Untitled - QueenDido.org

SILIUS ITALICUS
sanguinis humani flagrat sitis. his super, aevi 60
flore virens, avet Aegates abolere, parentum
dedecus, ac Siculo demergere foedera ponto.
dat mentem luno ac laudum spe corda fatigat.
iamque aut nocturno penetrat Capitolia visu
aut rapidis fertur per summas passibus Alpes. 65
saepe etiam famuli turbato ad limina somno
expavere trucem per vasta silentia vocem,
ac largo sudore virum invenere futuras
miscentem pugnas et inania bella gerentem.
Hanc rabiem in fines Italum Saturniaque arva 70
addiderat laudem puero patrius furor orsus.^
Sarrana prisci Barcae de gente, vetustos
a Belo numerabat avos. namque orba marito
cum fugeret Dido famulam Tyron, impia diri
Belides iuvenis vitaverat arma tyranni 75
et se participem casus sociarat in omnes.
nobilis hoc ortu et dextra spectatus Hamilcar,
ut fari primamque datum distinguere lingua
Hannibali vocem, sollers nutrire furores,
Romanum sevit puerili in pectore bellum. 80
Urbe fuit media sacrum genetricis Elissae
manibus et patria Tyriis formidine cultum,
quod taxi circum et piceae squalentibus umbris
abdiderant caelique arcebant lumine, templum.
hoc sese, ut perhibent, curis mortalibus olim 85
' Thus emended by Housman : tantam puero patris heu
furor altus Bauer.
« See note to 1. 35.
^ The legendary ruler of Latium, whose reign was the
Golden Age.
" Akingof Tyre, also called Sarra; perhaps a title borne by
all the kings of Tyre. The father of Dido was called Belus.
^ Barcas.
8