დისერტაციის სრული ვერსია - ფაკულტეტი - საქართველოს ...

არქიტექტურული ხერხები, ფორმებისა და დანიშნულების უჩვეულობა,
განსაცვიფრებელი ზომები - ეს ყველაფერი მას ისეთი გამოჩენილი
არქიტექტურული ძეგლების გვერდით აყენებს, როგორიცაა პანთეონი,
წმინდა სოფიის ტაძარი სტამბულში და სუგერიას სააბატოს სენ-დენის
ტაძარი. ისევე, როგორც ამ ადრეულ ნაგებობებში, ბროლის სასახლის
კონსტრუქცია სცდებოდა იმ დროისათვის ტრადიციულ არქიტექტურულ
პრაქტიკას, რამაც არქიტექტურაში ახალი ფორმები და ესთეტური
პრინციპები დაამკვიდრა.
თუმცა, თანამედროვეთა უმრავლესობა ბროლის სასახლეს არა
როგორც არქიტექტურულ ქმნილებას, არამედ ერთი უბრალო, რიგით
ნაგებობად აღიქვამდნენ, რომელსაც არც სტილი ჰქონდა, არც სილამაზე.
ვიქტორიანული ეპოქის ინგლისისათვის უფრო ჩვეული იყო მასიური, ქვასა
და ხეში განხორციელებული მონუმენტური ფორმები.
ჩვენს დროში კი, არქიტექტორებსა და ხელოვნებათმცოდნეებს
ბროლის სასახლის გარეგანი იერსახის სწორედ ეს სიმარტივე, სისადავე
ხიბლავს, რომელმაც წინასწარ განსჭვრიტა XX საუკუნის დასაწყისის
„საფაბრიკო ესთეტიკა“. მათ ხიბლავს მისი მკაფიო ფორმები - თანამედროვე
არქიტექტორისათვის ასევე დამახასითებელი ნიშანი. ამავე დროს, სასახლის
არქიტექტურაში ამგვარი ფორმალური თვისებების გაძლიერებული
ხაზგასმა, ჩრდილავს მისი აგებისას გამოყენებულ კონსტრუქციულ
სიახლეთა მნიშვნელობას, რომლებმაც სამშენებლო ტექნიკის
განვითარებაზე უფრო მეტი გავლენა მოახდინეს, ვიდრე გარე ფორმებმა.
წიგნში „Язык архитектуры постмодернизма“ („პოსტმოდერნიზმის
არქიტექტურის ენა“) [5], ავტორი ჩარლზ ა.ჯენკსი აკრიტიკებს
თანამედროვე არქიტექტურის უფერულობას (უსახურობას). იგულისხმება
XX საუკუნის მეორე ნახევრის არქიტექტურა. (წიგნის IV გამოცემა გამოვიდა
1984 წელს). ამავე დროს იგი უჩვენებს, რომ არქიტექტურა შეიძლება იყოს
ურთიერთობის ფუნქციის მატარებელი. მასში არის ისეთი ელემენტები და
სისტემები, რომლებიც შეიძლება შევადაროთ თავისი არსით სიტყვებს:
21