An Tomhaltóir - Cogg

5. Reachtaíocht Thomhaltais
An tAcht um Dhíol Earraí agus Soláthar Seirbhísí 1980
Faoin acht seo, caithfidh earraí a bheith:
1. De mhianach inmhargaidh - caithfidh siad a bheith de cháilíocht
mheasartha maidir leis an bpraghas a dhíoltar orthu.
2. Fóirsteanach do ghnáthchuspóir nó do chuspóir faoi leith a luann an
díoltóir.
3. Ag teacht lena gcur síos i bhfógra nó i dtuairisc díoltóra má dhíoltar ar
bhonn cur síos iad.
4. Cosúil le sampla más ar bhonn sampla a dhíoltar iad.
I gcás seirbhísí
1. Caithfidh an duine atá ag déanamh na hoibre a bheith oilte go leor chun
an obair a dhéanamh go sásúil.
2. Caithfidh sé a bheith cúramach agus é i mbun na hoibre.
3. Caithfidh páirteanna agus ábhair a úsáidtear a bheith de mhianach
inmhargaidh.
Tá baint ag an achta seo le rátha freisin.
Rátha (Ráthaíocht – Guarantee)
Is gealltanas déantóra é ráth go ndeiseoidh sé nó go dtabharfaidh sé cinn nua
ina n-áit má tá earraí fabhtach
Faoin acht, is féidir le ráth cur le cearta reachtúla an tomhaltóra; ní féidir leis
baint de na cearta sin.
Má tá ráth i scríbhinn caithfidh sé an t-eolas a leanas a thabhairt:
1. Ainm agus seoladh an té atá ag tairiscint an rátha
2. Fad an rátha
3. An dóigh chun éileamh a dhéanamh
Cúiteamh
Má tá gearán ceart ag tomhaltóir tá rogha de chúitimh aige:
Nóta Creidmheasa
Earra nua in ionad an chinn lochtaigh
Aisíoc
Deisiú
Níl sé de cheart ag an tomhaltóir cúiteamh a fháil sna cásanna a leanas:
Ní thugann siad na hearraí ar ais taobh istigh de thréimhse réasúnta
Níl ann ach athrú intinne
Tá siad féin freagrach as an damáiste mar gheall ar mhí-úsáid nó
timpiste
Taispeánadh an locht dóibh sular cheannaigh siad na hearraí
An tAcht um Fhaisnéis do Thomhaltóirí (1978)
Tá an t-acht seo ann chun tomhaltóirí a chosaint ar éilimh bhréagacha nó
cama maidir le hearraí, seirbhísí agus praghsanna.
Ní thugann an t-acht seo aon chearta do thomhaltóir, ach is cion é ma
bhriseann an trádálaí é.
24