10 - Vaticano

668
Acta Apostolicae Sedis – Commentarium Officiale
nis de Causis Sanctorum die 14 mensis Decembris anno 2001 est recognita.
Die 20 mensis Ianuarii anno 2009 Consultorum Theologorum actus est Peculiaris
Congressus, qui validitatem recognovit elementorum materialium et
formalium martyrii. Hic positivus exitus die 1 mensis Decembris anno 2009
est confirmatus a Patribus Cardinalibus et Episcopis in Sessione Ordinaria
congregatis, Causae Ponente Eminentissimo Domino Stanislao S.R.E. Cardinale
Ryłko.
De hisce omnibus rebus, referente subscripto Archiepiscopo Praefecto,
certior factus, Summus Pontifex Benedictus XVI, vota Congregationis
de Causis Sanctorum excipiens rataque habens, hodierno die declaravit:
Constare de martyrio eiusque causa Servi Dei Georgii Popiełuszko, Sacerdotis
Dioecesani, in casu et ad effectum de quo agitur.
Hoc autem decretum publici iuris fieri et in acta Congregationis de Causis
Sanctorum Summus Pontifex referri mandavit.
Datum Romae, die 19 mensis Decembris A. D. 2009.
e Angelus Amato, S.D.B.
Archiep. tit. Silensis, Praefectus
L. e S.
e Michaël Di Ruberto
Archiep. tit. Biccarensis, a Secretis
BAREN.- BITUNTINA
Canonizationis Beati Iacobi Illyrici de Bitecto, laici professi ex Ordine Fratrum
Minorum (1400-1496)
DECRETUM SUPER VIRTUTIBUS
« Beati mundi corde, quoniam ipsi Deum videbunt (Mt 5, 8). Vere mundi
corde sunt, qui terrena despiciunt, caelestia quaerunt et semper adorare
et videre Dominum Deum vivum et verum mundo corde et animo non
desistunt » (S. Franciscus Assisiensis, Admonitiones, 16).