Das NJBO 2011 unter der Leitung von Franco Cesarini - Schweizer ...

18 unisono 22-2010
La revista svizra da musica instrumentala
Musica arva las portas
La discussiun concernent l’initiativa «giuventetgna + musica» ei lantschada ed ils resultats actuals
ein l’espressiun da segns positivs. Legreivlamein ein ils responsabels seschai perschuader dils
aspects positivs che far musica ha. basil collenberg
La musica da Mollis
a caschun dalla fiasta
da musica a Näfels
igl onn 2009. /
Die Musikgesellschaft
Mollis bei der
Marschmusikkonkurrenz
in Näfels im
Jahre 2009.
miu intent primar ei buca da metter la peisa
sillas enconuschientschas bein documentadas
e valeivlas che far musica ha sigl entelletg,
dallas qualas jeu sundel perschuadius
senza resalvas. Ord experientscha persunala
mettel igl accent sin auters aspects che ein
specifics per nus musicants.
«Musica arva las portas.» Quei tetel vegn
endamen a mi cu jeu patratgel als plaids dad
in fetg preziau collega che ha sunau en nossa
musica duront 50 onns. Sco giuvenot
senza gronda experientscha fa el part dalla
suprastonza ed ha era surpriu il presidi. En
quella funcziun ha el empriu da discussiunar,
argumentar, tedlar e decider. La basa ei
dada per surprender pli tard in uffeci el cussegl
da scola. La proxima etappa ei il cussegl
grond e la cruna l’elecziun el cussegl guvernativ.
Ina carriera sco ord ils cudisch da maletgs.
La basa per quella ei vegnida messa
all’entschatta. Sch’jeu mirel ella runda duront
las emprovas da musica, sche saiel constatar
cun plascher ch’igl exempel allegau sa
vegnir imitaus.
Avon biabein trent’onns vein mia dunna
ed jeu priu casualmein dimora a Mollis. Nies
intent ei staus da far part activamein dalla
veta culturala dalla vischnaunca e da
s’integrar. Ina pusseivladad ideala leutier ei
la musica stada. Beinspert ha ei dau contacts
interressants. Il cerchel d’enconuschents ei
carschius. Empau sco tier miu collega allegau
suonda la tscharna en suprastonza dalla
musica, el cussegl grond e da vischnaunca.
Dacuort el parlament dalla vischnaunca fusiunada.
Jeu sai constatar che la musica ei
stada ina piattaforma ideala per realisar
quels plans. Exempels sco il miu dat ei en
plunas, ch’in cusseglier guvernativ ei in
aschi fervent commember d’ina musica vegn
ad esser plitost in’ excepziun. E la quintessenza!
Per las musicas eisi d’eminenta impurtonza
dad esser presents en gremis politics,
per che lur giavischs vegnien risguardai.
A caschun dalla radunonza dils delegai
dall’uniun cantunala ha il president da
vischnaunca da Glaruna remarcau senza
malart che las musicas vegnien sustenidas
generusamein. Quei ei il resultat dil grond
engaschament da biars commembers.
«Musica arva las portas.» Jeu sun cunscients
ch’ei dat aunc autras pusseivladads
sch’ins vul realisar ses giavischs. Denton, e
quei ei in argument impurtont: nua ves’ins
che persunas da differentas vegliadetgnas sesan
ina sper l’autra ed han il medem hobi?
Ina piattaforma unica per scumiar ideas denter
pliras generaziuns e per augmentar la capientscha
vicendeivla. Cert, ei drova magari
in sforz dad ir allas emprovas suenter in liung
di da lavur. Bialas melodias fan denton emblidar
il mintgadi e confirman la sentenzia:
senza musica fuss la veta tresta. n
Deutsche Kurzfassung:
Basil Collenberg wohnt seit vier Jahrzehnten im Kanton Glarus und
hat während dieser Zeit an der Kantonsschule unterrichtet. Vor drei
Jahrzehnten nahmen er und seine Frau Dagmar Wohnsitz in der
Gemeinde Mollis, die für sie weitgehend ein unbeschriebenes Blatt
war. Bald erfolgte der Eintritt in die Musikgesellschaft Mollis.
Während Dagmar die Musik zum Beruf machte, öffneten sich für
Basil – und er ist überzeugt, dass dies nicht zuletzt dank aktiver
Mitgliedschaft in der Musik möglich war – neue Wege, um in der
Öffentlichkeit aktiv zu sein (Landrat, Gemeinderat, Gemeindeparlament).
Gemeinsam in einem Verein musizieren ermöglicht in idealer
Weise die Begegnung von mehreren Generationen. So öffnen sich
durch Musik viele Tore.