Caspar Lahme: Vertellt - Sauerlandmundart

14
Schaister
Ploigers Schaister wur nit ment in seyner Schaisterstuobe tegange, hoa
gong aik genaisai ere de Schneydersken in de Huiser un flickere dann
alles, bat mit Schaihen, Schluffen odder Holschken te dain harr.
Natürlek aat de Schaister dann aik in deän Huisern, bo'e grade wur.
Un de Fruggens wollen sick dann nit nohseggen loten, dät se fär
eähren Schaister kenne ördentliken Trachtemente updischkern. Wann
aik süss dät Schlüer wahne dünne wur.
Bo de Mutter nöi dät Eäten fär deän Schaister kuokere, kuckere de
kloane Hännes mit graiten Aigen in de Pötte, un me konn eähme
ansoahen, dät'e gerne wuot mier geäten härr. Et gaffte Soppe un
Töifeln mit öitgelotenem Speck un twoa graiten Heringen. Hännes
loffte et Water im Möile tesammen. Dät sporte de Mutter wuohl un sai
troistere eähr Sühneken un saggte:
"Nöi wachte, vellichte ittet de Mester ge nit alles. Bat'e übreg lätt, dät
krist döi."
Ploigers Schaister harr dät wuol mierkriegen und lat’et sick
schmecken. Bo’e abber deän twedden Hering eäten woll, do
schriggere use kloane Hännes:
"Mama, Mama, kuck do, hoa frittet se boade!"
De Schaister harr seynen Spässken un Hännes krag deän twedden
Hering.