The sky-lark - National Library of Scotland

THE SKY-LARK.
The warl'y race may riches chase,
And riches still may flee them, 0,
An' tho' at last they catch them fast,
Their hearts can ne'er enjoy them, 0.
Green grow, &c
But gie me a canny hour at e'en,
My arms about my deary, O;
An' warl'y cares, and warl'y men,
May a' gae tapsailteerie, O.
Green grow, &c.
For you sae douse ye sneer at this,
Ye're nought but senseless asses, O,
The wisest man the warP e'er saw,
He dearly lo'ed the lasses, 0.
Green grow, &c.
Auld nature swears, the lovely dears,
Her noblest work she classes, O,
Her 'prentice han' she tried on man,
And then she made the lasses, 0.
Green grow the rashes, O,
Green grow the rashes, O,
The sweetest hours that e'er I spend,
Are spent among the lasses, O.
M