Trouble im "Alten Hof" Komödie in 3 Akten ... - Stueckboerse

Theaterverlag Kaliolabusto Etienne Meuwly –Bernweg 4 –3254 Messen
Internet: www.theaterstuecke.ch Email: info@theaterstuecke.ch
Vervielfältigung dieses Textes ist nicht gestattet. Bitte beachten Sie die Aufführungsbedingungen.
Gilberd:
Wie bite! Isch die wahnsinnig! Wart nume, wenn die hei chunnt, de… (schüttelt die Fäuste
gegen die Ausgangstür und schimpft vor sich hin)
Lisa:
Widersprich nie amne Maa. Wart zwe Minute, und är macht’s sälber…
Annemarie: (mit Schürze, normal angezogen)
Ig gah mir jetz id Chuchi gah es Zmorge parat mache… was isch de mit euch los?
Gilberd:
Das geit di e füechte Dräck a!
Lisa:
Gilberd! Bitte chlei meh Höflechkeit mire Tante gägenüber!
Gilberd:
Wieso? Wär het de geschter Aabe gseit, Bsuecher wie d Tante Annemarie mache immer
grosi Freud… wenn sie wieder göh!
Lisa:
GILBERD!!!
Gilberd:
Isch doch wahr!
Lisa: (leise und unterdrückt, sodass Annemarie es nicht hört)..
Natürlech isch das wahr! Aber das isch kei Grund, das jetz hie derewäg luut usezposuune!
(Laut) Gilberd, das hesch du völlig falsch verstande!
Gilberd:
Ja klar, das chasch eim verzelle wo d Hose mit dr Hilf vore Zange aleit!
Annemarie:
Mit ere Zange! Lisa, ig ha dir scho mängisch gseit, dass me Jeans nit mit 90 Grad wäscht. Dä
arm Gilberd! Guet, dass dir scho zwöi Chind heit!
Gilberd:
Vo dir bruch ig kei Mitleid! Auso Lisa, ig wott dir jetz öbbis säge. Du hesch das ersch grad
geschter gseit vo wäge: D Tante Annemarie macht Freud, wenn sie…
Lisa:
GILBERD!!!!!!!!!!
ETC ETC
M. Worms/K. Münnich – „Trouble im alten Hof“ - 26 - Theaterverlag Kaliolabusto S0044