F1_Aze_GP_2022_Media_Kit_AZ

1. ÜMUMİ MƏLUMAT
1.3 SƏYAHƏT BƏLƏDÇİSİ
BAKI ŞƏHƏRİ HAQQINDA MƏLUMAT – TARİXİ VƏ COĞRAFİYASI
Bakı Azərbaycanın paytaxtı və ən böyük şəhəridir. Bakı Abşeron yarımadasının cənubunda, Xəzər dənizinin sahilində
yerləşir. Üç milyon əhalisi olan şəhər, dəniz səviyyəsindən 28 metr aşağıda yerləşdiyi üçün dünyanın dəniz səviyyəsindən
ən aşağıda yerləşən paytaxtı hesab olunur. Bakı Avropanın bir sıra şəhərləri, o cümlədən, İtaliyanın Neapol, Bosniyanın
Sarayevo və Türkiyənin İzmir şəhərləri ilə qardaşlaşıb.
Paytaxt şəhəri Azərbaycanın şərq tərəfində yerləşir və dünyanın ən böyük gölü olan Xəzər dənizi ilə əhatələnmişdir. Bakı
dünyanın ən çoxsaylı və qədim dəniz neft şəhəri olan unikal Neft Daşlarına görə məşhurdur.
Bakı ziyarətçilərinə müasir Avropa şəhərinin təklif edəcəyi bütün əyləncələri təqdim etməklə yanaşı, orta əsrlərə aid
ənənələri və mədəniyyəti də özündə təcəssüm etdirir. Avropa ilə Asiyanın qovşağında yerləşən bu şəhər dünya səviyyəli
idman və mədəni tədbirlərə ev sahibliyi edir. Qədim və müasir mədəniyyətin sayısız-hesabsız nümunələrini özündə
cəmləşdirən bu şəhər, qonaqları bitib-tükənməyən imkanları kəşf etməyə və bu imkanlardan zövq almağa çağırır.
Bakının yəqin ki, ən unikal xüsusiyyətlərindən biri onun günəşin çıxdığı ilk Avropa şəhəri olmasıdır. Bu mənzərəli şəhər
yüksək təpə üzərində qurulmuşdur və Bakı Buxtasına doğru açılan amfiteatr formasında qurulub. Məhz buna görə şəhəri
çox vaxt San Fransisko və ya qardaşlaşmış olduğu İtaliyanın Neapol şəhəri ilə müqayisə edirlər.
Bakının “Təzadlar Şəhəri” kimi reputasiyası heç şübhəsiz, burada öz əksini tapmış qədim tarixi gözəlliyin və müasir
Avropa şəhərlərinə xas olan heyrətamiz arxitektura, biznes mərkəzləri və göydələnlərin maraqlı vəhdətindən
qaynaqlanır.
Şəhər iki hissəyə bölünür: müasir şəhər mərkəzi və qədim İçərişəhər. Şirvanşahlar sarayı və Qız Qalası ilə birlikdə Bakının
Qədim Şəhəri 2000-ci ildə UNESCO-nun Ümumdünya Mədəni İrsinə aid nümunələr siyahısına alınmışdır. Şəhər min illər
ərzində mövcud olmuş və Azərbaycanın memarlıq və mədəni incisi kimi özünü təsdiq etmişdir. Bakının İçəri Şəhərinin
divarları arasında qonaqlar keçmişə qayıdaraq, qənbər daşı döşənmiş və labirinti xatırladan ensiz küçələrini, qədim
tikililərini, XII əsrə aid Qız Qalasını və yaraşıqlı naxışların həkk olunmuş Şirvanşahlar Sarayını kəşf edə bilərlər.
Bakının müasir siması da eyni dərəcədə valehedicidir. Yeni tikililər ecazkar Bakı buxtasını əhatə edən təpələrin, o
cümlədən, sahilyanı xəttin görünüşünü dəyişir. Məşhur memar Zaha Hadid tərəfindən layihələndirilmiş əsrarəngiz
Heydər Əliyev Mərkəzində dünya şöhrətli musiqi ulduzlarının konsert tədbirləri, muzey və müasir incəsənət
nümunələrinin sərgiləri təşkil olunur. Şəhərin qonaqlarına həmçinin, Milli İncəsənət və Müasir İncəsənət muzeylərini
ziyarət etmək tövsiyə olunur.
9
Baku Şəhər Halqası
93 Zərifə Əliyeva küçəsi Ofis: +99412 404 1390
Bakı, Azərbaycan
E-poçt: info@bakugp.az
AZ1000
Website: www.bakucitycircuit.com
© 2022 Formula One World Championship Limited, a Formula 1 company. The F1 FORMULA 1 logo, F1 logo, FORMULA 1,
F1, FIA FORMULA ONE WORLD CHAMPIONSHIP, GRAND PRIX, AZERBAIJAN GRAND PRIX and related marks are trademarks of Formula One Licensing BV, a Formula 1
company. All rights reserved.