NEU! - des TSV 1861 Mainburg eV

Abschlussverserl von Martin Richtsfeld
Zum letzten Moi für heia i do steh,
drum duads ma a ned recht guad geh,
weil´s so schee war bis zum letzten Tanz heit,
de heirige, 2005er Schafflerzeit.
Wos war des für mi auf´m Fassl für a Freid,
wenn i des Lacha g´seng hob vo eich Leit´,
do hod der Pfarrer in der Schafflermess´recht g´habt,
wie er in seiner Predigt hod g´sagt:
„De Freid´ für, wenn´s ihr durch de Straßen ziagt´s,
ihr von de Leit genauso wieder z´ruckkriagt´s.“
Des war und is der Sinn vom Schafflertanz,
und er hod´n wieder erfüllt, voll und ganz.
So wias scho seit Jahrhunderten war,
wenn´s Zeiten geb´n hod, wirklich schwar,
und wenn zur Zeit so mancher auch hod a Problem,
i glab, do lieg´i ned daneb´n.
Am meisten Freid ko ma oiwei no am Menschen
macha,
wenn man dazua bringt, aus vollem Herzen zu lacha.
Und wenn i drüber nochdeng, in Ruah´,
Erinnerungen hob i scheene vo heia grod gnua.
Und de hob i im Hirnkastl oiwei dabei,
drum is moing gwiß ned ois vorbei.
Zum ersten Moi war i heia auf´n Fassl drob´n,
und es is a gor ned g´log´n.
48
Salvatorbergstrasse 21
84048 Mainburg
Telefon 08751/ 94 00
Telefax 08751/ 51 71
Internet www.reiter-bau.de
E-Mail info@reiter-bau.de
Mit eicham Beifall habt´s me oiwei sicherer g´macht,
und i glab, no oana hod a bisserl mitg´lacht,
vo ganz drob´n owa, der Fasslkasperl Grosmoa Wast,
i moan, es hod am Großvater scho ois passt.
Zum Schluss sag i no zu eich Leit´,
wias dostends, jetzt, alle heit,
passt´s auf in eicham Leb´n,
macht´s eich ned gegenseitig a Problem.
Dass für Zukunft natürlich gilt,
des wichtigste is a friedliche Welt,
zu brav derft´s aber a ned sei,
sonst fallt mir Kasperl beim nächsten Moi nix ei.
Und ihr wißt´s es, koana werd´ bes derbleckt,
do hob i vor eich gnua Respekt,
des kimmt vom Kasperl, ned vo am Narr,
pfüät eich bis in sieb´n Jahr.
Und übrig bleibt, ihr wisst´s es doch,
hochleb´n soit´s nomoi, dreimal hoch ...
Herzlichen Glückwunsch der
Schäfflertanzgruppe 2005
für die grandiosen und immer
wieder einmaligen Auftritte.