Acoustic Emission Monitoring of CFRP Laminated Composites ...

inu var að þróa aðferðarfræði til þess að vinna upplýsingar út úr hljóðþrýstibylgjumælingum,
til þess að auðvelda ástandsgreiningu og spá fyrir
um bilanir.
Til þess að ná fram markmiðum verkefnisins var mælitækni útfærð og
notuð til að mæla gögn á meðan 75 koltrefja gervifætur voru þreytuprófaðir.
Fæturnir voru allir sömu gerðar og með sömu laguppbyggingu. Tveir lofttjakkar
voru notaðir til þess að setja álag á fæturna. Staða tjakkana og
álagið var mælt samtímis hljóðþrýstibylgjumælingunum. Mæligögnin voru
síðan greind til þess að skilja hvernig hegðun þeirra, innan hverrar þreytulotu,
þróaðist sem fall af tíma í þreytuprónu. Við úrvinnslu og framsetningu
gagnanna voru nýjar aðferðir þróaðar og nýjar kennistærðir kynntar.
Í verkefninu var þróuð aðferðarfræði til úrvinnslu og framsetningar á
hljóðþrýstibylgjum þannig að hægt er að greina og staðsetja skemmdir
miðað við fasa viðmiðunarmerkis. Niðurstöður sýna að með því að fylgjast
með stöðu skemmda fást upplýsingar sem auðvelda ástandsgreiningu og
má nota til þess að spá fyrir um bilanir. Aðferðafræðin takmarkast hvorki
við hljóðþrýstibylgjur né lotubundin viðmiðunarmerki. Hana má nota til
þess að greina breytingar, eða truanir, í annars konar merkjum frá bæði
stöðugum og óstöðugum kerfum. Einnig var þróuð aðferð til þess að greina
og ákvarða hljóðbylgjuskot (e. AE hit) í merkjum þar sem svipular hljóðþrýstibylgjur
bæði skarast og eru mjög mismunandi að styrk.