100 Jahre Mozartschule Rheingönheim - Schulmuseum ...

Ja, ja! Wer halt bloß auße steht
Un flichtig dorch die Latte späht,
Der sieht an so re Schul vun auße
Nix wie die Ferie un die Pause
Un denkt dann: „Herrschaftdunnerschda!
E so e Handwerk kennt ich aa“. - - -
Doch halt' emol! Ich bin weeß Gott,
ganz vun meim Thema abgerot
Un muß mich jetzt geheerig schinne,
De Fadem widder ufzufinne. –
ich han gesat: E Schulanstalt
Die is mit hunnert Johr net alt,
Nee! Im kunträre Gegendeel!
Die wird als jünger – meiner Seel!
Un so e Schul wie unsri gar,
Wo immer for de Fortschritt war,
weil das jo schun im Lehrplan steht,
Die bleibt a jung in Ewigkeet…
Un so sin aus der frihre Zeit
Viel Klasse ganz beianner heit;
Dodrunner Männer von x Johr
Mit grooe odder gar kee Hoor.
Die schwelgen glicklich wie die Junge
In selige Erinnerunge
Un allegar werd`s Herz so weech.
der een verzählt von Buwestreech,
De anner macht mit Hand un Sprooch
Sei sämtliche Professer nooch,
So deitlich un getrei un echt,
dass mer sich beinoh kugle mecht,
der dritt verzählt e ganzi Mass'
Vun schlechte Witz aus seiner Klass';
Un ob die mehrschte a gelo sin,
Wann nor die Leit vergniegt un froh sin.
E anner renommiert noch heit
mit seiner Note seinerzeit
Un sat: „8 Einser in dem Zeugnis
War mir kein sonderlich Ereignis,
Denn ich war brav in jedem Falle
und viel begabter wie ihr alle,
Viel mehr wie Du und Du und Du - - -"
19