walsrode - der findling

W Warum arum
ddas
as
sso
o is ist, t,
erfahren erfa
ahren
Sie
kostenlos
MMo–Fr
o–
Fr
99–16
– 16
UUhr
hr
uunter
nter
0 8800
00
/ 884
4 8800
00
880
0
14. Walsroder
Hochzeitsmesse
27. Januar
11 - 18 Uhr
Eintritt frei
Mit großem Gewinnspiel
Stadthalle Walsrode
Robert-Koch-Straße 1 · 29664 Walsrode
Freizeit und Unterhaltung
Düt un dat up Platt
...denn is Wiehnachen
nich mehr wiet
at schall jo Minschen gä-
Dben, de all in Harvst ehre
Wiehnachsgeschenke tauhopen
hebbt. In September kööpt
se all Adventskalenner,
Marzipankartuffel, Stollen un
Spekulatius. In Oktober fangt
se an, allens wiehnachtlich uttaustaffieren
un de Lichterketten
antausluten, un de Adventskranz
hängt all in November.
Un wenn se denn Anfang
Dezember bi de Zeitungsümfraag
fraacht werd, ob
se dat in de Adventstied ielig
hebbt, denn secht se: „Nee,
Stress hebbt wi nich! Wi
hebbt vääl Tied un laat us dat
önnig gaut gahn in de Adventstied.“
Tau düsse Minschen
gehör ick nich, un ick
kenn ok kuum eenen, denn dat
so gaht. Bi us is dat in de
Wiehnachstied jümmer so, dat
wi us kuum tau Gesicht kriegt
vör lauter Termine. „Du hest
noch nich mal maarkt, dat ick
ne annere Hoorfarv hebb“,
wöör ick lesdet Johr ganz
grantig up mienen Kirl. „Un
hest DU andragen, dat ICK
na’n Putzer wöör un mien
Boort aff is?“ freuch mien Kirl
un grien sick eenen. So is dat,
wenn man kuum tau Huus is
un sick blooß de Klink in de
Hand gifft: dor hett man nich
mal önnig Tied sick antaukieken.
De eene feuert hierhen,
de annere dorhen, de Kinner
hebbt Vördanzen un Vörsingen
un jede Wääke eene
Wiehnachsfier. Aber an drütten
Advent hebbt mien Kirl un
ick dat lesdet Johr sogor mal
schafft, tauhopen na eenen
Wiehnachsmarkt hentaufeuern.
Un wat hebbt wi inkofft,
as jeder teihn Minuten för sick
alleen ünnerwägens wöör up
denn Markt? Tweemal genau
desülben Freuhstücksbräär:
Ick hebb as Wiehnachsgeschenke
een Holtbrett mit
Peer-Motiv för uuse Lütsche
kofft un een ‚Schwammkopp‘-
Brett för uusen Jungen. Mien
Kirl hett genau densülben Gedanken
hatt un an densülben
Stand (mit 200 ünnerscheidliche
Motive!) genau desülben
Bräär inkofft! Is dat tau glööben??
Trüchgäben güng nich,
dor har de Verköper jo all de
Namens von uus‘ Kinner rinbrennt!
De Verköper hett bestimmt
ok dacht: Wat sünd dat
denn för Dussels, de tweemal
datsülbe Geschenk inkööpt?
Süms schuld, wenn de sick
nich affschnacken künnt!
Mit de Geschenke is dat jo
jümmer so ne Saake: Du koffst
Geschenke in för Kinner, Paten,
Neffen, Nichten, Öllern
un Swiegeröllern. Un för alle
dat Passende tau finnen, is gor
nich so licht. Am Enn‘ is de
Böxen vääl tau wiet, de Pullover
hett dat verkehrte Muster,
dat Bauk is tau langwielig, dat
Handy tau lütt un de Ring
passt nich öber denn Finger
röber. Fief Prozent von de
Wiehnachsgeschenke werd
achteran ümtuuscht, hebbt se
bi eene Studie rutfunnen. Fief
Prozent! Dat eene oder annere,
dat eenen öberhaupt nich
gefallt, kann’n jo bi’n ‚Schrottwichteln‘
wedder loswern. Un
in Celle gifft dat na Wiehnachen
sogor eene ‚Geschenke-
Börse‘, wo du allens tuuschen
kannst, wat di nich gefallt.
Denn freit sick viellicht noch
wer anners doröber. Amenn‘
finnst du sogor wat, wat du
nächstet Johr tau Wiehnachen
verschenken kannst. Aber ick
bliev dorbi un kööp de Geschenke
erst kott vörher. Eenmal
vör’n poor Johr’n hebb ick
all mal in August een Wiehnachsgeschenk
kofft. Un wat is
passiert? Ick hebb dat Geschenk
so gaut verstäken, dat
ick dat nich wedderfunnen
hebb. Erst dree Johr löter fünn
sick dat wedder an – un dor
hett dat denn nich mehr passt.
Gudrun Fischer-Santelmann
12 Dezember 2012 / Januar 2013