bilan bir
vaqtda harakatga keltirib turilganda, 1-3 sekunddan soʻng odam yorug‘lik
manbaini koʻrmay qoʻygandek. Shunga oʻxshash eksperimentlar barcha idrok
139
turlarida ham sinalgan. Past ohangli kuy ham ma’lum vaqtdan keyin
eshitmaganday hisni keltirib chiqarishini sinab koʻrishingiz mumkin.
Nutq vositasida hadeb bir xil soʻzlarni qaytaraverish psixoterapevtik
amaliyotda gipnotik holatni keltirib chiqaruvchi omil sifatida ishlatiladi. Chunki
bir xil soʻzlar hadeb qaytarilaversa, ular oʻzining ma’no-mohiyatini ham yoʻqotadi.
Masalan, mahoratli raqqosa har qanday raqsga ham chiroyli, jozibali harakatlar
bilan oʻyin tushib ketaveradi.
Idrok qilayotgan shaxs uchun figuraning anglanganlgi, uning zarurati va
ma’nosi katta ahamiyatga ega boʻladi. Agar biz kuzatayotgan predmet,
eshitayotgan nutq yoki his qilayotgan narsamiz ma’nosiz, tushunarsiz, noaniq
boʻlsa, biz juda tez charchaymiz va toliqamiz. Masalan, xitoy tilini bilmaydigan
odam shu tilda soʻzlashuvchilar orasiga tushib qolsa, psixologik jihatdan juda
qiynaladi. Ya’ni, bizga barcha narsalarda biror ma’no va mazmun kerak. Odam
odatda tushunadigan narsasinigina idrok qiladi. hattoki, ma’ruzachining bugun
tushuntirayotgan ma’ruzasidagi faktlar sizning tushunchalaringiz va bilim
doirangizdan uzoq boʻlsa, professorga qarab oʻtirgan boʻlsangiz ham uning gaplari
qulog‘ingizga kirmaydi. Shunday paytlarda “Nima deyapti oʻzi?” deb
qoʻshnimizdan soʻrab qoʻyamiz ham, zero, ma’ruzachi oʻsha biz uchun qadrdon va
ona tili hisoblanmish oʻzbek tilida gapirayotgan boʻlsa ham. Sinab koʻrish uchun
oʻrtog‘ingizga bir nechta soʻzlardan iborat qatorni bering. Ular orasida mazmunan
bir-biriga bog‘liq boʻlmagan soʻzlar, hattoki ma’nosiz (teskarisiga yozilgan
soʻzlar) boʻlsin. Oraga 2-4 ta tanish oʻzbek tilidagi soʻzlardan aralashtiring. Bir
daqiqa mobaynida qarab, eslab qolganini qaytarishni soʻrasangiz, oʻsha 2-4 ta
soʻzlardan boshqalarni deyarli “koʻrmaganining” guvohi boʻlasiz.
Biz idrok jarayonida ilgarigi tajribaga tayanganimiz bilan koʻpincha adashamiz,
ba’zan esa oʻzimiz uchun yangiliklar ochib, tajribani yanada boyitamiz. Ilgarigi
tajriba va kelajakni bashorat qilish insonga xos xususiyat boʻlib, bizning sezgi
organlarimiz orqali keladigan ma’lumotlarning koʻlami va imkoniyatlarini yanada
oshiradi. Shu nuqtai nazardan olib qaralganda, idrok – tashki muhit toʻg‘risidagi
taxminlarimizni isbot qilishga qaratilgan faol jarayondir.
140
Idrok qilish haqida fikr yuritar
4.5. Pertseptiv obrazni tashkillashtirish
ekanmiz uning shakllari haqida
toʻxtalib oʻtishimiz zarurdir. Fazoni
Fazoni idrok qilish
idrok qilish toʻg‘risida gapirar ekanmiz, biz
narsalarning fazodagi shakllarini, katta-kichikligini
va fazodagi oʻzaro munosabatlarini tushunamiz. Ma’lumki, fazodagi shakllarga
qarab uch burchakli, toʻrt burchakli, kub, silindir kabilarga ajratiladi. Narsalar katta
- kichikliga qarab katta, kichik, oʻrtacha deyiladi. Fazodagi munosabatlariga qarab
bizga nisbatan yaqin yoki uzoq, bizdan oʻng tomonda yoki chap tomonda, yuqorida
yoki pastda deyiladi. Tevarak - atrofimizni qurshab olgan moddiy olamdagi barcha
narsalar fazoda joylashgan boʻlib, muayyan oʻrin egallaydi, ulardan har birining
oʻz katta-kichikligi, hajmi va shakli bor. Ular bizga va boshqa narsalarga nisbatan
malum masofada turadi. Narsalarning ana shunday fazoviy holatlarini ко z о
‘ngimizda aks ettirishimiz fazoni idrok qilish deb ataladi.
4.5.1-rasm. Idrok shakllari
Biz faozoni asosan koʻzimiz orqali idrok qilamiz. Uni bir koʻz bilan
(monokulyar) va ikki koʻz bilan (binokulyar) idrok qilish mumkin. Koʻz
gavxarining, umuman, koʻzning ravshan koʻrish uchun uyg‘unlashuvini
akkomadasiya deb ataymiz.
Konvergasiya ma’lum bir narsaga qaraganda ikkala koʻz soqqasining
141
qanshar tomon barobar burilishidir. Idrok qilinayotgan narsa kanchalik yaqin tursa,
koʻz soqqalari bir-biriga, ya’ni qanshar tomonga shunchalik yaqin buriladi, koʻrish
uqlari ham bir-birini shunchalik yaqin kesib oʻtadi.Koʻz konvergensiyasi ayniqsa
masofani, yiroqni, chuqurlikni, aniq, raso idrok qilishga imkon beradi.
Fazoni biz faqat koʻrish orqali idrok qilmasdan balki teri-tuyish va muskulharakat
sezgilari orqali ham idrok qilamiz. Maydaroq narsani shaklini, ularning
katta-kichikligini, holatini teri sezgisibilan ya’ni ushlab koʻrib idrok qilamiz.
Vaqtni idrok qilish
Biz idrok qilib turgan narsa va hodisalar
ma’lum bir vaqt (zamon) davomida paydo boʻladi,
taraqqiy qiladi va oʻzgarib boradi. Narsalar harakati va oʻzgartshidagi oldinmaketinlik,
tezlik va davomiylikning odam ongida aks ettirilishi vaqtni idrok qilish
deb ataladi. Vaqtni idrok qilishni vaqt “boʻlaklarini” soat va xronometrik asboblar
yordamida ulchash deb tushunishyaramaydi. Kishi xuddi bir xilda boʻlgan vaqt
boʻlagi “daqiqa, soatyoki kun”ning ob’yektiv davomini hamisha bir xilda
sezavermas ekan. Ba’zan bir soat bir daqiqaday tez oʻtib ketadi yoki bir kun bir
yildek tuyuladi. Biz vaqtni “uning toʻxtovsiz borishi, choʻzilishi va davomini”
idrok qiladigan maxsus bir organga ega emasmiz. Oʻtayotgan vaqt avvalo
atrofimizdagi narsa va hodisalarning oʻzgarib va almashinib turishidan bilinadi.
Shu sababli vaqtni idrok qilish hamma sezgi a’zolarimiz faoliyati bilan bog‘langan
deb aytish mumkin.
Maxsus mashq qilib, oʻtayotgan vaqtning ayrim xissalarini mumkin qadar
aniq belgilay bilish qobiliyatini oʻstirish mumkin. I.P.Pavlov itlarda ovqatning
kelish vaqtini his qiladigan shartli reflekslar hosil qilgan edi. Bunday refleksni
odamlarda hosil qilish mumkin.
Bundan tashqari moddiy olamdagi narsalar doimo harakatda va
о‘zgarishdadir. Bu harakat va о‘zgarishlar ma’lum bir vaqt ichida yuz beradi.
Harakatni idrok qilish deb narsalarning fazoda oʻrin almanishini idrok qilishga
aytiladi. Harakatni idrok qilish hayotiy muhim ahamiyatga egadir.
142
Harakatni idrok qilish
Harakatni idrok qilishga imkon beradigan
usullardan ikkinchisi ob’yektning harakatiga koʻz
bilan qarab turishdir. Bunda harakat qilayotgan ob’yektning tasviri koʻz toʻr
pardasiga nisbatan bir oz harakatsiz boʻlib qoladi. Biroq biz, shunday boʻlsa ham,
ob’yektning harakatini koʻramiz. Ob’yektlarning fazoda egallagan holati
oʻzgarishining aks ettirilishi harakatni idrok etish deyiladi.
Idrok odamning faoliyati bilan chambarchas bog‘liq jarayondir. Agar biz
biron rasmga mahliyo boʻlib uning qarshisida qimirlamay tursak ham, baribir biror
aqliy ishni amalga oshiramiz, aks holda hech narsani anglay olmagan boʻlamiz.
Odatda bizning ongli idrok qilishimiz bilib olishimiz lozim boʻlgan qandaydir
konkret masalani yechishdan iboratdir. Uni maxsus pertseptiv faoliyat (lotincha
“perception” - idrok) deb atash mumkin. Bizning ongli idrok etishimiz persepsiya
deyiladi.
4.5.2-rasm. Idrok darajalari.
Idrokning kishi psixik hayoti mazmuniga, shaxsiga hos xususiyatlariga,
oʻtmish tajribaga bog‘liqligi appertseptsiya (lotincha “ap”-taalluqli+
143
“perception”-idrok demakdir) deb ataladi. Ayni bir narsa yoki hodisani ayrim
kishilarning idrok etishida koʻrinadigan ba’zi xususiyatlar appersepsiya bilan
belgilangan boʻladi. Bu xususiyatlar odamning tajribasi va bilimlariga bog‘liq
xususiyatlardir. Kishilar ayni bir narsa yoki hodisani yoshlari, ma’lumoti, turmush
tajribasi, kasbi, temperament, xarakter, qobiliyat va qiziqishlarida koʻrinadigan
shaxsiy xususiyatlariga qarab har xil idrok etadilar.
Turli kasb kishilari bitta narsaning oʻzini turlicha idrok qiladilar. Gulni
koʻzdan kechirayotgan rassom guldagi ranglarning uyg‘unligiga e’tibor bersa,
botanik qaysi sinfga mansubligi nuqtai-nazaridan qaraydi. Biron narsani idrok
etayotganda bundan oldingi idrokning izlari ham faollashadi. Shuning uchun ham
aynan bir narsani kishilar turlicha idrok etadilar.
Gallyutsinatsiya – (lotincha “hallucination” - alahlash, bosinqirash,
valdirash) real voqelikdagi narsa va hodisalarning analizatorlarga bevosita
ta’sirisiz ongimizda turli obrazlarning xayoliy ravishda paydo boʻlishidan iborat
psixopatologik hodisa.
Gallyutsinatsiya sezgi a’zolarimizning normalariga qarab koʻruv, eshituv,
hid va boshqa turlarga boʻlinadi. Gallyutsinatsiya psixik kasallikning belgisi
boʻlib, bosh miya qobig‘idagi qoʻzg‘alish jarayonlarining patologik sustligi
natijasida, ba’zan nerv sistemasining zaxarlanishi yoki haddan tashqari toliqishi
natijasida roʻy beradi. Masalan, choʻlda suvsagan kishi uzoqda yarqirab turgan
shoʻrlagan yerni koʻl deb oʻylashi yoki oʻrmondagi toʻnka qurqoq odamning
koʻziga bironta yirtqich hayvonga oʻxshab koʻrinishi mumkin. Gallyusinasiya
tashqi olamda yoʻq narsalarni idrok qilishdir. Yoʻq narsalarning koʻzga koʻrinishi,
yoʻq ovozning eshitilishi, yoʻq xidning dimoqqa urilishi gallyusinasiyadir.
Gallyusinasiya paytida kishi guyo bir narsani aniq koʻrgandek, eshitgandek,
ushlagandek, his bilgandek tuyuladi.
Narsalarni notoʻg‘ri, buzib idrok qilish illyuziya deb ataladi.Idrok qilib
turgan shaxsningpsixikasida roʻy beradigan oʻzgarishlar bilan bog‘liq tasodifiy
illyuziyalar ham boʻladi. Illyuziyalar qoʻyidagi koʻrinishda boʻladi:
Ochiq (yorqin) va boʻgiq rang illyuziyasi.
144
Kontrastlik illyuziyasi.
Butun xususiyatlarning boʻlaklarga koʻchishi illyuziyasi.
Narsalar tepa qismining kattalashib koʻrinishi illyuziyasi.
Chiziqlar yoʻnalishining oʻzgarishi illyuziyasi.
Perspektiva illyuziyasi.
Illyuziyalar xatto nutqda ham uchraydi. Masalan, ba’zida, kishi «men
boshqacha tushunibman» deydi.
145
lekin ilgari idrok qilgan narsalarni aks ettira olamiz.
Tasavvurlar
tufayli ayni paytda koʻz
oʻngimizda
boʻlmagan
Yakka tasavvur deb birorta yakka narsa yoki hodisaning obrazini tasavvur
qilishga aytiladi. Masalan: tanish boʻlgan odamlar (oʻrtogi, sinfdoshi haqidagi) va
shaxsiy narsalari haqidagi (avtoruchkasi, portfeli kabi)
tasavvurlar.
4.6. Tasavvur haqida tushuncha
Umumiy tasavvur deb bir jins, bir tur, bir
guruhni tashkil qilgan narsalarning obrazlarini tasavvur
etishga aytiladi. Masalan: odamni, daraxtni yoki oʻsimlikni tasavvur qilish. Odamda
dastavval yakka tasavvurlar undan keyin esa umumiy tasavvurlar yuzaga keladi.
Chunki umumiy tasavvurlar bir qancha bir-biriga oʻxshash narsani qayta-qayta idrok
qilish natijasida hosil boʻladi.
Ilgari idrok qilingan narsa
va hodisalar obrazlarining
ongimizda qayta
gavdalanishiga tasavvur
deb ataladi.
4.6.1-rasm. Tasavvurning bo‘linishi.
Esda olib qolish va qayta esga tushirish tasavvur obrazlari asosida amalga
oshiriladi. Odatda mazmun jihatdan ikki xil tasavvur ya’ni xotira tasavvuri va
xayoliy tasavvur farqlanadi.
Xotira tasavvuri – ilgari idrok qilingan, ya’ni ilgari oʻz shaxsiy tajribamizda
boʻlib oʻtgan, lekin hozir koʻz oʻngimizda boʻlmagan narsalarning obrazlarini
ongimizda gavdalantirishdan iboratdir. Masalan, birinchi marta maktabga
borganimizdagi taassurotlarni ongimizda qayta tiklashimiz xotira tasavvuri boʻladi.
Xayoliy tasavvuri – xotira tasavvuriga qaraganda murakkab boʻlib, ongimizdagi
146
bilimlarimiz, tajribamiz asosida ilgari idrok qilinmagan, shu vaqtgacha turmush
tajribamizda uchratmagan narsalarning obrazlarini yaratishdan iboratdir.Xayoliy
tasavvur ijod qilish jarayoni bilan bog‘liq boʻlgan tasavvurdir. Masalan: matndagi
obrazlarning tasvirlanishiga qarab, ular obrazlarining koʻz oldimizda paydo boʻlishi
xayoliy tasavvurga misol boʻla oladi.
Tasavvurlar narsa va hodisalarni bevosita idrok qilish orqali hosil boʻlishdan
tashqari soʻzlar orqali, ya’ni soʻz bilan biron narsani tasvirlab berish orqali ham hosil
boʻlishi mumkin. Tasavvur obrazlarining toʻla va ravshan boʻlishi birinchi navbatda
idrokning chuqur va toʻlaligiga bog‘liqdir. Unchalik e’tibor bermay palapartish idrok
qilgan narsalardan hosil boʻlgan obrazlar juda xira boʻladi. Binobarin, bunday obrazlar
tasavvurda qayta tiklanganda undan ham xira va noaniq boʻladi.
Bundan tashqari tasavvur obrazlarining sifati odamning ayni chog‘dagi
ahvoliga, his-tuyg‘ulari va diqqatiga bog‘liq boʻladi. Chunonchi, tobi qochib, kayfiyati
buzilib (koʻngli biron narsaga g‘ash boʻlib), diqqati chalg‘ib turgan vaqtda odam idrok
qilgan narsalarini yaxshi va osonlik bilan tasavvur eta olmaydi. Idrok qilish jarayonida
qaysi sezgi a’zosining ustunlik qilishiga qarab tasavvurlar turlarga ajratiladi:
4.6.2-rasm. Tasavvur turlari
Insonlarning kasbiga qarab tasavvurlarning ayrimlari nisbatan kuchli rivojlanadi.
Masalan: rassomlarda koʻrish tasavvuri, bastakor va sozandalarda eshilish tasavvuri,
raqqosalarda harakat tasavvuri nisbatan ustun turadi.
147
4.7. Xayol haqida tushuncha
Predmet va hodisalarning
obrazlari garchi kishining
xayoliy tasavvurlarida ilgari u
shu holda idrok qilmagan tarzda vujudga kelsa ham, biroq bu obrazlar hamisha kishi
hayotida kuzatgan elementlar, qismlardan tashkil topgan boʻladi. Xayolni koʻpincha
fantaziya deb ataydilar, holbuki, ba’zan "fantaziya"
degan soʻz bilan haqiqiy hayotga kam aloqador xayolni
tushinadilar. Xayoining boyligi idrok qilish
koʻnikmasiga, predmetlar va hodisalarning obrazlarini
kuzatish va xotirada saqlab qolishga bog‘liq boʻlib, ular keyinchalik qayta ishlab
chiqiladi. Bu jarayonda tafakkur muhim rol oʻynaydi. Tafakkur fantaziya natijalariga
tuzatishlar kiritadi, ya’ni tanqidiy baholaydi. His-tuyg‘ular ham xayolga ta’sir
koʻrsatadilar va ularning oʻzlari koʻp jihatdan xayolga bog‘liq boʻladilar. Nihoyat
kishining xayoli bilan yaratilgan ijodiy niyatlarni amalga oshirish uchun iroda zarur
boʻladi.
Xayolning fiziologik asosi - miyaning katta yarim sharlar poʻstlogʻida ilgari
hosil muvaqqat bog‘lanishlar oʻrtasida yangi birikmalarning paydo boʻlishidir. Avvalgi
bog‘lanishlarning tiklanishi – bu xotira jarayonlaridir. Xayolning ishlashi uchun bu
bog‘lanishlarning miya poʻstlog‘ida hali mavjud boʻlmagan, lekin u yerda bor
qoʻzg‘alishlarning qoldiqlaridan tashkil topadigan birikmali yangi sistemalari vujudga
keiishi zarur. Xayol ikkala signal sistemasining faoliyati bilan mustahkam bog‘langan.
Agar kishi tegishli sezgilar, idroklarga ega, ya’ni atrofdagi voqelikning dastlabki
signallarini olgan taqdirdagina, unda narsalar va hodisalar toʻg‘risidagi obrazlar,
tasavvurlar hosil boʻlishi mumkin.
Xayol turlari
Xayol o‘zining faolligi va faolligi bilan
xarakterlanadi. Shu bilan birga xayol kishini faollikka undovchi kuch, turtki sifatida
ham ishlaydi. Lekin ayrim hollarda xayol faoliyatning o‘rnida, ya’ni soxta faoliyat
sifatida harakat qilishi mumkin.
Biz ilgari idrok qilgan va
qilmagan predmet va
hodisalarni yaratishdan
iboratpsixik jarayon xayol
deb ataladi.
148
4.7.1-rasm.
Odam og‘ir ahvolga tushganda, biror masalani yecha olmaganda, o‘z xatolaridan
qochishga harakat qilgani kabi hollarda u foydasiz orzularga, real hayotdan uzoq
fantastika olamiga kirib ketishi mumkin. Bunday hollarda kishi amalga oshirib
bo‘lmaydigan ish-harakat rejalarini tuzadi. Xayolning bunday turi sust xayol deb
ataladi. Sust xayol ixtiyoriy yoki ixtiyorsiz yuzaga kelishi mumkin. Ixtiyoriy ravishda
yuzaga keltirilgan, lekin hayot bilan, real hayotdagi faollikka olib kelmaydigan sust
xayol turi shirin xayol deb ataladi. Qandaydir quvonchli, yoqimli narsalar haqida shirin
xayollarga berilish hammaga xos. Ammo inson hayotida shirin xayol kechirish hollari
ko‘proq bo‘lsa, bu shaxsning sustligidan dalolat beradi. Sust xayol ixtiyorsiz ravishda
ham yuzaga kelishi mumkin. Xayolning bu turi asosan ong faoliyatining, ikkinchi
signallar sistemasining susayishida, odamning vaqtinchalik harakatsizlik holatida,
uyqusirash holatida, affekt holatida, uyquda (tush ko‘rish), ongning kasallikka uchrab
buzilishida (gallyusinasiya) va shu kabilarda sodir bo‘ladi.
Sust xayolning aksi bo‘lgan faol xayol ijodiy va qayta tiklovchi xayol turlariga
bo‘linadi.
Ma’lum bir asosga yozuvlarga, chizmalarga asoslanib, ularga muvofiq
keladiganobrazlar tizimini yaratuvchi xayol qayta tiklovchi xayol deyiladi.
Ijodiy xayol qayta tiklovchi xayoldan farq qilgan holda, original va qimmatli
149
moddiy mahsulotlarda amalga oshiriladigan yangi obrazlarni yaratish. Ijodiy xayol
barcha turdagi texnik, badiiy va boshqa ijodiyotning ajralmas qismini tashkil qiladi.
Xayol obrazlari (fantaziya) qanday yaratiladi? Xayol jarayonlari ham idrok,
xotira, tafakur kabi analitik va sintetik xarakterga ega. Analiz idrok va xotiradayoq
ob’yektning ayrim umumiy belgilarini ajratish va saqlash hamda muhim bo‘lmagan
belgilardan chetlashish imkoniyatini beradi. Analiz va undan keyingi sintez natijasida
andoza, etalon hosil qilinadi. Shu etalonga suyangan holda tashqi olam, borliq,
predmetlar va hodisalar o‘rganiladi.
Xayol jarayonlari
Analiz va sintez xayol jarayonida boshqacha
o‘ringa va yo‘nalishga ega. Chunki xayol jarayonida
yangi, avval bo‘lmagan obrazlar, tasavvurlar yaratiladi. Albatta bunda yangilik va
eskilik o‘rtasidagi izchillik saqlanib qoladi. Xayol jarayonlarida tasavvurlar sintezi
turlicha amalga oshiriladi.
Agglyutinatsiya yoʻli bilan ertak obrazlari, fsonalar, multfilmlar yaratiladi. (Suv
parisi, tovuq oyoglda turgan uycha, hind afsonalaridagi koʻp qoʻlli xudolar, yetti boshli
ajdar vxk) Hozirgi zamon agglyutinatsiyasidan texnik, badiiy ijodiyotda keng
foydalanilmoqda. Masalan, samolyot amfibiya (yunon. amibtos – ikki yoqlama hayot
kechirish) quruqlik va suvga moslashgan gidrosamolyot, avtokran – avtomobil va kran
qo‘shilmasi va boshqalar
Tassavvur formalarini oʻzlashtrish jihatidan agglyutinatsiyaga yaqin turuvchi —
giperbolizatsiya yunon “huperbole” - boʻrttirish, kuchaytirishdir, ya’ni obrazlarni
kattalashtirish yoki kichraytirishdir.
Urg‘u berish. Fantaziya obrazlarini yaratishning yana bir yo‘li narsalarning
kanaydir sifatlarini, belgilariga urg‘u berish, ularga diqqatni turli yo‘llar bilan jalb
qilishdir. Bu usullar ayniqsa satirik jurnallarda ko‘p qo‘llaniladi. Bu yo‘l bilan o‘rtoqlik
hazillari va turli karikaturalar yaratiladi.
Sxematizatsiya (sxemalashtirish) – biror mavjud narsadan andaza olib, shu
andaza asosida obrazlar yaratish. Masalan, rassomlar turli o‘simliklarning obrazi
asosida naqshlar yaratidilar.
150
Tipiklashtirish (yunoncha “tupos” – iz, chiziq)dan badiiy adabiyotda keng
qoʻllaniladi, ular orqali narsalarning takrorlanadigan muhim tomonlari ajratilib konkret
obrazlarda gavdalantiriladi. Bu usul bilan oʻrtoqlik hazillari, karikaturalar yaratiladi.
Xayoining ishlashi uchun bilimlar nihoyatda zarur boʻladi. Xayoli jamiyat uchun
foydalinarsalarni yaratishga qaratilgan kishilarda bilim ayniqsa koʻp boʻladi. Xayol
bunday kishilarni ijod qilishga, gipotezalar yaratishga, ularni tekshirib koʻrishga
undaydi, bilim va tajriba esa kishining fikr doirasini kengaytirib, fantaziya uchun boy
ma’lumot beradi.
Xayolning orzu va fantaziya kabi shakllari farqlanadi. U ham mustaqil tarzda
yangi obrazlar yaratishdan iboratdir, lekin orzu hamisha kelajakka qaratilgan boʻlib,
kishining istaklarini ifodalaydi. Ijodiy xayoldan farqli orzu ayni vaqtdagi faoliyatga
bevosita kiritilmagan boʻladi. Orzu qilishning ikki xili: foydali va zararli (quruq
soʻzlar) orzular boʻladi. Ma’lum maqsadga intilgan kishilarning orzulari butunlay
boshqacha xarakterga ega boʻladi. Fantaziya “goʻyo” degan soʻz yordami bilan oʻyinga
olib kirilgan xayoliy vaziyatdir. Fantaziya oʻyin faoliyatming dasturi sifatida namoyon
boʻla oladi. Masalan, bola goʻyoki oʻzini shifokor hisoblab kasallarni davolaydi.
Xayol odatda kechinmalarga boy boʻladi. Xayolda tasvirlanadigan yorqin
manzaralar koʻpincha yuksak ta’sirchanlik oqibatida vujudga keladi. Qoʻrquv
tuyg‘usi kishini xayoliy xavf-xatarlarni tasavvur etishga majbur qiladi va aksincha bu
xavf-xatarlarni xayol qilish qoʻrquv tuyg‘usini koʻp marta kuchaytirishi mumkin. Bu
narsa quvonch yoki qayg‘u emotsiyalariga ham taaluqlidir. Xayol ularni
kuchaytiradi, bu kechinmalarning oʻzi esa xayolni kuchli ravishda ishlashga undaydi.
Kuchli faol xayol surish buyuk mutafakkirga xos zarur narsalardir.
Faktlar hodisalar va voqealarni noaniq koʻrsatish, boʻrttirib yuborish, yoki
kamaytirishga moyillik koʻpincha xayol ustidan nazoratning yoʻqligi tufayli yuz
beradi. Bu sifat ayrim bolalarda mavjud boʻlib ular yolg‘on gapirganlarida ba’zan
haqiqiy narsa bilan xayoldagi narsani aralashtirib yuboradilar, lekin yillar oʻtishi
bilan toʻg‘ri tarbiyalangan bolalardagi bu kamchilik yoqoladi. Bunday sifat katta
yoshdagi kishida avj olsa ancha yomon boʻladi. Bu kishi oʻziga oʻzi baho berishda
haqiqatda oʻzida yoʻq ustunlik mavjud deb tasavvur qilishi mumkin. Bunday kishi
151
oʻz kamchiliklarini sezmaydi va atrofdagi kishilar nafratini qoʻzg‘atuvchi
maqtanchoq boʻlib qolishi mumkin. Aksincha ong tomonidan nazorat qilib
turiladigan xayol oʻz-oʻzini tanqidiy baholashga yordam beradi. Chunki kishi
oʻzining qanday boʻlmoqchi ekanligini aniq tasavvur qiladi.
Oʻqituvchi darsga tayyorgarlik koʻrar ekan uning borishini tasavvur qiladi.
Oʻquvchilarning ehtimol tutilgan ta’sirlanishlarini savol va javoblarini oldindan
payqab oladi. Xayol yetarli darajada rivojlanmagan boʻlsa, maktab oʻquvchisimng
oʻquv ishi ham muvaffaqiyatli boʻlmaydi. Oʻquvchi badiiy asarlarni oʻqish yoki aytib
berish bilan shug‘ullanar ekan, muallif gapirgan narsalarni fikran tasavvur qiladi.
Bola geografiyani oʻrganayotganda, xayolida oʻziga notanish tabiat manzarasini
tasavvur qiladi. Oʻtmishdagi kishilar va hodisalarni tasavvur qilmasdan turib, tarixga
oid hikoyalarni tushinib boʻlmaydi. Ba’zi oʻquvchilar oʻqituvchi gapirgan yoki
darslikda yozilgan narsani fikran tasavvur qila olmasligi sababli oʻquv materialini
oʻzlashtira olmaydilar. Maktab oʻquvchisining insho yozishdagi (ayniqsa erkin
mavzuda) ish jarayonida xayolning oʻrni kattadir. Xayol maktab oʻquvchisi
shaxsining umumiy rivojlanishiga, xususan, axloqiy tarbiyasiga ta’sir koʻrsatadi.
Xayol ta’siri ostida qahramonning ideal obrazi yaratiladi va kishi ana shu obrazga
oʻxshash uchun intiladi.
152
Diqqat – ongning biron-bir
4.8. Diqqat haqida tushuncha
predmet, hodisa yoki faoliyatga
qaratilishi hamda to‘planishidir.
Idrokning aniqligi va samaradorligiga bevosita aloqador bo‘lgan psixik
jarayonlardan biri – diqqatdir. Shuning uchun ham uyqusirab o‘tirib ma’ruza
tinglagan talabaning o‘sha ma’ruza matnini idrok qilishi qay darajada bo‘lishi
mumkinligini tasavvur qilish qiyin emas. Shuning uchun ham biz diqqatimizni
kerakli ob’yektda ushlash uchun, yuqorida misolda talabaning ma’ruzani to‘la
idrok qilishi uchun konspekt qilish kerakligi tavsiya etiladi. Chunki, shu paytda
ongimiz eshitayotgan so‘zlarning mazmuniga qaratilgan bo‘ladi. Demak, diqqat –
shunday psixik jarayonki, uning yordamida ongimiz o‘zimiz uchun ahamiyatli
bo‘lgan narsalar, hodisalar, prsdmetlar mohiyatiga qaratiladi. Ya’ni, diqqat –
ongning yo‘nalganligini tushuntiruvchi psixik jarayondir. Gap shundaki, bizni
o‘rab turgan borliq va undagi hodisa va predmetlar dunyosi shunchalik murakkab
va turfaki, biz ongimizni bir vaqtda ularning barchasiga birdan yo‘naltira
olmaymiz. Diqqat shuning uchun kerakki, u bizga ayni vaqtda kerak bo‘lgan
ob’yektni shu turfaning orasidan ajratib, uni o‘rganish yoki tanishishga imkon
beradi. Masalan, o‘qituvchining savoliga javob berayotgan o‘quvchini tasavvur
qiling: gapirayotib, barmoqlari bilan daftarining qirg‘og‘ini hadeb
buklayotganligini o‘zi sezmaydi. O‘qituvchining “Daftarni tinch qo‘y”, degan
tanbehigina uning diqqatini o‘zi amalga oshirayotgan harakatga yo‘naltiradi.
N.F.Dobrinin, N.V.Kuzmina, I.V.Straxov, M.V.Gamezo,
F.N.Gonobolin va boshqalarning nuqtai nazaricha, diqqatning vujudga
kelishida ongning bir nuqtaga to‘planishi ong doirasining torayishini bildiradi,
go‘yoki ong doirasi bir muncha tig‘izlanadi. Bunday torayish va tig‘izlanish
natijasida ong doirasi yanada yorqinlashadi. Ongning eng toraygan,
tig‘izlangan yorqin nuqtasi diqqatning markazi (fokusi) deb nomlanadi. Xuddi
shu markaz (fokus) ga tushgan idrok qilinayotgan jismlar, tasavvur obrazlari,
o‘y va fikrlar to‘la, yorqin va aniq ifodalanadi. Jahon psixologlarining fikricha,
diqqat uzluksiz ravishda, muayyan darajada faollik xususiyatini saqlab turadi.
153
Bunday faollik, ongning biron bir ob’yektga o‘ynalishining kuchayishi va
ma’lum vaqt davomida diqqat yo‘naltirilgan narsaga ongning faol (faol)
qaratilishini regulirovka qilib turadi hamda mazkur holatning saqlanishini
ta’minlaydi.
Diqqatni jalb etishning bir nechta universal qoidalari bor. Masalan, birinchisi –
Kontrast qonuni
kontrast qonuni. Masalan, televizor ko‘rib o‘tirib,
birdan bir kanalning boshqasi bilan ulanib qolishi,
ranglarning birdan almashinishi, xorij safari vaqtida kutilmaganda ona tilida
kimningdir orqangizda turib gaplashishi kabilar idrokni aniqlashtirish va buning
uchun diqqatni o‘sha narsaga qaratishga sabab bo‘ladi yoki Toshkentning an’naviy
qiyofasida paydo bo‘lgan o‘ta zamonaviy bino, masalan, Banklar assosiyasiyasi binosi
kontrast effekt beradi, chunki u boshqa ob’yektlardan tub farq qiladi. Shuning uchun
ham diqqatimiz noan’anaviy, ajralib turadigan narsalarga idrokimizni, ongimizni
yo‘naltiradi.
Qaytaruv qonuni
Saylov oldi jarayonlarida nomzodlar o‘z
fotosuratlari yoki siyosiy partiyalari haqidagi
ma’lumotlarni har bir mahalla va katta ko‘chalarga
iladilarki, shu orqali ko‘pchilikning diqqatini o‘zlariga jalb qiladilar.
Yangilik qonuni
Ma’lumotning yangiligi, shaxs uchun
kutilmaganda paydo bo‘lishi ham diqqatni jalb
etuvchi kuchli omil. Reklamada ham «Birinchi marta»
deb berilgan ma’lumot, ijgimoiy jarayonlardagi yangiliklarning o‘ziga xos betakrorligi,
do‘stingiz ustidagi yangi kostyum, bildirilgan yangi fikr yoki g‘oya albatta, o‘zgalar
diqqatini o‘ziga tortmay qolmaydi.
Ommaviy axborot vositalari orqali bugun dunyoga
Ommaviy ta’sirlanish
qonuni
taralayotgan biror xabar, yoki ataylab odamlar o‘rtasida
tarqatilgan «mish-mish» yoki «shov-shuvlar» alohida
ayrim shaxslarning ham diqqat markaziga tushadi. Qolaversa, biz hammani qiziqtirgan,
hamma gapirib yurgan ma’lumotga ishonamiz, hamma kiygan libosga e’tibor qaratib,
o‘zimizda ham bo‘lishini xohlaymiz.
154
Appersepsiya qonuni
Ushbu tushunchani fanga G.Leybins olib
kirgan. U biron bir taassurotni, sezgilarni aniq va
anglagan holda idrok etishi tushuniladi.
Appersepsiya qonuni diqqatning darajalari barqaror emas, balki u har bir insonda
tebranib turishini bildiradi.
Bitta predmetni bir necha yoki bir necha predmetni bitta tarzda idrok etishi
mumkinligini ham anglatadi. Ammo bu qonunning asosiy vositasi –diqqatning
darajasi -doimiy o‘lchamga ega emasligi. U faqat insonga emas, bir qator tashqi
omillarga ham bog‘liq.
Ustanovkag‘ organizmning yaxshi idrok etish
Ustanovka qonuni
yoki payqashga nisbatan organizmni moslashuvidir
(nemis olimi L.Lange, keyinchalik D.N.Uznadze ).
Ustanovka bu faoliyatga yoki harakatga tayyorlikni bildiradi. Ustanovka bu
organizmda ma’lum zo‘riqishlar paydo bo‘lganda namoyon bo‘lib qolmaydi. Ko‘p
yoki oz ustanovka va yaqqol ustanovka organizmdagi ko‘pchilik reaktsiyalar
sharoitida gavdalanadi. Katta yoshdagilarda tajriba ta’sirida ustanovkaning uzoq va
barqarorligi shakllanadi. Ular ichki qo‘zg‘alishlar ta’sirida paydo bo‘ladi.
(masalan, ish, o‘qish, murakkab vazifalarni yechishda).
155
Diqqatning asosiy
4.9. Diqqatning asosiy xusisiyatlari
xususiyatlariga tayangan holda
diqqatning barqarorligi,
diqqatning ko‘lami, diqqatning taqsimlanishi, diqqatning to‘planishi
(konsetrasiyasi) hamda diqqatning ko‘chishidan iborat jarayonni ko‘rib chiqamiz.
Diqqatning ma’lum vaqt oralig‘ida saqlanish diqqatning barqarorligi deb
ataladi. Agar biron bir kitobni e’tibor bilan o‘qishga kirishilganda bu xususiyat
kuzatiladi. Diqqatning barqarorligining tebranishi lahzali ondan bir necha
soatgacha davom etishi mumkin.
Diqqatning qisqa vaqt oralig‘ida bir necha ob’yektni idrok etish xususiyati
esa diqqatning ko‘lami deyiladi. Masalan, inson bir vaqtni o‘zida gapirishi,
eshitishi va o‘qishi mumkinmi? Buning imkoni bormi? Albatta. Imkoni bor.
Buning uchun ushbu faoliyatga o‘rganish kerak.
4.9.1-rasm. Diqqatning xususiyatlari.
Diqqatni bir vaqtning o‘zida bir necha ob’yektlarga yo‘nalishi va nazorat
olib borishi hamda ba’zan aksincha bir necha faoliyatdan bitta faoliyatga
156
diqqatning taqsimlanishi deyiladi.Masalan, harakat, intellektual jarayonlar bilan
bir vaqtda eshitish assosasiya hosil qilish. Bunday har xil faoliyatni bir vaqtning
o‘zida amalga oshirish ancha qiyinchilik tug‘diradi.
Diqqatning to‘planishi deganda ong biron bir ob’yektga to‘planishi va
yo‘nalishi tushunilib, unda faoliyatni boshqa chet ta’sirlarga chalg‘ishiga yo‘l
qo‘yilmaydi. Diqqatning to‘planishi intellektual faoliyatni aniq va muvaffaqiyatli
bajarish sharti hisoblanadi. Bu xususiyat ikkita talabga tayanadi: birinchidan, agar
diqqat ob’yekti va faoliyat turlari qancha kam bo‘lsa odam diqqatini taqsimlashdan
ko‘ra yuqori darajada diqqatini to‘plash imkoniyatiga ega bo‘ladi. Diqqat
to‘planishining aksi esa parishonxotirlik hisoblanadi. Parishonxotirlik diqqatning
bir joyga to‘play olmaslik. Bunday holat ko‘pincha shaxsning ichki
muammmolarining natijasi sifatida yuzaga chiqadi. Natijada odam atrofdagi
ta’sirlarni payqamaydi yoki kuchsiz boshqaradi. Parishonxotirlik kishiga yolg‘on
taassurot uyg‘otadi.
Diqqatning bir ob’yektdan ikkinchi bir ob’yektga o‘tishi diqqatning
ko‘chishi deb ataladi. Bunda bir faoliyat turidan ikkinchisiga o‘tish sharoitida
oxirgi faoliyat samaradorligi susaymasligi kerak. Masalan, shaxs aqliy faoliyat
bilan mashg‘ul, so‘ngra u biron bir jismoniy faoliyatga ko‘chib o‘tdi, so‘ngra
musiqa asbobida kuy chaldi va boshqalar. Har safar bir faoliyat turidan
ikkinchisiga o‘tgan vaqtda ma’lum vaqt talab etiladi. Bu esa unga roslanish,
adaptasiya qilish va yangi faolimyat turiga ko‘nikma hosil qilishni talab etadi.
Agar faoliyat mashqlantirib borilsa, bir faoliyatdan ikkinchi faoliyatga o‘tganda
diqqatning samaradorligi susaymaydi.
157
4.10. Diqqat turlari va funktsiyalari
farqlanadi: ixtiyoriy va beixtiyor diqqat.
Diqqatning
asosan ikki xil turi
4.10.1-rasm. Diqqat turlari.
Agar ixtiyoriy diqqat shaxs onganing bevosita o‘zi uchun ahamiyatli
ob’yektlarga ataylab jalb etishi bo‘lsa, (masalan, ma’ruzani to‘la tushunish uchun
talabaning urinishlari) beixtiyor diqqat narsa va hodisalarning mazmun va
mohiyati, jozibasiga bog‘liq tarzda ongimizning ma’lum narsalarga
yo‘nalganligidir. Masalan, tijorat do‘konida mashhur aktyor kiyib rol o‘ynagan
ko‘ylak qizlarning diqqatini beixtiyor o‘ziga tortadi. Bundan tashqari ixtiyoriydan
so‘nggi diqqat turi ham mavjud.
Diqqatning ixtiyorsiz va ixtiyoriy ravishda vujudga kelishi o‘zining
yo‘nalishiga ko‘ra tashqi va ichki bo‘lishi mumkin. Agar diqqatning manbai
ongimizdan tashqarida bo‘lsa tashqi deb ataladi. Masalan, tikuvchi, muharrir
kabilarning faoliyatida sodir bo‘ladigan diqqat tashqi diqqatdir. Tashqi diqqat faqat
idrok qilish jarayonidagina namoyon bo‘lmasdan, balki fikr yuritilayotgan
narsalarga ham qaratiladi. Jumladan, ixtirochining o‘zi yaratgan narsasini tasavvur
qilishi, rassomning obrazlarni kashf qilish jarayoni, muhandisning to‘g‘on
qurilishini ko‘z o‘ngiga keltirish bilan bog‘liq holatlar bunga misol bo‘la oladi.
Inson ongining o‘zida sodir bo‘layotgan o‘z hissiyotlarini, fikrlarini, orzu
istaklarini va shu kabilarni kuzatishda ichki diqqat yuzaga keladi. Diqqatning har
158
ikkala ko‘rinishi ham faoliyatning muvaffaqiyatli yakunlanishiga munosib hissa
qo‘shish imkoniyatiga egadir.
Diqqat inson faoliyatining barcha turlarini muvaffaqiyatli amalga oshirishning
va ularni samaradorligini ta’minlovchi muhim shartlardan biridir. Kishi faoliyati
qanchalik murakkab, serzahmat, davomiylik jihatdan uzoq muddatli, mas’uliyat
hissini taqozo qilsa, u diqqatga shunchalik yuksak shartlar va talablar qo‘yadi.
Inson ziyrakligi, farosatliligi, tez payqashi, sinchkovligi, dilkashligi uning turmush
sharoitida, shaxslararo munosabatida muhim omil sifatida xizmat qiladi. Diqqat
aqliy faoliyatning barcha turlarida ishtirok etadi, insonning xatti-harakatlari ham
uning ishtirokida sodir bo‘ladi.
159
4.11. Xotira haqida umumiy tushuncha
Xotira psixologiya fanining
chuqur tadqiq qilingan
jarayonlaridan biri bo‘lib
hisoblansa-da, lekin fan va texnikaning taraqqiyoti ko‘p jihatdan xotira
muammolarining o‘rganilishiga bog‘liqdir. Shuning uchun uning qonuniyatlarini
ochish, “aqlli” va “sun’iy intellekt”li mashinalar
maxsuldorligini oshirish, sifat darajasini ko‘tarish
uchun xizmat qiladi. Hozirgi davrda olib
borilayotgan ilmiy-tekshirish ishlari esda olib
qolish, esga tushirish mexanizmlari va
kognitivistik nazariyalarga bag‘ishlangan. Lekin
jahon psixologiyasi fanida assosianizm, geshtaltizm, bixeviorizm, freydizm kabi
ko‘plab yo‘nalishlar mavjud bo‘lishiga qaramasdan, bugun xotiraning yagona va
tugallangan nazariyasi ishlab chiqilmagan. Ilmiy-nazariy xususiyatlarga ega
bo‘lgan, faraz tarzdagi nazariyalar va qarashlarning xaddan tashqari ko‘pligi
kibernetika, tajriba va genetik biologiya, biokimyo, fiziologiya, tibbiyot nuqtai
nazaridan yondashganligi bilan tasniflanadi. Bu narsaning barchasi xotirani
o‘rganishning psixologik, neyrofiziologik va biokimyoviy bosqichlari
mavjudligidan dalolat beradi.
Odatda biz biror bir materialni o‘qiydigan bo‘lsak, uni xech bir o‘zgarishsiz
eslab qolishga harakat qilamiz. Lekin ajablanarlisi shundaki, borgan sari material
ma’lum o‘zgarishlarga yuz tutib, xotirada dastlabki paytdagisidan boshqacharoq
bo‘lib saqlanadi. Ba’zi bir material yoki ma’lumot xohlasak ham xotiradan
o‘chmaydi, boshqasi esa juda qattiq xohlasak ham kerak vaqtda yodimizga
tushirolmaymiz. Bu kabi savollar, inson bilish jarayonlaridagi eng muhim savollar
bo‘lib, ba’zan o‘z taraqqiyotimiz va kamolotimizni ham ana shunday omillarga
bog‘lagimiz keladi.
X o t i r a — bu tajribamizga
aloqador har qanday
ma’lumotni eslab qolish, esda
saqlash, esga tushirish va
unutish bilan bog‘liq
murakkab jarayondir.
Ma’lum bo‘lishicha, inson miyasi har qanday ma’lumotni saqlab qoladi. Agar
shu ma’lumot biror sabab bilan odamga kerak bo‘lmasa, yoki o‘zgarmasa, u ongdan
tabiiy tarzda yo‘qoladi. Lekin har doim ham bizning professional faoliyatiiz
160
manfaatlariga mos ma’lumotlarni esda saqlash juda zarur va shuning uchun ham
ko‘pchilik ataylab xotira tarbiyasi bilan shug‘ullanadi.
Xotira har qanday tajribamizga aloqador ma’lumotlarning ongimizdagi
aksidir.Inson xotirasining yaxshi bo‘lishi, yani qis-kechinmalarimiz, ko‘rgankechirganlarimizning
mazmuni to‘laroq miyamizda saqlanishi quyidagi omillarga
bog‘liq:
esda saqlab qolish bilan bog‘liq harakatlarning yakunlanganlik darajasiga;
shaxsning o‘zi shug‘ullanayottan ishga nechog‘lik qiziqish bildirayotganligi va
shu ishga moyilligiga;
shaxsning bevosita faoliyat mazmuni va ahamiyatiga munosabatining
qandayligiga;
shaxsning ayni paytdagi kayfiyatiga;
irodaviy kuchi va intilishlariga.
Xotiraning samaradorligi eslab
qolishning ko‘lamiva tezligi,
esda saqlashning davomiyligi,
esga tushirishning aniqligi bilan
bog‘lanadi.
Demak. odamlar ham aynan shu sifatlarga
ko‘ra ham farqlanadilar:
1. materialni tezda eslab qoladiganlar;
2. materialni uzoq vaqt esda
saqlaydiganlar;
3. istagan paytda osonlik bilan esga tushiradiganlar.
4.11.1-rasm. Eslab qolish xususiyatiga ko‘ra xotiraning turlari
Ba’zi odamlarning xotirasiga xos jihatlarni tug‘ma deb atashadi. To‘g‘ri,
oliy nerv sistemasi, uning o‘ziga xos ishlash xususiyatlari xotiraning o‘ziga xos
161
individual uslubini belgilashi mumkin. Lekin hayotda ko‘pincha shaxsning bilish
jarayonlari va sezgi organlarining ishlash qobiliyatlariga bog‘liq tarzda ajralib
turadigan tiplari haqida gapirishadi. Masalan, ayrim odamlar ko‘rgan narsalarini
juda yaxshi eslab qoladi, demak, ularning xotirasi ko‘rgazmali — obrazlibo‘lib,
ko‘zi bilan ko‘rmaguncha, narsaning mohiyatini tushunmaydi ham. Boshqalar esa
o‘zicha fikrlab, nomini aytib, mavhum tarzda tasavvur qilmaguncha, eslab qolishi
qiyin bo‘ladi. Bundaylar so‘z — mantiqiy xotiratipi vakillaridar. Yana bir tipli
odamlar bevosita his qilgan, «yuragidan» o‘tkazgan, unda biror yorqin emotsional
obraz qoldirolgan narsalarni yaxshi eslab qoladilar, bu — emotsional xotiradir.
Lekin yana bir xotira egalari borki, ularni fenomenal xotirasohiblari deb atashadi.
Psixologiyaga oid kitoblarda ana shunday xotiraga ega bo‘lgan kishilar to‘g‘risida
ko‘p yozilgan. Bu shunday kishilarki, ular bir vaqtning o‘zida nisbatan juda katta
hajmdagi ma’lumotlarni esda saqlay oladi va esga tushiradi.
Masalan, tarixiy shaxslar orasida Yuliy Sezar, Naloleon, Mosart, shaxmat
ustasi Alexin kabi insonlar xotirasi ana shunday noyob bo‘lganligi haqida
ma’lumotlar bor. Taniqli, rus psixologi va neyropsixologi A.R. Luriya ham ana
shunday xotira sohiblaridan biri — asli kasbi jurnalist bo‘lgan Shereshevskiy
degan shaxs xotirasini ataylab uzoq vaqt mobaynida o‘rgangan. Uning xotirasi
shunday ediki, Dantening “Ilohiylik komediyasi”dan olingan uzundan-uzoq
parchani bir marta qarab olgandan so‘ng, 15 daqiqadan keyin so‘zma-so‘z aytib
berolgan. Shunisi xarakterli ediki, komediya unga notanish bo‘lgan italyan tilida
yozilgan edi. Ko‘pchilikni qanday qilib yaxshi, mustahkam esda saqlab qolish
muammosi qiziqtirsa, Shereshevskiy uchun qanday qilib unutish masalasi
murakkab edi. Uni xotira obrazlari doimo qiynar, ko‘rgan narsalari ko‘z oldida
gavdalanaverar edi. Qanday qilib eslab qolasiz? Degan savolga u shunday javob
bergan: men “materialni” o‘zimga tanish va sevimli bo‘lgan Moskva ko‘chalariga
joylashtiraman. Bir marta bir materialning bir bo‘lagi o‘sha «ko‘chaning» salqin
tushgan yeriga tushib qolib, esga tushirishi ancha qiyin bo‘lgan ekan. Shunga
o‘xshash har bir fenomenal xotira egalarining o‘ziga xos eslab qolish uslublari
bo‘lar ekan.
162
Tarixda bunday kishilar bor va ular bizning oramizda ham yo‘q emas. Muhimi
shunda-ki, ana shu fenomenal xotirani shaxs va jamiyat manfaatiga mos tarzda unumli
ishlata bilishdir.
4.11.2-rasm. Xotiraning sakkiz qonuni.
Anglanganlik qonuni. Oddiy, lekin murakkab qonun, ya’niberilgan
materialni qanchalik chuqur anglasak, shunchalik uni mustahkam xotirada
muhrlagan bo‘lamiz.
Qiziqish qonuni. Anatol Frans: «Bilimlarni yaxshi hazm qilish uchun uni
ishtaha bilan yutish kerak» deganda, albatta, materialga jonli qiziqish bilan
munosabatda bo‘lishimiz, va uni yaxshi ko‘rishimiz kerakligini nazarda tutgan.
Ilgarigi bilimlar qonuni. Ma’lum mavzu yuzasidan bilimlar qanchalik ko‘p
bo‘lsa, yangisini esda saqlab qolish shunchalik oson bo‘ladi. Masalan, ilgari
o‘qigan biror kitobni qaytadano‘qib, uni yangidan o‘qiyotganday his qilsangiz,
demak, siz ilgarigi tajribangiz yetishmaganligidan uni yaxshi o‘zlashtira
olmaganligingizni his qilishingiz mumkin. Demak, eski bilimlarham tajribaga
aylangandagina, yangilariga zamin bo‘la oladi.
Eslab qolishga tayyorlik qonuni. Biror materialni eslab qolishdan avval,
bo‘lg‘usi aqliy ishga qanday hozirlik ko‘rgan bo‘lsangiz, shunga mos tarzda eslab
qolasiz. Masalan, fizika o‘qituvchisining barcha darslari sizga doimo ma’qul
163
bo‘lgan bo‘lsa. Siz: “Bugun ham yangi narsa o‘rganib chiqaman”, deb o‘zingizni
ishontirasiz va oqibatda natija ham yaxshi bo‘ladi yoki vaqgganisbatan tayyorlik
ham shunday. “Bir amallab imtihon topshirsam, keyin qutulaman”, deb darsga
tayyorlangan bo‘lsangiz, imtihon tugagach, go‘yoki mnyangizni birov “yuvib
qo‘yganday” tasavvur hosil bo‘ladi. Agar materialni mutaxassis bo‘lishim uchun
juda kerak, deb umringiz oxirigacha muhimligini anglasangiz, u narsa xotirada
muqim saqlanadi.
Assotsiatsiyalar qonuni. Bu qonun xaqida eramizdan avval Arastu ham
yozgan edi. Qonunning mohiyati shundaki, bir vaqtda shakllangan tasavvurlar
xotirada ham yonma-yon bo‘ladi. Masalan, ayni aniq bir xona o‘sha yerda ro‘y
bergan hodisalarni ham eslatadi.
Birin-ketinlik qonuni. Harflarni alfavitdagi tartibida yoddan aytish oson, uni
teskarisiga aytish qiyin bo‘lganidek, xotirada ham ma’lumotlarni ma’lum tartibda
joylashtirishga va kerak bo‘lganda, tartib bilan birin-ketin tiklash maqsadga
muvofiqdir.
Kuchli taassurotlar qonuni. Eslab qolinadigan narsa to‘g‘risidagi birinchi
taassurot qanchalik kuchli bo‘lsa, unga aloqador obraz ham shunchalik yorqin
bo‘ladi. Bundan tashqari, siz uchun ahamiyatli va jozibali ma’lumotlar oqimida
eslanayotgan material ham yaxshi esga tushiriladi.
Tormozlanish qonuni. Har qanday muayyan ma’lumot o‘zidanoldingi
ma’lumotni tormozlaydi. Shuning uchun uning o‘chib ketmasligi uchun yangini
esda saklashdan avval mustahkamlash choralarini ko‘rishingiz kerak.
Demak, yaxshi kuchli bilimlarga ega bo‘lish uchun xar bir predmet yoki
fanning mavzularini o‘ziga xos tarzda yoqtira olish va xotirada saqlash uslublarini
ishlab chiqishingiz kerak ekan. Lekin albatta, matematika fanidan keyin fizikani,
tarixdan keyin adabiyot fanini, she’r yodlashni uyqu oldidan amalga oshirmaslikni
maslahat beramiz.
Xotirani rivojlantirish masalasi nafaqat psixologiyadagi, balki insoniyatning
oldida turgan dolzarb muammodir. Ayniqsa, u yoki bu ta’lim maskanlarida
o‘qiydigan har bir o‘quvchi yoki talaba uchun ham bu juda muhim narsa: kim
164
eshitgan yoki ko‘rgan narsasining mazmunini to‘la eslab qolib, keyin sheriklari
yoki o‘qituvchisini lol qilishni xohlamaydi deysiz? Shuning uchun ham ushbu
mavzuda amaliy jihatdan ma’qul va mumkin bo‘lgan ayrim tavsiyalarga e’tiborni
qaratamiz.
Ko‘pchilik psixologlar va amaliyotchilar inson xotirasini kitoblar javoniga
o‘xshatishadi. Agar shu javonda kitoblar tartib bilan joy-joyiga qo‘yilgan va siz
vaqti-vaqti bilan ularning orasiga “tashrif” buyurib tursangiz, qaysi kitob qayerda
turganini yaxshi bilasiz. Xotira ham shunday. Agar siz muntazam o‘z
qobiliyatlaringizni o‘stirish ustida ishlasangiz, u yoki bu qiziqtirgan mavzu
bo‘yicha turli kitoblarni o‘qib, ularni ma’lum tartibda qaytarib tursangiz, esda
saqlash va esga tushirish qobiliyatingiz o‘sib boraveradi.
Ikkinchi muhim amaliy qoida – bu o‘qigan, eshitgan yoki ko‘rgan
narsangizning mohiyatini anglashga harakat qilishingiz lozim. Chunki
tushunmagan narsangizni qayta-qayta o‘qisangiz ham esda yaxshi qolmaydi.
Masalan, ingliz tilidan “topiklar”ni o‘qituvchi so‘raganda yoddan aytib bergan
bo‘lsangiz, u tezda xotirangizdan o‘chib ketadi. Agar uni amaliy biror ishfaoliyatingiz
bilan bog‘lab, qiynalib bo‘lsa ham ovoz chiqarib mashq qilsangiz, u
anchagacha yoddan chiqmaydi.
Uchinchi keng tarqalgan usul – bu eslab qolinishi kerak bo‘lgan narsalarni
ma’no jihatdan guruhlarga bo‘lib turib eslab qolish. Bu usulni biz yoshlikdan
boshlab ishlatib kelganmiz. Masalan, sizga so‘zlar qatori berilgan: sinf, bola, parta,
ruchka, bog‘, uzum, charos, qalam, ariq. Shu so‘zlarni yaxshilab esda saqlash
uchun ularni ma’lum guruhlarga oldin bo‘lib olsak, masalan, maktabga aloqador
narsalar guruhi va bog‘ bilan 6og‘liq narsalar guruhlari. Shu aqliy ishni amalga
oshirsak, albatta, xotiramiz ishi samarali bo‘ladi yoki yoshlikdagi bir ertak
hammaga tanish: chol turp ekkan va u shu qadar katta bo‘lib ketganki, o‘zi yakka
hech uni tortib chiqara olmaydi. Shunda u kampirni, kampir – nabirasini, nabira –
kuchukni, kuchuk – mushukni, mushuk esa sichqonchani chaqirib, birgalikda jo‘r
bo‘lishib, tortib olishadi. Nega bu ertakning ma’no-mazmuni yoddan chiqmaydi,
chunki undagi voqealar zamirida birin-ketin amalga oshadigan voqealar zanjiri
165
mavjud. Shu birin-ketinlik qonuni eng kattadan eng kichkina bo‘lgan jonzotning
birgaliqdagi, do‘stona uzviyligi yotadi. Bu ertakda nafaqat tarbiyaviy ma’no bor,
bu ham muhim, balki unda yuqorida ta’kidlaganimiz – guruhiy o‘zaro bog‘liqlik
tamoyili bor.
Inson xotirasining yaxshi bo‘lishi, ya’ni his-kechinmalarimiz, ko‘rgankechirganlarimizning
mazmuni to‘laroq miyamizda saqlanishi quyidagi omillarga
bog‘liq:
esda saqlab qolish bilan bog‘liq harakatlarning yakunlanganlik darajasiga;
shaxsning o‘zi shug‘ullanayotgan ishga nechog‘lik qiziqish bildirayotganligi
va shu ishga moyilligiga;
shaxsning bevosita faoliyat mazmuni va ahamiyatiga munosabatining
qandayligiga;
shaxsning ayni paytdagi kayfiyatiga;
irodaviy kuchi va intilishlariga.
Xotira jarayonlari shaxsning faoliyatdagi yutuqlariga bog‘liq bo‘lgani uchun
ham, uning tabiati, qanday kechishiga ko‘plab olimlar ahamiyat berganlar.
Masalan, nima uchun odam u yoki bu ma’lumotni xotirada saqlaydi, degan savolga
turli olimlar turlicha javob beradilar. Masalan, fiziologlar uning sababini miyada
hosil bo‘ladigan nerv bog‘lanishlari - assosiasiyalar bilan bog‘lashsa, bioximiklar –
ribonuklein kislota (RNK) va boshqa bioximik o‘zgarishlar oqibatidadir, deb
tushuntiradilar.
Psixologlar esa xotirani doimo inson faoliyati, uning shaxs uchun ahamiyati
va motivlar xarakteri bilan bog‘laydilar. Chunki shaxsning yo‘nalganligi, uning
hayotdagi mavqei va qobiliyatlarining rivojlanganlik darajasi aynan xotirasining
mazmuniga bog‘liq. Shuning uchun xattoki, shunday gap ham bor: “Nimani
eslashingni menga ayt, men sening kimligingni aytaman”.
Amaliy nuqtai nazardan xotiraning samaradorligi va uni o‘quv va mehnat
faoliyati jarayonida oshirish katta ahamiyatga ega. Chunki ko‘pincha odamlar
orasida ishchanrog‘i, o‘quvchi yoki talabalar orasida bilimlirog‘i ham bir qarashda
xotirasining kuchi bilan boshqalardan ajralib turadi. Buyuk bobokalonimiz Amir
166
Temurning xotirasi haqida afsonalar yuradi. Masalan, u o‘z qo‘l ostidagi
beklarning nafaqat ismini, balki otasining ismlarini ham yoddan bilarkan,
uchrashuvlarda bevosita nomini aytib murojaat qilarkan. Bu fazilat ham uning o‘z
qo‘l ostidagilar orasida obro‘ining balandligiga ta’sir ko‘rsatgan. Amerikaning
mashhur Prezidentlaridan Avraam Linkoln ham ana shunday fenomenal xotirani
o‘z yaqinlari va ish yuzasidan u bilan bog‘liq bo‘lgan xodimlarga nisbatan
namoyon etib, lol qoldirgan ekan. Demak, xotira tarbiyasi, uni kerakli yo‘sinda
rivojlantirish – kerak bo‘lsa, shaxsiy obro‘ hamda ishdagi samara masalasi bilan
bevosita bog‘liq ekan.
Umuman, xotiraning samaradorligi eslab qolishning ko‘lami va tezligi, esda
saqlashning davomiyligi, esga tushirishning aniqligi bilan bog‘lanadi. Demak,
odamlar ham aynan shu sifatlarga ko‘ra ham farqlanadilar:
materialni tezda eslab qoladiganlar;
materialni uzoq vaqt esda saqlaydiganlar;
istagan paytda osonlik bilan esga tushiradiganlar.
Shotlandiyalik matematik A.Etkin 1933-yili 25 ta bir-biri bilan
bog‘lanmagan so‘zlardan iborat ikki qatorni eslab qolib, hech bir xatosiz uni 27
yildan keyin esga tushira olgan. “Qilich va qalqon” kinofilmidagi rus razvedchigi
I.Vaysning natsistlar tomonidan rejalashtirilgan birinchi navbatda batamom yo‘q
qilinishi lozim bo‘lgan ob’yektlar – shifrlari bilan ko‘rsatilgan ro‘yxatini bir karra
ko‘rib chiqib, bir necha daqiqadan so‘ng esga tushirganini eslang. U ham go‘yoki,
ko‘rib turganday o‘sha ro‘yxatlarni qaytadan o‘qiganday, takrorlaydi. Tarixda
bunday kishilar bor va ular bizning oramizda ham yo‘q emas. Muhimi shundaki,
ana shu fenomenal xotirani shaxs va jamiyat manfaatiga mos tarzda unumli ishlata
bilishdir.
Esda saqlangan ma’lumotni xotiradan chiqarib olib, qayta tiklash ham
muhim muammo. Chunki ko‘pincha biz xotiramizda kechagina o‘qigan yoki
yaqindagina o‘qituvchimiz aytib bergan ma’lumotning borligini bilamiz-u, lekin
kerak vaqtda uni esga tushira olmaymiz. Ma’lumotni xotiradan chaqirib olish
omillariga quyidagilar kiradi:
167
Ma’mulotning anglanganligi. Biz o‘zimiz to‘la anglagan, tushungan
narsalarni osonroq esga tushiramiz. Masalan, alfavitni juda oson esga tushiramiz,
yoki 1, 2, 3, 4 va hakozo tartibli sonlarni bir ko‘rgandan so‘ng u milliongacha
bo‘lsa ham esga tushirishimiz sirayam qiyin emas. Lekin shu sonlardan bor yo‘g‘i
7 - 8 tasini teskari yoki aralash tartibda yozilgan bo‘lsa, ularni esga tushirish ancha
mushkulbo‘ladi. “Psixologiya” yozuvini esga tushirish juda oson, lekin “i p i o x o
ya s l g” harflari to‘plami aynan o‘sha harflardan iborat bo‘lsa ham sira esga
tushira olmaymiz. Demak, materialni yaxshilab esda saqlash va esga tushirish
uchun uni tushunish va anglash kerak. Mazmunini va mohiyatini tushungan xolda
iloji bo‘lsa, o‘zimizdagi qiziqishlarga bog‘lay olishimiz kerak.
Kutilmagan ma’lumot. Kutilmaganda paydo bo‘lgan yangi va yaxshi
ma’lumot ham yaxshi esga tushadi. Masalan, sonlar qatorida berilgan bitta harf,
yoki aksincha, harflar orasidagi bitta son, uzun jumlalar orasida paydo bo‘lgan
qisqa jumla esga tezroq va aniqroq tushadi. Buning oddiy sababi - biz
kutilmaganda paydo bo‘lgan ma’lumot yoki narsaga hayratlanamiz, jonli
emotsiyalar bilan javob beramiz, bu esa yaxshi eslab qolishga va kerak bo‘lganda,
yorqin tiklashga asosdir.
Ma’lumotning mazmun yoki shakl jihatdan bir-biriga yaqinligi. Masalan,
agar ko‘plab bir-biriga bog‘liq bo‘lmagan so‘zlar orasida “erkak” va “ayol”
so‘zlari paydo bo‘lgan bo‘lsa, bittasining esga tushirilishi ikkinchisining ham esda
tiklanishiga sabab bo‘ladi. Shuning uchun ham o‘quv rejasiga kiritilgan barcha
fanlar shunday birin-ketinlikda beriladiki, birini o‘zlashtirish ikkinchisining ham
o‘zlashtirilishi, bir-birini to‘ldirishga xizmat qilsin.
Esda saqlash vaqti bilan esga tushirish vaqti o‘rtasidagi farq. Odamda
berilgan ma’lumotni idrok qilish va shu orqali esda saqlash vaqti qanchalik ko‘p
bo‘lsa, esga tushirish ham osonroq bo‘ladi. Shuning uchun ham uzoq muddatli
xotirada saqalanadigan informasiya uzoq vaqt mobaynida, ko‘pincha bir necha
marta qaytarib beriladi, qisqa muddatlida esa bir marta, qisqa fursatda beriladi va
shu narsa esga tushirish kerak bo‘lganda, tiklanmaydi. Masalan, biror tekstni
kompyuterga kiritish uchun o‘rtog‘ingizga berib, keyin nimalarni kiritganini
168
so‘rang. Javob aniq: “Esimda yo‘q”. Ya’ni ma’lumotning umumiy mazmuni yodda
qolsa ham, asosiy tushunchalar va mohiyat esda qolmaydi.
Shunday qilib, xotira faol jarayon bo‘lib, u shaxsning u yoki bu turli
ma’lumotlar bilan ishlash malakasiga, unga munosabatiga, materialning qimmatini
tasavvur qilishiga bevosita bog‘liq bo‘ladi. Eng xarakterli narsa shuki, inson faqat
eshitgan ma’lumotining 10 foizini, eshitgan va ko‘rgan narsasining 50
foizgachasini, o‘zi faol bajargan ishlarining deyarli 90 foizini yodda saqlaydi. Bu
ko‘plab psixologik eksperimentlarda isbot qilingan. Shaxsning o‘zi o‘ylab topib,
o‘zi bevosita bajargan ishlari juda oson esga tushadi. Bu hodisa psixologiyada
generasiya effekti deb ataladi. Agar talaba yoki o‘quvchi ham o‘zi biror teoremani
mustaqil ravishda isbot qilgan bo‘lsa, yoki biror xulosaga mustaqil ravishda
kelolgan bo‘lsa, o‘qituvchi tushuntirgan hodisaga yaqin narsa to‘g‘risida
o‘rtoqlariga so‘zlab bergan bo‘lsa, albatta uni xoxlagan paytda osongina esga
tushiradi. Shuning uchun ham oxirgi paytlarda o‘yin metodlari, munozara
metodlaridan o‘quv jarayonida ham keng foydalanilmoqda.
Demak, yaxshi kuchli bilimlarga ega bo‘lish uchun har birpredmet yoki
fanning mavzularini o‘ziga xos tarzda yoqtira olish va xotirada saqlash uslublarini
ishlab chiqishingiz kerak ekan. Lekin albatta, matematika fanidan keyin fizikani,
tarixdan keyin adabiyotfanini, she’r yodlashni uyqu oldidan amalga oshirmaslikni
maslahat beramiz.
169
Tafakkur – ijtimoiy
4.12. Tafakkur toʻgʻrisida umumiy
sababiy, nutq bilan
tushuncha
chambarchas bog‘liq, muhim
bir yangilik qidirish va ochishdan iborat psixik jarayondir. Tafakkur voqelikni
analiz va sintez qilish uni bevosita va umumlashtirib aks ettirishdan iborat
jarayondir. Tafakkur amaliy faoliyat asosida hissiy bilishdan paydo bo‘ladi va
hissiy bilish chegarasidan ancha tashqariga chiqib ketadi.
Bilish faoliyati sezish va idrok qilishdan bog‘lanadi va keyin tafakkurga
o‘tib ketishi mumkin. Biroq tafakkur, hatto eng rivojlangan tafakkur ham hamisha
hissiy bilish bilan, ya’ni sezgilar, idrok va tasavvurlar bilan bog‘langan bo‘ladi.
Tafakkur faoliyati o‘zining butun “materialani” faqat bitta manbadan, ya’ni hissiy
bilishdan oladi. Tafakkur faqat sezgilar va idrok orqaligina tashqi muhit bilan
bog‘lanadi va shu tariqa tashqi olamni aks ettiradi. Ammo sezgilar va idrok kabi
hissiy bilish jarayonlari olamning turli xildagi aloqalarini, ular orasidagi
bog‘lanishlarni, paydo bo‘ladigan turli muammolarni hal qilish imkonini bermaydi.
Tafakkur qilish davomida tashqi olamni bilish chuqurroq amalga oshiriladi.
Buning natijasida narsalar, hodisalar va boshqa shuning kabilar o‘rtasidagi
murakkab o‘zaro bog‘lanishlarni ajratish, yechish mumkin bo‘ladi. Zarur hollarda
turli vositalar qo‘llaniladi. Quyidagi uch xil hodisalarni o‘rganish davomida
vositalar qo‘llaniladi:
1. Hozirgi paytda bevosita idrok qilishning imkoni bo‘lmagan
hodisalarni o‘rganish uchun. Bunga tarixiy voqealar, kelajak rejalar, gipotezalar,
umuman yoki o‘tmishda ro‘y bergan yoki kelajakda ro‘y berishi mumkin bo‘lgan
hodisalarni o‘rganish davomida;
2. Sezgi organlarimizning moslashmaganligi sababli bevosita idrok
qilishning imkoni bo‘lmagan hodisalarni o‘rganishadi. Bunga misol tariqasida juda
kichik zarrachalar, elementlar, inson sezgi organlari “sezmaydigan” turli to‘lqin
uzunliklari yoki juda uzoq masofada joylashgan ob’yektlar (planetalar, yulduzlar
va h.k);
3. Bevosita idrok qilishning imkoni mavjud, ammo vosita qo‘llash
170
samarali bo‘lgan hollar. Masalan, o‘sib turgan daraxtning balandligini
trigonometrik funktsiyalar yordamida o‘lchash, havo haroratini termometr
yordamida o‘lchash kabilar.
Tafakkur – fakt va hodisalarni mavhumlashtirgan, umumlashtirgan holda va
vositali ravishda aks ettirishdan, ular o‘rtasiga aloqa hamda munosabatlarni
aniqlashdan iborat bo‘lgan bilish jarayonidir.
4.12.1-rasm. Tafakkurning bo‘linishi
Qachon tafakkur faoliyati boshlanadi? Biz doimo fikrlaymiz. Agar vaziyat
bizga tushunarli bo‘lsa, yetarli hamma ma’lumot va vositalarga ega bo‘lsak, biz
“o‘ylamaymiz”. Tafakkur jarayoni muammo paydo bo‘lsa, muammoli vaziyatda
paydo bo‘ladi. Muammoli vaziyat – biror masalani yechish uchun zarur bilimlar,
vosita yoki ma’lumot, malakalarning yetishmasligi bilan bog‘liq bo‘ladi.
Muammoli vaziyatda bizning avvalgi vosita va usullarimiz yetishmay qoladi. Shu
sababli oddiy, tushunarli, o‘zida yangilikni aks ettirmaydigan ma’lumotni
eshitayotgan talaba va o‘quvchi fikrlamaydi. Ularni fikrlashga undash uchun
171
muammoli vaziyat yaratish kerak.
Kelib chiqish va rivojlanish bo‘yicha tafakkur ijtimoiy tabiatga ega. Chunki
bilishning barcha vositalari, usullari va manbalari inson tomonidan yaratilgan
moddiy va ma’naviy boyliklar bilan bog‘liqdir. Odamning aqliy taraqqiyoti
insoniyatning ijtimoiy-tarixiy taraqqiyoti davomida to‘plangan bilimlarni
o‘zlashtrish jarayonida amalga oshadi. Bu yerda shaxsning faolligini inkor
qilmaymiz. Mavjud, tayyor bilimlarni o‘zlashtirish boladan fikriy zo‘r berish,
ijodiy ishlash, yangilik ochishni taqozo qiladi. Aks holda o‘zlashtirilgan bilim
yuzaki, mexanistik bo‘lib qoladi.
Tushuncha shunday fikrki, bu fikrda voqelikdagi narsa va hodisalarning
umumiy, muhim, farq qiladigan belgilari aks ettriladi. Masalan, odam tushunchasi
uning mehnat faoliyati, mehnat qurollarini ishlab chiqarish, nutq, inson ongi va
shular kabilar nixoyatda muhim belgilarni o‘zida mujassamlashtirgan. Mana shu
belgilar bilan odam hayvonlardan farq qiladi.
Tushunchalarning mazmuni hukmlarda aks ettiriladi. Hukm narsa va
hodisalar o‘rtasidagi mavjud bog‘lanishlarning yoki shu narsa-hodisalarga xos
bo‘lgan xususiyat va belgilari o‘rtasidagi bog‘lanishlarni o‘zida aks ettiruvchi
tafakkur shakli.
Hukmlar ob’yektiv voqelikni qanday aks ettirishlariga qarab chin va yolg‘on
172
bo‘lishi mumkin. Rost – “Toshkent – O‘zbekistonning poytaxti”. Yolg‘on – “Hech
qanday uchburchak o‘tkir burchakka ega bo‘la olmaydi”.
Hukmlar umumiy, juz’iy va yakka bo‘ladilar. Umumiy hukmda aks
ettirilgan xususiyat va bog‘lanishlar biror sinfdagi barcha narsalarga taalukli
bo‘ladi. “Barcha metallar elektr tokini o‘tkazadilar”. Juz’iy hukmlarda tasdiqlash
yoki inkor qilish faqat ayrim narsalargagina taalluqli bo‘ladi. “Ba’zi o‘quvchilar
a’lochidirlar”. Yakka hukmlarda tasdiqlash yoki inkor qilish faqat bitta narsaga
tegishli bo‘ladi. “A.Salimov a’lochi o‘quvchi”.
Hukmlar ikkita yo‘l bilan hosil qilinadi:
bevosita usul bilan, bunda idrok qilayotgan narsalar ifodalanadi;
bavosita usul bilan, ya’ni xulosa chiqarish, mulohaza yuritish yo‘li bilan.
Bir yoki bir necha hukmlar asosida yangi hukm keltirib chiqarish – xulosa
chiqarishdir. Maslan, «Barcha metallar elektr tokini o‘tkazadilar, “Mis metal”. Ana
shu ikkita asosdan yangi hukm – xulosa chiqariladi. “Mis elektr tokini o‘tkazadi”
Xulosa chiqarish ikki usul bilan amalga oshiriladi:
induktiv xulosa chiqarish;
deduktiv xulosa chiqarish.
Induktsiya – juz’iy hodisalardan umumiy hodisalarga qarata xulosa
chiqarish.
Deduktsiya – umumiy qoidalardan juz’iy hodisaga, faktga, misolga qarata
xulosa chiqarish.
Tafakkur jarayonlari
Analiz – ob’yektning muayyan bir tomonlarini,
elementlarini, xossalarini munosabatlarini va boshqa
shuning kabilarni ajratib olib, o‘rganilayotgan
ob’yektni fikran bo‘laklarga, qismlarga, elementlarga bo‘lish demakdir. Biron
narsani analiz qilish davomida bu narsaning g‘oyat muhim, kerakli va qiziqarli
va shu kabi muayyan xususiyatlari ajratib olinadi.
Sintez – bir butun narsani analiz qilish natijasida ajratilgan komponetlarni
birlashtirish sintezdir. Analiz va sintez jarayonlari hamma vaqt o‘zaro bog‘liqdir.
173
Taqqoslash – narsa va hodisalarni bir-biri bilan solishtirib ko‘rish va ular
orasidagi o‘xshashliklar, tafovutlarni topish. Taqqoslash albatta analiz va sintezni
taqoza qiladi. Narsa va hodisalarni oldin analiz keyin esa sintaz qilmasdan turib
ular orasidagi o‘xshashlik va tafovutlarni topib bo‘lmaydi.
4.12.2-rasm. Tafakkur jarayonlari
Taqqoslash davosida narsalarni umumlashtirish amalga oshiriladi.
Umumlashtirish o‘xshash tarzidagi umumiylik va muhim belgi tarzidagi
umumiylik sifatida amalga oshiriladi. Birinchi umumiylik buyicha kit baliq
hisoblaanadi (yuzaki belgi) ikkinchi umumiylik asosida esa kit sutemizuvchilar
sinfiga kiradi (muhim belgi asosida).
Pisxologiyada tafakkur turlarining quyidagi sodda va birmuncha shartli
klassifikatsiyasi tarqalgandir:
ko‘rgazmali harakat;
ko‘rgazmali obrazli;
mavhum (nazariy) tafakkur.
Ko‘gazmali-harakat tafakkuri. Tarixiy taraqqiyot davomida odamlar o‘z
oldilarida turgan masalalarni dastlab amaliy faoliyat nuqtai nazaridan yechganlar;
keyinchalik undan nazariy faoliyat ajralib chiqqan. Dastlab yerni qadamlab
174
o‘lchaganlar, keyinchalik uning asosida geometriya fani shakllangan. Bu shuni
anglatadiki, sof nazariy faoliyat birlamchi emas, balki amaliy faoliyatning o‘zi
birlamchidir. Bog‘chagacha yosh davrida bolada asosan ko‘rgazmali harakat
tafakkuri ustun bo‘ladi. Hamma ish, «o‘ylash», bilish jarayoni harakatlar vositasida
amalga oshiriladi.
Ko‘rgazmali – obrazli tafakkur. Ko‘rgazmali-obrazli tafakkur sodda
shaklda asosan bog‘cha yoshidagi bolalarda namoyon bo‘ladi. Ularda tafakkurning
harakatli shakllari saqlanib qolsa ham, ular to‘g‘ridan-to‘g‘ri yuzaga chiqmaydi.
Endi bola narsa va hodisalarning bevosita idrok qilinmayotganligidagi obraziga
suyanib fikr yuritadi. Agar shu yoshdagi bolaga ikkita bir xil hajmdagi xamirdan
qilingan soqqa ko‘rsatilsa, u ularning tengligini aytadi. Keyin ularning ko‘z
o‘ngida sokqalardan biron shakliga keltiriladi. Bolalar yassilantirib, non shakliga
keltirilgan soqqani ko‘p, katta deb ko‘rsatadilar (J.Piaje tajribalaridan).
Mavhum (nazariy) tafakkur. Bolalarning amaliy va ko‘rgazmali-obrazli
tafakkuri asosida ularda mavhum tafakkur shakllanadi. Bu mavhum tushunchalarga
asoslangan tafakkur. Bolalarning juda ko‘plab fanlardan o‘quv predmetlaridan
oladigan bilimlari mavhum tushunchalar yordamida ifodalangan. Predmet va
hodisalar o‘rniga ularning nomlari (so‘z-belgi) qo‘llaniladi. Mavhum tafakkur endi
bolaga endi o‘zi yo‘q predmetlar bilan ham so‘zlar yordamida (nomlari) ishlash,
ular ustida fikr yuritish, tafakkur operatsiyalarini amalga oshirish imkonini beradi.
Shu sababli mavhum tafakkur o‘quvchining o‘quv va faoliyatida eng muhim
o‘ringa ega. Maktabning, pedagoglarning asosiy vazifalaridan biri o‘quvchilarning
mavhum tafakkurini rivojlantirish, ularda to‘g‘ri shallangan tushunchalar tizimini
hosil qilishdan iboratdir.
Turli kishilarda tafakkur xususiyatlar turlicha tarkib topgan va turlicha
namoyon bo‘ladi. Biri kishining o‘zida ham tafakkurning turli xususiyatlari
turlicha namoyon bo‘ladi. Bularning hammasi tafakkurning individual
xususiyatlarining asosini tashqil qiladi. Tafakkurning individual xususiyatlariga
bilish faoliyatining mustaqillik darajasi, epchillik, fikrlashning tezligi kabilar
kiradi.
175
Tafakkurning mustaqilligi dastavval yangi masala, yangi muammoni ko‘ra
bilish va qo‘ya bilishda, undan so‘ng esa uni o‘z kuchi bilan yecha bilishda
namoyon bo‘ladi. Tafakkurning mustaqilligida uning ijodiy xarakteri o‘z ifodasini
topgan.
Tafakkurning ixchamligi shundan iboratki, maslani yechishning boshda
belgildangan yo‘li (rejasi) asta-sekin yuzaga chiqadigan, avvaldan hisobga olib
bo‘lmaydigan muammo shartlarini qanoatlantirmasa, ana shu yo‘lni o‘zgartira
olishdan iboratdir.
Fikrning tezligi biror qarorni qisqa muddat ichida qabul qilingan hollarda
talab qilinadi.
Tafakkurning yuqorida ko‘rsatilgan barcha va boshqa juda ko‘p sifatlari
uning asosiy sifati yoki belgisi bilan chambarchas bog‘liqdir. Har qanday
tafakkurning eng muhim belgisi, uning ayrim individual xususiyatlaridan kat’iy
nazar, muhim tomonlarini ajratib, mustaqil ravishda tobora umumlashtirishga kela
bilishdan iborat.
Modul yuzasidan tayanch iboralar
Bilish jarayonlari, sezgilar, idrok, xotira, diqqat, tafakkur, esteziometr,
persepsiya, appersepsiya, gallyutsinatsiya, illyuziya, agglyutinatsiya,
giperbolizatsiya, sxematizasiya, tipiklashtirish, fenomenal xotira, emotsional
xotira, tushuncha, hukm, xulosa, induksiya, deduksiya, analiz, sintez, taqqoslash
Nazorat va muhokama qilish uchun savollar
1. Sezgi qanday jarayon?
2. Gallyusinasiya nima?
3. Sezgilarning turlarini aytib bering.
4. Idrok qanday jarayon?
5. Idrokning predmetliligini tushuntiring.
176
6. Idrokning yaxlitligi nima?
7. Idrokning ma’lum tartibda tuzilganligini tushuntiring.
8. Idrokning anglanganligi deganda nimani tushunasiz?
9. Idrokning turlarini tushuntiring.
10. Xayol haqida tushuncha bering.
11. Sust xayol deb nimaga aytiladi?
12. Shirin xayol deb nimaga aytiladi?
13. Faol xayol deganda nimani tushunasiz?
14. Qayta tiklovchi xayol deb nimaga aytiladi?
15. Ijodiy xayolni tushuntiring.
16. Xayol obrazlari qanday yaratiladi?
17. Agglyutinasiya deganda nimani tushunasiz?
18. Giperbolizatsiya nima?
19. Yangi xayolni tipiklashtirishni tushuntiring.
20. Tafakkur deganda qanday psixik jarayonni tushunasiz?
21. Qachon tafakkur faoliyati boshlanadi?
22. Tafakkurning mantiqiy shakllarini tushuntiring.
23. Tushuncha, hukm va xulosa chiqarish deganda nimani tushunasiz?
24. Hukmlar ob’yektiv borliqni aks ettirishiga qarab necha xil bo‘ladi?
25. Tafakkurda induktiv va deduktiv xulosa chiqarishni tushuntiring.
26. Tafakkur jarayonini tushuntirib bering.
27. Tafakkur turlarini aytib bering.
Bibliografiya
1. David G. Myers. Psychology. Tenth Edition // Hope College Holland,
Michigan. – NY.: Worth Publishers, 2013. –687 p.
2. Каримова В.М., Холйигитова Н.Х. Психология: Ўқув қўлланма. – Т.:
“IQTISODIYOT”, 2014. – 175 б.
3. Ғозиев Э. Умумий психология: Психология мутахассислиги учун
177
дарслик / Э.Ғозиев; ЎзР ОЎМТВ, М.Улуғбек номидаги ЎзМУ. – Т.:
“Ўзбекистон файласуфлари миллий жамияти” нашриёти, 2010. – 544 б.
4. Karimova V., Hayitov O., Akramova F., Lutfullayeva N. Umumiy
psixologiya: Nopedagogik va nopsixologik oliy o‘quv yurtlari uchun darslik
// V.M.Karimovaning umumiy tahriri ostida. – T.: TDIU , 2010. – 328 b.
5. Немов Р.С. Психология: Учеб. для студ. высш. пед. учеб. заведений: В
3 кн. – 4-е изд. – М.: Гуманит. изд. центр ВЛАДОС, 2003. – Кн. 3:
Психодиагностика. Введение в научное психологическое исследование
с элементами математической статистики. – 640 с.
6. Каримова В.М. Психология. Ўқув қўлланма. – Т.: А.Қодирий номидаги
халқ мероси нашриёти, 2002. – 205 б.
178
UMUMIY PSIXOLOGIYADAN PRAKTIKUM
PSIXIKANING EVOLYUTSION TARAQQIYOTI
Bosh miya
bo‘laklari
Uzunchoq
miya
Miyacha
Quyidagi topshiriqni bajaring!
1-topshiriq
Inson bosh miya bo‘limlarining faoliyati
O‘ziga xos xususiyati Bajaradigan funktsiyasi
Old miya
O‘rta miya
Voroley
ko‘prigi
2-topshiriq
Gansfeld metodi
Kerakli jihozlar: Bitta tennis koptogi, leykoplastr, baland ovozga ega
radiopryomnik (uyali aloqa apparati radiosi bo‘lmaydi).
Ishni olib borish tartibi: tennis koptogini teng qilib ikkiga bo‘linadi. Tinch
joyda yotgan holda radiopryomnikni bo‘sh to‘lqinga qo‘yib undan sh-sh-sh-sh
degan tovush kelishiga erishish zarur. Uni baland ovozga qo‘yib, ikkiga bo‘lingan
tennis koptogini ko‘z soqqasiga qo‘yib, ustidan leykoplastr bilan mahkam qilib
yopishtiriladi. So‘ngra tinch holatda radiopryomnik tovushiga butun diqqatni jalb
qilgan holda 20 daqiqa yotiladi.
yozing.
Ko‘zga qo‘yilgan koptog bo‘laklarini olib asta o‘rindan turasiz.
20 daqiqa ichida nima sodir bo‘ldi? O‘z hissiyotingizni bo‘lgan voqeani
_____________________________________________________________
__________________________________________________________________
__________________________________________________________________
179
SHAXS PSIXOLOGIYASI
3-topshiriq
“Shaxs nazariyalari” mavzusidan topshiriq varaqasi
Shaxs nazariyalari
Nazariy
yondashuv
Biogenetik
Tadqiqot predmeti
O‘rganiladigan savollar
Sotsiogenetik
Psixogenetik
Kognitiv
Psixoanaliz
Analitik
psixologiya
Bixeviorizm
Sotsial madaniy
nazariya
Gumanistik
psixoanaliz
Individual
psixologiya
Rollar nazariyasi
Mustaqil
o‘zlashtirish
Fazoviy zarurat
maydoni
Psixodinamika
nazariyasi
180
PSIXIK JARAYON: TASNIF, XUSUSIYAT, QONUNIYATLAR
SEZGINI EKSPERIMENTAL O‘RGANISH
Bilamiz-ki, sezgi aks ettirish jarayonlaridan biridir. Tevarak-atrofdagi narsa
va hodisalarning har xil a’zolarga bevosita ta’sir etib turishi natijasida ularning
turli belgi va xossalarining miyada aks ettirilish jarayoniga sezgi deb aytiladi.
Masalan, sezgilar orqali narsalarning rangi, shakli, mazasi, vazni, hidi, tovushi,
botishi va hokazolarni aks ettirish mumkin. Sezgilar ob`ektiv olamning sub`ektiv
obrazidir, inson bilimlarining manbaidir.
Sezgilarimiz bizga tevarak-atrofdagi narsa va hodisalar haqida dastlabki
axborotlarni etkazib turuvchi kanallar bo‘lib xizmat qiladi.
Sezgirlik va uning chegaralari haqida qisqacha tushuncha. Barcha
a`zolardagi sezgirlik o‘zining muayyan chegarasiga ega bo‘ladi. Sezgi, absolyut,
mutloq; farq qilish; yuqori chegaraga ega bo‘ladi.
Sezgining absolyut, mutloq chegarasi; bilinar-bilinmas muayyan sezgi hosil
qiluvchi minimal darajadagi kuchga ega bo‘lgan qo‘zgovchilar miqdori mavjuddir.
Shu miqdorga etmagan qo‘zgovchilar sezgini hosil qilmaydi. Sezgilar mutloq
chegarasining miqdori sezgi organlariniig mutloq sezgilarini sifatlaydi. Sezgining
mutloq chegarasi qanchalik past bo‘lsa, mutloq sezgirlik shunchalik yuqori bo‘ladi.
Sezgining mutloq chegarasini eshitish sezgisi misolida tushuntiradigan
bo‘lsak, mutloq eshitish tovushlardagi eng nozik o‘zgarishlarni sezish, tasavvur
qilishi va esda qoldira bilishdan iborat nodir iste`doddir. Mutloq eshitish
kishilardagi musiqa qobiliyatining asosini tashkil qilib, ayrim ijrochilarda o‘ta
darajada rivojlangan bo‘ladi.
Sezgining farqlanish chegarasi taassurot kuchining sezgilarda bilinarbilinmas
o‘zgarish hosil qiluvchi minimal darajadagi o‘zgarishidan iboratdir.
Sezgilarning yuqori chegarasi esa qo‘zgovchi kuchining maksimal darajada
ortishi natijasida sezgilar kuchining tegishli analizatorlarda ogʻriq hosil qilish
tomoniga qarab o‘zgarishidir. Masalan, haddan tashqari yorug‘lik aytaylik,
payvandlashda chiqadigan yorugʻlik ko‘zda ogriq sezgisini hosil qiladi. Agar
181
qo‘zgovchi kuchi sezgining yuqori chegarasidan ortsa, sezgi organlari zararlanishi
yoki butunlay ishdan chiqishi mumkin.
4-topshiriq
Mushak sezgisining farqlash chegarasi
Tadqiqotning maqsadi: har xil og‘irlikdagi qadoq toshlar yordamida
muskul sezgisining farqlash chegarasini aniqlash.
Tadqiqot uchun zarur jihozlar: 1 grammdan 500 grammgacha bo‘lgan har
xil qadoq tosh va metall plastinkalar.
Tadqiqotning borishi: tekshiriluvchi ko‘zi yumuq yoki bog‘lab (bekitib)
qo‘yilgan holda o‘ng va chap qo‘liga bittadan qadoq toshni olib, ularning vaznini
chamalaydi.
Dastlab har ikkala qo‘lidagi toshning vazni baravar (masalan, 600
grammdan) bo‘lishi kerak. Tekshiriluvchining bir qo‘lidagi qadoq tosh taqqoslash
uchun o‘zgarmas me`yor bo‘lib xizmat qilsa, ikkinchi qo‘lidagi qadoq tosh sekinasta
(1,2,3 va hokazo grammga) orttirib boriladi va toshlarning qay biri
og‘irlashganini tekshiriluvchidan damba-dam so‘rab turiladi. Muayyan
vaqtlargacha tekshiriluvchi ikkala qo‘lidagi qadoq toshlarning vazndagi
o‘zgarishini sezmaydi. Nihoyat, u bir qo‘lidagi tosh ikkinchi qo‘lidagiga nisbatan
og‘irlashganini aytadi. Tekshiriluvchi tomonidan payqab olingan qo‘shimcha
og‘irlik miqdori undagi muskul sezgisinng farqlash, chegara ko‘rsatgichi bo‘lib
hisoblanadi. Har bir tekshiriluvchi bergan ko‘rsatkichlar qarorda qayd etib borilishi
kerak.
Tadqiqot natijalarini tahlil qilish: o‘tkazilgan tadqiqot natijasi
quyidagicha qarorlashtirilib, tahlil qilinishi mumkin.
Bayonnoma:
Tajriba mavzusi – muskul sezgisini farqlash chegarasini tekshirish
Tekshiruvchi _______________________
Tekshiriluvchi ____________________
Sana. ____________________
182
№
Tavsiya qilingan qo‘zg‘ovchi
doimiy
o‘zgaruvchi
Tekshiriluvchidan olingan
ko‘rsatkich
1 600 601 teng
2 -- 602 --
3 -- 603 --
4 -- 604 --
5 -- 606 --
6 -- 610 --
7 -- 612 --
8 -- 615 --
9 -- 617 --
10 -- 620 O‘ng qo‘limda og‘ir
11 -- 620 --
12 -- 620 --
n
Mazkur tajribaning ko‘rsatishicha, tekshiriluvchining muskul sezgisidagi
farq qilish chegarasi 20 grammga teng. Bu miqdor dastlabki tavsiya qilingan 600
grammlik vaznining 1,30 qismini tashkil qiladi. Bu ko‘rsatkich har xill odamda
boshqa-boshqa chiqishi tabiiydir. Chunki odamning yoshi, tajribasi, hatto
shugullanadigan ish faoliyati bilan bog‘liq holda sezgirlik chegarasi ham o‘zgarib
boradi.
5-topshiriq
Odamning teri va badan orqali sezishini tekshirish
Tadqiqotning maqsadi: talabalarga insonning bilish faoliyatida sezgining
rolini ko‘rsatib berish.
Tadqiqot uchun zarur jihozlar: unchalik katta bo‘lmagan oddiy buyum
(predmet): kalit, rezina, bo‘r, tugma, ilmatugma kabilar.
Tadqiqotning borishi: tadqiqot ikki faslda o‘tkaziladi. Birinchi faslda
183
tekshiruvchi tekshiriluvchiga orqa o‘girib, qaramay turishni taklif qiladi va dastlab
tekshiriluvchining barmoqlari ortiga, keyin kaftiga – barmorlari uchiga kalit, rezina
yoki ilmatugmani qo‘yadi. Har safar tekshiriluvchiga qarab: “Ushbu buyum haqida
nima deyishingiz mumkin?”, – degan savolni berib boradi. Tekshiriluvchi
tomonidan berilgan javoblarni butun guruh yozib boradi.
Tadqiqotning ikkinchi faslida tadqiqotchi tekshiriluvchiga predmetni ushlab
ko‘rishni taklif qiladi va birinchi faslda o‘tkazilgan tajriba jarayonidagi savolga
javob berishni so‘raydi. Tekshiriluvchining bergan javoblarini bu safar ham butun
guruh yozib boradi.
Har bir tajribani dastlab psixologiya o‘qituvchisining o‘zi o‘tkazib
ko‘rsatadi. So‘ngra talabalarning o‘zlari mustaqil o‘tkazadilar.
Tadqiqot natijalarini tahlil qilish: o‘tkazilgan birinchi fasldagi tajriba
yuzasidan talabalar shunday xulosaga olib kelinadi: sinaluvchi kishida bir-biridan
ajratilgan alohida-alohida sezgilar paydo bo‘ladi. Bu sezgilar predmetning nima
ekanini bilishga imkon bermaydi. Uning faqat ayrim xususiyatlarini aks ettiradi:
“qandaydir bir yengil narsa”, “yumshoq bir narsa”, “sovuq narsa”, “metall buyum”
va shunga o‘xshash javoblar beriladi.
Ikkinchi faslda o‘tkazilgan tajribaning ko‘p hollarida sinaluvchilar
predmetning nima ekanligini aytib beradilar. Chunki predmet kompleks
qo‘zgatuvchi sifatida badan orqali sezish yordamida idrok etiladi. Bunda faqat teri
sezgilarigina emas, balki kinestetik analizatorlar ham ishga tushadi va bilish
apparatlari harakatga keltirilgan bo‘ladi.
6-topshiriq
Teri sathi sezgilarining mutloq chegarasi
Tadqiqotning maqsadi: esteziometr (teri sezgirligini o‘lchaydigan asbob)
yordamida teri sezgisining mutloq chegarasini aniqlash.
Tadqiqot uchun zarur asbob va jihozlar: esteziometr. Bu asbob tashqi
ko‘rinish jihatidan shtangentsirkul (biror detalning qalinligi, yo‘gonligi yoki ichki
diametrini o‘lchaydigan asbob) ni eslatadi.
184
Esteziometr
Esteziometr – millimetrlarga ajratib chiqilgan metall sterjen (tayoqcha);
sterjenning nol bo‘lmasi tomoniga o‘rnatilgan qo‘zgalmas oyoqcha: millimetr
butun qismi bo‘ylab har ikkala tomonga surish mumkin bo‘lgan – harakatlanuvchi
oyoqchalardan tuzilgan asbobdir. Tadqiqot jarayonida esteziometrning
qo‘zgaluvchi oyoqchasini surish orqali ikkala oyoqcha oralig‘idan zarur bo‘lgan
kenglikni tanlash mumkin.
Tadqiqotning borishi: tadqiqot ikki faslda o‘tkaziladi. Birinchi fasl. Tajriba
jarayonida tekshiriluvchining ko‘zlari yumuq yoki bog‘lab qo‘yilgan bo‘lishi
kerak. Shuningdek, barmoqlarining terisi taranglashmagan holatda bo‘lishi uchun
uning qo‘li tirsagiga tayanib turishi kerak. Tekshiruvchi esteziometr oyoqlari
oralig‘ini muayyan darajada ochgani holda uni tekshiriluvchi panjalarining sirtiga
yengil tekkizib: “Nechta narsaning tegayotganini sezayapsiz?”, – deb so‘rab
boradi. “Ikkita narsaning tegayotganini sezayapman”, – degan javobni bergunga
qadar esteziometr oyoqchalari oralig‘ini kam-kamdan qisqartirib boradi.
Tajribaning ikkinchi faslida aksincha: asbob oyoqchalarining oralig‘ini
muayyan kenglikda (masalan 40 mm) ochilgani holda tekshiriluvchining qo‘l
panjalari ortiga tekkizib, birinchi fasl tekshirishida berilgan savolni takrorlaydi va
nihoyat, tekshiriluvchining: “Bitta narsa tegayotganini sezayapman”, – degan
javobiga qadar oyoqchalar oralig‘ini kam-kamdan qisqartirib boradi.
185
7-topshiriq
Ko‘rish sezgisida izchil ranglar kontrastining
hosil bo‘lish qonuniyati
Tadqiqotning maqsadi: ko‘rish sezgisida ranglar kontrastining hosil
bo‘lishini tekshirish.
Tadqiqot uchun zarur jihozlar: kattaligi 48x64 sm bo‘lgan oq qog‘oz
varaqlari; ularga 15x15 sm kattalikdagi yashil, qizil, ko‘k, sariq rangli kvadratlar
qirqib yopishtirilgan, oq rangli ekran.
Tadqiqotning borishi: tajribani tabiiy kunduzgi yorug‘lik sharoitida yoki
kunduzgi yorug‘likka yaqin bo‘lgan nur taratadigan lampalar yorug‘ligida
o‘tkaziladi.
Tajribada ishtirok etayotgan talabalar xonada shunday o‘tqazilishi kerak-ki,
ularning har biriga rangli kvadrat to‘ppa-to‘gri ko‘rinib turadigan bo‘lsin.
Kvadratlar ulardan 4 m gacha uzoqlikda o‘rnatiladi. Talabalarga 20–40
sekund mobaynida rangli kvadratlarga tikilish, keyin esa o‘z nigohini ekranga
ko‘chirish hamda unda rangli kvadrat paydo bo‘lmaguncha nigohni uzmay turish
taklif qilinadi. Bunda turli kishilarda izchil ranglar kontrasti turlicha kechishini
ta`kidlab o‘tish zarur.
Oldindan tayyorlab qo‘yilgan barcha rangdagi kvadratlar bilan tajribani
takrorlash zarur.
Tajribalar tamom bo‘lganidan keyin ularning natijalarini yozib olish,
yozilayotgan kvadrat rangini belgilash hamda izchil kontrastda paydo bo‘layotgan
ranglar tonini ko‘rsatib yozish zarur. Bunda izchil kontrastlar harakatdan keyingi
hodisa natijasi ekanligini ta`kidlab o‘tish zarur.
Insondagi ko‘rishni idrok qilishning eng asosiy va u siz yashash mumkin
bo‘lmagan jarayonlardan biri ko‘rish motorikasining o‘zaro muvofiqligidir.
Ko‘rish motorikasi bog‘cha yoshidagi bolalarning maktabga tayyorligining eng
asosiy funksiyalaridan hisoblanadi.
Agar shaxsda ko‘rish motorikasi yaxshi rivojlanmagan bo‘lsa u narslarni
186
tekis va kerakli holatida qirqa olmaydi. Shuningdek unda to‘g‘ri chiziq va gemetrik
figuralarni chizishda muammolar paydo bo‘ladi.
Shaxsdagi ko‘rish motorikasining buzilishiga asosiy sabablari:
Ko‘rish apparatining buzilganligi;
Ko‘rish-harakatii funktsiyasining buzilganligi;
Umumiy, qo‘l (mayda) motorikaning buzilishi;
Muskullarning tarangligi yoki aksincha, uning pastligi;
Xatti-haraktlarning o‘zaro muvofiq emasligi;
“Chapaqaylik” bo‘lishi mumkin.
8-topshiriq
“Ko‘z yo‘nalishi” metodikasi
Metodikani bajarish: Ko‘z orqali ko‘rsatilayotgan yo‘nalishni kuzatib
borish.
Ushbu metodika 15 marta amalga oshiriladi.
Ko‘z harakatlari orqali sekinlik bilan chapga va o‘nga qarash;
Sekin-ohistalik bilan yuqoriga va pastga qarash;
Ko‘z harakatlari orqali soat strelkasi bo‘ylab qizil chiziqlarni kuzatish;
Ko‘z harakatlari orqali soat strelkasiga teskari yo‘nalishda ko‘k chiziqlarni
kuzatish;
Ikkala chiziqdan ko‘z olmagan holda kuzatish.
a. b.
187
v. g.
Shunga yaqin bo‘lgan bir nechta metodikalarni tavsiya qilishimiz mumkin.
Ularning hammasi ekranda yoki katta formatdagi karton qog‘ozda beriladi va ular
lazer tayoqchasi yordamida amalga oshiriladi.
9-topshiriq
O‘zingizni sensomotor xususiyatingizni tekshirib ko‘ring
1. Chizg‘ich yordamida qalam bilan ikkita to‘g‘ri parallel bo‘lgan 30 sm
uzunlikdagi, orasi 2mm bo‘lgan chiziq chizing. Endi ruchka bilan 15-20 soniyada
ikkala chiziq orasidan chizg‘ichsiz chiziq tortishga harakat qiling.
Agar chizig‘ingiz yuqori yoki paski qismga :
2-3 marta tegib ketsa – yaxshi;
4-10 marta tegib ketsa – o‘rtacha;
10 dan oshsa – yomon ko‘rsatkichni bildiradi.
2. Topshiriqni biroz qiyinlashtiramiz: endi yuqoridagi chiziqlarni o‘sha
uzunlikda faqat zig-zag yokm arra tishlari kabi ko‘rinishda chizamiz. Bunda xar bir
188
arrasimon tishlar uzunligi 3smni va 45 gradus burchakni tashkil qilishi kerak.
Avvalgidek 15-20 soniya oralig‘ida paralell chiziqlar orasidan chiziq
o‘tkazamiz. O‘tkazilgan chiziqlarni chegaradan chiqib ketgan joylarini chig‘ich
yordamida o‘lchaymiz va natijani qo‘shib chiqamiz. Agar ular uzunligi:
1 sm bo‘lsa – natija yaxshi;
2 sm bo‘lsa – o‘rtacha;
2 sm katta bo‘lsa – qoniqarsiz.
Sensomotorikani rivojlantirishda quyidagi mashqlar yordam beradi.
1. Dastlabki holat – tik turgan holda, oyoqlar yelka kengligida, qo‘llar
yonga tushirilgan, yelka va kift, barmoqlar bo‘shashtirilgan holatda. Endi bir
daqiqa davomida qo‘l barmoqlaringizni mahkam yuming va oxirigacha oching
(rasmdagi a-holatda).
2. Dastlabki holat – tik turgan holda, oyoqlar yelka kengligida, qo‘llar
yonga tushirilgan, yelka va kift, barmoqlar bo‘shashtirilgan holatda. Yana 1 daqiqa
davomida qo‘l barmoqlaringizni mahkam yumib ochgan holda qo‘llaringizn yon
yo to‘g‘riga uzating. Mashq davomida qo‘llaringizni aylana harakatida ham
qilishingiz mumkin (rasmdagi b-hoalt).
3. Dastlabki holat – tik turgan holda, oyoqlar yelka kengligida, qo‘llar
yonga tushirilgan, yelka va kift, barmoqlar bo‘shashtirilgan holatda. 1 daqiqa
davomida barmoqlaringizni bosh barmoqdan boshlab yumib borasiz va shu tartibda
189
ochasiz (rasmdagi v-holat).
4. Dastlabki holat – tik turgan holda, oyoqlar yelka kengligida, qo‘llar
yonga tushirilgan, yelka va kift, barmoqlar bo‘shashtirilgan holatda. Yana 1 daqiqa
davomida qo‘l barmoqlarini birin-ketinlikda aylantiramiz va yana orqaga
qaytaramiz. Qo‘l barmoqlarni aylantirishni qo‘llarni oldinga cho‘zgan holatda ham
bajarsai bo‘ladi (rasmdagi g-holat).
Ushbu mashqlarni o‘tirgan holatda nafasni bir tekis olgan holda bajarsa
ham bo‘ladi.
Yuqoridagilardan kelib chiqib bola ta’lim muassasasida turli xildagi qo‘l
mehnati bilan shug‘ullanishi lozim. Quyida shunga mos keladigan bir necha
turdagi mashqlarni taklif qilishimiz mumkin.
Turli xildagi ko‘rish motorikasini rivojlantirish uchun mashqlar:
Grafik namunalarni chizish (geometrik figuralar, turli qiyinchilikdagi
naqshlar);
Turli xildagi qiyinchilikdagi geometrik figuralarning usti yoki ichki
qismidan chizib chiqish;
Biror bir figurani asosan qo‘l uzmasdan qaychi yordamida qirqish;
190
Rasmlarni shtrixlash va rangi qalamlar yordamida bo‘yash;
Turli xildagi tasviriy san’at turlari bilan ishlash (rasm chizish, yasash,
applikatsiyalar qilish va hokazo);
Mozaika bilan ishlash;
Gugurt cho‘plari yordamida figuralar yasash.
Qo‘l barmoqlari yordamida turli figuralar yasashni bajarish;
Barmoqlar gimnastikasi bilan shug‘ullanish;
Nuqtalar yordamida figuralarni tutashtirish;
Rasmni davomini chizish (kataklar yordamida);
Rasmni tugatish (ikkinchi bo‘lakka qarab, rasmning yetishmayotgan
qismlarini chizish);
Turli xildagi bosma rasmlar chizish.
Bilamizki shaxsdagi psixik xususiyatlarni rivojlantirish asosan o‘yin
faoliyati orqali amalga oshiriladi. Qo‘yida biz 4-5 yoshli bolalarda ko‘rish
motorikasini rivojlantirish uchun qo‘llash mumkin bo‘ladigan bir necha xildagi
o‘yinlarni misol qilishimiz mumkin:
Aylanaga koptokchani tashlash va tutib olish;
Maxsus effektlar bilan chizilgan gilamchalarda uynash, ya’ni “Tun va kun”,
“Yil fasllari”;
Turli xildagi labirint yo‘llardan yurish va manzilga chiqishi;
Barmoqlar teatri.
IDROKNI EKSPERIMENTAL O‘RGANISH
Sezgi organlarimizga bevosita ta`sir etib turgan narsa va hodisalarning
ongimizda butun, yahlit holda aks ettirishdan iborat psixik jarayondir. Idrok
jarayonida barcha ruhiy hayotimiz, ongimizning butun mazmuni, bilimlarimiz va
tajribalarimiz ishtirok etadi. Shuning uchun ham idrok sezgilarga nisbabatan
murakkabroq va mazmundor psixik jarayon bo‘lib hisoblanadi. Idrokning
fiziologyk asoslari qo‘zg‘ovchilar yigindisi ta`sirida bosh miya yarim sharlari
qobigida hosil bo‘lgan shartli reflektor (muvarrat) nerv boglanishlaridan iboratdir.
191
Idrok perceptiv harakterga ega. Chunki kishilar idrokining mazmuni birbiridan
farq qiladi. Kishilar aynan bir hil narsani o‘z bilim darajasi, turmush
tajribasi, dunyoqarashi hamda ijtimoiy kelib chiqishiga qarab turlicha idrok
qiladilar. Idrokning nechog‘lik mazmundorligi shahsning dunyoqarashi, e`tiqodi,
ideali, bilim va madaniy saviyasi, hayotdan orttirgan tajribalari hamda
qiziqishlariga boglirdir.
Idrok qaysi organ (analizator) orqali amalga oshiqilishiga qarab: ko‘ruv,
eshituv idroki; ob`ektiga qarab: vaqt (zamon), harakatni, fazo (makon)ni idrok
qilish kabi turlarga ajratib o‘rganiladi.
Vaqtni idrok qilish asosan ruhiy hodisalarimizning almashinuvi tufayli ro‘y
beradi. Vaqtni idrok qilish idrok qilinayotgan vaqt birligining ob’yektiv
mazmuniga hamda bizning unga bo‘lgan munosabatimizga bog‘lir. Masalan,
bizning ehtiyoj va qiziqishlarimizga mos bo‘lgan vaqt birligini idrok qilganimizda,
vaqt sub`ektiv jihatdan tez idrok qilinadi va aksincha.
Harakatni idrok qilish – jismlarning fazo (makon)dagi o‘rin almashtirishini
bevosita aks ettirishdir. Harakat nisbatan va nisbatsiz idrok qilinadi: agar
harakatdagi jism atrofidagi boshqa harakatsiz jismlarga taqqoslab idrok qilinsa, bu
harakatni nisbatan idrok qilish deyiladi: aksincha, harakatdagi jism hech narsaga
tarroslanmay idrok qilinsa, bu harakatni nisbatsiz idrok qilish deyiladi.
Fazo (makon)ni idrok qilish — voqelikdagi narsa va hodisalarning fazoda
tutgan o‘rnini, shaklini, miqdorini hamda bir-birlariga nisbatan munosabatlarini
uch o‘lchovda: balandlik, kenglik, uzorlikda bevosita aks ettirishdan iboratdir.
10-topshiriq
Idrok jarayonida appertseptsiyaning roli
Tajribaning maqsadi. Tanib olish metodi yordamida idrokdagi
appertseptsiyaning rolini tekshirish.
Tadqiqot uchun zarur jihoz va asboblar: turli xil buyumlar: g‘altakchalar,
iplar, angishvona, fotoplenkasini o‘qiydigan kassetalar, lab bo‘yogi (pomada), soch
turmaklagich (bigudi)lar, ilmatugma, elektr lampochka patronlari, o‘yinchoq
192
mashina g‘ildiraklari va hokazo buyumlar to‘plami.
Tadqiqotning borishi. Tadqiqotchi va qaror yozuvchi o‘qituvchi bergan
zarur ashyolar bilan oldindan tanishib chiqadi. Tekshiriluvchi esa bu buyumlarni
ko‘rmasligi lozim. U ko‘zi boglangan holda unga taqdim etilgan buyumlarni
ushlab, paypaslab ko‘radi va nomini aytadi. Qaror yurituvchi tekshiriluvchi
tomonidan predmetning nimaligini aniqlash uchun sarflangan vaqt, javobning
to‘gri yoki noto‘griligi va tekshiriluvchining tajriba paytida o‘zini tutishi kabilarni
qayd etib boradi. So‘ngra mazkur nomlari aytilgan buyumlar bilan
tekshiriluvchining hayotiy tajribasi o‘rtasida qanaqa bog‘lanishlar mavjud ekanligi
aniqlanadi.
Tajribani har qaysi tekshiriluvchilar bilan boshqa-boshqa turli xil ashyolar
yordamida o‘tkazilib, juz’iy xulosalar chiqariladi.
Tadqiqot natijalarini tahlil qilish. Tajribalar natijasi quyidagi jadvalda aks
ettiriladi.
So‘ngra har qaysi tekshiriluvchidan olingan natijalar taqqoslab chiqiladi.
Buyumlarni paypaslab idrok etish orqali tanib olishda o‘tmish tajriba
(appertseptsiya)ning roli haqidagi ma`lumotlar qarorda qayd qilib qo‘yiladi.
Buyumlar to‘plami
Taniy olish
vaqti
Tekshiriluvchining
vaqti
Tekshiriluvchining
o‘zini tutishi
Kasseta
Ip o‘ralgan g‘altak
Soch turmaklagich
Lampa patroni
11-topshiriq
Fazoviy munosabatlarni idrok qilish
Tadqiqotning maqsadi: chiqarilayotgan tovush manbaini aniqlash
yordamida eshitish qo‘zg‘ovchisining fazoviy cheklanish aniqligini tekshirish.
193
Tadqiqot uchun zarur jihozlar: ikkita tanga, sekundomer yoki sekund
strelkali soat.
Tadqiqotning borishi. Tekshiriluvchi ko‘zi yumilgan yoki bog‘langan holda
stulda qimirlamay o‘tiradi. Tadqiqotchi bosh va ko‘rsatkich baqmoqlari orasiga
ikkita tangani qisib ushlab, uning old tomonida tik turadi va tekshiriluvchining
boshidan bir xil uzoqlikda dam o‘ngga, dam so‘lga, dam orqaga, dam oldinga
qo‘lini cho‘zib, tangalarini bir-biriga ishqab (har bir yo‘nalishda 3-5 marta, biroq
uzluksiz emas), ulardan tovush chiqaradi, jaranglatadi. Tekshiriluvchi ovoz manbai
qaysi tomonda ekanligini ko‘rsatib beradi.
Tekishriluvchi bu vazifani bajargandan so‘ng, unga o‘sha xil vazifani bir
qulog‘ini bekitgan holda bajartirish lozim.
Tadqiqot natijalarini tahlil qilish. Qaror yurituvchi tekshiriluvchining ovoz
manbai yo‘nalishini aniqlash bo‘yicha natija ko‘rsatmalarini, to‘g‘ri javoblar
sonini, bu javoblar uchun ketgan vaqtni hisoblab, jadvalda qayd qilib qo‘yadi:
Tavsiya
raqami
Tovush
manbaining
joylashgan
tomoni
Tekshiriluvchining javobi
Latent
vaqti
To‘g‘ri
javoblar soni
Tekshiriluvchi kelayotgan tovush o‘rnini bir necha bor aniqlaganidan so‘ng,
tovushning qaysi tomondan tarqalish aniqligi quyidagicha formula orqali hisoblab
chiqiladi:
A – bir yo‘nalishga oid to‘gri javoblar soni, V – shu yo‘nalishda olib
borilgan tajribalar soni. Ish so‘ngida tovush manbai tarqalish natijalariga oid
umumiy hisoblar ikki quloq va bir quloq bilan eshitib, aniqlangan natijalar asosida
taqqoslanadi.
Shunday qilib, o‘tkazilgan barcha tajriba natijalari haqida umumiy xulosa
chiqaqiladi.
194
12-topshiriq
Teri tuyush (taktil) va ko‘ruv idroki
Tadqiqotning maqsadi: teri (taktil) va ko‘rish idrokining xususiyatlarini
tekshirish.
Tadqiqot uchun zarur jihozlar: qattiq qog‘oz yoki kartondan tayyorlangan
bir necha juft shakllar.
Tadqiqotning borishi. Tekshiruvchining tavsiyasiga binoan tekshiriluvchi
ko‘z bilan ko‘rmagan holda oldindan tanish bo‘lmagan shaklni qo‘li bilan bir
daqiqa vaqt davomida paypaslab, qo‘l barmoqlarining terisi orqali idrok qiladi.
Keyin o‘sha shaklni qog‘ozga chizadi. Qaror yozuvchi uni kuzatib, hattixarakatlarini
jadvalda qayd etib boradi, tekshiriluvchining chizgan rasmini uning
oldidan olib qo‘yadi. Shundan so‘ng tadqiqotchi sinaluvchiga original shaklni
ko‘rsatadi. Sinaluvchi esa ko‘rsatilgan rasmni bir daqiqa mobaynida ko‘rib chiqadi
va shundan so‘ng shaklni qayta boshdan chizadi.
Tadqiqot natijalarini tahlil qilish. Tajriba natijalari jadvalda qayd qilinadi.
Har bir tekshiriluvchi chizgan rasmlari taqqoslanadi va turli guruh
sinaluvchilarning teri-taktil harakat hamda ko‘rish idrokiga xos xususiyatlarni
solishtirib, umumiy xulosaga kelinadi.
Tadqiqot vazifalari
Paypaslab ko‘rish orqali
aniqlash
Ko‘rish orqali aniqlash
Original rasmning
sinaluvchi chizgan
rasmdan farqi
Tekshriluvchining hattixarakatlari
DIQQATNI EKSPERIMENTAL O‘RGANISH
Insonning biron-bir narsani bilishi, anglashi va ularni idrok etish, xotirada
saqlash yoki biron-bir muammo ustida mushohada yuritishi uchun ongini to‘plashi
va yo‘naltirishi lozim bo‘ladi. Diqqatning muhim xususiyatlari uning to‘planishi va
yo‘nalganlik xarakteriga egaligidir. Bilimlarni o‘zlashtirish jarayonida har bir
psixik jarayonning o‘ziga xos o‘rni borligi sir emas. Ammo ularni yaqqol va
195
mahsuldor natijalarga ega bo‘lishi ko‘p jihatdan shaxs psixikasining shunday
bo‘g‘iniga bog‘liqki, ko‘p holatlarda psixik jarayonlarning rivojlanishida
uchraydigan nuqsonlar vaqtida e’tibordan chetda qoldiriladi.
Diqqatni amaliy o‘rganish va uning natijalarini psixologik tahlil etish shaxs
faoliyatini samarali tashkil etish imkonini beradi. Diqqatning nazorat funktsiyasi
har bir bajarilayotgan vazifalarning optimallik darajasiga bog‘liq bo‘ladi. Shu
sababli ham ko‘pincha ishlash qobiliyati, faoliyatning bir maromda va barqaror
yuqori samara bilan bajarilishi diqqatning rivojlanganlik darajasiga bog‘liq.
Diqqatning boshqa psixik jarayonlardan farqli tomoni shundaki, uni
baholashda bir qator jihatlari inobatga olinadi. Diqqatning psixik jarayon sifatida
qarash yoki uni jarayon sifatida e’tiborga olmaydigan tomonlari ham mavjud.
Diqqatning psixik jarayon emasligiga sabab uning alohida faoliyat mahsuliga ega
bo‘lmasligida. Aksincha, diqqatni boshqa psixik jarayonlar bilan munosabatida
jarayon sifatida, ya’ni sensor, pertseptiv va intellektual diqqat; holat sifatida esa
to‘plaganlik holatini, shaxs xususiyati sifatida esa e’tiborlilik tarzda qarash
mumkin.
Diqqatning boshqaruvchilik funktsiyasi boshqa bilish jarayonlaridan ancha
farq qiladi. Bu esa uning turlarini psixik boshqarish usullari bilan munosabatida
kuzatiladi. Diqqat turlarini tasniflashda ixtiyorsiz, ixtiyoriy va ixtiyoriy diqqatdan
keyingi diqqatga ajratishga olib keldi. Ixtiyorsiz diqqat ta’sir ko‘rsatuvchining fizik
xususiyatlariga bog‘liq (jadalligi, kontrastligi, davomiyligi, tasodifiyligi va
boshqalar). Agar diqqatning yo‘nalganligi va to‘planganligi anglashilgan
maqsadga asoslangan bo‘lsa, bu ixtiyoriy diqqat, deb ataladi. Ikkita turi bilan bir
qatorda va ulardan farqli ularoq, uchinchi turi – ixtiyoriy diqqatdan keyingi diqqat
ham mavjud. Bunda qandaydir vazifa ongli amalga oshirilganligi bilan, shaxsning
bu faoliyatga singib ketishi irodaviy kuch talab etmaydi.
Diqqatning bir qator xususiyatlari mavjudki, ularga tanlovchanligi, kuchi,
barqarorligi, to‘planishi, hajmi, taqsimlanishi va ko‘chishi kiradi. Diqqatning hajmi
deganda, qisqa vaqt ichida idrok etilgan ob’yektlar miqdori tushuniladi. Qator
tadqiqotchilar diqqatning hajmi deganda, axborot ko‘lamidan kelib chiqib
196
baholashadi. Ularning fikricha, sub’yektning bu axborotni o‘zlashtirish uchun
qanday qilib ongni to‘plash imkoniyati bilan baholanadi.
Har xil turli stimulli sharoitda diqqat ko‘lamini ixtiyoriy boshqarish ancha
cheklangan. Stimullarning ma’noli tuzilmasi esa yuqori ko‘rsatkichga olib keladi.
Diqqat ko‘lamining cheklanganligi sensor-pertseptiv zonaga tushgan
ob’yektlarning doimiy ajratib olinganligi bilan belgilanadi. Ajratilmay qolgan
ob’yektlar esa fon sifatida ishtirok etadi. Diqqat yo‘naltirilgan bir qator ob’yektlar
bo‘ladiki, ammo ularning hammasini ham tanlab bo‘lmaydi. Faqat diqqat ajrata
olgan qismigina uning tanlovchanligini ifodalaydi.
Diqqatning barqarorligi – bu sub’yektning psixik faollik yo‘nalishidan
chalg‘imasdan, ob’yekt ustida diqqatni to‘plab tura olishi vaqtiga aytiladi.
Diqqatning to‘planganligi har xil chet ta’sirlar sharoitida sub’yektning
ob’yekt ustida ongini to‘plab tura olish qobiliyati bilan izohlanadi.
Diqqatning taqsimlanishi sub’yektning bir vaqtning o‘zida bir necha
ob’yektga yo‘nalganligi va imkoniyatiga aytiladi. Eksperimentda diqqatning
taqsimlanganligini bir topshiriqni bajarishda qanchalik vaqt ketganligini, aynan
ushbu topshiriqni boshqalari bilan birgalikda bajargan sharoitda qanday natija
berganligi bilan taqqoslanadi.
Diqqatning ko‘chishi deganda, bir ob’yektdan ikkinchi bir obyekga, bir
faoliyat turidan ikkinchisiga ixtiyoriy ko‘chib o‘tishi bilan xarakterlanadi.
Yuqorida sanab o‘tilgan diqqat xususiyatlari funktsional birlikka ega va
ularni ajratish esa eksperimental usullar orqaligina amalga oshiriladi. Shu sababli
ham bugungi kunda diqqat xususiyatlarini o‘rganishda psixologiya tarmoqlarida
mavjud usullarning boshqa fanlar usullari bilan o‘zaro hamkorligida amalga
oshirilmoqda.
13-topshiriq
Shaxs diqqati ko‘lamini aniqlash metodikasi
Metodikani foydalanish mumkin bo‘lgan sohalari: Ushbu metodika
yordamida shaxsning diqqat ko‘lami aniqlanadi.
197
Eksperiment uchun jihozlar: Buning uchun 8 ta bir xil jadvalda turlicha
hajmdagi nuqtalar aks ettirilgan tasvirlar stimul materiali sifatida foydalaniladi.
Har bir jadvallardagi nuqtalar soni ularning soniga mos tarzda ko‘payib boradi.
Tajribadan oldin o‘quvchiga quyidagicha ko‘rsatma beriladi:
Tekshiriluvchiga yo‘riqnoma. “Hozir siz bilan diqqat hajmini o‘rganish
metodikasi ustida tajriba o‘tkaziladi. Sizga nuqtalar chizilgan kartochkalar ketmaket
ko‘rsatiladi. Ushbu nuqtalarni bo‘sh kataklarga chizasiz”.
Tajribani borish tartibi. Talabaga sakkizta kartochka 1-2 soniya oralig‘ida
ketma-ket ko‘rsatiladi. Navbatdagi kartochkani ko‘rsatishdan oldin, talabaga esga
olib qolgan nuqtalarni qayta esga tushirishi va bo‘sh kartochkaga belgilab qo‘yishi
uchun 15 soniya vaqt beriladi.
“Nuqtalarni esga olib qol va o‘z o‘rniga qo‘y” topshirig‘i uchun
stimul materiali
198
Natijalarni qayta ishlash. “Nuqtalarni esga olib qol va o‘z o‘rniga qo‘y”
topshirig‘i matritsasi.
Shaxs diqqati ko‘lamini u to‘g‘ri aks ettirgan nuqtalarning hajmi bilan
belgilanadi. Buning uchun eng ko‘p nuqtali, to‘g‘ri to‘ldirilgan kartochka olinadi:
10 ball – agar talaba 6 va undan ko‘p nuqtalarni to‘g‘ri aks ettirgan bo‘lsa.
8-9 ball – talaba kartochkadagi 4 dan 5 tagacha nuqtani xatosiz aks ettirgan
bo‘lsa.
6-7 ball – talaba kartochkadagi 3 dan 4 tagacha nuqtani xotirasida to‘g‘ri
tiklagan bo‘lsa.
4-5 ball – talaba kartochkadagi 2 dan 3 tagacha nuqtani to‘g‘ri esda olib
qolganda.
0-3 ball – talaba bitta kartochkada bittadan ortiq nuqtani to‘g‘ri aks ettira
olmagan bo‘lsa.
Rivojlanganlik darajasi
10 ball – juda yuqori.
8-9 ballar – yuqori.
6-7 ballar – o‘rtacha.
4-5 ballar – past.
0-3 ballar – juda past.
TAFAKKURNI EKSPERIMENTAL O‘RGANISH
Kirish qaydi: Oldingi tajribalar shaxsning tafakkuriga ijobiy ta’sir o‘tkazib
qolmasdan, ba’zan yangi muammolarni hal etishda to‘siq bo‘lib qolishi ham
mumkin. Bu xususida geshtalt psixologiya vakili M.Vertgeymer shunday bir
g‘oyani ilgari surgandi. Uning fikricha, oldingi tajribalar shaxsning ijodiy
tafakkuriga salbiy ta’sir ko‘rsatishi, ammo haqiqiy tafakkurning to‘liq namoyon
bo‘lishiga ham xizmat qilishi mumkin ekan. Bunday holat ko‘proq bolalarga xos,
ammo inson ta’lim jarayonida, xususan amaliy tajribalar vaqtida har xil
murakkablikdagi topshiriqlarni yechishga yordam beruvchi, ancha cheklangan
usullarni o‘zlashtirishi yoki o‘zi xohlamagan holda tafakkurning rigidligini
199
egallashi mumkin bo‘ladi. Rigidlik deganda, shaxs faoliyatini oldindan
dasturlashgan faoliyatdan chetga chiqolmasdan, yangi usul va qoidalarga
tafakkurni ko‘chira olmasligi tushuniladi. Psixologiyada rigidlikning uch turi, ya’ni
kognitiv (bilish bilan bog‘liq), affektiv (hissiy) va motivatsiyali rigidlik to‘g‘risida
so‘z boradi.
Ko‘proq ta’lim jarayonidagi bilish faoliyati kognitiv rigidlikni o‘z ichiga
qamrab olgan. Shu sababli ham ta’lim jarayonida talabalarning tafakkurini tadqiq
etishda psixologlar quyida taqdim etiladigan metodikadan foydalanishlari mumkin.
Metodika A.Lachins metodikasi deb nomlanib, bunda ikki guruh talabalariga bir
xil turdagi ikki xil topshiriq taqdim etiladi. Bunda masalani yechishda kimdir oldin
qo‘llangan usullardan, kim esa ancha ratsional usullardan foydalanishi mumkin
bo‘ladi.
14-topshiriq
A.Lachins metodikasi
Tajriba o‘tkazish uchun zarur jihozlar. Bolalarni diagnoz qilishga qadar
o‘nta topshiriqni qayd etishga mo‘ljallangan 1 va 2 blankalar tayyorlab olinadi.
O‘tkazish tartibi. Psixolog guruhni ikkiga bo‘lib, birini eksperiment va
ikkinchisini nazorat guruhi sifatida uyushtirishi lozim bo‘ladi.
Sinaluvchilar uchun yo‘riqnoma: Sizning blankangizda 10 ta topshiriq
berilgan bo‘lib, topshiriqlarni hal etishda sodda arifmetik amallardan foydalanasiz.
Blankada yoki o‘zingizning daftaringizda har bir topshiriqni yechishga doir
arifmetik amallarni bajaring. Topshiriqlarni yechish vaqti cheklanmagan.
Topshiriqlarni 1 dan 10 ga qarab, tartib bilan ketma-ketlikda yeching.
Topshiriqlarni bir-biringiz bilan maslahatlashmay, ko‘rsatmasdan va
ko‘chirmasdan mustaqil yechishga harakat qiling.
Metodika uchun namuna materiallari
1-Blank. Eksperimental guruh uchun mo‘ljallangan.
26, 10 va 3 litrli uchta idish berilgan. Qanday qilib, ular yordamida
10 litr suvni o‘lchash mumkin?
200
37, 21 va 3 litrli hajmli uchta idish berilgan. Qanday qilib ular yordamida
10 litrga teng suvni o‘lchash mumkin?
37, 24 va 2 litrli uchta idish berilgan. Qanday qilib, ular yordamida
9 litr suvni o‘lchash mumkin?
39, 22 va 2 litrli uchta idish berilgan. Qanday qilib, ular yordamida
13 litr suvni o‘lchash mumkin?
38, 25 va 2 litrli uchta idish berilgan. Qanday qilib, ular yordamida
9 litr suvni o‘lchash mumkin?
29, 14 va 2 litrli uchta idish berilgan. Qanday qilib, ular yordamida
11 litr suvni o‘lchash mumkin?
28, 14 va 2 litrli uchta idish berilgan. Qanday qilib, ular yordamida
10 litr suvni o‘lchash mumkin?
27, 12 va 3 litrli uchta idish berilgan. Qanday qilib, ular yordamida
9 litr suvni o‘lchash mumkin?
30, 12 va 3 litrli uchta idish berilgan. Qanday qilib, ular yordamida
15 litr suvni o‘lchash mumkin?
28, 7 va 5 litrli uchta idish berilgan. Qanday qilib, ular yordamida
15 litr suvni o‘lchash mumkin?
2-Blank. Nazorat guruh uchun mo‘ljallangan.
26, 10 va 3 litrli hajmli uchta idish berilgan. Qanday qilib ular yordamida
10 litrga teng suvni o‘lchash mumkin?
28, 7 va 5 litrli uchta idish berilgan . Qanday qilib, ular yordamida
9 litr suvni o‘lchash mumkin?
30, 12 va 3 litrli uchta idish berilgan . Qanday qilib, ular yordamida
15 litr suvni o‘lchash mumkin?
27, 12 va 3 litrli uchta idish berilgan . Qanday qilib, ular yordamida
9 litr suvni o‘lchash mumkin?
28, 14 va 2 litrli uchta idish berilgan . Qanday qilib, ular yordamida
10 litr suvni o‘lchash mumkin?
201
38, 25 va 2 litrli uchta idish berilgan . Qanday qilib, ular yordamida
9 litr suvni o‘lchash mumkin?
29, 14 va 2 litrli uchta idish berilgan . Qanday qilib, ular yordamida
11 litr suvni o‘lchash mumkin?
39, 22 va 2 litrli uchta idish berilgan . Qanday qilib, ular yordamida
11 litr suvni o‘lchash mumkin?
37, 24 va 2 litrli uchta idish berilgan . Qanday qilib, ular yordamida
9 litr suvni o‘lchash mumkin?
37, 21 va 3 litrli uchta idish berilgan . Qanday qilib, ular yordamida
10 litr suvni o‘lchash mumkin?
Natijalarni qayta ishlash:
1. Har bir sinaluvchi topshiriqlardan nechtasi ratsional va noratsional yo‘l
bilan yechganligini o‘zi aytishi lozim. 1-5 topshiriqlar shartiga ko‘ra, ular bitta
yechim bilan hal etiladi va yechimlar ratsionaldir. 6-10 topshiriqlar uchun ratsional
yechim esa arifmetik amallardan kam foydalanib yechiladi.
2. Eksperiment va nazorat guruhidan nechta sinaluvchilardan individual
tartibda noratsional usuldan foydalanganligi aniqlanadi.
202
GLOSSARIY
ATAMANING
O‘ZBEK TILIDA
NOMLANISHI
Abstraktsiya
(mavhumiylik)
ATAMANING
INGLIZ TILIDA
NOMLANISHI
Abstraction
ATAMANING RUS
TILIDA
NOMLANISHI
Абстракция
Adaptasiya Adaptation Адаптация
Anketa Questionnaire Анкета
Asab hujayra Neuron Нервная клетка
Assotsiatsiya Association Ассоциация
Bilish Knowledge Знание
Bosh miya Brain Головной мозг
Eksperiment Experiment Эксперимент
ATAMANING MA’NOSI
Narsalapning o‘ziga xos
belgi va xususiyatlarini, ular
o‘rtasidagi bog‘lanishlarni
predmetlarning muhim
bo‘lmagan belgi va
xususiyatlaridan ajratib
olishga qaratilgan fikrlash
operatsiyasidir.
Tashqi sharoitlarga
moslashish bo‘lib, buning
o‘zi analizatorlarning
o‘zidagi o‘zgarishlarni
sezish bilan bog‘liq
fiziologik adaptasiya va
yangi go‘ruhlardagi yangi
faoliyat
turiga
moslashishidagi ijtimoiypsixologik
adaptasiyalarga
ajratiladi.
Tez va qisqa muddatda
amalga oshiriladigan metod.
Markaziy asab tizimining
asosiy elementi bo‘lib,
organizmni qo‘zg‘atish
vazifasini bajaradi.
(Lot.-birlashtiraman,
bog‘layman, qo‘shaman)
psixologiyada - psixika
hodisalarining bog‘lanishi
tufayli ongimizda paydo
bo‘ladigan muayyan
tasavvurlar: o‘xshashlik
yoki qapama-qarshi
belgilarga ko‘ra boshqa
tasavvurlarni hosil qilish.
Psixik aks ettirish jarayoni
bo‘lib, bilimlarni egallash
va uni o‘zlashtirishni
ta’minlaydi
Psixikaning moddiy
asosidir
Asbob-uskunalar
yordamida amalga oshiriladi
203
Empatiya Emphatic Эмпатия
Etnopsixologiya Ethno psychology Этнопсихология
Evolyusiya Evolutions Эволюция
Faoliyat motivlari
Motives activity
Мотивы
деятельности
Faoliyat Activity Деятельность
Filogenez Phylogenies Филогенез
Gipofiz Hypothesis Гипофиз
Gipoteza (taxmin) Hypothesis Гипотеза
(Ang.-hamdardlik.o‘zini
boshqalar o‘rniga qo‘ya
olish) inson boshqalar hishayajoni,
g‘am-tashvishi,
qiyinchiliklariga emotsional
javob bera olish qobiliyati.
Dunyoning
jarayoni
rivojlanish
O‘qitish samaradorligini
oshirishga xizmat qiladi.
Insongagina xos, ong bilan
boshqaradigan ehtiyojlar
tufayli paydo bo‘ladigan va
tashqi olam bilan kishining
o‘z-o‘zini bilishiga, uni
qayta
qo‘rishga
yo‘valtirilgan faolligidir.
Dunyoni rivojlanish
boshlanishidan to hozirgi
kunga qadar davri
(Grekcha - o‘simta) - pastki
miya o‘simtasi. U ichki
sekretsiya bezi bo‘lib
hayvon va odamning bosh
miya umirtqasida
joylashgan. Gipofiz
gormonlari organizmning
ish faoliyatda muhim rol
o‘ynaydi. Gipofiz
funktsiyasining buzilishi
organizmning shakllanishi
va rivojlanishiga ta’sir etadi,
bunda gormonlarning ortib
ketishi yoki kamayib ketishi
kuzatiladi. Gipofiz
buzilishida bolalarning
bo‘yi o‘smaydi, moddalar
almashinuvi buziladi, jinsiy
bezlarning rivojlanishi
buzilishi natijasida semirib
ketish hollari kuzatiladi,
bola
psixikasida
intellektning buzilishini
xotiraning yomonlashishi
yuz beradi.
Ma’lum masalani
yechishning taxmini, uning
loyihasi.
204
Gippokamp Hippocampus Гиппокамп
Gnostikfaoliyat
Gnostic activity
Гностическая
деятельность
Identifikasiya Identification Идентификация
Ijtimoiy psixologiya
Individual izlanish
Social Psychology
Социальная
психология
Индивидуальное
исследование
Individuallik Individuality Индивидуальность
Insayt Inside Инсайд
Instinkt Instinct Инстинкт
Bosh miya qobig‘ining
qo‘yi qismida joylashgan
chiziq bo‘lib, oriyentasiya
reaktsiyasi va o‘rganishning
fiziologik mexanizmlarida
ishtirok etadi.
O‘z bilim va tajribalarini
oshirish maqsadida
pedagogik faoliyat va
shaxsiyatining yutuq va
kamchiliklarini tahlil qilish.
Bunda kasbdoshlar to‘g‘ri
idrok qilish uchun o‘zlarini
bir-birlarining o‘rniga
qo‘yibko‘rishga harakat
qiladilar.
Odamlarning ijtimoiy
guruxlarga birlashishini,
bu guruxiy tavsifni,
shaxsning guruxiy faoliyati
va xulq-atvorini. ijtimoiy
psixologik qonuniyatlar,
holatlar, xodisalar, ijtimoiy
ustanovka kabilarni
tadqiqkot qiluvchi
psixologiya soxasi.
“Men” obrazi asosida
o‘ziga xos o‘zlikni
anglash.
O‘ziga xos bo‘lgan
xususiyat
Miyaga echimning tezda
kelishi
Nasldan nasl o‘zgarishsiz
o‘tadigan tug‘ma xususiyat
Intellekt Mind Разум Aqliy taraqqiyot darajasi
Shaxsni o‘z fikrlari, sezgisi,
Introversiya Introversion Интроверсии kechinmalari, ya’ni o‘zo‘ziga
tayanishi.
Insonni biror bir
Iroda Will Воля
harakatlarni bajarishga
qaratilgan maqsad sari ongli
intilishi.
Har bir talabaga individual
yo‘l topishi va ular bilan
Kommunikativ Activity Коммуникативная
hamkorlik darajasida
faoliyat communicative деятельность
ishonchli munosabat
o‘rnatishi
(Lot-idrok etmoq) -
Konsepsiya Concept Концепция qarashlar sistemasi, farazlar
yig‘indisi.
205
O‘qituvchining har bir
Konstruktiv Constructive Конструктивная mashg‘ulotni o‘tkazish
faoliyat
activity деятельность uchun reja asosida (ishchi
reja) senariy tuzish .
Kuzatish Watching Nablyudeniye
Tabiiy xususiyatga ega
bo‘lgan metod.
Mavqe Status Статус Jamiyatdagi tutgan o‘rni
Motiv Motive Мотив
Motivatsiya Motivation Мотивация
Mutaxassislik Qualification Квалификация
Muxandislik
psixologiyasi
Engineering
psychology
Инженерная
психология
Nutq Language Речь
O‘yin Game Игра
Ong
Reflections
Consciousness
Сознание
Ontogenez Ontogenesis Онтогенез
Faoliyatga undovchi turtki,
omil..
Motivdan kengroq
tushuncha bo‘lib, “nega”,
“nima uchun”, va “qanday”
degan savollarga javob
qidiradi..
Kasbkorlikning, muayyan
sohaga yo‘naltirilganligi.
Bu psixologiya fani sohasi
bo‘lib, kishi mehnatining
psixologik xususiyatlarini
faoliyat jarayonida texnika
vositalari bilan munosabatda
bo‘lishida o‘rganadi. Shu
bilan birga bu soha mashina
va uskunalar loyihasini
yaratishda inson omillarini
hisobga olish talablarini
ishlab chiqadi.
Odamlarning til vositasida
muloqotda bo‘lish
jarayonidir.
Faoliyat turlaridan biri
bo‘lib, bu bolalarning
kattalar faoliyatini, ularning
ish-harakatlarini, kishilar
o‘rtasidagi o‘zaro
munosabatlarni aks
ettirishda ifodalanadigan va
tebarak-atrofdagi borlikni
bilishga qaratilgan
faoliyatdir.
Psixikaning ob’yektiv va
sub’yektiv tarzda aks
etishidir.
Psixikaning oliy darajasi
bo‘lib, uni yaxlit holga
keltiruvchi tuzilmadir.
Ma’lum bir turning
rivojlanish bosqichlari
206
Parapsixologiya Parapsychology Парапсихология
Patopsixologiya Pathopsychology Патопсихология
Pedagogik
psixologiya
Psixik jarayonlar
Psixik taraqqiyot
Educational
psychology
The mental
Processes
Psychicdevelopment
Педагогик
психология
Психические
процессы
Психическое
развитие
Psixika Rsyche Психика
Psixodiagnostika Psychodiagnostiks Психодиагностика
Psixogramma Psycho gram Психограмма
Psixolingvistika Psycholinguistics Психолингвистика
Psixologik holatlar
Psychological
properties
Психологические
свойства
Psixologiya Psychology Психология
Xozirgi zamon fanining
chegarasidan tashqaridagi,
tushuntirish qiyin bo‘lgan
psixik xodisalarni urganadi.
Ekstrosensorika - unga
sezuvchanlik, telepatiyafikrni
masofaga uzatish,
kelajakka bashorat qilish va
xokazo. Parapsixologiya
muammosi baxsga molik
sohadir.
Psixologiya tarmoqlaridan
bo‘lib, turli kasalliklar
natijasida
psixik
taraqqiyotining izdan
chiqishini o‘rganadi.
Psixologiya tarmoqlaridan
bo‘lib ta’lim va tarbiya
qonuniyatlarini o‘rganadi.
Shaxs psixikasining aks
ettirish shakli bo‘lib,
atrofdagi voqelikni bilish
demakdir.
Insonning psixik jihatdan
rivojlanishi.
Tashqi olamni ongimizda
aks ettirilishidir.
“Psixologik tashxis
qo‘yish”degan
ma’nonianglatib, shaxsning
ruhiy holatida to‘liq yoki
biror bir alohida
xususiyatihaqida xulosa
chiqarishdir.
Kasbning psixologik portreti
bo‘lib, u anik kasbda
dolzarb bulgan psixologik
funktsiyalar guruhi bilan
namoyon bo‘ladi.
Psixologiyaning sohasi
bo‘lib nutq davrida
psixologik holatlarni
o‘rganadi
Psixikaning namoyon
bo‘lish shakli bo‘lib, shaxs
hulqida
hissiy
kechinmalarning va irodaviy
sifatlarni ifodalaydi.
“Psixo”-ruh, “logos”-
ta’limot.
207
Qobiliyat Capability Способность
Reaktsiya Reaction Реакция
Refleksiya Reflection Рефлексия
Sezgi Sensations Ощущения
Stimul Stimulus Стимул
Strategiya Strategy Стратегия
Stress (tanglik
ќolati)
Stress
Стресс
Sport psixologiyasi Sport psychology Психология спорта
Tafakkur Thought Мышления
Odamning ob’yektiv
borliqni sezgi, idrok,
tafakkur, tuyg‘u-hissiyot va
boshqa psixik hodisalari
orqali aks ettirish jarayonini
o‘rganadigan fandir.
Shaxsning ma’lum
faoliyatdagi
muvaffaqiyatlarni va
osonlik bilan biron
faoliyatni egallay olishini
ta’minlaydigan yakka
psixologik xususiyatlaridir.
(Lot.-qarama-qarshi,
hapakat) - psixologiya va
fiziologiyada ichki va tashqi
muhitning turli ta’sirlariga
organizmning javob
harakati.
Boshqa odamning idrokiga
taalluqli bo‘lib o‘ziga
birovning ko‘zi bilan
qarashga intilishdir.
Sezgi organlariga bevosita
ta’sir etib turgan narsa va
hodisalarning alohida
xususiyatlarini aks
ettiruvchi jarayon.
(Lot.-quvlashmachoq) -
biror-bir harakatga
undamoq,
turtki.
Retseptorlarda qo‘zg‘alishni
vujudga keltiradigan tashqi
ichki ta’sirdir.
Kasbiy faoliyatini
asoslovchi o‘ziga xos uslub
yoki tamoyildir.
Kuchli quzg‘ovchilar
ta’sirida yuzaga keladigan
jiddiylik holati.
Sport musobaqalari va
mashqlanish faoliyatida
inson psixikasining
rivojlanishi, guruxiy
munosabatlarnint psixologik
qonuniyatlarini tadqiq
qiluvchi psixologiya soxasi.
Psixik aks ettirishning ancha
umumiy va bevosita usuli
bo‘lib, bu narsa va hodisalar
o‘rtasidagi o‘zaro
208
bog‘lanish
munosabatlarni
olishida ifodalanadi
va
bilib
Tamoyil Principle Принцип
Tasavvur Imaginations Воображение
Temperament Temperament Тамперамент
Tipologik tashxis
Diagnostics
typological
Типологический
диагноз
Turkumlash Classification Классификация
Ustanovka Setting Установка
Yuridik psixologiya
Law psychology
Юридическая
психология
Ziddiyat Conflict Конфликт
Zoopsixologiya Zoopsychology Зоопсихология
Ma’lum qonun-qoidlarga
asoslanishdir.
Sezgi
organlarga
qachonlardir ta’sir etgan
predmetlar va hodisalarning
yaqqol hissiy obrazi.
Shaxsning yakka psixologik
xususiyatlari majmui bo‘lib,
bu kishi faoliyati va xulqatvorining
dinamik va
emotsional tomonlari bilan
xarakterlanadi.
Sinaluvchi shaxsning
tushida olingan natijalarning
ahamiyati va o‘rni aniqlanadi
Kasblar yoki mehnat
turlarini tuglarga ajratib
o‘rganish
Kishining tevapak-atrofdagi
odamlarga
yoki
ob’yektlarga nisbatan
qanday munosabatda
bo‘lish, ularni ma’lum
darajada idrok qilish, sezish,
ularga baho berish va
qandaydir harakat qilishga
tayyorligini anglamagan
holati.
Huquq doirasidagi
munosabatlar odamlarning
psixik faoliyatini huquqiy
boshqarish mexanizmlari va
qonuniyatlarini o‘rganuvchi
psixologiya soxasi.
Kasbiy faoliyatdagi
jismoniy va ruhiy
zo‘riqishlarining namoyon
bo‘lishi
Psixologiya tarmoqlaridan
bo‘lib, hayvon psixikasining
taraqqiyotini o‘rganadigan
sohadir.
209