10 - Vaticano

Congregatio de Causis Sanctorum 651
ACTA CONGREGATIONUM
CONGREGATIO DE CAUSIS SANCTORUM
MARIANOPOLITANA
Canonizationis Beati Andreae Bessette (in saec.: Alfredi), Fratris Professi Congregationis
Sanctae Crucis (1845-1937)
DECRETUM SUPER MIRACULO
Beatus Andreas Bessette (in saec.: Alfredus) natus est in vico Sancti
Gregorii de Iberopoli prope Marianopolim in Canada e pauperrima familia.
Adhuc puer utroque orbatus parente, exiguam recepit institutionem, cum,
licet infirma frueretur valetudine, praecoci ei oporteret affici labore, quo
vitam expediret. Vocationem ad vitam religiosam percipiens, Congregationem
Sanctae Crucis ingressus est. Institutionis consummato tempore, ei commissum
est munus ostiarii Collegii Dominae Nostrae de Marianopoli, ubi
quadraginta annos degit, officium suum explens in summa humilitate. Si
forte vacaverit, Beatus aegrotos assidue visitabat, quos etiam ad ferventem
devotionem erga Sanctum Ioseph exhortabatur. Anno 1894, Frater Andreas
adeptus est licentiam parvi oratorii exstruendi in capite Montis Regalis, qui
Marianopoli imminet, in honorem Sancti Ioseph dicati, quod brevi, locus
creber peregrinationibus factum ac dein ampliatum, Sanctuarii titulo honestatum
est et ipsius Andreae custodiae concreditum. Aetate iamiam provectus,
die 6 mensis Ianuarii anno 1937 Marianopoli in Domino quievit. Summus
Pontifex Ioannes Paulus II anno 1982 eum in numerum Beatorum rettulit.
Canonizationis respectu, Causae Postulatio iudicio huius Congregationis
de Causis Sanctorum assertam subiecit miram sanationem, quae Marianopoli
occurrit, pueri Alexandri Gagné, qui die 11 mensis Iunii anno 1999, dum
birotae ope nullo protegente galeari pervagabat, autoraeda provolutus est