aSPORT-136-FULL-SITE

KİKBOKS
S P O R T S M A N
Nicat Ələkbərli
Dünya çempionatının bürünc mükafatçısı
- Yarışa hazırlıq prosesi necə gedirdi?
- Yarışa müəllimimiz Eduard Məmmədov və
Ayaz Mehdiyevin rəhbərliyi ilə çox ciddi hazırlaşırdıq.
Demək olar ki, bütün yayı biz dayanmadan
məşq etdik və bunun nəticəsini gördük.
- İlk döyüşün kimlə idi, az da olsa həyəcan
var idimi?
- İlk döyüşüm Qazaxıstan idmançısı ilə idi. Birinci
döyüş olduğuna görə istər-istəməz həyəcanlanırsan.
Milli komandamızın uşaqları və əlbəttə ki,
məşqçilərimiz sağ olsunlar. Məsləhətləri, dəstəkləri
və alqışları sayəsində bu hissi keçə bildim.
- Cəmi neçə döyüş keçirdin?
- Ümumi 3 döyüş keçirdim. 1-ci döyüşüm Qazaxıstan,
2-ci Xorvatya, 3-cü isə Serbiya idmançısı
idi.
- Ən çətin döyüş hansı oldu?
- Çətin döyüş deyəndə ki, məncə heç asan döyüş
olmur. Çünki dünya çempionatına qatılan idmançıların
hər biri təcrübəli və güclü idmançılar
olur. Amma nisbətən götürsək, bürünc medal uğrunda
döyüşüm daha gərgin keçdi. Məşqçilərimin
məsləhətlərinə qulaq asıb, medala sahib çıxdım.
- Gələcək planların necədir?
- Bir az dincəlib yenidən məşqlərə başlayacam.
Hədəfim gələn il keçirilən Avropa çempionatında
qızıl medal qazanmaqdır.
26 спортсман № 136 / 2022