daunlots 40 - Christine Koch Mundartarchiv

De Heire gut häi weiden kann,
Dat Ziehenveih för Alle;
Drümm’ hiät fast jeder kleine Mann
’Ne Schweizerzieh’ im Stalle.
Wänn ik mol för de Porte goh’,
Sau in diär Obendstunde,
Hör’ „Ziehenheire, dei is do!“,
Gesank äut Kingermunde.
Diän höre ick viel leiber dann,
Kann’t Hiärte nitt beschweren; –
Arr’ sau en Leid bäim Uörgelmann
„Van Puppchens Augensteeren“.
De Wäiber alle, hai te Land,
Dei schugget kenne Möggen;
Se striepet nöu mit fläit’ger Hand
An diän „Beamtenköggen“.
De Kinger schmunzelt üöberall,
Et lät siek nitt beschräiben;
Ganz geren gott se in diän Stall,
De „Hitten“ vör te dräiben.
De Ziehenmilk is ganz gesund,
Besonders för de Blagen,
Un ok diär Katte un diäm Hund
Bekümt se gut im Magen.
Arr’ mäi tem Schlusse nöu nau ducht,
Dat Dink könn mäi gefallen;
Et feilt häi nau ’ne „Iselstucht“,
Jo, use Nachtegallen.
H. Geck, Brilon. (1914)
Aus: Sauerländer Zeitung [Briloner Zeitung] Jg. 1914. – Wiederabdruck in: Bruns, Alfred:
Brilon 1816-1918. Brilon 1988, S. 391.
22