Kamp is Lekker Tydskrif November 2020

More documents

Recommendations

Info

maar wel met goeie voorbereiding. Haar redenasie was egter dat dit steeds naby genoeg was aan al die geriewe, dit veilig is, nie pikdonker is nie en dat sy haar huis kombuis kan gebruik indien sy wou. Ons kan ook nie die keer vergeet om iets in te pak wat ons later sal benodig nie omdat alles wat ons moontlik kan benodig ŉ paar tree vanaf ons kamp sal wees. D ie opslaan van die kamp gebeur toe sommer vinnig. Om die waarheid te sê dit het nog nooit so vinnig gebeur nie. Was dit dan omdat ons nie nodig gehad het om alles in te pak nie? Hoe dit ook al sy, dit was maklik, amper te maklik! Sy is vinnig winkel toe met ŉ kamp-inkopielys. Ek het gesorg dat daar ekstra ligte is, die braaier skoongemaak, die opblaasmatras gereed gekry en omdat dit in die middel van die winter was het ek selfs die verlengingskoord gebruik en ons elektriese kombers bo-op die matras gesit sodat die koue van onder af nie ons beetkry nie. ŉ Boer maak ŉ plan en dink sommer vooruit ook! Die aand nadat ons gebraai het en op ons kampstoele voor die vuur sit kom ons agter dat dit veel kouer is as wat ons gedink het dit gaan wees. Net voor agt die aand sien ek dat ons nie genoeg hout gaan hê vir die aand nie en dat die hout veel vinniger gebrand het as wat ek gedink het. Dit was ook nog die tyd toe die aandklokreël reeds om agtuur in werking getree het. My vrou het gou die ketel gaan kook vir koffie sodat ons kan warm word. Die Uno-kaarte is gereed en die warm bed en tent staan gereed. Nadat my vrou die koffie gemaak het, het ons besluit dat dit veiliger sal wees om die huis te sluit en slegs enkele ligte aan te los. Met genoeg lig buite het ons die tent ingekruip en onder die warm komberse ingeklim. Ons het skaars ŉ sluk van ons koffie geneem toe dit skielik pikdonker word. Eskom het besluit om ons pret te bederf. Met ŉ geskarrel in die donker val ons byna uit die tent uit. “Waar is die flits of ligte wat jy herlaai het?” “Waar is jou foon sodat ek kan sien waar jy die sleutels van die huis neergesit het?”
In al die opwinding van kamp opslaan het ek vergeet om die flits uit die huis te bring. Ek het ook vergeet om die ligte na verlede week se beurtkrag te herlaai en die is ook in die huis. Nie ek of my vrou kry die huis se sleutel nie en dit nadat sy hom nou net hier iewers neergesit het. Ek het hordes ligte uitgepak, genoeg om elke donker hoek in die erf die lig te laat sien, meer meteens is hulle nutteloos en dien slegs as ŉ strik in die donker en laat jou op jou knieë die grond ontmoet. N a ŉ kortstondige gestryery en die-een-blameer-daaieen argument en ŉ skedule van vier en ŉ half ure se beurtkrag wat op ons wag, ŉ geslote huis en die sleutel wat iewers naby ons in die donker lê, het ons, ons koffie in stilte gedrink. In die plek van ŉ knetterende vuur en die naggeluide van die bos of see waar ons gewoonlik sou kamp, was slegs die gedruis van kragopwekkers in die buurt, honde wat blaf en die verlangse waarskuwing van sirenes. Ons het gaan slaap en gou agtergekom dat ek die verkeerde opblaasmatras uit die kas in die motorhuis geneem het. Die een wat ek gevat het, het iewers ŉ lekkasie en ek sou dit nog na een van ons vorige kampe opgespoor het en reggemaak het. Ek het nooit. Dit was nie net koud nie, die nag was lank en die grond was hard. Teen na middernag toe die ligte aangaan en my vrou die huis se sleutel in haar jas se sak ontdek kon ons net daaroor lag. Ons kon in die huis ingaan en op ons bed gaan slaap, maar ons is kampeerders en kampeerders trotseer uitdagings en al die elemente. Sy het die keer die regte matras in die motorhuis gaan haal en ek het die koffie gemaak. Sy kon hom in ŉ japtrap met die elektriese pomp opblaas. Met die elektriese kombers wat hitte genereer, warm koffie en ligte wat weer brand besef ek net een ding. As jy wil hê dat iets van die begin af reg werk, gee dit vir ŉ vrou. Ons tuin-kamp was byna ŉ tuinramp, maar volgende keer doen ons dit weer, net die keer met LekkeR Kampplekke se kamppaklys en die voorbereiding deur my vrou.
Page 1 and 2: November 2020 HIER word stories geb
Page 3 and 4: W at is dan nou lekkerder as om by
Page 5: Van die kampeerders het ook vroegog
Page 10 and 11: die eerste oogopslag kan jy sien da
Page 12 and 13: Die kuns van ‘n tuin-kamp (ramp)
Page 16 and 17: Sand-Free Multimat Groundsheet Stra
Page 19: CAMPING MADE EASY https://bundutec.
Page 22 and 23: Jy kan steeds lekker en veilig kamp
Page 26: Werner Pretorius 0829290824 info@bo
Page 29: Top 10 Travel & Holiday Guides

Kamp is Lekker Tydskrif November 2020

You also want an ePaper? Increase the reach of your titles

Delete template?

Save as template?