An Tomhaltóir - Cogg

Cúirt na nÉileamh Beag
Cuireadh an chúirt seo ar bun i 1991 agus téann tomhaltóirí chuici má tá
éilimh bheaga acu maidir le hearraí lochtacha, earraí nach bhfuil de mhianach
inmhargaidh, briseadh conartha, etc. Ní féidir leis an tomhaltóir dul chun na
cúirte go dtí go bhfuil iarracht déanta aige teacht ar réiteach leis an
miondíoltóir. Níl dlíodóir de dhíth sa chúirt seo agus níl an próiseas costasach.
Tugann an chúirt éisteacht don dá thaobh agus déanann sí cinneadh.
Údarás um Chaighdeán Fógraíochta na hÉireann
Fiosróidh an t-údarás gearáin ó bhaill an phobail i dtaobh fógraí atá maslach
nó déistineach. Is féidir leis an údarás iarraidh ar chuideachta an fógra a
athrú nó fiú fáil réidh leis an bhfógra.
Cumainn Thrádálaithe
Seo eagraíochtaí a thugann aire do leasa miondíoltóirí nó táirgeoirí. Is féidir le
tomhaltóir gearán a dhéanamh le cumann trádálaithe má tá fadhb aige le ball
cumainn.
Samplaí:
Cumann Ghníomhairí Taistil na hÉireann
Cumann Thionscal Gluaisteán na hÉireann.
7. Comharthaí Neamhdhlíthiúla Siopa
Tá na comharthaí uile a leanas mídhleathach mar sáraíonn siad cearta
dlíthiúla tomhaltais.
• “Ní mhalartófar táirgí”
• “Caithfidh custaiméirí earraí lochtacha a chur ar ais chuig an
déantóir”
• “Ní thugtar aisíoc airgid am ar bith”
8. Lipéid ar Tháirgí Bia
Is minic a bhíonn an t-eolas a leanas scríofa ar phacáistí táirgí bia le cuidiú le
tomhaltóirí:
• Ainm an táirge
• Ainm an déantóra
• Meáchan an táirge, pacáiste as an áireamh
• Liosta de na hábhair uile
• Liosta de dathanna agus coiméataigh (Es)
• Dátaí “díol roimhe” agus “úsáid roimhe”
• Praghas
• Treoracha stórála agus cócaireachta
• Comhartha cáilíochta
• Barrachód
• Ábhair GMO má tá a leithéid ann
26