Maibockanstich in Stadum, Girls-Day 2007, TMP - Tinchen

Weitere Magazine

Empfehlungen

Info

Wat ick no seggen wullt… Hem jem dat all mitkregen? In‘ne Mai hebbt se all wedder de alljährliche Gartenvogelzählung von de NABU dörföhrt. Een Stün schulln wi in de Goarn sitten un de Vogeln tellen de man so süht. De Regeln sind ganz eenfach – „Klor, du must dat jo ok kön!“ secht mien lütten Zuckerschnut to mi, as ick er dat verklorn wul. Is se nich nett to mi? Na ja, as wi denn mit‘n Glas Wien achtern op unsere Grundstück seten un över unse Teich in de Welt keeken – alles schön grön um uns rum mit Böm un Büsch, de Himmel blau mit witte Wolken und up de Piepmätze passten, dor schmunzelte mien Fru up eenmol und froch mi: „Sech mol, de Kommandeur in Husum, heet de nich Vogel? Schull‘n wie em mol mittellen?“ „Erstens,“ sä ick, „is he nich Kommandeur sondern stellvertretende Kommodore – in kot Stekodore – ut dat Geschwader 1. Twedens het he Vogel und is keen Vogel. Un drittens is he ok nich in unsere Goarn – oder? Also kanns somit nix mit em utrichten bi disse Vogelzählung.“ So nao rund fief Minuten rumsitten „hmmte“ se denn. „Wat „hmmst“ du denn, mien Söten?“ wull ick weten. „Hmm,“ mente se, „wenn dien Stekodingsbums…“ „STE- KODORE!“ „Sech ick doch! Also wenn dien goode Kamrod, de Oberstleutnant Vogel, nu all 6 hier bi uns innen Goarn wär, denn wür ick em jo mittellen. Bloß as wat, dat weet ick nich so recht.“ „Wi, as wat?“ „No, as wat förn Vogelart – Star, Sperling oder wat.“ Wi hebbt denn mol so överlecht, wat förn Vogelart wohl to unse Oberstleutnant passen würd. Mit Amsel sünd wi anfungen. Ober dat is son stiefe Vogel, dat passt nich to em. De Amseln trappeln jümmers so würdevoll un toknöpft dörch de Gegend un so een stiefe Kerl is he nich. Star passt ok nich so richtich, denn Starallüren hat he sick eegentlich ok nich angewöhnt un in sien Öller ännert man sick ok nich mehr so dull – dor is also ok nix to erwarten. Spatz oder Sperling is ok falsch – he plustert sick nich up un is ok nich jümmers an rumkrakelen. Nee, nee, dat mit de Spatz kannst glieks vergetten. In disse Ogenblick käm son Schwalbe vörbidüst. „Kiek,“ sech mien Fru, „is he viellicht n Schwalbe?“ „Nee,“ meen ick, „Schwalbe is nich – disse Vogel is irgendwie son Luftikus un dorför is he eenfach to ernsthaftich.“ „Meise?“ full mi in. „Is unse Stekodore vellicht een Meise?“ „Op kenen Fall!“ lehnte mien bedere Hälfte kategorisch af. „Meisen sünd scheu un ünnergroot un dick – un wenn överhaupt, denn mut he jo een Blaumeise ween, wegen Luftwaffe un so. Un Blaumeisen sünd noch dikker as de annern un dick is he jo nu gor nich – kannst di übrigens ruhich mol een Bispiel nehm an em. He süht jümmers so schlank un rank ut, un du…?“ „He mokt jo ok immer Sport“ gäv ick torüch. „Ken Wunner, dat he so dünn is. So as Triathlet mit sien Renneri un sien Schwimmen un so.“ „Schwimmen,“ frooch mien Ilse, „wullst du em etwa mit’n Ente verglieken?!“ „Bist du verrückt? Is he viellicht ann`t watscheln oder is he dauernd am Quaken?“ So hem wi hen un her överlecht un nix is uns infallen, wat so richtich good up em passt. He is eben een ganz besonnere Vogel. Roadrunner wär mol kort unsere Musterlösung, weil he doch so‘n begnadete Renner un Radfohrer is un dauernd ünnerwegens. Over de Roadrunner kann nich schwimmen, ok wenn he good to Foot is. De Pinguine kön zwar bannich good schwimmen, ober so good as gornich rennen, ok wenn uns de niee Kinofilm mit de danzende Pinguin wat anners wiesmoken will. De ganze Stün an‘n Teich hem wi up disse Art tobröcht, schließlich sind wi int Huus goan un hem unse Nokixel rutkramt (Jem weet nich wat een Nokixel is? Ganz eenfach, les dat mol rückwärts, denn weetn jem dat). T NCHEN 06/07
Mittlerwiel wär uns klor, dat wi no een Vogel söken mussten, de sowohl good rennen und ok schwimmen kann. Un no veele Sietenblätterie hem wi denn een rutfunnen: De Wasserläufer. Disse Vogel kann nich bloß loopen un rennen, de kann ok genauso good schwimmen. Bloß een Makel hat he in Vergliek mit unse Oberstleutnant: de Wasserläufer kann nich Fohrradfohren. Annersiets: unse Oberstleutnant kann nich fleegen – ok wenn he bi de Luftwaffe is und sonst een ganze Masse Talente hat – nehmen mien Fru un ick jedenfalls mol an. Insofern gliekt sick dat wedder ut. Nu hoffen wi bloß, dat unse Oberstleutnant un Stekodore disse Artikel as Spoß un Kompliment versteiht un dormit noch wat bewiest: dat he nämlich nebenbi ok no een lustigen Vogel is. In disse Sinn, bit tom nächsten Mol, eer vogelige F.L.Araksen 06/07 T NCHEN 7
Seite 1 und 2: Flugabwehrraketengeschwader 1 "Schi
Seite 3 und 4: Durch einen tragischen Verkehrsunfa
Seite 5 und 6: Redaktionsschluss für das nächste
Seite 7: Schnappschuss---Schnappschuss---Sch
Seite 11 und 12: 06/07 T NCHEN 9
Seite 21 und 22: Wo bleiben Sie beim „zappen“ h
Seite 25 und 26: 06/07 In den Winterprüfungen 2006/
Seite 27 und 28: Namen & Nachrichten 06/07 Unseren G
Seite 29 und 30: Kurznachrichten---Kurznachrichten--
Seite 31 und 32: Schmunzelecke---Schmunzelecke---Sch

Maibockanstich in Stadum, Girls-Day 2007, TMP - Tinchen

Erfolgreiche ePaper selbst erstellen

Template löschen?

Als Template speichern?