დისერტაციის სრული ვერსია - ფაკულტეტი - საქართველოს ...

კონსტრუქციების როლი, მაგრამ მათი ჭეშმარიტი მნიშვნელობა გამოჩნდება
მთელი არქიტექტურის ისტორიის, მისი ფილოსოფიური ასპექტების
განხილვისას. და საქმე იმაში კი არ არის, რომ ერთ არქიტექტურულ სტილს
მეორე ჩაენაცვლა, ახალი კონსტრუქციები XXI საუკუნის არქიტექტურის
ახალი, სივრცობრივი კონცეფციის მატერიალურ-ტექნიკური საფუძველია.
საუბარია შემოქმედებითი, სივრცითი რეალობისა და მისი გამომსახველი
საშუალებების პრინციპულ ცვლილებებზე. გამომსახველ-ორდერული
არქიტექტურის ნაცვლად, რომლის
ძირითადი ამოცანებია შენობების
დიდი მოცულობების მხატვრული გაფორმება და ორგანიზაცია, მოვიდა
არქიტექტურა, რომლის არსებითი ნიშანია - თავისუფალი სივრცის
ფორმების და ელემენტების უპირატესობა დიდ მასებზე. მინის გამოყენების
წყალობით, ახალ სივრცით კონცეფციაზე დაფუძნებული არქიტექტურა
ხასიათდება ისეთი ნიშნებით, როგორებიცაა: სიაშკარავე, სივრცების
განცალკევება, ურთიერთშეღწევადობა, შიდა და გარე სივრცეების შერწყმა
და გადადინება, შუქით გაჯერება“. [7, გვ. 7]
თანამედროვე ნაგებობებში მინის სრულყოფილი საკედლე მასალად
გამოყენებამ დაშალა შენობის არქიტექტურულ ელემენტებს შორის
არსებული მყარი დამოკიდებულება. ესენია: შენობების სათავსოთა
სიმაღლეები, ფანჯრების ზომები, კედლების სისქეები და ა.შ. დიდია ამ
აქტის მნიშვნელობა. არქიტექტორებმა მიიღეს ახალი შესაძლებლობები
თავისი შემოქმედებითი ჩანაფიქრების განსახორციელებლად.
კონსტრუქციული საფუძვლის სახით ხუროთმოძღვრებაში დამკვიდრდა
მზიდი და შემომსაზღვრელი ფუნქციების დიფერენცირების პრინციპი.
ცხადია, ეს პრინციპი სამომავლო მშენებლობებში ფუძემდებლური იქნება,
იგი დროის გამოძახილს პასუხობს - მაღალსართულინი შენობის აგება,
რომლებიც ქალაქების ზრდის შესაბამისად ძირითადი სახის ნაგებობები
იქნება, რაც გადაწყვეტს ქალაქმშენებლობის ბევრ პრობლემას, რომელთაგან
მთავარი მოსახლეობის რაოდენობის ზრდაა ერთის მხრივ და მეორე მხრივ
25