indlela yokusebenzisa kangcono lesisifundo - Amos Africa

QONDA, WAMUKELE, UPHILE! 

Isifundo esiqondene nezinkonzo zamapulazi 

ngu- 

Hennie Viljoen 

Izithombe ngo- 

Allan Liddle 

Suzanne Hattingh 

Landi Roux 

Ihumushelwe kwisiZulu ngo- 

UMfundisi Lourens Schoeman 

UMfundisi Jacob Majola 

UMfundisi Stoffel Buys 

Ishiqilelwe ngu- 

Muller Oosthuizen 

Frans Sekhoto 

Sunette Frylinck 

Sindi du Plessis 

R © Ukuzibambela igunya lonke: Akuvumelekile ukuphindaphinda inxenye 

yalencwadi, noma imifanekiso ehambisana nayo, noma ngayiphi 

indlela. Hhayi ngesandla, noma ngemishini, noma ngamarekodi, noma 

nga-mafotostati, ngaphandle kwemvumo yomlobi walencwadi. 

ISBN 1-920002-98-7 

Agosti 2001 

1

ISIQUKETHO 

Injongo yokubamba izinkonzo emapulazini. 6 

Indlela yokusebenzisa kangcono lesisifundo. 7 

Ukubaluleka komlando maqondana neNcw adi eNgenamazw i. 10 

1.Ungaw uqonda umlayezo w onke w eBhayibheli. 12 

OYIGOLIDE: 

2.Kukhona nje uNkulunkulu oyedw a weqiniso, yena uyakuthanda. 14 

3.UNkulunkulu uyazichaza ukuthi ungubani. 16 

4.UNkulunkulu uyazi konke okuqondene naw e - uyakw azi ngegama. 18 

ONOKUNGCOLA: 

5.Ugcw ele isono, aw ukw azi ukuzisindisa. 20 

6.EBhayibhelini uNkulunkulu uyakutshela ukuthi siyini isono. 22 

7.Aw ukwazi ukumfihlela uNkulunkulu isono sakho. 24 

OBOMVU: 

8.UNkulunkulu uthuma iNdodana yakhe, uJesu, ukukusindisa. 26 

9.UJesu unguMlamuleli oyedw a, ngokuba Yena uhlukile kunabo 

bonke abantu. 28 

10.Asikho isidingo sokw enza iminikelo (inhlaw ulo) ngesono sakho. 30 

OHLANZEKILE / OKHANYAYO: 

11.Uma ukholw a kuJesu, ungaqiniseka ukuthi usindisiw e. 34 

12.Kumelw e ukuba ukholw e kuJesu Kristu! 36 

13.Ungaphila impilo enhle, kodw a uhlala unecala uma ungakholw a kuJesu. 38 

14.Hlala nje kuKristu - uzokuvikela kokubi. 40 

15.Izenzo zakho zimelw e ukufakazela ukukholw a kwakho. 42 

OKULUHLAZA: 

16.Njengomntw ana kaNkulunkulu, kumelw e uphile njengoJesu. 44 

17.Kumele ukw azi ukuthi lezizindima ozifundile zihlangana kanjani 

neBhayibheli lonke. 46 

18.UMoya oNgcw ele ufisa ukuyibusa impilo yakho yonke nsukuzonke. 48 

19.Inkulumo nezenzo zakho zimelw e ukuhambisana. 50 

20.Uma ufisa ukuphila njengoJesu, ufanele ukukhetha abangane abafanele. 52 

21.Kumelw e ukuba uyikhonze iNkosi kanye namanye amaKristu. 54 

22.Landela abaholi bamasonto abenza inqubo yeBhayibheli bona 

uqobo lw abo. 56 

OKUYISIBHAKABHAKA: 

23.UJesu uzobuya futhi ukuzobalanda abantw ana bakhe. 58 

24.Hlala umlindele njalo, ngoba angabuya noma ngasiphi isikhathi. 60 

2

INJONGO YOKUBAMBA IZINKONZO EMAPULAZINI 

Izwi leNkosi lisifundisa ngokusobala ukuthi uma umqashi nesisebenzi bobabili 

bekholwa kuKristu Jesu, bazoba ngabafowabo nangodadewabo (1 Thim. 6:2, 

Fil. :15-18). Uma umqashi kanye nesisebenzi beya eZwini leNkosi kanye-kanye, 

belilalela, befundiswa ngalo kanye-kanye, beguqa emandleni alo kanye-kanye, 

kuyenzeka ukuthi imiphefumulo yabo icebiswe ngendlela emangalisayo. Empeleni 

ongafuni ukuya eZwini leNkosi kanye nesisebenzi sakhe uzincishela izibusiso 

eziningi. Akulula njalo, kakhulu uma bengazwani ngezilimi, kodwa kuzobacebisa 

njalo. Olwazini lwami ngafunda ukuthi kudingekile kangokanani ukungalaleli nje 

nabakhithi ilizwi leNkosi. Ngingafunda okuningi kwabanye bezinye izilimi, 

abanamanye amasiko, abaphila ngesinye isimo emakhaya, esomnotho, noma 

esomsebenzi. Kolunye uhlangothi nami ngizuze okuningi kangaka eNkosini 

engithanda ukukudlulisela kubo. 

Ngenxa yenhlalakahle nokubambisana emapulazini, kudingekile ukuthi bonke 

babenesibopho, babenga-bathembekileyo. Lokhu kutholakala kuphela uma bonke 

babezidalwa ezintsha nempilo entsha ngokukholwa kuJesu Kristu. Isisekelo 

esingcono sokwakha ukuhlalisana okuhle emapulazini siyinqaba, enguJesu Kristu. 

Futhi indlela engcono yokwakha lokokuhlalisana kungukubamba njalo izinkonzo 

eziqondene namapulazi, ukufunda iZwi leNkosi kanye-kanye, nokuphila ngalo njalonjalo 

emapulazini. 

Injongo yalesifundo sokuqala sokubamba izinkonzo emapulazini eseyikhishwe 

nguAmosi, ithi: 

1) Ukunikeza abangakholwayo ithuba lokumkhetha uKristu; 

2) Ukufundisa amakholwa ngendikimba yenkolo yobuKristu; 

3) Ukunikeza amakholwa isibindi nekhono lokumfakazela uKristu ngendlela 

enempumelelo; 

4) Ukwandisa ukukhulumisana emapulazini, futhi ukuvuselela impilo 

ehambisana nevangeli likaKristu; 

5) Ukunikeza abangakholwayo isibindi sokumethemba uJesu Kristu. 

Nginifisela ukwakheka nokucebiseka esifundweni senu! 

Umlobi 

Ake ufunde 

INDLELA YOKUSEBENZISA KANGCONO LESISIFUNDO 

3

INDLELA YOKUSEBENZISA KANGCONO LESISIFUNDO 

1. Izifundo zonke ezingamashumi amabili nane ziqondene nokudlulisa indikimba 

yeBhayibheli kubantu, zisebenzisa iNcwadi eNgenamazwi. Izifundo zibekwa 

ngendlela elula, kusetshenziswa imibala, nemifanekiso eyaziwayo, izindima, 

ukuxhumana nempilo kanye nemibuzo yokukhuthaza ukuxoxisana. Yikhoke 

lesifundo siphumelela kakhulu ukufundisa abantu indikimba yeBhayibheli, 

andukuba basindiswe ngokukholwa kuKristu, badumse ngempilo yonke 

kuNkulunkulu ngokubonga. Futhi nabangakwazi ukuzifundela bangazuza 

kulesifundo. 

2. Kuyinjwayelo enhle ukuqala izinsukuzonke ngokufunda iBhayibheli 

nokuthandaza ekuseni ngaphambi komsebenzeni, kodwa bekungakenzeki 

njalo. Lesifundo salotshwa ngalenjongo yokuthi kungahlanganwe 

kuphela, inxenye yehora ngeviki ukukhonza kanye-kanye emapulazini. 

3. Kulesisifundo kusetshenziswa indlela yokukhulumisana, nokufunda nokwenza, 

asiqondene nokufunda umzuzwana othize nje ekuseni. Uma ubafundela nje 

abantu lesifundo kabazukusizakala. Kusemqoka ukukhulumisana. Uma 

ningaqedanga ngokukhulumisana ningaqhubeka ngesikhathi esilandelayo. 

Musani ukujaha, nisheshe ukuqeda lesifundo masinyana. Kuhle ukuthi emva 

kwesikhathi; ubukeze izifundo ezenziwe. Ningaphinda ukwenza lesifundo 

ngenxa yokuqonda kancono izindaba ezivelayo. 

4. Isifundo nesifundo sinendikimba eyodwa. Indikimba iyiqiniso oyifisa 

ukuyidlulisela komunye olaleleyo, oyifanele ukuyikhumbula emva kwesikhathi. 

Ufanele ukuyiqoqa lendaba ngomusho owodwa. Kudingeka ukuthi 

uphindaphinde lendikimba kaningi. Ngalendlela uzoyikhumbula kangcono. 

Umuntu uvama ukukhumbula nje u 10% wako konke akuzwileyo. Kodwa 

kulokho akuzwileyo okuhambisana nokubona uvama ukukhumbula u 50%. 

Namathisela njalo izindikimba odongweni, ukuze zibonakale kubo bonke 

abalaleli bakho. Uma kwenzeka ukuthi nihlangene endaweni yokukhonza 

nikhululekile ukushiya izindikimba kanye nezithombe khona. Khuthaza 

abalaleli ukuphinda ngokusho izindikimba ngokuzwakala. Ngokusho zona 

ngemilomo bavama ukukhumbula u 80% wezindaba. 

5. Isithombe esisetshenzisiwe sinemisebenzi emithathu. Njengesingeniso 

esinamandla simelwe ukubamba imiqondo yabalaleli. Okwesibili isithombe 

sisiza abalaleli ukukhumbula izindaba ngokuzilinganisa ngendaba 

ejwayelekileyo. Okwesithathu yisithombe esibonakalayo esisiza 

ukukhumbula kangcono. Kodwa khumbula ukuthi izithombe zizodwa 

zinobuthakathaka. 

Uma kwenzeka ningachaza indikimba ngento eyenzekileyo. Kuzosiza 

ukuqinisa indikimba kangcono emiqondweni yabalaleli. Kanjalo isingeniso 

esihambisana nenombolo ye4 singachazwa kangcono ngomdlalo (isikeshi). 

Kunombolo 18 ungasebenzisa 1 "stearing wheel" ne- "spare wheel." 

Kunombolo 20 ningaphuma endlini niyobona ihuku likagandaganda. Zinikele 

kulomsebenzi - uzovuna izithelo zawo. 

4

6. Ngesizathu sokukukhuthaza ukusebenzisa izindikimba kanye nezithombe, 

nezenzo eziningi esifundweni sakho, futhi ukuhlela isikhathi esenele 

nokunamathelisa, ngiphinda ukukukhombisa impumelelo yokufundisa 

ngezithombe nokukhulumisana. Nokwenza izithombe ezizokusiza 

ukukhumbula kangcono lendaba. 

Ukhumbula: 

10% 

10% kulokho okuzwileyo 

50% okuzwileyo 

Okuhambisanayo 

Nokubonwayo 

50% 

80% 

80% ngokuzwa, 

Nokubonwayo 

Nokukhulumisana 

Nokwenzwayo 

90% kungokuzwileyo 

Nokubonwayo 

Nokukhulumisana 

Nokwenziwayo 

90% 

7. Kubalulekile ukukhumbula ukuthi lemiyalezo ayifanele ingane encane 

eneminyaka ngaphansi kweyishumi. Abancane abakwazi ukuqonda izindaba 

ezihlukanisa izimo zezinto. Yikhoke bahluleka ukuhlanganisa umyalezo 

nesithombe esisetshenziswayo. 

8. Uzithola mahala leziNcwadi ezinhlanu eziNgenamazwi mahala kanye 

nalesifundo. Azeneli abalaleli bakho. Thenga ezenele ukubanele bonke. 

Isethi linezincwadi ezimbili: INcwadi eNgenamazwi nencwadi echaza iNcwadi 

eNgenamazwi ngendlela elula. Nanxa iNcwadi eNgenamazwi inga odelwa 

iyodwa kubantu abangakwazi ukuzifundela, kungcono nokho ukubanikela 

izincwadi zombili. Iningi labo banabantwana noma umngani ongabafundela. 

YiNcwadi eNgenamazwi esetshenziswa esifundweni sonke. 

5

9. Kuhle uma abalaleli bonke benezincwadi zesifundo kanye nezithombe. 

Kuzobasiza ukudlulisa lezindaba kwabanye abasemakhaya. Kuzobasiza futhi 

ukuphindaphinda izindima, nokubukeza isifundo sonke. Labalaleli abangabaholi 

noma abafundisi emabandleni abo, bafanele ukuzithengela isifundo 

sabo. 

10. Kubalulekile kulababalaleli abasindisiweyo ukuthi nabo bathole ithuba 

lokuphatha imihlangano. Ngalendlela bathola ithuba lokujwayela ukudlulisa 

ivangeli kwabanye abantu. Kusemqoka kumqashi ukubakhona nokuphatha 

izinkonzo ngesinye isikhathi. 

11. Kuhle ukukhumbula izindima zeBhayibheli ngenqondo. Abalaleli 

bangazikhe-thela izindima ezizokukhumbulwa ngenqondo. Umuntu nomuntu 

angazifu-nela izindima eBhayibhelini lakhe, aziphawulela zona ngepeni. 

Kanjalo bazozikhumbula kalula. Indima ephawuliwe ingafundwa kahle 

emakhaya. 

12. Zonke izindima ezitholakala esifundweni azifaneli ukufundwa ngethuba 

lesifundo. Kodwa ofundisayo ufanele ukuzifundela ekhaya uma ezilungisela 

isifundo, noma ukubukeza izifundo ngemva kwesikhathi. 

13. Kudingekile kakhulu ukukhuthaza njalo abalaleli ukwamukela uJesu Kristu 

njengomsindisi wabo. Sebenzisa iNcwadi eNgenamazwi ibe isikhombandlela 

yokumholela umuntu kuKristu. Uma uhlangabezana nezinkinga eziqondene 

nemimoya emibi, ezikuhlulayo, thintana nabase-Amose. 

14. Uma usebenzisa lezifundo kubantu abangasekho emapulazini, uzobona 

ukuthi imibuzo etholakala ekugcineni kwezifundo nesifundo ayihambisana 

nesimo salabobantu. Ukhululekile ukuguqula lemibuzo ukuhambisana 

nesidingo sabo. 

15. Lesifundo sonke sihambisana nemibala yeNcwadi eNgenamazwi. Yikhoke 

okulandelayo kusemqoka maqondana nencwadi. 

6

UKUBALULEKA KOMLANDO MAQONDANA 

NENCWADI ENGENAMAZWI 

1. IYINI INCWADI ENGENAMAZWI NA 

Indikimba yeBhayibheli lonke iqoqwa ngezigaba eziyisithupha. Isigaba nesigaba 

sifaniswa ngombala othile. Yikhoke iNcwadi eNgenamazwi iyincwadi engenamazwi. 

Inemibala eyisithupha nje. Abangakwazi ukuzifundela kanye nabantwana 

abangaphumeleli ukuyi-"funda" bangayiqonda. Ngalendlela indikimba yeBhayibheli 

iyokhunjulwa ngokubona imibala eyisithupha. Imibala isetshenziswa ngendlela 

elandelayo: 

* Oyigolide - UNkulunkulu iNkosi 

* Onokungcola - Isono singcolisa impilo yakho 

* Obomvu - Igazi likaJesu 

* Ohlanzekile - Izono zabantwana bakaNkulunkulu 

ziyagezwa 

* Okuluhlaza - Ukukhula emoyeni (izitshalo eziluhlaza 

ziyahluma) 

* Okuyisibhakabhaka - Ukubuyafuthi kukaJesu (uvela ezulwini) 

2. KUNGANI UKUTHI INCWADI ENGENAMAZWI IBALULEKILE KUBANTU 

BONKE NA 

Namuhla inkolo yobuKristu ayisanakekile njengasekuqaleni. Zonke izinkolo 

ziyalingana emehlweni abantu. Uhulumeni akawavikeli amalungelo amaKristu 

namhlanje, futhi ayisasizi inkolo yobuKristu ukuqubekela phambili. Kusezandleni 

zamaKristu ukuziveza ukuthi inkolo yabo iqonde ukuthini. Yikhoke kudingekile ukuthi 

bonke abantu bazi okulandelayo: 

* Inkolo yobuKristu iqonde ukuthini na 

* Uyini umlayezo weBhayibheli na 

* Ngingasindiswa kanjani na 

* Ngingabaholela kanjani abanye kuKristu 

INcwadi eNgenamazwi iyasiphendulela yonke lemibuzo ngendlela echachile. 

3. KUNGANI INCWADI ENGENAMAZWI IMELWE UKUSAKAZWA KAKHULU 

PHAKATHI KWEZISEBENZI EMAPULAZINI NA 

Zama ukuzwisisa isimo sezisebenzi eziningi ezihlezi emapulazini: Kaningi abantwana 

bakhuliswa ngabazali abangakholwayo. Ebumntwaneni abajwayelanga ukusonta. 

Yikhoke bengenalwazi ngeBhayibheli. Abakwazi nje ukuhlukanisa uPawulu noMose 

ngokusho ukuthi ubani ovela kuqala eBhayibhelini. Ngokukhula kwabo abanye 

bahlangabezana nesonto. Bezwa izintshumayelo eziqondene noAbrahama ofanele 

ukunikela uIsaka nje ngomnikelo, noma izintshumayelo ezicela imali kubantu. 

Abanye babenenhlanhla ukuthola iBhayibheli, kodwa abakwazi ukuzifundela. Isimo 

sezikolo zamapulazi kaningi siphansi. Baningi abafundi abagcina esifundweni 

esiphansi njengesitandathi 3, bonke abafundi kusukela ku SS-A ukuya kusithandathi 

5 babeseklasini elilodwa, othisha bagcina nabo esifundweni esiphansi kusithandathi 

6. Yikhoke a baningi basemapulazini befunda kanzima. Uma lomuntu ezama 

7

ukuzifundela iBhayibheli ngokuqala kuGenisisi, uhluleka ukudlulela encwadini yesibili 

engu-Eksodusi. 

Lomuntu uzoqonda nini indikimba yeBhayibheli na Cabanga ukuthi bangaki abantu 

abasonta njalo ngeviki basahluleka ukuchaza indikimba yeBhayibheli. 

Yebo, baningi abantu abahluleka ukuqonda indikimba yeBhayibheli! Baswele 

ozobachazela indikimba yevangeli ngendlela echachile, emfushane abangayiqonda. 

INcwadi eNgenamazwi iyasiza kakhulu lapha namazwi ayo achazayo. 

4. IZINSIZO EZINYE ZENCWADI ENGENAMAZWI: 

* Umlayezo weBhayibheli uyahlelwa ngendlela echachile: 

Indlela yokuhlela imibala eNcwadini engenamazwi ihlela kahle umlayezo 

weBhayi-Bheli. Imibala iyalandelana, yikhoke kulula kakhulu ukukhumbula 

nokudlulisela lomlayezo kwabanye abantu. Kulula kakhulu ukukhumbula 

123456 kunokukhumbula 534621. 

* Kuyasiza ukumholela omunye umuntu kuKrestu: 

Ngokuba iNcwadi engenamazwi iphethe umlayezo wonke wensindiso 

weBhayibheli. Ngakhoke ingasiza kakhulu ngokusiza omunye ukuqiniseka 

ngokusindiswa kwakhe. Isiza kahle futhi ukuxoxisana nabantwana 

nabangakwazi ukuzifundela. 

* INcwadi eNgenamazwi iyasiza ukudlulisa umyalezo wevangeli ezizweni 

zonke: 

Ngokuba leNcwadi iyohumushwa ngezilimi eziyishumi. Ngakhoke kulula 

ukudlulisa ivangeli kubantu bezinye izizwe. 

* INcwadi eNgenamazwi ingasakazwa phakathi kwabantu abaningi: 

Ngokuba iNcwadi eNgenamazwi incane, futhi ishibhile, ngakhoke 

ingasakazwa phakathi kwabantu abaningi, njengamalunga esonto, ngesizathu 

sokubafundisa. Abavakashela ezinye izizwe bangasakaza lezincwadi 

ngobuningi khona. Zingasakazwa futhi ezindaweni ezinezisebenzi eziningi. 

5. EZINYE IZINDABA: 

* Izilimi: 

INcwadi eNgenamazwi itholakala ngesi-Afrikaans, isiNgisi, isiSuthu, isiXhosa, 

isiZulu, Tswana nesiPutukesi. 

8

1. UNGAWUQONDA UMLAYEZO WONKE WEBHAYIBHELI. 

ISINGENISO: 

* Bheka, nginesithombe seBhayibheli. (Khombisa isithombe sesifundo 1A). Indikimba 

yalesithombe ithi: "Kukhona nje uNkulunkulu oyedwa, yena uyakuthanda kakhulu!" Uma 

ngisika manje lesisithombe ngisenze iziqaba ezincane ngizikhushuza sibonakala kanjena 

(Phendula isithombe ukhombe uhlangathi 1B): uma ngikukhombisa kuqala lesisithombe 

ngezigabana, kuzobanzima kuwe ukubona umlayezo waso. Ngamanye amazwi kudingekile 

ukubona kuqala indikimba yonke, kululake ukuthola ukuthi isigaba nesigaba singenaphi futhi 

umlayezo wazo uyini. 

* Sinenkinga ngokuba mina nawe, njalo uma sifunda iBhayibheli, sifunda nje indima eyodwa 

noma inxenye ethile. Sicosha okuthile lapha nalapho. Ngakhoke asizwisisi njalo ukuthi 

sifundani eBhayibhelini. Ngokuba asazi ukuthi inxenye zihlangana kanjani neBhayibheli 

lonke. 

* Uma ungazwisisi umlayezo wonke weBhayibheli, uzohlupheka futhi ukuqonda kahle izinxenye 

zonke ezincane ezifundwa nguwe. Mhlawumbe uyabuza manje ukuthi uzoqonda kanjani 

umlayezo wonke weBhayibheli na 

UMLAYEZO: Ngikulethela umlayezo omuhle namhlanje! Kuyenzeka ukuthi wena awufundanga 

kakhulu esikolweni, mhlawumbe kunzima kuwe ukufunda, akusho lutho. (Namathisela indikimba 1 

odongweni). NAWE UNGAWUQONDA UMLAYEZO WONKE WEBHAYIBHELI, ngokuba ngiyabazi 

9

abantwana abaningi abangakangeni esikolweni abaqonda kahle umlayezo weBhayibheli. Ngiyabazi 

futhi baningi abadala abangakwazi ukuzifundela, abafundile ukuqondisisa umlayezo weBhayibheli. 

Ungaba ngumuntu omncani noma omdala, akunendaba. UNGAWUQONDA UMLAYEZO WONKE 

WEBHAYIBHELI. Kulula kakhulu. Mangikufundise namuhla. Uma usuwazi umlayezo wonke 

mangiku-fundise ukuthi uzodlulisela kanjani kalula lomlayezo weBhayibheli kwabanye abantu. 

UNGAWUQONDA UMLAYEZO WONKE WEBHAYIBHELI, ngokuba iBhayibheli liphethe nje kuphela 

izindaba eziyisithupha ezisemqoka. Ngenxa yokuqondisisa kahle lezindaba sizozihlanganisa 

encwajana elula. (Khombisa abalaleli iNcwadi eNgenamazwi yakho). Siyibiza lencwadi ngokuthi 

iyiNcwadi eNgenamazwi. Ayinamazwi, kodwa isebenzisa imibala eyisithupa ukuchaza izindikimba 

eziyisithupha zeBhayibheli. Ungakhumbula umlayezo ngokubona nje imibala, noma ngokukhumbula 

yona. Mangikufundise manje indikimba yombala nombala. 

OYIGOLIDE: Lombala uyakukhumbuza ukuthi ungafunda eBhayibhelini ukuthi uNkulunkulu ungubani 

futhi wenzani yena. Uzobona ukuthi kukhona nje uNkulunkulu oyedwa, weqiniso, yena uyakuthanda 

kakhulu. Ufuna ukukwenza ukubangumntwana wakhe. 

ONOKUNGCOLA: Umlayezo walelikhasi elinokungcola uthi abantu bonke bagcwele isono. Isono 

singcolisa impilo yomuntu. Bonke abantu abangasibo abantwana bakaNkulunkulu. Isono sami 

nesakho sasivimba ukungakwazi ukuthintana noNkulunkulu. Umuntu nomuntu ufanele ukujeziswa 

esihogweni kuze kube phakade. 

OBOMVU: Lelikhasi lisitshela ngomqondo omuhle kaNkulunkulu wokuthethelelwa isono sethu. 

Wathuma iNdodana yakhe, uJesu Kristu, ukusifela esiphambanweni ngenxa yokususa isono sami 

nesakho. Ngegazi lakhe sonke isono sakho nesami siyagezwa. 

OHLANZEKILE/OKHANYAYO: Umlayezo omangalisayo walelikhasi uthi: Uma wena ukholwa 

kuJesu, uma ukholwa ukuthi yena wajeziswa ngenxa yesono sakho, uzokuthethelela sonke isono 

sakho. Uhlanza impilo yakho, futhi ukwenza ube ngumntwana kaNkulunkulu. 

OKULUHLAZA: Lelikhasi lisifundisa ukuthi bonke abangabantwana bakaNkulunkulu bamelwe 

ukukhula emoyeni. Ngamanye amazwi bonke abantwana bakaNkulunkulu bafanele ukumazi 

kangcono uJesu. Futhi bamelwe ukumfuza ngokuphila njengaye. 

OKUYISIBHAKABHAKA: Lelikhasi lisikhumbuza ukuthi uJesu uzobuya futhi ngamafu. Ngokubuya 

kwakhe uzolanda bonke abamamukeleyo, bonke abantwana bakhe, ukuze bahlale naye kuze kube 

phakade. Njengokuba uNkulunkulu efisa ukuthi bonke basindiswe, ufanele ukubatshela nabanye 

ngoJesu, ukuze basindiswe nabo, bamlindele, balungisiswe ukuze uma ezobuya ahlangane nabo. 

Uyabona, akunzima kangako. UNGAWUQONDA UMLAYEZO WONKE WEBHAYIBHELI. Uma 

uqonda lokho, uzoqonda futhi kangcono inxenye yeBhayibheli uma ufunda nje indima ethile. 

Njengalesithombe esisibonile ekuqaleni uzokwazi ukuhlanganisa zonke, izinxenye uma uqonda 

isithombe sonke esikhulu, esingumlayezo omkhulu weBhayibheli. 

Ensalelweni yalesifundo nizofunda njalo ngokuqubeka ngekhasi elilodwa kuleNcwadi eNgenamazwi. 

Uzofunda njalo indaba entsha, kodwa uzobukeza futhi isifundo esidlulile. 

UMSEBENZI: 

1. Hlukanani ngamaqembu amancane. Umuntu nomuntu ufanele ukuthatha iNcwadi yakhe 

eNgenamazwi abone ukuthi usakhumbula yini indikimba yemibala yonke. Sizani ukuthola 

eqenjini indikimba efanele. Phinda ukusho indikimba yombala nombala. 

2. Hlangana futhi eqenjini elikhulu, nihlangane nonke. Cela omunye onesibindi ukuchazela 

bonke abalaleli ukuthi umlayezo omkhulu weBhayibheli uyini maqondana neNcwadi 

eNgenamazwi. 

10

2. KUKHONA NJE UNKULUNKULU OYEDWA WEQINISO, YENA 

UYAKUTHANDA. 

Oyigolide 

ngoba 

uNkulunkulu uyiNkosi 

yamakhosi! 

Qiniseka ukuthi bonke abalaleli banayo iNcwadi eNgenamazwi. 

Isingeniso: 

* Usakhumbula isifundo osandukusenza na Ikhasi legolide lisifundisani na 

* Kungani sikhethe igolide ukusikhumbuza ngoNkulunkulu na 

(Ngokuba uNkulunkulu uyiNkosi, futhi igolide lihambisana nesimo seNkosi) 

* (Namathisela isithombe kanye nendikimba 2 odongweni.) 

UMLAYEZO: Okusemqoka maqondana nesimo sikaNkulunkulu esisithola eBhayibhilini yilokhu 

okulandelayo: Ekuqaleni kwakungekho lutho, nguNkulunkulu kuphela. Wadala ke konke. Konke 

okubonakalayo nalokho okungabonakali. Konke ongakucabanga nalokho ongazange wakucabangela. 

Konke ongakuzwayo, nalokho ongakuthintayo ongakunabithekayo nongakunukayo. 

Okumangalisayo kukho konke uNkulunkulu akwenza kungumuntu. Wakudala nawe. Kungakho 

ebizwa ukuthi unguMdali. 

UNkulunkulu akazange adale umhlaba nakho konke okukuwo wase ewuyekela nje. Kepha 

usaqhubeka ukugcina konke akudalileyo. Ugcina izinkanyezi ezinkulu ezihlezi ezindaweni zazo, 

kodwa uwondla futhi imizwilili nezimpethwana ezincane. Futhi usabondla nabantu. 

11

Ngokuba uNkulunkulu wenze konke, akukho lutho nangubani ongaphezulu, ongcono nohlakaniphile 

nonamandla angaphezulu nosemqoka kunaye. Kungakho uNkulunkulu eyedwa ongoweqiniso 

kunguye uNkulunkulu odale konke. Uma ekhona umuntu noma into ebalulekile kunoNkulunkulu kuwe, 

usalibele ukukhonza isithixo, ngokuba kukhona nje uNkulunkulu oyedwa weqiniso. Kungakho-ke 

awunakukhonza nokuthandazela noma yini okudalwe nguNkulunkulu esikhundleni sikaNkulunkulu, 

noma ngabe wena uqobo noma abanye abantu noma idlozi nezingelosi. 

UNkulunkulu uhlukene ngempela kukho konke akudalileyo. Ubona konke wazi konke. Noma 

ungakwazi ukumbona ukhona ngalesosikhathi nakuzo zonke izindawo. Konke athanda ukukwenza 

uyakukwenza. Kepha into eyodwa uNkulunkulu angathandi ukwenza nakanye, yisono. UNkulunkulu 

ungcwele - akanasono! 

Okumangalisayo okuphezu kwako konke yilokhu: LoNkulunklulu ongcwele uyakuthanda wena. Noma 

emkhulu kangaka ukuthi akasweli lutho noma umsizi, uyakwazi wena omngcane ngegama lakho 

uthanda ukukuphatha kahle. Awumelwe ukuthola uthando lwaloNkulunkulu ngeminikelo noma 

nezipho. Awumelwe ukuziqopha noma ukuzilimaza ngaphambi kokuba akuthande noma akusize. 

Uyakuthanda nje ngoba unjalo. 

Uthanda ukuba nguNkulunkulu wakho, kodwa futhi uthanda ukuthi wena ube ngumntwana wakhe. 

Kodwa kukhona into ekuvimbayo ukuthi ube umntwana kaNkulunkulu. Ikhasi lencwadi elingcolile 

liyakufundisa ukuthi kuyini. 

UMSEBENZI: 

1. Hamba uzikhe izimbali, utshani, amakhasi, namagatshana ahlukene. Zenele ezintathu 

zohlobo olangafaniyo. Imibala zayo iyafana na Amaphunga ayafana na Ziyanambitheka 

ngokufanayo na Zizwa ngokufanayo na Zona zadalwa ngubani na Funda uGenesisi 1:1 

kanye ne 1:11-12. Ukhona omunye ongawenza lezizinto zonke na 

2. Ungasenza isinkwa uma ingekho impuphu na Ungabasa umlilo uma zingekho izinkuni na 

Ungazenza izingubo uma zingekho izindwangu na Cha, umuntu angazenza izinto nje uma 

enazo izinto angazisebenzisa. UNkulunkulu uhlukile kakhulu kunathi. Wazenza kanjani 

lezozinto ezibonakalayo lapha emhlabeni na Funda kumaHeberu 11:3. 

3. Ngubani wadala ilanga, inyanga nezinkanyesi na Ngubani ozigcina ezindaweni zazo na 

Funda uGenesisi 1: 14-19, neHubo 148:3-6. Ukhona umunye onamandla kunaye ongadala 

zonke lezozinto na 

4. Funda iZenzo 17: 24-25. Ungubani loNkulunkulu esifunda ngaye eBhayibhelini na Ukhona 

yini umuntu obalulekile kunaye Ukhona yini omunye noma into enkulu kunaye na Ukhona 

ongenza okudlula yena na 

5. Uma wena uhlangabezana nenkinga, uswela usizo noma iseluleko, noma ukuvikelwa, 

ngubani ongakusiza kangcono na 

6. Funda uIsaya 45:22. UNkulunkulu oyedwa weqiniso uyakumema ukuza kuye usindiswe 

wena. Uyasamukela yini lesimemezelo na Uma ufisa ngikusize sala emva komhlangano 

ngizohlela isikhathi nendawo lapho sizohlangana khona ngikusize. 

7. Funda uIsaya 45:22. 

(Kutholakala izindima eziphelele maqondana ngekhasi egolidi eNcwadini eNgenamazwi.) 

12

3. UNKULUNKULU UYAZICHAZA UKUTHI UNGUBANI. 

Lomlayezo uhambisana nekhasi egolidi, ngoba lisifundisa ngoNkulunkulu. 

ISINGENISO: 

* Ungamazi kanjani umuntu, ongazange wambona yena isiqu sakhe na (Xoxisana 

ngeqembu.) 

UMLAYEZO: Ngifuna ukukufundisa izindlela ezintathu zokumazi umuntu ongabonwanga nguwe. 

(Namathisela isithombe sesifundo 3 odongweni). Bheka isithombe - sizokusiza ukukhumbula izindlela 

ezintathu ezizokhuluma ngazo. 

Indlela yokuqala yokumazi lomuntu, kungukubona umsebenzi wakhe, nezinto ezenzwe nguye. 

Ngokulinganisa uma ubona indlu enkulu enhle eyakhiwe ngamatshe, uyazi ukuthi umakhi ungumuntu 

onolwazi oluphambili maqondana nokwakha. Kunjalo ungamazi uNkulunkulu ngomsebenzi wakhe 

nangendlela aphethe zonke izinto. Funda manje kwabaseRoma 1:19-20. Khumbula futhi zonke izinto 

ozifunde ngethuba elidlulile. Ngokudaliweyo uNkulunkulu usikhombisa ukuthi ungumninimandla onke. 

Wadala konke ngaphandle kokuba enezinto zokusetshenziswa. Yena ugcina futhi ilanga nenyanga 

nezinkanyezi ezikhundleni zazo. Ngokudalileyo uNkulunkulu usikhombisa futhi ukuhlakanipha 

kwakhe. Bona nje ukuthi wakudala kanjani wena. Yebo, ngokudaliweyo UNKULUNKULU 

UYAZICHAZA UKUTHI UNGUBANI. (Namathisela manje indikimba 3 odongweni.) Kepha, ngenxa 

yesono mina nawe asiqondisisi lokho uNkulunkulu afisa ukusifundisa kona ngokudaliweyo. 

Ngenhlanhla zikhona futhi ezinye izindlela zokumazi uNkulunkulu. 

13

Kukhona indlela yesibili yokumazi umuntu ongabonwanga nguwe. Kungukufunda incwadi ezibhalwe 

nguye. Ngokufunda izincwadi zomuntu ushesha ukumfunda umuntu ungubani futhi uyini. Ubona 

lokho okusemqoka kuye, nalokho angakuthandi yena. Ufunda imiqondo nenhliziyo yakhe. Uyazi, 

iBhayibheli liyincwadi kaNkulunkulu ebhalelwe thina. LAPHO UNKULUNKULU UZICHAZA UKUTHI 

UNGUBANI. Noma UNkulunkulu wasebenzisa abantu ukubhala iBhayibheli, kodwa ngeMoya 

oNgcwele wabaqhuba babhaleni. Lithi iBhayibheli ukuthi uMoya oNgcwele waliphefumulela. Funda * 

2 kuThimothewu 3:16 kanye ne 2 kaPetru 1:20-21. Yikho ke iBhayibheli aliyona incwadi ejwayelekile, 

liyizwi likaNkulunkulu. UNKULUNKULU UZICHAZA UKUTHI UNGUBANI. Uma uNkulunkulu 

engazichazeli ukuthi ungubani, asizophumelela ukumazi ngeqiniso. Njengokuba uNkulunkulu 

ekuthanda kangaka, ufisa ukuthi umazi ngeqiniso, yikho ke wakunikeza iBhayibheli. 

Baningi abansundu abangafuni ukukholwa iBhayibheli. Balibiza ngokuthi liyincwadi yabamhlophe. 

Akulona iqiniso. EBhayibheli UNKULUNKULU UZICHAZA UKUTHI UNGUBANI. Kodwa uSathane 

ungumqambi wamanga (ngokukaJohane 8:44). Nguyena osakaza lawamanga, awenze ukuthi 

abantu bawakholwe. Akafuni ukuthi abantu bamazi uNkulunkulu, yikho ke akafuni ukuthi abantu 

balazi iBhayibheli, balikholwe. IBhayibheli alinazinganekwane zabantu nje. Aliyona incwadi elivela 

kwabelungu. EBhayibhelini uNkulunkulu ukhuluma nazo zonke izizwe zabantu, izilimi zonke, izizwe 

zonke, izinhlobo zonke. EBhayibhelini ukhuluma futhi nawe. EBhayibheli UNKULUNKULU 

UKUCHAZELA wena uqobo UKUTHI UNGUBANi. 

Mina nawe asikwazi ukuzinqumela nje ukuthi uNkulunkulu ungubani. Uma sifuna ukumazi 

uNkulunkulu ngeqiniso sifanele ukufunda iBhayibheli, sizwe ukuthi uzichaza kanjani, ngoba 

UNKULUNKULU UZICHAZA YENA UKUTHI UNGUBANI. 

Kukhona futhi indlela yesithathu yokumazi umuntu ongambonanga ngawe. Kungukubazi abantwana 

bakhe. EBhayibhelini sifunda ukuthi uNkulunkulu wazichaza ngeNdodana yakhe, uJesu Kristu, 

othunywe kithi ngesizathu sokuhlala nathi. Funda manje ngokukaJohane 1:14,18 kanye nakuJohane 

14:6-11. Uma ufuna ukumazi uNkulunkulu ngeqiniso ufanele ukuyiyazi niNdodana yakhe uJesu 

Kristu. NgeNdodana UNKULUNKULU UZICHAZA UKUTHI UNGUBANI. 

Khumbula ukuthi uzomazi nje uNkulunkulu ngeqiniso uma ulalela ukuthi uzichaza kanjani. 

UMSEBENZI: 

1. Kungani uthi iBhayibheli liyincwadi yabo bonke abantu, kanye nawe, hhayi nje labeLungu na 

Kungani kufanele ukuthi ukukholwe ukwamukele okuseBhayibhelini na 

2. Kungani wena ungakholwa konke okukhona eBhayibheli maqondana noNkulunkulku na 

Ucabanga ukuthi uNkulunkulu angachaza amanga maqondana nesimo sakhe na Funda 

manje uNumeri 23:19. 

3. Abantu abangalifundi iBhayibheli abangazi ukuthi lithini, bangakufundisa ngoNkulunkulu na 

Abangamazi uJesu Kristu bangakufundisa na Ukusho ngani lokho na 

4. Wena usuyamazi yini uJesu na Ngokuqhubeka kwalesifundo uzofunda okuningi ngoJesu. 

Yikho ke awufanele ukweqa ezinye izifundo. Woza njalo andukuba uzomazi uNkulunkulu o 

mangalisayo oyedwa weqiniso, ngoba uyakuthanda kakhulu. 

*2 kuThimothewu 3:16. Kusetshenziswa leligama elinzima elithi "ukuphefumulelwa". Leligama livela nje lapho eBhayibhelini. 

Mangikuchazela leligama. Ngenxa yokusithanda kangaka, uNkulunkulu ufuna ukusitshela okuningi. Kodwa akathathanga ipeni 

nencwadi yena uqobo. Wasebenzisa abantu abajwayelekile. UMoya oNgcwele wabasiza lababantu ukubhala lokho 

uNkulunkulu ofuna ukukudlulisela kithi. Lokho abakubhalileyo kuvela kuNkulunkulu kuyiqiniso eliphelele. 

14

4. UNKULUNKULU UYAZI KONKE OKUQONDENE NAWE - UYAKWAZI 

NGEGAMA. 

Lomlayezo uhambisana nencwadi eyigolide, ngokuba ikufundisa ngoNkulunkulu. 

Namathisela isithombe sesifundo 4 odongweni. 

ISINGENISO: 

* Kungani kudingeka ukuthi abantu bazibike kwabanye abantu na 

* Uma mhlawumbe umongameli waseNingizimu Afrika evakashela epulazini, kungani ukuthi 

singekho isidingo sokumbika kubantu na 

* UMongameli uzo wazi yini onke amagama abantu epulazi na, noma kukhona isidingo 

sokunibika kuye na 

* Kungani bonke bemazi uMongameli, kodwa yena akabazi bonke na 

Ngokuba uMongameli engumuntu omkhulu bonke bayamazi yena, kodwa yena akabazi bonke abantu. 

Kodwa uNkulunkulu uhlukile kunoMongameli. Noma emkhulu futhi eyaziwa, kodwa futhi uyabazi 

bonke abantu, noma bona bonke bengamazi bonke. 

FUNDA IBHAYIBHELI: Funda iHubo 139:1-6 kanye ne-13-16. (Namathisela indikimba 4 

odongweni.) 

15

UMLAYEZO: Akekho onesidingo sokunibika kuNkulunkulu, kinina enikhona epulazini lakini. 

UNKULUNKULU UYAZI KONKE OKUQONDENE NAWE - UYAKWAZI NGEGAMA. Yikho ke 

banamanga abasho ukuthi uNkulunkulu mkhulu kakhulu akasanaki wena nesimo sakho. UNkulunkulu 

akalahlanga konke okudaliweyo emva kokukudala. 

UNkulunkulu usho kuMahubo 139:13-16 ukuthi nawe awuzalwanga nje ngaphandle kokuhlelwa. 

Wakubumba esiswini sikanyoko. Uyakwazi ukusukela ekuqaleni, nga phambi kokuzalwa kwakho. 

Ekuqaleni kwalelihubo uNkulunkulu usho ukuthi uyazi ngakho konke okucabangayo nokushoyo. 

Uyazi lokho okuhlelwa nguwe ozokwenza ngomuso nangeviki elilandelayo. Uyazi okukwenzayo 

ebusuku nesemini. Kusobala: UNKULUNKULU UYAZI KONKE OKUQONDENE NAWE - 

UYAKWAZI NGEGAMA. 

Mhlawumbe kuyakuthusa uyazi ukuthi uNkulunkulu uyazi konke okuqondene nawe. Ufanele ukusaba 

uma usathanda ukwenza izinto ezimbi ezingalungile. Kodwa uma ungumntwana kaNkulunkulu 

kuyakududuza kakhulu ukukwazi lokho. Qonda ukuthi usemqoka kakhulu kuNkulunkulu, ngakho 

uyakwazi ngegama. Ngokuba uyazi konke ngawe zonke izidingo zakho, uyalazi futhi uvalo lwakho. 

Ukwazi lokho okusemandleni akho nalokho uyazani okokukahlulayo. Uyalazi ubuhlungu bakho, nosizi 

lwakho, nendumalo yakho. Ufuna ukuba nguNkulunkulu wakho, akusize akuvikele akulondoloze. 

Wena umqoka kuye. 

UNkulunkulu oyedwa weqiniso, ongumdali wezulu nomhlaba, wakudala nawe. UYAZI KONKE 

OKUQONDANA NAWE - UYAKWAZI NGEGAMA. Akumangalisi na Asikho isidingo sokuzibika 

kuye. Uyakwazi kangcono kunokuthi uzazi wena. Futhi uyakuthanda, ufisa ukukunikeza impilo 

yeqiniso. Awufuni wena ukumazi kangcono loNkulunkulu omangalisayo na 

UMSEBENZI: 

1. Uyalazi inani lezinywele zakho na Uyalazi inani lezinwele zomkakho noma nezabantwana 

bakho na Zama ukubala inani lezinwele zomunye. Ungaphumelela na 

Funda manje ngokukaMathewu 10:29-31. UNkulunkulu wazini ngawe na 

2. Wazi kanjani ukuthi wena ubalulekile kuNkulunkulu futhi ukuthi uyakuthanda kakhulu na 

3. Kusho ukuthini kuwe ukwazi ukuthi iNkosi uNkulunkulu uSomandla ongumdali wezulu 

nomhlaba, owazi wena uqobo nowazi konke maqondana nawe na 

4. Uma kunguNkulunkulu uqobo odala zonke izingane eziswini zonina, ukukhishwa kwezisu 

kulungile na Njengokuba ukukhishwa kwezisu kubulala umsebenzi woMdali iHubo 139 

lisifundisa ukuthi umuntu akaqali ukuba ngumuntu ekuzalweni kwakhe. Ungumuntu 

ukusukela ekuqaleni (ukusukela ekuhlanganeni kwembewu neqanda esiswini sikanina). 

Ngako ke ukukhishwa kwezisu (ukukhipha ingane engakazalwa esiswini sikanina) vele 

kungukubulala komuntu. Uyavumelana nalokho na 

5. UNkulunkulu uyazi konke okuqondene nawe. Wena umazi kanjani na (Uma usafuna ukumazi 

kangcono, funda izindima eziseNcwadini eNgenamazwi ekhasini legolide.) 

6. Funda futhi iHubo 139 ekhaya. 

16

5. UGCWELE ISONO, AWUKWAZI UKUZISINDISA. 

Onokungcola, 

ngoba 

isono singcolisa 

impilo yakho 

Qiniseka ukuthi bonke babeNcwadi eNgenamazwi. 

ISINGENISO: 

* Usakhumbula umlayezo wekhasi elingcolile na 

* Kungani sikhetha umbala onokungcola ukusikhumbuza ngesono na 

(Ngokuba isono singcolisa impilo yakho ibembi. Khumbula ukuthi akusiwo umzimba wakho ongcolayo ubembi, 

kodwa yimpilo yakho engcolayo ibembi.) 

* (Namathisela manje indikimba nesithombe 5 odongweni.) 

UMLAYEZO: Okusemqoka okufundiswa eBhayibhelini maqondana nesono kungokulandelayo: 

UNkulunkulu akaphoqanga uAdamu noEva, abantu abadalwe kuqala, ukuthi bamthande. Wabenza 

kanjena ukuthi bangazikhethela ukuzimisela ukumthanda bamhloniphe. USathane wabalinga, 

banquma ukungalaleli uNkulunkulu. Yibonabona. Manje omunye nomunye umuntu ozalwayo 

unjengoAdamu noEva - uyisoni. Lokho kuchaza ukuthi akunamuntu ongakufundisa izinto ezimbi, 

uzenza ngokwakho. Ngokuba bonke abantu bazalwa beyizoni, omunye nomunye umuntu wenza 

isono. Akukho muntu ongenasono (kwabaseRoma 3:23). 

Kepha siyini isono na EBhayibhelini uNkulunkulu uqobo uyasitshela ukuthi siyini. Isono 

singukungalaleli uNkulunkulu. Singukungathandi uNkulunkulu nabanye abantu. Uma ungathandi 

uNkulunkulu nabanye abantu, ucabanga, usho futhi wenze izinto ezimbi nezingalungile kubo. 

17

Uzindla ukuthi ungabalimaza kanjani abanye noma ungathola kanjani izimpahla zabo. Ubathela 

ngenhlamba futhi ubaqambele amanga. Uhamba usakaze zonke izinto ezimbi ngabo. Awuthandi 

ukusebenza, utshontsha izimpahla zabanye. Futhi uma uphula noma ushisa izimpahla zabo, kuvela 

obala ukuthi awubathandi nakanye. Ukukhishwa kwezisu (ukubulawa komntwana ongakazalwa), 

nokuhlukana kwabashadileyo, nokudlwengula nokuphatha kabi abantwana, kubi kakhulu emehlweni 

kaNkulunkulu. Zonke izinto ezinjalo ziveza obala ukuthi awumthandi kanye uNkulunkulu nabanye 

abantu. Kungakho kuyisono konke. 

Kodwa noma nokho ungenzi neyodwa yalezizinto ezingalungile, usasala ube ngumoni, wenze nokho 

isono, ngokuba nxa ungenzi into ethandwa nguNkulunkulu ukuthi uyenze, awumlaleli. 

Ufanele ukwenzani na UNkulunkulu ufuna ukuthi umthande umlalele umkhonze. Ufanelee 

ukuthanda abanye njengoba uzithanda wena. Konke othanda ukuthi abanye bakwenzele kona, 

ufanele ukukwenza kubo. Uma ungakwenzi, wenza isono. 

Kanti inkinga yakho inkulu. Akusiso nje isono osenzayo esenza ukuba ungabi ngumntwana 

kaNkulunkulu, kepha nodaba lokuthi ungumoni olwenza ukuba ungabi ngumtwana kaNkulunkulu 

ngokwakho! Udingeka ukuthi uNkulunkulu akujezise ngunaphakade esihogweni futhi awunakwenza 

lutho ukuzivikela nokubalekela lesisijeziso. 

Kodwa nokho kukhona indaba enhle. Ngokuba uNkulunkulu uyakuthanda kangaka, wenze isu 

elimangalisayo. Ngalelisu ufundiswa yikhasi elibomvu. 

UMSEBENZI: 

1. Kungani abantu benzela abanye izinto ezimbi na Babathelelani ngenhlamba na 

Batshontshelani izimpahla zabanye na Badlwengulelani abesifazane bahluphe nezingane 

na 

Uma uthanda abanye abantu, uzokwenza izinto ezimbi kubo na 

kwabaseRoma 13:8-10. 

Funda na futhi 

2. Uma ungazenzi izinto ezimbi eziyisono kusho ukuthi awunasono na 

3. Khetha elungile phakathi kwemisho elandelayo: 

* Ngokuba wenza isono, ungumoni! 

* Ngokuba ungumoni, wenza isono! 

4. Kungani ungakwazi ukuzihlawulela esonweni sakho na 

5. Uzokwenzani ngesono sakho na Ubani ozokusiza ukuhlukana naso na 

6. Funda kwabaseRoma 3:23. 

(Izindima ezihambisana nencwadi engcolileyo zitholakala eNcwadini eNgenamazwi.) 

18

6. EBHAYIBHELINI UNKULUNKULU UYAKUTSHELA UKUTHI SIYINI ISONO. 

Lomlayezo uhambisana nekhasi elingcolileyo ngokuba ukufundisa okuningi maqondana nesono. 


ISINGENISO: 

1. Lendoda esesithombeni ibone kanjani ukuthi ubuso bayo bungcolile na 

2. Isibuko simkhombise ukungcola kobuso, kodwa uyophumelela ukugeza ubuso bakhe 

ngesibuko na 

3. Lendoda idingani, ukugeza ngayo ubuso bayo buhlanzeke na 

Kanjalo, njengoba umuntu akakwazi ukubona ukungcola kobuso bakhe, kanjalo futhi umuntu 

akakwazi ukubona isono sakhe. 

FUNDA EBHAYIBHELINI: iZaga 16:2 kanye kwabaseRoma 3:20,23. 

UMLAYEZO: iBhayibheli lifanekiswa ngesibuko. Ungasho ukuthi awunaso isono, kodwa uma 

ufunda iBhayibheli, uzobona ukuthi impilo yonke ingcolile igcwele isono. (Namathisela indikimba 6 

odongweni.) EBHAYIBHELINI UNKULUNKULU UYAKUTSHELA UKUTHI SIYINI ISONO. 

19

Uma ufunda iBhayibheli uzobona ukuthi imiqondo, nenkulumo nezenzo zakho azihambisani njalo 

nentando kaNkulunkulu. Zikhona futhi izinto eziningi ozifanele uzenze ongazenzi. Nalokho kuyisono. 

EBhayibhelini uNkulunkulu usho ukuthi umuntu ukusukela ekuqaleni ugcwele isono. UAdamu noEva 

abamlalelanga uNkulunkulu. Isono sabo sabenza abantu bonke abazalwa emva kwabo ukuthi 

babafuze. Umuntu nomuntu uyazalwe abe yisoni (iHubo 51:7, na kwabaseRoma 3:23). 

Mangikuchazela ngemifanekiso emibili. Njengokuba ingonyama izalwa iyingonyama, njalo uma 

ilambile ifuna ukudla izozingela inyamazane. Njengoba ihlokohloko lizalwa ibeyintakansinsi iyakwazi 

ukuzakhela isidleke, futhi akekho olifundisayo. Kanjalo futhi umuntu nomuntu uphinda njalo ukwenza 

futhi isono, njengoba ezalwe eyisoni. 

Yikho ke asazi futhi ukuthi isono siyini. Sisijwayele. Futhi okubi esikwenzayo, kuhle emehlweni ethu. 

(Funda futhi iZaga 16:2). Ngakho ke mina nawe njalo sikhuluma kahle ngezinto ezimbi esizenzayo. 

Mhlawumbe usho wena; "Kulungile ukuthandana nonkosikazi womunye umuntu, ngokuba owami 

unje-nje." Noma: "Ngikwazi ukwenza engikuthandayo ngezimali zami, ngokuba ngazisebenzela." 

Noma: "Ngingabhema ngokuba lamaphaphu awami, futhi kuthintana kabi nempilo yami." Noma: 

"Asikho isidingo sokusiza lowomuntu, ngokuba yena uyivila, futhi akadingi ukusizwa." Noma: "Asikho 

isidingo sokugcina umthetho othile, ngokuba iqembu lami aliwuwenzanga." Ungaqhubeka njalo. 

Konke okwenzayo kuhle emehlweni akho. 

Usho uNkulunkulu eBhayibhelini ukuthi umuntu akanakuhlukanisa okuhle nokubi. Nguyena yedwa 

okwazi ukuhlukanisa okuhle nokubi. Njengalendoda enobuso obungcolile, nathi sidinga isibuko 

seBhayibheli ukubona ukuthi isono siyini, ngokuba EBHAYIBHELINI UNKULUNKULU 

UYAKUTSHELA UKUTHI SIYINI ISONO. Funda futhi kwabaseRoma 3:20b. ("Umthetho" 

ungaqondisiswa ngeBhayibheli.) 

Isibuko sayikhombisa lendoda ukuthi idinga insipho namanzi ukuzigeza. EBhayibhelini uNkulunkulu 

akasitsheli nje ngesono sethu, kodwa usitshela futhi indlela yokusigeza. Funda 1 kaJohane 1:7-9. 

Yebo, igazi likaJesu lisigeza (liyasihlambulula) esonweni sethu. uNkulunkulu uyakushela ukuthi siyini 

isono. 

Ngakho musa ukukholwa nje noma ubani okuchazela ngokubi nokuhle. Kulula kumuntu ukusho ukuthi 

yini elungile, futhi yini noma nokho kungalungile. Kungcono ukufunda iBhayibheli, ngoba 

EBHAYIBHELINI UNKULUNKULU UYAKUTSHELA UKUTHI SIYINI ISONO. Utshela futhi 

eBhayibhelini ukuthi yena wenzani ukusiza wena ukuze ukhululwe esonweni sakho. Ngakho ke 

usazofunda okunye ngoJesu Kristu kulesisifundo. 

UMSEBENZI: 

1. Kungani bonke abantu benza isono na 

2. Kungani ungakwazi wena ukuzinqumela ukuthi kuyini okuhle nokubi na 

3. Uma iningi labantu bethi into inhle, kusho ukuthi ngempela kunjalo na 

(Ake uzifundele uEksodusi 23:2.) 

4. Zisho izinto ezithile ezilungile emehlweni wabantu, nezingalungile emehlweni kaNkulunkulu. 

20

7. AWUKWAZI UKUMFIHLELA UNKULUNKULU ISONO SAKHO. 

Lomlayezo uhambisana nekhasi elingcolileyo ngokuba ukufundisa okuthile ngesono. Empeleni 

uhambisana futhi nekhasi eligolide ngokuba likufundisa futhi ngesimo sikaNkulunkulu - Uyazibona 

uyazazi zonke izinto. 

ISINGENISO: 

* Kungcono kakhulu ukwenza lesifundo ngempela emhlanganweni wenu. 

* Nikeza abalaleli iR20.00, noma enye into enenzuzo enkulu. Batshele ukuthi noma ubani 

angayithola lento enenzuzo enkulu uma ephumelela ukuyifihla ebodleleni lengilazi 

ozobalinikeza. Ufanele ukuyifihla ngendlela yokuthi abanye bangakwazi ukuyibona nakanye. 

* Kungani ukuthi uzohluleka ukuyifihla imali ebodleleni leniglasi na 

Awukwazi ukuyifihla imali ebodleleni ngokuba ibodlela liyakhanya ubona noma yini ngaphakathi 

kwalo. eBhayibhelini uNkulunkulu uthi asikwazi ukumfihlela noma yini, uyasibona nangaphakathi. 

Uyazi konke okuqandene nathi sonke. 

FUNDA IBHAYIBHELI: Funda iHubo 139:1-4, iZaga 5:21, uJeremiya 23:23-24. (Namathisela 

indikimba nesithombe sesifundo 7 odongweni.) 

UMLAYEZO: Omunye nomunye kithi uthanda ukufihla okubi akwenzayo. Asithandi ukuthi abanye 

bakwazi lokho sikwenza kube yimfihlo. Uma abantu besibona, kunzima ukuvuma amaphutha ethu 

kalula sivama ukudlulisa icala kwabanye. 

21

Bheka uma impahla zilahleka epulazini. Omunye nomunye udlulisela icala komunye. Kodwa 

khumbula iHubo 139:1 sifundisa ukuthi uNkulunkulu usibona nangaphakathi njengasebodleleni. 

AWUKWAZI UKUMFIHLELA UNKULUNKULU ISONO SAKHO. 

Uma ushayisa iveni noma kushiswa isitaka se-Lusene, umqashi usesedolobheni kukopeletsheni, 

kulula kuwe ukumqambela umqashi amanga athile. Mhlawumbe akasoze athola iqiniso elezakele 

ungamfihlela umqashi isono sakho, KODWA AWUKWAZI UKUMFIHLELA UNKULUNKULU ISONO 

SAKHO. Mhlawumbe ungabenza utshwala obungekho emthethweni ubadayisele ugologo ebusuku. 

Ungacasha endlini yakho, ucishe isibani ukhiye isivalo sakho ngaphabi ukuzibhemela intsangu 

uwedwa. Konke kuyize. IBhayibheli lisifundisa ukuthi asikwazi ukumcashela uNkulunkulu angakuboni 

(uJeremiya 23:24). UNkulunkulu ubona ngendlela eyodwa emini nasebusuku (iHubo 139:11-12). 

Ngakho ke AWUKWAZI UKUMFIHLELA UNKULUNKUYLU ISONO SAKHO. Mhlawumbe umqashi 

wenza sengathi uyazithemba izisebenzi zakhe, azihloniphe, kodwa uma ehlangana nabangane bakhe 

ngasese ukhulume okunye, azibukele phansi azibandlulule, asho ukuthi zona ziyiziphukuphuku. 

Izisebenzi aziyizwa lendaba, kodwa khumbula AWUKWAZI UKUMFIHLELA UNKULUNKULU ISONO 

SAKHO. UNkulunkulu uyazi futhi amahlaya akho uma engekho umfundisi noma unkosikazi wakho. 

Uma ungongathembekile ngebhizinisi nalapho uNkulunkulu uyakubona. 

Akusho ukuthi unecala uma ubanjwa ngamaphoyisa, noma ubonwa ngabantu. Unecala uma 

uNkulunkulu ekubonile. Futhi khumbula, uma usahlela into emiqondweni wakho, ungakayenzi 

uNkulunkulu usekubonile. (Funda futhi iHubo 139:2-4). UNkulunkulu uyakubamba noma nini. 

Ngakho ke akusizi ukufihla isono sakho, ngokuba awuphumeleli nakanye. AWUKWAZI 

UKUMFIHLELA UNKULUNKULU ISONO SAKHO. 

UMSEBENZI: 

1. Zisho nezinye izono enizenzayo, kodwa nifihlelana zona. 

2. Umuntu unecala nini na Usenza nini isono na Kuphela uma ubanjwa ngabantu noma 

ngamaphoyisa na 

3. AWUKWAZI UKUMFIHLELA UNKULUNKULU ISONO SAKHO, ngakho ke akusizi 

nokuzama. Manje ufanele ukwenzenjani ngesono sakho na Uma ufisa ukuthethelelwa 

nguNkulunkulu, uma ufisa akubusise, ufanele ukwenzenjani na Funda iZaga 28:13. Funda 

isithembiso esimangalisayo ku 1 kaJohane 1:9. 

4. Uma wenzile into engalungile komunye umuntu, iyilungise lendaba. Cela uNkulunkulu kanye 

nalowomuntu ukuba akuthethelele. 

22

8. UNKULUNKULU UTHUMA INDODANA YAKHE, UJESU, UKUKUSINDISA. 

Obomvu 

ngoba 

igazi likaJesu 

lihlambulula 

zonke izono zakho 

Qiniseka ukuthi umuntu nomuntu uneNcwadi eNgenamazwi. 

ISINGENISO: 

* Usakhumbula umlayezo wekhasi elibomv u na 

* Sikhethelani obomvu ukusikhumbuza ngoJesu na 

(UJesu wangifela mina nawe esiphambanweni. Wakhokha khona ngegazi lakhe inhlawulo yesono sethu. Obomvu 

usikhumbuza umbala wegazi.) 

* (Namathisela indikimba nesithombe 8 odongweni.) 

UMLAYEZO: 

Okubalulekile maqondana noJesu uNkulunkulu afisa ukukufundisa eBhayibhelini 

kungokulandelayo: 

Noma bonke abantu benza isono, uNkulunkulu akayekanga ukubathanda, ngokuba uNkulunkulu 

uluthando! (1 kaJohane 4:8-10). Kodwa uNkulunkulu akasilo nje uthando kuphela, ungcwele, futhi 

ulungile. Uyasizonda isono kungakho umele ukusijezisa isono. Uzoqonda kuqala ukuthi uthando 

lukaNkulunkulu lungakanani kuwe nje ngomoni uma uqonda ukuthi uNkulunkulu wazinikela ukuthwala 

isijeziso sesono sakho. Ukuphumelela ukukwenza lokho, kudingeka ukuthi enze iNdodana yakhe 

izalwe ibe-ngumuntu emhlabeni. Kwenzeka kanjani lokho na UNkulunkulu wenze isimangaliso. 

Umoya wakhe oNgcwele wafikela phezu kowesifazane oyintombi. Amandla kaMoya oNgcwele enza 

ukuthi lowesifazane akhulelwe. Lokho kwenzeka engahlangananga nowesilisa. UNkulunkulu wathi 

aliqanjwe igama loMntwana libenguJesu ngokuba nguye oyakusindisa abantu bakhe ezonweni zabo. 

UJesu kambe unguNkulunkulu uqobo kodwa ungumuntu futhi uqobo. 

23

Usathane walinga uJesu engumuntu, kepha wayelalela njalo uNkulunkulu. Akenzanga izono 

nakanye. Kungakho ke wayenamandla ukuthwala isijeziso sesono sami nesakho. Wafa esikhundleni 

sami nesakho esiphambanweni. 

Ngokuba uJesu enguNkulunkulu uqobo, wanqoba ukufa, ngokuvuka kwabafileyo ngemva kwezinsuku 

ezintathu. Ngokuvuka kwakhe ekufeni wanqoba uSathane nawo onke amandla nababusi bezwe 

balobubumnyama. Weza ukuzosikhulula emandleni esono. Ngemva kwezinsuku ezingamashumi 

amane evukile ekufeni wabuyela ezulwini. Ngemva kwezinsuku eziyishumi yena noNkulunkulu uYise 

wasithumelela uMoya oNgcwele kithi. KunguMoya oNgwele owenza ukuthi abantu bakholwe ukuthi 

uJesu wafela izono esiphambanweni. 

UJesu unguMlamuleli oyedwa (1 kuThimothewu 2:5). 

Isono sahlukanisa kude uNkulunkulu nabantu. Ngokuba kunguJesu nje kuphela ongenasono 

kwabanguye nje kuphela owaletha ukubuyisana futhi phakathi kukaNkulunkulu nabantu. Lokho waku 

feza lesosikhathi elenga phakathi kwezulu nomhlaba esiphambanweni. Yilapho aletha ukuthula 

ngegazi lakhe ukubuyisana kukaNkulunkulu nabantu. 

Owenza izono ngokwakhe yena udinga uMlamuleli noMkhululi, kungakho onjalo akakwazi ukukusiza 

ukufika kuNkulunkulu. Kuchaza ukuthi unina kaJesu (uMariya) nokhokho bakho abafileyo 

abanakukusiza. Nabaprofethi nomholi wenkolo noma nobani udumileyo noma wayiphi inkolo 

akanakukusiza akakwazi ukukwenza. NguJesu nje kuphela ongakwenza! Funda ngokukaJohane 

14:6. 

UMSEBENZI: 

1. Wena uzovuma yini ukungena ejele iminyaka engamashumi amabili esikhundleni sesitha 

sakho esikhulu esikuzondayo na Wena uzozifaka engozini ngesizathu sokusindisa umuntu 

omubi na 

2. Siqiniseka ngani ukuthi uNkulunkulu uthanda kangaka wena nami na Funda 1 kaJohane 

4:10 kanye nekwabaseRoma 5:8. 

3. Kungani ukuthi nguJesu yedwa nje ongasithwalela isahlulelo sesono sethu na Kungani 

ukuthi nguJesu yedwa nje ongakukhulula emandleni esono na 

4. Abanye bezinye izinkolo abakhonza abanye onkulunkulu bangasindiswa na 

5. Isonto lapho usonta kulo likufundisani na Likufundisa ukuthi ungasindiswa nje kuphela 

ngokukholwa kuJesu Kristu na 

6. Uma isonto lakho likufundisa iqiniso lifanele ukukufundisani na Ungasindiswa kanjani ukuze 

uye kuBaba osezulwini na Funda ngokukaJohane 14:6. 

7. Funda ngokukhumbula ngenqondo ngokukaJohane 14:6. 

(Izindima zonke ezihambisana nekhasi elibomvu zitholakala eNcwadini eNgenamazwi.) 

24

9. UJESU UNGUMLAMULELI OYEDWA, NGOKUBA YENA UHLUKILE 

KUNABO BONKE ABANTU. 

Lomlayezo uhambisana nekhasi elibomvu ngokuba ufundisa nguJesu Kristu. Namathisela isithombe 

sesifundo 9. 

ISINGENISO: 

* Kufanele wenzeni ngaphambi kokuthi ummbila uhlume uphume enhlabathini na 

* Kuzokwenzekani uma ulima insimu ungatshali imbewu na 

* Masithi akekho otshala imbewu yommbila ensimini ethile, nokho isithombo sommbila sihluma 

khona, kwenzekeni lapho na 

Uma ummbila uhluma khona lapho ongatshalwanga muntu, kwenzeke isimangaliso. KuLuka sifunda 

ngesimangaliso esikhulu kunalesi. 

FUNDA IBHAYIBHELI: Funda ngokukaLuka 1:26-38. 

UMLAYEZO: Ingelosi kaNkulunkulu ithe kuMariya uzakukhulelwa, azale indodana. Ubefanele 

ukuyiqamba igama lakhe lokuthi uJesu (elisho ukuthi uMsindisi - kuMathewu 1:21). UMariya 

wahluleka ukuqonda lokho. Yena noJosefa bengakashadi ngalesosikhathi, bamhlonipha uNkulunkulu 

bangakahlangani ocansini ngaphambi komshado. UMariya wabayintombi emsulwa, kusho lokho 

ukuthi akayazanga indoda ebuntombin bakhe. Kungakho ke uMariya wahluleka ukuqonda 

ukukhulelwa kwakhe (indima 34). Ingelosi yamphendulela kahle. Funda ngokukaLuka 1:35. 

25

UMariya ubezokhulelwa ngenye indlela kunabanye abesifazane. Ukuzalwa kukaJesu akufani 

nokuzalwa kwabanye abantwana, abazalwe nabasazozalwa. Khumbula ayikho into emhlulayo 

uNkulunkulu (indima 37). Wenza izimangaliso. Ukuzalwa kukaJesu kwabayisimangaliso esinjalo, 

wazalwa ngaphandle kokuthi imbewu yendoda ihlangane nomzimba kaMariya. Yazi wena ukuthi: 

UJESU UNGUMLAMULELI OYEDWA, NGOKUBA YENA UHLUKILE KUNABO BONKE ABANTU. 

(Namathisela indikimba 9 odongweni). 

UJesu ungumuntu uqobo, ngokuba ufana nathi sonke, wazalwa ngowesifazane. Kungakho esiqonda 

esazi njengomuntu. Kodwa futhi unguNkulunkulu uqobo, ngokuba uMariya wakhulelwa 

ngesimangaliso sikaNkulunkulu, ngamandla kaNkulunkulu. Imbewu yomuntu ayimthintanga nhlobo. 

Ngokho ke sifunda ukuthi uJesu ubizwa ngokuthi "Ndodana yoPhezukonke" (indima 32) futhi 

"iNdodana kaNkulunkulu" (indima 35). Futhi iBhayibheli limbiza ngokuthi "Ongcwele" (indima 35 

kanye nokukaJohane 6:69), lokho kusho ukuthi: Ongenaso isono. Khumbula ke ukuthi: UJESU 

UNGUMLAMULELI OYEDWA, NGOBA YENA UHLUKILE KUNABO BONKE ABANTU! 

Uma mhlawumbe uwa emanzini ungakwazi ukubhukuda, uqala ukuminza emanzini, ungasizwa 

ngomunye ongakwazi ukubhukuda na Cha, ngoba unenkinga efana nenkinga yakho. Kunjalo ke 

omunye ogcwele isono akakwazi ukukusindisa esonweni sakho. UJESU UNGUMLAMULELI 

OYEDWA, NGOKUBA YENA UHLUKILE KUNABO BONKE ABANTU. 

Kufanele ukuthi imbewu ihlwanyelwe ngaphambi kokuthi isithombo sihlume. Kunjalo ke imbewu 

yendoda ifanele ukuzalisa owesifazane andukuba azale ingane. NguMariya wedwa akakhulelwanga 

ngalendlela ejwayelekile. Ngakho ke nguJesu yedwa unguNkulunkulu weqiniso, ungumuntu futhi 

ongenasono. Ngakokhe UJESU UNGUMLAMULELI OYEDWA, NGOKUBA YENA UHLUKILE 

KUNABO BONKE ABANTU. 

UMSEBENZI: 

1. Bakhona yini abantu abasemhlabeni abangenasono na Funda izindima ezilandelayo: 

R iHubo 51:7 

R uMshumayeli 7:20 

R kwabaseRoma 3:23 

R iZaga 20:9 

Imphendulo: Cha! Akekho omunye umuntu ozokusindisa. Okhokho bakho abakwazi ukukusindisa, noma omunye 

odumile omkhulu, noma umholi omkhulu esontweni, noma umngane, yebo, akekho umuntu ozalwe emhlabeni 

ongakukusindisa. UJESU UNGUMLAMULELI OYEDW A, NGOKUBA YENA UHLUKILE KUNABO BONKE 

ABANTU. 

2. UJesu wake wenza isono na Funda izindima ezilandelayo: 

R ngokukaJohane 8:46 

R kumaHeberu 4:15 

R kumaHeberu 7:26-28 

R 1 kaPetru 3:18 

Impendulo: NguJesu yedwa ongakwazi ukwenza isono. Nguyena yedwa ongafunanga ukwenza isono. 

NGAKHOKHE UJESU UNGUMLAMULELI OYEDW A, NGOBA YENA UHLUKILE KUNABO BONKE ABANTU 

3. Ukhona omunye ngaphandle kukaJesu ongakusindisa na Funda izindima ezilandelayo: 

R NgokukaJohane 14:6 

R iZenzo 4:12 

R 2 kwabaseKorinte 5:21 

R 1 kuThimothewu 2:5-6 

Impendulo: Cha, akekho omuntu. IBhayibheli lisifundisa ukuthi nguJesu unguMsindisi oyedwa. UJESU 

UNGUMLAMULELI OYEDW A, NGOBA YENA UHLUKILE KUNABO BONKE ABANTU. 

4. Kuhle uma uzama ukufunda ukukhumbule izindima ezithile ezitholakalayo kulesifundo 

ngenqondo. 

26

10. ASIKHO ISIDINGO SOKWENZA IMINIKELO (INHLAWULO) NGESONO 

SAKHO. 

Lomlayezo uhambisana nekhasi elibomvu, ngokuba usifundisa ukuthi uJesu wakukhokhela 

inhlawulo yonke yesono sakho esiphambanweni sakhe. Namathisela isithombe sesifundo 10 

odongweni. 

ISINGENISO: 

* Ubonani kulesisithombe na 

* Uma unalo irisidi elichaza ukuthi isikweletu sakho sikhokhiwe ngokupheleleyo, umuntu 

okweledwa nguwe usakwazi ukukucindezela ukukhokha ezinye izimali na 

* Kungani na 

* Mhlawumbe wena ufika esitolo ukukhokha isikweletu sakho, bese umnikazi wesitolo ethi 

kuwe: "Omunye wafika wakukhokhela isikweledu sakho sonke, thatha irisidi lakho." 

Kuyenzeka yini ukuthi uzolilahla irisidi bese uthi kuye ukuthi uzozikhokhela na 

Usufundile ukuthi sonke siyizoni - nawe futhi! Sima phambi kukaNkulunkulu sinecala. Kodwa 

uNkulunkulu wasikhokhela isikweledu sethu yena uqobo, ngakho ke ASIKHO ISIDINGO SOKWENZA 

IMINIKELO YESONO SAKHO (INHLAWULO). (Namathisela indikimba 10 odongweni.) 

FUNDA IBHAYIBHELI: Funda ngokukaJohane 19:30 kanye namaHeberu 10:11-18 (qaphela indima 

12 no-18). 

27

UMLAYEZO: EBhayibheli liyasifundisa ukuthi inhlawulo yamacala iphela kuphela ngegazi. Yigazi 

lodwa elinamandla okubuyisana noNkulunkulu nomuntu (kumaHeberu 9:22). (Funda ekhaya 

uLevitikusi 16:11 kanye no-17:11). Ngakho ke bamenzela iminikelo yezinhlobo eziningi etestamenteni 

elidala. Bahlaba izilwane, bachitha igazi. Ukusokwa kwabafana kwahambisana futhi ngokuchithekela 

kwegazi. 

Itestamente elisha lisifundisa ngomqondo omangalisayo uNkulunkulu asebenza ngothando lwakhe 

olukhulu. Wabulala iNdodana yakhe, uJesu, esiphambanweni ngenxa yesono sethu. Phambi kokufa 

kwakhe uJesu wathi ngesigriki "Tetelestai". Leligama lichaza ukuthi: Kufeziwe. Mhlawumbe 

basebenzisa futhi leligama esikhathini seBhayibheli ukuchaza ukuthi isikweletu serisidi siphelile. 

Ngokusho kwakhe: "Kufeziwe" (ngokukaJohane 19:30), uJesu wayeqonde ukusho ukuthi isikweletu 

sesono sethu ziphelile, wasikhokhela yena. Esiphambanweni uJesu wahlephula incwadi yamacala 

ethu (kwabaseKolose 2:14) wasinikeza irisidi. NGAKHO ASIKHO ISIDINGO SOKWENZA 

IMINIKELO YESONO SAKHO. Kholwa nje wena ukuthi uJesu wakukhokhela isono sonke. Limukele 

nje irisidi kuye. ASIKHO ISIDINGO SOKWENZA IMINIKELO YESONO SAKHO. 

KumaHeberu 10:18 usho uNkulunkulu ukuthi asikho isidingo seminikelo yesono. Ngenxa yomnikelo 

wakhe owodwa wakhokha konke. UNkulunkulu akasenaso isidingo selinye igazi. Lenele igazi 

likaJesu. ASIKHO ISIDINGO SOKWENZA IMINIKELO YESONO SAKHO. 

Baningi abasasho namhlanje ukuthi sikhona isidingo seminikelo yesono. Abanye basho ukuthi umholi 

wesonto ufanele ukwamukela imali phambi kokumthethelela umuntu isono sakhe. Baqamba amanga, 

ngokuba u uNkulunkulu uthi ASIKHO ISIDINGO SOKWENZA IMINIKELO YESONO SAKHO. 

Abanye bafundisa ukuhlatshwa kwezimpahla njengezinkomo noma izimbuzi, andukuba ubuyisane 

noNkulunkulu, uphinda ukuba nenhlanhla. Kungamanga, ngokuba uNkulunkulu uthi ASIKHO 

ISIDINGO SOKWENZA IMINIKELO YESONO SAKHO. UJesu wakukhokhela isikweledu sesono 

sakho. Kholwa nje ukuthi wakwenzela. Abanye basho ukuthi umuntu uzikhokhela amacala akhe 

ngokwenza izinto ezinhle. Bafundisa ukuthi uma uzenza ngokwenela izinto ezinhle, uNkulunkulu 

uzokukuthethelela. Akunjalo futhi. UNkulunkulu uthi uma ukholwa kuJesu, usethethelele zonke izono 

zakho, njengokuba uJesu wakukhokhela konke. Mhlawumbe nawe ukholwa ukuthi uma uzihawukele 

ngokwenele, uzisola ngokwanele, uzihlawulela njalo ngezinto ezingalungile ezenziwe nguwe, 

uNkulunkulu uzokuthethelela. Nalokho akunjalo. UNkulunkulu uthi: ASIKHO ISIDINGO SOKWENZA 

IMINIKELO YESONO SAKHO. 

Uma omunye ekukhokhele isikweledu akunikeze irisidi, ungeke ulihlephule ugcizelele ukuzikhokhela 

ngokwakho. Kunjalo awufaneli ukuzama ukuzikhokhela isono sakho. Lamukele irisidi onikezwe 

nguJesu, umbonge kakhulu. 

UMSEBENZI: 

1. Usazama kanjani wena ukuthola isiqiniseko sentethelelo yesono kuNkulunkulu na 

2. Usulamukele yini irisidi onikezwe nguJesu Usumbongile yini uNkulunkulu ngalesisipho na 

3. Kungani akunasidingo somnikelo wesono na 

4. Hamba umtshele futhi omunye lomlayezo omuhle ukuthi asikho isidingo somnikelo wesono. 

Asikho isidingo somnikelo wesono. 

28

11. UMA UKHOLWE KUJESU UNGAQINISEKA UKUTHI USINDISIWE. 

Ohlanzekile 

ngoba 

abantwana 

bakaNkulunkulu 

bahlanziwe ngegazi 

likaKristu 

Qiniseka ukuthi abalaleli bonke baneNcwadi eNgenamazwi. 

ISINGENISO: 

* Usakhumbula indikimba yekhasi elihlanzekileyo na 

* Kungani isikhetha okuhlanzekile ukusikhumbuza ukuthi yilowo nalowo okholwayo, 

ungumntwana kuNkulunkulu na (Ngokuba bonke abantwana bakaNkulunkulu bahlanzwe ngegazi likaJesu 

Kristu. Funda futhi isAmbulo 7:13-14) 

* (Namathisela manje isithombe sesifundo 11 kanye nendikimba 11 odongweni.) 

UMLAYEZO: Okusemqoka uNkulunkulu asifundisayo eBhayibhelini maqondana ngobuntwana bethu 

kungokulandelayo: UJesu Kristu usekwenze konke okudingekayo ukuba ubengumntwana 

kaNkulunkulu. Uthanda ukususa nazo zonke izono zakho ukuze impilo yakho ibe ehlanzekileyo. 

Kodwa ukukwazi lokho akukwenzi ngumntwana kaNkulunkulu. Umelwe ukholwe ukuthi uJesu 

ukwenzele konke lokhu wena qobo! Umelwe ukuthi ukwenze kube-ngokwakho. Cishe kufane 

nesitsha esinokudla. Ngeke kususe ukulamba kwakho uma unolwazi nje ngesitsha esinokudla. 

Akwenele nje futhi ukuthi uthinte ukudla ngesandla sakho ukuthathe ukubeke phambi kwakho 

etafuleni. Umelwe ukudle kuqala ngaphambi kokuba kusthise ukulamba kwakho kube nenzuzo kuwe. 

Ukuba ngumntwana kaNkulunkulu, ufanele ke ukwamukele ukuthi uJesu ufe esikhundleni sakho. 

31

Njengokuba uJesu wajeziswa ngenxa yesono sakho, awukwazi ukumemukela nje uJesu, ngemva 

kwalokho uqhubeke ukuphila esonweni. Umelwe ukuzimisela ukufulathela zonke izono, ulalele 

uNkulunkulu. Uma ukwenza lokho, kungenzeka ukuthi uzolahlekelwa abangane bakho abadala 

ngokuba ungaqhubeki ukwenza izinto ezimbi nezingalungile kanye nabo. UJesu wathi izwe lizozonda 

bonke abakholwa kuye, ngokuba nabo babemzonda. Ngeke kubelula njalo ukuba ubengumntwana 

kaNkulunkulu. Kanti ke nokho umelwe ukuzimisela ukumlandela uJesu, ngokuba nguye yedwa nje 

ongakukhulula esonweni sakho, akunikele ukuphila okuphakade. Uphoqekile ukuthi unqume manje. 

Uma uthanda ukumemukela uJesu, ungathandaza umkhuleko olandelayo: "Jesu, ngiyazisola 

kakhulu ngesono sami, ngiyazi ukuthi anginakwenza lutho ukuzisindisa. Futhi ngiyakholwa 

ukuthi uthwale nesijeziso sesono sami. Ngithethelele zonke izono zami, ungenze 

ngibengumntwana wakho. Ngisize ukuthi ungenze okuthandwa nguwe kusukela namhlanje. 

Futhi ungakhuleka ngamazwi akho. 

Uma umemukele uJesu, uNkulunkulu uyakuqinisekisa ngokukaJohane 1:12 na kwe 1 kaJohane 5:12- 

13 ukuthi ungumntwana wakhe futhi unokuphila okuphakade. Uqinisekile ke ngensindiso yakho - 

hhayi ngokuba uzizwa kanjalo, kodwa ngokuba uNkulunkulu uqobo usho kanjalo. Njengokuba 

umemukele uJesu njengoMsindisi wakho, uhlala kuwe ngoMoya wakhe oNgcwele. Umoya oNgcwele 

uzokunikela isifiso namandla okuphila njengomntwana kaNkulunkulu. Futhi uzokunikeza isiqiniseko 

sokuthi uNkulunkulu unguBaba wakho. 

Njengokuba uKristu ususe zonke izono zakho, uNkulunkulu uthi ulungile. Ngeke asakujezisa ngesono 

sakho. Ngakho ke umelwe manje uphilele uNkulunkulu ngokubonga umlalele. 

UMSEBENZI: 

1. Wena wazini maqondana noJesu na Yisho konke okwazi ngaye okusemandleni akho. 

Kwenele yini ukwazi lokho na Ungasindiswa kanjani na 

2. Khetha kulemisho elandelayo eyiqiniso nengamanga: 

* Cabanga kahle phambi kokumlandela uJesu ngokuba akulula njalo. 

* Kholwa nje kuJesu kuphela, kulungile ungaphinda wenze isono. 

* Kholwa nje kuJesu kuphela, asikho isidingo sokuqondisa impilo yakho. 

* Akulula njalo ukuphila njengomntwana kaNkulunkulu. 

* Umelwe ukuzizwa njalo ukuthi ungumntwana kaNkulunkulu, uma kungenjalo awusiye 

ngempela umntwana wakhe. 

3. Umuntu umelwe ukuthemba nje ukuthi ngelinye ilanga uzongena ezulwini, noma sikhona yini 

manje isiqiniseko sensindiso na Funda 1 kaJohane 5:12-13 kanye ne kwabaseRoma 8:14- 

16. 

4. Funda ngekhanda 1 kaJohane 5:12-13. 

(Izindima ezihambisana nalesifundo zitholakala eNcwadini eNgenamazwi.) 

32

12. KUMELWE UKUBA UKHOLWE KUJESU KRISTU! 

Lomlayezo uhambisana nekhasi elihlanzekile, ngokuba usifundisa ukuthi okwenzwe nguJesu 

esiphambanweni kungakusindisa wena kukunike impilo entsha. 


ISINGENISO: 

* Lenkonyane esesithombeni igule kwazekwaba sekufeni. Ebodleleni kukhona umuthi 

onamandla ongasindisa lenkonyane. Kufanele ukuthi kwenziwenjani ngaphambi kokuthi 

inkonyane isindiswe na 

* Kunjalo, Ifanele ukujovwa ngomuthi onamandla. Umuthi ujovwa ngenalidi engenisa umuthi 

emzimbeni wenkonyane. Uma ke kwenzeka iphile inkonyane, singasho ukuthi inkonyane 

isizwe ngubani na Umuthi noma inalidi 

Umuthi wosindisa inkonyane, kodwa inalidi idingekile ukungenisa umuthi emzimbeni wenkonyane. 

Kunjalo iBhayibheli lisifundisa ukuthi nguJesu osisindisayo, kodwa ukukholwa kuJesu 

kuyangiqinisekisa ukuthi insindiso iphumelele empilweni yakho. 

FUNDA IBHAYIBHELI: Funda iZenzo 16:31 kanye nekwabaseRoma 3:21-26. 

UMLAYEZO: IBhayibheli lisifundisa ukuthi sifile emoyeni ngenxa yamacala nezono zethu (kwabase- 

Efesu 2:1-4). Ayikho nakanye indlela esingazisindisa ngayo. Ngokuba uNkulunkulu ukuthanda 

33

kangaka, wathumela iNdodana yakhe, uJesu Kristu, ukukufela esiphambanweni. UJesu wajeziswa 

esikhundleni sakho, ngenxa yezono zakho. 

Kunombuzo manje: Konke okwenzwe eGolgotha kuKristu kungaba okwami kanjani na Kuthintana 

kanjani nempilo yakho, kukusiza kanjani usindiswe na IBhayibheli linempendulo oyodwa: 

KUMELWE UKUBA UKHOLWE KUJESU KRISTU! (Namathisela indikimba 12 odongweni.) 

Ungasindiswa ekufeni okuphakade (isihogo) kuphela ngokukholwa kuKristu. Kumelwe ukholwe ukuthi 

umnikelo kaJesu esiphambanweni wenzeka ngenxa yezono zakho. Kumelwe ukuba ukholwe ukuthi 

umnikelo kaJesu esiphambanweni wawenza ngenxa yesono sakho, wakwenzela wena ngenxa 

yokuba uyakuthanda. 

Masithi umnikazi wenkonyane ubona umuthi, uyazi ukuthi unamandla, utshela nezisebenzi zakhe 

ngamandla omuthi, inkonyane izobuye ibe ngcono ngokwayo, ngaphandle kokujovwa na Cha! 

Akwanele ukulazi nje igama lomuthi, ukhulume ngawo, nokufunda izincwadi eziqondana nawo nje. 

Kumelwe ukuba ujovwe. Phandle kokujova umuthi awunamandla. Kanjalo akwanele ukulazi igama 

likaJesu. Futhi akwanele ukuzazi zonke izimangaliso ezenziwe nguye kubantu esikhathini 

seBhayibheli. Ukwazi ngosizo lwakhe kubantu akukusizi wena uqobo. Ukukhuluma nje ngezindaba 

zezinto ezenzwe esiphambanweni akukusizi futhi. KUMELWE UKUBA UKHOLWE KUJESU 

KRISTU! 

Konke okwenzeke esiphambanweni kuqala nje ukuthintana nempilo yakho uma wena uqala 

ukukholwa kuJesu. KUMELWE UKUBA UKHOLWE KUJESU KRISTU, andukuba usindiswe (iZenzo 

16:31). Uma unolwazi ngaye, ukhuluma ngaye nje, usalahlekile, usafile esonweni sakho. Usamelwe 

ukujeziswa nguNkulunkulu. 

KUMELWE UKUBA UKHOLWE KUJESU KRISTU, umamukele. Kumelwe ukuba ukwamukele 

ngokholo lokho ukuthi yena wakukhokhela futhi inhlawulo yakho. Uma kunjalo uNkulunkulu 

uyakunikeza ilungelo lokuba ube ngumntwana wakhe (ngokukaJohane 1:12). 

Ngaphandle kokukholwa kuKristu ayikho insindiso kuwe. Khumbula ukuthi akuyisona inkolo yakho 

okukusindisayo. Usindiswa nguKristu. Ukukholwa kwakho kuyilinalidi nje elingenisayo umuthi 

wokukholwa. Noma nokho akusikho ukukholwa kwakho okukusindisayo, kodwa ukukholwa 

kudingekile kakhulu, ngokuba uJesu uyakusindisa ngako. Ngaphandle kokukholwa uKristu akusho 

lutho kuwe. UKristu usasala ngaphandle kwakho, uqhelelene nawe, njengebodlela lomuthi olusala 

endlini ongakajovwa emzimbeni wenkonyane. 

UMSEBENZI: 

1. Uma sewukholwe kuJesu Kristu, mbonge umdumise ngokuba uthwale isijeziso sakho. 

Mdumise ngelungelo lokuba ube ngumntwana kaNkulunkulu. 

2. Mema bonke abafisa ukumamukela uJesu njengomSindisi wabo basale emva komhlangano 

wenu, Mema futhi asebesindisiweyo ukusala ngesizathu sokukusiza abafisa ukumamukela 

uKristu. 

Bahole manje kancane kancane ukumamukela uKristu, usebenzisa iNcwadi eNgenamazwi. Kumelwe 

ukuba bavume isono sabo bazimisele ukuhlukana naso. Bathembise ukuthi uMoya oNgcwele 

uzobasiza ukuphila njengabantwana bakaNkulunkulu. Khumbula, uma ukholwa kuJesu Kristu ungaba 

nesiqiniseko ngensindiso yakho. NgokukaJohane 1:12 kanye neka 1 kaJohane 5:12-13 isemqoka 

kakhulu lapha. 

34

13. UNGAPHILA IMPILO ENHLE, KODWA UHLALA UNECALA UMA 

UNGAKHOLWA KUJESU. 

Lomlayezo uhambisana nekhasi ehlanzekile, ngoba ukufundisa UKUTHI UNGAPHILA IMPILO 

ENHLE KODWA UHLALA UNECALA UMA UNGAKHOLWA KUJESU. 

Namathisela isithombe sesifundo 13 nendikimba 13 odongweni. 

ISINGENISO: 

* Ubonani kulesithombe na 

* UStefanu akanalo ilayisense lokushayela imoto. Uthatha iveni ukuya edolobeni. Ushayela 

kahle futhi ugcina imithetho yonke yomgwaqo. Unecala noma cha Kungani na 

Impendulo: Vele unecala, ngokuba akagcinanga umthetho omkhulu wokuqala. Akafanele ukushayela imoto. Uma 

efuna ukushayela imoto ufanele ukuba abenencwadi yelungelo lokushayela imoto. 

Baningi abantu abaphila impilo enhle, kodwa abasindiswanga, ngokuba abagcini umthetho omkhulu 

weBhayibheli. Zama ukuzwa kahle ukuthi lomthetho usifundisani. 

FUNDA IBHAYIBHELI: NgokukaJohane 3:18, 16:9 kanye no 1 kaJohane 3:23. 

UMLAYEZO: Uqinisekile ngensindiso yakho na Ngokuba bakhona abantu abasho ukuthi 

basindisiwe kodwa akunjalo. Uma bezochaza isizathu sensindiso yabo, bakhuluma ngezindaba 

eziningi ezinhle abazenzayo, kodwa abasho lutho ngoKristu Jesu. Kumelwe wazi: UNGAPHILA 

IMPILO ENHLE, KODWA UHLALA UNECALA UMA UNGAKHOLWA KUJESU KRISTU. Benza 

iphutha elikhulu uma becabanga ukuthi izenzo zabo ezinhle zizobasindisa. 

35

Nawe uyakholwa futhi ukuthi uNkulunkulu uzokuthethelela akungenise ezulwini ngenxa yezenzo 

zakho ezinhle na Nawe uhlangana nalabantu abasho ukuthi: "NgingumKristu, ngoba ngisonta njalo. 

Ngifunda iBhayibheli lami. Ngiyisisebenzi esithembekileyo ezindabeni zonke. Ngikhokha futhi imali 

yokumenzela uNkulunkulu umsebenzi omuhle. Yebo, ngiphila impilo ehlanzekileyo. Ngithanda 

ukusiza abanye abantu." Kuhle ukwenza lokho. Kodwa lezizinto ezinhle akusizo ezikusindisayo. 

UNGAPHILA IMPILO ENHLE, KODWA UHLALA UNECALA UMA UNGAKHOLWA KUJESU. 

Ngakho ke gcina izinto zokuqala kuqala. Qala ukholwe kuJesu, izinto ezinhle zilandela ukukholwa. 

Awukwazi ukuzisindisa ngezenzo ezinhle. Uma ukholwa kuJesu, uzokukusindisa. Emva 

kokusindiswa kwakho, kudingekile ukwenza ezinye izinto ezinhle ezitholakalayo eBhayibhelini. 

Kodwa isizathu sokwenza izinto ezinhle singukumbonga uNkulunkulu, hhayi ukuthenga insindiso 

ngazo. 

Ungomunye walabobantu abakholwa ukuthi uzongena ezulwini ngenxa yokungazenzi izinto ezimbi. 

Nawe usasho ukuthi: "Angicindezeli izisebenzi zami. Angilimazi impahla yomnikazi wami. Angishayi 

unkosikazi. Angibhemi, futhi angizange ngiphuze ngidakwe, ngigcina isikhathi emsebenzini. Angivilaphi 

uma engekho ongibanayo." Wenza iphutha uma ucabanga ukuthi uzosindiswa ngokungenzi 

lokho kubi. Isono siyinto enkulu kunokungakwenzi okubi othile. Noma ungazenzi lezozinto 

usanecala. 

Indaba esemqoka uNkulunkulu ayifunayo kuwe eBhayibhelini kungukukholwa eNdodaneni yakhe, 

uJesu Kristu. Funda ngokukaJohane 6:29 kanye no 1 kaJohane 3:23. Uma ungakholwa usasenza 

isono (ngokukaJohane 16:9). Uma ungakholwa, uNkulunkulu akakwazi ukukuthethelela usabanecala. 

Khumbula ke: UNGAPHILA IMPILO ENHLE, KODWA UHLALA UNECALA UMA UNGAKHOLWA 

KUJESU. 

Umthetho wokuqala wemigwaqo uthi: Ungashayela kahle kanjani, nokho usadinga incwadi 

yokushayela imoto ngokomthetho. Uma kungenjalo unecala. Umthetho wokuqala kaNkulunkulu uthi: 

Kholwa kuJesu. NOKHO UNGAPHILA IMPILO ENHLE, KODWA UHLALA UNECALA UMA UNGA- 

KHOLWA KUJESU. 

UMSEBENZI: 

1. Khumbula futhi ukuthi ubufundeni na encwadini engcolileyo maqondana ngesono noJesu 

njengomsindisi, ekhasini elibomvu. Kungani ungakwazi ukuzisindisa ngezenzo ezinhle 

ozizenzayo na 

2. Ungenzenjani ukuze kusindiswe na Funda 1 kaJohane 5:12-13 kanye neZenzo 16:31 

3. Ukholwa kuJesu Kristu na Usumamukele njengomsindisi oyedwa wakho na Uma ufuna 

ukumamukela namhlanje, sala kimi emva komhlangano namhlanje, sizohlela isikhathi 

nendawo lapho sizohlangana khona siqhubeke ukukhulumisana. 

4. Uma unayo incwadi yokushayela imoto, kuvumelekile ukuhamba njengokuthanda kwakho, 

ungakanaki imithetho yemigwaqo na 

Uma ulalela umthetho omkhulu weBhayibheli, uma ukholwa kuJesu Kristu, kuyakuvumeleka 

ukuziphilela lempilo uthanda ukuyiphila na Kulungile ukukhohlwa yonke imithetho enye 

yeBhayibheli na Kungani 

5. Uyini lomthetho omkhulu weBhayibheli, lomthetho uhlanganisa yonke imithetho yeBhayibheli 

na Funda ngokukaMathewu 22:36-39 / kwabaseRoma 13:8-10 / 1 kaJohane 3:23. 

36

14. HLALA NJE KUKRISTU - UZOKUVIKELA KOKUBI. 

Lomlayezo uhambisana nekhasi elibomvu kanye nekhasi elihlanzekile ngokuba usifundisa 

ngoJesu Kristu ovikela bonke abantwana kaNkulunkulu. Namathisela isIthombe sesifundo 14 

odongweni. 

ISINGENISO: 

* Ikati nenhlanzi zikwazi ukubonana. Ikati lingasondela kakhulu enhlanzini lishaya isitsha 

sehlanzi. Kungani ikati likwazi ukubamba inhlanzi na Inhlanzi ivikelwa ngani na 

Isitsha sengilazi "singumlondolozi ongabonakali" esenza ukuthi ikati lingakwazi ukulimaza inhlanzi. 

Lingenza noma yini. IBhayibheli lisifundisa ukuthi nathi njengabantwana ba kaNkulunkulu nathi 

silondolozwa emandleni amabi kaSathane, noma lokukulondolozwa singakuboni ngamehlo. 

Masifunde usibone ukuthi kuyini. 

FUNDA IBHAYIBHELI: 1 kaJohane 4:4 kanye ne-5:18-20 (Namathisela indikimba 14 odongweni.) 

UMLAYEZO: uKristu ungumlondolozi ozungeza abantwana bakaNkulunkulu. Uma ungakuKristu, 

uSathane akakwazi ukwenzela utho. Uzozama ngamandla onke, kodwa uKristu uzokulondoloza. 

Kodwa musa ukuzama ukudlala noSathane. Mubi kakhulu kunekati. IBhayibheli limfanisa nebhubesi 

elibhodlayo (1 kaPetru 5:8). 

Uma ubona uSathane nodlame lwakhe, khumbula ke: Akakwazi ukukwenzela okubi uma 

ungakuKristu. Asikho isidingo sokusaba abathakathi. HLALA NJE KUKRISTU, UZOKUVIKELA 

KOKUBI. Usathane uzokuthola nje uma ungekho kuKristu. UJesu unamandla adlula amandla 

kaSathane. Sifunda kwabase-Efesu ukuthi akekho onamandla negunya eledlula elikaKristu. Yena 

wanqoba onke amandla amabi (kwabase-Efesu 1:18-23)! 

37

Awukwazi ukumbona uJesu Kristu, nokho ubavikela bonke abantwana bakaNkulunkulu. Ukubo, 

ubahaqa, uphakathi kwabo. Ngakho ke asikho isidingo sokufihla izinto njengemithi nezikhonkwane 

endlini yakho ezizokuvikela engozini. Asikho isidingo sokuzigcaba emzimbeni. Asikho isidingo 

sokuzibopha ngezintambo emzimbeni wakho ngenxa yokuzivikela ezifeni ezinhlobonhlobo. Asikho 

isidingo sokufafaza indlu yakho "ngamanzi abusisiwe". Nezimpondo zezilwane azinasidingo 

zokuvikela indlu yakho. Lezizinto zifile, azinamandla. UKristu uyaphila ungumlondolozi wakho 

oyedwa. Uma usasebenzisa zonke lezizinto uthemba zona, ukuthi zizokuvikela, uyamfulathela 

uNkulunkulu, uphika amandla kaKristu, usho ukuthi akanamandla okukuvikela. HLALA NJE 

KUKRISTU - UZOKUVIKELA KOKUBI. 

Awufanele ukusaba isiqalekiso sabantu abaletha izifo nezinye izinto ezimbi kuwe. HLALA NJE 

KUKRISTU, UZOKUVIKELA KOKUBI. Akusizi ukubopha izintambo ekhalweni lengane, intambo 

efileyo ayikwazi ukuvimba izifo. UKristu yedwa nje onamandla ukukuphilisa (funda uEksodusi 15:26). 

IBhayibheli lisifundisa ukuthi uJesu waxosha imimoya emibi ebagulisayo abantu (ngokukaMarku 1:21- 

28 / 5:1-13 / 9:14-29). UJesu Kristu ubenamandla, usenawo futhi uzobanawo amandla okuhlula 

yonke imimoya emibi. Ngakho ke unamandla ukukhuza lemimoya iphume kubantu, imele ukumlalela, 

ithanda lokho noma ingathandi. 

HLALA NJE KUKRISTU UZOKUVIKELA KOKUBI. Manje umuntu uhlala kanjani kuKristu na 

Uhlala kuye uma ukholwa kuye umlalela njalo. Uma uhlaselwa imimoya emibi, ungasho 

ngokuzwakala ukuthi: "uSathane nezisebenzi zakhe ezimbi azinamandla kimi, ngokuba ngikuJesu, 

futhi yena unamandla kunokubi. Usemnqobile uSathane." Ngakho uJesu uyala abantwana bakhe 

emthandazweni omkhulu kaBaba wethu, ukucela njalo kuNkulunkulu ukubakhulula kokubi 

(ngokukaMathewu 6:13). Kumele umcele uNkulunkulu ngemihla ngemihla akukulondoloza. 

Uzokwenza lokho. 

Khumbula, ukuthi inhlanzi ilondolozekile esitsheni sayo, nawe uphephile uma uhlala kuJesu. 

UMSEBENZI: 

1. Zikhona izinto ezikuthusayo na Ozisabayo na 

Uma ukholwa kuNkulunkulu onamandla omkhulu ongcono onokuhlakanipha kunabo bonke abanye, ufanele ukwazi 

ukuthi isidingo sokumsaba omunye asikho. Uyakuvikela kuyo imimoya emibi nakukho konke ukuthakatha 

nokuqalekisa nokulingwa. Khumbula futhi izifundo eziqondana nekhasi legolide, esifundisa ngesimo sikaNkulunkulu 

njengeNkosi. 

2. Wena ufunaphi usizo nokuvikelwa na Izinto ezifileyo, nabantu abafileyo nemimoya 

ingakusiza ngempela na 

3. Kungani kunguJesu Kristu yedwa okwazi ukukuvikela na 

4. Inkosi izokwenzani uma abantu ababi bezama ukukuthakatha noma bakuqalekisa, njengoba 

ungumntwana kaNkulunkulu Funda iZaga 22:12 kanye ne 26:2. 

5. Kulaphi ongafanele ukucela usizo nokuvikelwa na Funda izindima ezilandelayo: 

* uDuteronomi 18:9-14 

* uIsay a 8:19-20 

* uJeremiy a 10:1-5 (Funda futhi uLevitikusi 20:27 kanye na 2 Amakhosi 21:1-6.) 

6. Uma kwenzeka ukuthi phambilini wake wafuna usizo noma ukulondolozwa komunye noma 

kwezinye izinto, vuma lokho kuNkulunkulu manje umcele ukuthi akuthethelele. Thandaza 

ucele uKristu ukukuvikela. 

7. Lahla futhi zonke lezizinto ezifileyo (izintambo, imithi, izinto zokuthakatha, izimpondo, 

izikhonkwane nezinye). Kuhle ukuzishisa zona. Uma usanenkinga ngalokho thintana 

nomhlangano ka-Amose. 

8. Funda iHubo 91 ekhaya. Funa usizo nokulondolozwa eNkosini! 

38

15. IZENZO ZAKHO ZIMELWE UKUFAKAZELA UKUKHOLWA KWAKHO. 

Lomlayezo uhambisana nekhasi elihlanzekile, ngoba ufundisa abantu bamelwe ukubona ukukholwa 

kwakho. Namathisela isithombe sesifundo 15 odongweni. 

ISINGENISO: 

* Cabanga kubona izisebenzi ezisusa amasaka endlini ziwalayisha elolini. Omunye ubona 

inyoka phakathi kwamasaka. Uyamemeza: "Inyoka! Inyoka!" Ezinye izisebenzi zizokwenzani 

uma zimkholwa na 

* Zizokwenzani uma zingamkholwa na 

Uma omunye ememeza ngokuthi: "Inyoka, Inyoka!", umkholwa, uzoshesha ukubaleka uqalaze. 

Kodwa uma ungamkholwa uzombheka nje umhlibithisa ubuso uqhubeke ngomsebenzi. Uyabona uma 

ukholwa izenzo zakho zizofakazela lokho. IBhayibheli lisifundisa ukuthi asikwazi ukukholwa 

ngaphandle kokuthi izenzo zihambisane nokukholwa kwakho. 

* (Namathisela indikimba 14 odongweni.) 

FUNDA IBHAYIBHELI: EkaJakobe 2:14-26. 

UMLAYEZO: Kungumkhuba wabaningi ukuzibiza ngokuthi bangamaKristu namakholwa. Chishe 

bonke bathi bayakholwa. Kodwa bayakholwa ngempela na Nawe uyakholwa ngempela kuKristu 

na Izenzo ezilandela umlayezo eniwufundile zichaza ukuthi uyawukholwa lomlayezo noma cha. 

39

IBhayibheli lisifundisa ukuthi IZENZO ZAKHO ZIMELWE UKUFAKAZELA UKUKHOLWA KWAKHO. 

Uthi uNkulunkulu ekaJakobe 2:17 no 26 ukuthi ukukholwa okungahambisani nezenzo zokukholwa 

kufile. Kufana nesilwane esingaphefumuli - sifile ngempela! Ukukholwa okunjalo akukwazi 

ukukusindisa! 

Uma ngikubuza ukuthi: "Usindisiwe na" kuyenzeka ukuthi ushesha ukuphendula ngokuthi: 

"Nginesonto lami!" Kodwa lokho akusho ukuthi usindisiwe. UJakobe waba nalenkinga ngalabobantu 

ebabhalela lencwadi. Babenesonto labo, nabo basho ukuthi bayakholwa, kodwa babezikhohlisa 

(1:22). Abenzanga lutho ukuveza ukukholwa kwabo, futhi ukukholwa phandle kwezenzo akukwenzi 

wena ukubangumKristu. Ngakho ke uJakobe ubabhalela bona nawe: Thambisa ulimi, musa 

ukuziphilela wena, musa ukuziqhenya, futhi musa ukuphila njengabantu abangakholwayo. Hlala 

umthemba njalo uNkulunkulu, musa ukucindezela abanye abantu. Uma uphila kanjalo abantu 

bazobona ukuthi uyakholwa. 

Ngamanye amazwi awukwazi ukufihla ukukholwa ngaphakathi kwakho. Ukukholwa kweqiniso 

kubonakala njalo. Kubonakala ngezenzo zakho. Uma ukholwa ngeqiniso uzophila ngenye indlela 

obuphila ngayo ngaphambili. Uzomthanda uNkulunkulu nabanye abantu. Uzobenzela abanye lokho 

othanda ukuthi bakwenzele wena. Awukwazi ukusho ukuthi uyakholwa kuJesu Kristu, kodwa 

usahamba ubathuka abantu abayizidalwa zikaNkulunkulu ngenhlamba (ekaJakobe 3:1-12). IZENZO 

ZAKHO ZIMELWE UKUFAKAZELA UKUKHOLWA KWAKHO. Uma usho ukuthi ukholwa kuJesu 

Kristu, usalwa nabantu uxabana nabo, ngenxa yokuzithanda kwakho, ufisa izimpahla zabo, usaqamba 

amanga (ekaJakobe 4:1-3). Uma ucindezela abantu ubancishe isondlo esibafanele, ufakaza ukuthi 

ngempela ukukholwa akukho kuwe (ekaJakobe 5:1-5). IZENZO ZAKHO ZIMELWE UKUFAKAZELA 

UKUKHOLWA KWAKHO. 

Lendoda ixwayisa ezinye izisebenzi ngenyoka, ibilindele isenzo esithile. Babefanele ukubaleka. 

Kanjalo uNkulunkulu ulindela isenzo esithile kithi uma sikholwa kuye. Abakholwa kuJesu bafanele 

ukuphila ngendlela ethile. Ikhasi eluhlaza lizokufundisa ngokukhula ngokumfuza uJesu ngempilo 

yakho. Uma ufuze uJesu izenzo zakho zizofakaza ukuthi uyakholwa ngempela. 

UMSEBENZI: 

1. Uyakholwa yini ngeqiniso kuJesu, noma usho nje kanjalo ngokuba uyilunga lesonto elithile 

na 

2. Uma ukholwa ukukholwa kwakho kuKristu kwaguqula kanjani ukuphila kwakho na. 

Ngamanye amazwi: 

* Wenzani wena ngaphambili ongasakwenzi manje 

* Yini ongayenzanga ngaphambili oyenzayo manje ngokuba uyakholwa na 

(Nikeza amakholwa ithuba lokusho izindaba ezimbili noma eyodwa.) 

3. Okholwayo umelwe ukungazenzi ziphi izinto na 

Funda kwabaseGalathiya 5:19-21. 

4. Yiziphi zalezizinto ezisavamile ukuba-khona epulazini lakini na 

5. Wena usenza ziphi izinto ezishayisana nokukholwa na Kuyisikhathi manje ukuzivuma 

phambi kweNkosi, uhlukane nazo! 

6. IZENZO ZAKHO ZIMELWE UKUFAKAZELA UKUKHOLWA KWAKHO! Uyaphila wena 

kanjalo ukuthi abanye epulazini babone ukuthi uyakholwa ngempela na Usho ngani lokho 

na 

40

16. NJENGOMNTWANA KANKULUNKULU KUMELWE UPHILE 

NJENGOJESU. 

Okuluhlaza 

ngoba 

njengomntwana 

kaNkulunkulu umelwe 

ukukhula emoyeni 


ISINGENISO: 

* Usakhumbula yini umlayezo wekhasi eliluhlaza na 

* Ucabanga ukuthi sikhetheleni okuluhlaza ukukukhumbuza ngesidingo sokukhula emoyeni na 

(Izithombe eziningi ezihlumayo ziluhlaza. Okuluhlaza kukukhumbuza ngokuhluma nangokukhula.) 

* (Namathisela isithombe sesifundo 16 nendikimba 16 odongweni.) 

UMLAYEZO: Okusemqoka uNkulunkulu asifundisa kona eBhayibhelini maqondana nokukhula 

emoyeni kungokulandelayo: 

Uma umemukele uJesu, ungumntwana kaNkulunkulu, usindisiwe-ke. Kodwa ufana njengesihlahlana 

esincane esiluhlaza esifanele ukukhula sibenamandla. Umele-ke ukukhula emoyeni. Umelwe 

ukumazi kangcono uNkulunkulu uqhubeke ukumlalela. Umelwe ukuphila ngokuqhubeka ufane 

noJesu, ubonge ukusindiswa kwakho. Funda kwabaseKolose 2:6-7 ne 1 kaJohane 2:6. 

Ungakhula emoyeni ngokwenza okulandelayo: 

* Lifunde ulilalele iBhayibheli. Funda okukulo. Khumbula, eBhayibhelini kuphathelene 

nezindaba ezikhonjwa yiNcwadi eNgenamazwi. Uma ufunda isiqephu, uzibuze ukuthi kumi 

kanjani maqondana nalemibala eyisithupha. 

41

* Khuleka kuNkulunkulu. Wathi ungakhuluma naye noma ngasiphi isikhathi noma nangayiphi 

indaba. Uma ucela lezizinto kuNkulunkulu egameni likaJesu eziqondene nentando yakhe, 

uyathembisa ukuthi uzokuzwa umthandazo wakho. Kodwa-ke uNkulunkulu akezwa 

imithandazo yobugovu. Funda umkhuleko uJesu wabafundisa abafundi bakhe. 

(NgokukaMathewu 6:9-13) 

* Uma ungumntwana kaNkulunkulu, umelwe ukukhumbula ukuthi uNkulunkulu wakusindisa 

ngenjongo. Uthanda ukuthi ubatshele (ufakaze) abanye ukuthi mkhulu kanganani yena 

futhi ulungile. Ngalokho okushoyo nokwenzayo, udingeka ukubakhombisa ukuthi 

uNkulunkulu uyabathanda nabo, ufuna ukubenza nabo babe-ngabantwana bakhe. 

Ungasebenzisa iNcwadi eNgenamazwi ukukusiza ukutshela abanye ngoNkulunkulu. 

* Noma ungumntwana kaNkulunkulu manje uzonda isono, uzokwenza nokho isono. Ungaqalike 

ukungabaza ukuthi ukholiwe. Kodwa nokho ungaqhubeki ukwenza lesisono. Udingeka 

uv ume njalo isono sakho ucele uNkulunkulu ukuthi akuthethelele akusize ukuthi ungaphindi 

usenze. 

* Umoya oNgcwele uzokusiza ukhule emoyeni, kodwa uNkulunkulu ufuna ukuthi abantwana 

bakhe basizane. Kungakho udingeka ufune abangane abangamaKristu ungene esontweni 

noma ebandleli likaKristu. Umelwe ukukhumbula ukuthi bonke abantwana bakaNkulunkulu 

bayadingana. 

Ungadinwa ngemva kwesikhathi ukwenza konke lokho, ngokuba uJesu wenze isithembiso 

esimangalisayo. Ikhasi elinombala wesibhakabhaka likufundisa ngakho. 

UMSEBENZI: 

1. Uma ukholwa kuJesu sisekhona isidingo sokukhula emoyeni na 

2. Yisho ukuthi okulandelayo kuyiqiniso noma amanga: 

* Asikho isidingo sokutshela abanye ngoJesu, kudingeka nje ukuthi ngikholwe. 

* Asikho isidingo sokuphila njengoJesu uma abantu bengihleka. 

* Awukwazi ukukhula enkolweni ngokwakho kumelwe ukuthi uhlangane nabazalwane. 

* Kumelwe ukuthi ukhulumisane nje noNkulunkulu endlini noma esontweni. 

3. Uma uphinda ukwenza isono, noma uzame kakhulu ukungasenzi, kusho lokho ukuthi 

bulahlekile ubuntwana bakho kuNkulunkulu na 

4. Kumelwe ukuthi wenzeni uma uphinda wenza isono na 

5. Funda 1 kaJohane 2:6 ngekhanda. 

(Izindima ezihambisana nalesifundo zitholakala eNcwadini eNgenamazwi.) 

42

17. KUMELWE WAZI UKUTHI LEZIZINDIMA OZIFUNDILE ZIHLANGANA 

KANJANI NEBHAYIBHELI LONKE. 

Lomlayezo uhambisana nekhasi eliluhlaza ngoba ufundisa ngokufunda iBhayibheli ngendlela eqondile, 

uliqonde andukuba ukhule emoyeni. Namathisela isithombe sesifundo 17 odongweni. 

ISINGENISO: 

* Lendoda etholakala esithombeni ithole incwadi evela endodakazini yayo esebenza edolobheni 

elikhulu. Akaqali ukufunda ekuqaleni kodwa uzikhethela nje umusho phakathi nendawu. 

Ufunda khona: "Ngiyamzonda ubaba wami!" 

- Ucabanga ukuthi lendoda iphatheke kanjani ngalendaba na 

* Lendoda yathatha incwadi yayiphonsa phambi kwenkosikazi. "Lalela ukuthi lengane ithini," 

isho lendoda, iphinda ukufunda lomusho owodwanje. Unkosikazi wathatha incwadi waqala 

ukufunda ukusukela ekuqaleni. Emva kokufunda incwadi yonke wamangala ukubona 

ukuthukuthela kwendoda. Uthole indaba yonke yencwadi. Iphathelene nendaba yomngane 

wendodakazi obefike kuye ekhala ngesimo sikayise obephuze kakhulu wamdlwengula 

ekhaya. Lomngane wathi endodakazini yalendoda: "Ngiyamzonda ubaba wami!" 

Ngokuqhubeka nencwadi indodakazi yachaza ukuthi ubathanda kangakanani abazali bakhe, 

imbonga njalo uNkulunkulu ngabazali bakhe abamangalisayo. 

- Kungani unkosikazi uthokoze ngencwadi kodwa indoda iyithukuthelela na 

IBhayibheli liyincwadi kaNkulunkulu elibhalelwe, mina nawe. Kumelwe ukuthi siyifunde ngendlela 

eqondile siqonde kahle umlayezo wonke. 

FUNDA IBHAYIBHELI: 2 kaPetru 3:14-16. 

43

UMLAYEZO: Uma ufisa ukuqondisisa iBhayibheli, KUMELWE WAZI UKUTHI LEZIZINDIMA 

OZIFUNDILE ZIHLANGANA KANJANI NEBHAYIBHELI LONKE. (Namathisela indikimba 17 

odongweni.) 

KunguMoya oyiNgcwele osiza abantwana bakaNkulunkulu baqonde iBhayibheli kahle (Funda 1 

kwabaseKorinte 2:13-14 ne 2 kaPetru 1:20-21). Ngakho ke njalo phambi kokufunda iBhayibheli 

kumelwe ukuthi umcele uMoya oyiNgcwele ukukusiza ukuqondisisa lokho uNkulunkulu afuna 

ukukutshela khona. UMoya oNgcwele akahlali kubantu abangasindisiwe ngakho qaphela ukulalela 

abangasindisiwe. Bacosha nje indima lapha nalapho baguqule indikimba yalendima ngokuphelele. 

Mangikunikeze isibonelo esodwa. Omunye washo ukuthi ukukho umehluko phakathi komuntu 

nesilwane. Ayikho into njengokuphila okuphakade, alikho izulu nesihogo. Ngakho ke umuntu 

angaphila njengoba ethanda, ngokuba konke kuphelela ekufeni. Ufa njengenja efile. Wasekela 

inkulumo yakhe ngokufunda umShumayeli 3:18-21. Njengokuba yena akasindisiwe akaqondisisi 

lesisahluko noma incwadi kamShumayeli noma iBhayibheli elipheleleyo. Kaningi uNkulunkulu usho 

eBhayibhelini ukuthi amakholwa azohlangana naye ezulwini futhi abangakholwanga bazojeziswa 

esihogweni kuze kube phakade. Ukuqondisisa iBhayibheli lonke KUMELWE WAZI UKUTHI 

LEZIZINDIMA OZIFUNDILE EBHAYIBHELINI ZIHLANGANA KANJANI NEBHAYIBHELI LONKE. 

Kuzokusiza njalo uma ufunda inxenye yeBhayibheli uzibuze ukuthi: lenxenye ihlangana kanjani 

nomlayezo weBhayibheli lonke na Cabanga nje umlayezo wemibala yeNcwadi eNgenamazwi. 

Zibuze ukuthi lamazwi osandukuwafunda eBhayibhelini athini maqondana noNkulunkulu nothando 

kubantu bakhe na Athini ngesono na Kukhona okuthile ofanele ukukuvuma phambi kweNkosi 

uhlukane nakho na Athini lamazwi ngoJesu Kristu nomnikelo wakhe ngesono sakho na Khumbula 

uma ufunda iTestamente elidala ukuthi yonke iminikelo yezilwane ikhomba phambili kumnikelo 

umkhulu kaJesu (funda kumaHeberu 10:11-14). Athini lamazwi osandukuwafunda ngokukholwa 

kuNkulunkulu uYise neNdodana noMoya oNgcwele na Athini ngokuthethelelwa kwesono 

nesiqiniseko sobuntwana kaNkulunkulu na Athini ngokukhula emoyeni na Athini ungenzenjani 

uma ufuna ukukhula emoyeni na Athini lamazwi ngokubuya futhi kukaJesu nokuzilungisela kwakho 

na Uma ufuna ukuqondisisa kahle iBhayibheli KUMELWE WAZI UKUTHI LEZIZINDIMA 

OZIFUNDILE EBHAYIBHELINI ZIHLANGANA KANJANI NEBHAYIBHELI LONKE. 

Mangikunikeze isibonelo. Masithi ufunda umlayezo kaJesu ngokukaMathewu 10:5-7. Kusho ukuthi 

asifaneli ukumfakazela phakathi kwabangakholwa na Kusho lokho ukuthi uJesu ufuna kuphela 

ukusindisa abakwaIsrayeli na Ekhasini eliluhlaza kanye nasekhasini lesibhakabhaka ufundile pho 

ukuthi uJesu ufuna abantwana bakhe bamfakazele phambi kwabo bonke abantu. Ufuna ukuthi 

abantu bezilimi zonke, nabasezizweni zonke bezwe umlayezo ngaye bakholwe kuye 

(ngokukaMathewu 24:14, 28:16-20 / iZenzo 1:8 / kwabaseRoma 10:9-17). Uma ufunda amazwi 

anzima ukuwaqonda, kumelwe ukuthi ubonisise ukuthi kuphetheleni isahluko sonke nencwadi yonke 

andukuba uthole indaba epheleleyo. Bona ukuthi kwezinye izindaba eBhayibhelini zithini ngalendaba. 

Lokho kuzokusiza ukuqondisisa lezindaba enzima zeBhayibheli. Khumbula, musa ukwenza iphutha 

njengalendoda esesithombeni. Wafunda nje umusho owodwa, wacabanga ukuthi utholile indaba 

yonke yencwadi. Uma ufuna ukuqondisisa iBhayibheli lonke, KUMELWE WAZI UKUTHI 

LEZIZINDIMA OZIFUNDILE EBHAYIBHELINI ZIHLANGANA KANJANI NEBHAYIBHELI LONKE. 

UMSEBENZI: 

1. Kumelwe wenzeni uma ufuna ukuqondisisa umlayezo kaNkulunkulu eBhayibhelini na 

2. Uma ungaqondisisi indaba ethile yeBhayibheli ungabuza bani ukukuchazela. Ngobani 

ongafanele nakanye ukubabuza na 

3. Kungani sithi awufanele ukukholwa umuntu ongakholwa uma ekukhiphela indima eyodwa nje 

eBhayibhelini na 

4. USathane wenzani ngokumlinga uJesu ehlane na Funda ngokukaMathewu 4:1-11. UJesu 

wathini kuye na 

44

18. UMOYA ONGCWELE UFISA UKUYIBUSA IMPILO YAKHO YONKE 

NSUKUZONKE. 

Lomlayezo uhambisana nekhasi eliluhlaza, ngoba ufundisa ukuthi uMoya oNgcwele yena ukusizayo 

ukuphila njengoba uNkulunkulu efuna ukuthi uphile. Namathisela isithombe sesifundo 18 odongweni. 

ISINGENISO: 

* Isondo lokushayela (stearingwheel) lihlukene kanjani nesondo eliyispele na 

* Uyathanda yini ukuhamba ibanga elide lingekho isondo lesipele na 

* Wakewasho kuwe uma uhamba ngemoto ukuthi ufisa ukuthi kukuvelele ingozi andukuba 

usebenzise isondo lesipele na 

Ucabanga ukuthi uNkulunkulu uthanda ukuba yini empilweni yakho: Noma isondo lokushayela 

(stearingwheel) eliphethe impilo yonke yakho na Masifune impendulo eBhayibhelini. 

FUNDA IBHAYIBHELI: KwabaseRoma 8:14 na kwabaseGalatiya 5:16-25. (Funda kabili indima 16 ne 25 

futhi namathisela indikimba 18 odongweni.) 

UMLAYEZO: Akekho ofisa ukuhamba ngemoto isondo lesipele lingekho, kodwa futhi akekho ofisa ukuthi 

sizovela isidingo sokusebenzisa isondo lesipele. Isondo eliyisipele lidingekile kodwa liboshelelwa ngezansi 

kwemoto ukhohlwe ngalo. Ngesinye isikhathi uzolunguza ukubona ukuthi lisekhona futhi lisaqinile yini. 

Kodwa uma uhamba isondo eliyisipele aliyenzi umehluko emotweni. Uma lingekho imoto isazohamba 

kahle. 

45

Kaningi abantu bamphatha uNkulunkulu njengesondo eliyisipele. Bamamukela uJesu, baphinde 

bamkhohlwe futhi. Bahambela ngesonto ngalelilanga nje bahlola ukubona ukuthi uNkulunkulu usekhona 

kubo uma kwenzeka ukuthi bayamdinga mabevelelwa yingozi, njengesondo eliyisipele. Abamnikezi ithuba 

lokwenza umehluko empilweni yabo. Kuyiphutha ukumphatha uNkulunkulu njengesondo eliyisipele, 

khumbula ukuthi: UMOYA ONGCWELE UFISA UKUYIBUSA IMPILO YAKHO YONKE NSUKUZONKE. 

KwabaseGalatiya 5:24-25 sifunda ukuthi wena ophethwe nguKristu, awufanele ukumkhohlwa nje 

uNkulunkulu. Ufanele ukumvumela uMoya oNgcwele ukuphatha impilo yakho. Indima 16 ifundisa ukuthi 

uMoya oNgcwele umelwe ukuphatha impilo yakho. Sifanele ukuhamba naye. Kusho lokho ukuthi ufanele 

ukuba yisondo lokushayela lakho. Vele isondo lokushayela elikhomba lapho imoto lizohamba khona. 

Awukwazi ukusebenzisa nje isondo lokushayela ngemizuzo eziyisihlanu ubuye ulikhohlwe. Kumelwe 

ulisebenzise isikhathi sonke. Kanjalo UMOYA ONGCWELE UFISA UKUYIBUSA IMPILO YAKHO YONKE 

NSUKUZONKE. UMoya oyiNgcwele ufisa ukubalisondo lokushayela lakho. 

Uma umvumela uMoya oNgcwele ukubalisondo lokushayela lakho, ukuphatha impilo yakho nsukuzonke, 

awuzukungena esonweni njalo. Lithi iBhayibheli wena njengomKristu awufanele ukuphila impilo 

yokuphinga. Awufanele nakanye ukuhlangana nomunye owesifazane ocansini, kuphela nalo oshade naye 

ngokomthetho. Ayikho into efanele ukubasemqoka kuwe kunoNkulunkulu. Awufanele futhi ukukhonza 

abanye abantu nabanye onkulunkulu, futhi nokhokho bakho abashonile abafanele ukukhonzwa, ngoba 

bangabantu njengawe. Awufanele ukuhambisana nokuthakatha. Awufanele ukubhula esangomeni. 

Awufanele ukulwa uxabane njalo nabantu. Awufanele ukushaya umkakho, futhi awufanele ukuba nomona 

nangomhawu ngabanye. Awufanele ukuphuza udakwe. Uthi uNkulunkulu abaqhubeka nokwenzenjalo, 

abanaye uMoya oNgcwele, akababusi akabaphathe futhi abanakusindiswa (Funda kwabaseGalatiya 5:19- 

21). 

UMOYA ONGCWELE UFISA UKUYIBUSA IMPILO YAKHO YONKE NSUKUZONKE. Nguyena uMoya 

oNgcwele okusizayo ukuthanda abanye abantu. Ukwenza ukwazi ukubekezela nokubanobudlelwane 

nabanye. Uma uMoya oNgcwele ekubusa akuphathe, awuzukucabanga ukuthi usungcono kakhulu ukusiza 

nabanye abantu. Uzokwazi ukuziphatha. Uma ekuphethe uzobanamandla ukunqaba uma abanye 

bekumema ukuphuza noma ukwenza okunye okubi kanye nabo. Futhi awuzukubathuka ngezinhlamba 

uma ubathukuthelela abantu. Uma UMOYA ONGCWELE EYIBUSA IMPILO YAKHO YONKE, uzophila 

njengoba kulotshiwe kwabaseGalatiya 5:22-23. 

Khumbula, ukuthi umntwana kaNkulunkulu akakwazi ukuphila njengoba ethanda yena (kwabaseGalatiya 

5:17). Umelwe ukwenza lokho uMoya oNgcwele akufunayo kuye. UMOYA ONGCWELE UFISA 

UKUYIBUSA IMPILO YAKHO YONKE NSUKUZONKE. Ngakho kumelwe ukuba umcele njalo ukuba abe 

yisondo lokushayela lempilo yakho. 

UMSEBENZI: 

1. Sifunde ukuthi umuntu ogcwele uMoya oNgcwele obuswa nguye, akasahlangani nokungcola, 

nokukhonza abanye onkulunkulu nokuthakatha. Kungani ukuthi lezizinto ezitholakale kwabase- 

Galatiya 5:19-21, zisatholakala kangaka emapulazini amaningi na 

2. Ningaxazulula kanjani lezinkinga ezisekhona emapulazini na 

3. Masithi wena nomkakho nihluleka ukuthola abantwana, kulungile yini ukucela usizo kwabafileyo, 

izangoma, imimoya, abaprofethi, noma ababhulayo na UMoya oNgcwele ungakuhola ukucela 

usizo kulababantu na (Funda uLevitikusi 19:31 ne 20:27 / uDuteronomi 18:9-14 / iHubo 113:9.) 

4. Uyamazi yini umuntu osanenkinga ngokuphuza kakhulu na Kakhulu ukuphuza kakhulu 

ngezinsuku zokuphela kwesonto na Ungamcebisa kanjani na Angasindiswa kanjani enkingeni 

yakhe na 

5. UMoya oNgcwele uphethe futhi ubusa impilo yakho yonke, noma nawe usamsebenzisa 

uNkulunkulu njengesondo eliyisipele elikusizayo ezinkingeni zakho na 

6. Thandaza kanyekanye cela uNkulunkulu abuse akuguqule impilo yakho yonke. 

46

19. INKULUMO NEZENZO ZAKHO ZIMELWE UKUHAMBISANA. 

Lomlayezo uhambisana nekhasi eliluhlaza. Ufundisa ukuthi ungaphila kanjani impilo eqondile futhi 

nokukhula nasemoyeni. 

ISINGENISO: 

* Kuhle uma ufundisa lesifundo ngesibonelo esenziwa phambi kwamehlo abalaleli. Vula i-TV, 

kodwa vala umsindo kubonakale izithombe nje kodwa umsindo ungezwakali. Vula futhi i-FM 

(irediyo)kakhulu. Isithombe se-TV asihambisani nomsindo werediyo. Emva kokwenza lokho 

buza imibuzo elandelayo: 

* Uzothanda yini ukubheka isithombe se-TV, kuzwakala futhi umsindo werediyo oshayisana 

nesithombe se-TV na Kungani na 

iBhayibheli lisifundisa ukuthi ithi iNkosi amazwi nezenzo zomKristu zifanele ukuhambisana. 

FUNDA IBHAYIBHELI: Funda manje kwabaseFilipi 1:27a na 2 kuThimothewu 2:19. (Namathisela 

manje isithombe sesifundo 19 nendikimba 19 odongweni.) 

UMLAYEZO: Kwenzeke kaningi ukuthi ngitshelwe: "Uma lomuntu ongumKristu angafuni mina 

ukubangibe ngumKristu. Bheka akwenzayo! Uhamba ekhohlisa bonke abaqambele amanga, kodwa 

47

ngeSonto uhlezi esontweni uzenzisa ungcwele." INKULUMO NEZENZO ZAKHO ZIMELWE 

UKUHAMBISANA. Kanjalo nje nabanye bazofuna ukubangabantwana bakaKristu. 

Kuyenzeka kaningi emapulazini. Iminyaka ethile edlule ngahlala epulazini elincane kanye nonkosikazi 

wami eBlomfantini. Ngabanezisebenzi eziningi. Ngisayikhumbula indoda ethile. Igama lakhe 

libenguFransi. Kusukela elangeni lokuqala wangitshela ukuthi ungumKristu. Wayethanda ukukhipha 

izindima zeBhayibheli uma ekhuluma futhi wasontisa nabanye. Kodwa, phakathi kwezisebenzi zonke 

uFrans wabonakala enjengomuntu ongathembekile. Kaningi waphuza kakhulu. Kaningi unkosikazi 

wakhe (yena wengumKristu omuhle) wangivusa ebusuku. UFrans wafika ekhaya ngalesosikhathi 

ephuzile ethanda ukushaya unkosikazi. Yena wangibiza ukumvikela esandleni sendoda. 

Kuyakumangalisa ukuzwa ukuthi kubengekho noyedwa ophendukile ngenxa yezintshumayelo 

zikaFrans na INKULUMO NEZENZO ZAKHO ZIMELWE UKUHAMBISANA. Uma kungenjalo 

abekho abazokulalela uma ubafakazela ngoJesu Kristu. 

Kaningi futhi izisebenzi azikwazi ukukholwa ukuthi umqashi ungumKristu, ngokuba ezinkathazweni 

ubathela ngenhlamba. Kunjalo umqashi kaningi akakwazi ukukholwa ukuthi izisebenzi zakhe 

zingamaKristu, noma beshonjalo, ngoba ekugcineni kwesonto bavama ukuphuza kakhulu bagcina 

bashayane. Ezweni lakithi abayi-8 babantu phakathi kwabayi-10 basho ukuthi bangamakholwa, 

kodwa abayi-8 phakathi kwabayi-10 abaphili nje uNkulunkulu esho eBhayibhelini amaKristu afanele 

ukuphila kanjani. Umqashi nezisebenzi umlimi nezisebenzi emapulazini, yebo bonke abasho ukuthi 

bangamakholwa bafanele ubaphile njengamaKristu. 

INKULUMO NEZENZO ZAKHO ZIMELWE UKUHAMBISANA, uma kungenjalo uzodidekisa nje 

abantu. Ngeke bakukholwe uma usho kubo ukuthi ungumKristu, uma izenzo zakho zingasekeli ukuthi 

ungumKristu. Umsindo wakho (inkulumo) nesithombe (impilo) ifanele ukuhambisana. 

UMSEBENZI: 

1. Uthini wena kungani inkulumo nezenzo zomKristu zifanele ukuhambisana na 

2. Bathini abangakholwayo uma bebona izenzo nenkulumo yamaKristu engahambisani na 

Funda kwabaseRoma 2:24 

Uma umqashi nezisebenzi ezithile zisho ukuthi zingamaKristu kufanele ukuthi benze 

okulandelayo: 

3. Umqashi ufanele ukuba abe nethuba lokusho ezisebenzini zakhe ezingamaKristu ukuthi 

izenzo nenkulumo zabo zishayisanaphi. Khumbula, njengomKristu awufanele 

ukumthukuthelela umuntu okuqondisayo ngothando. Kungcono ukuvuma lokho okungalungile 

ukushiye. 

4. Manje nikeza izisebenzi ithuba lokusho kumqashi ongumKristu ukuthi izenzo nenkulumo 

yakhe zishayisanaphi. Khumbula, njengomKristu awufanele ukumthukuthelela umuntu 

okuqondisayo ngothando. Kungcono ukuvuma lokho okungalungile ukushiye. 

5. Uma nithandaza kanye kanye, vuma zonke izinto enizenzayo ezishayisana nesivumo senkolo 

njengamaKristu. Thandazani nimcela uNkulunkulu ukukhumbuza onke amakholwa epulazini 

ukuthi: INKULUMO NEZENZO ZENU ZIMELWE UKUHAMBISANA. 

48

20. UMA UFISA UKUPHILA NJENGOJESU, UFANELE UKUKHETHA 

ABANGANE ABAFANELE. 

Phambi kokuqala ngalomhlangano ngicela ukuthi niphume endlini nibheke nonke ihuku nepeni 

logandaganda omdala nenqola. Bheka ukuthi lezozinto zidleke kangakanani. 

Lomlayezo uhambisana nekhasi eliluhlaza ngoba ufundisa ukuthi kumelwe ukhethe abangane 

abahle uma ufuna ukukhula emoyeni. 

Namathisela isithombe sesifundo 20 nendikimba 20 odongweni. 

ISINGENISO: 

* Uma ubheka ihuku logandaganda omdala ubonani na Kungani imbobo lapho ipeni lingena 

khona idlekile ayinhle njengembobo kagandaganda omasha. Kungani na 

* Kungani futhi ukuthi ipeni lidliwe kakhulu kwezinye izindawo na 

Impendulo ilula! Lapho ugandaganda nenqola ihlangana khona, insimbi ithintana nensimbi. Izinsimbi 

ziyadlana. Ngakho emva kwesikhathi imbobo nepeni lidlekile. Alifani nensimbi entsha. Singasho 

ukuthi insimbi iyabumbana. IBhayibheli lisifundisa ukuthi abangane bayabumbana nabo. Ngakho, 

UMA UFISA UKUPHILA NJENGOJESU, UFANELE UKUKHETHA ABANGANE ABAFANELE. 

FUNDA IBHAYIBHELI: Funda iZaga 27:17. 

UMLAYEZO: INkosi isebenzisa abantu ukuholela abanye kuyo. Ngeshwa kuyiqiniso futhi ukuthi 

uSathane usebenzisa abangane ababi ukubaholela abanye abantu esonweni. Uma umbuza umuntu 

oboshiwe ejele ukuthi: "Izinto zaqalaphi ukungahambi kahle na" imvamo yempendulo ying ukuthi: 

"Abangane abangalungile." Uma uzobuza: "Uqalelani ukuphuza nokubhema na" impendulo 

nyikuthi: "Abangane!" Abangane abangalungile sebangenile abaningi engozini. Ithi indima yethu 

njengoba insimbi ibumba insimbi kanjalo abangane bayabumbana. Uma uhlangana njalo 

49

nabaphuzayo, abebayo, abacabanga okubi njalo, bazokubumba ufane nabo njengoba babi kangaka. 

Uma usufundile omubi yabangane, umelwe ukungena engozini enkulu (linganisa iZaga 18:24 ne 

22:24-25). 

Hlukana nezigebengu nabatshontshayo (iZaga 1:8-19). Musa ukuhlangana nabathanda ukuphuza 

ukusukela ekuseni ubagcine ebusuku (uIsaya 5:11 neZaga 23:29-35). Balekela abesifazane 

abazama ukudukisa amadoda (iZaga 5). Uma lababantu bengabangane bakho bazokubumba ukuthi 

ekugcineni uzobafuza. Uzogcina ezingozini eziningi. Ukuhlangana ocansini nabezitazane 

nanabesilisa phandle komshado kuzokulethela isifo esigcina ngokukubulala. Ukuphuza 

okunganqamuki kulimaza ubuchopho nesibindi futhi kuyenza ukuthi izifo zikuhlasele kalula. Balekela 

abanjalo. 

Uma ungumKristu ofisa ukukhula emoyeni, UMA UFISA UKUPHILA NJENGOJESU UFANELE 

UKUKHETHA ABANGANE ABAFANELE. Khetha abangane abazokusiza ukumlalela uNkulunkulu. 

Khetha abangane abazokuxwayisa nxa bebona ukuthi ufuna ukwenza into engalungile. Khetha 

abangane abazokwazi ukuthandaza kanye nawe. Khetha abangane abamkhethile uJesu 

njengomsindisi wabo. UMA UFISA UKUPHILA NJENGOJESU, UFANELE UKUKHETHA 

ABANGANE ABAFANELE. Kungakho uNkulunkulu esiyala ukungahlangani nabantu abashumayela 

amanga. Bangabantu abaziqambela izindaba zabo basho ukuthi zivela kuNkulunkulu. Balekela futhi 

abasontayo, kodwa emva kwesonto badakwe abaphili njengamaKristu (2 kuThimothewu 3:1-5). Uma 

lenhlobo yabantu bengabangane bakho, bazokuqhelisa kuNkulunkulu. Nawe ekugcineni uzokuyeka 

ukumphilela uJesu. 

Indlela elula yokuhlukana nabangane ababi, ngukumphilela uJesu ngamandla onke nomdlandla 

(kwabaseRoma 12:11). Uzoshesha ukubona: Asikho isidingo sokuyeka abangane ababi bazokuyeka 

wena kuqala! 

Ku 1 kaJohane 2:6 kulotshiwe ngokusobala: UmKristu umelwe ukuphila njengoJesu! UMA UFISA 

UKUPHILA NJENGOJESU UFANELE UKUKHETHA ABANGANE ABAFANELE. Khetha abangane 

nabo abamphilelayo uJesu. Uma lababangane bekubumba, kuhle, ngokuba bazokubumba uphile 

njengoJesu. 

UMSEBENZI: 

1. Abangane bakho bangamakholwa na 

2. Baphila kanjani abangane bakho na Bakubumba ukuba ubegcono noma ubemubi na 

INkosi iyabasekela abangane bakho na Ayifuni mhlawumbe ukuthi uhlukane nabanye 

abangane bakho na Bangobani na 

Khumbula akusho lokho ukuthi uzokwenza okubi kubantu. Usafanele ukubathanda, ube nesifuba kubo 

"abangalungile", kodwa hlukana nabo kude ungabanikezi ithuba lokukubumba ube-mubi njengabo. 

3. Uma kusemqoka kangaka ukukhetha abangane abafanele, kungakanani ukukhetha ozoshada 

naye! Umyeni noma umlobokazi. Uma ungumKristu, ufanele ukuzibuzani uma umkhetha 

ozoshada nawe na (Funda futhi 1 kwabaseKorinte 7:39 na 2 kwabaseKorinte 6:14-15). 

4. Uma iBhayibheli lithi abangane bayabumbana, kangakanani ukuthi abazali babumba 

abantwana. Abantwana bakho bathola siphi isibonelo kuwe na Bazobanjani uma 

sebekhulile na Bazophilela yini uJesu uma bekufuza wena na 

50

21. KUMELWE UKUBA UYIKHONZE INKOSI KANYE NAMANYE AMAKRISTU. 

Lomlayezo uhambisana nekhasi eliluhlaza, ngoba ufundisa ukuthi ungakhula emoyeni kuphela uma 

uhlanganyela namanye amakholwa. Namathisela isithombe sesifundo 21 odongweni. 

ISINGENISO: 

* Kwenzekani ngokhuni olukhishwa emlilweni lubekwe eceleni na Lungaqhubeka nokuvutha 

lulodwa na 

Ukuvutha kahle ukhuni ludingeka ukuthi lusale emlilweni kanye nezinye izinkuni ezivuthayo. Mhla 

ulukhipha emlilweni ulubeka eceleni, lusazophola luze lushunqe nje intuthu. Kuyenzeka kanjalo 

namaKristu angayikhonzi INkosi kanye namanye amaKristu. Emva kwesikhathi bafa emoyeni yabo - 

abasayikhonzi INkosi. (Namathisela indikimba 21 odongweni.) 

FUNDA IBHAYIBHELI: KwabaseEfesu 2:19-22, 3:6, 4:3-6, 4:16 

UMLAYEZO: Unakile yini ukuthi kulezizindima esisandukuzifunda azikhulumi nomKristu noma 

ikholwa elodwa. Ikholwa nekholwa bahlanganiswe ngeqembu elithile lamakholwa. Ahlangene abizwa 

ngokuthi umuzi kaNkulunkulu, ahlangene ayindlu eyakhiwe ngezitini eziningi, ahlangene angamalunga 

omzimba munye kaKristu, ahlangene ayisizwe sikaNkulunkulu, ahlangene namanye amakholwa 

anikezwa izithembiso zikaNkulunkulu. 

Kulotshiwe futhi ukuthi uma ilunga nelunga lizowenza umsebenzi walo ibandla lizokhula emoyeni. 

Ngakho ke KUMELWE UKUBA UYIKHONZE INKOSI KANYE NAMANYE AMAKRISTU, ukuze 

nisizane ekukhuleni emoyeni. Kodwa amakholwa angasizana kanjani ukukhula emoyeni baphile 

51

njengo Jesu na Sifunda kakhulu eTestamentini elisha iNkosi ifundisa abatwana bayo indlela 

yokwenza lokho: 

• Uthe khulekelanani (kwabaseKolose 1:9-11 ne 4:2-4). KUMELWE UKUBA UYIKHONZE 

INKOSI KANYE NANANYE AMAKRISTU, ukuze ubathandazela ngokunga phuti. Nabo 

bangabacelwa ukukuthandazela. Uma nithandazelana iNkosi izonisiza nonke nikhule 

emoyeni wenu nimphilele kangcono uJesu. 

• KUMELWE UKUBA UYIKHONZE INKOSI KANYE NAMANYE AMAKRISTU, ngokuba nje 

ngamakholwa nimelwe ukuvuselana ukubathanda abanye abantu nenze izinto ezinhle 

(kumaHeberu 10:24). Nimelwe ngokunye ukuvuselana ningahlali nodwa emakhaya nxa 

amanye amakholwa ahlangana (kumaHeberu 10:25). 

• KUMELWE UKUBA UYIKHONZE INKOSI KANYE NAMANYE AMAKRISTU, ngokuba uma 

uwela esonweni uzobakhona ozokusizayo. Uma omunye engena esonweni ufanele nxa 

ungumKrstu ukumsiza ngesineke. (Funda kwabaseGalathiya 6:1 na kumaHeberu 3:13-14). 

AmaKristu amelwe ukuthwalisana imithwalo. Kusho lokho ukuthi wena uma ubona 

ohluphekileyo ufanele umsize kanjalo naye uma ekubona wena uhlupheka umelwe akusize 

nawe (kwabaseGalathiya 6:2). 

• KUMELWE UKUBA UYIKHONZE INKOSI KANYE NAMANYE AMAKRISTU, ngokuba 

nizokwazi ukusizana ukukhula emoyeni nimphilele kangcono uJesu. Uma uKhathele 

udangele, uhlupheka ukulalela uNkulunkulu ngokuba abonindeni abangakholwi, umelwe 

ukuba ube-kulabanye amaKristu ukuthi bangakuvuselela bakusize. Kunjalo nawe uma 

uhlangabeza na nabanye abahluphekileyo umelwe ukubavuselela (1 kwabaseThesalonika 

5:14). 

Uyabona manje isidingo SOKUYIKHONZA INKOSI KANYE NAMANYE AMAKRISTU NA Kungoba 

nidingana kangaka. Uma uthanda ukuhamba indlela uwedwa uhlukana namanye amaKristu, akekho 

okuqondisayo uma ungaqondisisi kahle iBhayibheli. Akekho okuxwayisayo mhla uwele esonweni. 

Uma uhamba uwedwa indlele, uSathane uzokulinga kalula ukuwela esonweni. Ubani ozokufundisa 

ukuphila njongoJesu uma uphilisana nje nabangakholwayo na Ubani ozokukhuthaza endleleni uma 

ukhathala ulahla amandla umfulathela uKristu na INkosi ifuna ukusebenzisa amanye amaKristu 

ukuzokusiza, ngakho ke KUMELWE UKUBA UYIKHONZE INKOSI KANYE NAMANYE 

AMAKRISTU. Musa ukufana nokhuni olukhishwe emlilweni, ngokuba ukhuni olunjalo luyaphola, 

luyacisha. 

UMSEBENZI: 

1. Baningi abasebenza emapulazini banenkinga yokufika njalo edolobeni esontweni. Wena nje 

ngesisebenzi epulazini ungenzenjani ukufika njalo esontweni noma ibangalilide na 

2. Abalimi bavama ukuya kaningi edolobeni. Wena njengomqashi uzinikela kangakanani 

ukusiza izisebenzi zakho ukufika emasontweni abo na Kwenele yini uma befika 

emasontweni kanye ngenyangantathu na 

3. Kuyenzeka kaningi ukuthi izisebenzi ezibolekwe imoto yokubahambisa esontweni, 

basebenzisa imoto ngendlela engalungile bayilimaze imoto. Abanye abazange bafika 

esontweni abanye bahamba ngezinye izindlela zabo emva kwenkonzo babuyela epulazini 

badakiwe. Uma kunjalo kini lenkinga ingaxazululwa kanjani na 

4. Ningasungula isu lini lokusiza amakholwa ukuwahlanganisa ngokwenele emapulazini 

andukuba akhule emoyeni na Senicabangile ngemihlangano yokukhulisana enkolweni 

ehlanganisa amasonto onke eqiniso Seniwacabangele yini amaqembu amakholwa 

akhuthazanayo 

5. AmaKristu ayahlangana ewodwa epulazini noma ahlangana njalo bekhona futhi 

abangakholwayo na Kudingekile ukuthi amakholwa ahlangane ewodwa ngesinye isikhathi 

na Funda iZenzo 19:9. Kungani na 

52

22. LANDELA ABAHOLI BAMASONTO ABENZA INQUBO YEBHAYIBHELI 

BONA UQOBO LWABO. 

Lomlayezo uhambisana nekhasi eliluhlaza, ngokuba ufundisa ukuthi uma ufuna ukukhula emoyeni, 

umelwe ukulandela umholi wesonto olandela inqubo yeBhayibheli yena uqobo lwakhe. (Namathisela 

isithombe sesifundo 22 odongweni.) 

ISINGENISO: 

* Uyabona yini izihlahla ezimbili zomgilebhisi esithombeni uyavumelana na 

* Yisiphi isihlahla esiyisihlahla somgilebhisi ngempela na Kungani 

* Uma ufuna ukuhlukanisa kanjani izinhlobo zezihlahla zesithelo, noma izinhlobo zotshani noma 

izinhlobo zezimbali yiyiphi indlela elula ukukukwenza lokho na Uzoqapelani na 

Ngempela uzozihlukanisa ngokuhlola izithelo noma izimbewu noma izimbali. IBhayibheli lisifundisa 

futhi indlela yokuhlukanisa abafundisi nabaprofethi abaqotho nabanamanga. 

FUNDA IBHAYIBHELI: Funda uMathewu 7:15-20. (Namathisela indikimba 22 odongweni.) 

UMLAYEZO: Akhona amasonto amaningi namhlanje emhlabeni, anabaprofethi, nabelusi, 

nabavangeli, nabafundisi, nababonisi, namabishophi, nabaphostoli abaningi. Basho bonke ukuthi 

bathunywe nguNkulunkulu bafakaza iqiniso, nokho abafundisi abantu into eyodwa. Umelwe 

ukulandela ubani na Mhlawumbe kunzima kuwe njengamanje ukuhlukanisa iqiniso namanga ngoba 

awukalazi kahle iBhayibheli. Kodwa ikhona indlela yokubabona abaneqiniso: Hlola izenzo zabo nje. 

Hlola izithelo zabo. Izithelo zizofakaza ngokuthunywa kwabo. Uzokwazi ke ukuthi lowomholi 

uthunywe nguNkulunkulu yini. Zizohlukanisa abaneqiniso nabanamanga. Khumbula, LANDELA 

ABAHOLI BAMASONTO ABENZA INQUBO YEBHAYIBHELI BONA UQOBO LWABO. 

Bakhona abantu ngokuba bayazi ncomisa abathanda ukuzakhela izikhundla ngokuqala amasonto 

abo, bazibeke bona njengabaholi bahlanganise abalandeli babo. Ngokwanda kwamabandla bezwa 

53

ona ukuthi bakhulu esikhundleni sabo. Ngakho ke labaholi basaba ukushumayela iqiniso elivela 

kuNkulunkulu, bashumayela lentshumayelo eyamukelwa ngabantu (2 kuThimothewu 4:3). 

Ababakhombisi abalandeli babo amaphutha, ngokuba abakuthandi ukuzwa lokho. Bakhuluma nje 

izinto ezithandwa ngabantu (uJuda:16). Ngokugcoba abantu izinyosi emlonyeni bashesha ukuthola 

isonto elikhulu bazuze izimali eziningi. Babhapathiza noma ubani, futhi badayisa izithifikethi 

zombhapathizo ngemali bafakaza amanga ngombhapathizo wengane, Baqoqa ibhandla 

ngokuthembisa umngcwabo kodwa ababakhombisi abantu indlela yensindiso. Qaphela abaholi 

abanjalo. Ababekwanga nguNkulunkulu. LANDELA ABAHOLI BAMASONTO ABENZA INQUBO 

YEBHAYIBHELI BONA UQOBO LWABO. 

Bakhona abaholi abaningi bamasonto kakhulu kwabansundu, abafundisa ngoJesu, kodwa bafundisa 

futhi ukukhonza abaphansi, amadlozi. Bashumayela ngomnikela kaJesu esonweni sethu, nokho 

basazinikela emadlozini ngokuwahlabela izimbuzi, izimvu nezinkomo. Lababaholi bashumayela 

ukuthi uNkulunkulu uzobavikela kodwa basathemba futhi izangoma nabaprofethi nezinyanga 

ezizofafaza izindlu "ngamanzi angwele", zibafakela imithi nezikhonkwane. Labaprofethi baprofetha 

okusithekile, bazakhela amagama amakhulu, kodwa eqinisweni benza umsebenzi wezangoma. 

Bayabhula. Abaprofethi. Umprofethi weqiniso uzoshumayela ngesono akhombe indlela yensindiso 

eyakuJesu Kristu. Kodwa labaprofethi bamanga abashumayeli ngesono nokuphenduka. Yazi wena 

ukuthi umholi onjalo akakhethwanga nguNkulunkulu. Wazikhetha yena. Ungumprofethi wamanga. 

Nomlayezo wakhe awuveli kuNkulunkulu. 

Abaprofethi bamanga abatheli izithelo ezihambisana nokuphenduka. Abenzi lokho okulotshiwe 

eBhayibhelini. Ngakho ke abashumayeli lokho uNkulunkulu afuna ukukubona empilweni yabantu. 

Bafundisa ukukhonza izithixo kanye noNkulunkulu. Abanjalo abathunywanga nguNkulunkulu. Musa 

ukubalalela. Umholi wesonto othunywe nguNkulunkulu uphila njengoba uNkulunkulu esilaya 

eBhayibhelini. Uphila njengoJesu! Uthela izithelo ezihambisana nokuphenduka. LANDELA 

ABAHOLI BAMASONTO ABENZA INQUBO YEBHAYIBHELI BONA UQOBO LWABO. 

Qaphela abaholi abathuka inhlamba, ababhema baphuze badakwe, abalalana nabaye abesifazane 

ngaphandle komshado, abafuna ukuzikhukhumeza esontweni. Qaphela abaholi abangakwazi 

ukuzithoba abanganakekeli kahle ibandla. Abaholi abaqotho bakhonza ibandla labo, babondla 

ngothando bamfuze uJesu (ngokukaJohane 10:1-14 / 1 kaPetru 5:1-5). Qaphela abaholi abafundisa 

ibandla ukwenza okuthile, kodwa bona uqobo lwabo abakwenzi. Njengoba sihlukanisa izihlahla 

ngezithelo kunjalo sibona futhi abaholi bamanga abangalungile. LANDELA ABAHOLI BAMASONTO 

ABENZA INQUBO YEBHAYIBHELI BONA UQOBO LWABO. 

UMSEBENZI: 

1. Yiphi indlela elula kakhulu yokubona abaholi beqiniso emasontweni abakhethwe 

nguNkulunkulu impela na Ungabona kanjani ukuthi umholi uthunyiwe nguNkulunkulu, futhi 

uNkulunkulu ufuna ukuthi, wena umelwe ukumlandela na 

2. Funda uMika 3:8 no 2 kuThimothewu 4:3. Yisho umehluko owodwa phakathi komprofethi 

weqiniso nomprofethi wamanga. Umholi wakho esontweni ungumprofethi weqiniso noma 

wamanga na 

3. Uphawu lwabaholi bonke lufanele ukubanjani na Funda ngokukaMarku 9:35 ne 10:42-45. 

4. Funda ngokukaMathewu 7:21-23. Kuzokwenzekani kubantu abazenzisayo ukuthi basebenza 

egameni leNkosi, kodwa abangakwenzi lokho okulotshiwe eBhayibhelini na 

5. Umholi wesonto lakho uyashumayela yini ukuthi uJesu unguKristu ngempela ozalwe 

njengomuntu na Uma kungenjalo uNkulunkulu uthini ngomholi onjalo na Funda 1 

kaJohane 4:1-3. 

6. Uma nawe ungumholi esontweni, impilo yakho ibukeka kanjani na Zihlole maqondana. 

54

23. UJESU UZOBUYA FUTHI UKUZOLANDA ABANTWANA BAKHE. 

Okuyisibhakabhaka 

ngoba 

uJesu uzokwehla 

ngamafu ezulwini 


ISINGENISO: 

* Usakhumbula umlayezo wekhasi eliyisibhakabhaka na 

* Ucabanga ukuthi sikhetheleni isibhakabhaka ukukukhumbuza ngokubuya futhi kukaJesu na 

(Kungukuthi lombala ufana nesibhakabhaka ezulwini lapho uJesu uzovela khona.) 

* (Namathisela isithombe sesifundo 23 nendikimba 23 odongweni.) 

UMLAYEZO: Okusemqoka uNkulunkulu asifundisa kona eBhayibhelini maqondana nokubuyafuthi 

kukaJesu kungokulandelayo: 

uJesu wavuka phela ekufeni. Uyaphila! Ngaphambi kokuba enyukele ezulwini, wathembisa abafundi 

bakhe ukuthi uzobuya futhi ukuzolanda abantwana bakhe (ngokukaJohane 14:3). 

Akwaziwa muntu ukuthi uJesu uzobuya nini, kodwa ungaqiniseka ukuthi ngempela uzobuya ukufeza 

zonke izethembiso zakhe. Kuzokwenzeka masinyane kungakalindelwa muntu. Lapho ke ngeke 

kube-khona isikhathi sokulungisa konke okonakele. Akuzukubakhona isikhathi kubantu ukuphenduka. 

Yilabo nje kuphela abalungisile, yibona bodwa nje abazohambisana noJesu. Nje ngokuba 

umemukele uJesu, ngeke kwenze umehluko noma uphila noma usuwashona, ngokuba nabo 

abantwana bakaNkulunkulu abasebafa, bazovuka ekufeni ngomzimba omusha. Bazomukela konke 

uNkulunkulu obathembise kona. 

55

Uma wena ukholwa kuJesu, uzofika akulanda nawe. Ezulwini ngeke nakanye wenze isono. Futhi 

akekho ozokufa. Akukho nokodwa kulezozinto ezimbi ebezenzeka kaningi kuwe kulempilo ezizobuye 

zenzeke futhi kuwe. Ngeke usalamba futhi noma ulimale ube nosizi. Kanye nabo bonke abantwana 

bakaNkulunkulu uzoba njalo kuNkulunkulu. Kuzobamnandi ngendlela yokuthi akuchazeki! Bonke 

bazomdumisa bamkhonze uNkulunkulu njalo-njalo! 

Ngenkathi uJesu ebuyafuthi, uza ukuzojezisa bonke abangavumanga ukukholwa kuye. Uzobaxosha 

abajezise ngenxa yokuba bangakholwanga nangenxa yesono sabo. Esihogweni bazokuzwa usizi 

nobuhlungu obukhulu njalo kuze kube phakade. 

Noma uJesu engabuya noma nini, awunakuvilapha ungenzi lutho. Umele uqhubeke usebenze 

uwondle umuzi wakho. Awunakuhlala nje undinde ulindele umbuso noma abanye bakondle. 

Njengokuba uJesu engabuya futhi noma nini, umele ukulalela uNkulunkulu, umelwe ukuphila impilo 

ehlanzekile engcwele. 

Isizathu esisodwa sokuba uJesu engakafiki, siwukubekezela kukaNkulunkulu. Usanikeza abantu 

isikhathi ukuthi baphenduke. Kungakho ekuyala ekutshela abanye ngoJesu ukuthi nabo bakholwe 

kuye. 

Usulungele wena na Uma usulungele awunakusaba ukubuyafuthi kukaJesu. Ungakulindela 

ngokuba kuzokuba yisenzo esimangalisayo! Ufanele ukucela njalo emthandazweni wakho ukuthi 

uJesu akabuye futhi. 

UMSEBENZI: 

1. Umelwe ukukwenzani uma ufuna ukubangolungile ngokubuyafuthi kukaJesu na 

2. Bangenzani abantwana bakaNkulunkulu ukusheshisa ukubuyafuthi kukaJesu na 

3. Ngobani eningabatshela ngoJesu na Nizokwenza lokho na 

4. Noma uJesu ongabuyafuthi noma nini, mina nawe asikwazi ukuhlala nje sindinda. Kumele 

ukuba sisebenze kakhulu. Uthini uNkulunkulu ku 2 kwabaseThesalonika 3:6-15. Funda 

lezindima zonke nixoxisana ngazo emhlanganweni. 

5. Funda kwabaseRoma 8:18-25. Kwenzekani kubantwana bakaNkulunkulu nezidalwa zonke 

ngokubuyafuthi kukaJesu na 

6. Funda futhi isAmbulo 21:1-8. Abantwana bakaNkulunkulu bangalindelani na 

7. Funda ngekhanda 1 kaJohane 3:2-3 noma ngokukaJohane 14:3. 

(Izindima zonke ezihambisana nalesifundo sitholakale eNcwadini eNgenamazwi.) 

56

24. HLALA UMLINDELE NJALO, NGOBA ANGABUYA NOMA NGASIPHI 

ISIKHATHI. 

Lomlayezo uhambisana nekhasi eliyisibhakabhaka, ngoba ufundisa ngokubuyafuthi kukaJesu 

Kristu. Namathisela isithombe sesifundo 24 odongweni. 

ISINGENISO: 

* Ngubani kwezisebenzi osanenkinga ngokuba umlimi washesha ukubuyela emsebenzini 

ningakamlindeli na Mhlawumbe ubeselivini. 

* Uma umlini ebuya emsebenzini ebuya elivini afica ukuthi ezinye izisebenzi azikho 

emsebenzini, kepha ziphuza zenza okubi, uzokwenzani kuzo na 

* Yiziphi izisebenzi ezingafaneli ukusaba ukubuya kwomqashi ngesikhathi abangamlindele na 

Njengokuba izisebenzi zimele ukulindela ukubuya kukamqashi noma nini, kunjalo nami nawe sifanele 

ukumlindela uJesu ukuthi uzofika nini ngesikhathi esingalindele. 

FUNDA IBHAYIBHELI: Funda ngokukaMathewu 24:45-51. (Namathisela indikimba 24 odongweni.) 

UMLAYEZO: Ngaphambi kokuthi uJesu wafa wavuka, washo kubafundi bakhe ukuthi uzobuyela 

ezulwini emva kokuvuka kwakhe. 

57

Futhi wabathembisa futhi ukuthi uzobuyafuthi abalande (ngokuka-Johane 14:3). Ngelanga 

lokwenyukela kwakhe izingelosi ezimbili zathembisa abantu kanjalo: uJesu uzobuya futhi (iZenzo 1:9- 

11). Kungakho ungazi wena ukuthi: uJesu uzobuyafuthi ngempela! Sifunda lokho esahlukweni 

sokugcina seBhayibheli. 

Siyazi ke ukuthi uJesu uzobuyafuthi, kodwa asazi ukuthi kuzokwenzeka nini. Lithi iBhayibheli 

kuzokwenzeka noma nini (ngokukaMathewu 24:44). Mhlawumbe ucabanga ukuthi kusazothatha 

isikhathi eside. Ngakho usambalekela njalo umuntu okukhuthaza ukuphenduka umamukele uJesu. 

Mhlawumbe ubeka isizathu njengokuthi: "Hhayi manje, mhlawumbe kusasa." Kodwa uwazi kanjani 

ukuthi kuzobakhona ikusasa ngempela na UJesu angabuya noma nini, uma efika angakufica ukuthi 

awumemukelanga, ulahlekile kuze kube phakade. Uzokwenza kuwe njengomnikazi akwenzile 

ngomgqila omubi wakhe, njengoba sifundile. Khumbula, HLALA UMLINDELE NJALO, NGOBA 

ONGABUYA NOMA NGASIPHI ISIKHATHI. 

Ukuthi akekho onolwazi lwesikhathi sokubuyafuthi kukaJesu kutholakala ezindaweni eziningi 

eBhayibhelini (ngokukaMathewu 24:36,42,44). Lithi iBhayibheli uzobuya ungalindile njengesela 

ebusuku (ngokukaMathewu 24:43, ne 1 kaPetru 3:10). Ngakho ke HLALA UMLINDELE NJALO, 

NGOBA ANGABUYA NOMA NGASIPHI ISIKHATHI. 

Mhlawumbe uyazindla manje ukuthi ungenzani ukuze ulungele. Akushopho ukuthi ufanele ukuhlala 

esontweni ilanga lonke uzifundela iBhayibheli nsukuzonke. Uzoba ngolungele uma ukholwa kuJesu. 

Uzoba ngolungele uma ungumntwana kaNkulunkulu uphila impilo yokumlalela. 

Isisebenzi esikhuthele nesithembekileyo esisebenza ngokuzinikela asisabi ukubuya komqashi 

ngesikhathi angamlindele. Ngokuphambene ngokuba senza okulungile siyamlalela, sifisa njalo ukuthi 

umnikazi abuye, andukuba asibonge ngomsebenzi omuhle. Umele ukuphila ngalendlela yokuthi ufisa 

ukuthi uJesu abuye manje. Uma usaba ukubuya kukaJesu, umele ukwazi ukuthi impilo yakho 

ayikalungi. Umele ukulungisa impilo yakho. Ukhululekile ukukhulumisana nami noma namanye 

amaKristu. Musa ukuzilibazisa. HLALA UMLINDELE NJALO, NGOBA ANGABUYA NOMA 

NGASIPHI ISIKHATHI. 

UMSEBENZI: 

1. Kuzakwenzekani kini epulazini enizobanamahloni ngakho uma uJesu ebuya na 

Nizokulungisa kanjani na 

2. Wena uqobo uzakwenzani ungaba namahloni ngokubuyafuthi kukaJesu na Uzokulungisa 

kanjani na 

3. Bonke abantu abahlezi kini epulazini balungele ukuhlangana noJesu na Ngubani 

ongalungele na Abalaleli bamele ukusho bona uqobo ukuthi ngobani abangalungele. 

Bangasho namagama abantu. Babuze futhi ngokukhonjwayo ukuthi abadala nabantwana 

balungele yini. 

4. Mema bonke abazazi ukuthi abalungele kodwa abanesifiso sokulungisa indaba yabo 

noNkulunkulu ukusalela emuva komhlangano. Mema oyedwa noma ababili kwabaqinisekile 

ngensindiso yabo, abaphila impilo ethembekileyo, ukusala kanye nalabanye abazosiza 

ukubaholela abanye kuJesu. Sebenzisa iNcwadi eNgenamazwi ukwenza lokho. 

5. Nizokwenzenjani ngalabobantu abangalangele na Nizobashiya nje Cela onke amakholwa 

epulazini ukuhlela indlela yokusiza abangalungele. Musa ukuhlala nindinde, khumbula 

HLALA UMLINDELE NJALO, NGOBA ANGABUYA NOMA NGASIPHI ISIKHATHI. 

58

Amos Agrimin 

+27 (0)86 580 0064 

secretary@amosafrica.net 

Amos Regions 

(for contact details please visit our web) 

Amos Agrimin Cape 

Amos Agrimin Northern Cape 

Amos Agrimin Central 

Amos Agrimin 

First National Bank 

Brandwag 

Branch code: 230 534 

Account number: 5299 000 8842 

www.amosafrica.net

indlela yokusebenzisa kangcono lesisifundo - Amos Africa

Create successful ePaper yourself

Delete template?

Save as template?