100 Jahre Mozartschule Rheingönheim - Schulmuseum ...

Der een lest unner seiner Bank
Indianerbiecher frei und frank,
Dort dun zwee iwer Boxsport rätsche,
Zwee annre dun glei Karte pletsche,
der dritt' fangt' Micke mit, seller schnitzelt,
Derweil der do sein Nachbar kitzelt.
der do spritzt Tinte an die Wand,
E annrer schießt mit Gummiband –
Un was so Buwe halt verfihre,
Sobald se keemeh Zügel spiere.
So Buwe sin halt bees und wild
Un fihren immer Streech im Schild,
So is das schun vun alters her,
Un's dät mer leed, wanns annerscht wär.
Deswege is die Schul jo do,
Daß die se bändigt noo un noo
Un dass se aus de greeschte Bengel
Noch Männer macht - die reinschte Engel.
Ja, ja! Ehr Buwe! 's is jo heit
E prächtigi Gelegenheit,
Wo jeder vun eich deitlich sieht,
Was unser Schul for Männer zieht.
'es ganze alte Schülertum
Das is doch heit hie zammekumm:
Gediegene Männer, wo eich all
E Vorbild sin un Ideal:
Treu, bieder, kampfbewährt un stolz,
Aus kerngesundem deitschen Holz,
Wo jedi Schul mit strunze kann.
Damit ihr gradso dichtig werre
Un grad so treie alte Herre.
Zum Troscht will ich eich offenbare:
Wie die noch junge Buwe ware,
Do war die Hälft devun genaa
So große Strick als wie ihr aa.
21