Lynx

pistool of haelgeweer skiet. Daar
is ook skietbrille waarvan die
vergrotingsgedeelte, net soos by ‘n
gewone leesbril, aan die onderkant van
die lens aangebring is. Op dié wyse word
daar gepoog om vir alle omstandighede
voorsiening te maak.
Elke bril is met verskillende lense
toegerus wat maklik omgeruil kan
word. Die kleur van die lense wissel
tussen helder, geel of donker. Om die
lense om te ruil, is eenvoudig – jy trek
doodeenvoudig die lens na die buitekant
toe om dit te verwyder. Die ander lens
word dan op dieselfde manier ingesit.
Die skietbril is beskikbaar in
vergrotings van onderskeidelik
1.00; 1.25; 1.50; 2.00; 2.50 en 3.00,
ooreenstemmend met die vergrotings
wat vir ‘n gewone leesbril gebruik word.
Om doodseker te maak dat jy die regte
vergroting aanskaf, is dit raadsaam om
eers ‘n apteek of ‘n oogkundige te besoek
en te toets watter vergroting vir jou oë
geskik is. Hou byvoorbeeld ‘n voorwerp
soos ‘n pen ‘n armlengte van jou af en
kies dan die vergroting wat die pen se
punt die duidelikste vertoon.
‘Anti-fog coating’ is op al die lense
aangebring wat wasem op die lense
teëwerk. Die stewige raam is van
duursame plastiek vervaardig. Die
gaatjies in die raam laat ventilasie toe
om sodoende ook wasem op die lense te
verminder.
SSP Eyewear is deur die
‘Washington State Criminal Justice
Center’ gekontrakteer met die
opdrag om ‘n spesiale skietbril vir
hul skietinstrukteurs te ontwikkel.
Die skietbril is egter so goed deur
die owerhede ontvang dat hulle
toestemming aan die maatskappy
verleen het om dit ook aan die algemene
publiek beskikbaar te stel.
Dit is egter nie al nie. SSP Eyewear
het die skietbril ook so vervaardig om
maksimum beskerming aan skuts te
verleen sodat hul oë nie maklik deur
vlieënde voorwerpe beskadig kan word
sou die koeël moontlik ‘n harde basis
tref nie. Om dit op die proef te stel,
het ons die SSP Eyewear-skietbril op
‘n spanspek geplaas en vanaf twintig
meter met nommer 7-hael uit ‘n
12-boor haelgeweer geskiet. Slegs ‘n paar
klein merkies was op die lense sigbaar.
Ons het toe die proses op ‘n afstand
van tien meter herhaal en, alhoewel die
bril aan flarde was, was die lense nog
heel. Nie een van die lense is deur die
haelballetjies gebreek nie.
Lynx Optics is die invoerders van SSP
Eyewear-produkte. Vir verdere inligting
kontak hulle gerus by 011 792 6644 of
stuur ‘n e-pos aan info@lynx.co.za.
klik of skandeer die meegaande
QR-kode met jou selfoon om na ‘n
videosnit oor SSP Eyewear te kyk. WL
Vriesraampie van die oomblik toe die haelkorrels
die spanspek en die bril op ‘n afstand van
20 m tref.
Vriesraampie van die oomblik toe die haelkorrels
die spanspek en die bril op ‘n afstand van
10 m tref.
Daar was net ‘n paar klein merkies op die bril na
die skoot wat op 20 m afgevuur is.
Die lense van die bril was nog heel, selfs nadat
die skoot op 10 m afgevuur is.