Utdanningsstatistikk. Grunnskolar 1.september 1995 - Statistisk ...

Noregs offisielle statistikk Utdanningsstatistikk Grunnskolar 1. september 1995
1. Opplegg og gjennomforing
1.1. Statistikkgrunnlag og datainnsamling
Statistikken over elevar, skolar og klasser pr.
1. september er laga på grunnlag av summariske
oppgåver om den enkelte skole.
Frå og med 1992 er grunnskolestatistikken henta frå
Grunnskolens informasjonssystem (GSI). Kyrkje-,
utdannings- og forskingsdepartementet administrerer
og driv GSI.
Data går igjennom visse kontrollar og opprettingar i
Statistisk sentralbyrå.
Oversikta over elevar som aysluttar grunnskolen,
byggjer på individoppgåver som Statistisk sentralbyrå
får frå fylkesskolesjefane til utarbeiding av
statistikk. Ved at desse opplysningane om
avgangselevar blir sette i samanheng med oppgåver
frå Statistisk sentralbyrå over elevar i vidaregåande
utdanning, blir det mogleg å registrere kva for
vidaregåande utdanning avgangselevane frå grunnskolen
vel.
Oppgåvene over lærarar i offentlege skolar er henta
frå Sentralt Tenestemannsregister for Skoleverket
(STS). Lærardata for dei private skolane får
Statistisk sentralbyrå inn direkte frå skolane. Utgiftstala
for grunnskolar er henta frå kapittel 1.21 og
1.22 i kommunerekneskapen.
1.2. Omfang
Grunnskolestatistikken pr. 1. september i teljingsåret
omfattar alle skolar som etter Standard for næringsgruppering
er definerte som grunnskolar, jf. lov om
grunnskolen. I tillegg til talet på skolar gir ein
opplysningar om elevar, lærarar og klasser ved
grunnskolane. Vanleg bamehageverksemd som er
organisert i tilknytning til ein grunnskole, er ikkje
med i statistikken.
Talet på lærarar omfattar forutan alt undervisningspersonale
i heil stilling og timelærarstilling, også
rektorar og undervisningsinspektørar.
2. Feilkjelder
I all statistikk vil det vere eit visst omfang av feil.
Feil i ein totalstatistikk som denne, vil for det første
vere feil som har samanheng med at den bestanden
ein granskar ikkje er heilt ut identisk med den bestanden
ein ønskjer at statistikken skal omfatte. Eit
anna punkt vil vere at oppgåvegivarane gir mangelfulle
eller feilaktige opplysningar. For det tredje kan
feil oppstå gjennom arbeidet med revisjon og koding
av oppgåvane.
3. Omgrep og kjennemerke
Teljeeiningane i denne publikasjonen er elevar,
skolar, klasser og lærarar. Desse er i publikasjonen
karakteriserte ved m.a. følgjande kjennemerke:
Fylke. I alle tabellar med fylkesfordeling viser ein til
det fylket der skolen ligg, skolefylket.
Alder. Alderen er gitt i fylte år pr. 31. desember i
skoleåret.
2. framandspråk. 2. framandspråk er det språket
elevane har valt utanom dei obligatoriske språka
norsk og engelsk.
Framandspråklege elevar omfattar 6g skandinavar og
andre vesteuropearar.
Klassesteg. Klassesteg er det same som talet på år i
grunnskolen når elevane følgjer normal progresjon.
Barnesteg/ungdomssteg. Barnesteget omfattar 1.-6.
klassesteg og ungdomssteget 7.-9. klassesteg, lagt til
det 10. frivillige året.
Skoleslag. I statistikken er grunnskolane fordelte på
tre skoleslag, barneskolar, kombinerte barne- og
ungdomsskolar og ungdomsskolar. Som barneskolar
er rekna skolar der det i hovudregelen er elevar berre
på barnesteget, eventuelt også 7. klassesteget.
Grunnskolar med elevar både på barne- og ungdomssteget
er elles grupperte som kombinerte barne- og
ungdomsskolar, medan ungdomsskolane omfattar
skolar som berre har elevar på ungdomssteget.
Skolens inndelingsform. Den enkelte skole er gruppert
som udelt, 2-delt, 3-delt osv. Ein skole blir rekna som
udelt når elevane på alle klassesteg skolen omfattar,
blir underviste i ei og same klasse. Ved ein 2-delt
skole er elevane delte i to klasser, mens t.d. 6-delt
skole er skole med eigne klasser på seks ulike steg,
med eller utan parallellklasser.
Lærarar i heil stilling/deltidsstilling. Alle som er
tilsette i mindre enn heil stilling er rekna som deltid,
utan omsyn til om dei er fast tilsette, tilsette på
oppseiing, mellombels tilsette eller vikarar.
9