Erfolgreiche ePaper selbst erstellen
Machen Sie aus Ihren PDF Publikationen ein blätterbares Flipbook mit unserer einzigartigen Google optimierten e-Paper Software.
4. Enseignement<br />
och mol eng Klass oder en Appui oder<br />
eng Morale laïque oder eng Relioun ginn<br />
an ëmgedréint och. Ech mengen an<br />
dësen Zäite wou d’Suen esou knapp sinn,<br />
kann et net sinn, dass en neit Gebai<br />
gebaut gëtt an dann ass dat exclusivement<br />
Maison Relais, well e Ministère de<br />
la Famille dat mat sponsort oder eng<br />
Schoul gebaut gëtt an da ka keng Maison<br />
Relais profitéiere well de Ministère de<br />
l’Education nationale dat esou sponsort.<br />
Op deem Wee si mer schonn zënter e<br />
puer Joer gaangen. Dat war keen einfachen,<br />
well déi Bürokratie tëschent deene<br />
Ministèren ëmmer bestanen huet, mä mir<br />
sinn um gudde Wee an et ass och schonn<br />
am prakteschen absolut esou, dass dat<br />
gehandhaabt gëtt, dass Schoulen an<br />
d’Maisons Relais ginn niewendrun an<br />
ëmgedréint dass d’Maisons Relais vun de<br />
Schoule profitéieren. Mir wollten dat<br />
esou an dat ass och esou duerchgezu<br />
ginn an dat wäert och an den nächste<br />
Joeren nach vill méi intensiv esou virugoen.<br />
Ech kommen dann zur provisorescher<br />
Schoulorganisatioun u sech selwer. Dir<br />
hutt déi Dokumenter verdeelt kritt. Dat<br />
ass nach ëmmer näischt Digestes. Et weist<br />
Iech awer wéi dat gehandhaabt gëtt. Et<br />
geet u mat deenen Déchargen déi<br />
mussen ausgerechent ginn. Dat neit<br />
Gesetz huet dat natierlech net vereinfacht<br />
well et gëtt elo Décharge fir all Zorte vu<br />
Saachen. Déi Stonne mussen ofgezu gi<br />
vum Kader vum Enseignant an da mussen<br />
déi duerno bei deem Enseignant duerch<br />
anerer ersat ginn. Dat ass zum Beispill<br />
wann ee Président d’école ass, wann een<br />
an engem Comité d’école ass, wann ee<br />
Responsabel ass fir d’Bibliothéik. Et gëtt<br />
natierlech och, wat et ëmmer ginn ass,<br />
Décharge fir Anciennetéiten an da kënnt<br />
een op en Total vu Stonnen déi ofgeziehlt<br />
ginn an et muss een da mat deem<br />
berühmte Kontingent muss een dann<br />
zesumme rechnen op wat een do kënnt.<br />
Dir fannt duerno am Dokument all<br />
d’Enseignanten déi den Entitéiten no<br />
opgezielt si mat hire verschiddenen<br />
Déchargen. Dat ass am groussen Dokument<br />
de Punkt Nr 1 wou Dir all op Säiten<br />
a Säiten dat fannt.<br />
Da komme mer am Punkt 2, dat ass<br />
d’Schoulorganisatioun fir eis 8 Schoulentitéiten,<br />
Ale Lycée, Brill, Brouch, Dellhéicht,<br />
Grand-rue, d’Ganzdaagsschoul,<br />
Lalleng an Nonnewisen. An do fannt Dir<br />
dann d’Opdeelung wat all Enseignant vu<br />
Stonnen huet an Dir fannt nach eng Kéier<br />
déi Déchargen an Dir fannt dann de Kontingent<br />
an de Rescht vum Kontingent,<br />
wat iwwereg bleift a wat da gegebenefalls<br />
kann op eng aner Entitéit verdeelt<br />
ginn. Ech kommen herno nach mat enger<br />
Propos doropper zréck wou ech wollt<br />
maachen a wou mer schonn am Schäfferot<br />
driwwer geschwat hunn a wou mer<br />
och an der Schoulkommissioun driwwer<br />
geschwat hunn.<br />
Ech profitéieren hei och fir der Schoulkommissioun<br />
e ganz grousse Merci ze<br />
soen. Mir hunn eng ganz gutt Zesummenaarbecht<br />
an der Schoulkommissioun.<br />
Et gëtt och do ganz vill geschafft.<br />
Et gi ganz vill Propose gemaach a mir<br />
versichen och do am Interêt vun eise<br />
Schoulen, eisen <strong>Esch</strong>er Schoulen an all<br />
eisen Entitéiten do zesummen ze schaffen<br />
an zu engem gudde Resultat ze kommen.<br />
Dann hutt Dir véiertens, dat ass e Relevé<br />
vun all eisen Enseignanten déi mer hunn.<br />
Dat ass mat hiren Adressen – dat muss<br />
net onbedéngt verdeelt ginn – Dir hutt<br />
dat awer alles kritt, mat hiren Anciennetéiten<br />
an dann och hannendru mat der<br />
Ofkierzung a wéi enger Entitéit se sech<br />
befannen. An da kënnt net dat onwichtegst<br />
duerno, d’Opdeelung vun eisen Elèven.<br />
Do ass eng ganz grouss Aarbecht<br />
gemaach ginn. Notamment vun der<br />
Madame Schoettert déi Iech en Tableau<br />
gemaach huet, wou Dir fannt Elèven nom<br />
Genre, wéi vill Jongen, wéi vill Meedercher<br />
an dann och par rapport d’Kanner<br />
déi an d’Maisons Relais ginn, par rapport<br />
Pourcentagë vun de ganze Kanner wou<br />
se an de Schoule sinn. Dir gesitt, dat ass<br />
eng ganz gewalteg Aarbecht an Dir hutt<br />
wierklech do en Dokument wat leider net<br />
fir e Joer gutt ass, well et e ganz grousse<br />
Problem ass, dass mer am allgemengen<br />
am Land eng grouss Volatilitéit hunn, mä<br />
hei zu <strong>Esch</strong> ass déi extrem héich. An Dir<br />
gesitt déi Chifferen déi mer hunn, déi<br />
sinn all op den 31. Dezember 2012. Si<br />
sinn duerno ëm iwwer 100 Unitéiten an<br />
d’Luucht gaangen a si ännere pro Woch,<br />
kann ee soen, dass en plus ou en moins<br />
praktesch 20 Kanner variéieren. Wat wëll<br />
ech domatter soen? Dass déi Aarbecht<br />
extrem komplex ass, well wat haut gutt<br />
ass fir eng Entitéit, ass scho mar net méi<br />
gutt. Déi Changementer sinn och ganz<br />
grouss an <strong>Esch</strong> selwer. Et sinn enorm Leit<br />
déi plënneren hei an <strong>Esch</strong>. Déi bleiwen<br />
an <strong>Esch</strong>, mä déi plënnere vun enger Plaz<br />
op déi aner, wat da mat sech bréngt,<br />
dass d’Entitéiten u sech och ganz aner<br />
Koeffizienten hunn an och Rescht Kontingente<br />
behalen. Dat ass wat pro Woch<br />
geschitt. Da kënnt Dir Iech jo virstelle wat<br />
och nach an deenen zwee Méint geschitt,<br />
tëschent dem 15. Juli wou d’Schoulen<br />
zou ginn an dem 15. September wou<br />
d’Schoulen erëm op ginn. Ech wollt dat<br />
just soe fir d’Komplexitéit vun deem Dossier<br />
hei e bëssen ze erklären.<br />
De Kontingent, ech muss nach eng Kéier<br />
e Wuert doriwwer soen. Fir 2011 war de<br />
Kontingent 1,827. Deen ass eropgaangen,<br />
fir dëst Schouljoer wat amgaangen<br />
ass, wat elo bal fäerdeg ass, op 1,844. An<br />
d’nächst Schouljoer geet en nach erop, e<br />
geet op 1,8536, esou dass mer e Kontingent<br />
hunn deen nach méi grouss ass wéi<br />
déi Joere virdrun. Wat heescht dat? Dass<br />
mer méi Enseignante kënnen hunn a mer<br />
profitéieren och amplement dovun. Mä<br />
ech wëll awer och nach eng Kéier drun<br />
erënneren, dass dat och fir d’Gemeng en<br />
Effort ass. Well d’Enseignante si vläicht<br />
elo ugestallt vum Ministère de l’Education<br />
nationale, mä et ass awer nach ëmmer<br />
esou, dass d’Gemeng en Drëttel vun de<br />
Peie bezilt, an dass dat also eng ganz<br />
grouss Laascht ass, an dass et net duergeet<br />
ze soen: Ah, de Kontingent geet<br />
erop, mir kréien nach méi Enseignanten.<br />
Mä ech wëll awer och drun erënneren<br />
dass dat och eng finanziell Laascht ass déi<br />
d’Gemeng awer gär bereet ass ze droen.<br />
An net méi spéit wéi de Mëtte geet nach<br />
eng Delegatioun an de Ministère, well<br />
mer froe fir nach e puer Enseignanten, vu<br />
dass mer nach méi Elèven hu wéi mer um<br />
Datum deen initialement zréck gehale<br />
war, haten, an dass mer do dann nach<br />
vläicht e puer Enseignante méi kréien an<br />
ech si sécher dass dat wäert klappen.<br />
D’Populatioun um 21. Juni, also haut<br />
oder loosse mer soe gëschter, hei zu <strong>Esch</strong><br />
war 32.234 Awunner. Déi Populatioun<br />
geet stänneg an d’Luucht. Mer haten der<br />
d’lescht Joer wéi d’Schoul ugaangen ass<br />
31.941. Dat heescht, et si bal 300 Awunner<br />
méi. Bei deenen Awunner sinn natierlech<br />
Kanner an natierlech schoulpflichteg<br />
Kanner, esou dass et och evident ass, dass<br />
déi Zuelen an den nächste Joeren och<br />
mat der Uni wou Enseignante wäerte<br />
kommen déi hir Kanner wäerte placéieren.<br />
Mir hunn nach an der Schoulkommissioun<br />
gesot, do komme Studenten déi<br />
Kanner wäerten hunn oder déi Kanner<br />
wäerte kréien, déi eventuell scolariséiert<br />
duerno ginn, esou dass mer och do e<br />
Besoin kréien deen an den nächste Joeren<br />
absolut net wäert erofgoen. Mir hunn an<br />
der Schoulkommissioun dräi nei Membere<br />
kritt. Dat ass den Här Lucas als Président<br />
d’école. D’Madame Burg an<br />
d’Madame Rodrigues, déi sinn nei Memberen.<br />
Ech wollt dat signaléieren. Ech<br />
wollt awer och soen e wichtege Punkt.<br />
Mer hunn de Président d’école verluer,<br />
über Nacht géif ech soen, just virun der<br />
Chrëschtvakanz ass deen Inspekter ginn<br />
an der Stad. Dat ass den Här Ney deen<br />
eng ganz gutt Aarbecht geleescht huet<br />
an ech wollt deem och hei op dësem<br />
Wee nach eng Kéier Merci soen an hien<br />
ass Gott sei Dank och duerch e ganz<br />
<strong>Esch</strong>er Gemengerot vum Freideg 21. Juni 2013<br />
5
Change language