THE COLLEGE OF MEDICINE - Swansea University

Astudiaethau Achos
Cyflogadwyedd
Dr Anthony Lynch
Cyfarwyddwr Byd-eang Tocsicoleg
Genetig, GlaxoSmithKline
Ennynwyd fy niddordeb mewn bod yn
wyddonydd proffesiynol gan fy ngradd
israddedig mewn Geneteg ym Mhrifysgol
Abertawe. Roedd yn darparu sylfaen ar
gyfer gradd ôl-raddedig (eto yn Abertawe)
a sefydlu gyrfa ymchwil mewn mwtagenedd
molecwlaidd a charsinogenedd yng Ngholeg
Imperial, Llundain, cyn ymuno â’r diwydiant
fferyllol fel tocsicolegydd genetig. Bellach
fi yw pennaeth yr uned tocsicoleg genetig
i GlaxoSmithKline, rôl sy’n cyfrannu at
ddatblygu meddyginiaethau newydd i ymateb
i anghenion meddygol cleifion nad ymatebir
iddynt ar hyn o bryd, a hynny ym maes llawer
o afiechydon.
Coleg Meddygaeth
Coleg Meddygaeth
Andrew Phillips
Myfyriwr MB BCh Meddygaeth
Fe glywais i rywbeth ar y newyddion am y
llywodraeth yn caniatáu cyrsiau meddygaeth
pedair blynedd ar gyfer myfyrwyr aeddfed, ac
fe daniodd hynny rywbeth yn fy meddwl oedd
yn gwrthod diffodd, felly fe wnes i gyflwyno
cais. Mae’n anodd cael lle ar y cwrs, ac
mae’n ymrwymiad amser llawn, ond mae pob
darlith wedi bod yn eithriadol o ddiddorol.
Rydych yn cael eich trochi yn glinigol o’r
cychwyn; rydych chi’n mynd i weld yr adran
Damweiniau ac Argyfwng, yn bresennol ar gyfer
ymgynghoriadau gyda Meddygon Teulu, yn
gwneud rowndiau cyffuriau yn y carchar, ac yn
mynd allan gyda pharafeddygon ar nos Wener
er mwyn i chi gael cipolwg gwirioneddol ar
feddygaeth o bob ongl, sydd o gymorth mawr
wrth ddewis y llwybr mwyaf diddorol i chi.
Mae’r Coleg Meddygaeth yn cynnig ystod o gyrsiau amser llawn a rhan amser, ac
mae pob un ohonynt wedi eu dylunio ar y cyd â diwydiant a chyrff llywodraethu i
sicrhau’r mynediad gorau posib i lwybrau gyrfa eitha pendant.
Mae cyrsiau ar gyfer pob lefel astudio, ac maent i gyd yn ymgorffori cyfleoedd gorfodol
ac allgyrsiol i baratoi myfyrwyr ar gyfer eu cam nesaf, boed hynny’n astudio pellach, yn
lleoliad diwydiannol neu chwilio am waith yn annibynnol. Mae’r Coleg hefyd yn sicrhau
bod gan yr holl fyfyrwyr fynediad at alumni, cysylltiadau diwydiannol a chyfleoedd yn y
Athrofa Gwyddor Bywyd, menter ymchwil y Coleg, a gydnabyddir fel cyfleuster ymchwil
ar lefel ryngwladol.
Dangosodd Arolwg Cyrchfannau Ymadawyr Addysg Uwch 2009/10 (DLHE) fod 82%
o’r myfyrwyr amser llawn, gradd gyntaf, oedd yn dod o’r wlad hon, ac a oedd wedi
gadael y Coleg Meddygaeth, mewn swyddi a/neu astudiaethau pellach chwe mis ar ôl
graddio, ac mae rhai cyrsiau unigol yn ymffrostio mewn cyfradd gyflogaeth o 100% o
fewn yr un cyfnod, gyda 90% mewn swyddi oedd yn ymwneud yn benodol â’u gradd.
BSc Geneteg, Geneteg Meddygol, Biocemeg a Biocemeg Meddygol
Defnyddiwyd nifer o strategaethau i sicrhau cyflogadwyedd myfyrwyr BSc y Coleg, yn
cynnwys y canlynol:
u Gwefan gyrfaoedd, prynhawn gyrfaoedd a chyngor gyrfaoedd, y mae Alumni
yn ymwneud â hwy
u Lleoliadau diwydiannol gyda GlaxoSmithKline a labordai’r GIG
u Estyn cysylltiadau â phrif gyflogwyr yn y diwydiant fferyllol, yn cynnwys Pfizer,
Astra Zeneca a GlaxoSmithKline
u Sgiliau trosglwyddadwy sy’n canolbwyntio ar gyfathrebu mewn modiwlau,
gan gynnwys cyflwyno, ysgrifennu crynodebau, asesu cymheiriaid, asesu
llenyddiaeth wyddonol yn feirniadol ac ysgrifennu CV
u Sgiliau trosglwyddadwy sy’n canolbwyntio ar gyflogaeth mewn modiwlau, gan
gynnwys elfen “dragons’ den”
u Cysylltiadau agos â chwmnïau recriwtio, gan gynnwys MatchTech, sy’n cynnal
gweithdai CV yn rheolaidd
u Darparu prosiectau blwyddyn olaf o fewn yr Athrofa Gwyddor Bywyd, gan arwain
yn aml at gyfleoedd PhD yn y dyfodol
u I gael rhagor o wybodaeth, cysylltwch â’r Dr George Johnson ar
g.johnson@swansea.ac.uk
Cysylltwch â’r Coleg Meddygaeth
i gael rhagor o wybodaeth
www.swansea.ac.uk/medicine | +44 (0)1792 513400