Lynx

More documents

Recommendations

Info

Howa M1500 Howa-gewere is tans baie gewild in Suid-Afrika en hulle verkoop letterlik soos soetkoek. Verder is dit uitstekende waarde vir geld en oor die jare het Howa met hul M1500-aksie ‘n reputasie van akkuraatheid opgebou. Die eienaar van Wildman in Ermelo, Frikkie du Plooy, het ons gevra om die Howa M1500 in .243 Win-kaliber met ‘n Lynx 5-20X50mm (LX2) teleskoop, te toets. Op die skietbaan aangekom, het ek die Howa uit alle hoeke beskou, want ek het nog nooit vantevore met een geskiet nie – altans nie waarvan ek kan onthou nie. My eerste algemene indrukke daarvan was besonder bevredigend en ek het dadelik die Amerikaanse invloed op die geweer opgemerk. Daar word beweer dat die Howaaksie op die Sako-ontwerp gebaseer is, maar in werklikheid is dit baie nader aan die Remington Model 700-aksie. Selfs Remington-teleskoopbasisse kan gebruik word. Die aksie is van die stootvoertipe met twee sluitnokke aan die voorpunt van die grendelskag. Dit beskik oor ‘n ‘catnail’-uittrekker en ‘n ‘plunger’- uitwerper, presies soos Remington. Die aksie maak egalig oop en toe en dit voer elke rondte seepglad in sy keel af. As die skoot geklap het, word die doppie ook positief uitgetrek en weggewerp. Dit beskik oor ‘n drie-posisionele veiligheidsknip wat ek as ‘n groot pluspunt beskou. Die M1500 wat ons getoets het, was met ‘n gewone sneller toegerus, maar dit kan met die verstelbare HACT-sneller vervang word, sodat die skut die sneller presies na sy eie behoeftes kan verstel. Die lope word op die beproefde ‘hammer-forged’-metode vervaardig en dit dra by tot die akkuraatheid van die Howa. Vir die Howa M1500 word die nuwe Boyds AT-One gelamineerde houtkolf gebruik. Dit is ‘n baie interessante ontwerp deurdat die terugskopkussing in- of uitgetrek kan word om by die postuur van die skut of jagter aan te pas. Vir kort, maer outjies, soos Pierre van der Walt, sal die kolf dus korter wees as vir my. Die wangstuk kan ook op- en afgestel word om verder by te dra tot die gemaklikheid en algemene akkuraatheid van die skut wat die sneller trek.
Lynx-teleskoop Op die Howa wat ons uitgetoets het, was ‘n Lynx 5-20X50 (LX2)teleskoop gemonteer. Dit maak hierdie spesifieke geweer die ideale langafstandgeweer. Lynx-teleskope is ‘n plaaslike ontwerp maar wat, soos baie ander teleskope, in Japan vervaardig word. Oor die jare het Lynx ook ‘n reputasie opgebou wat van betroubaarheid en akkuraatheid spreek. Die eienaar van Lynx is Michael Rodgers. Sy pa, Tom Rodgers, het jare gelede begin om Lynx-teleskope in te voer. Die verhaal van Lynx begin in 1982 toe wyle Tom die maatskappy gestig het. Van die staanspoor af wou Tom ‘n teleskoop aan Suid-Afrikaners verskaf wat presies aan die plaaslike behoeftes voldoen. Verder het hy ook uiterste klem op naverkopediens gelê wat tot vandag toe nog geld. Jou Lynxteleskoop is lewenslank gewaarborg teen vervaardigingsdefekte en sal gratis herstel word, indien nodig. Lynx het ook drie voltydse tegnici in diens by hul kantore in Johannesburg wat enige ander probleme vinnig en akkuraat sal oplos; selfs as die Lynx-teleskoop erg beskadig is, sal dit teen nominale pryse herstel word. Die tegniese spesifikasies is soos volg: (Let daarop dat ons dit in Engels verskaf presies soos dit in Lynx se bemarkingsbrosjure aangedui word.) Actual magnification: Exit pupil diameter (mm): Eye relief (mm): Actual field of view (metres): Objective diameter: Total windage adjustment range: Total elevation adjustment range: Tube diameter : Waterproof: Recoil proof: Fog proof: Temperature operating range: Reticle: Switch: Eleven brightness settings Battery: Parallax: Eyepiece: Lens coating: Light transmission: Windage /Elevation controls: Windage / elevation click value: Length: Weight: Country of manufacture: Low Power High Power 5.21 19.6 10 2.5 96 103 3.65 0.97 50 mm 40 MOA 40 MOA 30 mm Positive internal pressure 300 kPa Submersible 1 metre for 60 minutes 1000G (.375 approximate equivalent + 25%) Purged with dry nitrogen -17 to +71°C Glass etched or metal, depending on the model. 2nd focal plane. Rotary mechanical CR2032 Side focus 25 m to infinity Side focus 25 m to infinity Fully multi-coated 99.7% per lens surface Tactical controls or finger adjustable hunting controls with tool-free zero ¼ MOA 353 mm 800 g Japan
Page 1 and 2: SA: R36,50 BTW Ing. / VAT Incl. Nam
Page 3: wapens (waaronder jaggewere) is ont
Page 7 and 8: Klik of skandeer die meedaande QR-K
Page 10: LEFT: Louis Steyn sighting in the L
Page 13 and 14: pistool of haelgeweer skiet. Daar i

Lynx

You also want an ePaper? Increase the reach of your titles

Delete template?

Save as template?