Privy Council Acts 1565 - Nine Incorporated Trades of Dundee

execute upoun thame without favour. As alsua to command and charge the provost and bailleis of all the burrowis and
sea-portis within this kingdome, as namelie of Leith, St. Androis, Carraill, Ely, Anstruther Easter and Wester,
Pittinweyme, Weymes, Dysart, Kirkcaldie, Kinghorne, Brunt Iland, Innerkething, Culros, Borrowstounes, Quensferrie,
Mussilburgh, Prestounpanis, Dundie, and Monrois, and the maisteris and awnaris of the portis of Airthe, Alloway,
Torrie, Carribdin, that thay haif ane speciall care and caus diligent attendance be given that no ships, mercheands,
passingeris, nor otheris personis quhatsomevir comeing from the pairts foirsaidis within this kingdome be sufferit to
come ashoir and land in thair boundis, nor no merchandice and goodis to be lossed within the same, till first thay be
cleirlie informed and resolvit that the saidis ships and goodis and all the personis being within the same ar cleine and
without all suspitioun of infectioun and seeknes, under all heighest pane, cryme, and offence that they may incurr in
that behalf, and forder under the pane of rebellioun, &c., with certificatioun to thame that sall failyie and do in the
contrair that not onlie thay salbe denunceit rebells and putt to the horne, bot salbe otherwayes punist at the
discretioun of his Majesties Counsaill. And, quhairas it is understand to the saidis Lordis that sindrie ships comes from
the parts foirsaidis to this kingdome for coall and salt, whilk lykewyse may produce some danger and hasaird if care be
not had thairanent, thairfore to command and charge the awnaris of the said coall and salt, as namelie Alexander,
Earle of Linlithgow, Sir George Bruce of Camok, [blank] Wardlae of Torrie, Mr Alexander Hamiltoun of Kinglas,
[blank] Shaw of Sauquhie, Alexander Bruce, sone to the said Sir George, [blank] that they and everie ane of thame haif
ane speciall care with whome they bloke and bargane in that kynd, and afoir they enter in ony kynd of conditioun with
thame that thay be fullie certified and assured of the estait of the saidis ships, yf thair be ony seeknes or suspitioun of
seeknes within the same, and, if thair be ony seeknes within the saidis ships or in the pairts or ports quhairfra they
lowsed, and that the suffer nane of the companie nor equippage of the saidis ships to come on land; and, yf they mak
ony bargane with thame for coale or salt, that they caus the coale and salt be delyverit at the ship syde and that nane of
the caryaris nor no otheris goe aboarde of the ships, and they ressave not thair payment quhill it be weele clenged as
they will answeir upoun the contrair at thair perrell"
Edinburgh 13 th January 1625
“Forsamekle as the Kings Majestie is certanelie informed that diverse turbulent and seditious personis ar come, at the
least ar comeing, from the Low Cuntreyis of Flanderis to this kingdome of Scotland to stirr up tumult and disordour by
false and malicious reports and imbringing and dispersing of seditious wreitts and printed pamph[l]etts and bookis:
for preventing of the effects of quhilks mischeavous courses the Lordis of Secreit Counsall ordanis letteris to be direct
chargeing officiars of armeis to pass to the mercat croceis of the heid burrowis and sea-portis of this kingdome, and
thair be oppin proclamatioun to command and charge all and sindrie magistratis of burrowis and townes, customars,
searchers, and others officiars and ministers of his Majesties lawis, that they onnawayes suffer ony ship or ships
comeing from the Low Cuntreyis of Flanders sett ony one of thair merchands, passingers, equippage, or companie
quhatsomever on land or shoire till first so exact searche be maid by the saids magistrats, searchears and customars,
and others foirsaids whome it apperteneris, as all such letters, wretts, and buiks as salbe fund within the saids shipis
be maid sure, and not sufferit to be dispersit or delyverit to ony persone quhatsomever till first they be presentit to the
Lords of Secreit Counsall or such as they sall appoynt to that effect, and that they tak and apprehend all suspect
personis yf onie be fund in the saidis ships, and speciallie such as salbe fund to be imbringaris of the saidis wreitts,
buikes, or pamphletts, and præsent thame befoir the saids Lordis of Secreit Counsaill, as the saidis magistrats,
customers, searchears, and others foirsaids will answeir upoun there alledgeance at thair heighest charge and perrell."
Calderwood, noting this Proclamation Edinburgh, and A Dispute about Communi-
(vii. 629) observes that it made no mention cating adding that "by the providence of
of the titles of the books the importation of God" these books were safely brought out of
which was principally dreaded. Among a ship before it was searched, and were "kept
them, he says, were An Epistle to a Christian close" meanwhile for use at the approach of
Brother An Exhortation to the Kirk of the Easter Communion.
Edinburgh, 14th January 1625.
Sederunt –Chancellor; St. Androis; Melros; Lauderdaill; Bishopof Abirdene; Privy Seal; Kilsaythe; Advocate;
Innerteill; Durie; Curriehill; Fosterseate; Sir Robert Spottiswoode; Mr Peter Roge [sic I. Rollok].
“The quhilk day in precsence of the Lordis of Secreit Counsaill comperit personallie John McNacht, Williame Dick,
and Archibald Tode, bailleis of Edinburgh, John Byrris, dean of gild, and George Sutis, thesaurer of the said burgh,
Gilbert Kirkwoode, deacone conveinar, and Mr Johnne Hay, clerk, with some others of the counsaill of the said burgh,
as commissionaris for the same; and, they being demandit if they had onie thing now to propone and object aganis the
signatour signed be his Majestie in favouris of Mr Patrick Drummond of the reversioun of the office of Conservatour
after the decease of the present incumbent [ante, p. 615], seing they gate ane copie of the signature to be advysed with
and had diverse Counsall dayes appointit unto thame for giveing of thair answeir thairanent, they declairit that, seing
it wes his Majesties gracious will and pleasure to mak choise of the said Mr Patrik for the office foirsaid, they, to testifie
thair humble obedience and conformitie to his Majesties will and pleasure, and upoun the confidence they had of the
gentleman his sufficiencie for the said charge, and upoun hoip of his dewtifull discharge thairof, they had nothing to
say aganis the said signature, bot in name of the whole Burrowis acquiesced and agreed to his Majesties royall will and
pleasure, and to the expeding of the said signature, with this protestatioun alwayes, that the same sould nawayes
32