You also want an ePaper? Increase the reach of your titles
YUMPU automatically turns print PDFs into web optimized ePapers that Google loves.
Howa M1500<br />
Howa-gewere is tans baie gewild in<br />
Suid-Afrika en hulle verkoop letterlik<br />
soos soetkoek. Verder is dit uitstekende<br />
waarde vir geld en oor die jare het Howa<br />
met hul M1500-aksie ‘n reputasie van<br />
akkuraatheid opgebou. Die eienaar<br />
van Wildman in Ermelo, Frikkie du<br />
Plooy, het ons gevra om die Howa<br />
M1500 in .243 Win-kaliber met ‘n <strong>Lynx</strong><br />
5-20X50mm (LX2) teleskoop, te toets.<br />
Op die skietbaan aangekom, het ek die<br />
Howa uit alle hoeke beskou, want ek het<br />
nog nooit vantevore met een geskiet nie<br />
– altans nie waarvan ek kan onthou nie.<br />
My eerste algemene indrukke daarvan<br />
was besonder bevredigend en ek het<br />
dadelik die Amerikaanse invloed op die<br />
geweer opgemerk.<br />
Daar word beweer dat die Howaaksie<br />
op die Sako-ontwerp gebaseer is,<br />
maar in werklikheid is dit baie nader<br />
aan die Remington Model 700-aksie.<br />
Selfs Remington-teleskoopbasisse kan<br />
gebruik word.<br />
Die aksie is van die stootvoertipe<br />
met twee sluitnokke aan die voorpunt<br />
van die grendelskag. Dit beskik oor<br />
‘n ‘catnail’-uittrekker en ‘n ‘plunger’-<br />
uitwerper, presies soos Remington.<br />
Die aksie maak egalig oop en toe<br />
en dit voer elke rondte seepglad in<br />
sy keel af. As die skoot geklap het,<br />
word die doppie ook positief uitgetrek<br />
en weggewerp.<br />
Dit beskik oor ‘n drie-posisionele<br />
veiligheidsknip wat ek as ‘n groot<br />
pluspunt beskou.<br />
Die M1500 wat ons getoets het, was<br />
met ‘n gewone sneller toegerus, maar dit<br />
kan met die verstelbare HACT-sneller<br />
vervang word, sodat die skut die sneller<br />
presies na sy eie behoeftes kan verstel.<br />
Die lope word op die beproefde<br />
‘hammer-forged’-metode vervaardig<br />
en dit dra by tot die akkuraatheid van<br />
die Howa.<br />
Vir die Howa M1500 word die nuwe<br />
Boyds AT-One gelamineerde houtkolf<br />
gebruik. Dit is ‘n baie interessante<br />
ontwerp deurdat die terugskopkussing<br />
in- of uitgetrek kan word om by die<br />
postuur van die skut of jagter aan te pas.<br />
Vir kort, maer outjies, soos Pierre van<br />
der Walt, sal die kolf dus korter wees as<br />
vir my. Die wangstuk kan ook op- en<br />
afgestel word om verder by te dra tot die<br />
gemaklikheid en algemene akkuraatheid<br />
van die skut wat die sneller trek.