Lynx

More documents

Recommendations

Info

Toets op die skietbaan Die Howa het presies in my skouer gepas nadat die nodige verstellings aan die lengte van die kolf en die hoogte van die wangstut gedoen is. Die ammunisie is glad gevoer en die doppies presies uitgetrek. Alhoewel die sneller ‘n redelike lang trek het, pla dit nie en ek dink ook nie dit sal mens vir algemene jagtoestande hinder nie. Buitendien kan die sneller vervang word met Howa se nuwe en meer gevorderde sneller sou mens ‘n akkurater skoot verlang. Ek was aangenaam verras toe ek deur die teleskoop kyk. Met die eerste oogopslag kry mens dadelik die besef van kwaliteit. Dit is duidelik dat die vervaardigers nie die opsie oorweeg het om ‘goedkoop’ materiaal te gebruik nie; anders sou die bogenoemde spesifikasies nie so indrukwekkend gewees het nie. Dit is duidelik dat Lynx ‘n deeglike studie van die Suid-Afrikaanse mark gemaak het en dus is die ontwerp en vervaardiging van hul teleskope presies in ons kraal. Ons het eerstens die gewone skiettoets gedoen om te bepaal of dit wel ‘n ¼ duim met elke kliek verstel. Wel ons is nie Bisley-skuts nie, maar die klieks was baie naby aan ‘n ¼ duim. Ons het ook die hoogte- en windverstelling getoets en elke keer 8 klieks verstel en weer geskiet. Op die ou einde het ons 32 klieks sywaarts op- en afgestel. Die laaste en eerste skote was minder as ‘n duim uitmekaar. Die gewone skoktoets is ook gedoen en die geweer met die gemonteerde teleskoop is redelik hardhandig gehanteer. Ook hierdie toets is met lof geslaag. André Jr. het daarna ‘n drie-skoot groepering op 100 meter geskiet en die koeëlgate het mekaar gesny. Ons het toe die teiken op die 200 meter-merk geplaas en drie skote geskiet wat binne ‘n duim gegroepeer het. Ons het die Howa en Lynx toe weer hardhandig gehanteer en ‘n vierde skoot geskiet; dit was steeds binne ‘n duim groepering. Toe ons op die skietbaan was, het ons ook ‘n video vir SSG-sakke gemaak om die duursaamheid van hul produk te demonstreer. Gerhard Greeff van SSG het voorgestel dat ons die Howa met die Lynx-teleskoop in ‘n SSG-sak plaas en met die bakkie daaroor ry. Hy het ook onderneem om die skade te betaal sou enigiets verkeerd gaan. Dit is in sulke gevalle dat ek bly is die eienaar van die produkte wat getoets word, is nie teenwoordig nie. Ek weet regtig nie of hy ooit daartoe sou ingestem het nie, veral as mens in ag neem dat die sak slegs van ‘n sagte tipe materiaal vervaardig word. Geen metaal word gebruik om die sak te verstewig nie. Gerhard het eers ‘n skoot geskiet. Daarna het hy die sak met die geweer en die teleskoop onder die agterwiel van die bakkie geplaas en daaroor gery. Ons het almal asem opgehou toe die sak oopgemaak word. Tot ons grootste verbasing was daar net stofmerke op die geweer en teleskoop sigbaar. Alles het nog perfek gewerk. Gerhard het weer ‘n skoot geskiet en die twee koeëlgate het mekaar gesny. Dit was vir my die proof of the pudding. Nie net was daar geen skade aan die Howa en Lynx nie, maar dit het ook bewys dat SSG-sakke die nodige beskerming aan duursame toerusting verleen – presies soos die vervaardiger beweer. (Lees ook gerus ons Produk van die Maand-artikel op bladsy 20 vir meer inligting oor SSG-sakke.) Slot Wel, ek dink nie ek hoef enigiets verder te sê nie. Beide die Howa en die Lynx het gepraat. Indien mens die bekostigbare pryse van beide hierdie produkte in aanmerking neem, is dit uitstekende waarde vir geld uit Japan. Ek dink die dae dat mens na produkte uit Japan as ‘cheap’ of minderwaardig verwys, is verby. Met die Howa en Lynx het hulle die teendeel bewys – onthou dat die legendariese Toyota Land Cruiser ook uit Japan kom. Indien meer inligting oor hierdie produkte verlang word, kontak gerus enige Wildman-tak. Daar is tans ‘n spesiale aanbod by hul takke beskikbaar. Lynx kan by 011 792 6644 gekontak word. WL Die twee groeperings wat ons met die Howa- en Lynx-kombinasie geskiet het. Links is die groepering van vier skote op 200 m en regs is die groepering van drie skote op 100 m. 200 m 100 m Skandeer die meegaande QR-kode om na ‘n videosnit van Howa en Lynx te kyk
Klik of skandeer die meedaande QR-Kode om na ‘n videosnit van Howa en Lynx te kyk!
Page 1 and 2: SA: R36,50 BTW Ing. / VAT Incl. Nam
Page 3 and 4: wapens (waaronder jaggewere) is ont
Page 5: Lynx-teleskoop Op die Howa wat ons
Page 10: LEFT: Louis Steyn sighting in the L
Page 13 and 14: pistool of haelgeweer skiet. Daar i

Lynx

You also want an ePaper? Increase the reach of your titles

Delete template?

Save as template?