aSPORT-136-FULL-SITE

S P O R T S M A N
KARATE
2 karateçimiz "Grand Winner"
mükafatına sahib çıxıb
Azərbaycan karateçiləri 9-11 sentyabr
tarixlərində, Çexiyanın Pardubitse şəhərində
təşkil olunan Dünya Şotokan Federsiyasının
(WSF) 12-ci dünya çempionatında
iştirak ediblər. Yarış 31 ölkədən 1804 karateçi
arasında Dünya Karate Federasiyası
(WKF), həmçinin Şobu ippon, Şobu sanbon
qaydaları və açıq çəki dərəcəsi üzrə
keçirilib. Dünya Şotokan Federasiyasının
və Milli Karate Federasiyasının prezidenti
Yaşar Bəşirovun yetirmələri bu yarışda da
uğurla çıxış ediblər. Karateçilərimiz 14 qızıl,
7 gümüş və 3 bürünc medal qazanmaqla
24 dəfə bayrağımızı ucaldıblar.
Ayxan Mamayev və Elməddin Səlimli
hər dörd versiyanın qalibi olmaqla "Grand
Winner" mükafatına layiq görülüb.
Müxtəlif versiyalar üzrə yarışlarda həmçinin
Emil Xasiyev, Ülvi Bünyatov, Siyavuş
Bayramov, Astan Qasımov, Xəyal Məmmədov,
Səidə Mikayılova, Fehruz Nəbizadə,
Valeriya Rudakova, Elnur Əliyev, Emiliya
Mitilinova, eləcə də kumitedə böyüklər və
veteranlar, katada isə qadınlardan ibarət
komanda mükafatlara sahib çıxıb.
WSF-in Azərbaycan nümayəndəsi Rənad
Əliyevə beynəlxalq təşkilatın 6-cı dan
dərəcəsi təqdim edilib.
Sənan Məhərrəmov
Media və İctimiyyətlə İşlər katibi
спортсман № 136 / 2022
23