10 - Vaticano

Congregatio de Causis Sanctorum 657
quae interdum Institutum Sororum Capuccinarum a Matre Divini Pastoris
ingressa erat, cum usum oculorum vitreorum ferre non posset, ad divinum
auxilium devote confugit, per intercessionem Servi Dei et Fundatoris Instituti
sui impetrans, ut e tanto molesto labore eriperetur. Novendiali supplicatione
perfecta, mane diei 7 mensis Augusti anno 1995, dum humilibus
domesticis negotiis vacabat, se ab omni luminum incommodo sanatam percepit.
Insequentes perscrutationes, omnium recentissimorum evolutorumque
instrumentorum ope patratae, confimaverunt plenam recuperationem omnis
visionis facultatis et iuvenis aegrotae perfectam sanationem.
Clarissime patuit congruentia temporis, sicut et nexus inter invocationem
Venerabilis Servi Dei et sanationem Sororis Helgae Rincón Prieto, quae nunc
optima valetudine gaudet et normales exinde vitae consuetudines gerere
potest.
De hac mira habita sanatione apud Curiam Archiepiscopalem Barcinonensem
a die 21 mensis Iunii et ad diem 3 mensis Novembris anno 2006,
necnon apud Curiam Archiepiscopalem Bogotensem inter dies 3 et 5 mensis
Augusti eiusdem anni, Inquisitio dioecesana celebrata est, cuius auctoritas et
vis iuridica a Congregatione de Causis Sanctorum Decreto diei 27 mensis
Aprilis anno 2007 probatae sunt.
Dicasterii Medicorum Collegium in Sessione diei 26 mensis Martii anno
2009 una voce ac sententia sanationem rapidam, completam, duraturam et
inexplicabilem secundum hodiernam scientiam medicam fuisse affirmavit.
Die 16 mensis Iunii eiusdem anni, Congressus Peculiaris Consultorum
Theologorum prospero cum exitu factus est, cuius sententiam Sessio Ordinaria
Patrum Cardinalium et Episcoporum, die 27 mensis Octobris anno 2009
habita, Ponente Causae Excellentissimo Domino Petro Iacobo De Niccolò,
Archiepiscopo tit. Martanaënsi Tudertinorum, confirmavit.
Et in utroque coetu sive Consultorum sive Cardinalium et Episcoporum,
posito dubio an de miraculo divinitus patrato constaret, responsum affirmativum
prolatum est.
Facta demum de hisce omnibus rebus Summo Pontifici Benedicto XVI
per subscriptum Archiepiscopum Praefectum accurata relatione, Sanctitas
Sua, vota Congregationis de Causis Sanctorum excipiens rataque habens,
hodierno die declaravit: Constare de miraculo a Deo patrato per intercessionem
Venerabilis Servi Dei Iosephi Tous y Soler, Presbyteri ex Ordine Fratrum
Minorum Capuccinorum et Fundatoris Sororum Capuccinarum a Matre Divini