დისერტაციის სრული ვერსია - ფაკულტეტი - საქართველოს ...

დამსახურებით, სტილისტურ ინოვაციებში მონაწილეობს. მინის
კონსტრუქციას შეუძლია შერჩევითად გააუმჯობესოს სივრცე.“
„მინას აქვს ისეთი მნიშვნელოვანი თვისება, როგორიცაა
აბსტრაქტულობა - მისი მეშვეობით მინა აღიქმება გაუჩინარებად
საზღვრად. მინა შეიძლება დაიფეროს, გახდეს მქრალი, სარკისებრი, მაგრამ
მაინც, მისი მთავარი თვისება - გამჭვირვალობაა. ამ თვისების გამოყენება
მრავალფეროვნად შეიძლება.“
„მნიშვნელოვნად შემინული ზედაპირებიანი არქიტექტურული
ობიექტი ნებისმიერ გარემოში, ნებისმიერ ამინდში სხვადასხვაგვარია,
მრავალვარიანტულად ინტერპრეტირებადი, ყოველთვის მდიდარი
მეტაფორებით და ამიტომ - საინტერესო და მიმზიდველი. მინა, აყალიბებს
რა შენობის გარსს, შეიძლება ისეთივე არაგამჭვირვალე იყოს, როგორც ქვა ან
ლითონი. ამასთან, ირეკლავს რა სინამდვილეს, მინა საშუალებას აძლევს
დღის შუქს შეაღწიოს შენობის შიგნით. არქიტექტორები დიდი ხანია
იყენებენ ამ თვისებას და ქმნიან გამჭვირვალობის ფაქიზ სახესხვაობებზე
მოთამაშე მინის ფასადებს.“
„დღესდღეობით არქიტექტორის არსენალში არის ფორმით, ფერითა
და ფიზიკურ-ტექნიკური მახასიათებლებით განსხვავებული გამჭვირვალე
მასალების ფართო ასორტიმენტი, რომლებიც მნიშვნელოვნად
ამრავალფეროვნებენ არქიტექტურული გადაწყვეტილებების პალიტრას.
შემუშავებულია შენობის მზიდ კონსტრუქციაზე მინის ფილებისა და
პანელების დამაგრების ახალი სისტემები. ამის წყალობით ფასადის
ზედაპირი თავისუფლდება ლითონის ვიტრაჟის წვრილად დანაწევრებული
ბადისაგან, რის შემდეგაც არქიტექტორი იმოქმედებს მსხვილი,
ვიზუალურად დაუნაწევრებელი შუქგამჭვირვალე ზედაპირებით.“
„სავსებით გასაგებია, რომ სწორედ მინა, ლითონთან ერთად იქცა ჰაი-
ტეკის სტილის ძირითად მასალად. სწორედ ჰაი-ტეკი განასახიერებს
ყველაზე სრულად იმ მასალასთან მუშაობის ესთეტურ პროგრამას,
43